مشاهدة النسخة كاملة : ملف تنسيق الشهادت المعادلة العربية والأجنبية
عبقرينومان 12-08-2008, 10:25 PM http://www.ikhwanonline.com/Data/2007/2/4/trtrtr65.jpgتأكيد لما انفرد به موقع الثانوية العامة منذ أسبوعين لأول مرة تسجيل رغبات الطلبة الوافدين (الشهادات المعادلة العربية والأجنبية ) عن طريق الانترنت (التنسيق الاليكتروني) وذلك لأول مرة في تاريخ تنسيق الشهادات المعادلة :
وافق الدكتور هانى هلال وزير التعليم العالى والدولة للبحث العلمى على فتح باب صرف أوراق الطلاب الحاصلين على الشهادات المعادلة العربية والأجنبية إعتبارا من يوم الأحد القادم وذلك بالمكتب الرئيسى بالقاهرة وفرعيه بالأسكندرية وأسيوط.
كما وافق الوزيرعلى فتح فرع لصرف وقبول أوراق طلاب الشهادات المعادلة سواء العربية أو الأجنبية <H4 align=justify>بجامعة الأسكندرية بمبنى كلية الحقوق بمجمع الكليات النظرية بالشاطبى لخدمة أبناء الأسكندرية والوجه البحرى بصفة عامة، وفتح فرع آخر بجامعة أسيوط بمبنى إدارة جامعة أسيوط القديم بالوليدية لخدمة أبناء الوجه القبلى، وذلك بالإضافة إلى المكتب الرئيسى بالقاهرة بمقر المدينة الجامعية للطلاب بجامعة القاهرة.
وصرح عبد الحميد سلامة وكيل أول وزارة التعليم العالى والمشرف العام على مكتب التنسيق بأنه تقرر أن يكون بدء إدخال البيانات على الحاسب الآلى يوم الأربعاء 20 أغسطس الحالى على أن يكون استلام الأوراق من الطلاب عن طريق مكتب التنسيق إعتبارا من يوم الخميس 21 أغسطس الحالى وحتى الأحد 31 أغسطس الحالى وذلك بعد ملء البيانات وكتابة الرغبات من الساعة الثانية عشر ظهرا وحتى السادسة مساء يوميا.
وأضاف أنه ستبدأ عملية إدخال الرغبات عن طريق موقعى التنسيق الإلكترونى " موقع تنسيق الجامعات " أو "بوابة الحكومة المصرية" إعتبارا من يوم الأربعاء 20 أغسطس الحالى وحتى يوم 31 أغسطس الحالى عن طريق المعامل المتاحة للجامعات، مشيرا إلى إنه سيتم فتح هذه المعامل إعتبارا من الساعة التاسعة صباحا وحتى الخامسة مساء يوميا، ويمكن للطالب التقدم برغباته عن طريق الحاسب الشخصى أو أى حاسب متصل بالشبكة خارج الجامعات وسيكون الموقع متاحا لمدة 24 ساعة طوال أيام تقديم الرغبات وسينتهى إدخال أو تعديل الرغبات الساعة السابعة مساء اليوم الأخير للتقدم.
وقال عبد الحميد سلامة وكيل أول وزارة التعليم العالى والمشرف العام على مكتب التنسيق إنه تم تخصيص منافذ للبنين وأخرى للبنات بالنسبة للطلاب الحاصلين على شهادة الثانوية السعودية وذلك لاختلاف شهادة كل منهم وكذلك تخصيص عدد من المنافذ لاستلام أوراق طلاب القسم الادبى وأخرى لطلاب القسم العلمى من كل شهادة.
وأوضح أنه متاح للطالب تعديل الرغبات لعديد من المرات خلال فترة التقدم حتى اغلاق الموقع الالكترونى.
وأشار إلى أنه سيتم ابلاغ الطالب بنتيجة ترشيحه فور اعلانها رسميا، وأن نتائج الترشيح ستكون متاحة على نفس الموقع الذى قام الطالب بتقديم رغباته عليه أو عن طريق خدمة الرسائل على الهاتف المحمول للطالب أو عن طريق موقع البريد الالكترونى، وبعدها يقوم الطالب بطباعة بطاقة الترشيح من الموقع الالكترونى للتنسيق مع العلم أن هذه البطاقة مجرد اخطار ولا تمثل مستند رسمى.
وصرح المشرف العام على مكتب التنسيق بأن طلاب الشهادات المعادلة العربية المتقدمين لأداء امتحان المستوى الرفيع مع امتحانات الدور الثانى للثانوية العامة المصرية يمكنهم التقدم للمكتب بأوراقهم خلال المواعيد المقررة على أن يقوم الطلاب الذين يجتازون هذه الامتحانات باحضار ما يفيد اجتيازهم لها والدرجات التى حصلوا عليها ليتم اضافتها إلى مجموعهم الاعتبارى وذلك بعد اعلان نتيجة المستوى الرفيع مباشرة وبحد اقصى ثلاثة ايام من تاريخ اعلان النتيجة حيث لن يتم قبول اى شهادات من الطلاب بعد هذه المواعيد.
وأوضح سلامة أن جداول التوزيع الجغرافى غير مطبقة على طلاب الشهادات المعادلة وأن طلاب الشهادات العربية والأجنبية الذين تتأخر نتائجهم سيقوم المكتب بفتح باب القبول لهم إعتبارا من يوم الأثنين أول سبتمبر وحتى يوم الجمعة الموافق 5 سبتمبر القادم، مشيرا إلى إنه سيتم استلام الأوراق المطلوبة ومعادلة الشهادات وحساب المجموع الاعتبارى لكل شهادة طبقا للقواعد الصادرة من المجلس الأعلى للجامعات والمبينة بدليل طلاب الشهادات المعادلة للعام الحالى والذى سيتم صرفه ضمن أوراق الطالب.
ويمكن لجميع الطلبة التسجيل الاليكتروني للرغبات من خلال الرابط التالي
www.thanwya.com/natgie (http://www.thanwya.com/natgie)
</H4>
sameh_elhakim 13-08-2008, 04:31 AM ثانية واحدة فى جريدة الاهرام اليوم قالوا اننا طلبة الشهادة المعادلة لايتيح لهم تعديل رغباتهم وهنا تقولوا اننا من الممكن ان نعدل رغابتنا
sameh_elhakim 13-08-2008, 04:33 AM الخبر بالنص اهووووو
44445 السنة 132-العدد 2008 اغسطس 13 12من شعبان 1429 هـ الأربعاء
قبول14 ألف طالب من الشهادات الأجنبية بالجامعات:
صرف أوراق الشهادات المعادلة
الأحد المقبل وتسجيل الرغبات الأربعاء
عدم الألتزام بجدول التوزيع الجغرافي أو السماح بتعديل الرغبات
كتب ـ محمد حبيب:
هانى هلال
يبدأ مكتب تنسيق القبول بالجامعات والمعاهد من الأحد المقبل صرف أوراق الطلاب المصريين الحاصلين علي الشهادات المعادلة من الدول العربية والأجنبية, ويستمر حتي الأحد31 أغسطس حيث سيتم تسليم الطالب ضمن الأوراق رقما سريا ليدخل به علي موقع التنسيق الألكتروني لتسجيل رغباته ابتداء من يوم20 أغسطس علي أن يبدأ في تسليم المظروف والأوراق الرسمية إلي مكتب التنسيق من21 أغسطس, وسيتم إعلان نتائج الطلاب علي موقع التنسيق الألكتروني وليس مكتب التنسيق الورقي.
وأعلن الدكتور هاني هلال ـ وزير التعليم العالي والدولة للبحث العلمي ـ أنه بالرغم من أنه سيتم صرف وقبول أوراق طلاب الشهادات المعادلة بالطريقة الورقية إلا أنه ملتزم بضرورة ادخال بياناته ورغباته علي موقع التنسيق الألكتروني لأنه سيتم إعلان النتائج فقط علي هذا الموقع.
وصرح السيد عبدالحميد سلامة الوكيل الأول بوزارة التعليم العالي المشرف العام علي مكتب التنسيق ـ بأن طلاب الشهادات العربية المتقدمين لأداء امتحان المستوي الرفيع مع امتحانات الدور الثاني للثانوية العامة يمكنهم التقدم للمكتب بأوراقهم خلال المواعيد المقررة, علي أن يقوم الطلاب الذين يجتازون هذه الامتحانات باحضار ما يفيد إجتيازهم لها والدرجات التي حصلوا عليها ليتم إضافتها إلي المجموع الاعتباري, وذلك بعد إعلان نتائج المستوي الرفيع مباشرة وبحد أقصي3 أيام من تاريخ إعلان النتيجة, حيث لن يتم قبول أي شهادات من الطلاب بعد المواعيد المعلنة.
وأضاف, أن جداول التوزيع الجغرافي غير مطبقة علي طلاب الشهادات المعادلة ولكن تعديل الرغبات غير مسموح به وأن المكتب سيفتح أبوابه مرة أخري من أول سبتمبر وحتي5 سبتمبر للطلاب الذين تتأخر نتائجهم في بعض الدول العربية.
وقرر المجلس الأعلي للجامعات قبول14 ألف طالب وطالبة كحد أقصي من طلاب الشهادات الأجنبية بالجامعات بنسبة5% من الأعداد المقرر قبولها بالجامعات هذا العام, ومن المنتظر أن يتم توزيع هذه الأعداد علي الكليات علي أساس458 بكليات العلوم و335 بالطب و375 بالصيدلة و93 بالطب البيطري و96 بالتمريض و87 بالأسنان, و44 بالمعاهد الفنية للتمريض و32 بالاقتصاد المنزلي و31 بالعلاج الطبيعي و27 بالفنون التطبيقية و940 بالهندسة و117 بالحاسبات والمعلومات و328 بالزراعة و1220 بالتربية و321 بالتربية الرياضية و300 بالتربية النوعية و212 بالسياحة والفنادق و151 بالألسن و64 بالفنون الجميلة و64 بالآثار و55 برياض الأطفال و44 بالاقتصاد والعلوم السياسية و32 بالإعلام و31 بالكفاية الانتاجية و21 بالتربية الفنية و12 بالتربية الموسيقية.
عبقرينومان 13-08-2008, 01:16 PM خد كلام موقعنا ثقة ولا تجادل
sameh_elhakim 13-08-2008, 03:56 PM ماشى ياعم عبقرينو وانا على موقعكم وربنا معاكم ومنتظر منكم المزيد وانا باذن الله اول من سيزودك بالدليل بتاعنا 2008 ان شاء الله وهرفعه هناااااا او فى موضوع جديد
retag allah 15-08-2008, 12:56 PM السلام عليكم
ارجو الرد عليه من متخصص
ممكن تعرضوا علي الموقع الحدود الدنيا للعام الماضي بالنسبه للوافدين
و هو الطلبه الحاصلين علي الثانويه السودانيه من
مدارس السودان مش امتحنوا المنهج المصري في السفاره
ليهم تنسيق مختلف علي اعتبار ان السودان له وضع خاص
واتفاقيات خاصه بوادي النيل
ما صدق الكلام ده
ارجو الرد السريع لتتم الفائده
مع الشكر
أ- وائل عطية 17-08-2008, 03:55 PM معنى ذلك أن الطلاب سوف تتقدم بطريقتين معا
عن طريق التنسيق الالكتروني بالانترنت وعن طريق المظاريف
السؤال
لو حدث اختلاف بين الرغبات المقدمة عن طريق الحاسب والمقدمة بالأوراق ماذا تكون النتيجة بأي منهم يأخذ مكتب التنسيق؟
أو مثلا تقدم الطالب عن طريق الانترنت وعن طريق المظروف بنفس الرغبات
وفجأة أراد تعديل الرغبات عن طريق الموقع الإلكتروني وهو الأن قد سلم المظروف فما العمل ؟ بالطبع سيكون هناك اختلاف
حاسس ان انا في حلقة مفقوده عندي بالنسبة لعملية تقديم الرغبات
بالانترنت فقط - بالأوراق والمطروف فقط - بالاثنين معاً مش عارف
ارجو التوضيح
بين الهدب دمعة 18-08-2008, 11:21 PM انا من سوهاج وعايزة حد يساعدني ازاي اكتب الرغبات وعايزة ادخل صيدلة اسيوط
وجزاكم الله خيرا
sameh_elhakim 19-08-2008, 03:56 AM هقولكوا انا االى فيها انا روحت مكتب التنسيق الرئيسى فى جامعة القاهرة لقيت لوح بالهبل بس المهم الى فيها هو ان القادمين من السعودية متقسمين سنتين وسنه وادبى وعلمى وبنات وبنين (( فهمتوا حاجة )) .
وغير الكده الى جايين من السعودية والكويت وسلطنة عمان لازم الى جايبيين فوق 97 % يكتبوا اخر 5 رغبات كليات هندسة وديه انا نفسى مش فاهمها ولازم حد يفهمنا احنا نكتب الهندسة ممكن فوق وتحت بمعنى (( انا لو عاوز هندسه اكتب اول رغبة هندسة جامعة القاهرة والتانية عين شمس والتالته حلوان ولا اكتبهم تحت ؟؟ ولا ممكن اكتب اول رغبات ليا هندسه وفى الاخر احط اخر 55 رغبات هندسة اقاليم ؟؟؟؟ ولا مش ممكن خالص )) . المهم هما قالوا الى جايب اقل من 95 % كمان يكتب اخر 10 رغبات كليات نظرية لعدم نفاذ رغباتهم والتحاقهم بكليات القمه ديه حاجة وله ولو افتكرت حاجة تانية هقولكم
sameh_elhakim 19-08-2008, 04:01 AM اما بالنسبة للاخت الى بتسال يه هى الدرجات الاعتبارية هو المجموع الاعتبارى يعنى من نطقه الى بيدخل الطالب بيه الجامعه وبتحاسب عن طريقه فى مكتب التنسيق وغير كده فى قواعد عامه لحساب المجموع الاعتبارى موجوده فى الدليل بتاع تنسيق الشهادات المعادلة
اما ازاى تكتبى رغباتك فانا نفس الكلام مش عارف اعمل ايه بس هقولك الى فهمتوا زى ما فهمت انتى عاوزه صيدلة وساكنه فى سوهاج (( انتى هتكتبى اول رغبه ليكى صيدلة جامعه سوهاج لو موجوده كليه صيدلة بالجامعه عندكوا ولو مفيش بتكتبى المدن الى جمبك او القاهرة مع العلم ان التوزيع الجغرافى مش مطبق على طلاب الشهادات المعادلة وبعد كده تحطى الرغبات بعد الوله صيدلة فى المدن القريبة علشان تتضمنى تدخليها بعد كده انتى حره تكتبى اى رغبه تانية )) انا عملت كده وقربت اخد قرار نهائى بالرغبات ان شاء الله .
sameh_elhakim 19-08-2008, 04:04 AM للاخ الى بيسال عن الحدود الدنيا مش متوفره فى اى حتى خالص علشان بتختلف من دولة لدولة
عبقرينومان 19-08-2008, 01:44 PM بالنسبة للرد على موضوع ان الطالب هيقدم بالورق وهيقدم عن الطريق الانترنت
لا التقديم هيكون عن طريق الانترنت فقط ولن يقبل اي تقديم ورقي وسيكون عن طريق موقع التنسيق فقط
وهذا ما أكده لي الدكتور سمير شاهين
yasserk 22-08-2008, 04:55 PM انا معي ثانوية من دولة عربية وسلمت اليوم ملف التنسيق بعد تعبئة الرغبات على النت وطباعتها ليتم تسليمها مع الاوراق لمكتب التنسيق مع استمارة 555 وشهادة الميلاد اصل وشهادة النجاح المصدقة اصل واستمارة 2 جند للذكور مع العلم بان هذه الاستمارة موجودة في قسم التجنيد بمديريات الامن وعدد 6 صور شخصية وايصال كهرباء حديث لأثبات السكن ويراعي ان تلصق الرغبات على الاستمارة مطابقة للرغبات على النت وبالنسبة لكتابة الدرجات على الاستمارة سألنا مكتب التنسيق وقالوا اتركوها فارغة لأن درجاتنا بتحسب بمعرفتهم
sameh_elhakim 22-08-2008, 06:49 PM للطلبة القادمين من السعودية يتم حساب المجموع الاعتبارى كالاتى :- اولا تحسب النسبة المئوية كما فى موضوع حساب درجات الشهادات فى قسم اخبار الثانوية العامة وثانيا بتضرب النسبة المئوية فى 4.1 يعنى ارربعه فاصله واحد هيطلع المجموع الاعتبارى من 410
sameh_elhakim 22-08-2008, 06:51 PM وانا عندى سؤال انا لما قدمت الورق اول امبارح الراجل بتاع التنسيق قبل منى الورق بدون اثبات سكن يعنى ولا وصل كهربه ولا حاجة ده ممكن يسببلى مشكلة افيدونى بلييييييز وده اول سؤال ليا
سما الوجدان 24-08-2008, 03:27 AM السلام عليكم
لو سمحتوا ياجماعة حد متخرج من نظام المقررات في السعودية ؟
أنا متخرجة منه ولما جيت أسجل في النت حطني السعودية نظام سنتين بينما أنا ثلاث سنوات
هل الرقم السري اللي أنا أخذته غلط ولا هما بيحطونا مع السنتين ؟؟؟
أرجو الرد وجزيتم خيرا
سما الوجدان 24-08-2008, 03:29 AM سؤال تاني لو سمحتم هل الصفحة اللي بتيجي بعد أما أخلص تسجيل في النت لازم أقدمها مع الاوراق ولا مش لازم
لإني ماطبعتهاش ومش عارفة أدخل عليها مرة ثانية
حد عنده فكرة عن عدد المقاعد اللي كانت متاحة للشهادات المعادلة السنة اللي فاتت ؟
أو حتى عن النسب اللي أخذتها كل كلية ؟
marwa1080 25-08-2008, 07:04 PM السلام عليكم
يا استاذ عبقرينو مان
لوسمحت هو ممكن اعمل تعديل رغبات او تحويل من جامعه لجامعه بالنسبه للوافدين (معايا الشهاده الثانويه العامه المصريه بس انا ما مصريه )
marwa1080 25-08-2008, 07:06 PM السلام عليكم
يا استاذ عبقرينو مان
ينفع اعمل تعديل رغبات ذى المصرين الا كان معمول من مده او تحويل او تقليل الاغتراب بس انا وافده (اخده الثانويه المصريه بس انا ما مصريه )
ارجوووو الرد
marwa1080 25-08-2008, 07:09 PM السلام عليكم
ممكن يا عبقرينو مان انى اعمل تعديل رغبات او تقليل الاغتراب
لكن انا من الوافدين (معايا الثانويه المصريه بس ما مصريه )
light_city 27-08-2008, 03:44 PM انا خريج ثانويه ازهرية 2007 ودخلت كلية تجارة
كنت عايز احول لكليه تبع التربية والتعليم
فكنت عايز استفسر ينفع ولا لأ
ولو ينفع تنسيقى هايبقى 2007 ولا 2008
ارجو الرد سريعا لأن الوقت بدأ ينفظ منى
soma18 07-09-2008, 01:54 PM السلام عليكم
انا لسه مسجله جديد فالمنتدى واتمنى اني الاقي حد يجاوب على سؤالي
انا شهادة معادلة من الكويت ومجموعي بالمستوى 93 وعلمي ونفسي اوي ادخل صيدله حتى لو اقاليم تفتكروا ممكن احصلها؟؟؟؟؟؟؟؟؟؟؟؟
وهوه السنه اللي فاتت اقل صيدله خدت كام من اللي جايين من الكويت؟؟؟؟؟؟؟؟؟
3awz tan9e2y 08-09-2008, 04:25 PM هاي يا شباب ازيكم ؟؟؟
انا احمد من اسكندريه جي من البحرين
مجموعي 87% انا عارف انو قليل بس مناهج البحرين صعبه ...
اولا: انا لم رحت القاهره ئالولي يوم 9 ففا مش عارف امته بئه ...
لكن انا عاوز اطمن هو في حد معايه هنا من البحرين و يدردش معايه عشان اعرف ميوله ايه و انا عاوز ايه عشان نظبط مع بعض واعرف الحيجيلي...
ثانيا : يا سوما 18 انا ليه واحد اعرفه زميل اختي دخل صيدلة اسكندريه ب 96 من الكويت بس الكويت ما اظنش فيها ناس كتير وافدين قريبه من البحرين... ويا رب يوفقك وانتي لم تسئلي اسئلي عاوزه صيدله اي محافظه...
ثالثا: ما تتعبوش نفسكم اهي طالعه طالعه...ريحو
رابعا: انا اختي كانت السنه الاقبل الفاتت جايه من البحرين جالها صيدلة المنيا بعد الدراسه ب تئريبن اكتر من شهر ..
بس انشاء الله السنادي تطلع بدري عشان كله طلع بدري ئولو يا رب........ادعولي بليز عاوز هندسه
صباح الظعابيط
خدو بالكم من نفسكم.....
موكشا 10-09-2008, 02:03 PM احمد يا بتاع اسكندرية هتفرق معاك في اية
موكشا 10-09-2008, 02:04 PM سوما 18 ان شاء الله هتدخلي الي نفسك فية انا في 3 هندسة
sameh_elhakim 11-09-2008, 02:50 AM يا جماعه احنا عاوزين رد من الناس الى بيتفهم بمعنى اصح زى استاذ عبقرينو وعاوزين حكاية المستوى الرفيع الى اتلغى وانا برضه عرفت ان النتيجة هتطلع يوم 15 / 9 وربنا يوفقنا جميعا ان شاء الله
thefirst 11-09-2008, 12:33 PM انا من السعودية وجبت 99.38 بالمستوى 407.35 وكتبت اول رغبة طب القاهرة ممكن تجيلي ولا رايكم ايه
thefirst 11-09-2008, 05:46 PM انا من السعودية وجبت 99.38 بالمستوى 407.35 وكتبت اول رغبة طب القاهرة ممكن تجيلي ولا رايكم ايه لوحد عنده اي فكرة يطمني عشان انا قاعد على اعصابي من يوم ما خلصت الامتحانات في السعودية ارجو ممن يقرؤه الرد على في اقرب فرصة
tota92 14-09-2008, 04:17 AM السلام عليكم و رحمة الله و بركاته
انا جديدة في المنتدي
ممكن اعرف امتي نتيجة التنسيق لأن انا بجد تعبت
yasserk 15-09-2008, 04:04 PM قرر المجلس الأعلي للتعليم قبل الجامعي برئاسة الدكتور يسري الجمل ـ وزير التربية والتعليم ـ إلغاء امتحان الطلاب الحاصلين علي الشهادات المعادلة من الدول العربية في مادة المستوي الرفيع.
وأكد الوزير أن الهدف من القرار تحقيق تكافؤ الفرص بين الطلاب المصريين في الداخل والخارج بعد أن صدر القرار الوزاري الخاص باختيار مادة امتحان المستوي الرفيع طبقا للمجموعات العلمية والأدبية التي يختارها الطالب وهي مختلفة تماما عما يتم دراسته في بقية الدول العربية.
وقال إن هناك تنسيقا مع وزارة التعليم العالي في هذا الشأن, حيث وافق المجلس الأعلي للجامعات علي إلغاء شرط حصول الطالب علي الحد الأدني للكلية المراد الالتحاق بها والاكتفاء بشرط تحديد نسبة معينة لكل شهادة.
مصدر المعلومة في الرابط
http://www.el-wasat.com/details.php?id=55531672
|