باقي ٣ شهور يا ناس [الأرشيف] - بوابة الثانوية العامة المصرية

مشاهدة النسخة كاملة : باقي ٣ شهور يا ناس

هيما الحفناوي

16-02-2015, 12:18 AM

باقي ٣ شهور ع الامتحانات وعمال اضيع وقت وخلاص و المشكلة اني مش عارف الوقت ده بيضيع ف ايه مش عارف ابدأ إزاي
مش عارف أنظم وقتي عاوز جدول امشي عليه الفترة دي بحيث اني اقدر اخلص المواد كلها ف شهرين بس مش عارف إزاي
أنا بقول ان الفترة دي قليلة لكن فيه ناس بتقولي ان ال٣ شهور دول بيحصل فيهم المعجزات
طب إزااااااااااااااي بجد هطق يا ريت لو حد عنده حل ؟؟؟؟؟

Dr.Mohamed Sabry

28-02-2015, 01:47 AM

افتكرولنا حاجة عدلة و النبي
الواحد بيسمع سيرة الامتحانات بيجيله حالة عياط هستيري

ايه ياعم الحج مالك مصعب الموضوع ع نفسك أوي كدا

اهدي بس كدا وصلي ع النبي والله هتروق وتحلي واسمع كلامي : )

قبل ما أقولك تعمل ايه عاوزك تطمن ع الآخر وتروق أعصابك كدا لأن ربنا كاتب قدرك وعارف انت هتعمل ايه وعارف كل حاجة وربنا رءوف جدا بعباده مش تقلق يعني .. اللي خالقك معاك

هوا كدا باقي اكلينيكا شهرين ونص وبرده عادي أوووي ومفيش أي مشكلة .. اقولك حاجة انت عارف لو فيه واحد مش وراه امتحان ثانوية واديتله المنهج دا هيخلصه في شهرين كله ولو سألته هيجاوب لأن المنهج تافه الصعب ف الموضوع ضغط الأعصاب .. انت هدي اعصابك .

تبدأ ازاي ..

لازم تحط ف اعتبارك قبل أي حاجة انك بتذاكر عشان ترضي ربنا وترضي أبوك وأمك وترضي نفسك وتثبت للكل إنك قدها وإنك تستحق كل خير .. وتخلي والدك يفتخر بيك : )

عندك آخر نص شهر اللي هوا قبل الامتحان دا خليه للعربي بس مذاكرة وحل .
تبدأ ف المادة اللي انت مقصر فيها أوي من بكرا وتنظم ليها وقتها بمعني
لو كيميا مثلا ..
أول يوم الحساب الكيميائي
تاني يوم الاتزان
ثالث ورابع يوم الكهربية
خامس وسادس وسابع يوم العضوية
.................................................. ..................
لو فيزيا مثلا ..
أول يوم أول فصل كهربية
ثاني يوم وتالت يوم تاني فصل
ثالث ورابع وخامس يوم الحث
خامس يوم أول باب حديثة
سادس يوم تاني حديثة
سابع يوم أخير حديثة
.................................................. .................
لو أحياء ..
أول يوم أول باب ( الدعامة )
ثاني يوم وتالت يوم ( التكاثر )
رابع يوم وخامس يوم ( dna )
سادس يوم وسابع يوم الوراثة
.................................................. ...............
لو جيلوجيا ..
أول يوم أول فصل ونصف التاني علوم بيئة
ثاني يوم تكملة علوم البيئة
ثالث يوم أول فصل جيلوجيا
رابع وخامس يوم الصخور
سادس يوم وسابع يوم باقي الجيلوجيا
.................................................. ................

كدا خلصت المنهج مراجعة ف شهر ( ابسط ياعم .. وقدامك كمان شهر فاضي أزأز فيه لب بقي لو عاوز .. )
في الشهر التاني دا هات الحاجات اللي انت مش مظبتها أوي ف المذاكرة في كل المواد + انك تبدأ تنظم جدولك ف الحل يعني كل يوم تحل ساعة عربي + ساعة ونص انجليزي + ساعتين تلاتة فيزيا + ساعة كيميا .. كدا يعني

وصدقني حتي لو مذاكرتش كويس من أول السنة تقدر تجيب 99 % لو أحسنت استغلال الشهرين ونص دول .. يكفي انك من جواك مش ضاربها طناش

( دائما هنالك وقت ) .. صحيح قرب من ربنا مش عشان امتحانات بقي وكدا .. لا قرب منه دايما ف حياتك ... ومتخافش من أي حاجة لأنه مطلع عليك في كل حاجة .. وسلمها لله ياعم .

ومش تتكلم مع حد بخصوص نظام مذاكرتك .. خليه ليك انت بس ( مع الله يعني : ) )

أتمني أكون أفدتك ولو بجملة

*Sara Ahmed*

28-02-2015, 05:01 AM

رائع‏ ‏ربنا‏ ‏يسهل

هيما الحفناوي

01-03-2015, 06:44 AM

بجد شكرا علي اهتمامك يا دوك كلامك ده علي دماغي .
كما انك اديتني دافع جامد و زودت حماسي ربنا يباركلك .
ربنا يقدرني وانتظم مع الجدول ده .
‎

Dr.Mohamed Sabry

01-03-2015, 04:30 PM

بجد شكرا علي اهتمامك يا دوك كلامك ده علي دماغي .
كما انك اديتني دافع جامد و زودت حماسي ربنا يباركلك .
ربنا يقدرني وانتظم مع الجدول ده .
‎
الشكر لله أولا وأخيرا
لو احتجت أي حاجة في أي وقت تحت أمرك .. ممكن رسالة ع الخاص أو ممكن تعمل موضوع هنا
ربنا يوفقك

إبراهيم مجدي

25-03-2015, 05:17 AM

جدول رائع جدا

واثقه

25-03-2015, 10:23 AM

مشكووووووووور طب انا ازهر عايزة جدول مراجعه امشي عليه معي 15 مادة وكل يوم ف درس

Dr.Mohamed Sabry

25-03-2015, 05:00 PM

Dr Alaa Inv

25-03-2015, 08:47 PM

ممكن أعرف الأول :
1 - معاد امتحانكم امتي ؟
2 - إيه أكتر مادة محتاجة وقت عندكم ؟
3 - مستوي حضرتك في المواد ؟
4 - إيه الايام المشغولة عند حضرتك بالدروس ، وإيه أكتر يوم فاضي ؟
5 - لو كانت الدروس هتقف عندكم ، هتقف امته ؟
6 - حلم حضرتك تبقي إيه ، وإيه الدافع ليك ؟

وإن شاد الله ربنا يوفقني وأقدر اقدم مساعده ...وأعمل لحضرتك الجدول .

طيب يا دكتور انا الحمدلله الامور ماشية في المواد تمام ما عدا حاجتين العربي و نظري الفيزياء محتاج شغل فيهم شوية فأنا فعلا بفكر اخلي اخر نص شهر للعربي كامل بس هل ده مش هيأثر عليا في باقي المواد ؟

واثقه

25-03-2015, 08:53 PM

ممكن أعرف الأول :
1 - معاد امتحانكم امتي ؟
2 - إيه أكتر مادة محتاجة وقت عندكم ؟
3 - مستوي حضرتك في المواد ؟
4 - إيه الايام المشغولة عند حضرتك بالدروس ، وإيه أكتر يوم فاضي ؟
5 - لو كانت الدروس هتقف عندكم ، هتقف امته ؟
6 - حلم حضرتك تبقي إيه ، وإيه الدافع ليك ؟

وإن شاد الله ربنا يوفقني وأقدر اقدم مساعده ...وأعمل لحضرتك الجدول .
بيقولوا 30/5 مش عارفه بس انا كنت ماشية مع المواد في الاجازة قبل المدرسه كنت بذاكرهم كويس يعني مستوي بتاعي ممكن يكون جيد جدا كل الاسبوع برا ومش عارفه الدروس هتقف ولا لا انا نفسي اكون ياصيدلانيه يادكتور بس حاسه انو بعيد خااالص كنت بذاكر الاول والسنين اللى فاتت بس دلوقتي بقيت اكسل شوية واذاكر شوية

عبد المقصود مصطفى

26-03-2015, 01:54 PM

يا جماعة مبلاش لسه يوم او شهر او شهرين :slap1qk6::slap1qk6::slap1qk6:
نفسيتنا بتتتعب من الكلام دا :(:(:(

واثقه

26-03-2015, 06:36 PM

يا جماعة مبلاش لسه يوم او شهر او شهرين :slap1qk6::slap1qk6::slap1qk6:
نفسيتنا بتتتعب من الكلام دا :(:(:(
بيقولوا الحق طب يا عبدالمقصود انت فين كدا ايه اخبار المذاكرة معاااك

*Sara Ahmed*

26-03-2015, 08:07 PM

Dr.Mohamed Sabry

26-03-2015, 09:03 PM

طيب يا دكتور انا الحمدلله الامور ماشية في المواد تمام ما عدا حاجتين العربي و نظري الفيزياء محتاج شغل فيهم شوية فأنا فعلا بفكر اخلي اخر نص شهر للعربي كامل بس هل ده مش هيأثر عليا في باقي المواد ؟
هقولك حاجة ... انت معاك شهرين ، صح ؟
صفي آخر شهر دا من حساباتك خالص لأنه ليه نظام تاني ـ انت قدامك شهر :
بخصوص نظري الفيزيا ياعم يااه مفيش أبسط من كدا والله : ) ....
كل يوم في ساعتين العصرية دول + ساعتين قبل النوم مع كوباية شاي ..

أول أسبوع بدءا من اليوم اللي تقرأ فيه التعليق دا
- نظري الفيزيا الكلاسيكية كامل .
- 3 نصوص عربي
- بالإضافة طبعا لنظام مراجعتك في المواد التانية يعني ضيف دول عليهم متعتمدش ع آخر شهر ( نصيحة )

تاني أسبوع :
- نظري الحديثة كامل .
- 3 نصوص عربي .
- + نظام مراجعتك في باقي المواد .

ثالث أسبوع :
- الأدب + القراءة .
- + نظام مراجعتك في باقي المواد .

رابع أسبوع :
- القصة + النحو .
- + نظام مراجعتك في باقي المواد .

.................................................. .
كدا فات الشهر دا وانت مراجع الفيزيا + العربي + معظم المواد التانية ( وحاول تلم الحجات التقيلة م المواد التانية في الشهر دا )

العربي مش مستاهل 15 يوم ... 10 أيام كفاية ، بس عدي الشهر الأول دا ع خير وصدقني هتظبط معاك أوي في التاني .. لو مسكت علي نفسك ومشيته صح ، و إياك ثم إياك تيجي علي حساب الفيزياء أو العربي في الشهر دا عشان مادة تانية ... كل ما تتقنهم اكتر ما تحب آخر شهر وميمثلش معاك ضغط أعصاب ....

أتمني أكون وُفقت وأفدتك

Dr.Mohamed Sabry

26-03-2015, 09:15 PM

بيقولوا 30/5 مش عارفه بس انا كنت ماشية مع المواد في الاجازة قبل المدرسه كنت بذاكرهم كويس يعني مستوي بتاعي ممكن يكون جيد جدا كل الاسبوع برا ومش عارفه الدروس هتقف ولا لا انا نفسي اكون ياصيدلانيه يادكتور بس حاسه انو بعيد خااالص كنت بذاكر الاول والسنين اللى فاتت بس دلوقتي بقيت اكسل شوية واذاكر شوية
قبل ما تبدأي في جدول أو تبدأي صح ..
جددي الأمل جواك الأول ، وجددي طاعتك لربنا .. يعني لما تصلي ركعتين لله قبل النوم كدا وكل البيت نايم وتطولي وتخشعي أوي في الصلاة وتدعي ربنا يوفقك وتدعيه إنه يرفع شأنك عشان أهلك وعشان ترضيه .. و تطولي في كل ركعة وتشيلي الدنيا دي كلها من تفكيرك .. خشوع تام مش هتاخد منك أكتر من 10 دقايق بس صدقيني هتحسي إن الأمل جواك اتجدد .. وأهم حاجة تواظبي عليهم مش عشان امتحانات بقي وكدا ، دايما اعملي كدا ,, الثانوية والامتحانات دي كلها حاجات دنيوية .. ..
كوني أد المسئولية اللي انتي اتحطيتي فيها ( الجملة دي كافية )
بعد كدا بقي .. هاتي ورقة وفلم ، وشوفي انتي واقعة في إيه بالظبط يعني إيه الحاجة اللي مستواك فيها مش كويس خالص وهاتيهم بالتدريج .. وإيه الحجات اللي مستواك مظبوط فيهم واحسبي الفترة اللي قدامك ... و اعرفي ( أن دايما فيه وقت ، وإن اليأس والكسل من الشيطان ، وكل ما تحسي بيأس ، قربي من ربنا : ) )

ولو حضرتك عاوزة جدول ممكن تقوليلي نظامك في المواد .. وأنا هحاول أساعدك : )

أتمني أكون أفدتك

Dr.Mohamed Sabry

26-03-2015, 09:25 PM

يا جماعة مبلاش لسه يوم او شهر او شهرين :slap1qk6::slap1qk6::slap1qk6:
نفسيتنا بتتتعب من الكلام دا :(:(:(
ياعم انت سيبك منهم ـ هما عالم فاضية =d
تعالي أقولك حاجة ...
انت ضامن عمرك ؟ أكيد لا ..
ضامن تعيش كمان ساعة أو يوم أو لحظة حتي ؟؟؟ أبداااا ....
ما بين لفتة عين وانتباهتها .. يبدل الله من حال إلي حال
طب هل انت قاعد في حفرة وخايف ومستني الموت ومش بتعمل اي حاجة في حياتك وقاعد تبكي وخلاص
و لا بتعمل في حياتك وبتسعي عشان الموت دا في المستقبل انت مش عارف هييجي إمته ؟
(( لا تجعل سحب الغد تعكر صفو اليوم ))
(( أحسن الظن بالله ))
(( متفكرش في الامتحانات لأنها في المستقبل ، فكر ان عليك واجب لابد يخلص قبل معاد كذا لو أطال الله ف العمر ))
وسيبك م اليأس دا واخلع الثوب دا وعشان تصدقني . اضحك حتي وانت متضايق والله هتلاقي نفسك فرحان لأن العقل والجسم متلازمان العقل يترجم ما يفعله الجسم إلي مشاعر .. أيوااا زي ما انت بتعمل كدا بالظبط =d

روق كدا بس وابدأ من جديد ع نضافة وصدقني تلحق تذاكر وتراجع بدل المرة اتنين .. آه والله :d

Dr.Mohamed Sabry

26-03-2015, 09:32 PM

انا قرات الموضوع ده قبل كده
بس دخلت اشوف التطورات
علقت معايا الجملة دى
ومش تتكلم مع حد بخصوص نظام مذاكرتك ..
خليه ليك انت بس ( مع الله يعني : ) )
كل ما ابدأ انتظم فى حاجة
والاقى غيره عنده مشكلة
اقوله انا عملت كذ وكذا
والحمد لله الطريقة دى ماشيه معايا كويس ممكن تجربها
ودى تكون اخر لحظاتى مع نظام المذاكرة يحصل اى حاجة
تخلى المواد ترجع تتلخبط تانى :( :bosyht9:
واقول خاالص بعد كده مش هقول حاجة لحد
ونفس الخطأ اقع فيه كل مرة :d :d
بصراحة جملتك دى يا دكتور جت ع الجرح :078111rg3:
المهم بقى يا دوك احنا شاغلين مراجعة فى اغلب الدروس حاليا
فمش عارفه انظم جدولى اوى
يعنى حسب الدروس
السؤال بقى انا بفكر اسيب الدروس مع بداية 5
بس لما سالت لقيت انه مفيش حد بيعمل كده
هل ده قرار صح ولا ؟ :romarioxp6: :excl:
متسيبيش الدروس ، استني لحد ما الدروس هي اللي تقف .. بس مش تخليها تعطلك عن الأساسيات

وبخصوص الجملة دي ..
عن معاذ بن جبل قال قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود"

يعني متعملش لنفسك جدول وتروح تقول للناس أنا عملت وعملت وأنا ذاكرت وذاكرت ... متتكلمش ( بس لو حد سألك جاوب بصراحة في حدود ومتكذبش )

اتعلمت ولسه بتعلم

26-03-2015, 10:56 PM

والله يادكتور ربنا يباركلك
الواحد اتحمس كده ربنا يسهل ونعوض اللى فات:d:d:d

واثقه

26-03-2015, 11:18 PM

قبل ما تبدأي في جدول أو تبدأي صح ..
جددي الأمل جواك الأول ، وجددي طاعتك لربنا .. يعني لما تصلي ركعتين لله قبل النوم كدا وكل البيت نايم وتطولي وتخشعي أوي في الصلاة وتدعي ربنا يوفقك وتدعيه إنه يرفع شأنك عشان أهلك وعشان ترضيه .. و تطولي في كل ركعة وتشيلي الدنيا دي كلها من تفكيرك .. خشوع تام مش هتاخد منك أكتر من 10 دقايق بس صدقيني هتحسي إن الأمل جواك اتجدد .. وأهم حاجة تواظبي عليهم مش عشان امتحانات بقي وكدا ، دايما اعملي كدا ,, الثانوية والامتحانات دي كلها حاجات دنيوية .. ..
كوني أد المسئولية اللي انتي اتحطيتي فيها ( الجملة دي كافية )
بعد كدا بقي .. هاتي ورقة وفلم ، وشوفي انتي واقعة في إيه بالظبط يعني إيه الحاجة اللي مستواك فيها مش كويس خالص وهاتيهم بالتدريج .. وإيه الحجات اللي مستواك مظبوط فيهم واحسبي الفترة اللي قدامك ... و اعرفي ( أن دايما فيه وقت ، وإن اليأس والكسل من الشيطان ، وكل ما تحسي بيأس ، قربي من ربنا : ) )

ولو حضرتك عاوزة جدول ممكن تقوليلي نظامك في المواد .. وأنا هحاول أساعدك : )

أتمني أكون أفدتك
كلام حضرتك اداني دفعه وامل شوية انا حاليا عامله جدول وماشيه عليه بس ساعات لا وان شاء الله خير

لوجين20

26-03-2015, 11:33 PM

الله يعطيكم العافية ياشباب
قلبي معاكم

اسماعيل مجدى كفافى

27-03-2015, 05:10 AM

لو سمحتوا ازاى أخلص كيمياء وفيزياء ورياضيات فى شهر

*Sara Ahmed*

27-03-2015, 12:03 PM

متسيبيش الدروس ، استني لحد ما الدروس هي اللي تقف .. بس مش تخليها تعطلك عن الأساسيات

وبخصوص الجملة دي ..
عن معاذ بن جبل قال قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود"

يعني متعملش لنفسك جدول وتروح تقول للناس أنا عملت وعملت وأنا ذاكرت وذاكرت ... متتكلمش ( بس لو حد سألك جاوب بصراحة في حدود ومتكذبش )

طيب بس الدروس دى هتقف متأخر اوى اقل حاجة 25|5
وانا امتحاناتى 30| 5
وغير كده انا محتاجة وقت اشتغل فى من نفسى
مش بطلب من المدرس
خلاص سيبك من النقطة دى ساعتها نبقى نشوف
معلش يا دكتور هقولك على مشكلة تانية
مصدعاك عارفه بس كل بثوابه :d
انا بنااااام واقول هقوم الساعة 12
اقوم امتى بقى ؟! اما الفجر واما الساعة 9 الصبح :) :angry2:
ولو مش نمت بكون بذاكر وانا مش مركزه
رايك اعمل ايه ؟ :excl:
مع العلم انى لما بنام بكون نفسى اقوم فى الوقت المطلوب
بس ال يصحينى اقوله حاضر واروح نايمة :bosyht9:
والله نفسى اطبق نظام المذاكرة من الساعة 12 ده
بيفرق معايا كتير
بس مش عارفه اعمل ايه الوقت بيضيع :o
وانا مش عارفه ايه ال بيخلينى انسى كل حاجة وانااام :(

Dr.Mohamed Sabry

27-03-2015, 05:57 PM

طيب بس الدروس دى هتقف متأخر اوى اقل حاجة 25|5
وانا امتحاناتى 30| 5
وغير كده انا محتاجة وقت اشتغل فى من نفسى
مش بطلب من المدرس
خلاص سيبك من النقطة دى ساعتها نبقى نشوف
معلش يا دكتور هقولك على مشكلة تانية
مصدعاك عارفه بس كل بثوابه :d
انا بنااااام واقول هقوم الساعة 12
اقوم امتى بقى ؟! اما الفجر واما الساعة 9 الصبح :) :angry2:
ولو مش نمت بكون بذاكر وانا مش مركزه
رايك اعمل ايه ؟ :excl:
مع العلم انى لما بنام بكون نفسى اقوم فى الوقت المطلوب
بس ال يصحينى اقوله حاضر واروح نايمة :bosyht9:
والله نفسى اطبق نظام المذاكرة من الساعة 12 ده
بيفرق معايا كتير
بس مش عارفه اعمل ايه الوقت بيضيع :o
وانا مش عارفه ايه ال بيخلينى انسى كل حاجة وانااام :(
خليك مع الدروس بجانب مراجعتك الخاصة في المواد عشان أثناء وانتي بتراجعي مادة أو اتنين متكونيش معزولة عن المادة التانية حتي لو هتضغطي علي نفسك شوية ( أي حاجة حلوة محتاجة تعب ) عشان بس العزلة عن مواد دي مش كويسة خالص ..

طب إيه رأيك تيجي علي نفسك في يوم وتسهري لحد الساعة 3 أو لحد الفجر بس تكوني نمتي ساعتين العصرية وتاني يوم تلقائي هتلاقي نفسك بتبداي مذاكرة جد م الساعة 12 بليل لحد الفجر .. ومقابل هذا هتنامي م الفجر لحد الظهر عشان ع الأقل لازم تنامي 6 ساعات ونص ( دا ع أقل تقدير ) بمعني :
تسهري أوي بعد 12 لحد الفجر
وتنامي بعد الفجر لحد الظهر
ويبقي عندك من الظهر : الساعة 5 الفجر تاني يوم فاضي
ومخك هيتعود ينشط في الفترة بعد 12 دي بعد يومين ومش هيجيلك نوم ..

تحت أمرك في أي حاجة .
أتمني أكون أفدتك .. أنا كنت ماشي ع النظام دا ع فكرا ..

Dr.Mohamed Sabry

27-03-2015, 06:03 PM

لو سمحتوا ازاى أخلص كيمياء وفيزياء ورياضيات فى شهر

أول أسبوع :
- الحث في الفيزيا .
- الكهربية الكيميا .
- فرع متوسط في الرياضة يعني ممكن الفراغية أو الجبر أو الميكانيكا .

تاني أسبوع :
- الأول والتاني كهربية في الفيزيا .
- العضوية .
- فرع رياضة تاني .

تالت أسبوع :
- أول فصل حديثة والأطياف .
- الاتزان في الكيميا .
- فرعين رياضة .

رابع أسبوع :
- آخر فصلين حديثة .
- الحساب الكيميائي .
- آخر فرعين رياضة .

هيتبقي ليك يومين .. راجع فيهم الحجاات الصعبة تاني .

أتمني أكون أفدتك .

*Sara Ahmed*

27-03-2015, 11:02 PM

ماشى يا دكتور
هحاول اطبق النظم ده
جزاكم الله خيرا

هيما الحفناوي

10-04-2015, 04:00 AM

خلاص قربنا ع الامتحانات 7-6
استرها معانا ياااااااااااااااااا رب :rolleyes: