مشاهدة النسخة كاملة : نطلب من الباب العالى الغاء الكادر من الافضل لينا كلنا


harbic
13-08-2008, 07:03 PM
قبل ماتتكلم عن امتحانات الكادر للمعلمين هذا الشهر روح وشوف حمامات المدارس الناقلة للاوبئة شوف حمامات المدارس والخراطيم ان كان فيها خراطيم كل العيال بيشخوا عليها يعنى لو عيل واحد عنده فيروس الله يعوض فى المدرسة كلها ولا الميه اللى عيال الشعب بيشربوها من حنفيات نحاس مجنزرة واظاهر ان الوزير ده شاطر بس فى زحلقه الكل والضحك على الجميع بتطوير التعليم ومايعرفش حاجه اسمها صابون بحمامات المدارس او اماكن لشرب المياة النظيفه قبل مايتكلم عن تطوير وتدمير التعليم يروح الاول يهتم بامكن شرب ولادنا ولا عيالنا بالتعليم العام عيال البطة السوداء مش مهم كلهم يشخوا مكان بعض بحمام لايصلح للبهائم الوزير طبعا بيفرشوا له رمل وزهور ويضحكوا عليه وعلى اتخن منه مش مديرى المدارس دبلومات فنيه بالاقدمية لازم يزحلقوة المهم ان الملعب يكون متخطط زى الحمار الوحشى والسجلات المزورة سليمه والعهدة سليمه العهدة المزورة اللى بيضحك بيها على من هو اكبر منه
يكفى فقط كميه الامراض التى ينقلوها الى اولادنا بالتعليم العام
وكميه الاؤبئه من حمامات المدارس طبعا ماهو عندنا بمصر الحرافيش والعبيد عيالهم بالتعليم العام
والصفوة بالتعليم الخاص
ميه مخصوصه للشرب انما احنا نشخ على بعض
علشان نعجبهم ويجى الوزير اللى بيرسم الضحك كلهم شويه كدابين زفه

مش كل واحد بيعين قريبه بمنصب هو الكلب بيعض بودن اخوة علشان كده مافيش حاجه ماشيه صح المهم ان اى واحد يتكلم يبقى كداب وله هدف
المهم انهم وقرايبهم باماكم مهمه بالبلد
ومش مهم الصحه العامه المهم تحيه العلم
مش مهم مياه الشرب المهم السجلات
مش مهم وقت المدرس المهم النتيجه
وزارة الكدب العلنى
المهم ان الباب العالى يكون مبسوط
تطوير تعليم ازاى وخرطوم الحمام والكوز على الارض ايوة الكوز حتى بحمامات اللجنه الطبية العامه بالمنوفيه
الكل مقفل عينيه
لاكن لكم يوم حساب كل من شاهد
وكذب بتقريرة
مش مهم مياة شرب نظيفه لعيالنا
يتم معاملة اولادنا معاملة قطيع الغنم الكل بيصرف له علاج موحد
ماهى الحكومة عارفه امراضنا
ماهو الوزير عارف ومطلع على حالنا
ماهو الوزير بيجى يقف معانا بطابور التامين الصحى وبياخد علاج تراب
ماهو الوزير بيشترى علاج على حسابه
روح ياوزير منك لله انته والاكبر والاصغر منك ربنا شاهد ومطلع عليكم
عليكم من الله ماتستحقون فى دولة تضيع بها الحقوق
الرأى العام بيطلب أقالة الجمل والغاء الكادر

انا عاوز أعرف ماهو السر وراء أصرار الحكومة على التمسك بوزير التعليم
أظاهر الحكومة عاجبها ماحدث بامتحانات الثانوية
لماذا لايوجد عندنا قانون محاكمة الوزراء مثل جميع دول العالم

نطالب أن يدخل وزير التعليم امتحان الكادر قبلنا

ياوزير التعليم لانثق بك او بأى تطوير بعد مافعلته بالكادر وبالثانوية العامة

غضب برلماني لاستمرار الجمل في منصبه

بدء الاختبارات الخاصة بكادر المعلمين أواخر أغسطس

لا لوزير الكوارث ولا للمرحلة الثانية من كادر المعلم
لا لاختبارات المرحلة التانية من كادر المعلمين
نرفض كادر الذل والمهانة


لييه الوزير واللى حوالية مش عاوزين يعرفوا ان هناك فرق بين النظرية والتطبيق وأن المعلم انتقل من دراسته لنظريات التربية الى التطبيق على ارض الواقع بما يتناسب مع الواقع المصرى ومع ماهو متاح بالبيئة الفعلية وليس بالبيئة التخيلية التى ينقلها اداريين غير متخصصيين

ليه الاصرار على مدح مايقوم به الوزير ولماذا لايحاكم برلمانيا ولا علشان كلكم اولادكم بمدارس خاصة
ارحموا المدرسين مش كده

ماهو الداعى للتمسك به لماذا لاتتم اقالتة فورا ولا الحكومة كلها خايفة انها تهتز صورتها طيب مانتو بالاسلوب ده بتجعلوا الرأى العام ضدكم

عاوزيين نعرف مين اللى ممشى البلد مين اللى بيحاسب ولا احنا نتبع سياسة الفرد الواحد هو اللى يقرر ويشيل ربنا أكبر منكم جميعا قادر على كل شىء حرام عليكم ازاى هيمتحن العدد ده كله شوفوا الامتحانات اللى هو حاططها هى نظريات درست بكليات التربية وانتقل المعلمين للتطبيق اهم حاجه وانتم بعيدين عنها انكم لم تحققوا الجانب الاقتصادى المادى وانتى ياحكومة واحد واحد لازم تعرفوا ان المعلم نتاج بيئته نتاج مايحصل بالمجتمع ككل

مين اللى ممشينا وممشى البلد
مش معقول كده
تاركين الحبل على الغارب
عاوزين نعرف مين بالبلد اللى يقدر يشيل وزير زى وزير التربية والتعليم
ومين اللى مصر على ابقائه رغم تذمرنا منه ومن سياساته
أنتم والله أعلم أصبحت لديكم قناعه اننا شرابه خرج لانتحرك ولانتذمر
وان لديكم من الوسائل ماهو كفيل باسكات مجتمع المدرسين عارفيين انكم تتقنون سياسه القبض والافراج والخطابات العلية والفرمانات التى تصدر من الباب العالى عاوزين نعرف الباب العالى يروحوا له منين علشان الغاء الكادر وهل تم امتحان الاطباء والمهندسين ولا علشان هما لييهم نقابه قويه ومجتمع متحرك مش زى المدرسين

لنا مطلب واحد وطبعا من الباب العالى مش من شلة كدابين الزفه المستفيدين من وجودة

اقالة وزير التعليم
الغاء الكادر
اذ يعتبر سبه بجبين المعلمين
طيب نجيب استاذنا بتاع الكتاب زمان العبقرى علشان يمتحنه وزير التعليم
بالكادر
مش عارفين الناس دى بتنفذ كلام مين
اظاهر ان عندهم فرمان بتطفيش وتطليع روح عباد الله
واشغال عقول الناس والمدرسيين بالامتحانات من كل شكل ولون
احنا بمصر اصبحنا لانعرف مين اللى ممشينا علشان كل واحد بيطلع يطرقع لنا ويحتمى بقوانين هما اللى حاطينها

طرقعوا كمان وكمان
ماحنا سمعتنا الان بالحضيض
وانتم كملتوا على الباقى
مفروض دراسه كل قرار على المدى البعيد

محمدمصطفى مصطفى
13-08-2008, 08:32 PM
أشكرك على الكلام الموزون الذى يضارع الذهب فى نفاسته , قطاع كبير من المعلمين يتمنون ذبح الجمل وليس إقالة الجمل , قطاع
كبير من المعلمين مصابون بالذهول لما يحدث لهم وهذا تفسيرى لحالة الاستكانة التى تنتاب معظمهم و حتى لو تذمرنا ماذا يحدث
انت تعلم جيدا لن يحدث شئ ( أستطيع ان اقول: لك أستاذى العزيز إن الحالة المزرية التى وصل إليها المعلم اليوم ( فى عهد الجمل)
ليس بسبب ضعف النقابة بل بسبب عدم وجود نقابة نهائيا فالنقابة قد توفيت ورحمة الله تعالى عليها

harbic
13-08-2008, 10:16 PM
لافض فوك
هذا الوزير كما تعود جميع وزراء مصر اننا نرضى بما يقوولون وكانما يوحى اليهم من السماء وهناك من المستشارين من يزينون لهم انهم هم الاله لاعظم الذى لاتجوز مناقشته لانهم من دولة بوليسيه ديكتاتورية
العيب فى من اجرى التحريات وقام باختيارة لماذا تم اختيارة هل عن خبرة ام ان له اقارب ومعارف يقدموة
يزينون الباطل وطالما ان هناك وزير يعمل ضد مصلحه الشعب والطلبه لماذا لاتتم اقالته اذا كلامنا صحيح من انه مسنود ومهما يفعل بنا لن تتم اقالته لان مصر لاتجرؤا على اقاله موظفيها المسنودين الذين يلعبون بالشعب ويهددوة دى حاجات مش محتاجه دكاترة جامعه كل العالم ينظر الينا على اننا فشله ومتخلفين ودولة من العالم التالت دولة فى افريقيا لكن هناك من يزين لهم اننا احسن من امريكا علشان العمولات والاهواء وحب السلطة
مش مهم الشعب مش مهم المدرسين
والذلى لايعلمه السيد الوزير ان كل من يتم اختياره من كبار الموظفين المرضى عنهم علشان المصلحه العامه

نريد وزراء مطحونين من بيننا بيعوا عربيات الوزارة وخلوهم يركبوا ميكروباص وفصول مكسرة الزجاج واثاث مدرسى منتهى تخيل يامعالى الوزير انه لايوجد مكان للمدرسين للجلوس فيه انتهه بتتكلم فى ايه

السندباد المصري
14-08-2008, 12:10 AM
ايه الكلام الكبير ده

harbic
14-08-2008, 01:24 AM
العادات السيئة بوزارة التربية والتعليم التى تهدد تطوير التعليم منذ القدم
دأبت وزارة التربية والتعليم وجميع مسئؤليها على تزييف الواقع التعليمى الفعلى امام الرأى العام وامام القيادة السياسية معتمده على سلسله اكاذيب تروج من خلال الاعلام الفاشل ومن خلال الاستخدام السىء لاموال الشعب ممايعتبر تهديدا للصحة العامة وتخريج اجيال مريضة والتسويق للافكار الغربية المريضه بدون ان يكون لديه ارضيه لذلك ويستمر المسئؤلين من مدير ادارة تعليمية حتى الوزير الى تحصيل اكبر نسبه من البدلات ونهب اموال الشعب من قبل اداريين معينين
ويمكن تلخيص تلك العادات السيئة الظاهرة للجميع ولايمكن ان يتم اخفاؤها
بل هى حقائق دامغة لايمكن اخفاؤها عن الجميع لكن هذا هو الاعلام المزيف الذى دأب على الكذب
والا فأن الدولة تميز فى ماتقوم به من تخطيط تخطيط للقرى والنجوع وتخطيط للمدن الكبيرة من اموال الشعب اى انه نهب منظم لاموالنا لصالح المدن كل منطقه اولى بالتنمية من اموالها
اذا ليس من المعقول ان نسمح لمجموعه من الاداريين بتزييف الحقيقة وتزوير ارادة الامه
واللى عاوز تطوير يبدأ
1-
استعمال الطباشير الجيرى والسبورة السوداء والاصرار على استخدامها على الرغم من مخاطرها المستمرة على الصحة العامه وتخريج جيل مريض صحيا رغم التحذيرات الطبية ويمكن الاطلاع على مدارس القرى التى تؤدى لخروج جيل مريض بكل شىء

الدنيا الان على الاقل تستخدم السبورة البيضاء حفاظا على صحة التلاميذ والمدرس الذى لايكفى مرتب السخرة الذى يصرف له بشراء الادوية لعلاج الامراض المزمنه وهذا يؤدى الى تخريج جيل مريض صحيا من التعليم العام من اولاد محدودى الدخل ويمكن زيارة القرى ومشاهدة ذلك انما هو واقع اليم من اجل صرف مكافات وبدلات وشراء سيارات ومكيفات للموظفين الحلوين والمديريات التعليمية تدخل مكاتبهم لاتصدق انه يوجد بالقرى معظم المدارس بهذه الطريقه احنا الكدابين وانتم الصادقين انزلوا وشوفوها ان كنتم عاوزين تطوروا التعليم للاحسن ان كنتم صادقى النيه ولاتضحكون كعادتكم علينا وعلى الشعب المقهور الذى لايستطيع ارسال اولاده الى التعليم الخاص لينجو من كذبكم المستمر وتطويركم الوهمى وخططكم لصالحكم وتنميه جيوبكم

2-

دورات مياه بالمدارس لاتصلح حتى للغنم وناقله للامراض والاؤبئة وتهدر الصحة العامه ويكلف الناس فوق طاقتها والقاعدة الاولى تلقى الضوء على عدم الاهتمام بالصحة العامة بالمدارس ولكن الاهتمام الوهمى عن طريق الاعلام المزيف بتطوير التعليم التطوير الورقى لصالح جيوبهم او بالاحرى لصالح جيوب المجهولين وعلى الاقل مفروض تخصيص حصص مدرسيه وتعاون مدرسى اساسى مع المنزل والاهتمام بالصحة العامه وليس من خلال عقد ندوات مبتورة ناقصة يحضرها دكتور يهرب منها الجميع وانما تنميه المجتمع الصحيح تقتضى الاهتمام بمياة شرب نظيفة ودورات مياة نظيفه اهم شىء فى العملية التعليمية وبخاصه مع وجود نظام تأمين صحى فاشل منهوب لافائده منه لانه من فكر العهود المنهية

3-

الغاء قسم الشئؤن القانونية الفاشل من فكر الدولة البوليسية التى تسعى الى ارهاب المدرسيين اكثر من فائدتها


4-


مراجعه ان كنتم صادقين ولكنكم فاشلين لاتفعلون اى شىء
نعم انتم مجموعه من الفشله المعقدين نفسيا صحيح لو انتم جادين بتطوير التعليم انتم مجموعه من الكدابين ماهو التطوير واين قاعدة بيانات الوزارة الفاشلة التى ظهر فشلها مع وجود قاعده بيانات تحمل المدرس نتيجة خطأ الاداريين بادخال البيانات وانه تقع عليه مسئؤلية البيانات الخطأ بقاعده بيانات الوزارة بالله عليكم ماهو دخل المدرس بهذ الخطأ الذى ظهر من بيانات الكادر الفشل الحق الذى اريد به باطل لعدم وجود قاعدة بيانات حقيقية انما هى قاعده وهمية فاشله تحمل المدرس نتيجة خطأ الغير وشوفوا استمارات التقدم للكادر مكتوب عليه هذا الشرط الارهابى الذى هو نتيجة الفكر التعليمى الذى ادمن ارهاب موظفيه ومواطنيه
اذا كل موظف من امثالكم مسئؤل عن الارهاب الفكرى يقعد عند امه لامكان له بيننا اذ لابد من سياده الفكر التحاورى الذى يؤدى لخروج شخصية اجتماعية سويه بعيدة عن القلق
نعم شوفوا من المسئؤل عن وضع هذة العبارة باستمارة المرحلة الثانية من كادر المعلمين وقعدوة عند امه طالما انه نسى انه بوزارة التربية والتعليم مش بالشرطة او الجيش
وبخاصه ان الادارات التعليمية يتم ادارة قسم الحاسب بها من قبل هواة ليسوا متبحرين باى شىء الا الضحك علينا والاصرار على عقد دورات فى الرخصة الدوليه للكمبيوتر دورات فقط اذا ان وزارة التربيه والتعليم الغت دورها التعليمى وتسوق للشركات العالميه مين بيقبض العمولة
احنا مش مغفلين علشان تصروا على فشلكم وتحملونا نتيجة خطأكم انتم مش عارفين حاجه مالهاش لازمة انته عاوز المدرسين يتركوا عملهم يتركوا دورهم التربوى ويشاركوا بالنهب فى التسويق لميكروسوفت وانتل

4-


مراجعه عمل الاداريين بالادارات التعليمية ومديريات التربية والتعليم وانهم يقوموا بدورهم الفعلى من خدمه المعلم بدل من جهودهم لهدم المعلم واقصد توثيق جميع الاوراق يعنى بدل من القاء اوراق متحصلات المدرسين بالزباله واقصد اوراق النقابه والتامين والمعاشات والملفات
طالما ان نظام الكمبيوتر غير مطبق

5-


الغاء ان يكون مدير ووكيل المدرسة فقط يحمل شهادة دبلوم قديمه وانه اكتسب مكانه هذا بالاقدمية وهذا الى الان ماتسير عليه وزارة التربية والتعليم لدرجه انك تجد بعض الفاشلين دراسيا والبلد كلها تعرف انه حاصل على دبلوم يتولى مدير مدرسة اعدادية او وكيل مدرسة

وزارة فاشله تعرف الخطأ ولاتصححه نهائيا وهذا الخطأ ليس وليد اليوم وانما نتيجه سياسات فاشله سابقه نجنى ثمارها اليوم هل هذا يعرف شىء بنظريات التربية هذا يقول لكم على طول الخط نعم وموافقة لانه لايعرف شىء واعتقد هذا ماجعلكم تريدون عقد الكادر للتخلص منهم انقلوهم من التربية والتعليم وبخاصه ان لدينا منذ فترة زمنية كبيرة نفس التخصصات تتخرج من كليه التربية ويلقى بها الى الشارع

6-

التعليم هو نتيجه مايحدث بالمجتمع الاول اجعلوا كرامه المدرس فوقكم جميعا وشوفوا سينصلح حال البلد الى اقصى درجه انما تركتم وزير التعليم بمؤتمراته الوهميه التى يعقدها بالمكيفات تجعلكم ان هذا هو التطوير نعم هذا هو الفكر الذى يعتمد على الفكر المركزى البوليسى الذى يريد ان يساعد فى اكمال السيطرة الامنيه على الشعب صحيح مش مهم بالنسبه لكم لانكم انتم وكبار رجال البلد تعلموا اولادكم بالمدارس الخاصه خارج هذه البيئة المريضه

7-
فصول سيئة التهوية مغلقه وتستعمل المقشة لتنظيف الارضيه بشكل سىء منذ القدم واثاث مدرسى متهالك مع عهده مدرسيه لاتعرترف بالتبديد والاهلاك لصالح من

8-
الاصرار على استخدام دفتر الحضور والانصراف السىء اذا ان المدرسين الدول تخشى على المجتمع امنيا منهم وتتفنن فى جميع اشكال المتابعه ولقد ظهر هذا الفشل من الافراط باستخدام الاساليب الامنيه بالتعليم

9-

من لايرى العالم من حولنا فهو اهبل واريد ان انبه ان سكوت المدرسين عن مسأله كادر المعلمين والامتحانات التى ستعقد قريبا ليس عن ضعف وانما سيجنى المجتم اثارة السيئة على المدى الطويل لان المدرس شعر انه يعمل بالفراغ وان المجتمع كله وقف يتفرج عليه لذلك ستجنى الدولة وجميع مؤسساستها نتيجه عدم معاونة المدرس فى وقف هذه المهزلة لان المدرس بطبعه لازم يكون هادى غير متسرع لكنكم ستجنون الاثار السيئة لما يقوم به وزير التربية والتعليم ومن معه من قيادات التربية والتعليم


10-

المسئؤليين بوزارة التربية والتعليم وجميع مستشاريين الوزير ومعهم الوزير على راسهم لايعتقدون انهم يخطئؤن وانما هم ملائكة لابد ان يقول الجميع ورائهم امين