** وتتكرر حوادث النصب ** [الأرشيف] - بوابة الثانوية العامة المصرية

مشاهدة النسخة كاملة : ** وتتكرر حوادث النصب **

happiness_sadness7

10-08-2008, 11:36 AM

السلام عليكم ورحمة الله وبركاته

** وتتكرر حوادث النصب **

انا حبيت اكتب الموضوع ده علشان
احكي حاجة حصلت معايا شخصيا
اولا : من اسبوع تقريبا في ايميل دخل عليا
بعنوان
هتقولولي وبعدين ؟؟
هاقولكم استنوا عليا شوية

قبل الايميل ده مايدخل عليا وصلتلي رسالة عالايميل
مكتوب من البنك الاول في نيجيريا و بتقول بس طبعا بالانجليزي

مبرووووووووووووك انت فزت معانا ب 500000 دولار يعني تقريبا 2.5 مليون جنيه
وادوني استمارة كده علشان املاها
فيها طبعا الاسم بالكامل والسن وتاريخ الميلاد ورقم حسابي في البنك

انا بصراحة افتكرت الموضوع حقيقة بس في نفس الوقت كنت محاذر ( وحاذر من صاحبك ولاتخونوش )
عالعموم هتقولولي ايه الرخامة ده ماتدخل في الموضوع بقي

دخل عليا الايميل ده بقي اللي انا كتبته فوق
وبعدين قالتلي انها اسمها مس ناتاشا ويليامز وانها هي المشرفة علي تسليمي الجايزة بتاعتي
انا عن نفسي ملحد الوقتي عادي ماشي ههههههه انا عاوز الجايزة
المهم ... تبادلت معاها الرسايل وكلمتها عادي وبعدين بقي قالتلي تابع رسايل البنك

فالمهم جالي ايميل من البنك بقي
بيقولولي فيه اهلا بيك يا سعيد الحظ المهم الوقتي علشان نحولك الجايزة ده في حسابك للبنك لازملها اتعاب
قلتلهم اتعاب ازاي ؟؟
قالولي شوية اسعار كده للتحويل بالبريد وللتحويل علي طول في الحساب الكترونيا

1250 دولار او 1350 دولار او 1450 دولار

قلت الله هو انتم منهم انا اقصد طبعا (( النصابين ))

المهم قلت بقي ياواد يااحمد ظبط نفسك واتسلي بيهم قبل مايتسلوا بيك

دخلت انا بقي علي الايميل بتاع السيدة الشريفة ناتاشا (( مش غريبة شريفة ده ))

لا طبعا ده ست الاشراف وهتعرفوا ازاي الوقتي ؟؟؟

المهم دخلت واتكمت معاها هاي رحمة الله وبركاته والكلام ده هي طبعا قايلالي انها ماليزية وبتشتغل
في البنك النيجيري
قلتلها انا مش معايا المبلغ ده كله الوقتي اللي انا هاحولهولها 1250 دولار
قالتلي خد من باباك .. اتسلي بقي ياد يااحمد
انا طبعا بابايا في مصر وكل حاجة بس انا عرفت انها نصباية المهم
قلتلها بابا ؟؟ لا ده بابا في الامارات ومش هينفع يحولي الفلوس ده

قالتلي طيب استلف من اصحابك (( يابنت اللذين ))
قلتلها خدي من فلوس الجايزة
قالتلي لا اصلها محمية وماحدش يقدر ياخد منها ولا مليم ( وحيات امك )

قلتلها اوك ... ( وحيات امي لامربيكي )
ممكن يامس ناتاشا بليز استلف منك ؟؟ ( الواد عمل فيها مؤدب )
قالتلي انت معاك كام الوقتي ؟؟ قلتلها معايا 200 دولار
قالتلي كويس وانا هادفعلك 500 دولار للبنك هنا من مرتبي ( مش قلتلكم شريفة ومخلصة عايزة شاحن نوكيا )
قلت فلة كده
يبقي لسه 450 دولار قالتلي انا هاحاول اقنع البنك انه ماياخدش منك الا دول ( وحيات امك انتي بتقنعي ابوكي علشان ياخد مهرك )

المهم وصلتلي رسالة من البنك .. بتفيد ان ناتاشا ويليامز دفعتلي 500 دولار .. يللا ابعتلنا 200 دولار اللي معاك

انا بقي ضربتها طناااش
دخلت بقي صاحبتكم ناتاشا عليا وقالتلي ايه مابعتش الفلوس ليه ؟؟
قلتلها فلوس ايه ؟؟ ( الواد بيتقل )
قالتلي انت شكلك كده مش جاد انت بتهزر
قلتلها انا ؟؟ ( الواد بيستعبط بقي وسايق الاستهبال )
قالتلي ايوة المفروض تبعتهم في ظرف يومين
قلتلها اسكتي :eek: مش خالتي في المستشفي وانا دفعتلها الفلوس تحت الحساب وانا معتمد عالجايزة
علشان ادفع الباقي
ممكن اطلب منك طلب ؟؟
قالتلي اتفضل (البت نظفت وعادت مؤدبة )
قلتلها ممكن تدفعيلي المبلغ كله وتبعتيلي الجايزة وهاديلك منها 3000 دولار هدية غير فلوسك اللي انتي دفعتيها

راحت البت قالتلي انت بتهزر وقامت قافلة في وشي (( هو انا كنت باقولك هاتي بوسة والا انتي صاحبتي علشان اهزر معاكي )

ياريت ياجماعة اي حد حصل معاه حكاية نصب
اوحصلت ادام عينيه يحاول برضه يقولهالنا ........ وفي عندي ليكم مفاجاة بعد مانشوف اكبر
كم من المشاهدات والمشاركات ... علي موضوع ده ........ انا فرحت اوي بعدها ..:D:D

***star***

10-08-2008, 11:44 AM

!!!دمعة حزن!!!

10-08-2008, 11:45 AM

ههههههههههههههههههههههههههه
انا الحمد لله لسه مصدفنيش الحوارات اللى بالشكل ده
بس الحمد لله باخد حذرى من كل الناس وخصوصا اللى بيموتوااااااااااااااا فى عمل الحوارات

happiness_sadness7

10-08-2008, 12:03 PM

انا حصل معايا تقريبا نفس الموقف في تانيه ثانوي رساله علي الايميل بتقول اني كسبت 60000 الف دولار واتصلت بيهم من موبايلي لأمريكا .... واحد يطلعلي يقولي قول الرقم السري وقولتهوله (الرقم اللي اتبعتلي علي الايميل) المهم الموبايل فصل كذا مره وكل مره ارجع اتصل بيهم الاقي حد شكل بيرد عليا ..... والغريب ان كان في صوت اغاني رقص شغاله....المهم بعد يومين لقيت رساله تانيه من دوله تانيه علي الايميل بتقول اني كسبت مليون جنيه ......من ساعتها وانا عرفت انه حوار ....ومن يومها قولت توبه

اهلا بيكي معانا يا islamshoalaa

عالعموم بجد شكرا علي مرورك معانا وبجد اعرفي ان مرورك ممكن يفيد اي حد بتحصل معاه الحكاية ده ويطلع بيتنصب عليه فياخد حذره

وبجد شكرا تاني علي مرورك معانا وشرفتينا وانتظري المفاجأة بتاعة موضوعي

happiness_sadness7

10-08-2008, 12:06 PM

ههههههههههههههههههههههههههه
انا الحمد لله لسه مصدفنيش الحوارات اللى بالشكل ده
بس الحمد لله باخد حذرى من كل الناس وخصوصا اللى بيموتوااااااااااااااا فى عمل الحوارات

اهلا بيكي معانا يا كوكو ...

واضحكي اضحكي بس مسيره يصادفك ... (انا طبعا باهزر ) يارب يعافينا ويعافيكي من الحاجات ده ؟؟

عالعموم بجد شكرا علي مرورك بس انتظي المفاجاة بتاعة موضوعي وياريت تتابعينا

Eng_Hegazy91

10-08-2008, 01:29 PM

بسم الله الرحمن الرحيم

ايه يا عم احمد موضوع النصب ده

بس ما شاء الله عليك تصرف ولا اروع

وياما هنشوف لسه

انا اتبعتلى راسيل زى دى بس انا مبهتمش يعنى

بس ايه فى الجوووووووووووووول

بس هو الشاحن وصلها ولا لأ؟

بصم بقى انا عندى حكايه

انا اعرف واحد يبقى صاحب واحد صاحبى

كان مره راح يشترى حشيش (يعنى دراجز)

ورايح يجيب حاجه اسمها (طرف) الله اعلم عى ايه بس انا عرفت انها ب 50 جنيه

ماشى راح المنطقه الى هيجيب منها قابلوه اثنين(تجار يعنى)

وقالوله انت عايز ايه يا زميلى

اقلوهم انا عايز حته بخمسين (يعنى طرف) ركزوا معايا كده

الاولانى (احد التجار)قاللصاحبه روح هاتله من البيت

المعلم راح قعد ربع ساعه ولسه مجاش (الحوار هيبدأ اهه)

ام المعلم التانى قال لصاحب صاحبى ايه قالوه تعالى نشوفه كده

راحو عند البيت وقالوه هات الفلوس شكل امه مش راضيه تنزله ماشى

الواله خد الفلوس ودخل البيت مخرجشى ربع ساعه و زياده وصاحب صاحبى مستنى

الولا شك قال اما ادخل اشوف اتأخروا ليه...............

الولا دخل المدخل بيبص ادامه لقى المفاجأه الكبرى .................

اتارى فى فتحه فى المدخل بتطلع على الشارع الى ورا
شفتم لما تبقوا عايزين حشيش روحوا لواحد متخصص او روح هات من قسم الشرطه(فلم معالى الوزير)بتاع احمد زكى

وسلام بقى عشان انا طولت عليكم والف شكر يا عم احمد على الموضوع الجامد ده

***star***

10-08-2008, 01:34 PM

اهلا بيكي معانا يا islamshoalaa

عالعموم بجد شكرا علي مرورك معانا وبجد اعرفي ان مرورك ممكن يفيد اي حد بتحصل معاه الحكاية ده ويطلع بيتنصب عليه فياخد حذره

وبجد شكرا تاني علي مرورك معانا وشرفتينا وانتظري المفاجأة بتاعة موضوعي

اولا انا ولد والله مش بنت ثانيا مش بعيد موضوعك هو كمان يطلع نصب اصل الصراحه مستغرب من حكايه الايميل اللي انت حطه ده في الموضوع وبعدين انت بتقول انتظر مفاجاه موضوعي يعني شكله في الاخر هيطلع ايميلك انت:D:D:D

happiness_sadness7

10-08-2008, 01:39 PM

happiness_sadness7

10-08-2008, 01:43 PM

اولا انا ولد والله مش بنت ثانيا مش بعيد موضوعك هو كمان يطلع نصب اصل الصراحه مستغرب من حكايه الايميل اللي انت حطه ده في الموضوع وبعدين انت بتقول انتظر مفاجاه موضوعي يعني شكله في الاخر هيطلع ايميلك انت:D:D:D

انا بجد اسف ... بس انا هاعرف منين انك ولد او بنت
عالعموم شكرا علي مرورك .... اشيلك الايميل ...؟؟ عادي انا بس كنت كاتبه لحد يدخل عليكم بالاسم ده

وعادي بقي ايه يعني ... هي جت عليا .... بلاش ننصب احنا كمااااااان ؟؟؟ ههههههه عالعموم بجد
منور الموضوع
وانتظ المفاجاة وماتخافش مش هتطلع نصبة ان شاء الله .........
تابعناااااااااااا

bosy .. mostafa

10-08-2008, 02:38 PM

ايه ياعم حوادث النصب دي
بس متكرره يعني و ربنا يعافينا بس والله انت طلعت حدق و بتعرف تلف و تدور عليهم
و مستنيين المفاجأه

اشراقة

10-08-2008, 03:19 PM

موضوعك ظريف

بس انا لسة ما حصلش معايا موقف بالشكل ده

biob

10-08-2008, 04:37 PM

amr_2010

10-08-2008, 04:37 PM

ههههههههههههههههه

والله في هبل لسه بيضحك عليهم
بس كويس ان انت طلعت ناصح

happiness_sadness7

10-08-2008, 05:27 PM

ايه ياعم حوادث النصب دي
بس متكرره يعني و ربنا يعافينا بس والله انت طلعت حدق و بتعرف تلف و تدور عليهم
و مستنيين المفاجأه

اهلا بيكي يابوسي ...

بجد منورة الموضوع ... وبعدين عيب عليكي
ده انا مصري وابويا مصري وبخفة دمي مصري .....

وبعدين استني االمفااااااااااااجاة .... شكرا علي مرورك ....

happiness_sadness7

10-08-2008, 05:32 PM

موضوعك ظريف

بس انا لسة ما حصلش معايا موقف بالشكل ده

والله شكرا ليكي يااشراقة بجد ده من زوقك

يللا ياريت يكون الموضوع فادك علشان مايحصلش
معاكي كده او مع اي حد

عالعموم ... بجد نورتي الموضوع و انتظري المفاجأة .............

happiness_sadness7

10-08-2008, 05:39 PM

انا مش عارف الرسايل دى بتتبعتلك انت ليه
بلاش انت
انا نفسى اعرف بتتبعت للمصريين ليه
هما فاكرنا بنرمى فلوس فى الهوا زى الهبل
يا حماده انت اللى فيهم
ابقى اسالها كده اذا كان ممكن تقسط المبلغ 200$ على 50 سنه
اهو حل مقنع برضه

اهلا بيك ياصاصا والله يابني انت اللي جامد

مانت هتعرف في المفاجأة حاجة جامدة اوي لسه عارفها النهاردة ... ويمكن فاكرين المصريين هبل

والله لو قسطتهملها علي مليون سنة هترضي واحدة زي ده عايزة اي فلوس وخلاص

عالعموم ......... انا ظبطتهم برضه وحميت سمعة المصريين ........ وبرضه المفاجا’ة برضه هتبينلكم المصريين ؟؟؟ عالعموم انتم كده هتخلوني اقولها قبل اوانها ........... تابعني ياصاصا ؟؟ ونورت

happiness_sadness7

10-08-2008, 05:48 PM

ههههههههههههههههه

والله في هبل لسه بيضحك عليهم
بس كويس ان انت طلعت ناصح

اهلا بيك معايا ياعمور ويارب يخليك يارب

ده من زوقك بس ...... ولازم زي مالمثال بيقول ( اللي ليه عقل وراس عمره ماينطاس)

عالعموم نورت الموضوع ده وبعدين لو تعرف حد برضه حصلتله نصباية ياريت تقولها لنا علشان الكل يستفيد

واهي عبرة لمن يعتبر ؟؟؟

انتظر المفاجأة وتابعنا ؟؟

happiness_sadness7

10-08-2008, 05:55 PM

اهلا بيكم ياجماعة ...

الموضوع ده علي فكرة مش للي حصلت معاه نصباية وخلاص انا عايز اي حد يعرف اي حد
اتعمل عليه نصباية يقولنا عليها

وبعدين برضه احنا عاملين الموضوع ده علشان نستفيد ونفيد

وبجد اي نصباية هتتكتب هنا هتدي لكل واحد فينا خبرة انه مايقعش فيها ( وطبعا مش خبرة انك تبقي نصاب ؟؟ هههههههه )

عالعموم نورتم الموضوع وارجو الانتظار للمفاجأة ؟؟؟

تابعونااااااااااااااااااااا

bosy .. mostafa

10-08-2008, 06:01 PM

هند2006

10-08-2008, 06:04 PM

انا الحمدلله مش بتحصل معايا الحاجات دى غير ع الموبايل
بس ايه ياعم التصرف الجامد ده
جزاك الله كل خير ع الموضوع
منتظرين المفاجاه

العمر

10-08-2008, 06:14 PM

جـــــــــــزك الله خيــــــــــرا....
وهى قصة جميــــــــــــــلة

Ra2oF

10-08-2008, 08:13 PM

الموضوع ده حصل مع ابي بكذا شكل اجدد حاجة حوار جامد مووت

ألك واحد عراقي و اسمو حكيم و شغال في شركة بترول :: أمريكية و ايه ضرب ورق و :انوا عمل مشروع للشركة ديه و مخدش فلوس المهم طلب من ابويا انه يستلم الفلوس لحد ما حكيم يعرف يطلع من العراق :: و ايه حوار جام مووت اتحول علي البنك و نصبة جامدة و سهل ان حد يقع فيها :: ايه ؟! علشان بعتولوا زي برنامج كيده يفتحوا يكتب فيه حسابه العندهم و الباسورد و يخش علي الحساب و ايه لازم يكون النت متصل و يبانلك في البرنامج ده حسابك و تيجي تحول تكتب كل بيانات التحويل و يقولك التحويل تم :: و كل حاجة المهم ابي ماشي معاهم و حكيم يبعتلوا يقولوا في مشاكل عندنا في العراق ة ليسة عساكر امريكين ميتين و انا مبعرفش افتح :: و كيده :: المهم مرة واحدة الحساب اتقفل و قلك السلطات الامريكية هي القفلتوه :d:d:d بعد كيده بفترة قاالو لازم تدفع الضرائب ابي قالهم خدوا من الحساب الفي البنك :: قالوا مينفعش ::::d:d:d خلص الكلام :d:d:d

happiness_sadness7

11-08-2008, 02:04 AM

انا الحمدلله مش بتحصل معايا الحاجات دى غير ع الموبايل
بس ايه ياعم التصرف الجامد ده
جزاك الله كل خير ع الموضوع
منتظرين المفاجاه

اهلا بيكي ياآنسة هند معانا

وبجد ده من زوقك

بس نورتي الموضوع ........... وشكرا علي مرورك ومشاركتك معايا ؟؟؟

وانتظري المفاجاة؟؟ هتعجبكم ان شاء الله ............. ولو عندك حد اتنصب عليه او تعرفي حد اتنصب عليه

ياريت تحكيلنا حكايته

وشكرا تاني علي مرورك تابعينا

happiness_sadness7

11-08-2008, 02:07 AM

جـــــــــــزك الله خيــــــــــرا....
وهى قصة جميــــــــــــــلة

اهلا بيك معانا يا < العمر >

واللي احسن من القصة والاجمل انك معانا ومنور المنتدي

وشكرا علي مرورك ماعندكش حد تعرفه اتنصب عليه وتحكيلنا حكايته ؟؟ عالعموم شكرا علي مرورك

وانتظرنا للمفاجأة وتابعنا ؟؟؟

happiness_sadness7

11-08-2008, 02:11 AM

happiness_sadness7

11-08-2008, 05:40 PM

السلام عليكم ياحماعة

المفاجأة اللي انتم انتظرتوها ؟؟

بعد الحكاية ده لما اتعملت عليا باسبوع بالضبط

باقرا في الجرنال ( المصري اليوم )
صفحة الحوادث

بابص فلقيت الخبر ده وماااااصدقتش نفسي

بعدها بجد حسيت ان ربنا بيحبني ........ ( هتقولولي ماتخلص بقي ده انت رخم اوي )

عالعموم الخبر اهه وده باعتبرها مفاجأة ........
نيجيريان ينصبان علي محاسب ويحاولان سرقته برسالة «موبايل»

كتب فاروق الدسوقي ١٠/٨/٢٠٠٨
كشفت مباحث القاهرة أمس عصابة للنصب علي المواطنين عن طريق رسائل الهاتف المحمول. تلقي محاسب بوزارة الشؤون الاجتماعية رسالة علي هاتفه من إحدي الشركات العالمية تفيد فوزه بـ٩٢ ألف جنيه إسترليني، وطلبوا منه تحويل ٢٤٠ دولاراً علي حساب إحدي السيدات بأحد البنوك، وتبين أن وراء الواقعة نيجيريين، وأن أحدهما أرسل إلي المحاسب الرسالة بهدف النصب عليه وسرقة أمواله. ألقت المباحث القبض عليهما، وتحرر محضر بالواقعة، وأمر اللواء إسماعيل الشاعر، مساعد الوزير، مدير أمن، القاهرة بإحالتهما إلي النيابة لمباشرة التحقيقات.

البداية كانت عندما تلقي اللواء فاروق لاشين، مدير الإدارة العامة لمباحث القاهرة، بلاغاً من أحمد صديق «٤٨ سنة» محاسب بوزارة الشؤون الاجتماعية، أكد فيه وقوعه ضحية لجريمة نصب عن طريق إحدي الشركات العالمية التي أرسلت له رسالة علي جهازه المحمول،

تفيد فوزه بـ ٩٢ ألف جنيه إسترليني، وقال إنهم طلبوا منه تحويل ٢٤٠ دولاراً علي حساب إحدي السيدات في أحد البنوك حتي يتمكن من الحصول علي الجائزة المالية، وأنه اعتذر عن عدم تحويل المبلغ، وتبادل الرسائل الهاتفية معهم.

ودلت التحريات التي أشرف عليها اللواء أمين عزالدين، مدير المباحث، أن المجني عليه تسلم رسالة ثانية من المتهمين مضمونها أن أحد الأشخاص يدعي ويليام سوف يقوم بالاتصال به لتحديد موعد لتسليمه الجائزة،

وبالفعل اتصل به المتهم، وحدد معه موعدا أمام شيراتون هليوبوليس، وأكد له أن شخصاً آخر يدعي إدوارد سوف يقوم بتسليمه الجائزة هناك، وأن عليه إحضار مبلغ ١٤٥٠ دولاراً مصاريف الإفراج عن الحقيبة الدبلوماسية التي سيحضرها المتهم الثاني.

وفي الموعد المحدد، تمكن الملازم أحمد الكيلاني، ضابط مباحث، من القبض علي المتهمين، واصطحب الضحية إلي داخل بهو الفندق، وتبين أن المتهم الأول يدعي نواكوي كوتشتا «٣٥ سنة» عاطل نيجيري الجنسية ويقيم في منطقة المعادي، والثاني يدعي نواكوي جوزيف «٤٣ سنة» عاطل نيجيري الجنسية، ويقيم بمساكن السفارة النيجيرية بالزمالك،

ولا يحملان تحقيق شخصية، وبمواجهتهما اعترفا بأنهما حاولا النصب علي المجني عليه، والاستيلاء علي المبلغ المالي الذي طلباه منه، وقررا أنهما أرسلا إليه رسالة علي جهازه المحمول وأخبراه بأنه حصل علي جائزة مالية، وحتي يتسلمها يجب دفع مبلغ معين. تحرر المحضر اللازم بالواقعة، وأحيل المتهمان إلي النيابة لمباشرة التحقيق.

عالعموم قولولي ايه رايكم ؟؟ وشكرا علي كل اللي دخل وكتب رده

وشكرا للي دخل حتي شاهد الموضوع .......... شكرا لكل عضو في المنتدي حتي لو مادخلش الموضوع بس انا كنت عايز افيدكم ؟؟

_GUIDE_

11-08-2008, 05:55 PM

happiness_sadness7

11-08-2008, 06:39 PM

عادى الموضوع ده سمعته كتير وحصل كتير جدا
وقريت عن طريقة النصب دى يمكن من سنة وشوية
ومعروفة جدا
وفى ناس بالساذجة بمكان انها ممكن تصدق الموضوع ده
عمتا الحمد لله ان ربنا كرمك ومش اضحك عليك
والف سلامة على خالتك

اهلا بيك معانا ياجايد ؟؟

بجد نورت الموضوع وبجد يسعدني انك تكون صديق عالعموم الحاجات ده بتتكرر وعلشان كده تلاحظ برضه من عنوان موضوعي

بس خالتي مش تعبانه ولا حاجة بس قلت اتسلي عليهم انا كماااااان ؟؟ هههههههههههه

بجد شكرا علي مرورك وشرفتني ............

timo mido

15-10-2009, 08:15 PM

مشكووووووووووووووووووور وفي انتظار مواضيعك القادمه