السلام عليكم

السادة الأفاضل

بفضل الله بعد اجتماع الفيوم واتخاذ قرارات كبيرة ومهمة في الاجتماع الذي كان يوم 6 اغسطس الجاري والذي نجح بشكل كبير فكانت من بعض المناقشات :
زيادة عدد المشرفين
توزيع العمل بين مدرسين المادة الواحدة

وضع قوانين تحكم العلاقة بين المشرف والعضو

تنظيم شكل المنتدى وبالذات الاقسام التعليمية

والحمد كل ما سبق بدأنا فيه

بل بالعكس قد تم الانتهاء من تنسيق شكل الاقسام التعليمية من الخارج لكي تكون اسهل للطالب في الوصول إلي ما يريد وجاري الآن خلال هذا الأسبوع حذف كل المواضيع التعليمية القديمة التي ليس لها قيمة ونقل المواضيع إلى مكانها السليم وتقسيم الاقسام الخاصة بالصف الاول الثانوية وجميع مواد الاعدادي الى ترمين

وجاري بالفعل صنع صفحة لكل مدرس بصفحة الموقع الرئيسية تمكن للطالب اختيار المدرس المفضل وسرعة الوصول لكل مواضيع هذا المدرس

وفي اجتماع الفيوم السابق تم وضع عدة شروط ومفاهيم تحكم العلاقة بين المدرس وموجه المادة ولكي لا نقوم بطرح هذه النقاط والمفاهيم على المدرسين فجأة سنقوم بمناقشة هذه النقاط والمفاهيم في اجتماع القاهرة القادم الذي أنشىء هذا الموضوع من اجله

وايضاً بفضل الله الان يوجد موضوع في ركن المقترحات يضع فيه الاعضاء ارائهم عن المشرفين لكي يتمكنوا من وضع قوانين تحكم العلاقة بين المشرف والعضو

وكان للسادات والمرشد (المشرف الاداري) بالمنتدى لمسات في وضع القوانين الخاصة بالتوقيع والصور الرمزية مما سيجعل لهم صلاحيات اكبر في تنفيذ منع التوقيع نهائيا للاعضاء اللذين يخالفوا قوانين التوقيع والصور الرمزية

ومن مبدأ صناعة الموقع بأيدي الاعضاء والمدرسين والمشرفين والاداريين والمديرين

سنقوم بأذن الله بعمل أجتماع كبير في القاهرة يوم 20 أغسطس الجاري فمن يستطيع الحضور معنا ما عليه الا انا يقوم بوضع الموافقة بالحضور او عدم الاستطاع بالحضور في هذا الموضوع

تنبيه : هذا الموضوع ليس لمناقشة ما تم في اجتماع الفيوم وانما لمعرفة من سيكون في اجتماع القاهرة وما هو جدول مناقشات هذا الاجتماع

تنبيه آخر : يستحسن ان ياتي معظم المدرسين بالموقع لأنه سيكون بصورة أكبر وأشمل بخصوص الاقسام التعليمية ومجلة الموقع وأفكار ترفع من شأن الموقع والتعليم في الموقع بل بأذن الله ترفع من شأن الطالب المصري

ورجاء من كل المدرسين والذي عددهم بالموقع 150 مدرس التواجد معنا في الاجتماع

وسيكون بالاجتماع بأذن الله المشرفين الاداريين كلهم والمديرين (استاذ عصام واستاذ حسام) وأنا بأذن الله وموجهين المواد التعليمية بالكامل وبعض المدرسين فنتمنى من الله ان يشاركنا الاعضاء وأنا يشارك كل المشرفين وكل المدرسين

وسيكون التجمع بأذن الله في ميدان رمسيس بالقاهرة أمام محطة المترو

وبأذن الله سأقوم قبل الاجتماع بيومين بمكان الاجتماع في القاهرة وهل سيكون داخل الجامعة او جامعة خاصة او نقابة او ما شابه ذلك

والسلام عليكم

طيب موافق
بس قدم السبت الاول

طب دى للمشرفين والمدرسين بس ولا ينفع الاعضاء كمان ؟
لو ينفع انا جاى معاكو

طب دى للمشرفين والمدرسين بس ولا ينفع الاعضاء كمان ؟
لو ينفع انا جاى معاكو


سيكون بالاجتماع بأذن الله المشرفين الاداريين كلهم والمديرين (استاذ عصام واستاذ حسام) وأنا بأذن الله وموجهين المواد التعليمية بالكامل وبعض المدرسين فنتمنى من الله ان يشاركنا الاعضاء وأنا يشارك كل المشرفين وكل المدرسين

يعنى ال عايز يروح يروح
على بركة الله
بالتوفيق
مش كان بنها فى كام يوم:rolleyes:

يااااااااااااه ده جمبى خالص خطوتين بس
بس يالا مش هاينفع على بركة الله
ربنا يوفقكوا الى مايحب ويرضى

تسجيل متابعة واحتمال حضور

استاذ اشرف ياريت حضرتك تنقل الموضوع للركن العام عشان الكل يشوفه

يااااااااااااه ده جمبى خالص خطوتين بس
بس يالا مش هاينفع على بركة الله
ربنا يوفقكوا الى مايحب ويرضى

ليه يا ايه ما تيجى :p
:rolleyes:

ليه يا ايه ما تيجى :p
:rolleyes:
او ممكن نعمل لينا اجتماع خاص نناقش فيه الاولمبيكياد في بكين 2008:D

انا برده قريب مني
بس طبعا مش هينفع
ربنا يوفقكو
وابقوا بلغونا بالنتايج

هكون موجود بإذن الله
الإجتماع اللى فات مقدرتش أجى لظروف خارجه أما الإجتماع ده بإذن الله جاى

يعني ايه قدام محطة المترو في رمسيس
ده رمسيس اكتر محطه فيها سلالم مترو

و هو للمشرفين بس

ان شاء الله بكل امكانيتى هحاول احضر

:eek:وسيكون التجمع بأذن الله في ميدان رمسيس بالقاهرة أمام محطة المترو :eek::eek::eek:




السلام عليكم ورحمة الله وبركاته

رمسيس قريبة منى اوى
دقيقتين واكون هناك

ان شاء الله انا معاكم

بس سؤال هو مين اللى حدد مكان التجمع امام محطة المترو :mad::mad::mad:

انت عارف فى كام مخرج لمحطة مترو فى رمسيس ........اقول ولا لما تروح تشوف بنفسك :D:D

طيب عارف المسافة بين كل مخرج والتانى اد اية ؟؟؟؟؟؟:eek::eek:

دة انت علشان تروح من مخرج لاخر بتعدى شوارع :confused:
اختار احد المخارج الاتية لمحطة المترو

1- مخرج محطة القطار :eek:
2- مخرج شارع رمسيس :eek:
3- مخرج جامع الفتح :eek:
4- مخرج الفجالة :eek:
.:eek:
.:eek:
.:eek:
.:eek:
برجاء تحديد مخرج من السابق ذكرهم

بس ما تنساش لما نتقابل تقولى مين اللى كان محدد المكان علشان ناوى اتوهه فى القاهرة:D:D

هههههههههههههههههههههههههههههههههههههههههههههههه

ههههههههههههههههههههههههههههههههههههههههههههههه

عاشت مصر حره مستقله

مفيش فايده

مش هقدر اجى

يا ريت يبقا فى اجتماع فى المنصورة او المحلة او حاجة قريبة شوية

اتن شاء الله معاكم

كان حلمي زمان برضه يبقى الاجتماعات لايف فايس تو فايس
الف مبروك لكل العاملين على المنتدى على التقدم والتطور الحاصل
تهانئي
مش من حقي اقترح بس هرخم واقلكم ممكن تتقابلوا قدام مسجد الفتح في رمسيس
او قدام المستشفى القبطي بس هتشموا شوية
او في محطة مصر D:
مبروك متاخرة ومقدما وسلامي لكل الحضور م الاول للاخر وكل مشارك في الموضوع والمساهمين
واحب اشكر ساعي البريد اللي ....................

ابقوا بلغونا بمكان الاجتماع بالظبط والتوقيت كمان علشان نحدد حسب ظروف الشغل

والله القاهره كلها هتنور يا استاذ اشرف

واحنا طبعا لازم نيجى نعمل الواجب .. ما ينفعش تكونوا فى كايرو وما نرحبش بيكوا

ولا تقولوا علينا بخله:D

ده هزار طبعا .. ربنا يوفقكوا يارب ويجى بفايده زى اجتماع الفيوم:)

ايه رايكو يا جماعه نعمل الاجتماع في كافيه
تبقي حاجه جامده اوي بدل الشحططه في الشوارع
وكمان ملقتش غير رمسيس دي المنطقه دي 24 ساعه زحمه هنتكلم ازاي

بجد لو فكرة الكافيه دي عجباكو انا عازمكو كلكو في الهضبه كافيه بتاع رابطة عشاق عمرو دياب في المهندسين جنمبي
وهنعرف نتكلم اوي

على فكرة سهل اوى انى اوصلكو بس مش عارفة لو صادف انى اخرج اليوم ده ممكن اجى
واعتقد ان المكان عند مخرج محطة القطار عشان اللى جايين فيه
فى رعاية الله

التواجد بأذن الله من الساعة 10 إلى الساعة 11 يوم الأربعاء القادم أمام مسجد الفتح

(مسجد الفتح في رمسيس أمام مخرج المترو)

الرجاء تحديد مكان الاجتماع لكى يكون معلوم للجميع وعليه سوف ارسل الدعوات للمدرسين

ربنا يسهل إن شاء الله

على بركة الله يوم الأربعاء الساعة العاشرة صباحا نلتقي إن شاء الرحمن

http://img293.imageshack.us/img293/8348/mnwa20by4.gif

طيب يا جماعة انا بأسأل ليه مش يكون يوم الجمعة بحيث يكون الجميع متفرغ لاننا فى امتحانات الدور التانى الايام . ودة مجرد اقتراح ورجاء

على بركة الله وبعونه سأكون معكم إن شاء الله وسوف يسعدني ذلك ويشرفني

يااااااااااااه ده جمبى خالص خطوتين بس
بس يالا مش هاينفع على بركة الله
ربنا يوفقكوا الى مايحب ويرضى

انا برده قريب مني
بس طبعا مش هينفع
ربنا يوفقكو
وابقوا بلغونا بالنتايج

والله القاهره كلها هتنور يا استاذ اشرف

واحنا طبعا لازم نيجى نعمل الواجب .. ما ينفعش تكونوا فى كايرو وما نرحبش بيكوا

ولا تقولوا علينا بخله:D

ده هزار طبعا .. ربنا يوفقكوا يارب ويجى بفايده زى اجتماع الفيوم:)



يعنى ال عايز يروح يروح
على بركة الله
بالتوفيق
مش كان بنها فى كام يوم:rolleyes:


طيب مفيش ولا بنت جاية
انا اجى اعمل اية :D
بس عمتا والله مش هقدر

ربنا يوفقكوا يارب
وان شاء الله ترجعوا بقرارات احسن من الفيوم
وربنا يقدركوا وتخلوا المنتدى فى تقدم دايما

الله المستعان
ربنا يوفقنا ان شاء الله

كان نفسي أحضر الاجتماع بس عندي تصحيح ثانوية عامة - لغة فرنسية - دور ثان المرة الفادمة إن شاء الله بس يكون فريب من المنوفية

كان نفسي أحضر بس مش حقدر بسبب المسافة والشغل

إن شاء الله متعوضة في اجتماع طنطا أو لو كان في بث مباشر بالقمر الصناعي من طنطا :)

خالص تمنياتي بالتوفيق

يا جماعه هو الاحتماع للمدرسين والمشرفين بس ؟

فكرة جيدة جدا و فرصة للتعارف و التواصل
بإذن الله معكم----- إذا لم يجد جديد (من المحتمل ان اسافر من الخميس إلي سبت)
إذا لم اسافر سأحضر إنشاءالله

ربنا يسهل و اقدر آجى و ما ارحش يوميها فى اى حته

على بركة الله نلبي دعوات الخير وجوبا والله يتقبل خطواتنا ويجعلها في سبيله أمين

بسم الله الرحمن الرحيم
باذن الله تعالى هكون موجود فى الاجتماع وربنا ييسر
الحال ودى هتكون فرصةسعيدة جدا اننا نتعرف على بعض
وباذن الله خير
وبالتوفيق للجميع

جزاكم الله كل الخير ان شاء الله سوف احاول المجيئ بسى المكان فين بالضبط؟؟؟؟؟؟؟؟؟؟؟

الدعوة عامة للجميع ياعمرو
اعضاء ومشرفين ومدرسيين

أدعولي أعرف أحضر أتمني الحضور ولكن الموعد لا يناسبني وسوف أجتهد لأحضر

ربنا يوفقكم يا جماعة

بس ياريت الاجتماع القادم يكون فى المنصورة او المحلة او ما يقربهما

ودمتم

معكم باذن الله

لن يتسنى لى الحضور حيث اننى من الاسكندرية
ولصغر سنى حيث اننى لم ابلغ الرابعة عشر من عمرى
وفقكم الله ورعاكم
واسف لتغيبى لظروف خاااااااصة

انا باذن الله هحاول أحضر...
تحياتى......

شكلي كدا مليش نصيب في الاجتماع دا

يلا خيرها في غيرها

بس الاجتماع اللي جاي ياريت يا جماعه يكون بعد 15/9 عشان الواحد يجيله فرصه يشوف الناس الحلوين كلهم

وابقوا عرفونا اخبار الاجتماع ومكان الاجتماع التالت ان شاء الله

سلامو عليكو

على بركة الله نتقابل غدا ان شاء الله
وياريت اللى جاى فعلا يكتب ان جاى غدا باذن الله

انا لسة عارف دلوقتي بسب انشغالي في الدور الثاني وكان فيه بعض الاقتراحات بس نأجلها لوقت تاني

ربنا يوفقكو يارب ..بس بجد انتو حسستونى انكم عيله دى حاجه كويسه ...وربنا يجعل ده فى ميزان حسانتكو