مشاهدة النسخة كاملة : مهم لكل الشباب و البنات اللي في الجامعة و بالأخص اللي داخلين الجامعة السنادي
محمد.فوكس 11-08-2008, 06:30 AM السلام عليكم..
أنا في الموضوع ده بكلم الشباب و البنات اللي داخلين الجامعة السنادي و كمان الشباب اللي في الجامعة اصلا..
دلوقتي احنا داخلين مرحلة جديدة و تفرق كتير عن اللي قبلها على عكس المراحل اللي قبل كده كنا بنطلع من مدرسة ندخل مدرسة أما دلوقتي في فرق كبير..
جامعة يعني حرية يعني مسؤلية...
و معظمنا اذا مكانش كلنا بيفكر في الحياة الجديدة اللي في الجامعة..و اكيد بيخطر على باله الاختلاط..
قضينا مش اقل ست سنين في المدارس (الاعدادية/الثانوية بنين) , (الاعدادية/الثانوية بنات)
و نضجنا في هذه المرحلة و اكيد ان من اهم التحولات اللي بتحصل و احنا داخلين الجامعة هو الاختلاط..
مكنتش بتلاقي بنات معاك الا لو في درس مدة قصيرة لكن دلوقتي هيبقى معاك بنات طول اليوم في الكلية.
و انتي كمان نفس الكلام مكنتيش بتلاقي ولاد الا في الدروس و دلوقتي هيبقو في وشك طول اليوم.
تصرفك هيبقى ازاي..هتتعامل مع التطور ده ازاي هل هتدخل في الشلة المختلطة او تعرف حد من الجنس الآخر؟
على فكرة انا مش عامل الموضوع ده عشان انبهكم للموضوع و اقولكوا تعملو كده لا سمح الله و في نفس الوقت مش بتبنى رأي معين في الحكاية دي انا طالب زيكو و فكرت في الموضوع ده..
الموضوع ده ممكن يتاخد بكذا جانب .. ففي الجانب الديني اللي هيقول ان الاختلاط ممنوع..و ممكن حد يتكلم فيه بضحك و يقول "يعني الحياة هتبقى طرية شوية بعد ما كانت ناشفة"..و في اللي هياخده بمنطق بين احساس الطالب او الطالبة انه نفسوا يعمل كل حاجة جديدة و يستغل الحرية و بين القيود اللي لازم تلتزم بها الطالب في علاقاته في الكلية..و جانب الطالب اللي عايز يفتعل قصة حب..الخ.
انا عايز اعرف آرائكم في الموضوع ده..هيبقى ايه موقفك من جو الاختلاط اللي موجود في الجامعة؟
و يا ريت اللي يحط رأيه يقولنا هو في كلية اصلا ولا لسه داخل السنادي..
مستني ردودكم .. و احب اكرر اني مش تبع رأي معين انا طالب برضه لسه هدخل السنادي .
شكرا.. سلام عليكم..
الجويرية 11-08-2008, 06:38 AM وعليكم السلام ورحمة الله وبركاته
بصراحة انا من رائى الاختلاط برة الجامعة جوة الجامعة
هوا هوا الاختلاط
وهم الولاد بردوا اجانب على البنات
فانا من رائى انه ممنووووووع او بمعنى اصح حراااااااااااام
وان شاء الله عمره ما هايحصل
زى مابنشوف ولاد او رجال كتير برة الجامعة ومفيش الاختلاط
بردوا جوة الجامعة هى الاخلاق ونفس التعامل ان شاء الله
على فكرة انا ان شاء الله لسه هادخل السنة دى اولى جامعة
وجزاكم الله خيرا
فى رعاية الله
Travel 11-08-2008, 08:46 AM وعليكم السلام ورحمة الله وبركاته
مش كل اللى بيبقى داخل الجامعة بيبقى داخل تعارف
والكلام ده
انا بالنسبة لى واكييد بالنسبة لغيرى
اللى فى الجامعة زى اللى فى المنتدى
زى اللى هيبقى فى الشغل
زى اى حد
شخصيات مختلفة وافكار مختلفة
واراء مختلفة
منها الحلو ومنها الوحش
منها العاقلة ومنها........
اكييد انت بتقابل شخصيات كتيير
زى ما موجود فى المنتدى
بنتكلم مع بعض
بنتناقش مع بعض
اكييد ده اللى هيحصل لو حد قابلته مشكله او معلومة مش مفهومة
(فى المنهج)
والكلية لازم نكون عارفيين ان احنا داخلينها علشان
نكمل مستقبلنا
لو حد جواه رغبة واصرار انه يحقق ذاته
وانه يحس انه بيعمل حاجة
مش داخلين كلية تعارف وصداقة ودمتم والسلام
كل واحد هيكون له راى مختلف وفكر مختلف
بس فى الاخر
بنتفق كلنا على راى واحد
وانا لسه هتكون دى اول سنة
وربنا يكرم
فى امان الله
محمد.فوكس 11-08-2008, 08:49 AM وعليكم السلام ورحمة الله وبركاته
بصراحة انا من رائى الاختلاط برة الجامعة جوة الجامعة
هوا هوا الاختلاط
وهم الولاد بردوا اجانب على البنات
فانا من رائى انه ممنووووووع او بمعنى اصح حراااااااااااام
وان شاء الله عمره ما هايحصل
زى مابنشوف ولاد او رجال كتير برة الجامعة ومفيش الاختلاط
بردوا جوة الجامعة هى الاخلاق ونفس التعامل ان شاء الله
على فكرة انا ان شاء الله لسه هادخل السنة دى اولى جامعة
وجزاكم الله خيرا
فى رعاية الله
رأي محترم و طبعا كلنا لازم ناخد بيه لأنه رأي الشرع في الموضوع..
شكرا
محمد.فوكس 11-08-2008, 08:52 AM وعليكم السلام ورحمة الله وبركاته
مش كل اللى بيبقى داخل الجامعة بيبقى داخل تعارف
والكلام ده
انا بالنسبة لى واكييد بالنسبة لغيرى
اللى فى الجامعة زى اللى فى المنتدى
زى اللى هيبقى فى الشغل
زى اى حد
شخصيات مختلفة وافكار مختلفة
واراء مختلفة
منها الحلو ومنها الوحش
منها العاقلة ومنها........
اكييد انت بتقابل شخصيات كتيير
زى ما موجود فى المنتدى
بنتكلم مع بعض
بنتناقش مع بعض
اكييد ده اللى هيحصل لو حد قابلته مشكله او معلومة مش مفهومة
(فى المنهج)
والكلية لازم نكون عارفيين ان احنا داخلينها علشان
نكمل مستقبلنا
لو حد جواه رغبة واصرار انه يحقق ذاته
وانه يحس انه بيعمل حاجة
مش داخلين كلية تعارف وصداقة ودمتم والسلام
كل واحد هيكون له راى مختلف وفكر مختلف
بس فى الاخر
بنتفق كلنا على راى واحد
وانا لسه هتكون دى اول سنة
وربنا يكرم
فى امان الله
انا عارف ان دي مرحلة ليها علاقة بالمستقبل عشان كده انا طرحت الموضوع ده لأن اكيد بيبقى ليه تأثير
بس انا مفهمتش وجهة نظرك اوي..
و بكرر انا مش متبني رأي معين انا عايز اعرف آرائكم..
شكرا..
Travel 11-08-2008, 09:01 AM انا عارف ان دي مرحلة ليها علاقة بالمستقبل عشان كده انا طرحت الموضوع ده لأن اكيد بيبقى ليه تأثير
بس انا مفهمتش وجهة نظرك اوي..
و بكرر انا مش متبني رأي معين انا عايز اعرف آرائكم..
شكرا..
يعنى اقصد
ان نكون داخلين جد
كاننا لسه فى
ثانوية عامة
(اكييد معروف انت بتتزاكر ازاى)
:(:(:(
نكون زيها
مش اكتر
معلش انا فى ردروى بطول حبة
انا بصراحه مش هفتى فى اللى ماليش فيه واقول ايه راى الدين فى الاختلاط
انما انا بصراحه مش هبقى شرقان عليهم قوى
كان فيه بنات معايا فى الثانوى طول اليوم
احنا كنا مدرسه مختلطه
لكن شكرا جزيلا على عرض الموضوع يا محمد
محمد.فوكس 11-08-2008, 09:46 AM انا بصراحه مش هفتى فى اللى ماليش فيه واقول ايه راى الدين فى الاختلاط
انما انا بصراحه مش هبقى شرقان عليهم قوى
كان فيه بنات معايا فى الثانوى طول اليوم
احنا كنا مدرسه مختلطه
لكن شكرا جزيلا على عرض الموضوع يا محمد
ماشي يا مان ..
اقصد الناس اللي مش مقطعين السمكة و دليها زيك..
شكرا على مرورك..
محمد جبار 11-08-2008, 11:01 AM والله انا بأذن الله داخل فنون جميله اسكندريه وطبعا زى ما احنا عارفين البنات والصبيان هناك كثير وطبعا بيتكلموا معظمهم عن الرسم وكده
فأنا بأذن الله مش حختلط بحد الا فى حدود الدين لو فى حاجه وقفت مع حد او كده لكن حاجات مثل الحب والحاجات التانيه دى
بأذن الله مش حيحصل لانوا ممنوع شرعا وده كفايه
وتسلم ياباشا على طرحك الموضوع الهايل ده وانا فعلا فكرت فيه وما زلت بفكر فيه
لانها نقطه تحول لمستقبلنا
محمد.فوكس 11-08-2008, 11:37 AM والله انا بأذن الله داخل فنون جميله اسكندريه وطبعا زى ما احنا عارفين البنات والصبيان هناك كثير وطبعا بيتكلموا معظمهم عن الرسم وكده
فأنا بأذن الله مش حختلط بحد الا فى حدود الدين لو فى حاجه وقفت مع حد او كده لكن حاجات مثل الحب والحاجات التانيه دى
بأذن الله مش حيحصل لانوا ممنوع شرعا وده كفايه
وتسلم ياباشا على طرحك الموضوع الهايل ده وانا فعلا فكرت فيه وما زلت بفكر فيه
لانها نقطه تحول لمستقبلنا
شكرا لمرورك يا محمد..
بس انا كنت عايزك تقولي انت منين و كنت في مدرسة ايه عشان انا كنت اعرف واحد بنفس اسم الشهرة بتاعك..
hoky70 11-08-2008, 01:16 PM بالتوفيق للجميع
KHALOOOD 11-08-2008, 01:31 PM بصى يا مان اولا انا فى هندسه
وخبره كمان يعنى بقالى سنتين فى الكليه
وهانت ان شاء الله اوعى تفتكر انى بسيح لنفسى :p
لا لسمح الله
المهم
اقولك بقى على كل اللى انت عايزه
بص يا سيدى
اولا انا مش عارف انت تقصد انهى نوع من الاختلاط
انا من راى الاختلاط مش كله واحد زى ما الناس ما قالت
فيه اختلاط دراسه وفى اختلاط صداقه وفى انواع تانيه زى العمل وكدا بس مش موضوعنا
احنا عايزين اختلاط الدراسه والصداقه دلوقتى
اختلاط الدراسه انا مش شايف ان فى مشكله خالص
وكلكوا هتساعدوا بعض وكدا طبعا فى حدود الدراسه بس
ودا انا من الموافقين عليه
خصوصا ان البنات فى الكليه دحيحه وهتحتاجوهم كتير
اسئلونى انا :p
ما علينا
اختلاط الصداقه دى بقى اللى مرفوض او ممكن يبقى فيه كلام
لانه بصراحه الاختلاط من النوع دا فى الكليه
ممكن يبقى فيه مشاكل كتير فى المستقبل
يعنى تشويه صورته وصورتها فى الكليه
والكلام يكتر عليهم والحواارات اللى كل يوم الواحد يسمعها فى الكليه دى
دى غير انها ممكن توصل لاكتر من كدا بكتيررررررر
وانتوا فاهمين قصدى وعارفين اللى بيحصل فى الكليات وبتسمعوا عنه
واللى هيجى هندسه اسكندريه هيشوف كباريه بس على كبير شويه
يارب يكون حد فهم كلامى
!DreAmeR! 11-08-2008, 03:50 PM انا من راى خالد وكل الناس بتقول كده بالحرف وانا اول سنه ليه اسنه ديه ى الزقازيق
خالد
محمد.فوكس 12-08-2008, 02:42 AM بصى يا مان اولا انا فى هندسه
وخبره كمان يعنى بقالى سنتين فى الكليه
وهانت ان شاء الله اوعى تفتكر انى بسيح لنفسى :p
لا لسمح الله
المهم
اقولك بقى على كل اللى انت عايزه
بص يا سيدى
اولا انا مش عارف انت تقصد انهى نوع من الاختلاط
انا من راى الاختلاط مش كله واحد زى ما الناس ما قالت
فيه اختلاط دراسه وفى اختلاط صداقه وفى انواع تانيه زى العمل وكدا بس مش موضوعنا
احنا عايزين اختلاط الدراسه والصداقه دلوقتى
اختلاط الدراسه انا مش شايف ان فى مشكله خالص
وكلكوا هتساعدوا بعض وكدا طبعا فى حدود الدراسه بس
ودا انا من الموافقين عليه
خصوصا ان البنات فى الكليه دحيحه وهتحتاجوهم كتير
اسئلونى انا :p
ما علينا
اختلاط الصداقه دى بقى اللى مرفوض او ممكن يبقى فيه كلام
لانه بصراحه الاختلاط من النوع دا فى الكليه
ممكن يبقى فيه مشاكل كتير فى المستقبل
يعنى تشويه صورته وصورتها فى الكليه
والكلام يكتر عليهم والحواارات اللى كل يوم الواحد يسمعها فى الكليه دى
دى غير انها ممكن توصل لاكتر من كدا بكتيررررررر
وانتوا فاهمين قصدى وعارفين اللى بيحصل فى الكليات وبتسمعوا عنه
واللى هيجى هندسه اسكندريه هيشوف كباريه بس على كبير شويه
يارب يكون حد فهم كلامى
شكرا لمرورك يا مان..
انا فهمت كلامك بس انا وجهة نظري ان الصداقة في مجال الدراسة ممكن لا مش ممكن ده أكيد هتقلب بصداقة بره الجامعة..
واعتقد ان كلامي منطقي..و على فكرة البنات معظمهم بيبقوا دحيحة في الثانوية اما في الكلية فبيفكوا شوية من الدح..
و لا انت ايه رأيك؟
براءة 12-08-2008, 02:50 AM لو دخلت القسم اللى انا حاباه
يقال ان هيبقي فيه ولد واحد تقريبا معانا تبعا لمعدل السنوات السابقة
يعنى احسن اهى جت من الكلية :D
وبعدين مينفعش يبقي ليا ف النظام ده الحمد لله علشان السنة دى قلبت مظهرى خالص 360 درجة
بقى اكثر التزاما
ودى امانة ميصحش اشوهها طبعا ومش هينفع اقبل ان يكون ليا علاقة بولد ايا كان نوعها
وبعدين ما الدروس والتمرين والمدرسة كلهمممممم فيهم اولاد
وغالبا كمان نفس العيال بشوفها كل يوم مرتين تلاته
بس بردو انا عاجبانى كده والناس نفسها تسمع منى سلام عليكم حتى وانا بعملنى معرفهمش :D
يا رب يا رب ثبتنى انا مش عاوزة اى حاجة هايفة تعترض طريقي :rolleyes:
محمد.فوكس 12-08-2008, 03:00 AM على فكرة انا برضه داخل كلية صعبة و مينفعش فيها نظام التزويغ من المحاضرات..
و فوق كده انا عامل شوية دقن مش ملتحي يعني بس الشوية اللي طلعولولي :p
مش مظهر بس يعني البنت ممكن تلبس خمار او اسدال..
فاانا عملت الحتة دي كده برضه 360 درجة لاني في الثانوية كنت عامل سوالف و نظام تاني خالص..
شكرا..
سلام عليكم..
شهدالجنة 12-08-2008, 03:41 AM ان شاء الله اداب القاهرة
وبعدين لو انا كلمت اللى قدامى باحترام من غير اى تعبيرات تجذبه مثلا اعتقد انه
هيكلمنى باحترام واستحاله انه هيفكر انه يكلمنى بطريقه سوقيه او يفهم حاجة غلط
محمد.فوكس 12-08-2008, 04:20 AM ان شاء الله اداب القاهرة
وبعدين لو انا كلمت اللى قدامى باحترام من غير اى تعبيرات تجذبه مثلا اعتقد انه
هيكلمنى باحترام واستحاله انه هيفكر انه يكلمنى بطريقه سوقيه او يفهم حاجة غلط
ايوة .. انا مش بتكلم على الفهم الغلط..
انا بتكلم على مجرد الاختلاط سواء تحت اي مسمى(زمالة,صداقة,تعاون,حب)..
و سؤالي هو ان هل هتدخل في جو الاختلاط اللي في الجامعة؟
CoMMaNdo 12-08-2008, 04:29 AM موضوعك مهم جدا يا فوكس
وشكرا انك فتحت الكلام فى الموضوع دا
اانا باذن الله داخل اولى جامعه السنه دى
وانتا زى مقلت احنا كنا بنقابل بنات فى الدروس مدة قصيره
دا بالظبط الى هيحصل برضه فى الجامعه
ومش شايف انه حرام و الشيوخ نفسهم قالو مش حرام الاختلاط
لان انتا لو هتحرم الاختلاط التعليم هيقف والشغل كله هيقف اصلا
و البنات الى فى الجامعه مش هيبقوا اكتر من زملاء لينا
وشكرا ليك تانى على موضوعك
شهدالجنة 12-08-2008, 04:29 AM معلش بس انا لا حب ولا تعاون ولا زماله
ممكن البنات طبعا نكون اكتر من الاخوات كمان لاكن الاولاد او الشباب
انا معنديش غير حاجة واحدة ممكن اقولها الحاجة اللى ممكن احتاجها اكيد هتبقى مع البنات قبل الشباب
ومفيش مبرر انى اقف اكلم مع اى شاب فى الجامعه
Dr.mayson 12-08-2008, 04:33 AM اممممممممممممم معرفش بس الاختلاط حرام شرعا سواء بره او جوه مش بتفرق بس ساعات الظروف بتحتم علينا التعامل مع الجنس الاخر بس لو الواحد اتعامل فى حدود الدين واسلاموا اكيد هيبقى هيبقى الشكل العام احسن وعلى فكرة احنا عندنا مكناش بناحخد دروس مختلطة وربنااااااااا يثبتنااااااااااااا يارب
اما بخصوص الاخ محمد فوكس يعنى رائى حضرتك ان البنت تلبس خمار علشان تمنع الاختلاط بس ولا علشان ده الحجاب الشرعى
ودمتم
محمد.فوكس 12-08-2008, 04:39 AM موضوعك مهم جدا يا فوكس
وشكرا انك فتحت الكلام فى الموضوع دا
اانا باذن الله داخل اولى جامعه السنه دى
وانتا زى مقلت احنا كنا بنقابل بنات فى الدروس مدة قصيره
دا بالظبط الى هيحصل برضه فى الجامعه
ومش شايف انه حرام و الشيوخ نفسهم قالو مش حرام الاختلاط
لان انتا لو هتحرم الاختلاط التعليم هيقف والشغل كله هيقف اصلا
و البنات الى فى الجامعه مش هيبقوا اكتر من زملاء لينا
وشكرا ليك تانى على موضوعك
متشكر يا مان على مرورك..
بس احب اوضحلك حاجة.
ان هيكون في بنات في الجامعة معاك ده امر واقع وحتمي لأن حتى لو الشيوخ قالوا حرام مستحيل الحكومة هتغير حاجة..
و لو كان ده موضوعي كان هيبقى سؤال"هل هتقبل تروح الجامعة برغم ان في بنات/ولاد"
و طبعا السؤال ده غبي جدا لأن كله هيقولي آه هروح الجامعة أمال يعني متعلمش.
لكن انت already هيكون معاك بنات .. هل بقى هتختلط معاهم .
يعني مثلا على طول بنلاقي شلة واقفة فيها كذا بنت و كذا ولد و عدد البنات مش لاز يبقى قد عدد الولاد ..
اللي اقصده هنا هل هيكون ليك اي علاقة من اي نوع مثلا صداقة مع الجنس الآخر.
و شكرا ليك
CoMMaNdo 12-08-2008, 04:44 AM متشكر يا مان على مرورك..
بس احب اوضحلك حاجة.
ان هيكون في بنات في الجامعة معاك ده امر واقع وحتمي لأن حتى لو الشيوخ قالوا حرام مستحيل الحكومة هتغير حاجة..
و لو كان ده موضوعي كان هيبقى سؤال"هل هتقبل تروح الجامعة برغم ان في بنات/ولاد"
و طبعا السؤال ده غبي جدا لأن كله هيقولي آه هروح الجامعة أمال يعني متعلمش.
لكن انت already هيكون معاك بنات .. هل بقى هتختلط معاهم .
يعني مثلا على طول بنلاقي شلة واقفة فيها كذا بنت و كذا ولد و عدد البنات مش لاز يبقى قد عدد الولاد ..
اللي اقصده هنا هل هيكون ليك اي علاقة من اي نوع مثلا صداقة مع الجنس الآخر.
و شكرا ليك
الواحد داخل الجامعه عشان باخد شهادته محدش بقى هيكون فاضى للحاجات التانيه
ويسيدى البنات الى بتشوفهم واقفين وسط ولاد دول كدا كدا فاشلين والولاد برضه نفس الكلام
بس انا ممكن افرض انى اقابل واحده فى الجامعه واتشدلها
بس العلاقه بينا هتكون كلها احترام وادب وهنشجع بعض على المزاكرة
محمد.فوكس 12-08-2008, 04:47 AM اممممممممممممم معرفش بس الاختلاط حرام شرعا سواء بره او جوه مش بتفرق بس ساعات الظروف بتحتم علينا التعامل مع الجنس الاخر بس لو الواحد اتعامل فى حدود الدين واسلاموا اكيد هيبقى هيبقى الشكل العام احسن وعلى فكرة احنا عندنا مكناش بناحخد دروس مختلطة وربنااااااااا يثبتنااااااااااااا يارب
اما بخصوص الاخ محمد فوكس يعنى رائى حضرتك ان البنت تلبس خمار علشان تمنع الاختلاط بس ولا علشان ده الحجاب الشرعى
ودمتم
شكرا لمرورك..
اح اكرر اني بسأل و مش بقول رأيي و مش بتبني اي راي او اتجاه انا بناقش اي حد في وجهة نظره لو عندي عليها ملاحظات..
اما بالنسبة لموضوع الخمار انا مش عالم فقه او شريعة او حتى معنديش فكرة عشان اقول الحجاب الشرعي مواصفاته ايه..
طبعا حكاية الحاجب فرض مفروغ منها..لكن ماهو في بنات بتلبس حجاب على ملابس كاجوال.. و ساعات ملابس غير لائقة و ضيق الخ..و فيه الخمار.
انا عارف ان التدين مش بالمظاهر بس احيانا المظهر بيكون جزء من التدين يعني مثلا الخمار زيادة حشمة للبنات على الحجاب..لكن طبعا لو الحجاب على ملابس غير لائقة يبقى اكيد مفيش تدين اصلا عشان يبقى في زيادة تدين..زي مثلا بالنسبة لينا الرجال في الذقن مش كله بيربي ذقنه.
و شكرا لمرورك..
سلام عليكم..
شهدالجنة 12-08-2008, 04:51 AM هو حضرتك شايف ان وجه نظرى خطأ
محمد.فوكس 12-08-2008, 04:51 AM الواحد داخل الجامعه عشان باخد شهادته محدش بقى هيكون فاضى للحاجات التانيه
ويسيدى البنات الى بتشوفهم واقفين وسط ولاد دول كدا كدا فاشلين والولاد برضه نفس الكلام
بس انا ممكن افرض انى اقابل واحده فى الجامعه واتشدلها
بس العلاقه بينا هتكون كلها احترام وادب وهنشجع بعض على المزاكرة
ايوة...هو ده قصدي .. و على فكرة انا ما أقصدش خالص ان العلاقة المختلطة دي هتكون محترمة او مش محترمة..
انا بسأل بوجه عام هل هتقبل فكرة الاختلاط اصلا او العلاقة مع الجنس الآخر اصلا؟..و موضوع علاقة محترمة او مش محترمة ده اكيد مهم بس ..
انا اكيد مثلا فكرة علاقة غير محترمة رافضها و بقول رأيي اهو..
فأنا هنا بسأل على فرض ان العلاقة هتكون محترمة..
لأن غير محترمة دي مرفوضة بتاتاْ
براءة 12-08-2008, 04:52 AM اممممممممممممم معرفش بس الاختلاط حرام شرعا سواء بره او جوه مش بتفرق بس ساعات الظروف بتحتم علينا التعامل مع الجنس الاخر بس لو الواحد اتعامل فى حدود الدين واسلاموا اكيد هيبقى هيبقى الشكل العام احسن وعلى فكرة احنا عندنا مكناش بناحخد دروس مختلطة وربنااااااااا يثبتنااااااااااااا يارب
اما بخصوص الاخ محمد فوكس يعنى رائى حضرتك ان البنت تلبس خمار علشان تمنع الاختلاط بس ولا علشان ده الحجاب الشرعى
ودمتم
لا ده كان تعقيب ع كلامى
كل اللى قلناه ان لو فى واحدة التزمت بالحجاب الشرعى لازم تحترمه وتتجنب الاختلاط
وبس كده :)
شهدالجنة 12-08-2008, 04:57 AM ياجماعة انا من راىى ان موضوع الاختلاط دوت موضوع محرم شرعا ومع احترامى ليكم مافيش حاجة اسمها هنشجع بعضينا باحترام
ونذاكر مع بعض المفروض ان كل واحد يبقى مع جنسه وممكن تحقق نجاح اكبر
محمد.فوكس 12-08-2008, 04:58 AM هو حضرتك شايف ان وجه نظرى خطأ
لا مش قصدي..
بس اصل حضرتك بتقولي هل انا بقول الخمار عشان تجنب الاختلاط و الاخترام ولا هو عشان فرض..
اولا هو مش ده اساس الموضوع بس مفيش مانع نتكلم في حاجات ليها دعوة بالموضوع..
بس لو اتلكمنا بشكل واقعي بصراحة.
في محجبات من غير الخمار .. يعني عشان كده بقول الخمار زيادة تدين..
و برضه انا مش عايز ادخل في ان الخمار هو شكل الحاجب او انه زيادة في الاحتشام لأني معرفش في الموضوع ده..
و شكرا
شهدالجنة 12-08-2008, 05:06 AM اولا يااستاذ محمدانا مجبتش سيرة الحجاب خالص انا قلت انه مش هسمح لنفسى انى ااقف مع اى شاب فى الجامعه الا للضرورة القسوى
وانى اللى هحتاجه اكيد هلاقيه مع البنت قبل الولد بس وشكر للموضوع الجميل
براءة 12-08-2008, 05:07 AM الدنيا دخلت ف بعضها
هيصه :d
CoMMaNdo 12-08-2008, 05:11 AM زى مفوكس قال الحجاب مش كل حاجه
لان فيه بنات لابسه خمار ومتحجبه وبرضه واقفه مع ولاد فى الجامعه وبرا الجامعه
محمد.فوكس 12-08-2008, 05:12 AM اولا يااستاذ محمدانا مجبتش سيرة الحجاب خالص انا قلت انه مش هسمح لنفسى انى ااقف مع اى شاب فى الجامعه الا للضرورة القسوى
وانى اللى هحتاجه اكيد هلاقيه مع البنت قبل الولد بس وشكر للموضوع الجميل
اوكيه هي دي فعلا اجابة السؤال اللي انا بسأله..
فعلا زي ما (رحمة) بتقول انا المواضيع دخلت في..
احنا لفينا حول الموضوع بس الحمد لله و صلنا للاصل..
شكرا على مرورك و رأيك..
براءة 12-08-2008, 05:14 AM زى مفوكس قال الحجاب مش كل حاجه
لان فيه بنات لابسه خمار ومتحجبه وبرضه واقفه مع ولاد فى الجامعه وبرا الجامعه
والله بجد كده عيب
يا جماعة
يا جماااااااااعة
والله ما يصح حاجة زى كده تتقال :|
CoMMaNdo 12-08-2008, 05:17 AM والله بجد كده عيب
يا جماعة
يا جماااااااااعة
والله ما يصح حاجة زى كده تتقال :|
يا رحمة انا مقلتش حاجه من عندى
دا واقع انا بشوفه كل يوم وفى كل حته
افهمى بس قصدى انا وفوكس الاول
احنا قصدنا ان البنت الى بتلتزم بالحجاب يبقى تلتزم بكله
يعنى تبقى محترمه فى كلامها وفى كل حاجه
محمد.فوكس 12-08-2008, 05:25 AM والله بجد كده عيب
يا جماعة
يا جماااااااااعة
والله ما يصح حاجة زى كده تتقال :|
على فكرة هو ميقصدش يقول ان يسيء للي بيلبسوا الخمار
اللي بيشوفه ده هو الشذوذ و ليس القاعدة اكيد هو كمان عايز يقول كده..
و بعدين الهدف اصلا من اللي هو قاله .. ان المظهر ممكن يكون مهم بس مش كل حاجة و مش دليل على قاطع على الاحترام او عدم الاحترام..
و ده رأي..
و الاختلاف في الرأي لا يفسد للود قضية انا شايف ان في شوية عصبية..خلاص احنا مقدرين غيرتك على المتدينات ان ممكن حد يفهم حاجة وحشة عليهم..
سلام عليكم..
براءة 12-08-2008, 05:29 AM يا رحمة انا مقلتش حاجه من عندى
دا واقع انا بشوفه كل يوم وفى كل حته
افهمى بس قصدى انا وفوكس الاول
احنا قصدنا ان البنت الى بتلتزم بالحجاب يبقى تلتزم بكله
يعنى تبقى محترمه فى كلامها وفى كل حاجه
اصل انت مش واخد بالك من حاجة
اللى انت بتعمله تشويه لصورة الاسلام وان مكنتش بتاخد بالك
ايه معنى انك بتشوف مختمرات واقفين مع اولاد؟
طعن مباشر جدا فى الملتزمات
اللى اقصده
حتى لو شفنا حاجة كده
مش نندد بيها
مش حكاية ،، مش قصة ،، مش حوار
هما مش ملايكة وربنا يهديهم بقي
سيبك من ده كله
لما تبقي بتكلم ناس ملتزمة جدا جدا جدا كان ممكن اعذرك
لكن..
انت بتتكلم فى شباب مش واعى
البنت بقت تقولك .. انا بخاف من المنتقبات يا مامتى
والولد لما يشوف واحد مطلق لحيته يقولك ارهابى
مينفعش اجى اقول دى المختمرة واقفة مع اولاد
ده الاخ الملتحى بيعمل معرفش ايه
ده المحجبات وحشين وفيه مش محجبات احسن منهم
يا جماعة .. اقل كلمة بتتاخد علينا
عاوزين نفكر فى اللى بنقوله اوى
اذا كنا مسلمين وبننقد اخوانا واخواتنا كده وبطريقه تكره الغير فيهم
فما بالك بغير المسلم لو شافك بتقول
انا شفت مختمرات واقفين مع اولاد
عاوزه يرسم للاسلام صورة عامله ازاى ؟
من فضلكم نخلى بالنا من النقطه دى لانها بقت صعبة اوى فينا
والله المستعان
والله ما اقصد انتقدك انت كشخص انا انتقدت كلمة ربما لم تلق لها بالا
ولكن ..
خطورتها اوجبت عليا ان اتحدث عنها
ودمتم ،
CoMMaNdo 12-08-2008, 05:37 AM اصل انت مش واخد بالك من حاجة
اللى انت بتعمله تشويه لصورة الاسلام وان مكنتش بتاخد بالك
ايه معنى انك بتشوف مختمرات واقفين مع اولاد؟
طعن مباشر جدا فى الملتزمات
اللى اقصده
حتى لو شفنا حاجة كده
مش نندد بيها
مش حكاية ،، مش قصة ،، مش حوار
هما مش ملايكة وربنا يهديهم بقي
سيبك من ده كله
لما تبقي بتكلم ناس ملتزمة جدا جدا جدا كان ممكن اعذرك
لكن..
انت بتتكلم فى شباب مش واعى
البنت بقت تقولك .. انا بخاف من المنتقبات يا مامتى
والولد لما يشوف واحد مطلق لحيته يقولك ارهابى
مينفعش اجى اقول دى المختمرة واقفة مع اولاد
ده الاخ الملتحى بيعمل معرفش ايه
ده المحجبات وحشين وفيه مش محجبات احسن منهم
يا جماعة .. اقل كلمة بتتاخد علينا
عاوزين نفكر فى اللى بنقوله اوى
اذا كنا مسلمين وبننقد اخوانا واخواتنا كده وبطريقه تكره الغير فيهم
فما بالك بغير المسلم لو شافك بتقول
انا شفت مختمرات واقفين مع اولاد
عاوزه يرسم للاسلام صورة عامله ازاى ؟
من فضلكم نخلى بالنا من النقطه دى لانها بقت صعبة اوى فينا
والله المستعان
والله ما اقصد انتقدك انت كشخص انا انتقدت كلمة ربما لم تلق لها بالا
ولكن ..
خطورتها اوجبت عليا ان اتحدث عنها
ودمتم ،
هوا انتى شيفانى قولت البنات كلها المتحجبه واقفه مع ولاد ؟
انا قلت فيه بنات متحجبه والمفروض انها تكون محترمه
وواقفه برضه مع ولاد
انا مش فاهم انتى عملتى حكايه على كلامى ليه يعنى
وقولتى ان الكلام دا بيشوه صورة الاسلام
خلاص يبقى منتكلمش فى حاجه بقى
وخلى الوضع كدا وخلى كل حاجه كدا
بدام انتى بتقولى احنا كدا بنشوه صورة الاسلام
وفوكس فهم قصدى من الكلام
انا مش عارف انتى عملتى موضوع كبير على كلامى ليه كدا
يمكن انتى مش بتنزلى ومش بتشوفى الى موجود فى الشارع
ودخلتينا فى حوار تانى خالص
ارهابى ولا مش ارهابى
يا رحمه انا قصدى من الى قلته
ان البنت لابسه حجاب تبقى تلتزم بكل امور الدين
تلتزم فى مشيتها فى كلامها فى لبسها فى كل حاجه
محمد.فوكس 12-08-2008, 05:39 AM اكيد المنتقبات و الملتحين بيساء ليهم لما يتقال الكلام ده بس اعتقد ان لو في واحد ملتحي او واحدة منتقبة بتعمل حاجة مش مظبوطة يبقى هي اللي بتبدأ بالاساءة للاسلام..
بس احنا اللي علينا اننا نحمي الاسلام من التشهير بيه..
النقطة وصلت..يا اخت رحمة..
سلام عليكم..
براءة 12-08-2008, 05:44 AM هوا انتى شيفانى قولت البنات كلها المتحجبه واقفه مع ولاد ؟
انا قلت فيه بنات متحجبه والمفروض انها تكون محترمه
وواقفه برضه مع ولاد
انا مش فاهم انتى عملتى حكايه على كلامى ليه يعنى
وقولتى ان الكلام دا بيشوه صورة الاسلام
خلاص يبقى منتكلمش فى حاجه بقى
وخلى الوضع كدا وخلى كل حاجه كدا
بدام انتى بتقولى احنا كدا بنشوه صورة الاسلام
وفوكس فهم قصدى من الكلام
انا مش عارف انتى عملتى موضوع كبير على كلامى ليه كدا
يمكن انتى مش بتنزلى ومش بتشوفى الى موجود فى الشارع
ودخلتينا فى حوار تانى خالص
ارهابى ولا مش ارهابى
يا رحمه انا قصدى من الى قلته
ان البنت لابسه حجاب تبقى تلتزم بكل امور الدين
تلتزم فى مشيتها فى كلامها فى لبسها فى كل حاجه
معاك
المفروض الملتزمة تحافظ ع مظهرها ده لانها تعتبر قدوة لغيرها
لكن فرضا حصل خلل . ودى قصتى دلوقتى
مينفعش اقول دى ملتزمة وعندها خلل
مينفعش
انا مش هتصيد الاخطاء لناس المفروض بدل ما نعيب عليها .. نفتخر بيها
لكن بما ان دواعى فخرنا بيهم راحت يبقي الصمت عنهم لكن مش نندد بيهم
اتمنى تكون رسالتى وصلت لانها بسيطة
وانا مش متعارضة مع كلامك ف حاجة فقط السطر اللى بيخص
*مختمرات واقفين مع اولاد !*
براءة 12-08-2008, 05:47 AM بس اعتقد ان لو في واحد ملتحي او واحدة منتقبة بتعمل حاجة مش مظبوطة يبقى هي اللي بتبدأ بالاساءة للاسلام..
واحنا بكلامنا عن الحالات الشاذه دى يبقي احنا كمان دخلنا ف دور الاساءة للاسلام
كلامك وضح انك فهمتنى .. الحمد لله .. واسفه قلبت موضوعك بس النقطة دى كنت لازم اتكلم فيها .،
CoMMaNdo 12-08-2008, 05:50 AM معاك
المفروض الملتزمة تحافظ ع مظهرها ده لانها تعتبر قدوة لغيرها
لكن فرضا حصل خلل . ودى قصتى دلوقتى
مينفعش اقول دى ملتزمة وعندها خلل
مينفعش
انا مش هتصيد الاخطاء لناس المفروض بدل ما نعيب عليها .. نفتخر بيها
لكن بما ان دواعى فخرنا بيهم راحت يبقي الصمت عنهم لكن مش نندد بيهم
اتمنى تكون رسالتى وصلت لانها بسيطة
وانا مش متعارضة مع كلامك ف حاجة فقط السطر اللى بيخص
*مختمرات واقفين مع اولاد !*
انتى مش ملاحظه ان كلامك متناقض
يعنى انا مش عارف ازاى عندهم اخطاء وانتى عايزه اننا نفتخر بيهم !!!!!!!
فى الاخر انا خلصت كلامى
ونرجع فى الكلام فى الموضوع الاصلى بتاع فوكس
براءة 12-08-2008, 05:55 AM انا مش هتصيد الاخطاء لناس المفروض بدل ما نعيب عليها .. نفتخر بيها
لكن بما ان دواعى فخرنا بيهم راحت يبقي الصمت عنهم لكن مش نندد بيهم
الترجمة :
المفروض انا وانت والناس كلها نفتخر بالملتزمين لانهم بيمثلوا اسلامنا
لكن اذا حد فيهم اخطأ او عمل حاجة مش مناسبة لمظهره الالتزامى يبقي الافضل ابما اننا مش ينفع نفتخر بالناس اللى بتغلط ف حق التزامها ودول قليلين يبقي نسكت عنهم وف نفس الوقت مش نطلعهم فى صورة مش تمام
فين التناقض :rolleyes:
محمد.فوكس 12-08-2008, 06:05 AM خلاص يا جماعة..
كل واحد بين وجهة نظره..
نرجع لموضوعنا..
dr.saeed 12-08-2008, 10:59 AM بأذن الله تعالى انا رايح اولى طب ان شاء الله
ويمكن حاجة غريبة انى داخلها ولا اعرف اى حد فيها غير اشكال صراحة
يعنى مش معايا حتى اى زميل فيها
المهم لموضوعنا
لو اتعاملت مع بنت يكون التعامل formal
وفى حدود الدراسة فقط
لان للاسف اغلب الاولاد مش بيكونوا جادين فى الدراسة
اما موضوع رأى الشرع
من المعروف ان الاسلام حرم الخلوة
ومن المعروف ان النبى صلى الله عليه وسلم حرم المصافحة بين الرجل والمرأة
فالواحد لازم يكون واضع فى اعتباره كل الكلام دة
ويكون التعامل على حدود الدراسة فقط ان شاء الله
فى امان الله
dr.saeed 12-08-2008, 11:25 AM ازاى عندهم اخطاء وانتى عايزه اننا نفتخر بيهم !!!!!!!
للاسف يا جماعة احنا دخلنا فى موضوع تانى خالص
بس احب اوضح للاخوة حاجة
ان العصمة دفنت بموت النبى صلى الله عليه وسلم
ولو حضرتك عاوز تفتخر بحد ما بيغلطشى
يبقى مش هتلاقى غير النبى صلى الله عليه وسلم
حتى يوم القيامة
من احد مشاهدها
ان حضرتك تروح لسيدنا ادم تطلب منه ان يشفع لك عند الله
هتلاقى سيدنا ادم يقولك ان الله غضب اليوم غضبا لم يغضبه قط
وايضا هتلاقى الخوف فى عيون الجميح حىت الانبياء
فمن المعروف ان سيدنا ادم اخطأ
ومن المعروف ان سيدنا موسى قتل نفسا
الملتزم والمنتقبة والملتحى
ما هم الا اناس خلقهم الله من نفس الطينة التى خلقنا منها
يخطئون ويصيبون
لهم ذنوب ولهم حسنات
سيحاسبوا مثلنا يوم القيامة
لهم اشايء يحمدون لها
واشياء تنكر عليهم
فما هم الا بشر مثلنا
حضرتك ممكن بردة ننظر الى وجه اخر
عندما قال النبى صلى الله عليه وسلم
زى ماحنا بنقول فى العامية
لاكبر اتنين فى الامة كلها ايمانا
سيدنا ابو بكر الصديق وسيدنا عمر بن الخطاب
فى الحديث الشريف
كاد الخيران ان يهلكا
كل ذلك بسبب مشكلة بسيطة عندما قال ابو بكر لعمر بن الخطاب
او ما تريد الا مخالفتى يا عمر
ونزلت الاية الكريمة بأنه من يرتفع صوته عند النبى الكريم صلى الله عليه وسلم
يحذر من ان يحبط عمله وهو لا يشعر بذلك
وبقولها تانى وتالت
انا افتخر بالملتزمين المحترمين
يعنى مثلا زى ما فيه واحد مثلا بيكون حالق لحيته وممكن كمان يوصل لدرجة الاحسان
ممكن بردة الاقى واحد مظهره ملتزم زى مثلا ابى بن سلول وكان رأس المنافقين
لما اجى اقول دة ملتزم
بعامله على الى بشوفه منه مش مظهره
يعنى واحد مثلا ملتحى ومجاهر بالمعصية يبقى ماقولشى ملتزم
اما موضوع الذنوب فمن منا بغير ذنب؟
من الامة كلها صحيفة سيئاته خالية؟
و برضه انا مش عايز ادخل في ان الخمار هو شكل الحاجب او انه زيادة في الاحتشام لأني معرفش في الموضوع ده..
كويس جدا صراحة انك قولت انك مش عاوز تدخل فى هذا الموضوع
لانى بلاحظ ان فيه ناس بدأت تفتى بغير علم
يا جماعة صلوا على النبى
يعنى لو مثلا فيه محاضرة مع بنت قولتلها لو سمحت حضرتك اصورها منك وصورتها وخلاص اظن دة مش يتقال عليه اختلاط
واسف لصاحب الموضوع انى خرجت عن الموضوع الاساسى
بس دى كانت حاجة انا عن نفسى متوقع انى هاشوفها فى الردود
انا مش هتصيد الاخطاء لناس المفروض بدل ما نعيب عليها .. نفتخر بيها
اولا المفروض قبل ما اتكلم عن غيرى اتكلم عن نفسى
شكرا جزيلا يا اخت رحمة على الرد الجميل
بمعنى
انا مثلا لو مش ملتحى
طبعا انا مش هاخد اجر اللحية كسنة او كفرض او كسنة مؤكدة
انما الى بيربى لحيتى بياخد اجرها كسنة مؤكدة او حسب نيته
من المعروف ان الله تعالى قال
ان الحسنات يذهبن السيئات
وليس العكس
اكيد المنتقبات و الملتحين بيساء ليهم لما يتقال الكلام ده بس اعتقد ان لو في واحد ملتحي او واحدة منتقبة بتعمل حاجة مش مظبوطة يبقى هي اللي بتبدأ بالاساءة للاسلام..
اقول لحضرتك حاجة
كان فيه واحد امريكى مغنى مشهور جدا اسلم
قالوله ايه الكلمة الى تحب توصلها للجميع
قال
الحمد لله انى اسلمت قبل ان ارى المسلمين
المسلم عموما بتصرفاته المخالفة للشرع يسىء شكلا الى اخلاقه هو فى دينه
يعنى التجار المسلمين الى نشروا الاسلام فى بلاد فارس وتلك الدول
نشروه بأماناتهم المنتهيه فى التعامل
مثلا من الامثلة المعروفة
تيجى تروح لتاجر تقوله عاوز مثلا احسن نوعية قماش من هذا الصنف
يقولك كأمانة اخى الى هناك دهو جاب نوعية النهاردة احسن من دى بشوية
كان الناس بتستغرب يقوله ما الذى دفعك لهذا
بيكون دائما الجواب
علمنى الاسلام الامانة فى التعامل
يعنى كل منا كما قال النبى صلى الله عليه وسلم على ثغر من ثغور الاسلام
فلا يأتين الاسلام من قبله
ولم يقل النبى كل المنقبين والملتحين
انا وانت وانتى وحضرتك الى لازم نبدأ اننا نبقى الاحسن
مش ننتظر من غيرنا الذنوب والمعاصى
ولا ننسى دائما ان تتبع ذنوب الاخرين يهلك الانسان
واسف على الاطالة
وما كان من توفيق فمن الله وحده
وما كان من سهو فمنى ومن الشيطان
فى امان الله
ymymym 12-08-2008, 01:06 PM ازيكم يا جماعه ايه دا الموضوع قلب ده ليه احنا كنا بنتكلم في ايه وانتوا عملتوه ايه بصوا انا هدخل ان شاء الله كليه السنه دي تجاره بني سويف انا بقول ودا رايي يعني الشخصي الصراحه تعامل البنت مع الولد يكون باحترام ويكون برضه في حدود معينه للولد والبنت ورق يتصور درس معين تقولها او تقولك عليه مساعده في حاجه في الشرح طبعا الكلام دا موش حرام خالص وانا سالت وعرفت غير كده انا بشوف اخواتي في الكليه بيتعاملوا ازاي مع الاولاد بكل ادب واحترام ويرجعوا يحكو لبابايا علي كل حاجه اللي انا قلته دا ورق مثلا قالها حاجه خد رايها في حاجه لكن انه يتعدي حدوده والله ما بتسمحلوش بس لازم في الفتره دي البنت تاخد بالها من نفسها كويس تحاول تقلل علاقتها بالاولاد يعني في الضروره وبس موش اكتر عشان احنا في زمن اوحش عن زمان انا مخرجتش عن الموضوع بس انا بقول اللي المفروض يتعمل ودا رايي الشخصي وربنا يهدينا للصح
Dr.Nobel 12-08-2008, 01:21 PM انا لسه هاخش جامعة السنة دى
انا عادى مش هغير تعاملي مع البنات يعني هافضل برضه اتعامل معاهم زي ثانوي اخوات واساعدهم مش اكتر
ومش حكاية اختلاط احنا بنختلط عشان نسال بعض عشان نحتاج حد من حد يعني متهيالي ميبقاش كده حرام
يعني مش شايف انه هيحصل حاجة لو بنت جت سالت ولد عن حاجة متعلقة بالدراسة
وده لو انا اصلا فضيت من المذاكرة
الموضوع حلو وشكرااا
وفاء البحر 12-08-2008, 01:23 PM بص يا محمد اولا مشكور علي طرحك للموضوع ده
ثانيا انا هتكلم عن رايي كبنت المفروض ان اهلي باعتني علشان اتعلم مش علشان حجه تانيه
ثانيا طالما ان اهلي سايبني لوحدي يبقي عرفوا اني كبرت واقدر اتحمل مسؤليه نفسي يبقي لازم حترم الثقه دي
وطول ما انا برعي ضميري وبراعي غيبه اهلي وغربتي عنهم يبقي ان شاء الله مش هوقع نفسي في اي حاجه غلط
والمفروض اني في الكليه بمثل اهلي وعنوان لبيتي وتربيتي
مشكور مره تانيه
د/ ماجدولين 12-08-2008, 01:29 PM السلام عليكم
أنا لسة رايحة أولى طب بأذن الله
وكل اللى حواليا ف الجامعة بيقولوا أن كل واحد بيبقى واخد حريتة ع الآخر
وأن الجامعة بدل ما هى مكان لتلقى العلم بقت مكان ل........:(:(
ع العموم أنا مش عارفة أذا كنت هحتاج مساعدة أولاد معايا ف الكلية ولا لأ
واللى قبلى بيقولوا أنى هحتاجهم
بس أنا مقتنعة أن اللى هحتاجة من الولد
ممكن أطلبة من البنت;):p
بس يعنى لو أحتجت ولاد ضروووووووووورى أوووووووووووووى
ساعتها بقى هضطر وأمرى لله
أنى أطلب مساعدتهم:D:rolleyes:
بس بردوا أنا الحمد لله
معايا ولاد يبقوا قرايبى من بعيد
يعنى ولد كدة جدتوا وجدى كانوا أخوات:D:D
(على سبيل المثال وليس الحصر:D)
ساعتها طبعا الولاد دول أول ناس هطلب مساعدتهم
وربنا يسهل ومش نحتاج حد;)
وربنا يوفق الجميع
بس بردوا أنا مبدئى
أن اللى هحتاجة من الولد ممكن أخدة من البنت;):)
ومن الآخر كدة أنا مش بحب شغل الأستهبال:mad:
يعنى مثلا
مش بنت تروح لولد وتقولة أنا مش فاهمة الحتة دى:eek:
كأن الدفعة كلها خلاص خلصت:mad:
ومش فيها غير الولد دة:mad::mad:
والعكس صحيح
و معلش ع الآطالة:confused::(
فى رعاية الله
محمد.فوكس 13-08-2008, 02:18 AM ازيكم يا جماعه ايه دا الموضوع قلب ده ليه احنا كنا بنتكلم في ايه وانتوا عملتوه ايه بصوا انا هدخل ان شاء الله كليه السنه دي تجاره بني سويف انا بقول ودا رايي يعني الشخصي الصراحه تعامل البنت مع الولد يكون باحترام ويكون برضه في حدود معينه للولد والبنت ورق يتصور درس معين تقولها او تقولك عليه مساعده في حاجه في الشرح طبعا الكلام دا موش حرام خالص وانا سالت وعرفت غير كده انا بشوف اخواتي في الكليه بيتعاملوا ازاي مع الاولاد بكل ادب واحترام ويرجعوا يحكو لبابايا علي كل حاجه اللي انا قلته دا ورق مثلا قالها حاجه خد رايها في حاجه لكن انه يتعدي حدوده والله ما بتسمحلوش بس لازم في الفتره دي البنت تاخد بالها من نفسها كويس تحاول تقلل علاقتها بالاولاد يعني في الضروره وبس موش اكتر عشان احنا في زمن اوحش عن زمان انا مخرجتش عن الموضوع بس انا بقول اللي المفروض يتعمل ودا رايي الشخصي وربنا يهدينا للصح
السلام عليكم..
متشكر على مرورك و رأيك..
انا يا جماعة عايز اقول اننا نتكلم في الموضوع ده بفرض ان العلاقة محترمة لأن لو العلاقة غير محترمة اعتقد ان مش هنبقى محتاجين نتكلم فيها لأنها مينفعش نناقشها لأن كلنا هنرفضها..و انا اولكم..
محمد.فوكس 13-08-2008, 02:23 AM بص يا محمد اولا مشكور علي طرحك للموضوع ده
ثانيا انا هتكلم عن رايي كبنت المفروض ان اهلي باعتني علشان اتعلم مش علشان حجه تانيه
ثانيا طالما ان اهلي سايبني لوحدي يبقي عرفوا اني كبرت واقدر اتحمل مسؤليه نفسي يبقي لازم حترم الثقه دي
وطول ما انا برعي ضميري وبراعي غيبه اهلي وغربتي عنهم يبقي ان شاء الله مش هوقع نفسي في اي حاجه غلط
والمفروض اني في الكليه بمثل اهلي وعنوان لبيتي وتربيتي
مشكور مره تانيه
السلام عليكم..
شكرا على مرورك و رأيك..
فكرة ان احنا رايحين الجامعة نتعلم مافيهاش كلام ..
بس اي حاجة ليها توابع .. يعني فعلا احنا رايحين نتعلم بس اكيد ده مجتمع جديد يعني بجانب التعليم احنا داخلين عالم جديد..و هو ده اللي انا اقصده..انا بتكلم في الموضوع ده لأن ده حاجة مرتبطة بدخول الجامعة..
و عموما وجهة نظرك وصلت..
شكرا..
gumana 13-08-2008, 03:24 AM انا في الاول بايد الاختلاط في الدراسه وبس
و وكمان البنت المحترمه هي اللي بتعرف ترسم حدود للناس اللي بتتعامل معاهم
وانا مش بتكلم من فراغ انا في تالته كليه وبتعامل مع زمايلي وبيساعدوني في حاجات كتير بس كلهم عارفني كويس وعارفين حدودي
في التعامل يعني جوه الكليه وبس وكمان انا مش بدي رقم موبايلي لحد من زمايلي لان دي اول حاجه بتحول الزماله لحاجات تانيه
واخيرا علشان مطولش عليكوا لازم اهلك يبقوا عارفين انت بتتعامل مع مين لان اي حاجه بتخبيها عنهم معناها انك حاسس انك بتعمل
حاجه غلط
ار ارجو ان رايي يكون افادتكوا ولو شويه اد كده
خريف فى قلبى 13-08-2008, 04:50 PM شكرا على الموضوع الجميل
خريف فى قلبى 13-08-2008, 05:07 PM انا هقول لك علي حاجه انت لوالتزمت في الكليه وحضرت محاضرات مش هتحتاج لاي بنت واكيد يعني هتلاقي اولاد زميلك اتعامل معاهم واصلا البنات اللي بتكلم اولاد مش اد كده في حضور المحاضرات .ومفيش احسن من كلام الرسول ما اجتمع رجل وامراه الابينهما الشيطان.انا اعرف ولد بيكلم بنات وبياخذ منهم محاضرات وعندما دخلت اخته الكليه قال لها ممنوع اشوفك واقفه مع اي ولد علشان انا مش محترم البنات اللي بيقفوا معي بس بضيع وقت فراغ بين المحاضرات انا عن نفسي لا الوم الولد لان البنت هي اللي بتسمح لنفسها بالوقوف معه .
masternew 13-08-2008, 08:16 PM :dانا مش عاوز اضحك على نفسى انا بصراحة المانع الوحيد من اختلاط الصداقة هو الدين الى الله اسال ان يثبتنا فى هذه الفتن
بس برده الواحد عاوز يغير الجو و يعمل صداقات من نوع جديد:d:d:d:d:d:d
الرهينه 13-08-2008, 08:34 PM :dانا مش عاوز اضحك على نفسى انا بصراحة المانع الوحيد من اختلاط الصداقة هو الدين الى الله اسال ان يثبتنا فى هذه الفتن
بس برده الواحد عاوز يغير الجو و يعمل صداقات من نوع جديد:d:d:d:d:d:d
ربنا يثبتك لحسن تروح ف داهيه :D
بما ان المثل بيقول اسأل مجرب وما تسألش دكتور وبما انى طالعه تانيه جامعه
فاقدر اقولكوا ان ممكن تفتكر او تفتكرى ان الجامعه من غير الجنش الاخر هتبقى ممله وهيتقال عليك معقد او معقده
صدقونى والله انا مش مصاحبه ولاد خالص ف الجامعه الحمد لله ومعايا بنتين تانين احنا التلاته معروف اننا مع بعض على طول واى حد بيحاول يستخف بياخد فوق دماغه .. جبروت يعنى:D
البنات اللى مقضينها بقى ونظام شله ومش عارف ايه نفسهم يوصلوا للى احنا فيه لان بمعاملتهم الكتير مع الولاد كرامتهم بجد بتتهان كفايه ان ولد ممكن يتجرأ عليكى ويتكلم معاكى باسلوب مش لطيف وبتوصل كمان لانه ممكن يهزر بالايد .. طبعا منظر مقزز
والولاد برده نفس الحكايه وبعيدا عن مسألة الحرمانيه لما البنت او الولد يبقى محافظ على نفسه وخصوصا ف الجامعه اللى حواليك بيحسوا انك واد تقيل وواثق من نفسك مش كلامك مع البنات هو اللى هيعملك قيمه ونفس الحكايه مع البنات
بجد سواء فى الدين او الحياه عموما الافضل والاحسن والالطف ان كل واحد يخليه فى حاله :)
وبعدين ملحوظه اخيره اللى بيكلم بنات كتير يخاف على نفسه .. اخرته مش حلوه بيموت مكهرب:D
سورى ع الاطاله وميرسى ع الموضوع:)
masternew 13-08-2008, 09:29 PM ربنا يثبتك لحسن تروح ف داهيه :D
بما ان المثل بيقول اسأل مجرب وما تسألش دكتور وبما انى طالعه تانيه جامعه
فاقدر اقولكوا ان ممكن تفتكر او تفتكرى ان الجامعه من غير الجنش الاخر هتبقى ممله وهيتقال عليك معقد او معقده
صدقونى والله انا مش مصاحبه ولاد خالص ف الجامعه الحمد لله ومعايا بنتين تانين احنا التلاته معروف اننا مع بعض على طول واى حد بيحاول يستخف بياخد فوق دماغه .. جبروت يعنى:D
البنات اللى مقضينها بقى ونظام شله ومش عارف ايه نفسهم يوصلوا للى احنا فيه لان بمعاملتهم الكتير مع الولاد كرامتهم بجد بتتهان كفايه ان ولد ممكن يتجرأ عليكى ويتكلم معاكى باسلوب مش لطيف وبتوصل كمان لانه ممكن يهزر بالايد .. طبعا منظر مقزز
والولاد برده نفس الحكايه وبعيدا عن مسألة الحرمانيه لما البنت او الولد يبقى محافظ على نفسه وخصوصا ف الجامعه اللى حواليك بيحسوا انك واد تقيل وواثق من نفسك مش كلامك مع البنات هو اللى هيعملك قيمه ونفس الحكايه مع البنات
بجد سواء فى الدين او الحياه عموما الافضل والاحسن والالطف ان كل واحد يخليه فى حاله :)
وبعدين ملحوظه اخيره اللى بيكلم بنات كتير يخاف على نفسه .. اخرته مش حلوه بيموت مكهرب:D
سورى ع الاطاله وميرسى ع الموضوع:)
والله يمكن كلامك صح بس برده النفس امارة بالسوء وبرده ممكن نجرب شوية يعنى ايه الى هيحصل يعنى:D:D:D
الرهينه 13-08-2008, 09:34 PM والله يمكن كلامك صح بس برده النفس امارة بالسوء وبرده ممكن نجرب شوية يعنى ايه الى هيحصل يعنى:D:D:D
والله انت حر بقى انا حزرتك وماليش دعوه باللى هيحصل:D
masternew 13-08-2008, 09:39 PM انا في الاول بايد الاختلاط في الدراسه وبس
و وكمان البنت المحترمه هي اللي بتعرف ترسم حدود للناس اللي بتتعامل معاهم
وانا مش بتكلم من فراغ انا في تالته كليه وبتعامل مع زمايلي وبيساعدوني في حاجات كتير بس كلهم عارفني كويس وعارفين حدودي
في التعامل يعني جوه الكليه وبس وكمان انا مش بدي رقم موبايلي لحد من زمايلي لان دي اول حاجه بتحول الزماله لحاجات تانيه
واخيرا علشان مطولش عليكوا لازم اهلك يبقوا عارفين انت بتتعامل مع مين لان اي حاجه بتخبيها عنهم معناها انك حاسس انك بتعمل
حاجه غلط
ار ارجو ان رايي يكون افادتكوا ولو شويه اد كده
يا جدعان بصراحة اختلاط الدراسة ده هبل و هزار واى كلام يعنى مثلا فى هندسة عندنا فيه حوالى 1200 طالب بعنى 600 من الرجالة و 600 من الانسات بقى داقت الدنيا على الولد مثلا ومش لاقى الحاجه الى بيسأل عنها مع اى حد من ال600 طالب علشان يروح ويسأل الطالبات ؟؟؟
انا بتكلم كلام نظرى قبل ما ادخل الجامعه ولا اعرف اى حاجه بس بيتهيقلى دى طريقة مقبولة للتفكير
gumana 13-08-2008, 10:50 PM معاك حق يا master new
بس مش معقول لو جت واحده زميلتك وطلبت منك خدمه بكل احترام حتقولها لا
هو ده اللي بيحصل معايا في الكليه وحتقولي اني ممكن اطلب الخدمه دي من اي بنت في الدفعه
ما انا بعمل كده ولما بكون مضطره بطلبها من زميلي
يعني انا مثلا ليه زميلي بيطلع الاول علي دفعتنا وبيعمل ورق وتبيضات من الاخر فانا بطلبها منه لانها فعلا مهمه بالنسبه لي
لان انا بطلع بامتياز في كليتي وببقي محتاجه الورق فعلا يبقي انا كده فين الغلط اللي بعمله (وربنا اعلم بنيتي)
MoaTaZinHo 14-08-2008, 02:34 AM بس بردوا أنا مبدئى
أن اللى هحتاجة من الولد ممكن أخدة من البنت;):)
ومن الآخر كدة أنا مش بحب شغل الأستهبال:mad:
يعنى مثلا
مش بنت تروح لولد وتقولة أنا مش فاهمة الحتة دى:eek:
كأن الدفعة كلها خلاص خلصت:mad:
ومش فيها غير الولد دة:mad::mad:
والعكس صحيح
و معلش ع الآطالة:confused::(
فى رعاية الله
هههههههه .. هو غالبا الاتنين بيبقوا عارفين هما عايزين ايه من بعض بس ده شغل رسميات وخلاص ;)
انا من رأيى الاختلاط فى الجامعة اولا واخيرا غرضه التسلية مش اكتر .. يعنى انا شغال 11 سنة تعليم فى المدارس زى الفل و كلنا ولاد مقضينها اكتفاء ذاتى مع بعضينا و البنات نفس النظام برضو
لا عمرى احتجت حاجة من بنت ولا بنت احتاجت حاجة منى ولا حسيت ان ده مأثر على دراستى .. يبقى ايه اللى هيتغير فى الجامعة
زى ما باقول الموضوع هيبقى حب تغيير اكتر ..يعنى سواء ولاد ولا بنات هنبقى عاوزين نغير الجو و نحس بحرية اكتر بدل القيود اللى كانت مفروضة علينا طول المرحلة اللى فاتت وهو ده اللى هيخلينى ابقى عاوز اعرف بنات من الكلية و اتكلم معاهم و كده
ما هو مش معقول انا اول بنت هاكلمها تبقى هى البنت اللى هاتجوزها ..و مش معنى كلامى ان مع الافورة اللى بتحصل بين الولاد و البنات ولا مع الحوارات و الحب و التسبيل برضو :rolleyes:
لا انا مع الاختلاط الهادى اللى بيبقى اساسه معرفة بين الاتنين و خلاص عشان ما اكدبش عليك واقلك انه هيبقى فى حدود الدراسة و المحاضرات و الكلام الحمصى ده :cool:
طبعا انا عارف ان راى الشرع فى الموضوع ده هيقولى غلط وحرام .. لكن انا شايف انه لو حتى غلط فهو مش غلط كبير اوى يعنى وربنا بيسامح
زى موضوع الاغانى برضو فى اختلاف كتير عليها و اللى يقول حرام و معصية وبتاع .. بس برضو انا من جوايا مش مقتنع انها غلط جدا لدرجة تخلينى ما اسمعهاش
وبعدين الموضوع اولا و اخيرا فى ايد البنت هى اللى ممكن تفتح السكة وممكن برضو تقفلها بالضبة و المفتاح .. بس اكيد لو هى موافقة انا مش هارفض :D
وفى النهاية سواء ان كنت مع الاختلاط او ضده .. كده كده الموقف مش هيختلف كتير عن قبل كده
لأنى باذن الله داخل اعدادى هندسة السنة دى .. وانا نفسى ادخل كمبيوتر ان شاء الله
يعنى هى سنة واحدة هاخد فيها فرصتى وبعد كده لو دخلت كمبيوتر ..........:mad: يا ساتر يا رب
محمد.فوكس 14-08-2008, 03:14 AM السلام عليكم..
متشكر على ارائكم..
بالنسبة لموضوع ان الواحد يبقى تقيل .. انا شايف انه صح .. بس مش معنى التقل يعني عشان تجب البنات بالذات او تعجبي الولاد بالذات..
لأ انا شايف ان التقل و الرزانة هم اللي هيخلوا الطلبة كلهم يعجبوا بيك و يحترموك..
و بالنسبة لموضوع استلاف المحاضرات اعتقد ان فعلا لو انت هو ده غرضك اكيد هتلاقه مع زمايلك اللي من جنسك..و بالذات بالنسبة للبنات..
لكن ده ميمنعش ان ممكن تحصل انك فعلا ما تلاقيش قدامك غير انك تحتاج لبنت او تحتاجي لولد..
بس اعتقد لو ده حصل هيحصل اكتر مع الولاد لأني اعرف ان البنات اكتر التزام في الدراسة فبيبقى عندهم كل المحاضرات و الورق مش كلهم طبعا بس نسبة الالتزام الدراسي بين البنات اكتر من الولاد..و ده معناه ان احتمال يحتاج الولد للبنت اكتر من احتمال العكس..
بس ده ميمنعش العكس برضه ممكن يحصل لو في ولد دحيح..
أما بالنسبة لحكاية اننا عايزين نغير جو و نعمل صداقات جديدة و نجرب و مش معقول اول بنت تكلمها تبقى خطيبتك..
انا شايف ان دي وجهة نظر باعتبار ان دي مرحلة مراهقة و انا نفسي بتجيلي الافكار دي مش هخبي عليكوا.. و في ناس اول ما تقولوهم انك داخل كلية يقولك"ايوة يا عم بنات بقى " وكلام من ده..
بس برضه من الحاجات الصعبة اوي ان الواحد يعمل حاجة و هو عارف انها ضد الشرع..
و طلب المغفرة يبقى بعد الذنب مش قبله.
انا شياف ان الحاجة الوسط انه ممكن يبقى في صداقات بس تكون سطحية و داخل الكلية و لازم تدخل فيها الدراسة عشان توقف اي طرف عند حدوده..
و كمان ميكونش مثلا ولد يعمل صداقة مع بنت لوحدهم لأ..لازم تكون مجموعة عشان ميبقاش في خلوة و عشان محدش يتكلم على حد..
بس الواحد يحاول بكل طاقته انه يفرمل نفسه كل ما يلاقي نفسه بيبعد عن الدين و الشرع..
و ربنا يستر ..
السلام عليكم..
محمد.فوكس 15-08-2008, 01:40 AM السلام عليكم..
في احد الاخوة الاعضاء كتب رأيه بخصوص الموضوع ده في موضوع تاني..الحقيقة انا مش فاهم ليه؟..يا ريت نرجع للموضوع ده عشان تبقى كل الآراء فيه..
و انا هرد على رأ]ه هنا..
و على فكرة الرد موجود في آخر رد ليه..انه بيقول لو في مجموعات مختلطة يبقى عادي..
انا قلت ان لو هيبقى في اختلاط فمن الافضل انه يكون مجموعات مش اتنين بس..
سلام عليكم..
***star*** 15-08-2008, 04:06 AM كل حاجه هتيجي لوحدها .....سيبو انتو بس نفسكم لجو الكليه والمذاكره....والتعارف والحاجات دي كلها هتيجي واحده واحده....اصل بردو مش هينفع يبقي البنت معاها مليون ولد في الكليه ومتكلمش حد خالص لازم يبقي في صداقات....والعكس بالنسبه للولد....وبعدين دول 4 سنين علي الأقل ...يعني مش فتره قصيره....
masternew 15-08-2008, 10:32 AM معاك حق يا master new
بس مش معقول لو جت واحده زميلتك وطلبت منك خدمه بكل احترام حتقولها لا
هو ده اللي بيحصل معايا في الكليه وحتقولي اني ممكن اطلب الخدمه دي من اي بنت في الدفعه
ما انا بعمل كده ولما بكون مضطره بطلبها من زميلي
يعني انا مثلا ليه زميلي بيطلع الاول علي دفعتنا وبيعمل ورق وتبيضات من الاخر فانا بطلبها منه لانها فعلا مهمه بالنسبه لي
لان انا بطلع بامتياز في كليتي وببقي محتاجه الورق فعلا يبقي انا كده فين الغلط اللي بعمله (وربنا اعلم بنيتي)
لا طبعا انتى حاجتك خاصة انتى بتقولى زميلك الاول انما ده مش الوضوع فى معظم الصداقات انما انا كان قصدى يعنى على الوضع العام اى حاجه تانيه عادية ممكن تجيبها من اى بنت
Alyaa2008 15-08-2008, 05:28 PM على ياجماعه الانسان الكويس مافيش حاجه تاثر عليه هيتعب شويه بس مش هيتاثر على فكره انا في ازهر يعنى مافيش اختلاط
gumana 16-08-2008, 03:59 AM يبقي كده انا معاك في رايك ياmaster new لو الاختلاط حيبقي زي ما انت قلت يبقي غلط
لكن لو زي ما نا قلت يبقي صح
يبقي احنا هنا وصلنا لحل وسط وهو لما يكون في ضروره للتعامل اتعامل بس بحدود واخلاق ولما احس انه مش كده يبقي مفيش
داعي
واحب اقولك اني انا اللي بتكلم ع الاختلاط قعدت اول سنين في الكليه متكلمتش مع اي زميل ليه
ولما كان في ضروره السنه دي اتعملت مع زمايلي
ارجو ان وجهه نظري عن الاختلاط تكون وصلت (لان انا تعبت من كتر الكلام في الموضوع ده)
أحمد2025 16-08-2008, 04:03 AM أنا الموضوع ده ياجماعة أثر فيه بشكل غير طبيعى
بصوا ياجماعة موضوع الإختلاط فى الجامعة وكده
انا مش بوافق علية خالص
البنات مخلصتش والرجالة برضه مخلصوش
مع انى بكل صراحها بقولها
انى انا كنت بقعد اكلم مع بنات فى الدروس
ومكناش بنجيب سيرة درس ولا حاجة كنا بنقعد نتكلم فى حاجات عامة
بس انا برضه برجع وبقول النية ياجماعة والنية محلها القلب
يعنى ممكن عادى ولد يكلم بنت فى الكلية بس الولد نيته صافية يعنى مثلا هياخد من البنت المحاضرة دى وخلاص على كده والبنت كذلك
النية ياجماعة اهم حاجة والنية محلها القلب
ده من وجهة نظرى المتواضعة جدا
وبجد فى ردود هنا تحفة
وأخص منها جزء من رد رحمة
يا رب يا رب ثبتنى انا مش عاوزة اى حاجة هايفة تعترض طريقي :rolleyes:
من الجمل اللى اثرت فيه جدا جدا جدا
والرد الأخر
:dانا مش عاوز اضحك على نفسى انا بصراحة المانع الوحيد من اختلاط الصداقة هو الدين الى الله اسال ان يثبتنا فى هذه الفتن
بس برده الواحد عاوز يغير الجو و يعمل صداقات من نوع جديد:d:d:d:d:d:d
بس مش موافقك فى جملة تغير جو دى
وربنا يارب يثبتنا على دينا الجميل
وفى الجنة جميعا ان شاء الله
وشكرا جزيلا لفوكس على طرحة لهذا الموضوع
واعتقد اننا يجب ان نرفع لك القبعة ولكن تريث قليلا فى المناقشة
وكالعادة اختلاف الراى لا يفسد للود قضية
masternew 16-08-2008, 10:24 AM بس مش موافقك فى جملة تغير جو دى
انا كنت بهزر بس
او بعبارة اخرى بقول ما تحدثنى به نفسى الامارة بالسوء
طبيب عالمى قادم 16-08-2008, 01:52 PM مشكووووووووووووووووووووووووور على الموضوع
محمد.فوكس 17-08-2008, 03:29 AM السلام عليكم..
شكرا ليكم على آرائكم و وجهات نظركم..
و احب اقول لـ (أحمد 2025) شكرا جزيلا على كلمة رفع القبعة .. اخجلت تواضعي والله ..متشكر اوي..
يعني الخلاصة عشان الناس اللي تعبوا من الكلام في الموضوع ده..
ان انا شايف ان فعلا لو العلاقة محترمة يبقى عادي.. و بعدين ده هيكون في الجامعة يعني مفيش الكلام بتاع اجتماع الرجل و المرأة لأن الجامعة مكان عام و قدام كل الناس..
و ربنا يوفقنا في الجامعة..
السلام عليكم..
dr.saeed 17-08-2008, 03:35 AM ربنا يثبتك لحسن تروح ف داهيه :D
بما ان المثل بيقول اسأل مجرب وما تسألش دكتور وبما انى طالعه تانيه جامعه
فاقدر اقولكوا ان ممكن تفتكر او تفتكرى ان الجامعه من غير الجنش الاخر هتبقى ممله وهيتقال عليك معقد او معقده
صدقونى والله انا مش مصاحبه ولاد خالص ف الجامعه الحمد لله ومعايا بنتين تانين احنا التلاته معروف اننا مع بعض على طول واى حد بيحاول يستخف بياخد فوق دماغه .. جبروت يعنى:D
البنات اللى مقضينها بقى ونظام شله ومش عارف ايه نفسهم يوصلوا للى احنا فيه لان بمعاملتهم الكتير مع الولاد كرامتهم بجد بتتهان كفايه ان ولد ممكن يتجرأ عليكى ويتكلم معاكى باسلوب مش لطيف وبتوصل كمان لانه ممكن يهزر بالايد .. طبعا منظر مقزز
والولاد برده نفس الحكايه وبعيدا عن مسألة الحرمانيه لما البنت او الولد يبقى محافظ على نفسه وخصوصا ف الجامعه اللى حواليك بيحسوا انك واد تقيل وواثق من نفسك مش كلامك مع البنات هو اللى هيعملك قيمه ونفس الحكايه مع البنات
بجد سواء فى الدين او الحياه عموما الافضل والاحسن والالطف ان كل واحد يخليه فى حاله :)
وبعدين ملحوظه اخيره اللى بيكلم بنات كتير يخاف على نفسه .. اخرته مش حلوه بيموت مكهرب:D
سورى ع الاطاله وميرسى ع الموضوع:)
كلامك
صحيح
100%
واشكر صاحب الموضوع على طرحه لهذة المناقشة الممتازة
فى امان الله
محمد.فوكس 17-08-2008, 03:38 AM العفو يا مان
|