بسم الله .... فالاول كده .. لو انته فاتح فى السكرتة كده ولا من ورا مامتك .. متكملش قراية
"الشغلانة دى تحب الفايق" XD

صلى الاول على سيدنا محمد كده و يلاا

اعرفكم بنفسى :ph34r:
بنى آدم ... زيك بالظبط باكل و بشرب و بنام ....وبعمل حاجة تانية مش لازم نقولها..... ومش بدح برده :p
كانت المذاكرة بالنسبة لى هيا الساعة او الاتنين:028ja7: .. اللى لو مذاكرتهومش مجبر هتعلق من قفايا :stickjo4:
وكمان الدروس .. اروح واجى .... واجى... وبعدين اروح برده :romarioxp6:
وكانت حياة زى الفل

و زى اي طالب ثانوية اصاب بالاحباط واجى هنا واقرا كلام يحمسنى ... اقوم رايح واذاكر
وبعدين افقد الحماس .. مش عشان طاقة خدتها وخلصت .... لأ !!
بس عشان اللعب و النوم وحشونى XD
اقوم رايح وآكل وانام XD

المهم انى فى الآخر كان قدامى ادخل اى كلية من "طب بشرى" لحد كلية "زبالة قسم ورق و قصاقيص"
ازاى ؟ ركز بقى . . . . . . . . . .
واعذرونى لان الكلام مش هيبقى منسق قوى ... بس هقول برده
================
الاول ............ الحاجات اللى هتخلينى اذاكر

مش هقولّك الكلام التقليدى بتاع
- دى سنة واحدة هتتعبها وبعدين تستريح طوووووووول عمرك ..........
- هات المجموع اللى احنا عايزينه وادخل اللى انته عايزه ..........
- خش الكلية الحلوة عشان الجو بتاعك لما تروحلة تبقى مالى مركزك ..........
- الكلية اسهل من الثانوية
- هاتلى كلية حلوة واجيبلك عربية و موبايل و تاب و هروقك
وحاجات كتييييييييييييييييييير قوى بنسمعها

اجيبلك من الاخر
كله كذب ....... كذب .. كدب:o
عارف ليه ؟ مش عشان ان الكلام ده غلط !!! بل بالعكس ده كله صح
(ما عدا الحتة بتاعت العربية .. لانك هتكتشف فيما بعد ان باباك مقشفر XD "
انما غير كده كله صح ... وكدب فى نفس ذات الوقت :blush:
اكيد هتقولوا انى اهبل ... بس استنى هوضحلكوا :slap1qk6:

- مفيش حاجة اسمها استريح طول عمرى !!... الحياة شقاء و تعب ............ وامتحانات برده
- بعد ما تجيب المجموع 90% من البهبهات والمهمهات (جمع بابا و ماما ) .. مش هقول هيغصبوا عليك
ولكن هتشوف الزعل فى عيونهم لو مدخلتش كلية بعينها
- الجو بلاش نتكلم عنه ... عشان هو لوحده اعاصير و زعابيب
- مين اللى قال ان الكلية اسهل من الثانوية ؟
الكلية مينفعش يطلق علىيها لفظ سهل لانها اسهل من كلمة سهل ... واخد بالك انته XD
الكلية عبارة عن حاجة كده ملهاش تعبير .. لعب و تنطيط وباقل مذاكرة بتجيب امتياز !!
الكلام بتاع امتحانات الثانوية وان الامتحان بيقيس مدى رزالة اهل اللى حاطط الامتحان مش مستوى الطالب
مش موجود فى الجامعة خالص ... هناك المهم تفهم و تتعلم وبس

هتقوللى طب انته كده كسرتللى كل الدوافع اللى كانت عندى هقللك لأ .. ده انته لو مخدتش بيهم
مش هتنجح اصلا XD

مهو اصل انته برده لو بتذاكر عشان مجرد العلم وانك كده بترضى ربك مكنتش هتقول كده
لو بتذاكر عشان حاجة تنفعك مش هتقول كده
يا مؤمن ده انا كل اللى انا امتحنته نسيته تانى يوم XD

لسه فى دافع واحد بس
هيا كلمة واحدة ....................... مامتك وباباك والمدرسين والناس اللى حواليك اللى انته قارفهم فى عيشتهم الله يهديك ...... هتحبطهم ولا هتحقق املهم ؟

على فكرة انا ازهرى وكتير اوى اتقاللى "حول للتربية والتعليم" بس حطيت نية انى هتفوق فى الازهر عشان
اكون مثل اعلى لغيرى ...
مش عشان انا تفوقت .............. لأ
عشان طلعت حى ارزق ... من غير اى كسور او رتوش XD

كده انته عرفت هتذاكر ليه ..... عشان ربنا فى الاول وفى الاخر .. وعشان متتشويش فى نار جهنم على اللى انته عاملة فى الناس اللى حواليك XD
================
تانى حاجة ......... حاجتين لازم تاخد بالك منهم كويس جدا

1- مفيش حاجة اسمها القطر فات .... انته ممكن تركب القطر من غير تذكرة اصلا .. هتدفع 16 جنيه زيادة ماشى XD بس هتوصل فى الاخر
2- المذاكرة بالـــ "كيف" مش بالــــ"كم"
يعنى المهم بتحصل قد ايه من الىى انته ذاكرته ... هل لما تيجى تذاكره تانى هتتعب فيه نفس التعب ولا لأ
3- ان مكنش ربنا واهلك راضيين عنك ... مش هتعمل حاجة
================
تالت حاجة شوية نصايح كده
= متبصش لغيرك و بيذاكر قد ايه وانك مش زيه ... لان زى ما قلتلك المذاكرة بالكيف
= لسه الوقت طويل بس ابدأ .. لانك بعد كده ممكن تندم على الثانية .. يعنى انا مش هقلك هتلحق تراجع .. لأ ده انته هتلحق "تذاكر" .. توكل على ربنا بس
= دور على مدرس "كذاب"
مستغرب ليه XD ... قصدى واحد ميحبطكش ولا يقولك انته مش هتعدى نسبة كذا ولا الكلام ده
لأ ... خليك مع واحد يقلك انته زا الفل .. انته هتبقى كويس .. و ايفرى ثنج از جونا بى فاين .. وشوية الافلام دول XD
لانك انته عارف مستواك ومش بتكدب على نفسك وهيجى الوقت اللى انته هتقول كده فيه لنفسك
فلو اجتمعت انته والمدرس على نفسك ... مع السلامة
= متقفلش على نفسك الباب وانته بتذاكر .. عشان متعملش زيي و تقعد تلعب و اول ما حد ييجى تقلب الشريط XD
= هات موبايل بكشاااااف XD بينفع فى الضلمة و هيبعدك عن اى لعب .. لان صدقنى الفيس بوك مش بيحلى الا وقت الامتحانات
= انا اول يوم عكيت جامد وضيعت كتير و كنت منهار .. وعملت افلام احسن من تيتانك .. بس رجعت و ركزت على الباقى و الحمد لله وصلت
= عادى انك تشترى كتب كتيير و متذاكرش فيهم ... انا فى كتب استفدت منها قبل الامتحان بساعة واحدة .. واللى استفدته كانوا 3 مسائل فيزياء اول مرة اشوفهم
وقت ما فتحت الكتاب ... ولقيتهم جوه فى الامتحان
=المسألة كلها مسألة توفيق من ربنا ....
- يعنى ممكن لو عكيت فى امتحان ... تخرج تلاقى الامتحان اتلغى !!! انا مثلا كنت كل اما احل امتحان حلو جدا و اقفله اخرج الاقيه ملغى XD عادشى
- ممكن بعد ما تخلص امتحانات .. تعمل زىى و تقعد تدعى بقى
"يا رب اللى بيصحح الورقة بتاعتى يتعمى و ميشوفش الابداعات بتاعتى XD .... يا رب يجيله اسهال مزمن قبل ما يجى على الحاجة الغلط .. يرجعلها يتوه يدينى
الدرجة النهائية .. يا رب ورقتى الشاى يدلق عليها و تتقطع و ما يعرفوا يلموها و يدونى الدرجة" عادشى ... الله اعلم ايه اللى بيحصل
=لو اقتنعت انك تقدر تعمل حاجة هتعملها
=لو مقتنعتش بكلامى اقراه تانى .. يمكن تقتنع :P
=لو فى يوم وقفت معاك حاجة صلى ركعتين
=الاستغفار
= مينفعش تشد او ترخى ... خير الامور الوسط
==================
بحب بقى اشكر كل المدرسين هنا و خصوصا استاذ احمد بهدر ربنا يبارك فيهم جميعا
وبحب فى نهاية البرنامج اقول لكل شاب ولكل فتاء .... مهما عملت او عملتى ... ربنا كاتب عليك اللى هتكونه
==========
لو اه حاول تشوف الصحبة الصالحة
ولو حد عايز يسأل عن اى حاجة فى المذاكرة او المراجعة او اى حاجة ممكن على ask .fm
ask. fm/mekaneky_asnan
عشان بس هيبقى صعب انى اشوف كل حاجة فى المنتدى
ربنا يوفقكوا

شكرا علي الموضوع الجامددة :d احلي حاجه بصراحة انك مسخزة ^^ الموضوع كلو بدحك ... قراية موضوعك هتبقي احلي واخر حاجه ف يوم كويس برضو انجزت فية كم محترم وفرحان بصراحه اني بقيت بعرف اقاوم النوم والفيس والحجات الي بتودي ف داهياه دي الحمد لله ربناانتشلني من الياس الي كنت فية وحاسس ااني باذن الله ربنا هيكرمني حاجه اخيرة بس لاي حد هيقرا التعليق " قيام اليل ". وانسي الذهق وانسي الاكتاب والياس ... جربها مرة مرة يا اخي ثق فيا ^^

كلام زي الفل فعلا بس انت متاكد ان الكليه بتقيس ذكاء الطالب يمكن في طب بس معرفش بس عندنا هندسه عين شمس نص الدكترا مجانين والنص التاني قرب يوصل :d

ويبقى‏ ‏الامل
احلى‏ ‏حاجة‏ ‏ان‏ ‏البيت‏ ‏كله‏ ‏نايم‏ ‏وانا‏ ‏صاحيه‏ ‏ماسكه‏ ‏الموبايل‏ ‏وبضحك‏ ‏

كل‏ ‏ما‏ ‏احل‏ ‏امتحان‏ ‏حلو‏ ‏جدا‏ ‏واقفله‏ ‏اخرج‏ ‏الاقيه‏ ‏ملغى‏ ‏عادشى‏ ‏

بما‏ ‏ان‏ ‏حضرتك‏ ‏ازهرى
تقول‏ ‏ايه‏ ‏بقى‏ ‏فى‏ ‏الامتحانات‏
‏ال‏ ‏بيقولوا‏ ‏هتبقى‏ ‏كل‏ ‏يوم
يعنى‏ ‏اسبوعين‏ ‏طحن‏ ‏مفيش‏ ‏فاصل‏ ‏
والنص‏ ‏يوم‏ ‏ده‏ ‏هنعمل‏ ‏فيه‏ ‏ايه‏ ‏
انا‏ ‏كنت‏ ‏متعودة‏ ‏اجيب‏ ‏المادة‏ ‏كلها‏‏ ‏‏ ‏ ‏
بس‏ ‏اكيد‏ ‏الوقت‏ ‏مش‏ ‏هيكفى‏ ‏

المفروض‏ ‏ان‏ ‏احنا‏ ‏نتصرف‏ ‏
ازاى‏ ‏مع‏ ‏ظرافة‏ ‏شيخ‏ ‏الازهر‏ ‏دى‏ ‏

وبالنسبة‏ ‏للقران‏ ‏ايه‏ ‏النظام
علشان‏ ‏نقفل‏ ‏لازم‏ ‏نكون‏ ‏مراجعينه‏ ‏كله‏ ‏
هيعنى‏ ‏هعدى‏ ‏النص‏ ‏بحاجة‏ ‏بسيطة‏ ‏؟‏!‏
ولا‏ ‏البقرة‏ ‏وال‏ ‏عمران‏ ‏واوائل‏‏ ‏ ‏السور‏ ‏؟

شكراااا ع الموضوع بجد جميل :)

شكراااااااااااااااااااااااااااا

الأول بشكر حضرتك ع موضوعك الرااااااائع :022yb4:

حضرتك تسمح بنقل الموضوع :) ؟؟

بما‏ ‏ان‏ ‏حضرتك‏ ‏ازهرى
تقول‏ ‏ايه‏ ‏بقى‏ ‏فى‏ ‏الامتحانات‏
‏ال‏ ‏بيقولوا‏ ‏هتبقى‏ ‏كل‏ ‏يوم
يعنى‏ ‏اسبوعين‏ ‏طحن‏ ‏مفيش‏ ‏فاصل‏ ‏
والنص‏ ‏يوم‏ ‏ده‏ ‏هنعمل‏ ‏فيه‏ ‏ايه‏ ‏
انا‏ ‏كنت‏ ‏متعودة‏ ‏اجيب‏ ‏المادة‏ ‏كلها‏‏ ‏‏ ‏ ‏
بس‏ ‏اكيد‏ ‏الوقت‏ ‏مش‏ ‏هيكفى‏ ‏

المفروض‏ ‏ان‏ ‏احنا‏ ‏نتصرف‏ ‏
ازاى‏ ‏مع‏ ‏ظرافة‏ ‏شيخ‏ ‏الازهر‏ ‏دى‏ ‏

وبالنسبة‏ ‏للقران‏ ‏ايه‏ ‏النظام
علشان‏ ‏نقفل‏ ‏لازم‏ ‏نكون‏ ‏مراجعينه‏ ‏كله‏ ‏
هيعنى‏ ‏هعدى‏ ‏النص‏ ‏بحاجة‏ ‏بسيطة‏ ‏؟‏!‏
ولا‏ ‏البقرة‏ ‏وال‏ ‏عمران‏ ‏واوائل‏‏ ‏ ‏السور‏ ‏؟


بالنسبة للايام وازاى تلموا المواد ..... فالازهرى معروف بقوته و بجبروته ....:stickjo4:
مش هقلك اقفلى على نفسك و كده ... بس اعرفى ان ده ليكى وعليكى :028ja7:.... مش انتى بس اللى هتعانى....
وبعدين هو طول عمر اهل مامته ظريف ... مش حاجة جديدة xD
والوقت هيكفى ان شاء الله .....

اما بقى بالنسبة للقرآن .... انا نقصت واحد فى المية فالقران ... خصوصا فالشفوى -_- رغم انى كنت لبلب:022yb4: xD
ادعى ربنا يوقعك فى ابن الحلال xD
اه طبعا اوائل السورمش محتاجة تفكير ... بس فى مشكلة صغيرة !.. احنا جالنا مش من اوائل السور xD
كنا تالت سنة فى التاريخ .. يجيلنا امتحان كده ..... ادعوا ربنا بالتوفيق
انما الحل .... فهو انك تحفظى البقرة وآل عمران كويس جدا واخر ثلاث اجزاء ..... بكده مش هيبقى الفقد اعلى من 5 درجات لا قدر الله

شكرا علي الموضوع الجامددة :d احلي حاجه بصراحة انك مسخزة ^^ الموضوع كلو بدحك ... قراية موضوعك هتبقي احلي واخر حاجه ف يوم كويس برضو انجزت فية كم محترم وفرحان بصراحه اني بقيت بعرف اقاوم النوم والفيس والحجات الي بتودي ف داهياه دي الحمد لله ربناانتشلني من الياس الي كنت فية وحاسس ااني باذن الله ربنا هيكرمني حاجه اخيرة بس لاي حد هيقرا التعليق " قيام اليل ". وانسي الذهق وانسي الاكتاب والياس ... جربها مرة مرة يا اخي ثق فيا ^^

الراجل ده بيقول كلام زالفل :d
ادعوا وقولوا ..... يا رب اخلق فى قضاك رحمة
ده كان السر بتاعى

كلام زي الفل فعلا بس انت متاكد ان الكليه بتقيس ذكاء الطالب يمكن في طب بس معرفش بس عندنا هندسه عين شمس نص الدكترا مجانين والنص التاني قرب يوصل :d

😂😂
بص هى اه بتقيس مستوى ذكاء الطالب وطريقة عرضة للموضوع وقوته فى اللغه
بس مش معنى كده اننا مستكنيصين .... احنا بنتقاس اه ...... بس بالجزمة xD
وبعدين عادى انك تحس كده فى هندسة
انا ليا واحد صاحبى كان هيموت من الفرحة لدرجة انه عزمنى على عصير !!! O.o انته متخيل ؟xD
وده كله عشان عرف ان عشان يعدى فى مادة لازم ميقلش عن 40 فى المية xDDD

وبعتذر انى مردتش على طول

الأول بشكر حضرتك ع موضوعك الرااااااائع :022yb4:

حضرتك تسمح بنقل الموضوع :) ؟؟

اكيد عادشى xd

شكرا على الموضوع بس ممكن اطلب نصيحتك فى حاجة انا عامة لسة فى 3 اعدادى ازهر بس مجموعى مرضيش اهلى الترم الاول فممكن تقولى هو امتة المفروض اعمل حسابى اخلص المواد لانى بصراحة نفسى اجيب مجموع حلو يفرحهم وكمان ناس كتير قالتلى احول الى تربية وتعليم فانا لسة مكررتش ممكن بس تقولى حضرتك قعدت فى الازهر ليه

معلهش رغيت كتير بس انا مبصدق الاقى حد من الازهر:blush:

واللهى حلو اوووووى ♥

شكرا على الموضوع بس ممكن اطلب نصيحتك فى حاجة انا عامة لسة فى 3 اعدادى ازهر بس مجموعى مرضيش اهلى الترم الاول فممكن تقولى هو امتة المفروض اعمل حسابى اخلص المواد لانى بصراحة نفسى اجيب مجموع حلو يفرحهم وكمان ناس كتير قالتلى احول الى تربية وتعليم فانا لسة مكررتش ممكن بس تقولى حضرتك قعدت فى الازهر ليه

معلهش رغيت كتير بس انا مبصدق الاقى حد من الازهر:blush:

انا قعدت عشان ده ازهر ! :slap1qk6:
انا بالنسبة لى مقدرش انى اقعد كده اخد كام مادة و مدرسش علوم شرعية
او انى ادرس لغة عربية من غير توسع
ده مزاج :cool:
بس عموما عادى انك تجيب مجموع وحش فى الاعدادى ... المهم تشد حيلك فى الثانوى
معايا ناس صحابى فى بشرى ....اتحولوا 180 درجة بعد الاعدادية :022yb4: .... يمكن كان نزل فى رياضة كمان
و قفلها فى الثانوية
بس المهم متقولش ثالثة بس هى المهمة ! لأ الثانوى كله مهم...
كفاية نظرة الناس ليك لما يعرفوا انك ازهرى ... خليك

موضوعك غاية في الروعة مشكووور انا بردوا ازهر زيك بس الوقت ضايع مابين المدرسه والدروس وكدا اعمل ايه ؟؟؟

موضوعك غاية في الروعة مشكووور انا بردوا ازهر زيك بس الوقت ضايع مابين المدرسه والدروس وكدا اعمل ايه ؟؟؟

بصى هو كده كده هيجي الوقت اللى هتحددى فيه عدد ساعات نومك
بس لحد ما يجى الوقت ده
بلاش النوم الكتير والتلفزيون الكبير والموبايل الخطير 😆
انا الوقت اللى كان بيضيع منى كان كتير جدا و خصوصا الوقت اللى باخده فى السكة من الدرس للبيت عشان صحابى بقى وكده:romarioxp6:
فبدات اخد الدروس فى البيت .. وهكذا
حاولى تمنعى نفسك بالتدريج ... متخافيش

بصى هو كده كده هيجي الوقت اللى هتحددى فيه عدد ساعات نومك
بس لحد ما يجى الوقت ده
بلاش النوم الكتير والتلفزيون الكبير والموبايل الخطير 😆
انا الوقت اللى كان بيضيع منى كان كتير جدا و خصوصا الوقت اللى باخده فى السكة من الدرس للبيت عشان صحابى بقى وكده:romarioxp6:
فبدات اخد الدروس فى البيت .. وهكذا
حاولى تمنعى نفسك بالتدريج ... متخافيش

هو انا بنام بس مش قوي ومعنديش موبايل ومليش ف التلفاز غير ساعه بس الوقت بيضيع بردوا بس انا بمل من المذاكرة حاسه نفسي المعلومات موجودة في دماغي

بعد‏ ‏اذن‏ ‏صاحب‏ ‏الموضوع
بما‏ ‏ان‏ ‏الموضوع‏ ‏ده‏ ‏حقق‏ ‏رواج‏ ‏كبير
واصبح‏ ‏ملتقى‏ ‏لطلاب‏ ‏الثانوية‏ ‏
عايزه‏ ‏اسال‏ ‏سؤال‏ ‏فى‏ ‏الفيزياء‏ ‏لان‏‏ى‏ ‏سالت‏ ‏قبل‏ ‏كده‏ ‏
فى‏ ‏الموضوع‏ ‏بتاع‏ ‏الاستفسارات‏‏
فى‏ ‏قسم‏ ‏الفيزيا‏ ‏محدش‏ ‏رد‏ ‏عليا
ندخل‏ ‏فى‏ ‏المهم‏ ‏السؤال‏ ‏بيقول
ا‏ذا‏ ‏زاد‏ ‏تردد‏ ‏الشعاع‏ ‏الساقط‏ ‏عن‏ ‏التردد‏ ‏الح‏رج‏ ‏
هل‏ تصبح‏ ‏‏هناك‏ ‏علاقة‏ ‏عكسية‏
بين‏ ‏التردد‏ ‏وشدة‏ ‏شعاع‏ ‏الالكترونات‏ ‏؟؟‏!‏
يعنى‏ ‏بما‏ ‏ان‏ ‏هناك‏ ‏علاقة‏ ‏عكسية‏ ‏بين‏ ‏تردد‏ ‏الشعاع‏ ‏الضوئى‏ ‏وشدته
وشدة‏ ‏شعاع‏ ‏الالكترونات‏ ‏المنطلق‏ ‏او‏ ‏عدد‏ ‏الالكترونات‏ ‏يعنى‏
‏يتوقف‏ ‏عل‏ى‏ ‏شدة‏ ‏الشعاع‏ ‏الضوئى‏ ‏الساقط‏ ‏
هل‏ ‏ده‏ ‏معناه‏ ‏انه‏ ‏كل‏ ‏ما‏ ‏يزيد‏ ‏التردد‏ ‏عن‏ ‏التردد‏ ‏الحرج‏ ‏
يقل‏ ‏عدد‏ ‏الالكترونات‏ ‏؟؟

لكن في مناهج اتحذفت من االازهر زي العام ام لا

انا قعدت عشان ده ازهر ! :slap1qk6:
انا بالنسبة لى مقدرش انى اقعد كده اخد كام مادة و مدرسش علوم شرعية
او انى ادرس لغة عربية من غير توسع
ده مزاج :cool:
بس عموما عادى انك تجيب مجموع وحش فى الاعدادى ... المهم تشد حيلك فى الثانوى
معايا ناس صحابى فى بشرى ....اتحولوا 180 درجة بعد الاعدادية :022yb4: .... يمكن كان نزل فى رياضة كمان
و قفلها فى الثانوية
بس المهم متقولش ثالثة بس هى المهمة ! لأ الثانوى كله مهم...
كفاية نظرة الناس ليك لما يعرفوا انك ازهرى ... خليك

شكراا لحضرتك يا دكتور وادعيلى بقا انى اكون طبيب منافس وشكرا مرة تانية

هو انا بنام بس مش قوي ومعنديش موبايل ومليش ف التلفاز غير ساعه بس الوقت بيضيع بردوا بس انا بمل من المذاكرة حاسه نفسي المعلومات موجودة في دماغي

لو بتملى من المذاكرة حفزى نفسك !!
يعنى مثلا انا كنت بخلى ماما تعملى اكلة بحبها جدا ...بس ماكلش الا لما اخلص كذا
اذاكر جزء واكل .....اذاكر ... واكل
ما هو انا متخنتش من قليل :d
دورى على اى حاجة تحفزك ....... وبعدين مش معقول تيجى فى الاخر وتملى ! ولا ايه
مثلا هاتى كتب تانية و حلى ..

شكراا لحضرتك يا دكتور وادعيلى بقا انى اكون طبيب منافس وشكرا مرة تانية

العفو على ايه ! ....... ربنا يوفقك ان شاء الله

بعد‏ ‏اذن‏ ‏صاحب‏ ‏الموضوع
بما‏ ‏ان‏ ‏الموضوع‏ ‏ده‏ ‏حقق‏ ‏رواج‏ ‏كبير
واصبح‏ ‏ملتقى‏ ‏لطلاب‏ ‏الثانوية‏ ‏
عايزه‏ ‏اسال‏ ‏سؤال‏ ‏فى‏ ‏الفيزياء‏ ‏لان‏‏ى‏ ‏سالت‏ ‏قبل‏ ‏كده‏ ‏
فى‏ ‏الموضوع‏ ‏بتاع‏ ‏الاستفسارات‏‏
فى‏ ‏قسم‏ ‏الفيزيا‏ ‏محدش‏ ‏رد‏ ‏عليا
ندخل‏ ‏فى‏ ‏المهم‏ ‏السؤال‏ ‏بيقول
ا‏ذا‏ ‏زاد‏ ‏تردد‏ ‏الشعاع‏ ‏الساقط‏ ‏عن‏ ‏التردد‏ ‏الح‏رج‏ ‏
هل‏ تصبح‏ ‏‏هناك‏ ‏علاقة‏ ‏عكسية‏
بين‏ ‏التردد‏ ‏وشدة‏ ‏شعاع‏ ‏الالكترونات‏ ‏؟؟‏!‏
يعنى‏ ‏بما‏ ‏ان‏ ‏هناك‏ ‏علاقة‏ ‏عكسية‏ ‏بين‏ ‏تردد‏ ‏الشعاع‏ ‏الضوئى‏ ‏وشدته
وشدة‏ ‏شعاع‏ ‏الالكترونات‏ ‏المنطلق‏ ‏او‏ ‏عدد‏ ‏الالكترونات‏ ‏يعنى‏
‏يتوقف‏ ‏عل‏ى‏ ‏شدة‏ ‏الشعاع‏ ‏الضوئى‏ ‏الساقط‏ ‏
هل‏ ‏ده‏ ‏معناه‏ ‏انه‏ ‏كل‏ ‏ما‏ ‏يزيد‏ ‏التردد‏ ‏عن‏ ‏التردد‏ ‏الحرج‏ ‏
يقل‏ ‏عدد‏ ‏الالكترونات‏ ‏؟؟

لما محدش يرد عليكى .... ادخلى على الغرف الصوتية واسالى المدرس .. بسيطة

المايك بايظ والهاندفيرى شغاله ناحية واحده :(

انا بقيت مخنوقة اووووي ومعتش ليا نفس اذاكر التيرم الاول الحمد لله ربنا وفقني ف التيرم الاول ده وطلعت الاولي بس مش عارفة التيرم ده ايه اللي بيجرالي انا لسة ف تانية انا نفسي اتفوق ف الثانوية العامة وادخل طب ان شاء الله بس مش عارفة اعمل اييه النفسية عندي وحشة اووي مفيش ثقة خالص وبقارن نفسي باقل مني عشان هم اللي بيجوا معايا دروس وذنوبي كتيرة و متعلقة بالنت اووي وبتاثر باي حد ف ثاانية معنتش عارفة اعمل ايه ممكن حد يساعدني لله

لو بتملى من المذاكرة حفزى نفسك !!
يعنى مثلا انا كنت بخلى ماما تعملى اكلة بحبها جدا ...بس ماكلش الا لما اخلص كذا
اذاكر جزء واكل .....اذاكر ... واكل
ما هو انا متخنتش من قليل :d
دورى على اى حاجة تحفزك ....... وبعدين مش معقول تيجى فى الاخر وتملى ! ولا ايه
مثلا هاتى كتب تانية و حلى ..

شكرا ليك قوي وان شاء الله هعمل كدا بس انا كدا هتخن زيادة ولا ايه وبصراحة اتعقدت من امتحانات الازهر

المايك بايظ والهاندفيرى شغاله ناحية واحده :(

عادى ..... اكتبى والمدرس هيرد
ده انا كنت قارفهم xd

شكرا ليك قوي وان شاء الله هعمل كدا بس انا كدا هتخن زيادة ولا ايه وبصراحة اتعقدت من امتحانات الازهر

لا ما هو انتى متمسكيش فى الكلمة اوى كده xdd
مرة اكل .... مرة شرب .... مرة شيكولاتة ... كده
وعموما متخافيش ... كده كده هتخسى قبل النتيجة ... وان محصلش
الجامعة كفيلة بده xdd

انا بقيت مخنوقة اووووي ومعتش ليا نفس اذاكر التيرم الاول الحمد لله ربنا وفقني ف التيرم الاول ده وطلعت الاولي بس مش عارفة التيرم ده ايه اللي بيجرالي انا لسة ف تانية انا نفسي اتفوق ف الثانوية العامة وادخل طب ان شاء الله بس مش عارفة اعمل اييه النفسية عندي وحشة اووي مفيش ثقة خالص وبقارن نفسي باقل مني عشان هم اللي بيجوا معايا دروس وذنوبي كتيرة و متعلقة بالنت اووي وبتاثر باي حد ف ثاانية معنتش عارفة اعمل ايه ممكن حد يساعدني لله
عادة الانسان انه بيقرب من ربنا شوية😇 و بيبعد عنه شوية😈 ..الا القليل اللى بيفضل معاه على طول

الحتة بتاعت المقارنة ....
سيبك من اى زميل او زميلة ...... حطى المدرس منافس ليكى !! و حاولى تغلبيه ... حاولى انتى اللى تشرحى لزمايلك!
اى نعم ... ممكن يروحوا فى ستين داهية 😂 بس برده 😊

اما النت علاجه سهل و بسيط .... متشحنيش رصيد 😂 .... خدى الامور ببساطة

والذنوب بقى ..... عندك ربنا موجود .... ومحدش يفهمنى غلط😂
قصدى ان مفيش غيره هيسمعك ..... قعدة لذيذة كده بينك وبينه هتظبط الدنيا 😊

عادة الانسان انه بيقرب من ربنا شوية😇 و بيبعد عنه شوية😈 ..الا القليل اللى بيفضل معاه على طول

الحتة بتاعت المقارنة ....
سيبك من اى زميل او زميلة ...... حطى المدرس منافس ليكى !! و حاولى تغلبيه ... حاولى انتى اللى تشرحى لزمايلك!
اى نعم ... ممكن يروحوا فى ستين داهية 😂 بس برده 😊

اما النت علاجه سهل و بسيط .... متشحنيش رصيد 😂 .... خدى الامور ببساطة

والذنوب بقى ..... عندك ربنا موجود .... ومحدش يفهمنى غلط😂
قصدى ان مفيش غيره هيسمعك ..... قعدة لذيذة كده بينك وبينه هتظبط الدنيا 😊

ههههههههه ميرسي لحضرتك يا دكتور والله الكلام ده سهل وبسيط

ههههههههه ميرسي لحضرتك يا دكتور والله الكلام ده سهل وبسيط

العفو ! ..... على الله نعمل بيه بس! .....اصل الاكتئاب عدو الاكل 😂 والمذاكرة برده 😂

الى اى حد ...
ليه تقوللى يا دكتور ! لما ممكن تقوللى يا اى حاجة تانية 😂
بحتقر نفسى لما بتساوى مع واحد اتخرج من الكلية و برده اسمه طبيب مش دكتور !
او واحد عامل دكتوراة !
ايه جاب الحرنكش للمانجة !
بص لما تحب تنادينى ..... قوللى يا جلااااال 😂😂

ياااااااه ي عبدالصمد :d
كان فين الموضوع ده من زمان
بداية ربنا يوفقك ويسعدك
وبما ان حضرتك كنت ف ازهر فياريت تفيدنا بخبرتك
المواد كتير ومحتاجة وقت والوقت عندي الحمدلله
بس المشكلة كل الوقت ضايع ع مذاكرة الدروس ومراجعه المستر الفلاني بكرة والمستر ده هيسأل ف ده
ومبلاقيش وقت ليا انا اراجع فيها مادة قديمة او الم اي حاجة
انظم وقتي ازاي ؟
مع ان انا دروسي كل يوم من 10 ل 2 وطول اليوم فاضي يعني عندي وقت
او خليني اسأل بطريقة افضل .. الم المواد دي كلها ازاي ؟؟
وخصوصا المواد العربية :(
اسفة لو طولت ع حضرتك
وربنا يجزاك خير :)

ياااااااه ي عبدالصمد :d
كان فين الموضوع ده من زمان
بداية ربنا يوفقك ويسعدك
وبما ان حضرتك كنت ف ازهر فياريت تفيدنا بخبرتك
المواد كتير ومحتاجة وقت والوقت عندي الحمدلله
بس المشكلة كل الوقت ضايع ع مذاكرة الدروس ومراجعه المستر الفلاني بكرة والمستر ده هيسأل ف ده
ومبلاقيش وقت ليا انا اراجع فيها مادة قديمة او الم اي حاجة
انظم وقتي ازاي ؟
مع ان انا دروسي كل يوم من 10 ل 2 وطول اليوم فاضي يعني عندي وقت
او خليني اسأل بطريقة افضل .. الم المواد دي كلها ازاي ؟؟
وخصوصا المواد العربية :(
اسفة لو طولت ع حضرتك
وربنا يجزاك خير :)


بداية . . . يسمع من "ردك" ربنا 😆
ياااااه ... فكرتينى بالفضايح التى مضت
هو انا كنت ممكن ارد بان جدولنا بيبقى واسع و حلو وممكن الواحد يلم فيه نفسه
بس على ما اسمع كده ان الكلام ده ... بفضل الله و نعمته "كان زمان" .... وطبعا مش بعترض 😂😂 ... لأ بالعكس ربنا يزيد و يبارك فى التخلف 😩
بس عموما
اللى هيخليكى تعرفى تدرسى اصلا عشرتاشر مادة هيخليكى تعرفى تراجعيهم !
انا مش بشوف ان الوقت هو المشكلة .. خالص
اناشايف المشكلة هى مقدار ثقتى بنفسى و التحفيز اللى بحطه قبل ما ابدا
يعنى ممكن مثلا النحو ... يتلم كله فى نص ساعة ... لو انا فهمت الالفية
البلاغة ...لو فهمتيها .... هتحلى اى امتحان من غير ما تذاكرى اصلا !
الادب .... عبارة عن تاريخ .... حدوتة ... وشوية كلام كدب فى النص ... و مفيش احسن من الازهرية فى التاليف 😂 زى نظام اشرح البيت و طلع المظاهر الجمالية .... بتلاقى نفسك بتطلعى من البيت و هو مفيش اصلا 😂😂
اما النصوص ... مش محتاجة اتكلم عليها ...
وبالنسبة للصرف ..... مبحبش اجيب سيرة حد مش موجود 😂
بس هو بيظبط فى الاخر .. حاولى تذاكرية مرة واحدة على بعضه ... مش هو بس ... لأ يعنى اى مادة لما تجيبيها من اولها لاخرها .. هتلاقى فى حاجات بتفيد حاجات تانى ..... و هتلاحظيها اوى .... فى النحو والصرف مع التفسيروالحديث .... .

.....

الحل باختصار ... لما تيجى تذاكرى ... ذاكرى بهمة .. و ميبقاش فى اى حاجة فى دماغك غير انك تفهمى كل حرف قدامك ... مش تبقى كأنك ماسكة جورنال !
بلاااش ابسطهالك 😆
ممكن تحلى النهاردة مسالة فيزياء فى 5 دقايق .. و فى يوم تانى نفس المسالة فى ربع ساعة !

فعلا التنفيذ صعب يا دكتور

فعلا التنفيذ صعب يا دكتور

لا اله الا الله .
ما هو طول ما انتى بتقولى كده ... هيفضل صعب !
ثقى فى نفسك شوية :slap1qk6:
اسف 😂

لا اله الا الله .
ما هو طول ما انتى بتقولى كده ... هيفضل صعب !
ثقى فى نفسك شوية :slap1qk6:
اسف 😂

حاااضر انا هثق ف ربي وف نفسي بس براحة علينا يا دوك

يا دكتور لو ظبط نفسى انى اخلص المواد مراجعة على اخر 4
وابدأ فى 5 احل المتحانات السنين ال فاتت والمراشد وكده
يبقى كويس ؟
وتتوقع انا ممكن اعرف اعمل كده اصلا ؟؟؟
اه نسيت :
بتعصبك يا دكتور ؟
يا دكتور يا دكتور يا دكتور

حاااضر انا هثق ف ربي وف نفسي بس براحة علينا يا دوك

اعتبرينى بسقفلك 👏👏👏👏

يا دكتور لو ظبط نفسى انى اخلص المواد مراجعة على اخر 4
وابدأ فى 5 احل المتحانات السنين ال فاتت والمراشد وكده
يبقى كويس ؟
وتتوقع انا ممكن اعرف اعمل كده اصلا ؟؟؟
اه نسيت :
بتعصبك يا دكتور ؟
يا دكتور يا دكتور يا دكتور

بصى هو من ناحية تقدرى .... فانتى اكيد تقدرى ونص
اما بقى كويس ولا لأ
فانتى لو عملتى كده يبقى ما شاء الله عليكى :022yb4:
انا فى مواد كنت بشوف امتحاناتها قبل اللجنة الصبح :028ja7:
و لينا اخرة هنصفى حساباتنا فيها 😂

اعتبرينى بسقفلك 👏👏👏👏

ايوة شجعني كده يا دكتور

لا ما هو انتى متمسكيش فى الكلمة اوى كده xdd
مرة اكل .... مرة شرب .... مرة شيكولاتة ... كده
وعموما متخافيش ... كده كده هتخسى قبل النتيجة ... وان محصلش
الجامعة كفيلة بده xdd

ربنا يخليك لينا يادكتور يادكتور هو المواد العلمية تمام العربي اعمل فيه ايه الشرعي بقيت اخد درس فيه عشان يتلم طيب العربي يا دكتــــــــــــــــــــــــــــــ دكتور ــــــــــــــــــــور

بسم الله .... فالاول كده .. لو انته فاتح فى السكرتة كده ولا من ورا مامتك .. متكملش قراية

"الشغلانة دى تحب الفايق" XD

صلى الاول على سيدنا محمد كده و يلاا

اعرفكم بنفسى :ph34r:
بنى آدم ... زيك بالظبط باكل و بشرب و بنام ....وبعمل حاجة تانية مش لازم نقولها..... ومش بدح برده :p
كانت المذاكرة بالنسبة لى هيا الساعة او الاتنين:028ja7: .. اللى لو مذاكرتهومش مجبر هتعلق من قفايا :stickjo4:
وكمان الدروس .. اروح واجى .... واجى... وبعدين اروح برده :romarioxp6:
وكانت حياة زى الفل

و زى اي طالب ثانوية اصاب بالاحباط واجى هنا واقرا كلام يحمسنى ... اقوم رايح واذاكر
وبعدين افقد الحماس .. مش عشان طاقة خدتها وخلصت .... لأ !!
بس عشان اللعب و النوم وحشونى XD
اقوم رايح وآكل وانام XD

المهم انى فى الآخر كان قدامى ادخل اى كلية من "طب بشرى" لحد كلية "زبالة قسم ورق و قصاقيص"
ازاى ؟ ركز بقى . . . . . . . . . .
واعذرونى لان الكلام مش هيبقى منسق قوى ... بس هقول برده
================
الاول ............ الحاجات اللى هتخلينى اذاكر

مش هقولّك الكلام التقليدى بتاع
- دى سنة واحدة هتتعبها وبعدين تستريح طوووووووول عمرك ..........
- هات المجموع اللى احنا عايزينه وادخل اللى انته عايزه ..........
- خش الكلية الحلوة عشان الجو بتاعك لما تروحلة تبقى مالى مركزك ..........
- الكلية اسهل من الثانوية
- هاتلى كلية حلوة واجيبلك عربية و موبايل و تاب و هروقك
وحاجات كتييييييييييييييييييير قوى بنسمعها

اجيبلك من الاخر
كله كذب ....... كذب .. كدب:o
عارف ليه ؟ مش عشان ان الكلام ده غلط !!! بل بالعكس ده كله صح
(ما عدا الحتة بتاعت العربية .. لانك هتكتشف فيما بعد ان باباك مقشفر XD "
انما غير كده كله صح ... وكدب فى نفس ذات الوقت :blush:
اكيد هتقولوا انى اهبل ... بس استنى هوضحلكوا :slap1qk6:

- مفيش حاجة اسمها استريح طول عمرى !!... الحياة شقاء و تعب ............ وامتحانات برده
- بعد ما تجيب المجموع 90% من البهبهات والمهمهات (جمع بابا و ماما ) .. مش هقول هيغصبوا عليك
ولكن هتشوف الزعل فى عيونهم لو مدخلتش كلية بعينها
- الجو بلاش نتكلم عنه ... عشان هو لوحده اعاصير و زعابيب
- مين اللى قال ان الكلية اسهل من الثانوية ؟
الكلية مينفعش يطلق علىيها لفظ سهل لانها اسهل من كلمة سهل ... واخد بالك انته XD
الكلية عبارة عن حاجة كده ملهاش تعبير .. لعب و تنطيط وباقل مذاكرة بتجيب امتياز !!
الكلام بتاع امتحانات الثانوية وان الامتحان بيقيس مدى رزالة اهل اللى حاطط الامتحان مش مستوى الطالب
مش موجود فى الجامعة خالص ... هناك المهم تفهم و تتعلم وبس

هتقوللى طب انته كده كسرتللى كل الدوافع اللى كانت عندى هقللك لأ .. ده انته لو مخدتش بيهم
مش هتنجح اصلا XD

مهو اصل انته برده لو بتذاكر عشان مجرد العلم وانك كده بترضى ربك مكنتش هتقول كده
لو بتذاكر عشان حاجة تنفعك مش هتقول كده
يا مؤمن ده انا كل اللى انا امتحنته نسيته تانى يوم XD

لسه فى دافع واحد بس
هيا كلمة واحدة ....................... مامتك وباباك والمدرسين والناس اللى حواليك اللى انته قارفهم فى عيشتهم الله يهديك ...... هتحبطهم ولا هتحقق املهم ؟

على فكرة انا ازهرى وكتير اوى اتقاللى "حول للتربية والتعليم" بس حطيت نية انى هتفوق فى الازهر عشان
اكون مثل اعلى لغيرى ...
مش عشان انا تفوقت .............. لأ
عشان طلعت حى ارزق ... من غير اى كسور او رتوش XD

كده انته عرفت هتذاكر ليه ..... عشان ربنا فى الاول وفى الاخر .. وعشان متتشويش فى نار جهنم على اللى انته عاملة فى الناس اللى حواليك XD
================
تانى حاجة ......... حاجتين لازم تاخد بالك منهم كويس جدا

1- مفيش حاجة اسمها القطر فات .... انته ممكن تركب القطر من غير تذكرة اصلا .. هتدفع 16 جنيه زيادة ماشى XD بس هتوصل فى الاخر
2- المذاكرة بالـــ "كيف" مش بالــــ"كم"
يعنى المهم بتحصل قد ايه من الىى انته ذاكرته ... هل لما تيجى تذاكره تانى هتتعب فيه نفس التعب ولا لأ
3- ان مكنش ربنا واهلك راضيين عنك ... مش هتعمل حاجة
================
تالت حاجة شوية نصايح كده
= متبصش لغيرك و بيذاكر قد ايه وانك مش زيه ... لان زى ما قلتلك المذاكرة بالكيف
= لسه الوقت طويل بس ابدأ .. لانك بعد كده ممكن تندم على الثانية .. يعنى انا مش هقلك هتلحق تراجع .. لأ ده انته هتلحق "تذاكر" .. توكل على ربنا بس
= دور على مدرس "كذاب"
مستغرب ليه XD ... قصدى واحد ميحبطكش ولا يقولك انته مش هتعدى نسبة كذا ولا الكلام ده
لأ ... خليك مع واحد يقلك انته زا الفل .. انته هتبقى كويس .. و ايفرى ثنج از جونا بى فاين .. وشوية الافلام دول XD
لانك انته عارف مستواك ومش بتكدب على نفسك وهيجى الوقت اللى انته هتقول كده فيه لنفسك
فلو اجتمعت انته والمدرس على نفسك ... مع السلامة
= متقفلش على نفسك الباب وانته بتذاكر .. عشان متعملش زيي و تقعد تلعب و اول ما حد ييجى تقلب الشريط XD
= هات موبايل بكشاااااف XD بينفع فى الضلمة و هيبعدك عن اى لعب .. لان صدقنى الفيس بوك مش بيحلى الا وقت الامتحانات
= انا اول يوم عكيت جامد وضيعت كتير و كنت منهار .. وعملت افلام احسن من تيتانك .. بس رجعت و ركزت على الباقى و الحمد لله وصلت
= عادى انك تشترى كتب كتيير و متذاكرش فيهم ... انا فى كتب استفدت منها قبل الامتحان بساعة واحدة .. واللى استفدته كانوا 3 مسائل فيزياء اول مرة اشوفهم
وقت ما فتحت الكتاب ... ولقيتهم جوه فى الامتحان
=المسألة كلها مسألة توفيق من ربنا ....
- يعنى ممكن لو عكيت فى امتحان ... تخرج تلاقى الامتحان اتلغى !!! انا مثلا كنت كل اما احل امتحان حلو جدا و اقفله اخرج الاقيه ملغى XD عادشى
- ممكن بعد ما تخلص امتحانات .. تعمل زىى و تقعد تدعى بقى
"يا رب اللى بيصحح الورقة بتاعتى يتعمى و ميشوفش الابداعات بتاعتى XD .... يا رب يجيله اسهال مزمن قبل ما يجى على الحاجة الغلط .. يرجعلها يتوه يدينى
الدرجة النهائية .. يا رب ورقتى الشاى يدلق عليها و تتقطع و ما يعرفوا يلموها و يدونى الدرجة" عادشى ... الله اعلم ايه اللى بيحصل
=لو اقتنعت انك تقدر تعمل حاجة هتعملها
=لو مقتنعتش بكلامى اقراه تانى .. يمكن تقتنع :P
=لو فى يوم وقفت معاك حاجة صلى ركعتين
=الاستغفار
= مينفعش تشد او ترخى ... خير الامور الوسط
==================
بحب بقى اشكر كل المدرسين هنا و خصوصا استاذ احمد بهدر ربنا يبارك فيهم جميعا
وبحب فى نهاية البرنامج اقول لكل شاب ولكل فتاء .... مهما عملت او عملتى ... ربنا كاتب عليك اللى هتكونه
==========
لو اه حاول تشوف الصحبة الصالحة
ولو حد عايز يسأل عن اى حاجة فى المذاكرة او المراجعة او اى حاجة ممكن على ask .fm
ask. fm/mekaneky_asnan
عشان بس هيبقى صعب انى اشوف كل حاجة فى المنتدى
ربنا يوفقكوا






ربنا يوفق حضرتك ف مساعدة الكل :bosyht9:
و ان شاء الله ربنا يكرم كل واحد حسب اجتهاده
و ف الاخر برضه كله نصيب :blush:

ملحوظة تانيه برضه
حضرتك بوظت المهنه خالص :d
بكلمه ميكانيكى دى
يعنى 6 سنين كلية و ف الاخر ابقي ميكانيكيه o.O
اظن ان كده حرام بقي

بالتوفيق للكل ان شاء الله :)

بصى هو من ناحية تقدرى .... فانتى اكيد تقدرى ونص
اما بقى كويس ولا لأ
فانتى لو عملتى كده يبقى ما شاء الله عليكى :022yb4:
انا فى مواد كنت بشوف امتحاناتها قبل اللجنة الصبح :028ja7:
و لينا اخرة هنصفى حساباتنا فيها 😂

بصراحة كلام حضرتك بيحفزني
وبيحسسني ان لسه في امل اني اخلص وابقي تمام اوووي
وبصراحة اكتر ي عمنا بقالي اسبوع لا طايقة اشوف كتاب ولا اشوف مدرس :d
ربنا يجزاك خير ويفوق الجميع
ومتنساش تدعيلنا ;)

ايوة شجعني كده يا دكتور

اى خودعة :d

ربنا يوفق حضرتك ف مساعدة الكل :bosyht9:
و ان شاء الله ربنا يكرم كل واحد حسب اجتهاده
و ف الاخر برضه كله نصيب :blush:

ملحوظة تانيه برضه
حضرتك بوظت المهنه خالص :d
بكلمه ميكانيكى دى
يعنى 6 سنين كلية و ف الاخر ابقي ميكانيكيه o.O
اظن ان كده حرام بقي

بالتوفيق للكل ان شاء الله :)

لا لا لا لا لا انتى فهمتى غلط خالص :d
مش ميكانيكى اللى هو ميكانيكى ! ....لأ .. انا اقصد ميكانيكى ... بتفرق والله XD

اللى انا اقصده ... مهندس ميكانيكى

اصل طب الاسنان ده فول اوبشن ... ثلاثة فى واحد :d

فن .... طب ... ميكانيكا :d

بصراحة كلام حضرتك بيحفزني
وبيحسسني ان لسه في امل اني اخلص وابقي تمام اوووي
وبصراحة اكتر ي عمنا بقالي اسبوع لا طايقة اشوف كتاب ولا اشوف مدرس :d
ربنا يجزاك خير ويفوق الجميع
ومتنساش تدعيلنا ;)

طب بلاش تقولى كده لتتحسدى XD

عادى مفيش مشكلة ..دى بتحصل للكل ...
بس برده بيحصل للكل انهم يتزنقوا و ميعرفوش يخلصوا المواد مستريحين
هما بيخلصوها اه .. بس بتطلع عينهم :stickjo4:
قومى ذاكرى :slap1qk6:
===
ربنا يوفق الجميع :)

ربنا يخليك لينا يادكتور يادكتور هو المواد العلمية تمام العربي اعمل فيه ايه الشرعي بقيت اخد درس فيه عشان يتلم طيب العربي يا دكتــــــــــــــــــــــــــــــ دكتور ــــــــــــــــــــور

رغم انه يعتبر سؤال متكرر ... والمفروض انى مردش عشان الشتايم الكتير دى -_- بس ما علينا..

هو اولا و اخيرا .. .الشرعى مشوفتش حد بيبقى كويس فيه ... غير الكتاب .. بس
هو اه المدرس هيراجعلك .. بس مش هيفهمك زى ما انتى هتفهمى لوحدك من الكتاب !!
اما العربى

النحو ... تذكرى من المرشد و تفهمى الالفية كويس جدا .. و تقعدى تغنيها
و بعدين تشوفى الورق بتاع استاذ احمد بهدر هنا

البلاغة .. خلى الاستاذ بتاعك يهزر و هو بيشرح .. او مثلا يقولك تاريخ البيت مين اللى قاله .. و قاله لمين .. كده
هتلاقى ان كله بيتحفظ فى دماغك بصورة لذيذة ... وده بعد الفهم طبعا
بس البلاغة من كتاب المدرسة

الصرف .. انا بقى شايف انك تذاكريه من الحتة اللى تريحك ... كتاب المدرسة او المرشد .. او اجمعى ما بينهم .. و لخصى انتى

الادب والنصوص ... ببساطة . . الادب = تاريخ و تاليف:d وكدب فى نفس الوقت ...النصوص = روقان

==
وفى الول وفى الاخر ... كل واحد ليه طريقة بتريحة فى المذاكرة
بس المواد العربية ... لازم تحلى امتحانات على قد ما تقدرى ...

لا لا لا لا لا انتى فهمتى غلط خالص :d
مش ميكانيكى اللى هو ميكانيكى ! ....لأ .. انا اقصد ميكانيكى ... بتفرق والله XD

اللى انا اقصده ... مهندس ميكانيكى

اصل طب الاسنان ده فول اوبشن ... ثلاثة فى واحد

فن .... طب ... ميكانيكا :d

بكلمه فول دى كمان :o
اعتقد انى هروح اعقد جنب امى احسن :p :d

فن .. طب .. ميكانيكا
Dentist
d 4 doctor
en 4 enginer
tist 4 artist

و يارب يسامحنى ع الكدب ده :d

بكلمه فول دى كمان :o
اعتقد انى هروح اعقد جنب امى احسن :p :d

فن .. طب .. ميكانيكا
Dentist
d 4 doctor
en 4 enginer
tist 4 artist

و يارب يسامحنى ع الكدب ده :d

اهو جبت انا حاجة من عندى ! :d
وبعدين هيا حلاوتها فى ال "فول" دى اصلا 😂

اهو جبت انا حاجة من عندى ! :d
وبعدين هيا حلاوتها فى ال "فول" دى اصلا 😂

لا لا , ابدا , مفيش حاجة من عندك :excl:

واضح ان الفول مأثر بس حبتن تلاته :d

رغم انه يعتبر سؤال متكرر ... والمفروض انى مردش عشان الشتايم الكتير دى -_- بس ما علينا..

هو اولا و اخيرا .. .الشرعى مشوفتش حد بيبقى كويس فيه ... غير الكتاب .. بس
هو اه المدرس هيراجعلك .. بس مش هيفهمك زى ما انتى هتفهمى لوحدك من الكتاب !!
اما العربى

النحو ... تذكرى من المرشد و تفهمى الالفية كويس جدا .. و تقعدى تغنيها
و بعدين تشوفى الورق بتاع استاذ احمد بهدر هنا

البلاغة .. خلى الاستاذ بتاعك يهزر و هو بيشرح .. او مثلا يقولك تاريخ البيت مين اللى قاله .. و قاله لمين .. كده
هتلاقى ان كله بيتحفظ فى دماغك بصورة لذيذة ... وده بعد الفهم طبعا
بس البلاغة من كتاب المدرسة

الصرف .. انا بقى شايف انك تذاكريه من الحتة اللى تريحك ... كتاب المدرسة او المرشد .. او اجمعى ما بينهم .. و لخصى انتى

الادب والنصوص ... ببساطة . . الادب = تاريخ و تاليف:d وكدب فى نفس الوقت ...النصوص = روقان

==
وفى الول وفى الاخر ... كل واحد ليه طريقة بتريحة فى المذاكرة
بس المواد العربية ... لازم تحلى امتحانات على قد ما تقدرى ... شكرا ليك يادكتور يا دكتور يادكتور ربنا يبارك ليك ويوقف معاك يادكتوووووووووووور

سخن 8جم من مركب عضوي في وفرة من اكسيد النحاس الاسود فتسبب ذلك في زيادة كبريتات النحاس اللامائية البيضاء 18جم ووزن ماء الجير 22 جم هل المركب من الهيدروكربونات ام من الكربوهيدرات يادكاتره ارجو معرفه فكرة المسألة

لا لا , ابدا , مفيش حاجة من عندك :excl:

واضح ان الفول مأثر بس حبتن تلاته :d

انا مصرى و ابويا مصرى 😂 عادى

انا مصرى و ابويا مصرى 😂 عادى
يا دكتور قولي فكرة المسأله محتاجها ضروري

يا دكتور قولي فكرة المسأله محتاجها ضروري

مهو طول ما بتقول يا دكتور مش هرد -_-
ما علينا ... اكيد طبعا انا مش فاكر البتاعة دى بتتحل ازاى :028ja7:
بس عارف الفكرة
الفكرة فى ان اى مركب عضوى لما بيتحرق (بيتسخن) بيطلع ثانى اكسيد الكربون و بخار ماء
فهو قالك زادت كتلة كبريتات النحاس اللامائية (اللى بتمتص بخار الماء و يتحول لونها من مش عارف ايه لمش عارف ايه كده برده ) ... زادت 18 جم ... اللى هو وزن 1 مول من بخار الماء H2o
وزاد وزن ماء الجير 22 جم ... اللى هو نص مول من Co2
فالمفروض انك بتكونى معادلة تقريبا وعلى اساسها بتكون الاجابة
بس مقدرش اساعد باكتر من كده للاسف

مهو طول ما بتقول يا دكتور مش هرد -_-
ما علينا ... اكيد طبعا انا مش فاكر البتاعة دى بتتحل ازاى :028ja7:
بس عارف الفكرة
الفكرة فى ان اى مركب عضوى لما بيتحرق (بيتسخن) بيطلع ثانى اكسيد الكربون و بخار ماء
فهو قالك زادت كتلة كبريتات النحاس اللامائية (اللى بتمتص بخار الماء و يتحول لونها من مش عارف ايه لمش عارف ايه كده برده ) ... زادت 18 جم ... اللى هو وزن 1 مول من بخار الماء h2o
وزاد وزن ماء الجير 22 جم ... اللى هو نص مول من co2
فالمفروض انك بتكونى معادلة تقريبا وعلى اساسها بتكون الاجابة
بس مقدرش اساعد باكتر من كده للاسف
شكرا ليك يا ميكانيكي اسنان شكرا بجد انا هحاول عليها بفكرتك مع المعادلة الى عندي شكرا بجد

شكرا ليك يا ميكانيكي اسنان شكرا بجد انا هحاول عليها بفكرتك مع المعادلة الى عندي شكرا بجد

بالتوفيق ان شاء الله ..... جلال .. جلااااااال xDD

بالتوفيق ان شاء الله ..... جلال .. جلااااااال xdd
حليتها وطلعت صح بالمعادلات شكرا ليك

حليتها وطلعت صح بالمعادلات شكرا ليك

طب والله فرحت ! ...... لسه مخى شغاال xD

طب والله فرحت ! ...... لسه مخى شغاال xd

اكيد يادكتور بقولك يادكتور انا عاوزة اذاكر كل لما افتح الكتاب بحس نفسي عايزة ابكي مش عارفه اعمل ايه مع انى بصلي وبقرا قران وخايفه اسفط كده اعمل ايه

اكيد يادكتور بقولك يادكتور انا عاوزة اذاكر كل لما افتح الكتاب بحس نفسي عايزة ابكي مش عارفه اعمل ايه مع انى بصلي وبقرا قران وخايفه اسفط كده اعمل ايه

عادى .. ادعى ربنا بس ... وبلاش تخلى مامتك تصوت و تشد فى شعرها طول اليوم :d بس :022yb4:

عادى .. ادعى ربنا بس ... وبلاش تخلى مامتك تصوت و تشد فى شعرها طول اليوم :d بس :022yb4:

ع فكرة مش قاعدة في البيت ع طول من كتر الدروس بس انا سب المدرسه عشان اذاكر بس بحس نفسي مخنوقه خالص

ع فكرة مش قاعدة في البيت ع طول من كتر الدروس بس انا سب المدرسه عشان اذاكر بس بحس نفسي مخنوقه خالص

يعنى ده اعتراف منك انك بتخلى مامتك تشد فى شعرها xD
هو سؤال... بس .... ازاى مسمية نفسك واثقة ... و بتقولى معندكيش ثقة فى نفسك:slap1qk6:
لما تلاقى نفسك مخنوقة ،، صلى...

يعنى ده اعتراف منك انك بتخلى مامتك تشد فى شعرها xd
هو سؤال... بس .... ازاى مسمية نفسك واثقة ... و بتقولى معندكيش ثقة فى نفسك:slap1qk6:
لما تلاقى نفسك مخنوقة ،، صلى...
حااااااضر اكيد هثق في نفسي ان شاء الله وبدأت اذاكر

حااااااضر اكيد هثق في نفسي ان شاء الله وبدأت اذاكر

شطورة 👏👏👏👏👏👍

شطورة 👏👏👏👏👏👍
بس بتبقي دفعه وتحفيز ومذاكرة يومين وبيروحوا لحالهم

بس بتبقي دفعه وتحفيز ومذاكرة يومين وبيروحوا لحالهم

لا اله الا الله ! ياجدعان حد يروح يضرب البنى آدماية ديه
ذاكرى >_<
كل اما تخلص الشحنة تعالى اقرى الموضوع تانى .... او اتكلمى مع مامتك وقوليلها كده
وصدقينى ....... هتشحنك :stickjo4: 😂😂

لا اله الا الله ! ياجدعان حد يروح يضرب البنى آدماية ديه
ذاكرى >_<
كل اما تخلص الشحنة تعالى اقرى الموضوع تانى .... او اتكلمى مع مامتك وقوليلها كده
وصدقينى ....... هتشحنك :stickjo4: 😂😂
تعبت حاسه نفسي مش هجيب تعبت خاااالص كل ما اقول هذاكر وهانظم وقتي مامشيش بيه خلاص فقدت الامل خالص وهضيع

تعبت حاسه نفسي مش هجيب تعبت خاااالص كل ما اقول هذاكر وهانظم وقتي مامشيش بيه خلاص فقدت الامل خالص وهضيع

في امل ولو باقي يوم =)

في امل ولو باقي يوم =)
مفيش خاااالص خلاص راح انا تعبت بجد مش عارفه اعمل ايه ؟؟؟؟

مفيش خاااالص خلاص راح انا تعبت بجد مش عارفه اعمل ايه ؟؟؟؟

اتوضى ... صلى ركعتين
اعملى جدول مذاكرة .... امشى عليه ... امتحنى .... تفوقى
وبعدين تعالى هنا فرحينا

مفيش خاااالص خلاص راح انا تعبت بجد مش عارفه اعمل ايه ؟؟؟؟

يمكن انا حالي ميفرقش عنك كتير
بس بردو لسه في امل
ابدأي كل يوم وانتي بتقول النهارده هعمل اللي عليا
الله كريم

اتوضى ... صلى ركعتين
اعملى جدول مذاكرة .... امشى عليه ... امتحنى .... تفوقى
وبعدين تعالى هنا فرحينا
بعمل جدوال مش بمشي عليه تعبت انا السنين الفاتت كنت بذاكر اكتر من كدا

يمكن انا حالي ميفرقش عنك كتير
بس بردو لسه في امل
ابدأي كل يوم وانتي بتقول النهارده هعمل اللي عليا
الله كريم
طب اعمل ايه تانى انا السنين الفاتت كنت احسن من كدا اذاكر ازااي معى 15 مادة

بعمل جدوال مش بمشي عليه تعبت انا السنين الفاتت كنت بذاكر اكتر من كدا

ماشى طيب ما هو اى حد كده ... بس لازم الفترة دى تلزمى نفسك
لسه معاكى شهرين بحالهم !
مسوداها ليه
بس عموما هيا فترة كده وعدت علينا كلنا متقلقيش ..... بس ذاكرى

طب اعمل ايه تانى انا السنين الفاتت كنت احسن من كدا اذاكر ازااي معى 15 مادة

على فكرة بقى انا اعرف ناس بدات تذاكر من يومين بس على جدول
و ماشيين ما شاء الله زى الفل ... و هيحققوا اللى عايزينه ... عشان واثقين فى ربنا
و هيذاكروا العشرتاشر مادة دول فى الشهرين

على فكرة بقى انا اعرف ناس بدات تذاكر من يومين بس على جدول
و ماشيين ما شاء الله زى الفل ... و هيحققوا اللى عايزينه ... عشان واثقين فى ربنا
و هيذاكروا العشرتاشر مادة دول فى الشهرين

ماشى طيب ما هو اى حد كده ... بس لازم الفترة دى تلزمى نفسك
لسه معاكى شهرين بحالهم !
مسوداها ليه
بس عموما هيا فترة كده وعدت علينا كلنا متقلقيش ..... بس ذاكرى
طب اعمل ايه انا عايزة اذكر بس الوقت بيضيع ع الفاضي طب فين الجدول ده

طب اعمل ايه انا عايزة اذكر بس الوقت بيضيع ع الفاضي طب فين الجدول ده

ما هو كل واحد و مقدرته على المذاكرة ... انا اقصد انك تقدرى تعمليها ... اقلك
ما تشوفى حد اكبر منك اقعدى معاه شوية ... تحكيلك هيا عملت ايه فى اخر شهرين

ما هو كل واحد و مقدرته على المذاكرة ... انا اقصد انك تقدرى تعمليها ... اقلك
ما تشوفى حد اكبر منك اقعدى معاه شوية ... تحكيلك هيا عملت ايه فى اخر شهرين
كل واحد ف همه انا عاوزة حد يذاكر معي يمكن اهتم شوية

كل واحد ف همه انا عاوزة حد يذاكر معي يمكن اهتم شوية

بطلى سواد و كآبة
شوفى حد و اتكلمى معاه ! وهى هتتابع معاكى

بطلى سواد و كآبة
شوفى حد و اتكلمى معاه ! وهى هتتابع معاكى
حد مييييييييين طب ما انا اهو بتكلم معاكو

هو انتى على طول كده !!
طريقكك مسدوود مسدود xD
مش كده

هو انتى على طول كده !!
طريقكك مسدوود مسدود xd
مش كده
طـــــــــب قولي اعمل ااااااااايه وهعمله

الحقيقة اول ما قريت الردود الاخيرة
وقعدت اضحك :d:d:d:d وقلت يااااااااااااااااااااااااااااااااااااااااااااااااه
الهم مخلى الواحد فى حالة لا يعلم مداها الا الله
لقتنى بضحك وحسبى الله ونعم اللوكيل

الحقيقة اول ما قريت الردود الاخيرة
وقعدت اضحك :d:d:d:d وقلت يااااااااااااااااااااااااااااااااااااااااااااااااه
الهم مخلى الواحد فى حالة لا يعلم مداها الا الله
لقتنى بضحك وحسبى الله ونعم اللوكيل
نوووووووووووووووو كووووووووومنت

نوووووووووووووووو كووووووووومنت

على فكرة انا مش بسخر
ابدآ ابدآ وانا من ساعة ما قريت الردو ودماغى بتودى وتجيب

الحقيقة اول ما قريت الردود الاخيرة
وقعدت اضحك :d:d:d:d وقلت يااااااااااااااااااااااااااااااااااااااااااااااااه
الهم مخلى الواحد فى حالة لا يعلم مداها الا الله
لقتنى بضحك وحسبى الله ونعم اللوكيل

بصراحة ده الكومنت الوحيد ال ضحكنـى

على فكرة انا مش بسخر
ابدآ ابدآ وانا من ساعة ما قريت الردو ودماغى بتودى وتجيب


ليه يعني حضرتك مالها الردود

ليه يعني حضرتك مالها الردود

علشان انا عارف ان كل واحد بيعدى بالمرحلة دى وانا عديت بيها
وبعدين يبتدى يفوق لنفسه ويبتدى من جديد الاحباط والملل حجات طبيعية واللى مبيمرش بيهم
يبقى اكيد مش طبيعى ابدآ:blink:
وغير كده حسيت انى ممكن اساعد ولو بكلمه :078111rg3:

علشان انا عارف ان كل واحد بيعدى بالمرحلة دى وانا عديت بيها
وبعدين يبتدى يفوق لنفسه ويبتدى من جديد الاحباط والملل حجات طبيعية واللى مبيمرش بيهم
يبقى اكيد مش طبيعى ابدآ:blink:
وغير كده حسيت انى ممكن اساعد ولو بكلمه :078111rg3:

مظبوط 👌👍👏👏

[QUOTE=اتعلمت ولسه بتعلم;6144645]علشان انا عارف ان كل واحد بيعدى بالمرحلة دى وانا عديت بيها
وبعدين يبتدى يفوق لنفسه ويبتدى من جديد الاحباط والملل حجات طبيعية واللى مبيمرش بيهم
يبقى اكيد مش طبيعى ابدآ:blink:
وغير كده حسيت انى ممكن اساعد ولو بكلمه :078111rg3:[/


بارك الله فيك طب ساعدنا طيب

انا هقول كلام غريب شوية بس لازم يتنفذ
1-:slap1qk6:الاوضه اللى ريحتها جايبا الشارع كله لازم تتنضف وتترتب ونشيل الفوضة
2- هنغير مكان الطرابيزة ومكان السرير ونبدل شوية فى الاوضة
3-انتى عندك خمششاشر مادة اكيد بتعومى فى الكتب:lol::lol:
ودا اللى بيعملك احباط هخلص كل ده فى شهرين!:bosyht9:
هتتجهزى مصدر واحد لكل مادة تذاكرى منه يكون كافى
وهتكملى مذاكرتك عادى لحد ماتنفذذى الكلام ده
وبكره هنشوف:stickjo4::av4056bb7jp3:

اه وحسبى الله ونعم الوكيل:d

انا هقول كلام غريب شوية بس لازم يتنفذ
1-:slap1qk6:الاوضه اللى ريحتها جايبا الشارع كله لازم تتنضف وتترتب ونشيل الفوضة
2- هنغير مكان الطرابيزة ومكان السرير ونبدل شوية فى الاوضة
3-انتى عندك خمششاشر مادة اكيد بتعومى فى الكتب:lol::lol:
ودا اللى بيعملك احباط هخلص كل ده فى شهرين!:bosyht9:
هتتجهزى مصدر واحد لكل مادة تذاكرى منه يكون كافى
وهتكملى مذاكرتك عادى لحد ماتنفذذى الكلام ده
وبكره هنشوف:stickjo4::av4056bb7jp3:

اه وحسبى الله ونعم الوكيل:d

متشنكر مشنكر استاذي

الموضوع دى وسام على صدر كل فاشل......قصدى مجتهد.... ربنا كرمه :d

يا‏ ‏دكاتره
فى‏ ‏البلاغة
الفصل‏ ‏والوصل
الجمل‏ ‏التى‏ ‏ليس‏ ‏لها‏ ‏حكم‏ ‏اعرابى‏
احيانا‏ ‏يجب‏ ‏الوصل‏ ‏واحيانا‏ ‏يجب‏ ‏االفصل‏
مث‏لا‏ ‏التوكيد‏ ‏يجب‏ ‏الفصل
مثال‏ ‏:وما‏ ‏الدهر‏ ‏الا‏ ‏من‏ ‏رواة‏ ‏قصائدى‏ ‏
اذا‏ ‏قلت‏ ‏شعرا‏ ‏اصبح‏ ‏الدهر‏ ‏منشدا
السؤال‏ بقى‏ ‏ازاى‏ ‏مش‏ ‏ليها‏ ‏حكم‏ ‏اعرابى
ارجوا‏ ‏الشرح‏ ‏بوجه‏ ‏عام‏ ‏ثم‏ ‏التطبيق‏ ‏ع‏ ‏المثال
وجزاكم‏ ‏الله‏ ‏خيرا‏ ‏مقدم

يا‏ ‏ميكانيكى‏ ‏اسنان
مش‏ ‏كنت‏ ‏بتقول‏ ‏البلاغة‏ ‏تتفهم‏ ‏وتبقى‏ ‏تمام‏ ‏
اين‏ ‏انت‏ ‏؟
الفصل‏ ‏والوصل‏ ‏
اسئلة‏ ‏الكتاب
عايزه‏ ‏اعرف‏ ‏كل‏ ‏حاجة‏ ‏عن‏ ‏الامثلة‏ ‏دى
ءامن‏ ‏الرسول‏ ‏بما‏ ‏انزل‏ ‏اليه‏ ‏من‏ ‏ربه‏
كل‏ ‏امن‏ ‏بالله‏ ‏وملائكته‏ ‏وكتبه‏ ‏ورسله‏ ‏
لا‏ ‏نفرق‏ ‏بين‏ ‏احد‏ ‏من‏ ‏رسله‏ ‏وقالوا‏ ‏سمعنا
واطعنا‏ ‏غفرانك‏ ‏ربنا‏ ‏واليك‏ ‏المصير

تهون‏ ‏علينا‏ ‏فى‏ ‏المعالى‏ ‏نفوسنا
ومن‏ ‏يخطب‏ ‏الحسناء‏ ‏لم‏ ‏يغلها‏ ‏المهر

يا‏ ‏دكاتره
فى‏ ‏البلاغة
الفصل‏ ‏والوصل
الجمل‏ ‏التى‏ ‏ليس‏ ‏لها‏ ‏حكم‏ ‏اعرابى‏
احيانا‏ ‏يجب‏ ‏الوصل‏ ‏واحيانا‏ ‏يجب‏ ‏االفصل‏
مث‏لا‏ ‏التوكيد‏ ‏يجب‏ ‏الفصل
مثال‏ ‏:وما‏ ‏الدهر‏ ‏الا‏ ‏من‏ ‏رواة‏ ‏قصائدى‏ ‏
اذا‏ ‏قلت‏ ‏شعرا‏ ‏اصبح‏ ‏الدهر‏ ‏منشدا
السؤال‏ بقى‏ ‏ازاى‏ ‏مش‏ ‏ليها‏ ‏حكم‏ ‏اعرابى
ارجوا‏ ‏الشرح‏ ‏بوجه‏ ‏عام‏ ‏ثم‏ ‏التطبيق‏ ‏ع‏ ‏المثال
وجزاكم‏ ‏الله‏ ‏خيرا‏ ‏مقدم

ملهاش حكم اعرابي مثل جمله الصله

انا آسف والله يا جماعة
انى مش برد بس والله دخلنا فى فترة الامتحانات و الصويت وكده
بس عموما باب الفصل والوصل ... الحاجات الللى مدوخاكوا
لموا الامثلة اللى شبه بعض فى ورقة هتلاقوا عامل مشترك لكل جروب
ومن ده هتحطوا قواعد ... يعنى مثلا لما البيت يبدأ بكذا ... يبقى ده تبع كذا
والفيزياء ... اقروا كتاب المدرسة بورررررراحة فى الحتة بتاعت الفوتونات

انا آسف والله يا جماعة
انى مش برد بس والله دخلنا فى فترة الامتحانات و الصويت وكده
بس عموما باب الفصل والوصل ... الحاجات الللى مدوخاكوا
لموا الامثلة اللى شبه بعض فى ورقة هتلاقوا عامل مشترك لكل جروب
ومن ده هتحطوا قواعد ... يعنى مثلا لما البيت يبدأ بكذا ... يبقى ده تبع كذا
والفيزياء ... اقروا كتاب المدرسة بورررررراحة فى الحتة بتاعت الفوتونات

عايش‏ ‏اه‏و‏ ‏احنا‏ ‏كنا‏ ‏لسه‏ ‏هندعيلك‏ ‏بالرحمه
هع‏ ‏هع‏ ‏هع
اوعى‏ ‏تزعل‏ ‏بس‏ ‏انتوا‏ ‏طولتوا‏ ‏اوى‏
مش‏ ‏بنشوف‏ ‏حد‏ ‏منكم‏ ‏خالص
ربنا‏ ‏يوفقك
والبلاغة‏ ‏هحاول‏ ‏ان‏ ‏شاء‏ ‏الله

عايش‏ ‏اه‏و‏ ‏احنا‏ ‏كنا‏ ‏لسه‏ ‏هندعيلك‏ ‏بالرحمه
هع‏ ‏هع‏ ‏هع
اوعى‏ ‏تزعل‏ ‏بس‏ ‏انتوا‏ ‏طولتوا‏ ‏اوى‏
مش‏ ‏بنشوف‏ ‏حد‏ ‏منكم‏ ‏خالص
ربنا‏ ‏يوفقك
والبلاغة‏ ‏هحاول‏ ‏ان‏ ‏شاء‏ ‏الله

لا يا اختى مش انا xD
ان شاء الله هحاول اخلص اللى عليا فى اقرب وقت
وادور لك على حاجات هتفيدك فى البلاغة

انا آسف والله يا جماعة
انى مش برد بس والله دخلنا فى فترة الامتحانات و الصويت وكده


نفس السبب :006et4:

التحريرى ثم العملى ثم العملى ثم الفايناااااااال و الفاااااينال ثم الشفوى
ثم الشفوى ثم النتيجة ثم الموت :cool:

ان شاء الله هتعدى :romarioxp6:

لا يا اختى مش انا xd
ان شاء الله هحاول اخلص اللى عليا فى اقرب وقت
وادور لك على حاجات هتفيدك فى البلاغة

ماشى ربنا يعينك
ادينا منتظرين

ماشى ربنا يعينك
ادينا منتظرين

الحمد لله مخلصتش اللى ورايا :d
بس دورت والله و قلبت الكراتين كلها و شفت الفضايح بتاعت زمان XD
بس والله ما لقيت اللى كنت عايز ارفعهولك .. قدر الله وما شاء فعل بقى ...
المهم يا جماعة
ان فى امتحان احياء لقيته جايب 11 من 20 ... :022yb4: من غير سحر ولا شعوذة :022yb4:
فهمتونى طبعا ....شدوا حيلكوا ... بالتوفيق

نفس السبب :006et4:

التحريرى ثم العملى ثم العملى ثم الفايناااااااال و الفاااااينال ثم الشفوى
ثم الشفوى ثم النتيجة ثم الموت :cool:

ان شاء الله هتعدى :romarioxp6:

هع هع هع
طب والله فكيت
اللى يشوف بلاوى الناس تهون عليه بلوته :d
ربنا يستر !
بس بجد
هو احنا ليه بنزنق نفسنا لحد كام آخر يوم
حد يفهمنى ! :d

الحمد لله مخلصتش اللى ورايا :d
بس دورت والله و قلبت الكراتين كلها و شفت الفضايح بتاعت زمان xd
بس والله ما لقيت اللى كنت عايز ارفعهولك .. قدر الله وما شاء فعل بقى ...
المهم يا جماعة
ان فى امتحان احياء لقيته جايب 11 من 20 ... :022yb4: من غير سحر ولا شعوذة :022yb4:
فهمتونى طبعا ....شدوا حيلكوا ... بالتوفيق

يعنى كنت جايب فى امتحان فى الدرس 11 يعنى؟
هم الولاد كلهم كده
حسبى الله ونعم الوكيل
قولولى بتعملوا ايه
بتغشوا ؟ ها بتغشوا ؟
اكيد بتغشوا ..
ولو مش بتغشوا بتعملوا ايه فى شهرين
اكتر م ال عملوه البنات طول السنة
قولولى يمكن اتعلم انقذونى من الضياااع
احنا نجيب 94 نقعد فى البيت
وانتوا تجيبوا 94 تدخلوا هندسة
حسبى الله
انا مش بحقد عليك
لتكون فاكرنى بحقد عليك لا سمح الله
هو اه فيه شوية نفسنة ع شوية حسد
بس ده مش معناه انى بحقد عليك
اطلاقا مفيش اى حاجة م الكلام ده خالص

هع هع هع
طب والله فكيت
اللى يشوف بلاوى الناس تهون عليه بلوته :d
ربنا يستر !
بس بجد
هو احنا ليه بنزنق نفسنا لحد كام آخر يوم

حد يفهمنى ! :d


عشان نزنق نفسنا ف اخر يوم
ده السبب
ده الطالب المصرى

عشان نزنق نفسنا ف اخر يوم
ده السبب
ده الطالب المصرى

اللهم بارك xD

يعنى كنت جايب فى امتحان فى الدرس 11 يعنى؟
هم الولاد كلهم كده
حسبى الله ونعم الوكيل
قولولى بتعملوا ايه
بتغشوا ؟ ها بتغشوا ؟
اكيد بتغشوا ..
ولو مش بتغشوا بتعملوا ايه فى شهرين
اكتر م ال عملوه البنات طول السنة
قولولى يمكن اتعلم انقذونى من الضياااع
احنا نجيب 94 نقعد فى البيت
وانتوا تجيبوا 94 تدخلوا هندسة
حسبى الله
انا مش بحقد عليك
لتكون فاكرنى بحقد عليك لا سمح الله
هو اه فيه شوية نفسنة ع شوية حسد
بس ده مش معناه انى بحقد عليك
اطلاقا مفيش اى حاجة م الكلام ده خالص
اسف انى مردتش
ايه كمية الحقد دى xD
انتوا اللى عددكوا كبير ... مش لاقينلكوا مكان نحطكوا فيه xD
ههههههههه والله هو سؤال وجيه ... . بنعمل ايه فى شهرين انتوا معملتهوش طول السنة ؟
والله مش عارف .... بس انا كنت بعرف ازاى اضحك على المصحح واخليه يدينى الدرجة حتى لو مش مجاوب :022yb4:

اسف انى مردتش
ايه كمية الحقد دى xD
انتوا اللى عددكوا كبير ... مش لاقينلكوا مكان نحطكوا فيه xD
ههههههههه والله هو سؤال وجيه ... . بنعمل ايه فى شهرين انتوا معملتهوش طول السنة ؟
والله مش عارف .... بس انا كنت بعرف ازاى اضحك على المصحح واخليه يدينى الدرجة حتى لو مش مجاوب :022yb4:



ازااااى بقى ؟:022yb4:

ازااااى بقى ؟:022yb4:

المشكلة ان االمنتدى ملييييان مدرسين XD
كده هنتفقس :d

المشكلة ان االمنتدى ملييييان مدرسين XD
كده هنتفقس :d



لا قول السر :022yb4:

لا قول السر :022yb4:

عشان تكافؤ الفرص بس ...... هعمل بيه موضوع ان شاء الله ... بس اعرفى ان الحركات دى هتتفقس

عشان تكافؤ الفرص بس ...... هعمل بيه موضوع ان شاء الله ... بس اعرفى ان الحركات دى هتتفقس



ماشى يس ياريت متتأخرش عشان يومين تانى ومش هفتح نت تانى :(


مش هتتفقس :unsure:

up up up !! :P

كلام في غاية الاهمية

I am back !

نووووووووووورت يادوك شد حيلك معانا احنا الدفعة الجديدة :022yb4::friendsxs3:

ربنا معاكوا ان شاء الله ^

اقسم بالله لو مش هموت ع اسنان مكنتش قرات الموضوع ده
بس انت اديتني طاقه حلوا

نفسى أعرف إيه الحاجات التانية إللى مش لازم تقولها دى :d

نفسى أعرف إيه الحاجات التانية إللى مش لازم تقولها دى :d

بص ... هى صفة اساسية ف اى كائن حى :d
😂😂

1- قصة الايام كل فصل في صفحة

http://www.th5stars.com/2015/12/story-the-days-mind-maps-third-secondary.html

2- تلخيص الادب النثري كل مدرسة نثرية في صفحة
http://www.th5stars.com/2015/06/blog-post_5.html

3- اول بابين كيمياءكل باب في تلت صفحات
http://www.th5stars.com/2015/11/Chemistry-Summary.html

4- تلخيص افكار كل فصل فيزياء في صفحة
http://www.th5stars.com/2015/04/blog-post_16.html

5- قواعد اللغة الانجليزية في 18 صفحة + عرض قصة سجين زندا بطريقة الاختلافات والتشابهات وكل ( الكوتيشن )
http://www.th5stars.com/2015/06/Review-English.html

6- شرح العضوية في 10 محاضرات من داخل الحصة استاذ ايهاب سعيد
http://www.th5stars.com/2015/11/Explain-Organic-Chemistry.html

7 –استاذ محمد ياسر ادريس شرح الفيزياء من داخل الحصة
http://www.th5stars.com/2015/11/Review-explain-physics.html

8- اساسيات الرياضيات مهمة جدا لعلمي رياضة
http://www.th5stars.com/2015/08/basics-mathematics.html

9- تجميعة شرح مدرسة علي الهواء اغلب المواد
http://www.th5stars.com/search/label/شرح%20المنهج%20فيديو
حدد المادة وسوف ارسلها لك ان امكن
فيزياء السنة اللي فاتت كاملة
http://www.th5stars.com/2015/09/Explain-physics.html
استاتيكا
http://www.th5stars.com/2015/08/Explanation-third-grade-sec-Mathematics.html
تفاضل وتكامل 2015--
http://www.th5stars.com/2015/10/Calculus2015.html
تفاضل وتكامل مراجعة ليلة الامتحان
http://www.th5stars.com/2015/10/Review-Calculus.html

10-كيف تحصل علي النهائية في التعبير
http://www.th5stars.com/2015/10/Functional-expression.html

11- حل 100 فقرة نحوية من كتاب الامتحان
http://www.th5stars.com/2015/11/Arabic-training-Grammar.html

12- كيف تذاكر بطريقة الخرائط الذهنية
http://www.th5stars.com/2015/08/Mind-maps.html

13- تجميعة شرح كاملة لقصة الايام ل استاذ اسامة عز الدين
http://www.th5stars.com/2015/07/Story-days-part-One26.html
http://www.th5stars.com/2015/07/Story-days-Part-two.html

14- شرح قانوني كيرشوف استاذ احمد بركة مؤلف كتاب الوسام
http://www.th5stars.com/2015/08/Kirchhoff-law.html

15- مراجعة لغة فرنسية لمدرسي برنامج مدرسة علي الهواء
http://www.th5stars.com/2015/06/Revision-French.html
http://www.th5stars.com/2015/05/twitter-youtube-social.html

16-جميع افكارالرياضيات ان شاء الله
http://www.th5stars.com/2015/05/blog-post_64.html

17- خطوات كتابة البراجراف في الانجليزي
http://www.th5stars.com/2015/05/paragraph.html

18-مخططات للكيمياء العضوية
http://www.th5stars.com/2015/05/blog-post_72.html

19- افضل ملزمة لشرح الفيزياء الحديثة ( الافضل تفتحها من كمبيوتر )
http://www.th5stars.com/2015/05/blog-post_10.html

20- اهم كلمات منهج اللغة الانجليزية
http://www.th5stars.com/2015/04/blog-post_4.html

21- طريقة سهلة للتاكيد من سؤال الوحدات المكافئة
http://www.th5stars.com/2015/03/3.html

فيزياءافضل ملازم استاذ محمد ياسر ادريس
http://www.th5stars.com/2015/11/Physics-Mohammed-Idriss.html
22-افضل ملزمة في اللغة العربية استاذ اسامة عز الدين
http://www.th5stars.com/2015/12/Arab-language-specialist.html

#ملكش_حجة #كن_عونا_للناس_دوما #منشن لصديقك

اقسم بالله لو مش هموت ع اسنان مكنتش قرات الموضوع ده
بس انت اديتني طاقه حلوا
ان شاء الله ربنا يديهالك لو فيها الخير ليكى :022yb4: