أحلام فتى صعيدي راضع كرامة [الأرشيف] - بوابة الثانوية العامة المصرية

مشاهدة النسخة كاملة : أحلام فتى صعيدي راضع كرامة

أحمـدنجـم

12-08-2008, 10:18 PM

قصيدة باللكنة الصعيدي يا رب تعجبكم
يا بوي يا أمة ..... مالك متجرفصة كده ليه؟
مش جادر أشوفك في الغمة ..... وجولولي يا خلج الغمة دي ليه ؟
يا ما صبرتي يا أمة ما نلتي
ولدك علوان فكره ملان ..... ادليت الجوازات اجيب بازابورتي
لابس جلابيتي وعمامتي وفي يدي عصايتي
وهوصل طوالي عند عنان ..... اقوله يا man يا سعادة البيه
رد يا راجل فهمني الفولة ..... رد وجولي عتخططوا ليه؟
وكيف عاوزانا الست الغولة ؟ ..... نبجى خواجات ؟ ولا .....
لع ما تخافش مش راح أجولها ..... وإن جولتها مش راح تفهمها
ستك يا عنان على جفى الغلبان ..... جطعه ابونيه
جول للهيئة اللي انت امينها
جول للغولة جاي علوان هيخزج عينها
جول للولايات ..... ولية ولية ..... كلمتين تعلجهم حلجات في ودنها
اوعاكي تاجي عش الدبابير ..... كفياكي حط المناخير
مشي كلامك على الخواجات واتحشمي جدام علوان
كلامك دا مش عيصير
هئ هئ هئ u s a علي ايه ؟
يو ..... اس الغلب وناره
عملالي تمثال حرية ؟ يوووووو ...... يا بلد الحضارة
وخده الجدارة في الهمجية
يو ..... جولي لبوش بطل حركات الحلج حوش
الولد الصغار حداكم ما بيسوووووش
كفياكم لبس وشوش
وش حجوج الإنسان
جمعية رفج بحيوان ..... وش الحرية في بغداد
وأبو غريب فهمان ...... وش تحرروا بيه النسوان
وش يخلص كل الدنيا م الإرهاب
في جنوب لبنان .... وأفغانستان .... وإيران
كل وشوشك دي متخيلش علينا
شايفينك بعنينا
حتى العميان فينا بصران
شايف وشك وش شيطان .....
أخواتي واعمامي واولا اعمامي واخوالي واولاد اخوالي
جالولي به ..... اتجنيت يا علوان ؟ بجيت خرفان؟
الغولة يا ولد حداها شباح ..... راح نعمل ايه بالنبابيت ؟
واحنا حدانا صغار وملاح ..... لو حصرتنا الغولة يا خوي راح نلجى الزيت
روح خليك فلاح
بينا وبين الغولة سلام ....
ما تخافش طول ما أنيابها بعيدة عن الغيط
كانوا بيحكو معاي .... والشنبات الواجفة ادلت
جولتلهم لع والفين لع وجريت وحدي رحت لجدي لجيته واجف بيصلي
على سجادته اللي اتمدت
لجيته بيدعي بيجول ربي //// ارفع غضبك والغمة عن احفادي وكل الأمة
جلت في سري أميييييييييييييييين
بصلي جدي وجالي مرحبتين
واد يا علوان مالك ؟ شايف دمعة في بير العين
جولتله شايف ..... لميته الجلب هيفضل خايف؟
سيف الغولة يا جدي هيجي اليوم ويكون على رجبينا طايف ...
جالي اني عارف ..... يمكن وش الغولة مخيف
بس كمان ملان تجاويف
يجدر ينخر فيها الدود ... يدخل يعبر كل حدود
هو يا ولد ضعيف السوس ؟
روح ادلا طيبة تجولك عن اواريس جبر الهكسوس
ان كانت غولة يا ولد احنا غلان كل سنينا بتشهد لينا
خايف يجي اليوم تبكي علينا
علوان لم اخواتك واحكيلهم حواديت
وعيهم ان البيت والغيط ما بيخافش م العفاريت
ولميته نجرفص جنب الحيط
سامعين الزيط
اللي اتمصمص خيبته شفايف
واللي اندس في جلبيته وخايف
واللي اتدلدل شنبه الواجف
واللي يحط اديه على خشمه وينزل عيط
علوان لم اخواتك والعيلة
حط اديك في اديهم تجوى
هتصيروا الاجوى
طول الجلب ما فيه التجوى
لو فهمان صحي الغفلان .....
علوان .... رحت فين يا ولد ؟
آآآآآآآآآآآآآآآآه ..... راح الولد يجيب الديب من ديله
لامحه هناك حاطط يده في يد العيلة
ماشي الخطوة الأولى في سكة طويلة
رايح يجلع جلب الغولة
لاجل البيت والغيط والزيت تتبدل موت النبابيت
في ادين علوان ولدي .... كبدي ..... علوان .....
علوااااااااااااااااااااااااااان

أحمـدنجـم

13-08-2008, 07:39 PM

أنا بصراحة زعلان لأني حريص على الرد على كل مشاركة جديدة في قسم الإبداعات مع إن مشاركاتي تفتقر لردود الأعضاء الكرام
لا أريد كلمات إطراء أو مدح أنا أريد نقد أدبي لأي عمل أدبي اقوم بكتابته
جزاكم الله خيراً

أحمـدنجـم

17-08-2008, 02:08 PM

مشتاقة لرضا الله

05-10-2008, 06:13 AM

حلوه اوى يا استاذ احمد وبصراحه فعلا دى احلامنا كلنا
بس النهاية كده مش واضحه (انا مش فاهماها يعنى)
يعنى علوان مات ولا ايه
ولو مات طب مات ليه ؟؟؟؟؟؟؟؟؟
المفروض ان علوان ده رمز الحق والحق عمره ماهيموت ابدا
ياريت حضرتك تبقى توضح الحته دى
اما بالنسبة للنقد الادبى بقى
فانا معرفش انقد كفايه انى بحس الكلام وبس
وحقيقى روعه جدا وجميله اوى
تسلم ايد حضرتك

أحمـدنجـم

05-10-2008, 10:25 PM

شكراً على مرورك وانك جبتي القصيدة دي من طي النسيان أنا كتبتها على المنتدى من فترة ومجاش ردود كتيرة عليها .. أما بالنسبة للنهاية فأنا اقصد فيها ان جد علوان وهو يمثل الحاضر فجأة ملقاش علوان جنبه .. أي أن علوان تحول إلى حلم كان يحلم به السابقون ويراه اللاحقون في أيدي الصغار الذين يحملون حجراً في وجه الموت .. قلوبهم واحدة حلمهم واحد هدفهم واحد .. شكراً على تعليقك وانك طلعت المعنى من بطن الشاعر

أحمـدنجـم

07-10-2008, 02:15 PM

يا جماعة القصيدة دي حلمنا .. كلنا علوان .. ياريت اسمع أراءكم فيها

sunsero2000

07-10-2008, 09:44 PM

الله عليك يا استاذ احمد اان بجد معجب بيك جدا

أحمـدنجـم

07-10-2008, 10:08 PM

وانا بجد فرحان بمرورك جداً واهتمامك وردك ويارب ما يحرمني منك يا رب

وحيدة شكلى

08-10-2008, 05:07 PM

أخى الكريم الأستاذ ........... أحمد
لك تحياتى واحترامى لشخصك المميز .
أيها الشاعر التلقائى ، القصيدة فى منتهى الروعة
بالنسبة للرموز والصورة الجميلة الحسيه، فهى
من النوع الشعر المحكى الرمزى ، أحسنت أيها
الشاعر الشعبى هكذا اسميك .
أخى الفاضل بالنسبة للهجة الصعيدى اسمحلى .
هذه لهجة ( ماسبيرو) أى لهجة المسلسلات
هههههههههههههههههههه
لقد قلبت حرف القاف (ق ) إلى (ج ).. وهذه لست لهجة أهل
الصعيد ، فلهجة اهل الصعيد لست صعبة للدرجة !!!!!!!!!!

ولا يوجد كلمة (لع ) ربما توجد زمان فى بعض مناطق الصعيد
الوسط ................. عزيزى
أنت بور سعيدى .!!!.... وهناك توجد عائلات صعيديه بكثرة
أنصحك عزيزى أن تزورنا فى الصعيد وتعرف لهجتنا على
اصولها .
بالنسبة للقصيدة ، سلمت يمينك ، وسلم قلمك .
وننتظر منك المذيد .
تقبل تحياتى ... مشكور

أختك :::: وحيدة
http://www.mo3afa.com/wrd/w15.gif (http://www.mo3afa.com/wrd/w15.gif)

أحمـدنجـم

08-10-2008, 07:47 PM

وانا مش هلاقي احسن من دي فرصة عشان تغيري وتعدلي لكنة القصيدة بنفسك ممكن لو سمحتي؟ عشان استفيد من اللكنة الصعيدية الصحيحة لو سمحتي .. وهيكون شرف ليا والله

أبو هلا

08-10-2008, 08:57 PM

كلام جميل وزجل أصيل ، ويا سلام لوكان مسجلا بالصوت إذن لاستمعنا للهجة الصعيدى المظبوط
مع تحيات أخوك
أبو مازن

أحمـدنجـم

08-10-2008, 09:20 PM

يا هلا يا أبو مازن أول مرة أشوفك في مواضيعي بس نورتني والله وزدتني شرف يا حبيب قلبي

Drowns in a sea grief

09-10-2008, 05:41 AM

أحمـدنجـم

09-10-2008, 08:25 PM

طبعا موضوع مميز من عضو مميز
بس بالنسبه لموضوع الردود
هى المشكله بس ان الناس اتشغلت
بالدرسه لحد ما و غير كدة ممكن حضرتك
لما تنزل مواضيع ياريت يبقا مش اكتر من 3 مواضيع
فى اليوم عشان العضوا لما يدخل يقرء يدى لكل موضوع حقه
و دة راى عن تجربه لكن طبعا دة مجرد راى و يحق لك التصرف كما تريد
و ارجوا تقبل كلامى و مرورى

شكراً أولا يا مشرفتنا العزيزة على ردك على موضوعي .. وبالنسبة للموضوعات أنا مش بدخل أكتر من موضوع في اليوم وبعدين أنا كمان بدأن أنشغل في صفحة الحوار النحوي للصف الأول الإعدادي .. لأنها محتاجة مجهود جامد وبصراحة النحو دا متعتي الخاصة تخيلي بلقى فيه نفسي قوي .. أسعد لحظاتي وأنا بشرح النحو .. بس أنتي عارفة أي فنان أو موهوب متعته في نقد الآخرين له ..في كلمة إعجاب .. في لفتة جميلة .. وأنا أتمنى أن يكون لدينا المجال في غرفة صوتية كمنتدى أدبي مسموع له ميعاد محدد يضم أدباء ومبدعي المنتدى يتم فيه نقد الأعمال الأدبية لإثرائها بإذن الله ..

بورسعيدى

10-10-2008, 02:11 AM

مبدع

كلمات جميله

انا مش خبير اوى فى اللكنه الصعيديه ولكن الكلمات بشكل عام عجبتى جدا

شكرا لك

أحمـدنجـم

10-10-2008, 01:23 PM

يا بورسعيدي أصيل .. تحياتي لك .. وشكراً على مرورك الرائع .. حبيب قلبي بورسعيد منوره بأهلها المبدعين دائماً

hend ere

12-10-2008, 10:36 AM

بجد الموضوع جميل
بس انا مش ليه فى اللكنه الصعيديه خالص
لكن الموضوع بجد جميل

أحمـدنجـم

12-10-2008, 02:36 PM

شكراً يا هند على مرورك الدائم على موضوعاتي .. أنا كمان مليش في اللكنة الصعيدي بس بحبها على فكرة أنا من بورسعيد يعني أبعد مكان عن الصعيد بس بحب اتكلم بيها من أيام ما كنت في الجامعة في فريق التمثيل كنت بحب أمثل بالصعيدي كمان

hend ere

13-10-2008, 04:33 PM

هو انا اقدر ماشفش موضوعاتك!!!!
ده كلام برده..بجد والله موضوعاتك جميله جداااااااااا
ولازم ندخل ونشوفها, فى النهايه نحن المستفيدين بكلماتك الرائعه
جزاك الله كل خير

أحمـدنجـم

13-10-2008, 11:12 PM

هو انا اقدر ماشفش موضوعاتك!!!!
ده كلام برده..بجد والله موضوعاتك جميله جداااااااااا
ولازم ندخل ونشوفها, فى النهايه نحن المستفيدين بكلماتك الرائعه
جزاك الله كل خير

شكراً ليكي يا هند على متابعتك الدائمة للموضوعات والردود .. وركن إبداعات الأعضاء بيتشرف بيكي

فاعــ خير ــل

16-10-2008, 12:43 PM

مبدع انت دائما سيدي ولكن

اعذرني لم افهم كثير من الكلمات نظرا لصعوب تلك اللكنه

كما ان القضيدة تفتقر التنظيم وظبط الفواصل والقوافي

اخوك الصغير

عاشق القلم

أحمـدنجـم

16-10-2008, 01:02 PM

مبدع انت دائما سيدي ولكن

اعذرني لم افهم كثير من الكلمات نظرا لصعوب تلك اللكنه

كما ان القضيدة تفتقر التنظيم وظبط الفواصل والقوافي

اخوك الصغير

عاشق القلم

أخي الصغير سناً الكبير فناً وإبداعاً .. أسعدني مرورك على صفحتي المتواضعة كما أسعدني تعليقك على تلك القصيدة ..
تلك القصيدة يا أخي تحتاج أن ترفع على ملف صوتي بإلقائي بإذن الله لأنها تسمع أجمل مما تقرأ وبإذن الله سوف أحاول جاهداً على رفعها هنا على ملف صوتي .. شأن تلك القصيدة شأن القصائد العامية .. قد نقرأ كلمة بطريقة غير التي يريدها الكاتب فيختل عندنا وزن .. بارك الله فيك وأريدك دائماً متواصلاً .. ناقداً .. مبدعاً ..

أحمـدنجـم

29-12-2008, 12:06 AM

تضامناً مع (غزة) .. إحياء القصيدة .. من ذاكرة المنتدى ..

prince Of Love

29-12-2008, 02:02 AM

فناااااااااااااان فنااااااااااااان فنااااااااااااان مبدع

الله الله عليها كلمات

ربنا يخليك لينا و تنورنا بإبداعاتك دايما يا مستر أحمد

أحمـدنجـم

29-12-2008, 04:33 AM

شكراً لك يا أخي الكريم .. ونريد أن نذهب مع علوان حيث ذهب .. لأنه بالتأكيد سيقتلع رأس الأفعى ..

الحلـم المستحيل

29-12-2008, 05:05 AM

لا بجد جميل جدا جدا ده الابداع بجد

أحمـدنجـم

29-12-2008, 06:18 PM

شكرا أختي الكريمة وأعتقد أننا جميعاً نشارك علوان في حلمه

nancyali9

29-12-2008, 08:40 PM

وه يابوى على الكلم الجميل القصيده دى والله جميله جده
بس مش كل الناس تقدر تفهمها لاننا مش صعيده
وده حسه ان العيب الوحيد فيه
وبالنسبه لعدم الرد
انا لم بقرا اى شى من اللى انت كتابته
بصرحه مببقاش عارفه اقول ايه
على حضرتك احساسك عالى جدا وكتاباتك رائعه
وكمان انا شهاده يعنى يادوب اقرا موضوعات مبلحقشى والله ارد
علشان انا اساسا ممنوعه من النت اليومين دول
بس بعد خطف واقرا المواضيع اللى بجد هحس انها هتسعدنى
زى مواضيع حضرتك الجميله دى
وادعلنا نخلص امتحانات على خير
واحضرتك هتلقينى على طول موجوده
ومرسى تانى مره على الموضوع الجميل ده

بندق__2007

29-12-2008, 08:48 PM

لامحه هناك حاطط يده في يد العيلة
ماشي الخطوة الأولى في سكة طويلة
رايح يجلع جلب الغولة
لاجل البيت والغيط والزيت تتبدل موت النبابيت
في ادين علوان ولدي .... كبدي ..... علوان .....
علوااااااااااااااااااااااااااان

نقول ايه بس

نقول انك عبقرى

نقول انك فنان

نقول انك حساس

نقول ايه ولا ايه عنك و عن ادبك و عن اعمالك

نقول انك واحد من القلائل اللى بصمتهم واضحة جدا فى الرقى بالركن ده

بجد الفكرة تحفة و اختيارك للهجة الصعيدى فيها معانى كتير اوى

و الحلم ده حلمنا كلنا

بدون مبالغة

عملك يرقى للحلم العربى و الضمير العربى

ليس من باب المجاملة و لكنها الحقيقة

حقا رائع أستاذنا جميعا

أحمـدنجـم

20-01-2009, 10:09 PM

أحمـدنجـم

20-01-2009, 10:14 PM

نقول ايه بس

نقول انك عبقرى

نقول انك فنان

نقول انك حساس

نقول ايه ولا ايه عنك و عن ادبك و عن اعمالك

نقول انك واحد من القلائل اللى بصمتهم واضحة جدا فى الرقى بالركن ده

بجد الفكرة تحفة و اختيارك للهجة الصعيدى فيها معانى كتير اوى

و الحلم ده حلمنا كلنا

بدون مبالغة

عملك يرقى للحلم العربى و الضمير العربى

ليس من باب المجاملة و لكنها الحقيقة

حقا رائع أستاذنا جميعا

بندق الغالي .. أولاً آسف على تأخر الرد .. وثانياً شكراً لردك الرائع .. وأعلم أن حلمك وحلمي وحلمنا كلنا أن نضع أيدينا في أيدينا ونوحد مشاعرنا وطاقاتنا ونقولها مدوية لا لكل مستعمر جبان لا لكل متواطئ متخاذل .. نعم للحق ولا صوت إلى الحق والحق يعلو ولا يعلى عليه .. وجزاك الله خيراً أخي الحبيب

زائر غير مسجل

15-05-2010, 06:03 PM

طول عمرى بقول ان انت برينس انت اخويا الكبير وحبيييييييييييييييييييييييييب وحضرتك عارف الباقى وبامانة ربنا يطول فى عمر قلمك ويديك الصحة بارب .

ahlaoy50

13-01-2011, 10:36 PM

ماذا اكتب و ماذا اقول و القلم يرتعش بين السطور غير الله يزييدك علم وينورلك بصيرتك كمان و كمان عشان تكتب لنا شعرك الرائع

ahlaoy50

13-01-2011, 10:37 PM

اة نسيت هذا الحلم سوف يتحقق باذن الله

الأستاذة ام فيصل

14-01-2011, 05:33 PM

بصوره عامه انا فهمتها بس هناك بعض الكلمات ماعرفت المقصود منها
تصلح تكون مسرحيه او اوبربت
ديما حسك الانساني والوطني رائع بارك الله فيك
وحشتنا ووحشت ابداعات
يارب تكون بخير
تحياتي