السلام عليكم ورحمة الله وبركاته
لو سمحتم ياجماعة اذا فيه حد فى المنتدى من السنبلاوين يفيدنى ربنا يكرمكم
ان شاء الله امتحانى بكرا فى مدرسة اللغات الاعدادية.م بالسنبلاوين طريق المعاهدة ومش عارفة اروح لها ازاى بالظبط وحتى رقم التليفون اللى موجود محدش بيرد عليه وبالبحث اساسا مش موجودة فى مدارس السنبلاوين
ولا هى ليها اسم تانى ولا ايه؟
بالله عليكم تردوا عليا ضرورى

توك توك بجنيه ..هيوصلك لحد المدرسه...بسيطه..ربنا يوفق الجميع

يعنى اسم المدرسة صح ولا ليها اسم تانى
لان كلمت ناس من السنبلاوين مش عارفينها
ومعلش سؤال كمان فيه مكان جمبها معروف او حاجة؟

السنبلاوين صغيره روح بدرى ومع اى توك توك............ وان شاء لله هتوصل.. ما دام فى السنبلاوين اكيد
... انا بعمل كده ونا رايح هناك فى اى مشواار

شكرا على رد حضرتك
جزاك الله خيراً

لو جاي من المنصورة انزل عند المفارق عند تمثال ام كلثوم و 100 متر على الشمال هتلاقى المدرسة
و لو جاى من اجا انزل عند المفارق عند البنزينه و برده 100متر على اليمين
و لو جاى من ميت غمر او طريق الزقازيق انزل عند المفارق عند الموقف و حوالى 200متر على اليمن
و اسمها مدرسة اللغات التجريبية المتكاملة
و زى ما السادة الافاضل اقترحوا اى تكتك هيوصلك

ان شاء الله جاية من المنصورة
بعد اذن حضرتك انا هنزل الموقف ولا قبله؟
هى المدرسة ليها اسمين ولا دة اسم شهرة ولا ايه بالظبط؟

طريق المعاهده الى تقصده بيبدأ من عند البنزينه فى اول السنبلاوين طريق اجا ومنها الى الزقازيق او ميتغمر اى توك توك هيوصلك ب2 جنيه انت منين اساسا وتخصصك ايه

من المنزلة وتخصصى انجليزى

انتوا حيرتونى كدة
اعمل ايه دلوئتى؟
انزل الموقف ولا قبله ولا فين بالظبط؟

يا استاذه انتى حضرتك انزلى فى اول السنبلاوين عند بنك مصر ومن هناك خدى اى توك توك هى قريبه قولى للسائق نزلى عند البنك اول متدخلى السنبلاوين احسن متنزلى عند تمثال ام كلثوم والتكاتك قليله هناك احسن وهتلاقى مجموعه مدارس كتير فى طريقك الثانويه بنات والتجارة وابن الوليد واحمد لطفى السيد وفى الخلف المعاهد الازهريه والصنايع والتجارة بنين وطريق المعاهده ممكن تشوفيه

شكرا لحضراتكم ع المساعدة
وربنا يستر ويعدى اليوم دة على خير