ممكن اخبار عن كلية الاثار وهل هى ليها مستقبل كويس واه نظامها

ياريت حد يقولى

كلية اثار من كليات القمة واكيد ان شاء الله مستقبلها كويس ربنا يوفقك

شكرا على الرد

اولا احب اهنى الناجحين واقولهم الف مبروك وثانيا انا فى كليه الاثار جامعة القاهره وانت عاوز تعرف ايه عن الكليه وانا هقوله لك باذن الله

بالاضافه لانها من كليات القمه لها مميزات كتير تخصها هى وبس واى سوال ابعته وانا هشرحلك كل اللى انت عازه عن الكليه واقسامها

هما اللى فى كلية اثار بيطلعوا يشتغلوا اية بعد ما يتخرجوا؟ وهل ليها اختبارات؟ وهل هى كلية صعبة؟

كلية الاثار كلية من كليات القمة و لها مستقبل

والله انا اللي اعرفه ان آثار متعبة جدا في الدراسة .. لإن بنت عمتي فيها

وشوفت الكتب بتاعتهم تنحت والله ..

وخلال الدراسة بتتعلموا اللغات التانية .. زي الدموطيقية والهيروغليفية والقبطية

سلام عليكم ؛انا كمان تالته ثانوى وزيك يا اسلام عايزه اعرف معلومات عن اثار لانى لو ملحقتش اعلام فبالضروره هدخل اثار لانى مش عايزه ادخل جامعة عين شمس (ده بالنسبه للالسن طبعا ) فعايزه اعرف ايه مميزات الاثار وممكن نشتغل ايه بعدها وكمان حكاية السفر دى فبليز يا سفيرة المستقبل تردى علينا

دية المعلومات الى قدرت اجمعهالكوا عن الكلية و يارب تفيدكوا

الكليه فيها 3 اقسام

قسم الاثار المصريه.....دا بيقبل تقريبا من 42الى44 في مجموع الانجلش

قسم الاثار الاسلاميه ............بدون شروط


قسم ترميم الاثار.........ودا بيكون باامتحان عشان العدد اللي بيتقبل فيه قليل

التخصص بيبقى في سنة اولى بس الترم التاني

انت بتدخل اول ترم فالكلية بتدرس 5 مواد

فيها كل التخصصات

وتيجي اخر الترم تملى ورقة رغبات

الدراسة فالاقسام بقي

اولا قسم ترميم:هتاخد شوية فيزياء وكيمياء ورسم بألوان زيت وتشكيل طين وجبس ورسم معمارى

وقسم مصرى: هتاخد هيروغليفى وشوية لغات وشرق ادنى وتاريخ وكدة

وقسم اسلامى :الفتح الاسلامى واثار اسلامية وهكذااا
وبيقولوا ان قسم الترميم اصعب قسم
وبعديه المصرى وبعدين الاسلامى
اى خدمة
ربنا يوفقكوا
:)