مشاهدة النسخة كاملة : شعارات الوطنية
_GUIDE_ 13-08-2008, 01:07 PM بسم الله الرحمن الرحيم
مصر هى أمى , لو لم اكن مصريا لوددت ان اكون مصريا
, مصر التى فى خاطرى
وفى دمى , اللى يشرب من ماية النيل لزم يرجعله تانى
, بلادى بلادى لكى حبى وفؤادى
شعارت كثير عفا عليها الزمن لم تعد تصلح فى مثل هذه الايام
شعارات موجوده فقط فى كتب التاريخ والجغرافيا
ربما لو سألت شخص اليوم ماذا تمثل لك مصر سوف تجد
هذا الشخص واقف امام (متنح) وربما تكون إجابته ... عادى يعنى
نعود بالزمن للخلف يكفى 50 عاما
عندما كان يخرج الكبار والصغار شباب وشيوخ رجال ونساء
يتغنون فى حب مصر عندما كانت تسجل أروع مشاهد البطولة فى صفحات التاريخ
من بورسعيد الى السويس القاهرة مصر وربوعها شرقا وغربا شمالا وجنوبا
الجميع مستعد للتضحية بحياته من اجل مصر كلمة مصر
التى أصبحت الان مجرد اسم على الخريطة كلمة
ليس لها محل للاعراب بالنسبة للكثير منا
ماذا تعنى مصر لك ؟
استشهد هنا بقول الفنان (محمود حميدة) متقولش امى امك قاعده جوه
أو ربما عندما كان السيد محسن ممتاز (يوسف شعبان)
يقول لمحمد عبد العزيز (رأفت الهجان) مصر محتجالك
وهنا يقول محمود عبد العزيز وعيونه مرغره من الدموع وأنا رقبتى سداده
الكثير والكثير من المشاهد التى كانت تمثل وتتغنى بحب مصر
لكن اليوم ربما اذا عاد بنا الزمن
ووقف محسن ممتاز امام احد منا وقال له مصر محتجالك سوف تكون الاجابة
(عيش ندل تموت مستور)
لماذا وصل بنا الحال الى هذا المعنى ؟
لماذا اصبحت مصر بالنسبة لنا مكروه أو غير مستحبه ؟
هناك الكثير من الاسباب التى جعلت من مصر أحد عوامل الطرد بالنسبة للكثير
من الشباب فى هذه الايام فالكثير منا ولد وتربى وأخد يحلم بانه سوف يكون
ذو شأن فى مصر
من منا لم يحلم بأنه سوف يصبح طبيب
من منا لم يحلم بأن يكون مهندس
من منا لم يحلم بأن يكون ظابط
من منا لم يحلم بأن يكون طيار
تلك الاسئلة أخذت تسال علينا ونحن فى مرحلة الطفولة وفى الصفوف الابتدائية
عندما كان يقف المدرس فى الفصل ويسأل كل طال على حده
ماذا تحب ان تكون فى المستقبل ؟ ... تلك كانت معظم الاجابات
ولكن عندما كبرت عقولنا وأصتدمنا بذلك الواقع الوقح الكئيب
علمنا ان الطبيب لا يعمل والمهندس لايعمل وان الطيار
لابد ان يكون والده طيار والظابط لابد وان يكون والده ظابط
اننا فى مصر لاتعترف الا بالمصالح الخاصة
وان ابن الظابط لابد ان يكون ظابط وان البقاء للاقوى
.................................................. ..........................
فى النهاية
هل تعتقد حقا ان مصر هى امك ؟
فنكوشه المنكوشه 13-08-2008, 01:16 PM عادي يا اسلام انتا لما بتلاقي بلد بتديك فرصتك وبتوفرلك كل سبل الراحه
وحكومتها نظيفه :dغصب عنك هتحبها
انما لما تلاقي بلد مستقبلك فيها ضايع ضايع الا اذا خدتها بالدراع ايه اللي يخليك تحبها
كان ايام زمان فيه فساد برضه بس كانت الناس بتحب وطنها لانه كان محتل زي مثلا لما يكون واحد له اخ فاسد بس حد جه ضربه حتي لو كنت زعلان منه لازم تحميه :)ولسه فيه ناس بتحب مصر بس مسيطر الياس عليها مش اكتر
Dr.ahmed91 13-08-2008, 01:18 PM انا لا اعتقد ان مصر هي امي لان امي واقفه في المطبخ بتعمل بذنجان
pureheart 13-08-2008, 01:21 PM طبعاً مصر هى ام لكل المصريين
والعيب مش فى البلد العيب فى اللى مسكين البلد
و دة ميخلش البلد وحشة بعدين طول ما فى ناس بتكرة البلد مش حيقدروا يفيدوا نفسهم
و لو كل الشباب بيفكر زى ما انت كتبت يبقى البلد حتفسد اكتر ما هى فاسدة
اكيد كل مكان فى سلبيات و ايجابيات و فى مصر السلبيات اكتر بس احنا اللى وصلنها لكدة
بكتر حاجات كتير
زى الخلفة الامية قلة الادب
gamal saber 13-08-2008, 01:29 PM والله يا اسلام انت جيت على الجرح
محدش دلوقتى عندة ادنى شعور بالانتماء الا للقمة العيش
انما تقلى مصر ومش مصر والحوارات دى هيبقى لاحياة لمن تنادى
لاكن على فكرة حب مصر موجود فى قلب كل مصرى
لاكن مشاكل الحياة طغت علية
ودليل كدة لما الواحد ييجى يسافر برة مصر
مع انة عارف انة راجع تانى بعد اسبوع على الاكتر
لاكن بردو بيبقى حاسس بالحزن لانة هيسيب بلدة
الى عاش فيها طول عمرة والى بقت جزء من كيانة
بغض النظر عن ان الحياة فيها يعنى........
زى الفل وكلة تمام
KHALOOOD 13-08-2008, 01:31 PM اولا يا مان انت غلطت فى احد الشعارات
اسمه
اقسم بالله لو لم اكن اهلاويا لوددت ان اكون اهلاويا
مصر مين ياعم الحج الاهلى احسن اوعى تكون زملكاوى :p
ندخل بقى فى موضوعك
بينى وبينك انا هقول حاجه مش هيتفق معايا فيها الكثيرون
فى شغل يا مان كتير بس الشباب هيا اللى مش بتدور والله
يعنى ابسط امثله هقولهالك
انا عمرى ما اشتغلت ولما قولت يا شغل وحاولت ادور
والله لقيت اكتر من شغلانه وفى اماكن كويسه واسعار كويسه كمان
مثال تانى عشان انت بتتكلم عن المهندسين وانا مهندس زى مانت عارف
احنا دلوقتى عندنا اكبر شركه كهرباء فى الشرق الاوسط هو لسه مش اكتمل بناءها
بس مش هتصدقنى لو قلتلك بتشحت مهندسين والله
بس مش لاقيه تصدق بقى يبقى كدا فيه برده بطاله
طبعا انا مراعى انى بتكلم عن منطقه واحده بس دا اللى اعرفها
اكيد فى المناطق التانيه برده فى فرص
بس الشباب مش عايزه الشاب عايز يشتغل وزير رئيس مجلس اداره
شايف انه لو اشتغل ومسح اطباق فى مطعم يبقى عيب
The_Relativistic200 13-08-2008, 01:48 PM والله انا شايف ان مصر حلوة اوى
بس ربنا سلط عليها كام واحد كده ظالم
وكام واحد حمار
وكام واحد متخلف
هم اللى بوظوا الدنيا
عشان الللامبالاة اللى احنا فيها
و كسوفنا من الدين واهله
انما هى فترة وهتعدى:):)
وهيرجع محسن ممتاز ويقول ( مصر محتاجاك يا خالد)
وهقولله روح لماما
_GUIDE_ 13-08-2008, 02:05 PM كلنا مجمعين
العيب مش فى مصر وأن العيب فى اللى مسكين مصر
بس برضه لو جيت سالت واحد وقولته بتحب مصر هيقولك عادى
انما لو سألت واحد امريكى صينى اسرائليى من بلاد نم نم
وقولتله بتحب بلدك هيقولك طبعا
علشان بلدى دى موفره ليا المسكن والماكل والشغل والحياة بشكل عام
سعدتنى فى تعليمى لما خلصت كليتى اشتغلت
وحتى لو مش اشتغلت ليا مرتب شهرى من الدولة على بال ما اشتغل
لو جيت سفرت اى دولة معروف ان ليا وضعى واحترامى
انما بلدك احنا هنا فى مصر واللى حكمين مصر
كرهونا فى كلمة مصر لانهم مش محققين الحد الادنى من المستوى المعيشى للمواطن
حكومة جباية كل همها ازاى تشفط دم المواطن
لو حبيت تسافر بره ملكش دية
ولو حبيت تلجأ للسفارة ابسط حاجة هتقولهالك انتا ايه اللى جباك متروح
وبالنسبة لياك ياخالود KHALOOOD ايوه الشغل كتير بس مش فى تخصصك
ولو لقيت فى تخصصك مش هتاخد الحد الادنى من المرتب اللى كنت بتحلم بيه وكافح بئا 20 سنة
على بال ما تكون الشقة بتاعتك وعلى بال ما تجمع حقها هتكون سعرها ارتفع تانى
انتا عارف احنا بندور فى حلقة مفرغه
مفيش فائدة
_GUIDE_ 13-08-2008, 02:07 PM والله انا شايف ان مصر حلوة اوى
بس ربنا سلط عليها كام واحد كده ظالم
وكام واحد حمار
وكام واحد متخلف
هم اللى بوظوا الدنيا
عشان الللامبالاة اللى احنا فيها
و كسوفنا من الدين واهله
انما هى فترة وهتعدى:):)
وهيرجع محسن ممتاز ويقول ( مصر محتاجاك يا خالد)
وهقولله روح لماما
احنا ولله الحمد بنتكسف من نفسنا
واللى يتكسف من الحكومة ميخدتش منها خضار
عايز اشوفك يوم 20 :)
bosy .. mostafa 13-08-2008, 02:26 PM بسم الله الرحمن الرحيم
مصر مش امي .. مصر كانت امي و دلوقتي بقيت يتيمه لإن الحكومه الأموره (النظيفه) اغتالتها
الواحد بيتصدم بالواقع
عشان ابقى دكتوره و احقق حلمي منذ الطفوله لازم اجيب عالأقل 99.9% عشان ابقى دكتوره
و لما ادخل كلية الطب (ده لو دخلتها) لازم اقضيها دروس عشان اجيب امتيازات و التكليف ييجي في مدينتي
و اللي يدخل هندسه الدكاتره مجانين و بيعقدوه و كل واحد بيقول اللي على مزاجه عشان زميله ده سافر المانيا و احسن منه و كله بييجي على دماغ الطالب المسكين
و اللي يدخل تربيه او اداب او تجاره(جراج الثانويه العامه) يبقى (ياااااي ايه ده , فاشل اوي , ده وحش خالص تؤتؤتؤتؤ)
و لو طلع فيها معيد (يااااي ايه ده , عايز يثبت نفسه ولا ايه , هو فاشل طول عمره تؤتؤتؤتؤ ايه ده )
و لو اتخرج لازم 100% مش هيلاقي شغل فتلاقي الناس (هو اللي فاشل , حد قاله ميذاكرش في ثانويه عامه , جتكم البلى مليتوا البلد)
شكراً يا جايد للموضوع ده
Sharp Nails 13-08-2008, 02:38 PM فى النهاية
هل تعتقد حقا ان مصر هى امك ؟
امى وابويا واهلى كلهم
الى مجربش يخرج براها ويتغرب
يبقى مش عارف يعنى اية مصر
لما تخرج برة مصر لمدة يوم واحد هتحس يعنى اية مصر
وتتمنى ترجعلها بكل مافيها من حلو ووحش
العيب فعلا مش فالبلد العيب فالحكام والمسئولين
مصر فيها خير كتير جداا
فيها مناجم ذهب وفضة متتعدش
فيها عيون وابار لو اتحفرت تزرع الصحرا كلها
فيها ايدى عاملة لو استغلوها هنكون من اقوى البلاد
بس للاسف مصر حظها وحش جداا فى حكماها
واحنا مش بايدنا حاجة نعملها غير
اننا ندعى عليهم او ندعلهم ربنا يهديهم
بس والله لو يفكروا ولو للحظة واحدة فالاية دية
((وقفوهم انهم مسئولون ))
المسئول لية حساب تانى غير الكل
هيتحاسب عن الوزرا الى عينهم
هيتحاسب عن الحكومة الى اسكة البلد
هيتحاسب عن اطفال الشوارع
هيتحاسب عن المرضى الى فالمستشفيات ومش لاقين الى ينجدهم
هيتحاسب عن كل قشاية فالبلد
والله الواحد خايفله سلف
ربنا يهدى
بنوته مسلمه 13-08-2008, 03:06 PM انا مش ليا نفس بجد ارد علي اي موضوع
في المنتدي
بس نبعد عن السلبيه شويه واقولك انه موضوع مهم يا اسلام
وانا رايي من راي خالد
البلد كويسه وفيها حاجات كانت كتيره كويسه
بس طبعا الناس اللي مسؤلينسواء حاكم
او وزراء او غيرهم
ضيعوا منها وبيضيعوا لسه
واحنا مش هاقولك مش بنتكلم لا احنا بنتكلم كتير وكتير بس مع بعض
ومع نفسنا يعني مش له لازمه لاننا مش بنعمل حاجه غيره
وعموما هي كده ماما سوزان بتاعت المساوه
وماما مصر اللي بتضيع
ولا حول ولا قوه الا بالله
ربنا يقدر خير في ايامنا الجايه
nothing 13-08-2008, 03:19 PM بصراحه الواحد مش عارف يرد يقول ايه
علىالعموم مصر احسن بكتير من غيرها
ايوة مصر امى بس ده كان زمان لما كانوا حكامنا بيخافوا ربنا وبيعملوه لمصلحه الشعب
لكن دلوقتى يطحنوا فى المواطن ويقولوا لمصلحه الشعب لدرجه انهم مش ناقصين يبيعوا هدومه ويقولوا مصلحه المواطن المصرى
لكن هانقول ايه ونعيد ايه فعلا كلها شعارات فاشله لا بتودى ولا بتجيب
بس ارجع واقول حسبى الله ونعم الوكيل
_GUIDE_ 13-08-2008, 04:22 PM امى وابويا واهلى كلهم
الى مجربش يخرج براها ويتغرب
يبقى مش عارف يعنى اية مصر
لما تخرج برة مصر لمدة يوم واحد هتحس يعنى اية مصر
وتتمنى ترجعلها بكل مافيها من حلو ووحش
كان ممكن تختمى كلامك يانسمة
باغنية مشربتش من نيلها
انا مش ليا نفس بجد ارد علي اي موضوع
في المنتدي
بس نبعد عن السلبيه شويه واقولك انه موضوع مهم يا اسلام
وانا رايي من راي خالد
البلد كويسه وفيها حاجات كانت كتيره كويسه
بس طبعا الناس اللي مسؤلينسواء حاكم
او وزراء او غيرهم
ضيعوا منها وبيضيعوا لسه
واحنا مش هاقولك مش بنتكلم لا احنا بنتكلم كتير وكتير بس مع بعض
ومع نفسنا يعني مش له لازمه لاننا مش بنعمل حاجه غيره
وعموما هي كده ماما سوزان بتاعت المساوه
وماما مصر اللي بتضيع
ولا حول ولا قوه الا بالله
ربنا يقدر خير في ايامنا الجايامين يارب بس انتى عارفه العيب برضه فينا احنا
بصراحه الواحد مش عارف يرد يقول ايه
علىالعموم مصر احسن بكتير من غيرها
ايوة مصر امى بس ده كان زمان لما كانوا حكامنا بيخافوا ربنا وبيعملوه لمصلحه الشعب
لكن دلوقتى يطحنوا فى المواطن ويقولوا لمصلحه الشعب لدرجه انهم مش ناقصين يبيعوا هدومه ويقولوا مصلحه المواطن المصرى
لكن هانقول ايه ونعيد ايه فعلا كلها شعارات فاشله لا بتودى ولا بتجيب
بس ارجع واقول حسبى الله ونعم الوكيلحكامنا
عمتا حكامنا ديما عملين زى القرع بيمده لبرة
بس برضه كان الله فى عونهم
بيحكمه 24 ساعة فى اليوم
الحكم الداولى بيحكم 90 دقيقة بس
شوفتى الفرق
bo$y (http://www.thanwya.com/vb/member.php?u=54437)
انتى طلعتى متعقده اكتر منى :D
Cray_Bird91 13-08-2008, 05:04 PM بصراحة مش عارفة ارد على السؤال
بس كل اللى حقدر اجاوبه
ان مصر فعلا هى امى بس للاسف فى شوية ناس عاوزة تتشال وملهاش لازمة
وحاجات كتير بايظة فى مصر
لو اتصلحت حتبقى احسن دولة فى العالم والدليل على كدة ايام محمد على
كنا احسن دولة فى العالم
بس لو نفوق شوية
شكرا على طرحك للموضوع
Hamset_Etab 13-08-2008, 05:43 PM بصراحه الموضوع جميل جدا
وانا بقا هقولها بصراحه انا نفسى اطلع من البلادى بلد ماشيه بالفلوس والنفاق والكدب
واحد جارى دخل طب بـ80% يا بلاش ماهى ماشيه بالكوسه والفلوس
يا عم انتا لو سالت المغنين الى بيغنوا لمصر عن الكلام الى بيغنوا هيقولوا لازم الواحد ينوع من اغانيه مش اكتر ;)
نانسى غنت لمصر مش لجمالها لا عشان مصر فيها اكبر عدد من الهبل قصدى المشجعين
مصر دى ادتنا ايه ميه ملوثه ماشى عيش مفيش فلوس مسمعتش عنها قبل كدا يا اسلام متقلبش المواجع وقول يا باسط
_GUIDE_ 13-08-2008, 06:28 PM بصراحه الموضوع جميل جدا
وانا بقا هقولها بصراحه انا نفسى اطلع من البلادى بلد ماشيه بالفلوس والنفاق والكدب
واحد جارى دخل طب بـ80% يا بلاش ماهى ماشيه بالكوسه والفلوس
يا عم انتا لو سالت المغنين الى بيغنوا لمصر عن الكلام الى بيغنوا هيقولوا لازم الواحد ينوع من اغانيه مش اكتر ;)
نانسى غنت لمصر مش لجمالها لا عشان مصر فيها اكبر عدد من الهبل قصدى المشجعين
مصر دى ادتنا ايه ميه ملوثه ماشى عيش مفيش فلوس مسمعتش عنها قبل كدا يا اسلام متقلبش المواجع وقول يا باسط
حاضر
يا باسط:D
الرهينه 13-08-2008, 09:17 PM بلادى بلادى لكى حبى وفؤادى
حب ايه اللى انت جاى تقول عليه .. انت عارف ابله معنى الحب ايه
الحب اخد وعطاء مصر بقت تاخد بس ما بتديش
لكل فعل رد فعل مساوى له فى المقدار ومضاد له فى الاتجاه .. هو ده اللى بيحصل دلوقتى وخلى بالك اوى من مضاد له فى الاتجاه دى
بس رغم كده بحبها يا ابيه :)
_GUIDE_ 13-08-2008, 09:20 PM حب ايه اللى انت جاى تقول عليه .. انت عارف ابله معنى الحب ايه
الحب اخد وعطاء مصر بقت تاخد بس ما بتديش
لكل فعل رد فعل مساوى له فى المقدار ومضاد له فى الاتجاه .. هو ده اللى بيحصل دلوقتى وخلى بالك اوى من مضاد له فى الاتجاه دى
بس رغم كده بحبها يا ابيه :)
عجبنى ردك اوى
لكل فعل رد فعل معاكى حق
ومن عين ابيه هجوزهلك
بس لما تكبرى :D
دودو دلوعة اليكس 13-08-2008, 09:43 PM بصراحة الموضوع دة حلو فعلا بس زى ما قلت ان دى شعارات فى زمننا الحالى على فكرة انا بحب مصر بجد والله بحبها وبحس انى مش ممكن اعيش فى بلد غيرها بس بصراحة بعد اللى حصل السنة دى فى الامتحانات خلانى اكره فيها كل حاجة انا كنت علمى رياضة وكنت حموت على هندسة وفى الاخر دخلت ايه !تجارة !!!!يمكن تكون مشكلتى دى صغيرة بالنسبة لمشاكل الشعب بس ع الاقل دى المشكلة اللى انا عشتها وتعبت منها والله انا ما كنتش عايزة ادخل هندسة علشانى انا مش فرقا معليا ادخل اى كلية بس كان نفسى افرح ماما وبابا وبصراحة انا كان نفسى اكون حاجة مهمة فى البلد والله كان نفسى اعمل حاجة للمجتمع مش ليا بس بعد اللى حصل لى فى الامتحانات انا كرهت البلد ونفسى اخلص الكلية واسافر وبعدين البلد على ايام السادات وعبد الناصر عمرها ما كانت كدة وبعدين انت عايزنا ازاى نحب البلد هو الشباب لاقى شغل ولا الاسعار فى متناول ايدى الناس ولا ايه اللى كويس فى البلد دى البلد دى لو ملكش وسطة فيها يبقى مش حتعيش عيشة كويسة .....سورى طولت عليكم بس الموضوع حلو وانا كدة اعتبر ما اتكلمتش لان الموضوع كبير بس يلله خيرها فى غيرها وعسى ان تكون التجارة كويسة بس انت قلبت عليا المواجع يا جايد فى اللى حصل لى فى الامتحانات يلله كفاية كدة بيييييييييييييييس
_GUIDE_ 14-08-2008, 11:41 AM بصراحة الموضوع دة حلو فعلا بس زى ما قلت ان دى شعارات فى زمننا الحالى على فكرة انا بحب مصر بجد والله بحبها وبحس انى مش ممكن اعيش فى بلد غيرها بس بصراحة بعد اللى حصل السنة دى فى الامتحانات خلانى اكره فيها كل حاجة انا كنت علمى رياضة وكنت حموت على هندسة وفى الاخر دخلت ايه !تجارة !!!!يمكن تكون مشكلتى دى صغيرة بالنسبة لمشاكل الشعب بس ع الاقل دى المشكلة اللى انا عشتها وتعبت منها والله انا ما كنتش عايزة ادخل هندسة علشانى انا مش فرقا معليا ادخل اى كلية بس كان نفسى افرح ماما وبابا وبصراحة انا كان نفسى اكون حاجة مهمة فى البلد والله كان نفسى اعمل حاجة للمجتمع مش ليا بس بعد اللى حصل لى فى الامتحانات انا كرهت البلد ونفسى اخلص الكلية واسافر وبعدين البلد على ايام السادات وعبد الناصر عمرها ما كانت كدة وبعدين انت عايزنا ازاى نحب البلد هو الشباب لاقى شغل ولا الاسعار فى متناول ايدى الناس ولا ايه اللى كويس فى البلد دى البلد دى لو ملكش وسطة فيها يبقى مش حتعيش عيشة كويسة .....سورى طولت عليكم بس الموضوع حلو وانا كدة اعتبر ما اتكلمتش لان الموضوع كبير بس يلله خيرها فى غيرها وعسى ان تكون التجارة كويسة بس انت قلبت عليا المواجع يا جايد فى اللى حصل لى فى الامتحانات يلله كفاية كدة بيييييييييييييييس
المشكلة وحده
مشكلة التعليم والقائمين عليها واللى بيعتبره جزء من منظومة الدولة
معلش تجارة تجارة
التجارة مش وحشه اوى دى حتى التجارة شطارة:D
لاء مش امى
لان الام بتحب اولادها
وهى مش بتحبنى
:mad:
كفاية بقى
_GUIDE_ 14-08-2008, 12:45 PM لاء مش امى
لان الام بتحب اولادها
وهى مش بتحبنى
:mad:
كفاية بقى
كفاية ايه :D
البنت مالها :o
احمد رضا 14-08-2008, 02:49 PM وان ابن الظابط لابد ان يكون ظابط وان البقاء للاقوى
وابن الصحفي يخش نقابه الصحفيين والإعلاميين ببلاش عادى بردو
:D
كنت بتغدي فيها اول امبارح انا والباشا
:rolleyes:
وعلي فكرة انا عمري ما قولت شعار واحد من اللي قولتهم دول
يمكن لظروف عيشتي وتنقلي من صغري
يعني احنا مقعدناش في بيت واحد اكتر من سنتين تلاته
فبقي عندي نوع من عدم الانتماء
وبعدين الانتماء يبقي للحاجة العدله ياعم اسلام
بقولك ايه لو حد دخل معايا في مناقشه مش رادد
اصل بتجيلي حموضه من الكلام في الموضوع ده بالذات
_GUIDE_ 14-08-2008, 03:54 PM وابن الصحفي يخش نقابه الصحفيين والإعلاميين ببلاش عادى بردو
:D
كنت بتغدي فيها اول امبارح انا والباشا
:rolleyes:
وعلي فكرة انا عمري ما قولت شعار واحد من اللي قولتهم دول
يمكن لظروف عيشتي وتنقلي من صغري
يعني احنا مقعدناش في بيت واحد اكتر من سنتين تلاته
فبقي عندي نوع من عدم الانتماء
وبعدين الانتماء يبقي للحاجة العدله ياعم اسلام
بقولك ايه لو حد دخل معايا في مناقشه مش رادد
اصل بتجيلي حموضه من الكلام في الموضوع ده بالذات
على فكرة الانتماء موجود
بس ظاهرى
يعنى مثلا فى الاول كان يقولك تحب مصر ولا امك وابوك
كان على طول مصر وضحى بحياتى علشانها
انما حاليا لو قولت لواحد مصر ولا امك وابوك
يقولك انعل ابو مصر هى يعنى عملت لينا ايه
شوفت الفرق بين مصر القديمة ومصر الجديدة:D
سيبك انتا اتغديته ايه :rolleyes:
محترف الأدسنس 14-08-2008, 04:25 PM مصـــــــــــــــــــــــر؟
اجمل كلمة سمعتها ووعيتها حاولت اعيش بعيدا عنها فما استطعت
بلدي لو جعلو الجنة خارجكي لما كانت جنة
بلدي أنتي ولو كانت المدافع تدك والصواريخ تنطلق فأنتي اجمل هدوء
بلدي رغم ان اهلك مجرمين فأنا احب اهلك كما هم
بلدي رغم ان كل من يعيش على ارضك لا يستحقك لكنني احبهم كما هم
اريدهم ظالمين مجرمين واريد ان اعيش بينهم شريفا
حتى اشعر بقيمتك لابد ان اتمرغ في عذابك
فلتضعي هذه القبلة الخفيفة على صفحات تاريخك
احبك احبك احبك يامصـــــــــــــــــــــــــــــــر
_GUIDE_ 14-08-2008, 06:18 PM مصـــــــــــــــــــــــر؟
اجمل كلمة سمعتها ووعيتها حاولت اعيش بعيدا عنها فما استطعت
بلدي لو جعلو الجنة خارجكي لما كانت جنة
بلدي أنتي ولو كانت المدافع تدك والصواريخ تنطلق فأنتي اجمل هدوء
بلدي رغم ان اهلك مجرمين فأنا احب اهلك كما هم
بلدي رغم ان كل من يعيش على ارضك لا يستحقك لكنني احبهم كما هم
اريدهم ظالمين مجرمين واريد ان اعيش بينهم شريفا
حتى اشعر بقيمتك لابد ان اتمرغ في عذابك
فلتضعي هذه القبلة الخفيفة على صفحات تاريخك
احبك احبك احبك يامصـــــــــــــــــــــــــــــــر
يابنى هو احنا قولنلك اننا اعداء مصر
بس تقريبا انتا مش عايش فى مصر
واو مش حاسس بهموم شعب مصر
اقتباس
هند صبرى ........ عمارة يعقوبيان
مصر بقيت قاسية اوى على ولادها
ولو انتا شايف غير كده
يبئا كل يغنى على ليلى:rolleyes:
|