هااااااااااام [الأرشيف] - بوابة الثانوية العامة المصرية

hazemon

06-01-2015, 09:58 AM

السلام عليكم ورحمة الله وبركاتة ..
===============================

البوست دة مهم جداً جداً جداً ...

كل الناس بتتكلم دلوقتى عن الاحباط الشديد اللى عندها .. وانها مش هتوصل للى هى بتحلم بية ..

لحظة .. هقولكم حاجة صغيرة كدة ,.

انا عبدالله الريان من الزقازيق كنت جايب 98 % كنت مقفل كل المواد معادا عربى وانجليزى دول هما اللى حرمونى من ترتيب الجمهورية ..

انتو عارفين انا ذاكرت امتى .. او نجحت ازاى ..

اولا انا كنت داخل السنة شادد حيلى ع الاخر بذاكر كل حاجة زى معظم الناس ..

جيت بعد اول شهرين زهقت من الدروس ومن كل حاجة .. ممكن اغيب اطنش ,,

كنت بنام 13 ساعة فى اليوم وممكن اكتر من كدة .. عاوز اقولكم انى لحد شهر واحد كنت مخلص 3 مسلسلات .. كل مسلسل تقريبا 75 حلقة .. مش ممكن اوصفلكم انا كنت عامل ازاى .. كان اكتر حاجة اعرفها انى مش هنفع وكنت بقول فى نفسى انى مش هلحق يعنى لو بدأت اذاكر مش هجيب مجموع لان ربنا بيقول .. "{ إِنَّ الَّذِينَ آمَنُوا وَعَمِلُوا الصَّالِحَات إِنَّا لَا نُضِيع أَجْر مَنْ أَحْسَنَ عَمَلًا } صدق الله العظيم .

كان جوايا حاجة بتقولى انى مش عاوز اكمل انا مش هنفع اصلا .. لية اذاكر وانا مش هتقدم خطوة قدام .. ونسيت انى مش انا اللى احدد العمل الكويس من الوحش مش انا ربنا اللى بيقيم الاعمال .. مش انا اللى هقول ان عملى كويس ولا لا ..

بدأ الموضوع يتدهور بدل ماكنت انا اول الدرس بقيت متوسط يعنى مقفلش امتحانات كتيير .. وكان اكتر ناس بيشجعونى ع اللى انا فية للاسف هما صحابى ,, لانهم كانو بيقولوى انا ذيك .. مكنتش لاقى حد ينصحنى يوجهنى يقولى اتصرف ازاى فاضل 5 شهور ع الامتحانات وانا خلاص هضيع حلم اهلى وتعبهم .. مكنتش بفوت ماتش كورة بروح العب ع طول اى ساعة ,,, كانت المشاكل للركب .. اهلى مش عاجبهم الوضع ,, حد يقولى ذاكر بتنرفز واقولهم انتو هتعرفو مصلحتى اكتر منى انا عارف بذاكر اية وازاى .. وكمان بعد لما والدى يقولى انت مش نافع كنت طيب بدال انا مش نافع لية مروحش اشرب سجاير وانحرف منا مش نافع .. للاسف المدرسين اللى فى الدروس فقدو الامل منى خالص .. خلاص عبدالله الريان كان حلم وراح كان حلم كل مدرس انى ادخل بترول لانى زى ابنهم وكلهم حبايبى .. بسى خلاص ,, وكلهم اخدو عليا بقوا بيقللوا من قمتى .. لعند ما فى يوم الاستاذ بتاع العربى كانت اجازة نص السنة و قال لكل المجموعة استريحوا شوية انتو تعبتوا .. ورااح باصصلى كدة وقالى بالنسبة ليك يا عبدالله ملكش دعوة بالكلام دة انا معملش حاجة خالص ..

كل المجموعة ضحكت مش عاوز اقولكم انا قدام نفسى كنت عامل ازاى .. قررت لا مش هسيب نفسى هكمل وهوصل .. افتكرت شوية كلام من الاساتذة بيقولوة فى اول السنة .. فى استاذ قال لما تفيد حد بعملومة ربنا بيديك معلومة تانية يعنى صفقة .. بسى خارج الامتحانات ,, هاااااا

بس بدأت اعمل جدول لنفسى عاوز اقولكم انى الاجازة دى اصلا مش كان بجيلى قلب انى اضيع وقتى .. لو عاوز حاجة عندى المدرسين ممكن اروح لمدرس على بيتة .. مفقدتش الامل كنت بسمع كلام من الناس انى استحالة اوصل للى انا عاوزة انا مكنتش بذاكر بسى كنت بتحدى نفسى يعنى استاذ الكميا قال فى مراجعة ع الفصل السابع الحصة الجاية .. انا قولتلة كدة فى وسط المجموعة هات اخرك .. واعلى حاجة عندك ,, كان موقف صعب بسى لقيت نفسى بذاكر علشان اكسب التحدى .. وفى اليوم دة الحمد لله عمل امتحان انا كنت بحل لة المعادلة والمسائل باكتر من طريقة علشان اعرفة انى عارف كلة ,, وجت على مسئلة محدش عرف يحلها انا الحمد لله حليتها ,, بسهولة جداً طلعت عمال اشكر ربنا وازاى انا كدة وفى ناس بتذاكر من اول السنة ومعرفوش يعملوا حاجة بجد ربنا كان صحبى وحبيبى وكل دنيتى .. ومن هنا عرفت الحقيقة مش انا اللى بحدد الاعمال ,, سيدنا سعد بن معاز اللى قعد فى الاسلام قليل جدا ومع ذالك اهتز لموتة عرش الرحمن ياالله ماذا فعل لقد كان من الصحابة من هم اكثر منه وقتا ساعتها.. عرفت انى اعمل وبس وربنا اللى بيقدر .. من هنا اتعلمت حاجت كتييير اتعلمت ازاى اعيش اصم علشان الناس بتسرق احلامى مليش دعوة بحد بخلص درسى اروح ع بيتى افطر واذاكر مش عارف جبت القوة دى منين انا اصلا مكنتش بحب اذاكر اصلا لكن ارجع وافكر واقول طب بعد عشر سنين انا هكون فين هكون بدور على شغل ومش لاقى وصحابى كلهم مهندسين ودكاترة و مش حد هيقبل يقف معايا لانى مثل سىء وكل حاجة هتضيع .. لا انا لازم ابدأ من دلوقتى لازم موصلش للنقطة دى .. اقوم اصلى قيام ليل واقول يارب ساعدنى يارب اقف جمبى ... كان دايما بيسمع دعايا ,, وكان دايما بيقف جمبى انا تقريبا نجحت بسبب قيام الليل وان نيتى كانت خالصة لله .. الحمد لله ذاكرت وعملت اللى بحلم بية وانا رايح الامتحان تخيلوا انى كنت ناسى كل حااااااجة انا مش عارف حاجة بفكر مرحش .. لكن كنت بقول يارب انت وقفت جمبى كتير مش هتيجى تسيبنى انهاردة .. فعلا كنت بروح اطلع من الامتحان اسهل امتحان قابلتة فى حياتى .. كنت واخد قرارى انى مش هغش حتى لو هيكلفنى مستقبل كامل .. بس عديت الامتحانات وجت يوم النتيجة .. كنت فى الشغل امال مش لازم اعدل حياتى ولا هفضل تافه .. كنت شغال فى القاهرة فى شركة سياحة مش عاوز اقولكم الصدمة اول لما شوفت النتيجة ,, مكنتش مصدق انا دة كنت جايب اعلى من صحابى كلهم .. الحمد لله .. مش عاوز اقولك فرحة الناس بيا لدرجة انا صاحب الشركة كل لما حد يجيلة يقولة عبدالله جايب 98% وهيبقى وهيبقى .. ارجع واحمد ربنا واقول لو كنت جبت 70 % كانوا هيعاملونى ازاى .. فترة كنت بعتبرها من الذ فترات حياتى ’’

من المواقف الطريفة كان فى واحدة قصادنا على طول كانت قدى جابت 69% كانت بتقول لوالدى ان كل اللى جابوا فوق 95% بالغش انا طبعا كنت هستريا الضحك بتتفجر منى ... الحمد لله اللى مش نزلنى لطبقتها .. الح

الخلاصة : الوقت مفتش انت اللى بتلوم نفسك .. شجع نفسك بطل احباط #ابتسم
مش انت اللى بتحدد اذاكنت اشتغلت حلوا ولا لا .. انت اشتغل وبس ..
قرب من ربنا وحبة لانك كل ما تحبة كل ما يديك اكتر .. اعملة كل حاجة صلى قبام ليل .. متفوتش فرض على فكرة المدرسين هيحترموك لما يلاقوك بتحترم ربنا بتتأخر علشان تصلى ,,, محدش هيقلل منك لو حد قالك حاجة .. اتعلم دى

عيش اصم .. الناس بتسرق الاحلام ودة كنت اتكلمت عنة فى البوست اللى فات ..

انتوا المشوار لسة قدامك حلمك يعنى انت لو اتنازلت عنة يبقى انت ميت ..

#مشوار_حياة
#Elrayan ..
على قد حلمك يكون التعب .. معنى انك مش بتتبعى ان حلمك ضعيف او بمعنى انك مش مؤمنة بيه .. عمرك ما تصورتى فى يوم انة ممكن ميجيش .. وهى دى المشكلة ... ركزى على حلمك .. اشتغلى اكتر من المطلوب علشان تحققى المطلوب .. آمنى بنفسك .. ثقى فى الله .. طلعى المواهب المدفنة جوة نفسك .. هتوصلى اكتر ما كنتى متصورة بأذن الله =d طبعا الصيغه هنا في الفقر دي للبنات لانه كان بيرد علي بنت فعجبتني فقلت انقلها مع الموضوع واتمني ان يسامحني لانه نقلته وربنا يبارك فيه ويزده علما ويوصل لهدفه وان شاء الله احنا كمان

هذا الموضوع منقوووول بالكامل فشكرا اللي كتبه بجد مفيد هوه موجود في المنتدي بس هوه نسي يحطه هنا فقلت انقله لان اغلب مشاكل الطلبة بيدخلوا هنا ويلاقوا حل

طب الحته دي من عندي من يرد ان يطرد الشيطان او المعصية فعليه ان يتوكل علي الله ويسمع الشيخ الدكتور جراح القلب خالد الجبير بجد مممتاز وبالنسبة للناس اللي معندهاش وقت هوه بيقول كل ما تعمل معصية عليك بالوضوء والصلاة ركعتين دائما عند المعصية عند النظر للفتيات وستجد نفسك بعد كم اسبوع ببترك المعاصي تعرف ليش السبب لان الشيطان هوه اللي بيقولك بطل المعصية ههههههههههههههه طبعا مش مصدقين لا صدقوا اسمعوه وانتوا هتعرفوا ربنا يبارك فيه ويطل عمر
وبالنسبه للحته الاولي دي دي منقووووووووووووووووووووووووووووووووووووووووووووووو ووووووووووووووووووووله

وبالنسبة للناس اللي بتقول الثانوية انت وحظك لا صدقني انت اللي بتصنع حظك ادعي واسعي لهدفك واتعب والله العظيم مش هتصدق النتيجة رائعة وصدقني لو دخلت كلية غير اللي كنت عاوزها اعرف ان فيها خير احسن بكتيررررر من اللي كنت عاوزها بس اتعب وهتوصل والله هتوصل وخليك واثق في ربنا وفي نفسك

وهذه قصة ثلاثة كانوا متفوقين علمي رياضة والمهم اشطر واحد فيهم اقلهم مجموع ولم يوفق في دخول هندسة ودخل علوم وتفوق فيها وصار معيد وبيسافر امريكا ويروح هنا وهنا لكن هم مهندسين هيشتغلوا في الاخر حكومة يعني هيطلع عينهم انا مش بقلل من قدرهم طبعا بس زيهم زي اى مهندس ماعدا اللي حاطط هدف وبيشتغل عليه ده مش هيبقي زي اى مهندس خلي عندك هدف واسعي ليه واجتهد في طاعة الله وثق فيه والله والله هتوصله هتوصله وان شاء الله هوصل انا الاخر لهدفي ادعولي ويا رب اكون افدتكم بالموضوع كبير هههههه اسف بس حبيت اقول اللي جوايا قبل الكمبيوتر ما يبوظ تاني هههههههههههههههههههههههههههههههههه