السلام عليكم /
انا طالبه بالصف الثالث الثانوى ولكن مادخلتش الامتحانات السنه اللى فاتت واللى قبلها كمان لظروف مرضيه فاكنت عاوزه اعرف نظامى هايبقه ايه كده اقدر اقدم انتظام ولا ماينفعش الا منازل وبالاضافه ان انا عندى ماده اللغه الالمانيه مادخلتهاش فى 2 ث خالص فالما هادخلها هايحسبلى الدرجه الفعليه ولا 50% بس ولو مش هاينفع نظام انتظام وهابقه منازل ياترى بيقه فى ظلم فى التصحيح واللجان نظامها بيبقه ايه لان حرام مجموعى فى 2ث يضيع وشكرا ليكوا مسبقا.

وعليكم السلام ورحمه الله وبركاته
انا كمان زيك نظام قديم ما دخلتش السنه الى فاتت امتحانات بس دخلت السنه الى قبلها والحمد بوصى الحمد لله انى لقيت حد زيى فرحت بصراحه ..الى اعرفه ومتأكده منه انك عادى هتدخلى اللغه الالمانيه السنادى وهتتحسبلك الدرجه كامله اما عن نظامك السنادى انتظام ولا منازل بيتهيألى كده منازل والله اعلم بس ما تخافيش انا بردو منازل وعرفت انه ما فيش ظلم ولا حاجه بالعكس دا احنا السنادى عددنا قليل ونظام المنازل زى الانتظام ما فيهوش مشاكل دا الى اعرفه .........

وعليكم السلام ورحمه الله وبركاته
انا كمان زيك نظام قديم ما دخلتش السنه الى فاتت امتحانات بس دخلت السنه الى قبلها والحمد بوصى الحمد لله انى لقيت حد زيى فرحت بصراحه ..الى اعرفه ومتأكده منه انك عادى هتدخلى اللغه الالمانيه السنادى وهتتحسبلك الدرجه كامله اما عن نظامك السنادى انتظام ولا منازل بيتهيألى كده منازل والله اعلم بس ما تخافيش انا بردو منازل وعرفت انه ما فيش ظلم ولا حاجه بالعكس دا احنا السنادى عددنا قليل ونظام المنازل زى الانتظام ما فيهوش مشاكل دا الى اعرفه .........
طمنتينى والله لانى خايفه جدا من المنازل وكمان لسه مابدأتش اى حاجه فى المناهج ومتوتره جدا وماقدرش ااجل تانى لان خلاص انا ماشيه فى 21 سنه كفايه كده اوى وادعيلى انى اقدر ادخل السنه دى وربنا يوفقك انتى كمان

ربنا يوفقك يااااااااااا رب ويوفقنا جميعا ونخلص بقا من الثانوى دى ع خير
انا كمان لسه ما بدأتش ف اى حاجه .. يا ريت تدخلى ع الجروب ده اسمه مأجلين ثانوى ,لو تحبى نتواصل سوا وكمان هنلاقى ناس نفس نظامنا النظام القديم يمكن فعلا نقدر نشجع بعض ع المذاكره