قالت إدارة الطيران والفضاء (ناسا) إن المركبة فينكس أكدت وجود مياه على المريخ. وقال العالم وليام بوينتون من جامعة اريزونا في بيان أصدرته ناسا " لدينا مياه."

وأضاف "شاهدنا دليلا على هذه المياه المتجمدة من قبل في قراءات المركبة اوديسي وفي اختفاء كتل (منها) في قراءات فينكس الشهر الماضي.

لكن هذه هي المرة الأولى التي يتم فيها لمس مياه المريخ وتذوقها."



على صعيد آخر أعلنت (ناسا) ان إحدى البحيرات على سطح تايتان احد اكبر الأقمار في كوكب زحل لا تزال سائلة في سابقة على احد أجسام النظام الشمسي باستثناء الأرض.



وأوضح العلماء ان هذه البحيرة التي تمت مراقبتها عبر مسبار "كاسيني" "تختزن محروقات سائلة" وقد "حددوا رسميا وجود مادة الايثان" المتوافرة على كوكب الأرض بشكل غاز.

وأوضح مختبر "جيت بروبالشن لابوراتوري" (جاي بي ال) وهو قسم في الناسا مقره في باسادينا كاليفورنيا مكلف تحليل المعلومات التي يرسلها "كاسيني" ان هذا الأمر "يجعل من تايتان الجسم الوحيد في نظامنا الشمسي باستثناء الأرض حيث تم رصد السوائل على سطحه".

وقبل ان يحلق المسبار فوق تايتان قالت الناسا ان "العلماء كانوا يعتقدون ان تايتان مغطى بمحيطات من الميثان والايثان ومحروقات اخرى خفيفة".



وأوضح العلماء ان مسبار كاسيني ( اميركي اوروبي ) ومهمته استكشاف كوكب زحل رصد "عدة أشياء قاتمة تشبه البحيرات. لم نكن نعرف حتى الآن ما إذا كانت هذه الأشياء سائلة أو انها قاتمة وصلبة" على ما أكدت وكالة الفضاء الاميركية.

وقد تبين أنها سائلة بفضل تحليل بالأشعة تحت الحمراء.



وقال بوب براون من جامعة تاكسن (اريزونا) الذي يشرف على فريق تشغيل معدات المراقبة ورسم الخرائط في "كاسيني" "أنها المعلومة الأولى التي تثبت فعلا ان تايتان يشتمل على بحيرة على سطحه مليئة بالسوائل".وسميت البحيرة "اونتاريو لاكوس" بسبب مساحتها التي توازي مساحة بحيرة اونتاريو بين كندا والولايات المتحدة وتتجاوز 20 الف كلم مربع بقليل.

وأضافت الناسا إن "تايتان يحوي أدلة كثيرة على حصول عمليات تبخر وعلى المطر والمجاري المحفورة بفعل تدفق سوائل تصب في هذه الحالة في بحيرة المحروقات".

وأوضحت انه "فيما تحوي الأرض دورة سوائل تعتمد على المياه يعتمد تايتان في دورته على الميثان".

يذكر إن مسبار كاسيني يمثل مشروع تعاون ( أميركي أوروبي ) يهدف لاستكشاف كوكب زحل وقد انطلقت بعثة كاسيني-هايغنز الفضائية عام 1997م

شكرا علي المعلومة الجامدة

بس ايه لازمة المياه علي المريخ بدام مفيش هواء

و ايه لازمة المياه علي تايتان

بدام اصلا مش عارفين نوصله

انا مرة شوفت زي فيديو تخيلي للحكاية دي

العلماء <=== بتوع أمريكا

بيقولوا ايه بقي ؟

بيقولوا أن في المستقبل الارض هتفني ده لأن الشمس بتقرب كل شوية من الارض

في عطارد هيدمر و الزهرة و الارض

فبيقولوا ان في الوقت ده ممكن نروح نعيش في تايتان <==== هههه يا ريت بس كل الناس دي هتسافر ازاي ؟؟

المهم يعني الكلام ده في جزء صح ؟؟

أن الشمس بتقرب

انا مسمعتش حاجة علمية بتقول كده

بس مذكور في القران يوم تدنو الشمس من الروؤس !!

مش كده ولا ايه !!

و الله أعلم !!

و شكرا مرة تانية

من العفو بس والله بالنسبة للهوا على المريخ اكيد حيكون ليه حل و حل سهل كمان وانا عندى افكار خيالية كتيرررر اوى للموضوع دة اما بالنسبة لقرب الشمس من الارض بصراحة معنديش فكرة بس حادور على الموضوع دة

اما لما نحب نسافر لتايتان اظن العجلة حتبقى تمام و يبقى مشروع عجلة لكل بيت

للمهتمين بالمستقبل شقة لوكس فى كوكب المريخ 3 حفر و مذنب
للاستعلام اتصل بالمريخين المسئولين
مكتب الاستعلامات اول ما تدخل المريخ اول حفرة شمال فى يمين
هناك فيلا فاخرة على شاطئ المريخ مطلة على الارض مباشرة -فرصة-

ياااه يا رب ميكنش حد خدها يا ايرث



بس المهم السعر أقل من مليار تنتون مريخي مش هقبل

انا معروض عليا واحدة بتطل علي الساحل الشمالي المريخي بميار الا ربع تنتون

و بعدين يا ايرث احنا مش بينا تناتيين

الحاجات دي في الاخر و لا اييه ؟؟

لا اسمع يا رينجر بزنس از بزنس الفيلا ب مليار تلتون و نص
معاك ادفع مش معاك افعد بقى فى الارض مع الناس اللو كلاس

لألأ خلاص ما بين الشاري و البايع يفتح الله

انا هحتاج شقة 3 حفر ليه

هو حفرتين واحدة ليا وواحدة عشان العيال ان شاء الله

و كمان مليار و نص كتير يا ايرث

زي ما قلتلك مش من قلة الشقق في المريخ

انا ممكن اروح اعيش علي اي نجمة و اريح دماغي و الفلوس اوفرها و اشتري بيها مكوك اروح و اجي بيه

اه صحيح هدفع اشعة ليزر للوقود قد كده

بس مش مهم

المهم راحة البال

يلا مع السلامة روح عيش على كوكب الفول النابت و اشتريلك بسكلته الفضاء اوفر بكتير و بتستهلك طاقة شمسية مش مضرة بالمجرة

انا هروح أأجر شقة مفروشة في تايتان

اوفر و هناك مش هتحاج انزل اجيب اوكسجين من الارض و لا ميه من المريخ

هم شوية الشمس و بس و كمان هطلبهم دليفري

ههههههه
ال تايتان ال
عمرك محتلاقى عرض فيلا زى بتاعى
على العموم حتلاقى تايتان فاضى اصله لسه ما وصلوش الصرق الصحى

ايه السمسرة ديه :d :d :d :d اقعد يا رينجر في الارض متبقاش خاين و تهرب :d :d :d

ايه السمسرة ديه :d :d :d :d اقعد يا رينجر في الارض متبقاش خاين و تهرب :d :d :d

هههههههههههههههههههه
المهم يكون الموضوع عجبكم

.............................

انا استبعد بل واؤكد انه لا حياة إلا على كوكبنا والا كنا عملنا رحلة وكسبنا منها وانتم عارفين حكومتنا مش بتفوت هى ونظيف ومسحوق الغسيل السمى عز فى الكسب من اى شىء

حاجات غريبة
مش عارف مهتمين اوى بيها ليه؟
يعنى امريكا خلاص زهقت من الارض من سيطرتها على دولها ولا ايه؟
هههههههه
شكرا يا باشا على الموضوع

حاجات غريبة
مش عارف مهتمين اوى بيها ليه؟
يعنى امريكا خلاص زهقت من الارض من سيطرتها على دولها ولا ايه؟
هههههههه
شكرا يا باشا على الموضوع

هههههههههههه
انا اقول لحضرتك اصل انشاء الله الكوكب ده حيدمر قريب من التلوث و الحروب...الخ و حنبقى عايزين مكان تانى نعيش فيه

شكرا على رؤيتك للموضوع

انا استبعد بل واؤكد انه لا حياة إلا على كوكبنا والا كنا عملنا رحلة وكسبنا منها وانتم عارفين حكومتنا مش بتفوت هى ونظيف ومسحوق الغسيل السمى عز فى الكسب من اى شىء

هههههههههه مش يمكن ماعناش فلوس نعمل رحلات لفوق:D
على العموم لو سمعت عن رحلة لفوق حبقى اقول لحضرتك عشان تتطلع تتفرج فوق شوية و تيجى تقول شوفت ايه:p

شكرا على رؤيتك الموضوع

يعني هتستفادوا ايه حتي لو فيه مياه

مفيش حياه غير علي الارض فقط

شكرا ليكي يا ايرث على التوبيك الرائع و المعلومة

بس هم بيدوروا فوق المريخ على اساس ان العالم كله حيروح يعيش عليه؟

مستحيييييييييييل

شكرا ليكي يا ايرث على التوبيك الرائع و المعلومة

بس هم بيدوروا فوق المريخ على اساس ان العالم كله حيروح يعيش عليه؟

مستحيييييييييييل
مستحيل ليه ان شاء الله حينقوا الى هما عايزنهم يعيشوا و الباقى يموت لذلك لازم كل واحد من دلوقتى يضمن لنفسه مكان بعلمه و بثقافته

لا شكر على واجب شكرا ليك على رؤيتك للموضوع:D


يعني هتستفادوا ايه حتي لو فيه مياه

مفيش حياه غير علي الارض فقط

ليه كده بس ان شاء الله يظبطوا العملية فوق و نروح نعيش هناك :D

شكرا لرؤيتك الموضوع بس وه ايه اللى مخليك متاكد اوى كده من ان مفيش حياه غير ع الارض

يا جماعة متنسونيش معاكم احجزولى مكان
طبعا درجة اولى جنب الشباك
ممكن اعرف الأسعار عشان المفاجات

يا جماعة متنسونيش معاكم احجزولى مكان
طبعا درجة اولى جنب الشباك
ممكن اعرف الأسعار عشان المفاجات

الاسعار تبدا من اتنين تلتون لخمسة تلتون(درجة اولى بخمسة تلتون)
التلتون = فى محل الصرافة 5 جنيه

لو معاكش باقى الفلوس ممكن تضرب بالباقى برده سواقين الفضاء مش هافيه :p

بس ممكن حد يتبرع و يدفعلك اكيد اكيد مش انا :p

شكرا لرؤيتك على الموضوع :D

والله فكرة يا جماعه الواحد يروح المريخ لكن سؤال في حريم على المريخ ؟

لولو فيه حلوين ولا زي النسوان اللي هنا .ولو حد رايح يقولي علشان انا اتخنقت من الارض واللي فيها

يارب ميكونش هناك فيه وسطه والحجات دي اللي عندنا ياررررررررررررررررررب.وشكرا

جميـــــــــل ...
جزاك الله خيرا....

جميـــــــــل ...
جزاك الله خيرا....

شكرا على رؤيتك الموضوع
المهم تستفيدوا

وشكرا

الاسعار تبدا من اتنين تلتون لخمسة تلتون(درجة اولى بخمسة تلتون)
التلتون = فى محل الصرافة 5 جنيه

بس دى حاجة سهلة اوى

نتكلم بجد
انا سمعت فعلا فى الطبعة الاولى فى دريم
عن الخبر دا وسمعت ان اللى بيدرب رواد الفضاء اللى ريحين المريخ
من ناسا هو عالم مصرى
وفى الخبر انهم اكتشفوا فعلا وجود مياه على سطح المريخ فى حالة سائلة
وهم عاوزين يعرفوا الحالة هناك
وعاوزين يعرفوا عمق المياة
والمياه المتجمدع فى القطب الشمالى والجنوبى هناك(المريخ طبعا)
انا مش قادر اصدق
مش عارف رايكم ايه