أصبح الغش فى معظم الامتحانات على مستوى المدارس فى مصر ظاهرة عامة وأنا هنا أتحدث عن امتحانات الصف السادس الابتدائى بشكل خاص أصبح الغش منهج وأسلوب الكثيرين وللأسف المسئولية تقع بشكل كبير على المدرسين فهم السبب الرئيسى عن حدوث تلك المهازل التى تضرب التعليم فى م*** لا أمل فى أى اصلاح طالما أصبح الغش بهذا الشكل المرعب للأسف هناك نوعية من المعلمين تقوم باملاء التلاميذ الامتحان فى اللجان من أول دقيقة وهناك من يكتب اجابة أسئلة الامتحان كلهاعلى السبورة وهناك من يقوم بالكتابة للتلميذ فى الورقة فتجد تلميذ لا يعرف كتابة اسمه حصل على الدرجات النهائية بصراحة مهازل وقلة أدب كلها تحت مسمى حمل هم أولياء الأمور أو عمل الواجب للمدرسين أصحابى فى المدرسة أو سوف يأخذ دبلوم ويقعد فى الشارع مبررات غريبة جدا تقضى على أى بارقة أمل فى حدوث أى اصلاح وهو مستحيل فى اطار تفشى الغش بهذا الشكل المرعب والمنتشر تقريبا فى مدارس مصر الا من رحم ربى الغريب القلة من المدرسين التى تريد أن تسير العملية بجدية وأن يجيب كل تلميذ بمجهوده ويمنعوا الغش يصبح هذا النوع من المعلمين مكروه ومنبوذ ومش عنده قلب ولا عيال وربما يتعرض لأمور لا تليق بصراحة أنا حزين جدا لما يحدث حولى فى الامتحانات لدرجة أنه تم انتدابى للعمل كملاحظ فى امتحان الصف السادس الابتدائى ولأننى أعرف ما سوف يحدث من خلال التجارب ومنعا للاحراج قدمت اعتذار ولم أذهب منعا للاحراج رغم أن خمعظم المعلمين يحاولون احضار جواب انتداب أو تصحيح وكله رزق من عند الله بصراحة الامتحانات بهذا الشكل وتلك الطريقة ضحك على النفس ومش ليها أى فايدة وفروا فلوس الدولة ووفروا الورق وانا لله وانا اليه راجعون

غش ايه الي انت جاي تقول عليه انت عارف اصلا فايده الغش ايه ( حمير كتير - كتير - كتير ) واصلا يا حبيبي العلم في الراس مش في الكراس ويعني الي اتعلموا خدوا ايه ...... ولو ما غششتش العيال واهليهم هيستنوك بره وتنضرب بالجزمه .... يا عم دع الملك للمالك .... وحدوه ( لا اله الا الله )

امتحانات النقل فيها جدية عن امتحانات الصف السادس في مدارس التلميذ بيستلم ثلاث ورقات ورقة للاسئلة وورقة للأجابة وومرقة محلول فيها الامتحان

حسبنا الله ونعم الوكيل

انا عن نفسى تشاجرت مع مدرسين كتير ورؤساء لجان لانى اعامل ضميرى واخاف من الله تعالى وذلك من خلال عدم الغش . ولكن متى يستمر هذا الحال ؟ اين رؤساء التعلم النشط والجودة لماذا يختفون اثناء موسم الامتجانات ويظهرون بكلامهم الجميل اثناء الدراسة

المفروض اللي يراقب على الابتدائي يكون من الاعدادية حتى نتجنب موضوع الغش

كلكم عايشين في الدور
انت مسؤول عن نفسك ليس لك علاقة بمن يغشش او لا يغشش
كل واحد عامل نفسه زعيم

كلكم عايشين في الدور
انت مسؤول عن نفسك ليس لك علاقة بمن يغشش او لا يغشش
كل واحد عامل نفسه زعيم
حرام عليك المساواه في الظلم عدل انا كنت يشد اللجنه بصيت لاقيت اللجنه الي جنبي بتملي العيال الاجابة هو ذنب العيال اني رقبت عليهم قولت مليش دعوه قال الله وقال الرسول (ص) ورقبت بما يرضي الله لقيت اولياء الامور مستنياني بره قولت ابو التعليم لابوا الي عايز يتعلم كبرت دماغي وقولت انا لن اغشش وايضا لن اسمح بالغش الخارجي وبقيت اسيب العيال مع بعض وهذا اضعف الايمان .................

السبب في هذا إدارة المدارس الفاااشلة المدرس يشرح ويتعب وتتطلع عينه وفي الآخر المديرين والوكلاء يجمعوا فلوس من التلاميذ ويضغطوا على المعلمين والهدف النتيجة تطلع 90%وإل يقول الحق يتحط في البلاك لست مكنتش متصورة إن في إنسان يهدم عمله وتعبه ويحطم تلاميذه المجتهدين دا أنا الحاجة إل بعملها بإخلاص وعايزها تكون أجمل حاجة في الكون إيه يعني لما نتيجتي تطلع 50% ماأنا لسة عندي تيرم تاني وعندى أجازة آخر العام أعمل خطة تحسين ياما كان نفسي أكون وزيرة تعليم كنت حسرح النصابين وأبعت لجان في الامتحانات أصل التعليم مابقاش تعليم بقى تعتيم لطفك يارحمن يارحيم أنت وحدك قادر على الظالميين

كلكم عايشين في الدور
انت مسؤول عن نفسك ليس لك علاقة بمن يغشش او لا يغشش
كل واحد عامل نفسه زعيم

يا سيدى الفاضل دور ايه الذى تتكلم عنه وعليه أنا لم أدعى المثالية أو البطولة بالعكس أنا زعلان من نفسى لأن ما قمت به هو سلبية ولكنى اعتذرت لأننى أعرف أننى لن أستطيع منع الغش فى اللجنة مش كده وبس هتلاقى واحد ماشى جد والباقى كلهم فى طريق معاكس فيظهر بمظهر الشاذ نحن نطرح قضية خطيرة ومرض منتشر لو تعرف مدى الاحباط للتلاميذ المتفوقين والذين يأخذون الموضوع بجدية لما تكلمت بهذا الشكل سيدى الفاضل ربنا يهدينا جميعا للخير ويهدينى قبلك