فى نشرة السابعة والنصف صباحًا ، قال المذيع :
« هنا القاهرة … نحن الآن فى انتظار مراسلنا الذي سيوافينا بتقرير مفصل عن حالة الممتحنين بلجان الثانوية العامة ، ومراسلنا فُقد فى ظروف غامضة .. لذا نحن الآن فى انتظار اتصال هاتفى منه يحدد موقعه » ، و يدق جرس الهاتف من مكان ما ..
فيقول المذيع : « آلو ؟ »
لا رد …
يكرر المذيع : « آلو ؟ »
لا رد أيضًا …
« آلوووو ! »
قالها المذيع فى نفاد صبر ، فجاءه واحد ابن حلال بسماعة الهاتف ، فقال المذيع بابتسامة لطيفة : « معذرة علي هذا الخطأ الفنى .. آلو ؟ »
ـ « أيوة يا حسام ، معاك » .
ـ « يا ريت يا سيد تنقلنا صورة حية من موقعك علي ماتوصلك كاميراتنا » .
ـ « أنا الآن فى شرفة منزل السيدة ( نفوسة الوزير ) المطلة علي مدرسة ( … ) الثانوية للبنين و للبنات كمان ، و قد تفضلت السيدة ( نفوسة ) ـ مشكورة ـ باستضافتى فى شرفتها ، حيث إن أولياء الأمور محتشدين حول المدرسة فى دائرة قطرها 5 كيلو متر منذ السادسة صباحًا » .
وبعد أن قال المراسل التلفزيونى اللامع ( سيد مراسيل ) كلمته ، دق جرس باب شقة السيدة نفوسة ، ودوت أصوات الزغاريد أعقبها صوت ( نفوسة ) يقول : « التلفزيون ؟ يا ألف مرحب .. داحنا زارنا النبي ! » وبعدها قال ( سيد ) : « لقد وصلتنا الآن سيداتى وسادتى كاميراتنا التى ستنقل لكم صورة حية من ساحة المعركة .. لا مؤاخذة .. قصدى ساحة الامتحان » ، و أخيرًا ظهرت صورة ( سيد ) على الشاشة وهو يقول :
ـ « لم يبدأ الامتحان بعد سيداتى و سادتى ، لذا سننزل لنجرى بعض الحوارات مع أولياء الأمور .. و نشكر السيدة ( نفوسة ) علي استضافتها لنا ، وعلى ساندوتش الكوسة الذى قدمته لى .. »
* * *
« كان أول ـ و آخر ـ لقاء لنا سيداتي و سادتي مع ولى و ولية أمر أحد الطلبة .. » .
ـ نتعرف بيكم ؟
ـ سعيد أبو سمسمة ، سعيدة أبو نمنمة .
ـ إيه كان شعور ابنك ليلة الامتحان ؟
ـ و الله الواد خرج مالصبح و رجع الساعة واحدة بالليل و اتعشى و نام .
ـ يعني ماكانش قلقان ؟
ـ خالص ، وقاللى يا حاج حط فى بطنك قرع عسل صيفى .
ـ و يا تري يا حاجة إيه آخر حاجة عملتيها لابنك قبل مايدخل الامتحان ؟

تابعونا فى الحلقة القادمة :lol: :P

جميله اوى يا استا> بورسعيدى

ياريت حضرتك متنساش تكتب الحلقه القادمه

حلوة اوى يا استاذ بورسعيدى

فى انتظار البقية.....

في انتظار التكملة

موضوع جميل اوي

وفيه حاجات كتير واقعيه

منتظرين البقيه يا استاذ بورسعيدي

we are waiting

هههههههههه ونشكر مدام نفوسه
جميله يا بورسعيدي

عظيم جدا يا أ\ بورسعيدى

شكرا لمتابعتكم ومشاركتكم الجميلة
واليكم الجزء التالى

[COLOR=red]و يا تري يا حاجة إيه آخر حاجة عملتيها لابنك قبل مايدخل الامتحان ؟

دعتله يا ضنايا ، واديتله ساندوتش مفتقة ياكله قبل مايخش الامتحان .
ـ يا سلام ؟ و اشمعنى مفتقة ؟ ليه مش ( بلوبيف ) ؟
ـ عشان النهاردة امتحان تاريخ ، و ساندوتش ( البلوبيف ) يوم امتحان العربى ..
* * *
« سيداتى سادتى ، لقد بدأ الامتحان ! و بعد أن نجحت كاميراتنا ( بوسائل خاصة جدًا ) فى التسلل لداخل إحدى لجان الامتحان ، سأعطي لسيادتكم فكرة عامة عما يحدث داخل اللجنة ..
طبعًا لا داعي لذكر أن ورق الأسئلة تأخر نصف ساعة ( فقط ) ، فهذا شيء طبيعى وجوهرى ، وإليكم بعض الأصوات ، والعبارات التى سمعت بعد توزيع الورق مباشرة :
ـ أخ ! نسيت البرشامة !
ـ أوبس ! هو احنا المفروض نجاوب على ده ؟
ـ يعععع ! ريحة الورقة ( فليت ) !
ـ يا نهار مدوحس ! ده امتحان التاريخ ! و أنا اللى كنت فاكر النهاردة امتحان جبر !
« و نترككم سيداتي و سادتي لتتابعوا بأنفسكم ما يحدث .. » .
ودخل رئيس اللجان بالمدرسة ، و بعد استعطاف ورجاء وتقبيل يد ورجل ورأس وخلافه .. تنازل الرجل و بدأ يقرأ ورقة الأسئلة ، لأن الخط لم يكن واضحًا ( قليلا ) .
« السؤال الأول : اختر الاجابة الصحيحة مما بين القوسين :
1 . متى ولد هتلر ؟ ( فى سنة 1802 ، فى سنة 1990 ، فى سنة سودة )
2 . أين نشأ زوج خالة بنت عم موسولينى ؟ ( فى البندقية ، فى الجوزية ، فى اللوزية )
3 . لماذا فشلت الحملة الفرنسية على مصر ؟ ( لأن الجو كان حارًّا و جنود فرنسا « ساحوا « فى الطريق ، لأن المصريين عملوا عمل للفرنسيين ، لأن النسوة المصريات رقعن بالصوت الحيانى فاعتقد الفرنسويون أننا نستعمل صواريخ ultra ـ sonic ففروا هاربين ) . »
« السؤال الثاني : من هو / هى ؟
1 . قائد عظيم استرد بيت المقدس ، مثل شخصيته ( أحمد مجهر ) فى فيلم من إخراج ( يوسف نادين ) ؟
2 . رئيس أمريكى قاد ( إحدى الدول ) فى حرب فيتنام ، و انهزمت تلك الدولة و ( خدت على قفاها ) من فيتنام ؟
3 . مناضلة جزائرية عظيمة وجعت قلب الفرنسيين حتى قصولها شعرهاÁ la garçon ؟ » .
« السؤال الثالث : لماذا ؟
1 . تخليت عني ؟ ! .. أ .. أقصد دخل الهكسوس مصر ولم يدخلوا الأردن ( مع أنها أقرب ) ؟
2 . قال هيرودوت مصر هبة النيل و لم يقل النيل هبة مصر ؟ »
« السؤال الرابع : ما النتائج المترتبة على :
1 . بناء السد العالي سنة 1960 ؟
2 . فشل حملة لويس التاسع وسجنه فى دار بن لقمان ؟ »
وبعد انتهاء السيد رئيس اللجان بالمدرسة من قراءة الورقة ، قال : « أظن مافيش أسهل من كده .. ربنا يصبركوا .. قصدى ربنا يوفقوا » ، و بعد رحيل الرجل ، بدأت مراقبتا اللجنة فى النظر لفتاة على مقربة منهما فى شك ، و همست إحداهما للأخرى فى خطورة : « تفتكرى دى حطة بارفان شانيل و لا فلور دى سوار ؟ » ، ثم بدأتا تتحدثان فى أمور مهمة مثل سعر الطرشى ، والطريقة المثلى ( للتفاهم ) مع الزوج دون اللجوء للقسم ، وكيفية تفادى غضب ( أبلة الناظرة ) عند الحضور متأخرة للعمل .. إلخ ، و نسيتا اللجنة تمامًا .
وهنا قال أحد الطلبة لآخر :
ـ وله يا ( فادى ) .
ـ إيه ؟
ـ السؤال التانى رقم 2 إجابته إيه ؟
ـ و دي عاوزة سؤال ؟ ( نلسون ماندِلا ) طبعًا يا غبى .
و قالت إحدى الطالبات للأخرى :
ـ و النبى يا ( عزة ) ياختى ، السؤال الثانى رقم 3 ، مين المحروسة دى ؟
ـ ماجدة طبعًا ، انتى ماشفتيش فيلم جميلة بوحريد ولا إيه ؟
ـ آه بس مين جميلة بوحريد دى ؟
ـ أكيد ده اسم بطلة الفيلم .
وهمست ( فايزة ) لزميلها ( جعيصة ) :
ـ ( جعيصة ) .. ( جعوصتى ) .. ( جعاصيصو ) .. إيه النتايج اللي اترتبت على بُنا السد العالى ؟
ـ أما حمارة صحيح ! طبعًا ظهور أغنية الكروان الأشقر ( عبد العليم ) : قلنا هانبنى ، وادحنا بنينا السد العالي .
وسأل ( منير ) زميله ( حسن ) عن إجابة السؤال الرابع رقم 2 ، فقال :
ـ إن الفرنسويين كانوا أول من رفع شعار : الطار الطار و لا العار .
وبدأت الأصوات تعلو داخل اللجنة ، حتى صاحت فيهم إحدى المراقبتين : « بشويش يا اخوانا ، اللى عايز حاجة من حد يطلبها بصوت واطى .. مش هانعرف نتكلم منكوا ولا إيه ؟ » ، و فجأة برز أحدهم من نافذة اللجنة متعلقًا بالماسورة المارة بجانبها ، و أعطى ورقة لأحد الطلبة و عاد لأدراجه ، فأخذ الطالب الورقة ، وصاح فرحًا : « ابسطو يا اخوانا ! ورقة الاجابات النموذجية جاتني من تحت ! » و على الفور وقف الفتى فى وسط اللجنة ـ بعد استئذان المراقبتين طبعًا ـ و أخذ يملى الإجابات على زملائه و زميلاته .
وبعد انتهاء الجميع من إجاباتهم ، شرعوا يتسلون بتملية اللجان المحيطة بهم الإجابات عن طريق النوافذ ، بعد أن صنعوا من ورقة الاجابات طائرة ورقية صغيرة ، وقال مراقبو اللجنة لبعضهم البعض ، وهم يتأملون المشهد فى إعجاب :

وطبعاً للمشهد بقية

دائما تشوقنا بتحفك

أسد عجوز
بس بجد أسد صح
أيه يا عم ده
أيه الروعة دي
الموضوع مثبت يا حبيبي

استاذ اشرف ؟
يا 1000 خطوة عزيزة
يا 1000 مرحبا
تشريفك لموضوعى
يزيدنى شرف
ويزيد الموضوع قيمة

أهلا بيك يا استاذ أشرف بس حضرتك قلت ان الوضوع مثبت وأنا شايف انه مش مثبت ولا حاجة

يا خسارة نسى
اى والله نسى

هو نسى بس انا مش ناسى

البركة فيكم بقى
هو نسي افتكروا انتوا

شكرا أستاذ بورسعيدي على الموضوع الجميل.

على فكرة ننتظر باقي اليوميات.

موضوع جميل جداً يا أستاذ بورسعيدي
بإنتظار البقية

بعد أن صنعوا من ورقة الاجابات طائرة ورقية صغيرة ، وقال مراقبو اللجنة لبعضهم البعض ، وهم يتأملون المشهد فى إعجاب : « يا سلام علي التعاون ! » .
* * *
« سيداتى وسادتى ، بعد أن تركنا لكم فرصة نادرة لتشاهدوا حالة اللجنة ( الموقرة ) دون تعليق ، التقينا بعضَ الطلبة تو خروجهم من لجنة الامتحان سائلين إياهم عن حالة الامتحان ، فكانت بعض الإجابات كالآتى :
ـ امتحان لوز .
ـ كوبيا .
ـ مُكن .
ـ زفت و أطران على دماغ اللي خلفونا .
ـ cool .
ـ امتحان مضروب ، فى أسالة مش علينا .
ـ هو احنا امتحنا إيه ؟
« وبسؤال أولياء الأمور ـ سواء المجتمعين حول المدرسة أم الراقدين فى غرف الإنعاش ـ عرفنا أن الامتحان لم يكن متوقعًا ، وأن بعضهم يعتزم احتلال وزارة المعارف ـ التربية والتعليم سابقًا ـ وتصحيح الورق بأنفسهم . »
« و سوف نوافيكم بآخر الأخبار من مكان الحدث أو مكان ( مطل عليه ) كعادتنا ..

شكرا لكم و إلى اللقاء . »
بورسعيدى
* * *
شكرا اينشتاين على التثبيت

شكرا يا عبقرى على التثبيت

ولكن ارجو الا تطيل فترة التثبيت

يعنى كفاية اسبوع حتى يتمكن كل الاعضاء من القرءة ثم نطلق صراح الموضوع لكى ندع فرصة التثبيت لموضوعات اخرى

موضوع جميل اوى استاذ بورسعيدى
وفكره جديده
وانا بحب الكوميديا الساخره من الواقع الاجتماعى جدااااااا

رائع وننتظر التصحيح

شكرا لمشاركتكم جميعا

شكرا اينشتاين على التثبيت

شكرا يا عبقرى على التثبيت

ولكن ارجو الا تطيل فترة التثبيت

يعنى كفاية اسبوع حتى يتمكن كل الاعضاء من القرءة ثم نطلق صراح الموضوع لكى ندع فرصة التثبيت لموضوعات اخرى

Originally posted by بورسعيدى@Mar 7 2006, 01:10 AM
شكرا اينشتاين على التثبيت

شكرا يا عبقرى على التثبيت

ولكن ارجو الا تطيل فترة التثبيت

يعنى كفاية اسبوع حتى يتمكن كل الاعضاء من القرءة ثم نطلق صراح الموضوع لكى ندع فرصة التثبيت لموضوعات اخرى
85017

ان شاء الله

بسم الله أولا وأخيرا

رائعة جدا أخي بورسعيدي تلك الفانتازيا الكوميدية

حقا رائعة

بس من خلالها قد استنبطت شيئا هاما جدا

جدا

أنك كنت علمي في الثانوية وعمرك مادرست تاريخ

هههههههههههههه

شكرا ونتمنى المزيد من عبقريتك الأدبية

شكرا
أخوك :: مروان حسن

اولا شكرا على مرورك الكريم اخ مروان
ثانيا حمدا لله على السلامة
ثالثا فعلا استنتاجك سليم 100%
انا فعلا كنت علمى علوم
وسبب اختيارى للعلمى هو عدم حبى للتاريخ

عفوا
لقد وضعت رد فى غير مكانه وتم تحريرة

افهم من هذا انك درست العلمي بسبب التاريخ
التاريخ مسئول عن تغير مسارك
اعتقد ان التاريخ خسر كثيرا تلك العقلية الأدبية الرائعة

انا عارفه ان الموضوع ده مبالغ فى القدم
بس هو برده مبالغ فى الجمال و الابداع
فطلعت عن كونى مش عايزه حد يرد و انا رديت
فى حاجات تستحق ان الواحد يعرضها على الناس كل شويه
و اكيد دى منها
فى رعايه الله

كده برضة ؟؟؟

ده موضوع من تاريخ 04-03-2006

ودلوقتى فى ناس نازلة حزف فى الموضوعات القديمة

يعنى يرضيكى التراث ده يتحزف؟؟

انا افضل انه يفضل مركون احسن مايطلع على الهوى ويتحزف

على العموم شكرا لك على مرورك الجميل

ومش خسارة ابدا انه يتحزف او يتنقل من اجل عيونك

جميله أوي القصه دي

حميلة أوي وننتظر المزيد

هههههههههه حلو يا بورسعيدى يمكن كل البورسعديه حلوين زى بس على فكرة فى كلام كتير من دة حقيقى وحصلى

خفة دم وروعه ومصداقيه
فعلا تشاهد المباراه وكأنك في الملعب
رائع ياأستاذ بور سعيدي
اللجان فعلا كانت سوق عربي مشترك

موضوع حلو اوى يا استاذ بورسعيدى
تقبل مرورى وفائق احترامى

و الله انا شايف ان الكلام مظبوط و كوسه عااامه
بس هو فين الموضوع اصلا لو حد شاااااف بنكي ستاااار يسلملي عليها

بجد القصه جميله اوى يا استاذ مجدى
فعلا مش معقول موضوع يطلع تحفه كده الا اذا كان كاتبه واحد زى حضرتك

جميل اوي .. هي فين التكملة .؟؟!!

بجد رائع استاذ بورسعيدي
يعني الموضوعات اروعه مش جديده ع حضرتك
بس صدقني محدش هيحذفه
هو احنا هنلاقي موضوع زي ده فين

نحذفه مين يا استاذنا
صلى على النبى يا استاذ مجدى
لو انا عرفت اعمل بس ربعه ابقى احذفه
هههههههههه
شكرا جزيلا على الموضوع
بس حاسس انه اثرى
!!!!
فى امان الله

جميل جداااااااااااا مكنتش اعرف ان البورسعدين بيمخمخوا كده ويطلعوا حاجات جميلة ههههههههه

فعلا فى لجان بتبقى كوسة كده ومعظم المراقبات مبيبطلوش كلام وخاصة عن الطبيخ والبيت والعيال وابو العيال

وكلامهم عمره مبيخلص ابدااااااااااا ومنتظرين بقية ابداعك

جميله أوي القصه دي

شكرا لمرورك يا نورهان


هههههههههه حلو يا بورسعيدى يمكن كل البورسعديه حلوين زى بس على فكرة فى كلام كتير من دة حقيقى وحصلى

طبعا الكلام ده حقيقى وبيحصل
امال يعنى انا جايبة من خيالى
بيحصل بس يمكن اختلاف القالب وميل المشهد للشكل الكوميدى بس فى النهاية بيحصل وكتييييير كمااااان
ربنا يخليكى يارب وشكرا على رأيك الجميل فى البورسعيدية
خفة دم وروعه ومصداقيه
فعلا تشاهد المباراه وكأنك في الملعب
رائع ياأستاذ بور سعيدي
اللجان فعلا كانت سوق عربي مشترك

والله مرورك هو الى رائع ومشاركتك خفيفة وجميلة جدا

شكرا جدا والحمد لله انها عجبتك
موضوع حلو اوى يا استاذ بورسعيدى
تقبل مرورى وفائق احترامى

مرور مقبول وعلى العين والراس

شكرا لك ولزيارتك الكريمة

و الله انا شايف ان الكلام مظبوط و كوسه عااامه
بس هو فين الموضوع اصلا لو حد شاااااف بنكي ستاااار يسلملي عليها
شكرا لمرورك العطر
والحمد لله ان الموضوع مقنع وغير مبالغ فيه

بجد القصه جميله اوى يا استاذ مجدى
فعلا مش معقول موضوع يطلع تحفه كده الا اذا كان كاتبه واحد زى حضرتك
ربنا يخليكى على مجاملتك اللطيفة يا سيدة النت

شكرا لمرورك الجميل

جميل اوي .. هي فين التكملة .؟؟!!

اهلا وسهلا
شكرا لمرورك العطر
التكملة فى الصفحة السابقة

بجد رائع استاذ بورسعيدي
يعني الموضوعات اروعه مش جديده ع حضرتك
بس صدقني محدش هيحذفه
هو احنا هنلاقي موضوع زي ده فين
سندريلا شخصيا عندنا ؟؟
يامرحبا يامرحبا
الموضوع اتنقل فعلا راح بعثة الى سلة المهملات والموضوات المكررة
ماعلينا
المهم ان الحمد لله ان موضوع عجبك
شكرا لمرورك الكريم

نحذفه مين يا استاذنا
صلى على النبى يا استاذ مجدى
لو انا عرفت اعمل بس ربعه ابقى احذفه
هههههههههه
شكرا جزيلا على الموضوع
بس حاسس انه اثرى
!!!!
فى امان الله
اعزك الله يا دكتور سعيد
ده انت الخير والبركه ياراجل والله
هو فعلا اثرى تقريبا من 2005 من ايام النسخة القديمة

شكرا لمرورك وشهادتك الغالية يا طبيب المنتدى

جميل جداااااااااااا مكنتش اعرف ان البورسعدين بيمخمخوا كده ويطلعوا حاجات جميلة ههههههههه

فعلا فى لجان بتبقى كوسة كده ومعظم المراقبات مبيبطلوش كلام وخاصة عن الطبيخ والبيت والعيال وابو العيال

وكلامهم عمره مبيخلص ابدااااااااااا ومنتظرين بقية ابداعك

شكرا لمرورك الجميل
وطبعا فى لجان كده واكتر من كده

واكيد لجان العام الادم سوف تشهد تطورات عجيبة

موضوع حضرتك جميل وشيق بس انا لي تعليق على العنوان : الكوسة العامة ، يا أخي الفاضل هو لو الكوسة عندنا كانت عامة مكنش حد زعل بس مشكلتها انها خاصة وكمان مبتتبعش غير لولاد الـ ...............

موضوع حضرتك جميل وشيق بس انا لي تعليق على العنوان : الكوسة العامة ، يا أخي الفاضل هو لو الكوسة عندنا كانت عامة مكنش حد زعل بس مشكلتها انها خاصة وكمان مبتتبعش غير لولاد الـ ...............
ااااااااه

كلامك جه فى الصميم

انا معاك لكن الكوسة عامة واحنا كلنا بنشوفها وبنعانى منها

لكن مش كلنا بنقدر نستخدمها

اذن هى عامة للنظر ولكنها خاصة للإستخدام

كل منا ممكن يشوف الكوسة فى المرور - فى اقسام الشرطة - فى دخول الجيش والكليات والتوظيف - فى الترقيات والعلاوات -فى الاسكان - فى جميع الوزارات الخ الخ
ياسيدى الفاضل اقدر اقول لك اننا محاصرون بغيط من الكوسة
لكن لا نقدر على الاقتراب او التصوير

وسؤالى الان بتشوف الكوسة والا مش بتشوفها ؟؟؟

وكمان سؤال بتستخدم الكوسة والا لاء؟؟

انا ممكن اجاوب بالنيابة عنك
طبعا باشوف الكوسة فى كل شيئ حولى
ولكن لا اقدر على استخدامها لانى ببساطة مواطن شريف

ملحوظة : اجابة الاستاذ منتصر كانت باللون الازرق

حقيقى مرورك نور الموضوع

اهلا وسهلا بحضرتك

ما شاء الله
راااااااااااااااائع واكتر من رائع
رغم انه بيحكي واقع اليم
هنقول ايه؟شر البلية ما يضحك

طبعا عندك حق أستاذ بورسعيدي ، وأنا شايف الكوسة بصراحة في الصورة الرمزية بتاعتك لأن كلنا صورنا ثابتة لكن حضرتك علشان مشرف الراجل بتاعك بيجري وحجمه كبييييييييييير وبيخوف ، كوسه يا عم ، ههههههههههههههه:D

ما شاء الله
راااااااااااااااائع واكتر من رائع
رغم انه بيحكي واقع اليم
هنقول ايه؟شر البلية ما يضحك
شكرا لك استاذتى على مرورك العزيز
سعدت جدا بلقائك الكريم
طبعا عندك حق أستاذ بورسعيدي ، وأنا شايف الكوسة بصراحة في الصورة الرمزية بتاعتك لأن كلنا صورنا ثابتة لكن حضرتك علشان مشرف الراجل بتاعك بيجري وحجمه كبييييييييييير وبيخوف ، كوسه يا عم ، ههههههههههههههه:D
لالالالالالالا
دى مش كوسة والله وده الرمز الخاص بى من قبل ما اكون مشرف
ودائما رمزى لازم يكون له معنى وهدف ورموزى كلها بالشكل ده حتى وانا عضو
واسأل الاستاذ اشرف وهو يقول لك
سيبك من موضوع الصورة
والمهم ان حضرتك اقتنعت بانتشار الكوسة فى كل مكان
يعنى دائما الثمار والخضروات لها مواسم اشى بيطلع فى الصيف - واشى بيطلع فى الشتاء - واشى بيطلع فى الربيع - لكن الكوسة بسم الله ماشاء الله موجوده طول السنة وعلى مدار ال12 شهر يوم بيوم وليل ونهار
باختصار احنا عندنا اكتفاء ذاتى من الكوسة
والكميات المخزونة والمجمده والاستراتيجية كثيرة جدا والحمد لله

تقبل تحياتى

مش اكتفاء ذاتي وبس ، ده كمان بنصدر أحيانا لعملائنا الكرام

نحن نستهلك من الكوسة اكثر من القمح والذرة والقطن

الكوسة هى اساس بناء ثقافتنا

الكوسة ثم الكوسة ثم الكوسة

جميل بجد جميل جدا
ياااه على كدا فاتني كتيير من الموضوعات الهامة والرائعة
بجد شكرا لطرحك الرائع
وفعلا الكوسة بقت منتشرة جدا
يلا لينا ربنا وهو اعلى من كل شئ
حسبي الله ونعم الوكيل

والله دى قصة حلوة....
تعكس فكر الشعب المصرى الغلبان...

كل حاجه بقت كوسه فى كوسه....

يا ريت اللى حصل السنة دى معتش يتكرر

جميل بجد جميل جدا
ياااه على كدا فاتني كتيير من الموضوعات الهامة والرائعة
بجد شكرا لطرحك الرائع
وفعلا الكوسة بقت منتشرة جدا
يلا لينا ربنا وهو اعلى من كل شئ
حسبي الله ونعم الوكيل
احنا اتعودنا على الكوسة خلاس
واصبحت العيشة بدونها مستحيلة
انا عن نفسى لا اتخيل مصر بدون كوسة
تخيلى انتى كده مصر بدون كوسة
اراهنك مش هاتقدرى ومها سرحتى بخيالك لن تكتمل صورة مصر فى ذهنك بدون الكوسة
عارفة ليه ؟؟
لان الكوسة اساس فى تكوين مصر
واذا حذفنا الاساس راحت الصورة كاملة
اما بالنسبة للموضوعات الى فاتتك فهى موجوده تقدرى توصلى لها عن طريق الضغط على اسم العضو المراد متابعة موضوعاته
شكرا جدا على زيارتك الجميلة
والله دى قصة حلوة....
تعكس فكر الشعب المصرى الغلبان...
شكرا جدا على مرورك الطيب

كل حاجه بقت كوسه فى كوسه....
وهو فى احلى من الكوسة فى الدنيا ؟؟
شكرا لك على تعليقك
يا ريت اللى حصل السنة دى معتش يتكرر
لالالالالا
هايتكرر يعنى هايتكرر
وبعدين الى حصل السنة دى بيحصل كل سنة
لكن ربنا اراد لهم الفضيحة هذا العام
شكرا لك على مرورك