محمد ابولبن
11-08-2008, 07:31 PM
السلام عليكم و رحمة الله و بركاته
كثير من الناس نادرا ما يخرجوا عن صنفين
وهما :
1 - أما تجد الشخص مجامل فيحبه الناس لأنه يجاملهم
2 - أو يصارحك بعيوبك فيكرهه الناس لصراحته .
هل الناس أصبحت تحب النفاق ؟
تحب من يغلق عينه عن عيوبها ؟
بالنسبه لي أحب من من يكون صادقا معي
و لا أحب من يجاملني و من ورائي يطعني
- لماذا أصبحت الناس تحب النفاق؟ أو تحب المجامله ؟
- الأمر صعب هل تكون مجاملاً ؟ وتمدح و لا تظهر عيوب
الآخرين فيحبك الناس و تكون المثالي في أعينهم ؟
أو تكون صادقاً ؟ و تقول للأعور أعور بعينه ؟
و تخسر كثير من الناس ؟!!
من لديه الجرأة للقول هو أو هي من أي الناس؟
أو تقولون لنا أيهما الأفضل ؟ بانتظاركم ..
ألم أقل بأنكم لن تستطيعوا قول رأيكم لأنه محير ..!
تحياتي ..
Ringer
11-08-2008, 07:48 PM
شكرا يا محمد علي الموضوع الجامد ده
بص انا هقولك طريقتي و خلاص ..
أنا الحمد لله عمري ما بجامل حد
بس بقول الحقيقة للانسان الكويس
اما الانسان اللي فيه عيوب فبحاول أقوله عيوبه
و مش هتفرق ..
لأن لو واحد عنده عيوب .. هيهمني في ايه ؟؟
أنا الحمد لله عندي مثلا أصدقاء كثير
في منهم في عيوب و فيه مميزات
اللي عنده عيوب بقوله علي عيوبه و برضه بقوله علي مميزاته
يعني بحسسه أني بقول الكلام ده عشان هو صاحبي و عايز صحابي يبقي أحسن الناس
بس للأسف ناس بتزعل و طبعا متهمنيش
و ناس بتتقبل و هي دي اللي أقدر أقول عليهم أصدقاء
يعني < === ملخص اللي قلته كله
اني أكون صادق و أقول للأعور يا أحول كمان مش أعور بس
و أكيد الناس اللي هخسرهم مش هيكونوا ليهم لازمه يعني بدام بيحبوا النفاق و المنافقين
happiness_sadness7
11-08-2008, 07:52 PM
اهلا بيك ياحمادة
بجد موضوعك تحفة ... وبجد عايز اشكرك علي صراحتك ده
لكن بالنسبة ليا ....... انا طبعا شخصية صادقة تماما لكن في حاجة انا مش باتعمد الصدق الا
مع شخصيات معينة تقدر تفهم ان ده مش كره او تعييب فيهم او غيرة لكن حب مني .... لكن طبعا الصدق التام افضل
وشكرا تاني علي موضوعك نتمني المزيد
كركركوكو
11-08-2008, 07:54 PM
طبعا هقول عيوب الشخص اللي امامي
بس اكون واثق انه مش هيزعل مني
ولو عارف انه هيزعل يبقي الصمت هو الحل
وبلاش اجامله دي
بس طبعا كل شخص بيختلف عن الثاني
(رحم الله أمرأ اهدي الي عيوبي )
وشكرا علي الموضوع الجميل ده
جزاك الله خيرا
Cray_Bird91
11-08-2008, 07:58 PM
بصراحة موضوع جميل بس الاسوأ حكاية المجاملة دى
احلى حاجة ان الواحد يقول الصراحة بس بشكل غير مباشر عشان مش يحسس للى ادامه انه اكتر واحد ملوش مميزات
لكن يجامل فى اللى ادامه حتى لو فيه عيوب يبقى ده مرفوض
شكرا على الموضوع الجميل
كرنفال
11-08-2008, 10:51 PM
لا طبعا المجامله دى نفاق
وانا لا احب انافق حد ولا حد ينافقنى
وبكلم مع الناس بصراحه ومش بزعل لو حد قالى على عيوبى بالعكس
لانى بكره النفاق اوى
وثانكس على الموضوع
فى انتظار جديدك
Hamset_Etab
12-08-2008, 10:02 AM
بجد الموضوع عظيم جدا
انا بقا مبحبش حد يجاملنى خالص بس اما ينتقدنى ينتقدنى ويصارحنى بادب طبعا:)
اما فى ناس كتير حواليا لازم طول الوقت يقضوها مجامله فى مجامله بيبقى حياتهم كلها مجاملات ودول بحاول ابعد عنهم مش عشانهم لا انا ممكن اجاملهم برده لكن عشانى عشان انا بحب اعرف عيوبى عوزه حواليا ناس تبقى مرايتى
شكرا على الموضوع وتقبل مرورى
العمر
12-08-2008, 10:51 AM
السلام عليكم ...
أخوكم عموووررر...
الموضوع جميل جدا...
وجزاكم الله خيرا...
وانا سأكتفى بالتعليق عليه بهذه المقوله.....
........الحقيقة تاتى للناس عارية فيعرض الناس عنها.....