استفسار هام جدا انا دلوقتي يا جدعان معرفش حاجة في ام العربي ده وحاسس اني هضيع فيه المدرسين الله يسامحهم بقولي امتحان العربي هيجي صعب جدا وكده وخوفني وخليني كرهت العربي انا عاوز افهم لو انا حفظ كتاب المدرسة وظبطت نفسي في النحو والبلاغة كله هيبقي تمام يعني هجيب درجة عالية
ثانيا لما بشوف اسئلة استنتاجية معتمده علي الفهم وسؤال جديد في النصوص وبجاوبه باسلوبي الاستاذ يعلملي غلط يعني لو نص الامتحان السنادي جيه كده الواحد هيعمل ايه وبعدين فيه مدرسين بتعلم زي نموذج الاجابة بالظبط يعني هوه احنا هنحسس علي الاجابة انا ايه عرفني الاجابة الصح وانا اصلا مشفتهاش قبل كده قولولي اعمل ايه الواحد بيضيع في العربي وبالنسة للانجليزي انا مكنتش بذاكر خالص في ثانوية وعديت بالبركة ولسه مذاكرتهاش لحد دلوقتي هقدر المها واظبطها يعني ولا ايه وربنا يستر بقي

مفيش داعى للقلق او اللى انتا عامله دا كله
انتا لسه قدامك مش اقل من 5 شهور تقدر تخلص فيها المنهج اكتر من مرتين عالاقل
فكل المواد وتراجع كمان
انتا بس متركزش وتقف كتير عند المقصر فيه بس تبقى فاكره عشان لما توصله تركز فيه وتتحدى نفسك انك هتقدر تتجاوزه بسهوله

شكرا علي النصيحة

استفسار هام جدا انا دلوقتي يا جدعان معرفش حاجة في ام العربي ده وحاسس اني هضيع فيه المدرسين الله يسامحهم بقولي امتحان العربي هيجي صعب جدا وكده وخوفني وخليني كرهت العربي انا عاوز افهم لو انا حفظ كتاب المدرسة وظبطت نفسي في النحو والبلاغة كله هيبقي تمام يعني هجيب درجة عالية
ثانيا لما بشوف اسئلة استنتاجية معتمده علي الفهم وسؤال جديد في النصوص وبجاوبه باسلوبي الاستاذ يعلملي غلط يعني لو نص الامتحان السنادي جيه كده الواحد هيعمل ايه وبعدين فيه مدرسين بتعلم زي نموذج الاجابة بالظبط يعني هوه احنا هنحسس علي الاجابة انا ايه عرفني الاجابة الصح وانا اصلا مشفتهاش قبل كده قولولي اعمل ايه الواحد بيضيع في العربي وبالنسة للانجليزي انا مكنتش بذاكر خالص في ثانوية وعديت بالبركة ولسه مذاكرتهاش لحد دلوقتي هقدر المها واظبطها يعني ولا ايه وربنا يستر بقي

ربنا يوفقكم جميعا ويكرمكم يارب
كل اللي هقوله اسمع كلام المدرسين من هنا وارميه من هنا في حكاية الامتحانات وكده
محدش بيبقى عارف والله اعلم لحد الامتحانات ايه اللي هيحصل انت بس اعمل اللي عليك
وبالنسبة للعربي زي ما انت بتقول افهم نحو وبلاغة وذاكرهم كويس واتمرن عليهم
فيه قطع كتير في كتاب الامتحان مراجعة على النحو والبلاغة ابقى حلهم حلوين خالص وشاملين ولو كل يوم قطعة واكتب ملاحظاتك لو قابلتك حاجة وقفت معاك وعرفت اجابتها
وبالنسبة لباقي الفروع افهم واحفظ متحفظش بس حفظ صم وخلاص علشان هتدخل الامتحات هتلاقي فيه حاجات بتكتبها من فهمك مش من حفظك وعلى فكرة احنا كلنا كنا خايفين من نقطة بيدققوا في التصحيح ونموذج اجابة والكلام ده بس والله كله نصيب متتعبش نفسك بالتفكير فيه اتعب نفسك في اني اعمل اللي عليا وسيب كل امورك على ربنا والله بيكتبلنا اللي فيه الخير بس لو نرضى
وعلى فكرة ده عن تجربة انا دخلت امتحان العربي بمذاكرة مرة واحدة اللي قبل الامتحان ودخلت فيه حاجات كتبت فيها اللي افتكرته وفيه اللي عبرت عنه باللي قدرت فيه يعني ما كتبتش اللي اتوقع اخد الدرجة كاملة عليه على كلام المدرسين وكمان فيه سؤال كان في الجزء التاني في القصة وانا الجزء اللي جه في الامتحان ده مذاكرتهوش خاااالص ولا حضرته حتى عند مدرس كتبت فيه وخلاص
والمفاجأة اشوف درجتي يوم النتيجة الاقيها 80 !! كرم ربنا وارادته
بس الكلام ده يخليك تعمل اللي عليك وانت واثق ان ربنا مش هيسيك ويكتبلك الخير مش يخليك تتكاسل لان كل واحد وظروفه وربنا عالم بينا جميعا
وحاول ظبط نفسك اوعى تقول الوقت خلص الوقت لسه بدري خالص والله اوعى تضيعه علشان متندمش في الاخر انك ضيعته
وآسفة لو طولت في الكلام بس لاني كنت محتاجة زي دلوقتي الكلام ده وانا في مكانك
وربنا يكرمكم يارب ويكتبلكم اللي فيه الخير

شكرااااااااااااااااااا