عاوزة حد يقولى اعمل ايه!! [الأرشيف] - بوابة الثانوية العامة المصرية

marioom

10-08-2008, 05:03 PM

Cray_Bird91

10-08-2008, 05:06 PM

كانسير ازاى مش فاهمة؟:confused:
ياريت توضحيلنا

...

10-08-2008, 05:09 PM

ربنا يصبرها ويشفيها..
انت لازم توقفي جنبها..
الواحد في الظروف دي محتاج حد يقف جانبه ويخفف عنه...
ربنا معاها
علي

marioom

10-08-2008, 05:11 PM

كانسير ازاى مش فاهمة؟:confused:
ياريت توضحيلنا

cancer يعنى سرطان

marioom

10-08-2008, 05:13 PM

ربنا يصبرها ويشفيها..
انت لازم توقفي جنبها..
الواحد في الظروف دي محتاج حد يقف جانبه ويخفف عنه...
ربنا معاها
علي

شكرا ليك جدا انك اهتميت بالموضوع
انا بجد مش عارفه هزاكر ازاى فى تالتة ثانوى

Rambo_Uranium

10-08-2008, 05:14 PM

اولا المفروض انك تدعيلها من قلبك زى ماكلنا هندعيلها ان ربنا يشفيها لان الامر كله بأيد ربنا سبحانه وتعالى.
ثانيا حاولى تقربى منها اكتر واكتر وتسعديها ومتحسسيهاش ابدا ان هيا مريضه او عندها نقص فى حاجه

ربنا يشفيهااااااااااااااااااااااااااااااااااااااااااااا ااااااااااااااااا

Cray_Bird91

10-08-2008, 05:17 PM

بجد مش عارفة اقول ايه

مفيش غير اننا ندعيلها بالشفا وربنا يصبرها وحاولى تقفى جانبيها

marioom

10-08-2008, 05:18 PM

شكرا على اهتمامك
وانا فعلا بادعيلها كل صلاه
و بجد احنا اصلا صحاب و قرايب
و هى لسة عارفة كدة النهارده لما سمعت الدوكتور بيقول لباباها
بجد ربنا معاها و يشفيها
انا بجد حاس ان انا مش هعرف افتح كتاب السنة دى
انا بجد حاسة ان انا مكتئبة

Dr.love ferdos paradise

10-08-2008, 05:20 PM

ربنا يشفيا انشاء الله وياريت تفضلى معاها عل طول وتحسيسها انها كويسه وحاجه بسيطه وتدعى انشاء الله

وادعيلها على طول واقفي جنبها وماتسبهاش ولا لحظه

ربنا يشفيها يارب وتبقى كويسه وتبقوا على طول مع بعض

marioom

10-08-2008, 05:23 PM

شكرا على اهتمامكم كلكم بجد جزاكم الله خيرا

arch.bosycat

10-08-2008, 06:22 PM

اوعى تتخلى عنها فى ظروفها دى

اقفى جمبها و ادعيلها و اوعى تحسسيها باى شفقة حتى عليها

ربنا يشفيها يااااااااااااااااااااااااااااااااااااااااااااااااا اارب

marioom

10-08-2008, 11:44 PM

شكرا على اهتمامك
بجد شكرا ليكو

dr \manoo

11-08-2008, 04:50 AM

عاطف خليفة

11-08-2008, 05:02 AM

اللهم اشفها

اللهم خفف عنها

اللهم من لها سواك ومن لنا سواك

اللهم ارتكنا اليك فهي لك انت وليها وولينا فخخفف عنها واشفها

اما انت عزيزتي فعليك ان ترسمي علي شفتيها احلي ابتسامه

وابلغيها مني افضل تحيه واجمل سلام من اب لها يحمل لها كل معاني الحب ودفء المشاعر النبيله واحملك هديه لها احلي وردة لها

ولكي مني كل التحيه

د//عاطف خليفة

هنا الفقي

11-08-2008, 05:19 AM

بصي يا مريم دلوقتي بقى في ناس بتلجأ للطب البديل لعلاج الكانسر زي الطاقة والايحاء مثلا ..مش بقولك وديها لدكتور بيعالج بالطرق دي
بس طبيعي ان هي دلوقتي ف حالة نفسية وحشة جدا
ما ينفعش انتي كمان تقعي جنبها وتفضلوا انتو ال2 زعلانين لانك كده بتقضي عليها بطريقة اسرع
بس كل ما تشوفيها تكوني مبتسمة كلامك كله يبقى مليان امل
خليكي مصدر الامل بالنسبة ليها بلاش تشوفك ولا مرة ف لحظة يأس
حسسيها بالحب على قد ما تقدري وانا متاكده انك بتعملي كده
وعموما الكانسر بقى بيتعالج دلوقتي كتير جدا والحمد لله وربنا يكلامها بالشفاء
ويخليكو لبعض ودايما اصحاب اصحاب

حوووووودا

11-08-2008, 05:23 AM

لو تقدرى تزهبى الى عمرة وتزورى بيت الله الحرام وتدعو لها هناك فالدعاء ان شاء الله يفك الكروب وبالاخص فى الاماكن المقدسة شفاها الله وعفاها والامسلمين المرضى اجمعين

مس رانيا حسن

11-08-2008, 06:51 AM

اللهم اشفها واشفى مرضى المسلمين
عليك بالوقوف بجانبها ولا تحسسيها بمرضها
وربنا معاكى

mostafa kernawy

11-08-2008, 07:41 AM

ربنا يشفيها ويعافيها يا رب لازم تدعيلها وتقفي جنبها وكمان تشغليها وتحمسيها بحاجات كتيييييييييير مذاكرة نت قران متسبيهاش خالص تستلم للالم وصح والله اهم حاجة العزيمة والاصرار ...ربنا يخليكي ليها ويخليها ليكي

marioom

11-08-2008, 12:12 PM

هقولك حاجه ومتعتبرنيش متفزلكه
لكن انا عايزاكى تفهميها ان الى بيخف من المرض ده هو بس قوى الاراده"مش كلام افلام "
ده حقيقة يعنى انتى تقويلها اردتها وتخليها تزاكر مقبله على الحياة عندها دوافع انها تحارب لمرض
كمان تحولى تخليها تقرب لربنا اكتر واكتر ساعتها مش هتخاف من حاجه دى هتلاقى الاطمئنان كله بقى فى قلبها
والله وانا بدعلها بالشفا وسلميلى عليها

شكرا جدا على اهتمامك
و طبعا انا عارفة ان اهم حاجة فى علاج الكانسر هو الحالة النفسية
بس المشكله ان انا مهما عملت دلوقتى بتفضل تتكلم عن الموت و كدة
و لو جت تهزر تتكلم عن وصيتها الاخيرة!!!!!!!!!
بجد ربنا معاها و شكرا ليك

marioom

11-08-2008, 12:15 PM

marioom

11-08-2008, 12:17 PM

marioom

11-08-2008, 12:18 PM

شكرا ليكو كلكو على اهتمامكم بالموضوع
ادعو لها بالشفى ان شاء الله

د/ ماجدولين

11-08-2008, 01:21 PM

ياااااااااااااااااااااااااارب يشفيها

أووووووووووووووووعى تسيبيها

خليكى جنبها علطول

هى بجد محتاجة أنها تحس بالأهتمام من أقرب الناس ليها

دايما أديها الأمل وافهمى منها واسمعيلها

وأقفى جنبها حتى لو هتظلمى نفسك معاها

ربنا يشفشيها ياااااااااااااااارب

ويقومهالك بالسلامة ياااااااااااااااااارب

smack down

11-08-2008, 03:57 PM

ربنا يشفيها يارب

و افضلى جنبها متسيبهاش

و ربنا يخفف عنها يارب و يشفيها باذن الله

و انا و الله خالى جاله المرض ده و كان بياخد علاج كميائى

و شعره و قع و كان بيفضل يضحك و يهزر برضه

و ااهه الحمد لله تعالى شفى من هذا المرض

و ان شاء الله ربنا يشفيها

marioom

11-08-2008, 04:09 PM

كلامك ده ادانى امل
بجد شكرا

Nemo_92

12-08-2008, 03:07 PM

خليكى جنبها
لو تقدرى انك تذاكرى معاها ذاكرى
ارفعى من روحها المعنوية دايما
انا عارفة ان الامر صعب عليها وعليكى بس حاولى ربنا معاكى ومعاها يا رب

marioom

12-08-2008, 03:22 PM

ان شاء الله هحاول بجد

Sharp Nails

12-08-2008, 03:24 PM

اعمل ايه؟

تعملى انك تدعلها ربنا يرحمها يابالموت يابالحيا

هو دة الى هتقدرى تعمليه
وكونى جنبها دايما
ربنا يشفيها يارب ويعافينا كلنا

basmala

12-08-2008, 03:28 PM

تقفى جنبها وترفعى معنوياتها

مستر محمد الشاذلي

12-08-2008, 06:48 PM

ربنا يشفيها و يشفي جميع مرضي المسلمين يا رب
اختي في الله يجب ان تقفي بجانبها لان لا يستطيع احد ان يعرف الغيب و الله اعلم بكرا فيه ايه
فيجب ان تذكريها دائما بان رحمة الله وسعت كل شئ و مغفرتة اكبر من كل شئ فيجب ان تتقرب الي الله و نساله الدعاء بالشفاء

marioom

13-08-2008, 04:52 PM

ان شاء الله

فجر الإسلام

13-08-2008, 05:11 PM

ادعيلها ربنا يشفيها
وكفاية انك خليتي ناس كتير يدعولها
كل اللي قرأ موضوعك دعى لها ربنا يشفيها
وقفي جنبها
وان شاء الله ربنا هيوفقك وتقدري تساعديها
ولو بكلمة حلوة ترفع معنوياتها

دودو دلوعة اليكس

13-08-2008, 05:26 PM

ما تقلقيش يا مريومة ربنا يشفيها يا رب يا رب ويرجعهالك بالسلامة ويخفف عنها الم المرض وبعدين انتى مش انتيمها يعنى لازم تقفى جنبها وعادى كأن مفيش حاجة واتجدعنى فى دراستك وربنا يوفقك ويوفقها وتدخلوا انتو اىتنين الكلية اللى انتو عيزنها وربنا معاها ويشفيها وان شاء الله حتخف وتقوم بالسلامة وربنا يصبرك ويصبر مامتها وباباها وبعدين قل لن يصيبنا الا ما كتب الله لنا وان شاء الله خير وربنا يشفى المسلمين اجمعين

Eng : Heba

13-08-2008, 05:31 PM

ألف سلامة عليها

أحب اقولك انت لازم توقفي جنبها

وتقرأ قرآن وتصلي تدعي ربنا

يشفيـــــــــــــــــــــــــها

ان شاء الله

MohammeD el_SadaT

13-08-2008, 06:21 PM

أكيد ده شىء مش محتاج أى كلام لازم تقفى جنبها
ومش تتخلى عنها أبداً

تخيلى نفسك مكانها وشوفى كنتى هتبقى محتاجه إيه وحاولى تعمليه ليها

marioom

16-08-2008, 04:26 PM

ان شاء الله هعمل كل اللى هقدر عليه
بس فى مشكلة
اهلها مش بيساعدونى خالص.لكنهم بيفرقوا بينا و بيعاملوها وحش حتى بعد مجالها كانسر
انا بجد بقي مش بشوفها غير الخميس بس
ومش بعرف اكلمها فى التليفون غير قبل ماهلها يصحوا علشان لما بتصل بيقولوا انها مش موجودة
وبعدين بعرف انها بتكون موجودة
و بالمناسبة هتعمل كمان عملية استرة فى القلب من العصبية
و طبعا ده بسبب اهلها و اخواتها
.................................................. ...........................
فى ايدى اعمل ايه؟

هند2006

16-08-2008, 06:15 PM

اسال الله العظيم رب العرش العظيم ان يشفيها
ياااااااااارب تشفيها وتهون عليها
خليكى جنبها انا عارفه انك مش هتسبيها لان الصديق صديق علطول
وانا ان شاء الله احتمال اروح المدينه والله لو رحت لادعى ربنا يشفيه
يااااارب تشفيها

هند2006

16-08-2008, 06:19 PM

ياااااااااااااارب فك كربها وازل همها
اللهم انى اسالك بكل اسم هو لك ان تشفيها وتفك كربها
بس اسالى اهلها ليه بيعملو كده؟؟؟؟؟؟؟؟؟؟؟؟؟؟؟؟

هانى الشرقاوى

16-08-2008, 06:46 PM

بسم الله الرحمن الرحيم
.......................................
يمكن الموضوع ده مش مفيد لكنه يهنمى جدا
انا صحبتى الانتيم جالها cancer وانا مش عارفة اعمل ايه!!!
هى كانت صحبتى من وانا صغيرة
انا كتبت الموضوع ده هنا علشان عايزة نصيحة الاعضاء اللى انا فعلا بعتبرهم اخواتى!!!:(
اعمل ايه؟

لازم معاملتك معاها تبقى زى ما هى وما تتغيرش واوعى تحس منك بالشفقة

medoaaaa2

17-08-2008, 06:29 PM

اقولك انا تعملي أيه وديها مستشفى 57 بتاعت السرطان وربنا يشفيها وتتعالج هناك

بس على ما اعتقد هيحجزوها هناك وهتفضل عايشه هناك على طول في المستشفى

smack down

17-08-2008, 06:36 PM

اهم جاجه بجد انك متحسسيهاش ان فيه حاجه

عادى جدااااااااا

هنا الفقي

17-08-2008, 07:19 PM

طيب ممكن تتفاهمي مع اهلها بالراحة بحيث تفهميهم انها دلوقتي محتاجة حنان اكت بس بدون ما هي تعرف ...؟؟!!!!!

marioom

17-08-2008, 09:44 PM

والله حاولت
بس موووووت يا حمار!

bosy .. mostafa

18-08-2008, 04:43 PM

بسم الله الرحمن الرحيم
انا كنت في نفس الموقف ده :(
بصي يا حبيبتي
انتِ تخليكِ جنبها , و عرفيها انه ربنا بيحبها , لإن ربنا لما بيحب حد بيبتليه ..
علميها تصبر ازاي على الصعاب و الشدائد ..
و عرفيها انه الصبر من عزم الأمور
و أهم حاجه اوعي تنسي تدعليها
احنا داخلين على رمضان و دي فرصه .. دي ايام مباركه
ادعي لها في كل صلاه و في كل وقت
و ربنا يشفيها و مش يحرمكم من بعض ابداً يا قمر

M!$$ Chocolate

20-08-2008, 09:58 AM

مريووم ..

انا عارفه اني جايه متأخره ..

بس سامحيني ..

لو انتي بجد بتحبيها .. وانتو التنين صحبات اوي ..

المفروض انتي ما تسيبيهاش لوحدها ابدا ..

لما الواحد يكون عندو مرض خطير زي كدا ..

المطلوب منكم ما تعطولو الاحساس انك انت يمكن تموت ..

نفسيه المريض حاجه مهمه جدا ..

ادعيلها ..

وحاولي قد ما تقدري .. ما تعيطيش قدامها ابدا ..

المفروض انتي واهلها تصبروها ..

ولو تعيطو ما تعيطوش قدامها ..

ولو هيا بتعيط .. حد يهديها ..

اوقفي معاها ..

هيا دلوقتي محتاجتك اوي ..

لانك انتي اقرب الناس لها ..

والله يصبرك يارب ..

والله يشفيها يارب ..

وحاولو تفهموها انو ربنا ما جبلهاش المرض دا ..

غير لانو عارف انها ممكن تتحملو ..

(( لا يكلف الله نفسا الا وسعها ))

وكدا يكفي حاليا ..

ولو عوزتي حاجه تانيه .. ممكن تراسليني عالخاص ..

وانا حكون تحت امرك ..

سامحوني لاني طولت شويه ..

بس الموضوع يستاهل اكتر ..

الله يشفيها يارب ..

.. أختـ ك ـم ..

,, مــ شوكليت ــس ,,

samar_2010

21-08-2008, 08:14 PM

لازم تقفى جنبها علطول و ربنا يشفيه و ع فكرة انا اعرف ناس كانت مريضة بنفس المرض بس فى اولى ث بس الحمد لله ربنا شفاها
و الحمد لله دخلت طب و بقت كويسة اوعى تسيبيها تستسلم و ربنا يخليكوا لبعض ان شاء الله

thesailor

22-08-2008, 12:56 PM

بسم الله الرحمن الرحيم
.......................................
يمكن الموضوع ده مش مفيد لكنه يهنمى جدا
انا صحبتى الانتيم جالها cancer وانا مش عارفة اعمل ايه!!!
هى كانت صحبتى من وانا صغيرة
انا كتبت الموضوع ده هنا علشان عايزة نصيحة الاعضاء اللى انا فعلا بعتبرهم اخواتى!!!:(
اعمل ايه؟

على فكرة مش محتاجة سؤال المفروض انك صاحبتها الانتيم يعني المفروض تقفي جنبها
والصديق وقت الضيق
البحار الحزين