انا عايزة اعرف احنا امتى هنبدا حصص الكمياء الصوتية ومين من الاساتذه الى هيدينا
ياريت علشان انا بدات اعتمد على المنتدى فى المزكرة وربنا يوفقنا ويوفق جميع المدرسين

مرحبا بالعام الجديد وإن شاء الله سيتم بدأ الغرفة الصوتية قريبا وسيشارك عدد كبير من مدرسي الكيمياء
http://img341.imageshack.us/img341/4485/169qh0.gif

شكرااا لكم

شكرا لكم فقد كنت اريد ان اسأل نفس السؤال

اى خدمه ياطائر يامجروح
اهلا بيك وربا يسترها السه دى وباي على الكمياء لذيذة اوى

الكيمياء هي السهل الذي لا يوجد اسهل منه واذا حبيتوا الكيمياء ان شاء الله هتبقى بنفس سهولة المية في الشرب وبالتوفيق للكل ان شاء الله

بجد يا جماعة العالم ده جديد عليا جدا وجميل جدا اعذرونى أصلى محدث كل ده بس إحساسى إن فيه ناس بتفكر فى غيرها وعايزة تفيد بعضها دهإحساس مخلينى بجد طاير بالمنتدى ونفسى أعمل له أى حاجة
لأنى مش عارف أقابل الناس دى فى حياتى وكنت فاكر إن الشيئ ده إنقرض ....
ولذلك أنا تحت أمر المنتدى وأكون أسعد الناس بالمشاركة مستمع يستفيد من أساتذة جمال زى حضراتكم
أو مشارك بيحاول يقدم معلومة بسيطة على قد حاله
بإنتظاااااااااااااااار الغرف الصوتية

طبعا ان واثقة ان الكيمياء لذيذة جدا والا ماكنتش اشتركت فى المنتدى وشكرا تانى

هو حضرتك مدرس لو حضرتك مدرس ارجوا ا ترد
لكى استغلك ههههههههههه

شكرا لكل من فى المنتدى الواحد حاسس كانه بين عائلته

هههههههههههه على فكرة ياطائر انا مقصدكش انت اقصد استاذ محمد الغمرى
لكن انا مش مدرسه

بالفعل انا مدرس كيمياء ومازلت ادرس منهج كيميا مصر وبعدين مش انتى اول من يستغلنى انا اول ما رجعت من السفر طلاب كتير استغلوني بس ده احلى استغلال بحبه في حياتى لانها قبل ما تكون مهنتى فهي عشقى وحبي الابدي

كنت فاكر تقصدونى هههههههههههههههههه

انا على العموم مافيش مشكلة كلنا هنا في خدمة المنتدى وانا تحت امر كل طلاب المنتدى وتقبلوا منى وافر الاحترم

وانا كمان عايز اعرف الحصص الصوتيه

أرحب بالإستغلال الجامد ماأهو بمزاجى أحسن ما يبقى تحت تهديد السلاح
طبعا يا جماعة انا تحت امركم وسعيد بيكم جدا وبالاخ ا.محمد غزال وبأساتذة أعمالهم تتحدث عنهم د. عاطف وأ.سيد عثمان

طيب يااساتذه انا عايزة اسالكوا سؤال اا جايبة 93 نص وكت واخده احياء فى تاية اكمل علمى علوم ولا احول ادبى

اتمنى من الله عز وجل ان استطيع المساهمة معكم وانا في السعودية لانى مسافر بعد العيد وده هيبقى اسعد وقت ليا لاني فعلا مشتاق لمصر ولمناهج مصر ولطلاب مصر

بجد روحي هنا واتمنى انى اكون هنا وان شاء الله هيكون قريب

ردوا عليااااااااا

الحل الأول : كملى علمى وخدى الكيميا ومش هتعارض الفيزيا في اي حاجة وربنا يوفقك ولو جبتى 99 بالمستوى الرفيع تقدرى تلحقى صيدلة او علاج طبيعي او حتى بيطري لان المتوسط هيكون 96 تقريبا او اكتر وده على اسوء تقدير في التنسيق

الحل الثاني : تحولى ادبي

الحل الثالث : وده كتير بيعمله في دفعتك وهي مخاطرة وهو انك تاخدى نص المواد السنة دي والنص السنة الجاية وهي سنة فارغة من الطلاب وكل اللى فيها طلاب راسبين من قبل وبالتالى فرصة انك تجيبي كلية كويسة من الطب وفروعها كبيرة


وبالتوفيق ان شاء الله وعرفيني اخترتي ايه

والصراحة انا افضل الاختيار الاول

المهم الواحد ماذا يفضل

وهل ينجح فى ده ؟!

التوفيق والنجاح من عند الله المهم العزيمة لازم نستمدها من الايمان بالله سبحانه وتعالى ولكل مجتهد النصيب

رأيى الشخصى ده يتوقف على ميولك
يعنى لا أنا ولا غيرى يحدد لك شيئ
إنما نوضح:
إذا كان عندك إستعداد للدراسة فى كلية العلوم كحد أدنى وكمان عندك كمية طموح لا بأس بها وكمان عندك شخصية تتحمل الضغوط أو عندها إستعداد لتحمل الضغوط
يبقى أكيد تكملى علوووووووووووم
أما إذا كنتى كثيرة القلق أو سريعة السأم أو بصراحة " بتكبرى بسرعة "يبقى برضة يبقى فيه مجهود فى أدبى بضغط عصبى أقل وبهدف أكثر وضوحا
يعنى كليات قمة زى ألسن أو سياسة وعلوم سياسية أو تكونى إنسانة حاملة لرسالات الرسل فى تربية
وإستخيرى ربنا كويس 3 ركعات بعد الفريضة وحاولى تستفزى نفسك عشان تحددى بسرعة وتبدأى العمل
وربنا معاكى

التوفيق والنجاح من عند الله المهم العزيمة لازم نستمدها من الايمان بالله سبحانه وتعالى ولكل مجتهد النصيب

التوفيق والنجاح من عند الله المهم العزيمة لازم نستمدها من الايمان بالله سبحانه وتعالى ولكل مجتهد النصيب

شكرا بس هو اانا نفسى ادخل اسنان بس مش عارف