مشاهدة النسخة كاملة : كليات القمه ...عجبي
فنكوشه المنكوشه 13-08-2008, 01:16 AM اظن دلوقتي ان فيه ناس كتير داخله كليات وفيه ناس في الكليات اساسا
اللي انا هتكلم عنه يعني حاجه لاحظتها من زمان والكل ملاحظها (كليات القمه) كليات
القمه اللي هي الطب والهندسه بجميع الفروع ومش عارفه علي اي اساس اختاروا (هما
مين اللي اختاروا)الكليتين دول بالذات عشان يكونوا كليات قمه طب بالنسبه للكليات
التانيه ايه الميزه في الكليات دول مش موجوده في الكليات التانيه ومحدش يقولي
المستقبل عشان مينضربش:dالمهم دلوقتي بئا لكل كليه اسم شهر يعني كليه اداب
(كليه الكعب العالي)كليه تجاره(كليه الشعب)كليه تربيه(كليه هريدي\كليه الفلاحين)يعني
الاسماي دي انتشرت اوي ومع انتشارها انتشرت برضه اسامي لكليات القمه كليه الطب
(كليه الفشله)كليه الهندسه (كليه العواطليه) مسميات مسميات وياريتها جت علي اد كدا
دا في اهالي ممكن يجرالها حاجه اذا اولادها مدخلوش الكليات دي يعني مشم مهم انه
يشتغل كفايه بس الدكتور راح الدكتور جه البشمهندس راح البشمهندس جه وتلاقي واحد
جايب مجموع مش اللي هو وقاهر نفسه مش عشان مجموع ولا عشان حاجه عشان مش
هيدخل كليات قمه طب تعالي كدا اسال معظم الطلاب بتوع كليات القمه اللي لسه
هيدخلوا ايه هدفهم اللقب فقط واصبح اللي يدخل كليه تجاره ولا كليه اداب انه عمل جريمه
او انه كان دخل معهد خدمه اجتماعيه افضل التفكير العنصري دا زرعه اهالينا فينا من واحنا
صغيريت ياتري يا حبيبي نفسك تطلع ايه لما تكبر هو بيسال وعارف الاجابه او بينبهك من
الاحر يا دكتور يا بشمهندس يا ظابط :dمدرس مينفعش تاجر ميمشيش طبباخ هتترمي
من الشباك والفكره فعلا بتكبر تلاقي اي واحد في ثانويه عامه علمي نفسي اطلع دكتور
نفسي ادخل كليه هندسه طبعا فيه كليات انا مذكرتهاش زي الفنون الجميله والعلوم
وحاسبات ومعلومات دول عاملين زي الاحتياطي يعني نص العمي ولا العمي كله المهم
ابعد عن تجاره واداب وتربيه وحقوق طبعا اذا الواحد كدخلش الكليت الاحتياطيه يفضل يلعن
في التعليم واللي جاب التعليم مش فاهمه انا مفكرشاذا كان ذاكر ولا ويقول ان الثانويه
العامه حظ :d
محدش يقول عشان انا كليه تجاره انجليزي مع وقف التنفيذ:d يبقي هعد اشتم بئا في
كليات القمه بالعكس والله بس انا شايفاها كليات عاديه ومكرهش ان حد يبقي نفسه
يدخلها عشان عنده هدف معين او علي الاقل بيحب الدراسه فيها يعني بيدخل كام الف كل
سنه لكليه الطب بيطلع كام واحد منهم دكتور واحد ولا اتنين عشره حتي والباقي
اعرف واحده كانت جايبه 97 دفعه 2006 علمي دخلت حقوق لانها بتحبها وبتعشقها طبعا
ناس هتقول دي مجنونه عبيطه الخ بس بالعكس هي فكرت صح مفكرتش في اللقب
والمظاهر فكرت في اللي بتحبه طبعا انا عارفه لا متاكده ان كلامي مش هيغير تفكير 70
مليون مصري بس او الواحد كان عاوز يبعبر عن اللي جواه وخلاص :d
Cray_Bird91 13-08-2008, 01:30 AM بصراحة عندك حق
الكل بقى يهمه اللقب وخلاص والبركة فى الاهالى نصهم يقول لاء لازم تدخل(طب-هندسة-صيدلة...الخ) والنص التانى يقول ياشيخ
هى مبقش نافعة حنعملها ايه هى حرة او هو حر يذاكر ميذاكرش المهم عندى ينجح وخلاص
والربع التانى يقولك اللى هو نفسه فيه ويحاولوا ينموا موهبتهم بس ده بيبقى قليل جدا
هى جت على دى مش الاول التعليم يتصلح فى مصر وبعدين نتكلم:D
Ra2oF 13-08-2008, 01:30 AM عندك حق
المفروض اليفكر يدخل يشوف هو نفسه يبقي ايه ؟!
و يشوف البيحبوا و يخشه علشان ميبقاش دكتور فاشل او مهندس فاشل :: :: او غيره ::الخ
و المشكلة في مصر المظاهر اهم حاجة في البلد ديه ::
و بجد حاجة غبية الواحد لما يروح يتقدم لجواز اول حاجة بتتسأل :::
بتشتغل ايه
لو دكتور او مهندس يبقي اوك :: حتي لو اخلاقه زفت
و لو تلجر او محامي شريف يأما رفض يأما نفكر
طبعا مش كله بيعمل كده بس
98% من الاهالي بيعملوا كيده::::::
Dr.Nobel 13-08-2008, 01:31 AM موضوع حلو اوى
يعني مش كل الناس اللى داخلين طب او هندسة بيبقو عايزين لقب بس
بالعكس في ناس بتبقي حاطين ده حلم قدامهم من زمان ولو كانو جاو مجموع يوديهم المريخ كانو برضه هيخشو نفس الكلية لانهم بيحبوها
وفي ناس بتدخل الكلية عشان سمعت ان في واحد او اتنين يعرفوهم داخلوها وطالعين منهم بسم الله ما شاء الله
وفي ناس بيكونو ناويين انهم يدخلو كلية معينة (مثلا هندسة ) ويجيب مجموع كبير يقدر يدخله (بترول ) يقوم يستخسر مجموعه ويخش الكلية اللى مش بيحبها
وعجبي زي ماقولتي
شكرا علي الموضوع
فنكوشه المنكوشه 13-08-2008, 01:37 AM تقدروا تقولوا شعب مصر شعب ارستقراطي
يعني السيط ولاالغني :d
وبعدين التعليم مش هينصلح واانا مش عاوزاه ينصلح
هو مناسب للعقول المصريه
تخيلوا لو شالوا التنسيق واللي عاوز يدخل حاجه يدخلها لمده 10 سنين الناس هتنسي الكليات ومش هيكون فيه غير هندسه وطب ويمكن كليات تتقفل لحد ما الناس تبتدي تغير من تفكيرها
يعني كدا احسن :d
بالنسبه للجواز هما بيوافقوا علي فكره للي معاه فلوس وخلاص كان زمان حكايه المهندس والدكتور دي انما دلوقتي اللي معهوش ميلزموش:d
وعلي فكره انا معممتش فيه ناس بتبقي فعلا بتحب الكليه وداخله حبا وعندها اهداف تانيه غيير اللقب علي الاقل بيحبوا المواد والكلام اللي هيدرسوها
عارفين اكتر حاجه بتجنني ايه لما واحد يقولك انا مليش في الحفظ ومبعرفش احفظ وعقدته بتكون الرياضه :d
الرهينه 13-08-2008, 01:39 AM كليه الطب (كليه الفشله)كليه الهندسه (كليه العواطليه)
واضح فعلا ان الفرق بينهم وبين الكليات العاديه المستقبل:D
حبيبتى انتى كلامك صح وفعلا فى اهالى كتير عندهم داء الاسامى ده يعنى ابنى او بنتى ادخلها كلية قمه خاصه بدل ما ادخلها كلية حكومى هى حباها مثلا .. وكله فى الاخر عشان الاسم
هى عادات غريبه واتعودنا عليها ومافيش غير قله هى اللى نفدت من التفكير ده
انا فى مره واحد بيقولى انه بيلاعب بطل الجمهوريه ف التنس "صاحبه" وده كان فى طب والاول كان فى جاره تقريبا فبقوله يااااااااه فرق شاسع والله ما كملت الكلمه وادانى محاضره فى الاخلاق ازاى تفرقوا بين شخص وشخص بالكليه اللى هو فيها المهم ان ده بينتج وده بينتج وكلهم بيشتغلوا لصالح البلد وانتى ازاى يكون تفكيرك كده انا ماكنتش اعرف عنك كده ابدا وانا اسكت فيه واقوله وربنا كنت بهزر بس تقولى لمين بقى .. من ساعتها حرمت اجيب سيرة الكليات وسيرة التنس ومابقتش اكلمه خالص:D
سورى ع الاطاله وميرسى حبيبتى على موضوعك:)
فنكوشه المنكوشه 13-08-2008, 01:55 AM واضح فعلا ان الفرق بينهم وبين الكليات العاديه المستقبل:D
حبيبتى انتى كلامك صح وفعلا فى اهالى كتير عندهم داء الاسامى ده يعنى ابنى او بنتى ادخلها كلية قمه خاصه بدل ما ادخلها كلية حكومى هى حباها مثلا .. وكله فى الاخر عشان الاسم
هى عادات غريبه واتعودنا عليها ومافيش غير قله هى اللى نفدت من التفكير ده
انا فى مره واحد بيقولى انه بيلاعب بطل الجمهوريه ف التنس "صاحبه" وده كان فى طب والاول كان فى جاره تقريبا فبقوله يااااااااه فرق شاسع والله ما كملت الكلمه وادانى محاضره فى الاخلاق ازاى تفرقوا بين شخص وشخص بالكليه اللى هو فيها المهم ان ده بينتج وده بينتج وكلهم بيشتغلوا لصالح البلد وانتى ازاى يكون تفكيرك كده انا ماكنتش اعرف عنك كده ابدا وانا اسكت فيه واقوله وربنا كنت بهزر بس تقولى لمين بقى .. من ساعتها حرمت اجيب سيرة الكليات وسيرة التنس ومابقتش اكلمه خالص:D
سورى ع الاطاله وميرسى حبيبتى على موضوعك:)
ههههههههههههههههههههه احسنن معنتيش تتكلمي طب انا وانا بقدم شفت واحده ام اعدنا نتكلم معاها فقالت ان بنتها جايبه 95 وكانت بنتها نفسها تدخل السن بس امها عاوزه تجاره انجليزي ليه مش فاهمه طبعا الام قضت علي احلام البنت عشان الام بتقولي ان بتوع تجاره انجليزي بيبقوا برستيج :Dعالم مخها ضيق
Dr.Nobel 13-08-2008, 02:14 AM ساعات بيكون العيب من الاهل
تلاقي الواد لو كان علمي علوم مثلا وجاب مجموع كبير
تلاقي اهله قعدو معاه وابتدو
ادخل يابني طب عشان نتفشخر بيك ونقول الدكتور راح والدكتور جيه
ادخل يابني صيدلة خمس سنين وبتشتغل وفلوس كتير
ادخل يابني علاج طبيعي عشان تطلع دكتور النادي الاهلي
ادخل يابني علوم عشان تطلع زي زويل
ومحدش ساله هو عايز ايه
انا بشوف ناس ببتخانق مع عيالها ساعة الرغبات
وساعات بيكون العيب في الطالب الاهبل
ممكن يخش كلية عشان اصحابه فيها
انا السنة دي عندي واحد صحبي جاب91.5 (رياضة)
وحمد ربنا وكتب الرغبات هندسة وكل شوية يقولنا هاخش هندسة طيران وبتاع والواد مليان حماس تحس انه هياخد الخمس سنين في سنة واحدة
ويوم نتيجة التنسيق مكتوب
.
.
.
.
.
.
.
انه من طلاب المرحلة الاولي اللي اخترتهم الوزارة علي مستوي الجمهورية عشان يتمتع بخاصية التنسيق الفوري
يعني يختار اي كلية عايزها ويخشها حتي لو مجموعه مش مغطيها
المستقبل بقي بسحب(عظيمة يامصر)
هنوريك اللى عمرك ماشفته:p:p
دخل هندسة بترول:D:D:D:D
براءة 13-08-2008, 02:30 AM جيتى ع الجرح:D
بص يا جميل انت يا قمر
انا كرحمة حابة اى مجال علمى عملى:rolleyes:
وانا صغيرة كنت بحلم بنفسي واقفة وسط معمل و بحط حاجات ع بعضها ولابسه نضارة ( وشكلى امور بيها ):cool::D
كبرت سوية ربنا ابتلانى بمرض
افتكر كنت 2 اعدادى
مريت بموقف معين اترسم من خلاله هدفى اللى تخليت عنه طبعا بعدها ب 4 سنين وادينى ندمانة حاليا
افتكر بالنسبة لى الموضوع مكانش قمة
تانى حاجة تقريبا المفروض انى اشطر اخواتى واكبرهم المفروض
كان نفسي والدتى تفتخر بيا مش تتكسف منى
زى ما هيا دلوقتى مش راضية تسافر لقرايبنا علشان محدش يكلمها عن نتايجى انا واخويا
اعمل ايه ؟؟ ثقافة مجتمع !!!
وانا كان المفروض اجتهد علشان اللحظه دى
هما مبخلوش عليا بحاجة مدارس محترمة ودخلونا دروس وخدنا
اقل حاجة كان ممكن اقدمهالهم انى التحق بكلية عدلة ،، واهو كمان اكون قدوة لاخواتى ..
بس الحمد لله محدش بياخد اكتر من نصيبة
وطبعا انتى عارفة انى حاليا مرتبكة جداا وعاملة قلق جامد فى البيت
تقريبا محدش بيقربلى لانهم بقوا بيخافوا منى
باينلى اتجننت :rolleyes:
بصراحة انا عن نفسي
كليات القمة دى هيا اللى كانت تناسب طموحى بعيدا عن كونها قمة او لا
بصي
اقولك كلمة عبيطة
انا كان نفسي اخترع حاجة مهمة للعالم :D
بس كفاية كده
............................
ضفتك ع الهوتميل بتاعى اوعى تكونى رفضتى الدعوة :D دى انا :rolleyes:
محمد.فوكس 13-08-2008, 02:47 AM السلام عيكم..
الموضوع بيطرح حاجة مهمة و فيها كلام كتير.
انا شايف ان مبقاش في حاجة تحدد الكلية دي مجموعها عالي و الكلية دي مجموعها واطي.لأنه بالرغم ان دلوقتي خريجي الطب و الهندسة مش بيشتغلوا و حتى لو اشتغلوا بياخدوا مرتبات هايفة..يبقى ايه المغري فيها؟
الا رغبات الطلبة و عدد الطلبة المطلوب في كل كلية.
هو ده اللي خلى الطب و الهندسة يضربوا في العالي كده..اي ان رغبات الطلبة هي اللي عملت حاجة اسمها كليات قمة.
يبقى المشكلة في عقولنا احنا كله غرضه طب او هندسة او مثلا اقتصاد و علوم سياسية.
بس اكيد ده ليه سبب..اعتقد ان السبب جزء كبير منه الرغبة في اللقب يعني باشمهندس /دكتور /ضابط
لأن هي دي طبيعة بلدنا في الزمن ده لازم يبقى ليك لقب و الا تبقى نكرة..
بس ده ميمنعش ان فيه ناس من اللي كانو عايزين يدخلو كلية (قمة) كانوا اصلا بيحبوها سواء قدروا يدخلوها او لأ.
يعني انا مثلا ده كان حلمي في الهندسة لأني فعلا بحب الفيزيا و الميكانيكا.بس للاسف مدخلتهاش و لكن دخلت علوم مش كلية احتياطية لأ عشان ابقى برضه بدرس الحاجة اللي بحبها.
و على الجانب الاخر في ناس مجاميعهم جابت كليات قمة و كان نفسهم يدخلو حاجة تانية اقل في المجموع و منهم اللي عمل اللي هو عايزه و منهم اللي خضع لرغبة أهله او خضع لأفكار غلط في دماغه.
يعني مثلا ليا قريبي هو شاطر اصلا بس دخل ادبي من الاول وكلنا استعجبنا و مش بس كده جاب 97% و مدخلش سياسة و اقتصاد قال انه عايز يدخل حقوق فرنساوي..
هي دي الحلات النادرة اللي ممكن نلاقيها..
بس في الآخر احنا مع ادانة فكرة (كليات القمة) لكن لازم منظلمش الناس اللي بتدخلها حتى لو مش حاباها لأن ظروف البلد و الضغوط هي اللي بتدفعهم لكده و رغبتهم في انهم يحققوا حلم اهاليهم..
آسف جدا على الاطالة..
شكرا..
سلام عليكم..
gumana 13-08-2008, 03:12 AM معاك بس المشكله ان المجتمع بتاعنا بيهتم بالظواهر وكل واحد بيهمه كلام الناس وبس
لو كل واحد عمل بنصيحتك ودخل المجال اللي بيحبه مكنش ده حيبقي حال البلد
بس انا بجد لما جيت ادخل الكليه دخلت الكليه اللي انا بحبها بجد وبحلم بيها من وانا صغيره مع ان مجموعي كان99 يعني كان قدامي
فرصه دخول طب
gamal saber 13-08-2008, 04:47 AM هى اسمها قمة عشان بتاخد من مجموع عالى
لاكن المفروض ان كل انسان لية طموحاتة الخاصة الى بيحاول يحققها
وممكن اوى واحد يجيب مجموع كبيررررررررر مع انة عاوز يدخل حقوق
بس هو عاوز بردو يفرح اهلة بمجموع كبير
لاكن ان واحد عاوز يدخل طب او هندسة عشان يبقى اسمة دكتور دة بالتاكيد
بيبين مدى التاخر الفكرى الى اهنا فية
وانا فى دفعتى فى 2006 كان ليا واحد صاحبى جايب 99 تقريبا ودخل هندسة عادية مع انة كان جايب درجة البترول لانة مكنش عاوز بترول
وانا جبت 91 ودخلت حقوق
كل الناس ساعتها استجننتنى وخصوصا بعد محولت من الكلية الى بابا فيها لكلية حقوق
لاكن شوية وبطلو كلام وفى الاخر انا رحت المكان الى كان نفسى اكون فية
والحمد لله ربنا يستر وافضل قد المسئولية كدة على طول عشان لو مجبتش تقدير كبير
على الاربع سنين هيبقى شكلى وحححححححححححححححححححححش
Travel 13-08-2008, 07:20 AM الكليات دى اتقال عليها قمة
بغض النظر عن المجموع اللى عليها
علشان جت عليها فترة ولعت
الخليج كانت طالبة اعداد كبيرة من الكليتين دول بالذات
(طب)و(هندسة)
وكان الاقبال الكبير على هندسة
(علشان البترول)
وطبعا مفيش فى (بلدنا الحبيب):D
شغل
يبقى الطلبة اللى بتفكر فى مستقبلها هتعمل ايه
لازم تدخل الكليتين دول لو هتسرق حتى
والكلام ده كان تقريبا فى 2003...2004
ومن ساعتها لو حد لاحظ هيلاقى
الكليات دى مجموعها طاااااااااااااااااالع
وحالف ما ينزل
لا وكمان علشان البرستيج
بس كلها اسامى زى ما قلتى
يقدر حد يقولى
اللى هيدخل طب
هيشتغل فين وازاى؟
العميد بتاع كلية طب
قبل الامتحانات باسبوع
طلب من (هانى هلال)
تخفيض اعداد المقبولين بالكلية دى
والجرايد كل شوية
العواطلية فى البلد
اغلبهم مين.؟
كليات القمة
ودلوقت
(كلية الشعب)
هى اللى مطلوبة فى الزمن ده
اوى اوى كمان
ده طبعا بعيد عن ان اداب وحقوق
بس حقوق هتبقى زى كليات القمة فى الشغل
اللى هيتخرج هيتركن على (دكة الاحتياطى)
بعيدا بقى عن التنسيق
نغير الاتجاه على محطة التعليم الجميلة
تعليم ايه اللى يتصلح
!!!!!!!!!!
امتحان الفيزيا اللى اتحطيلنا
المدرسين مش عارفين يحلوه
واحنا اللى حلينه
لما قريت فى الجرنال
المدرسين اللى بيصححوا مش عارفين يحلوا المسائل
انا مسكت قلبى
لحسن مدرس........
يصحح ورقتى
ويا عالم
على اللى هيعمله فى الورقة
ويا عالم حصلت:D
ورقتى
والله لو قلت
الورق اللى مرمى فى الشارع انضف منها ابقى غلطانة
الدرجات مش باينة
والورقة متحفر فيها
ومش باين عليها ورقة طالب
ولا اللى بيصحح حتى
بيصحح ورقة امتحان
كان باين عليه بيلعب(سودوكو):mad:
ده بجانب ان الورقة كلها نادرا ما تلاقى فيها رقم(1)
(يعنى صح)
والمفروض انى كنت اجيب فى المادة دى47
بس طبعا ربنا وقع ورقتى فى ايدين .......
للاسف
التعليم مش هيتصلح
اللعب كله على الطالب
وسايبين المدرس
وده اهم حاجة
ولا المناهج اللى مش عارفين مكتوب فيها ايه اصلا
الكتب المدرسية
مليان غلطااااااااااااات
ومحدش عمل حاجة
(فى تالتة ثانوى)
انما فى الكيميا
علشان والله العظيم
من غير مبالغة
علشان لقوا
(نظرية مش مفهومة او مش منطبقة مع وجهة نظرهم)
طالبوا بحذفها
رغم انها موجودة من ايام عم تحتمس
من زمااااااااااااااان
وطلعنا فى تالتة ثانوى
لاقينا المعلومة دى فى الفيزيا
هيا هيا:D:D
سبحان الله
كفاية كده
وزى ما قلتى
عجبى
فنكوشه المنكوشه 13-08-2008, 12:40 PM غالبا كلنا متفقين
بس بالنسبه لاي حد اهله عنده خجلانين منه او عندهم شعور بالياس من مستقبل اولادهم المفروض ان يكون دور الابن هو انه يثبتلهم العكس لما يشوفوه ناجح في كليته وله مستقبل كويس حتي ولو مدخلش طب او هندسه
***star*** 13-08-2008, 01:45 PM الكليات القمه بقت زي الغريزه الطبيبعيه عند معظم المصريين ....وصعب تتغير
فنكوشه المنكوشه 13-08-2008, 02:14 PM الكليات القمه بقت زي الغريزه الطبيبعيه عند معظم المصريين ....وصعب تتغير
لا تقدر تقول ادمان زي المخدرات كدا :D
bosy .. mostafa 13-08-2008, 02:45 PM بسم الله الرحمن الرحيم
انا عندي أهلي مش غاصبين عليا حاجه بيقولوا لي ان شالله تدخلي تجاره حتى مش هنقولك لأ .. يمكن عشان انا اخر العنقود و العناقيد اللي قبلي طب و هندسه .. جايز بقى مش عارفه
بس عارفه , انا اللي معقداها على نفسي و قاعده اقول لازم ادخل طب .. حتى لو مش جبتها جامعه عاديه هدخلها خاص و مش يهمني
بس صدقيني انا مش عايزه ادخلها عشان اللقب بس .. دي ليها سبب تاني و قصه طويله عمرها ييجي 11 سنه كده
بس بعدين قلت لو لا قدر الله مش جبت طب انا هدخل ألسن .. و اعتقد دي كليه حلوه اوووووووي
اشتغل في شركه او في مطار و مستريحه و على سنجة 10 و اقبض احسن من مليون دكتور
و ممكن كمان اتفوق فيها وابقى معيده (بس ده احتمال ضعيييييف لإن مافيش حد من عيلتي دكاتره في كلية الألسن او معيدين عشان يتوسطوا لي :p .. حتى لو تفوقت .. انا مش محتاجه اكلمك عن الحته دي :D كوسه فور ايفر :D:D)
والله فيه كليات تانيه حلوه و شغلها موجود و كمان ليها برستيج للناس اللي بتدور عاللقب
زي كلية الألسن , و كلية تجاره انجلش ..
انا عندي بنت خالي كانت تجاره انجليش و اهي اشتغلت في بنك و بتقبض مرتب كبير ما شاء الله
احسن من اخويا الدكتور :D
و لما اخويا عرف المرتب بتاعها يا عيني اتصدم و قال(ياريتني ما موتت نفسي في السبع سنين و السنه الإمتياز و التكلييييف اللي كان في اخر الدنيا) كان هيعيط بجد
بس حمد ربنا .. محدش بياخد غير نصيبه
و بعدين المفروض شعب مصر يؤمن بحاجه مهمه جداً و هي ان مافيش حاجه اسمها كلية قمه .. فيها حاجه اسمها قمه في الكليه ..
مش عارفه احنا بنحب نعكس ليه :D
و بعدين يا بنتي لازم تلاقي مجاميع الكيات (بتاعة القمه دي) في السما و العلالي بسبب الأرقام الفلكيه اللي بعض الطلبه بيحصلوا عليها .. منهم بيحصل عليها بسبب التفوق الرياضي (و دول اقله .. هو حد فاضي يبص وراه)
و منهم اللي بيحصل عليها بمجهوده (بس دول بنسبة .1%) و منهم اللي بيحصل عليها بالتسريب و دول الأكتريه
الأرقام الفلكيه هي السبب .. بابا بيقولي ان كلية الطب دي زمان كانت بـ 60% و كان بيدخلها الناس الفشله في ثانويه عامه و مش كان ليها قيمه
و هندسه كانت بـ 80% بس كان ليها قيمه شويه عن الطب عشان كنا وقت عبد الناصر فيه ناس بتصنع هنا .. بس دلوقتي كله راح
و بقى مجرد لقب و بس
دلوقتي اللي يدخل هندسه احسن قسمين ليه مدني و معماري لإنهم ليهم شغل في مصر و بره مصر كمان .. لإنه لو دخل ميكانيا اولاً هيطلع عينه في الرسومات المعقده ثانياً لما يتخرج مش هيلاقي حد بيصنع حاجه فهيقعد في بيتهم
و لو دخل كهربا مش بعيد يقلب أرشميدس و مش هيلاقي شغل لما يطلع .. هيشتغل في جولدي مثلاً على خط انتاج و خلاص مش هيستفيد بمجاله
محدش بيشتغل في مجاله في البلد دي
سوري للإطاله و شكراً للموضوع
Dr.taz l0gic 13-08-2008, 02:49 PM انا هسأل حضرتك سؤال أنت لو كان جالك مجموع طب او اسنان او صيدلة مكنتش هتدخل بيه
ولو علمي رياضة وجالك مجموع بترول او هندسة مكنتش برضوا هتدخل بيه .... ما علينا لنفترض انك شخصية نادرة وهتقول لأ ..... ابن حضرتك او بنتك في المستقبل بعد ما تعبت معاه وقعد يدرس 10 سنين تكره انه يكون طبيب او مهندس مع الاحترام طبعا لباقي المهن
مش معني ان حضرتك شفت نموذج او نموذجين دخلوا الكلية لمجرد " الفشخرة " زي ما حضرتك بتقول فانا بقولك انى داخلها عن اقتناع تام ورضا نفسي وانا اساسا بحب كليتي والحمد لله
حضرتك بتقول ان ليه الطب كلية قمة ..... الا تعلم ان افضل علوم الارض بعد علوم الفقه هي الطب !!!!!!!!!!!!!!!!
Hamset_Etab 13-08-2008, 03:36 PM ماشاء الله موضوع حلو اوى وارائكم جميله اوى
انا واحده من الناس مش بقبل سيره طب وصيدله ولا حتى تمريض (معقده بقا):p
بابا وماما بقا طول السنه وانا راحه وانا جايه عمله ايه يا دكتوره;)
المهم انا كنت عوزه ادخل من الاول ادبى بس لوكنت قولت كنت هموت وبعدين فى ثانيه جبت93.7بابا قالى قدامك طريقين يا تدخلى رياضه2 عشان هندسه يا اما علمى علوم وادخل طب بالفلوس (قال يعنى ابويا مدير بنك) المهم انا بقا اخترت الى انا عوزاه من الاول ادبى وفى الاخر اناحـــــــره دى حياتى انا(عملين مناحه فى البيت بيقولو بنتنا فشلت)
عارفين كل الناس الى حواليا اما بستمع رايى ان مفيش حاجه اسمها كليات القمه (بيقولوا ده قصر ديل)
Dr.taz l0gic 13-08-2008, 03:40 PM ربنا يوفق الجميع في مكانه
nothing 13-08-2008, 03:50 PM انتى عارفه فعلا الاهل عاوزين ولادهم يدخلوا كليات قمه وبساللى هيا يا طب يا هندسه
معلشى يعنى الكل هايطلع يقعد فى البيت
انا عندى ادخل اى كليه بس اثبت نفسى فيها وابقى دكتورة فى التخصص بتاعى
مش لازم ابقى دكتورة او مهندسه عشان ابقى كويسه
وياريت فعلا الناس تغير نظرتها للكليات دى
بالمناسبه انا داخله اداب
bosy .. mostafa 13-08-2008, 05:46 PM لا تعليييييييييييق .......... :D
:D
اموت و اعرف ايه اللي مضايقك :D
SENDRILLA 13-08-2008, 07:47 PM بصي يا ساره
حتة كلية قمه او مش قمه صدقيني مش بتفرق معايا خالص
بس ده ميمنعش اني لو مكنتش دخلت واحده منها كنت هزعل
صدقيني مش عشاني
لا عشان بابا وماما اللي نفسهم يحققوا فيا املهم
اذا كنت انا دخلت طب بيطري
واهي كلية قمه واسمي دكتوره
وزعلانين:mad:
امال لو دخلت تجاره ز ي اخويا ولا كليه غيرها كانو عملوا ايه;)
رموني من الشباك:D
الحمد لله طبعا علي كل حال
بس نظرة الناس مش هتتغير غير بينا صدقيني
يعني انا داخله بيطري وخايفه من كلام الناس
المتعلمه والجاهله علي حد سواء;)
بس لو انا خفت ومدخلتش وغيري وغيري وغيري
يبقي نظرة الناس هتبقي كده ع طول
لكن لما انا اتخرج من بيطري واشجع غيري انه يدخلها يبقي بساهم بطريقه غير مباشره في تغيير نظرة الناس الحمقي في الكليه ( نظرة الناس مش الناس نفسهم ;))
بس كل واحد يثبت نفسه في مجاله ويخدم دينه وبلده
وده المغزي من التعليم اساسا:rolleyes:
لا القاب ولا دياوله
كليه تربيه(كليه هريدي\كليه الفلاحين)
برضو عايزة ادخلها
:p
اعمل ايه يعنى
الحل الوحيد انهم يعملولى فرع السن ف اسكندرية
:mad:
---
عارفة
كل اصحابى وقرايبنا
حسسونى انى باضيع مستقبلى بايدى لما حولت ادبى بعد ما خدت كيميا شهر واحد ف تانية
ازاى يعنى ماروحش صيدلة ولا هندسة !!
وماما عشان ماتضايقنيش
بتقولى المهم تدرسى اللى انتى حاباه واللى تقدرى تتفوقى فيه
بس انا عارفة انها متضايقة
وانا مخنوقة
:(
دانا لما فكرت ف تربية فرينش
واهى تبقى اى حاجة باحبها وخلاص
قالولى ماينفعش
لازم اللغة الاولى
:mad:
يعنى مفيش قدامى غير تربية انجليش
ahmed2845 16-08-2008, 10:36 PM شكرااا يا مانعلى الموضوع
اما بالنسبة لحكاية الكليات فهى فعلا حكاية كليات القمة دى بقت تعقد الطلبة وفى طلبة بقوا ينتحروا بجد لمجرد انوا مدخلش الكلية اللى عايزها
انا عايز اعرف ليه
ليه الاهل بيفضلوا يلقنوا فى عيالهم لازم تدخل كلية طب ولازم تدخل كلية هندسة
كأن دول هى الكليات الوحيدة اللى خريجيها بيلاقوا شغل
بالعكس دى كليات القمة دلوقتى هى اكتر كليات ملهاش شغل
نفسى الناس عقولها تتغير
لان فى طلبة بتتظلم بجد فى الموضوع ده وانا واحد منهم
انا مدخلتش هندسة على درجة واحدة ودخلت علوم
يعنى دخلت كلية من الكليات الاحتياطية
دكتور ريهام 16-08-2009, 06:25 PM انا بقه مش معاك الكليات دى هى اللى بطلع النوابغ وعلماء ودكاترة المستقبل
دكتور ريهام 16-08-2009, 06:41 PM وبعدين اكيد انت كنت نفسك تخش حاجة فيهم
MoHaMeD ELsHeRbEnY 18-08-2009, 04:40 PM والله كان فية دكتور بيكلم على الحتة دى
قال حاجة حلوة اوى وبجد ملهاش حل
قال بتوع الثانوى زعلانين لية بسبب التنسيق
ياسيدى ادخل كلية الحمير واطلع اشطر حمار
ههههههههههههه
والله يا جماعة معاة حق احنا تفكيرنا بقى غريب
بالنسبة لكليات القمة والهرم التدريجى الى عملوة فى الكليات دة
بصراحة تفكير ساذج لابعد الحدود لكل كلية هدفها وكجالها وتخصصها
الى كليات القمة متقدرش تقوم بية
الظابط فى مكانة ميعرفش يقوم بدور الفراش
المدرس ميعرفش يقوم بدور الظابط
الدكتور ميعرفش يقوم بدور العامل
كل واحد ولة مجالة ولو فئة واحدة وقفت والله كل الفئات هتقف
ربنا يبعد عننا التفكير الغريب دة
شكرا يا اخت فنكوشة على الموضوع المتميز
جزاكى الله خيرا
فى رعاية الله
GAMALEWEES 18-08-2009, 04:53 PM والله العظيم انا عمرى ماحلمت ولا تمنيت انى اكون دكتورة او مهندسة و حتى لما جبت مجموع كبير فى الثانوية العامة دخلت كلية واخدة اقل من مجموعى بكتير
صحيح كنت عايزة ادخل كلية اثار القاهرة بس فرقت معايا و لقيت مجموعى جايب اثار قنا و انا اصلا من كفر الشيخ يعنى هتبهدل فقولت هى كلية تجارة انجلش لانى كانت دى الرغبة التانية لية بعد الاثار
فمش لازم تبقى دكتور ولا مهندس علشان الناس تعملك قيمة
الانسان ممكن يعمل قيمتة بمجهودة فى عملة الاختارة و يكون عندة ضمير فى اداة لعملة زى المدرس و المحاسب و المحامى و الطبيب و المهندس كل واحد يقدر يثبت وجودة فى اى مكان يروحة
ساعات بيبقى عامل نظافة اشرف بكتير و يستحق الاحترام اكتر من طبيب مرتشى او حرامى بيتاجر باعضاء الناس
شكرا جدا على التوبيك
جزاك الله خيرا
fictional.girl 18-08-2009, 05:13 PM [
اولا انا بحترم رايك ده مهما كان بالنسبة لي او مهما اعترضت عليه
احب اعرف بنفسي
انا طالبة في 2 ثانوي السنة دي
ونفسي ومني عيني ادخل هندسة وهموت وادخل هندسة
بس مش عشان اللقب زي مبيقولي
لا عشان انا لي هدف بجد
ونفسي احققه
وبرده مش الهدف ان مجرد ادخل وخلاص
لا الهدف ان اتخرج منها عارفة انا حعمل ايه بعد كده
المهم عشان مبعتش عن الموضوع
بالنسبة لكليا ت القمة
هو المسمي غلط
لكن بقي
متغلطيش في الطب والهندسة
والااااااااااااااا
:abdoog8::abdoog8:
المهم يعني
مش كل الناس تفكيرها واحد
انا مش بفكر ان طالب اداب او حقوق او تجارة او علوم اواواو..........................الخ
ده فاشل
لا بالعكس
ده كليه حقوق
كانت ف يوم من الايام كلية الامراء والباشاوات وعظماء العائلات
بس
هو الهندسة او الطب
او كليات القمة زي مالبيقولو
ديه بتبقي
اصعب والمتخرج
بتعاها بيقي انسان بالمعني الصحيح
سوري يعني بيبقي فيها ناس خايفة ع مستقبلها اكتر من الي بيبقوا في اي كلية تانية خاصة الحقوق
عموما
التعليم باااااااااااااايظ كله
ف مصر
محدش يزعل مني
وع فكرة
اختلاف الراي لا يفسد للود قضية
وانا بتقبل اي تعليق ع كلامي
برضو عايزة ادخلها
:p
اعمل ايه يعنى
الحل الوحيد انهم يعملولى فرع السن ف اسكندرية
:mad:
---
عارفة
كل اصحابى وقرايبنا
حسسونى انى باضيع مستقبلى بايدى لما حولت ادبى بعد ما خدت كيميا شهر واحد ف تانية
ازاى يعنى ماروحش صيدلة ولا هندسة !!
وماما عشان ماتضايقنيش
بتقولى المهم تدرسى اللى انتى حاباه واللى تقدرى تتفوقى فيه
بس انا عارفة انها متضايقة
وانا مخنوقة
:(
دانا لما فكرت ف تربية فرينش
واهى تبقى اى حاجة باحبها وخلاص
قالولى ماينفعش
لازم اللغة الاولى
:mad:
يعنى مفيش قدامى غير تربية انجليش
كانت ايااام
ادينى دخلت حاجة تالتة ..
:blink:
هو الهندسة او الطب
او كليات القمة زي مالبيقولو
ديه بتبقي
اصعب والمتخرج
بتعاها بيقي انسان بالمعني الصحيح
سوري يعني بيبقي فيها ناس خايفة ع مستقبلها اكتر من الي بيبقوا في اي كلية تانية خاصة الحقوق
عايزة اعلق عالحتة دى
بس سؤال مؤقت لحد مارجع
اشمعنى ( خاصة الحقوق ) ..؟!
:huh:
شهدالجنة 18-08-2009, 05:58 PM فعلا موضوع قيم جدا جدا
بارك الله فيكى بس انا عندى سؤال
منكوشة ليه؟
انابهزر طبعا اختك شهد وموضوعك حلو جدا
انا اعرف واحد جارنا دخل هندسة سنتين ومحصلش نصيب
دخل تجارة يعنى الاسماء لازم نكون قدها
fictional.girl 18-08-2009, 05:58 PM عايزة اعلق عالحتة دى
بس سؤال مؤقت لحد مارجع
اشمعنى ( خاصة الحقوق ) ..؟!
:huh:
من غير زعل كده
معظم الي بيخش حقوق
بيقي مستبيع
انا اعرف ناس كتييييييييييييييييير هناك
ف 1
شايلين المواد كلها
رغم انهم ف ثانوي كانوا مش كده عمرهم ماشلوا ماده
وممكن احكي ليك ع موقف طريف
منهم حد كان بيروح لابن خالته الي في كليه تانية ويدي ليه الملزمة ويقولوا علم لي ع الحاجات المهمة والتاني يعلم
يلا ماهي كوسة وف الاخر
شاااااااااااااااااااااااااااااال السنة كلها والله
[
هو الهندسة او الطب
او كليات القمة زي مالبيقولو
ديه بتبقي
اصعب والمتخرج
بتعاها بيقي انسان بالمعني الصحيح
سوري يعني بيبقي فيها ناس خايفة ع مستقبلها اكتر من الي بيبقوا في اي كلية تانية خاصة الحقوق
يعنى انا كدة مش انسانة عشان مادخلتش كلية قمة ..؟!
ولا ف دماغى مستقبلى ولا اى حاجة خالص كدة
:d
بصى يا رفيف ..
ماتحطيش الكلام ده ف دماغك عشان لما ربنا يوفقك وتدخلى كلية ( القمة ) اللى بتحلمى بيها
ماتبصيش لاصحابك اللى دخلوا كليات تانية على انهم اقل منك
وعشان لو - لا قدر الله طبعا - دخلتى كلية مش ( قمة )
ماتحسيش ان الحياة انتهت وان مستقبلك ضاع
من غير زعل كده
معظم الي بيخش حقوق
بيقي مستبيع
انا اعرف ناس كتييييييييييييييييير هناك
ف 1
شايلين المواد كلها
رغم انهم ف ثانوي كانوا مش كده عمرهم ماشلوا ماده
وممكن احكي ليك ع موقف طريف
منهم حد كان بيروح لابن خالته الي في كليه تانية ويدي ليه الملزمة ويقولوا علم لي ع الحاجات المهمة والتاني يعلم
يلا ماهي كوسة وف الاخر
شاااااااااااااااااااااااااااااال السنة كلها والله
طب واللى بيدخل خدمة اجتماعية مثلا ايه ظروفه ..؟
:d
هاقولك حاجة
التانية عالجمهورية السنة اللى فاتت ف شعبة الادبى كانت من مدرستى
وعرفت من المدرسين اللى كانوا بيدوها انها دخلت اداب انجليش
هانقول مثلا انها عشان ف اسكندرية ماقدرتش تدخل السن ولو كان قدامها فرصة كانت دخلتها عشان كلية قمة
لو دخلتى على الاستاذ وجيبتى اللينك بتاع اعرف مين معاك ف كليتك ده
جيبى كدة كلية حقوق ف اى جامعة
هاتلاقى فيها ناس مجاميعها 98% و97% علمى وداخلين حقوق
لانهم حابين الكلية
وحاسين ان هو ده المجال اللى هايقدروا يكونوا كويسين فيه
ويثبتوا نفسهم
ومش اى حد بيجيب مجموع مش لطيف ف ثانوى بيتحكم عليه انه ( فاشل ) ..
ناس كتير بيجيبوا 99% وهما مش فاهمين حاجة
وبيدخلوا كليات ( قمة ) وبيفشلوا فيها
انا عندى افشل ف ثانوى وانجح ف كليتى
احسن ما انجح ف ثانوى وافشل ف كليتى
لان وصولك الكلية هو البداية مش النهاية
ومش الهدف انك تدخلى طب .. الهدف انك تطلعى طبيبة ناجحة ف مجالها
كل حد بيخلى كليته قمة بالنسبة له لو كان حاببها
وبيتعب فيها ..
اعتقد كدة فكرتى وصلت وانى رغيت اكتر من اللازم
بس النظرة دى من الحاجات اللى بجد بتضايقنى
وانا لما باتضايق ماحدش بيعرف يسكتنى
:d
shrook16 20-08-2009, 01:54 PM oh my god da kefaya en homa y2olo e7na f kolyt tb de 7aga tshrf ay 7d w tshrf ahalehom kman w rbna mosh bydy3 agr 7d
pureheart 20-08-2009, 02:33 PM موضوع كليات القمة ده الناس هى اللى اختراعته
عشان الكليات ديه هى اللى فيها اعلى مجاميع فى الثانوية العامة
المهم ان الاهل ميبقاش فارق معاهم ان انت تدخل و ميبقاش فى ضغط على الواحد عشان يدخل كليه معينة
و كمان اللى دخل كليه تانية ميزعلش و فى نفس الوقت ميحاولش يقلل من اللى دخل كليات القمة عشان يشفي غليله و يقول ان اغلبهم عواطليه و او ان اغلبهم جاب المجموع بالتسريب عشان اللى دخل الكليات ديه تعب بجد كان بيذاكر و اعصابه مشدودة فى الامتحانات و طبعاً اغلب الناس بتبقى مشدودة اعصابها فى الامتحانات بس المهم ان كل واحد يرضى بنصيبه و ميبصش لغيره و يعقد يقارن بين الكليات و يحاول يتفوق فى المجال اللى هو فيه
fictional.girl 21-08-2009, 06:05 PM يعنى انا كدة مش انسانة عشان مادخلتش كلية قمة ..؟!
ولا ف دماغى مستقبلى ولا اى حاجة خالص كدة
:d
لا والله انا مقصدتش كده خالص
انا قصدي الاغلبية مش الكل
ومش الاغلبية كلهم
انا قصدي الاغلبية الي مش همهم مستقبلهم
وبعدين اصلا كلية االفنون الجميلة
مبتصنفش كده
لانها بتعتمد ع الموهبة ع حد علمي اكتر من
انها كلية قمة
يعني قصدي
بيدخلها عدد محدود
لها صفات خاصة
مما يجعلها
كلية منفردة
بصى يا رفيف ..
ماتحطيش الكلام ده ف دماغك عشان لما ربنا يوفقك وتدخلى كلية ( القمة ) اللى بتحلمى بيها
ماتبصيش لاصحابك اللى دخلوا كليات تانية على انهم اقل منك
وعشان لو - لا قدر الله طبعا - دخلتى كلية مش ( قمة )
ماتحسيش ان الحياة انتهت وان مستقبلك ضاع
انا كلامي يظهر بتفهم غلط ولا ايه
طبعا
انا مش بعيب في الي دخل اي كلية مش قمة
وانا مش ممكن اكون من الناس الي
تنظر نظرة
استكبار لحد ابدا
طب واللى بيدخل خدمة اجتماعية مثلا ايه ظروفه ..؟
:d
هاقولك حاجة
التانية عالجمهورية السنة اللى فاتت ف شعبة الادبى كانت من مدرستى
وعرفت من المدرسين اللى كانوا بيدوها انها دخلت اداب انجليش
هانقول مثلا انها عشان ف اسكندرية ماقدرتش تدخل السن ولو كان قدامها فرصة كانت دخلتها عشان كلية قمة
لو دخلتى على الاستاذ وجيبتى اللينك بتاع اعرف مين معاك ف كليتك ده
جيبى كدة كلية حقوق ف اى جامعة
هاتلاقى فيها ناس مجاميعها 98% و97% علمى وداخلين حقوق
لانهم حابين الكلية
وحاسين ان هو ده المجال اللى هايقدروا يكونوا كويسين فيه
ويثبتوا نفسهم
ومش اى حد بيجيب مجموع مش لطيف ف ثانوى بيتحكم عليه انه ( فاشل ) ..
ناس كتير بيجيبوا 99% وهما مش فاهمين حاجة
وبيدخلوا كليات ( قمة ) وبيفشلوا فيها
انا عندى افشل ف ثانوى وانجح ف كليتى
احسن ما انجح ف ثانوى وافشل ف كليتى
لان وصولك الكلية هو البداية مش النهاية
ومش الهدف انك تدخلى طب .. الهدف انك تطلعى طبيبة ناجحة ف مجالها
كل حد بيخلى كليته قمة بالنسبة له لو كان حاببها
وبيتعب فيها ..
اعتقد كدة فكرتى وصلت وانى رغيت اكتر من اللازم
بس النظرة دى من الحاجات اللى بجد بتضايقنى
وانا لما باتضايق ماحدش بيعرف يسكتنى
:d
وانا يستي مش عايزة اضايقك خاالص
وانا متفقة معاكي
في رايك ده
وسوري ع عشان
مردتش عليكي ع طول
والله كلامك تمام ومتفق عليه
بس انا كان قصدي فئة معينة من الناس
هانى الشرقاوى 21-08-2009, 07:05 PM أنا فى ثانوى كنت جايب مجموع كبير ممكن أدخل بيه طب ( مكان بعيد ) أو أى كلية تانية من الكليات اللى بيتقال عليها كليات القمة
زى الصيدلية والهندسة ( أنا كنت أزهر )
وأنا من صغرى كنت عايز ادخل هندسة
ولما ظهرت نتيجة ثانوى كنت جايب مجموع يدخلنى هندسة بس بعيدة
فدخلت لغات وترجمة / ترجمة فورية
وقلت أعمل تظلمات
وطلعلى درجات كتير أوى ممكن أدخل بيها طب أسيوط
بس كان فات فى الترم الاول كتير
فرفضت انى أحول وقلت أقضى السنة دى فى اللغات وبعدها احول هندسة القاهرة
ودلوقتى رافض انى أحول هندسة لانى حبيت الكلية مووووووووووت وكمان يعنى ماشى فيها كويس وحاسس انها مجالى اللى المفروض كنت أدخله من الاول
لو الايام رجعت تانى وخيرونى كنت هدخل اللغات
فى الزمن ميهمش انت هتدخل كلية ايه المهم انت هتعمل فى الكلية ايه
وليا ناس أصحابى معايا برده جايبين درجات زى ومعايا فى اللغات
وأعرف واحد فى حقوق كان ممكن يدخل صيدلية لو عايز
المقاييس اختلفت دلوقتى تماما
Yehemak_Fe_Eh 22-08-2009, 12:15 AM الموضوع جميل جداااااااااااااااااااااااا بجد شكرا
انا جايبة 91.4 فى ثانوى وانا كنت علمى رياضة وهدخل تجارة ان شاء الله لان انا حباها جدا وحاسة انى ان شاء الله هبقى حاجة جامدة جدا فى الكلية دى و ان شاء الله يقبلونى فى تجارة انجلش لانى جايبى درجة عالية فى الانجلش
ادعولى يا جماعة اتفوق فى الكلية
انا نفسى اوى اجيب تقدير كويس علشان اكمل دراسات عليا
ياااااااااااااااارب
احلى حاجة فى الدنيا انك تعمل اللى انت عايزه وبس مالكش دعوة بكلام حد لان دايما بيقولوا ان كلام الناس بيرجع لورا احلى حاجة انك تعيش بدماغك وبرايك بس انا لو كنت فكرت فى كلام الناس يبقى مش هدخل الكلية اللى انا عايزاها ابدا
وبعدين احنا اللى هنتعب وهنذاكر مش اهلنا
انا عن نفسى اهلى مش معترضين على اختيارى وبيقولولى ادخلى الكلية اللى انتى عايزاها واللى حباها
معلش طولت عليكم بس بجد بجد الموضوع عاجبنى
وربنا يوفق الجميع
لا والله انا مقصدتش كده خالص
انا قصدي الاغلبية مش الكل
ومش الاغلبية كلهم
انا قصدي الاغلبية الي مش همهم مستقبلهم
وبعدين اصلا كلية االفنون الجميلة
مبتصنفش كده
لانها بتعتمد ع الموهبة ع حد علمي اكتر من
انها كلية قمة
يعني قصدي
بيدخلها عدد محدود
لها صفات خاصة
مما يجعلها
كلية منفردة
ايون
هو ده الكلام ..
على فكرة انا كنت باهزر .. ماتزعليش منى
:d
اتكلم جد بقى
هى مش منفردة ولا حاجة
زيها زى اى كلية تانية
اه فيه امتحان القدرات والكلام ده
بس مش معنى انى نجحت فيه ودخلت الكلية
انى فنانة رهيبة ماليش حل
:d
انا رسمى عادى جداا زى اى حد مش بيحب يرسم اصلا
وناس كتير موهوبين اكتر منى مش بيدخلوها
ودى مجرد وجهة نظر من قبل مادخلها اصلا
جايز تتغير بعد كدة .. واحتمال كبير لا
:d
انا كلامي يظهر بتفهم غلط ولا ايه
طبعا
انا مش بعيب في الي دخل اي كلية مش قمة
وانا مش ممكن اكون من الناس الي
تنظر نظرة
استكبار لحد ابدا
انا اسفة انى اتكلمت بطريقة انى باوجه الكلام ليكى انتى خصوصا
فعلا ماكانش قصدى ..
بس عموما هى بتحصل مع ناس كتير
وهاتلاقى ان فيه ناس من قبل ما يدخلوا الكلية اصلا
حاسين نفسهم احسن من الباقى لمجرد انهم علمى عشان يدخلوا كلية قمة
كان عندى نماذج كتير كدة ف المدرسة
وبجد كنت باكره مجرد الكلام معاهم
يلا ربنا يهدى
:d
وانا يستي مش عايزة اضايقك خاالص
وانا متفقة معاكي
في رايك ده
وسوري ع عشان
مردتش عليكي ع طول
والله كلامك تمام ومتفق عليه
بس انا كان قصدي فئة معينة من الناس
بصى ..
لما تلاقينى ابتديت اخرف ف الكلام
ادينى على دماغى
عشان انا باتحرج من الذوق ده
:d
كل سنة وانتى طيبة يا رفيف
:blush:
شمس الصعيد 23-08-2009, 12:23 AM والله الموضوع ده نفسى اتكلم فيه من زمان كلـــــــــــيات القمة الواد من وهو عيل الاهل يقولوه ذاكر عشان تبقى دكتور او مهندس ولو مدخلش الكلية يبقى فاشل واذا دخل يبقى عبقرى وكل الكليات التانية كليات القاع مع انى اللى خلاه يبقى دكتور هو المدرس اللى متخرج من تربية ولولاه ماكانش حيبقى دكتور او مهندس. انا مش بقول انى كل اللى بيدخل بيبقى عشان اللقب او الشكل الاجتماعى بس الواحد قبل مايدخل كلية لازم يفكر ان كان حابب الكلية بجد حيقدر يفيد فيها ولا حيطلع ينسى فوطة فى بطن مريض او يبنى عمارة وتتهد انا راى انى اى كلية الواحد لو عايز ينجح فيها حينجح حتى لو معهد ويكون مقتنع وما يفكرشب بالطريقة التقليدية ويكون مبدع فى تفكيره لان ده هو اللى حينجح وما يسمعش كلام اى حد ممكن يحبطه لان كل مجال له متعته
Eng M-Adel 23-08-2009, 01:02 AM بصي هو مفيش كليه حلو وكليه وحشه بس في كليه فرصتها اكبر من التانيه و في كليه مستقبلها محدود وكليها مستقبلها مفتوح وكمان في كليه ليها شغل و كليه ملهاش شغل في مصر والكلام ده ينطبق على كليات القمه
يعني بترول وتعدين ملوش هنا اكل عيش بس برده ليه اكل اناناس و هوهوز ;)
وعندك هندسة نووي برده نفس الحوار ... كل الكلام ده جميل بس بقى عندك اهم من كل ده ان الأنسان الي بيحب مجاله يبقى ناجح فيه زي ما انت قلتي يعني عندك ناس بتخش حقوق بيطلعوا قضاه و وكلاء نيابه أد الدنيا بس برده عندك مهندس عمل ماجستير وخد كورسات وفتح انترناشونال كامباني وبرده واحد في تجاره عمل دبلوم في المحاسبه وبقى مدير مبيعات
بس لو تلاحطي اني مقولتش على واحد اخد شهاده واشتغل لأن في من النوع ده على افا مين يشيل حتى لو كان مهندس او دكتور .. ده الدكتور علشان يبدأ مستقبله لازم يبقى معاه ماجيستير ودكتوره ويبقى لسه هيفتح عياده
عمتا الي بيحب شغله مهمن كان هيبقى ناجح فيه حتى لو كان ايه
والسلام ختام
D/AHMAD 23-08-2009, 04:19 AM موضوع جميل بس خلاص محدش هيتغير
بس لية تعليق اختي فنكوشة المنكوشة
اية (كلية الفشلة ) دي مش لفظ يعني
لو ممكن نقول الموضوع من غير غلط :abdoog8:
ABOAB 23-08-2009, 05:05 AM موضوع مهم والله
وعلى فكرة اللى بيدخل كليه من الكليات اللى بيقولوا عليها كليات القمة دى وهيا اساسا مكنتش هدفه أو عدت معاه وجاب
مجموع حلو فى الثانوية ومش عايز يضعية
أكتر الناس دول مبيكملش فى الكليات دى أو على الأقل مش بيكون متميز فيها
وعلى فكرة الناس اللى متميزين فى كلياتهم واللى بيجيبوا تقديرات هما دول اللى بيكونوا محددين هما عايزين ايه من الأول بس دا طبعا مش مقياس
ومن الاخر يعنى لو الواحد فى كليه ايه أهم حاجة يكون متميز فيها لأن دا هوا اللى هيخرج هيلاقى فرص كتيير قدامه
asma22 26-08-2009, 12:07 PM عندك حق فى كل اللى قولتيه
بس انا واحدة من الناس كان نفسى ادخل طب بس عشان اقدر اعمل منها حاجة كان نفسى اوى احس انى بقدم حاجة هو طبعا الشفاء بيد الله بس كان نفسى احس انى سبب اخفف بيه الالم عن ناس كتير
بس والحمدلله مجموعى مجابش طب جاب صيدلة لغاية الوقتى مش حاسة انى هقدر اعمل عن طريقها حاجة حاسة ان هى مسمى وبس
وطبعا كل الكليات الجميلة ومفيش كلية تفرق عن كليه اهمية التربية يعتبر اكبر من اهمية الطب والهندسة
بس الناس اللى حطوا الفروق دى يلا جايز ييجى اليوم ويبقى كله زى يعضه
Dr.KaJoo 26-08-2009, 02:52 PM بصراحة عندك حق
الاسطورة 02-09-2009, 05:14 AM اهى كلها كليات
الحمد لله
|