مشاهدة النسخة كاملة : ادخل وشوف مش حتخسر حاجة ولو خسرت ابقى تعالى اضربنى <اوك يا بشر>
دودو دلوعة اليكس 13-08-2008, 10:17 PM السلام عليكم ورحمة الله وبركاته منوريييييييييين يا بنات ويا شباب المنتدى والله منورين بجد وعشان تفضلوا منورين يا ريت تسمعوا كلامى للاخر ومش حتندموا والله بصوا يا جماعة احنا داخلين على شهر كريم ومبارك ولازم كلنا نأديه كويس وهو شهر رمضان ويا ريت تفكروا يا ترى احنا قضينا رمضان اللى فات كويس ولا نص نص ...... لو نص نص يبقى سبكم من اللى فاااااااااات وخلينا فى رمضان ده عيزين ان شاء الله ما نسبش فرض وعيزين نلتزم بالصلاة فى الجامع شباب وبنات وعيزين ع الاقل نختم القرأن ان شاء الله ثلاث مرات يعنى كل عشرة ايام نختم القرأن مرة وبعدين مش فاضل ياما على رمضان دة فاضل ثلاث اسابيع يعنى مش كتير يعنى نحاول من دلوقتى نلتزم بالقرأن والصلاة وشور فى كتير منكم حيقولى هو احنا بنعبد رمضان عشان هو الشهر الوحيد اللى بنلتزم بيه؟!!! حقول لكم لالالالالالالالالا طبعا بس رمضان اكتر شهر مستحب يعنى احنا بنزود فيه العبادة شوية يا جماعة بجد عيزين نلتزم فى رمضان دة ويبقى احلى رمضان عدى علينا ان شاء الله ربنا يهدينا كلنا لفعل الخير وتبقى صحبتنا دى فى الجنة ان شاااااااااااااااااء الله عز وجل .......بس اهم حاجة ان شاء الله نلتزم فى رمضان اوك يا شباب......ولا اقول لكم السلام عليكم:d
earth 13-08-2008, 10:22 PM شكرا على موضوعك الرائع انا الحقيقة كنت عايوة اعمل موضوع زى كدة بس ما كنتش عارفة اكتب ايه بالضبط
بس ماشاء الله عليكى فعلا عرفتى تجذبينى اقرا هذا الموضوع و هو رائع
و الصراحة رمضان اللى فات كان نص ونص و كل مل افتكره ازعل اوى و ادعى ربنا يسامحنى علشان انا مكنتش بصلى بانتظام و لكن الحمد لله انا دلوقتى ماشية تمام و انشاء الله يبقى اروع رمضان عليا و عليكى
شكراااااا جدااااا على الموضوع
مس رانيا حسن 13-08-2008, 10:27 PM جزاكى الله خيرا
بس ليا ملحوظه يعنى الاعضاء مش هيكملوا الموضوع الا بالكلام الروش
اختى فى الله لا يصح كلام الروش زى ما بتقولى مع موضوع دينى
كان من الافضل ذكر أيه قرانيه اوحديث شريف
اتمنى تكون رسالتى وصلت واتفهمت
لكل مقام مقال
فى امان الله
_GUIDE_ 13-08-2008, 10:27 PM بيييييييييييييييييس..... ورمضان
طيب يجتمعه ازاى مع بعض :D
دودو دلوعة اليكس 13-08-2008, 10:37 PM ايه يا جماعة خلاص الردود كدة دة انا كنت بحسب الموضوع حيعجبكم بس واضح ان فى تعليقات كتير ع الموضوع وواضح انه ما عجبكوش وميرسى يا رانيا انتى وجايد على مروركم
ayooosh 13-08-2008, 11:20 PM جزاكى الله خيرا
فعلا موضوع رائع
ورمضان كريم علينا كلنا
nader shetos 13-08-2008, 11:57 PM الموضوع رائع بس....
كان فى طرق اكتر تجذبينا بيها مثل (حالو يا حالو رمضان كريم يا حالو) او (وحوى يا وحوى) كده يعنى !!!
dr \mrmr 14-08-2008, 01:23 AM شكرا على الموضوع
الحلو ده وانشاء الله
يبقى رمضان كويس علينا
كلنا وانشاء الله
نطبق الكلام ده وربنا
يجعله في ميزان حسناتك
مواضيعك عسل والله يا دودو
ما تستنيش مشاركات من حد المهم انه موضوع مفيد واكيد الناس هتستفاد بيه
وبعدين رمضان جانا ده مش شعر خالص
الله يرحمك يا متنبى
لو كان عرف انك قولتى على اللى كتب الكلام ده شاعر
كان دخل الموضوع وقتلك
mR . mOstafa Fathi 14-08-2008, 09:00 AM اقتباس:
بيييييييييييييييييس.....
اقتباس:
ورمضان
لا يصح كلام الروش زى ما بتقولى مع موضوع دينى
كان من الافضل ذكر أيه قرانيه اوحديث شريف
كل عام وانت بخير ورمضان كريم
Mr.Mosaad 14-08-2008, 09:20 AM [ <رمضان جانا وفرحنا بو بعد غيابوا وبقاله زمان غنول وقولوا شهر بطوله غنوا وقولوا اهلا رمضان> بس انا حبيت اروش لكم الموضوع شوية عشان تحبوه وتكملوه للاخر وعشان يجذبكوا شوية بس اهم حاجة ان شاء الله نلتزم فى رمضان اوك يا شباب يلله بيييييييييييييييييس......ولا اقول لكم السلام عليكم:d[/QUOTE]
موضوع مهم بسياق غير لائق ( بيييييييييييييييييييييي )
Nemo_92 14-08-2008, 09:50 AM [quote=دودو دلوعة اليكس;669512]السلام عليكم ورحمة الله وبركاته احنا بنعبد رمضان
اولا موضوعك هايل
بس انا عايزاكى تعدلى فى بعض الكلمات فتكتبى احنا بنعبد الله فى رمضان
Travel 14-08-2008, 11:27 AM جزاكى الله خيرا
بس ليا ملحوظه يعنى الاعضاء مش هيكملوا الموضوع الا بالكلام الروش
اختى فى الله لا يصح كلام الروش زى ما بتقولى مع موضوع دينى
كان من الافضل ذكر أيه قرانيه اوحديث شريف
اتمنى تكون رسالتى وصلت واتفهمت
لكل مقام مقال
فى امان الله
وانا كمان كنت عاوزة اقول كده
يعنى من غير زعل يا (..........)
اعتقد ان الموضوع دينى
وهنتكلم عن رمضان
مش محتاج
(روشنة)
ولا
اللى انتى قايلاه
(انا حبيت اروش لكم الموضوع شوية عشان تحبوه وتكملوه للاخر وعشان يجذبكوا شوية )
اكييد اللى بيدخل مواضيع
بيبقى داخل بمخه
مش هيروح يستلف مخ الجيران
يعنى حسب الموضوع
هيتم القبول او الرفض
(يلله بيييييييييييييييييس)
وزى ما اتقال فعلا
دى مش منطبقة مع الموضوع
اه
معلش بجملت بقى اللى بقوله
(شور )
تقريبا دى معناها اكيد:D
النبى عرفى يا اخت(.................)
ونصيحة
يارييت تغيرى الاسم الجمييل اللى انتى داخلة بيه
بس علشان المنتدى بيخاطب جمييع العقليات
وفى شباب وبنات
واكييد رسايل التعارف
Sharp Nails 14-08-2008, 11:30 AM لا بجد موضوع فكرته روعة اوى
تسلم دماغك
بس يابنتى انتى مالك مش على بعضك كدة لية:D
ياحببتى دة ركن دينى يعنى مش اى حتة تهزرى فيها
وبعدين انتى بتتكلمى عن شهر معظم
يعنى انتقى الالفاظ الى تتكلمى فيها عنه
اوكى ياقمر :rolleyes:
دودو دلوعة اليكس 14-08-2008, 03:53 PM مواضيعك عسل والله يا دودو
ما تستنيش مشاركات من حد المهم انه موضوع مفيد واكيد الناس هتستفاد بيه
وبعدين رمضان جانا ده مش شعر خالص
الله يرحمك يا متنبى
لو كان عرف انك قولتى على اللى كتب الكلام ده شاعر
كان دخل الموضوع وقتلك
هههههههههههههههه ميرسى يا بيوب ربنا يخليك وبعدين عديها بقا شعر نثر المهم ان احنا خرجنا من الثانوية العامة على خير ...وكل سنة وانت طيب بس اتجدعن فى رمضان ماشى ربنا يوفقك ويوفقنا كلنا ويعيد هذه الايام علينا بالخير واليمن والبركااااااات.
دودو دلوعة اليكس 14-08-2008, 03:56 PM ميرسى يا جماعة على ردودكم واهتمامكم بالموضوع بس واضح ان ردودكم فيها عنف شوية ع العموم انما الاعمال بالنيات ولكل امرئ منكم ما نوى وانا حبيت ان الموضوع يكون جديد شويتين بس واضح انه ما عجبكوش بس برضه كل سنة وانتم طيبين
دودو دلوعة اليكس 14-08-2008, 04:00 PM بس انا عايزاكى تعدلى فى بعض الكلمات فتكتبى احنا بنعبد الله فى رمضان انتى فهمتينى غلط انا مش قصدى اللى انتى فهمتيه انا قصدى ان فى ناس بيقولوا اشمعنا احنا بنصلى ونصوم ونعمل الاعمال الحلوة فى رمضان بس يعنى هو احنا بنعبد رمضان ولا بنعبد ربنا !!! فهمتينى
Dr.Nobel 14-08-2008, 04:11 PM بس يابنتى انتى مالك مش على بعضك كدة لية:D
دة ركن دينى يعنى مش اى حتة تهزرى فيها
رمضان كريم
وكل سنة وانتم طيبين
Sherif Elkhodary 14-08-2008, 04:59 PM اولا انا هقولك شكرا علي الموضوع
ثانيا احب اقولك ان موضوع في القسم الديني اللي هو افضل قسم علي المنتدي
ميتحطش فيه الكلام دهانا حبيت اروش لكم الموضوع شوية عشان تحبوه وتكملوه للاخر وعشان يجذبكوا شوية بس اهم حاجة ان شاء الله نلتزم فى رمضان اوك يا شباب يلله بيييييييييييييييييس......ولا اقول لكم السلام عليكم
(يلله بيييييييييييييييييس)
دي بارده متنفعشي خالص
اوكي
و علي فكرة الموضوع معرض للتحرير او التعديل في بعض الالفاظ
و ياريت نحذف بعض هذه الالفاظ حتي ولو في القسم الديني فقط
تقبلي مروري
دودو دلوعة اليكس 14-08-2008, 05:14 PM بليز يا جماعة اللى عنده معلومة اتمنى انه يحتفظ بيها لنفسه ممكن تنفعه فى يوم من الايام واتمنى اللى يدخل يا يقول كلمة شكر يا ميعلقش خااااااااااااااالص افضل يعنى وبعدين انا قلت لكم قبل كدة انما الاعمال بالنيات واعتقد ان الموضوع عجب ناس تانية وقالت ارائها بكل ذوق وكل واحد حر فى الطريقة اللى يعبر بيها دى حرية شخصية ولا ايه..............بيييييييييييييييييييييييييييس هه
Sherif Elkhodary 14-08-2008, 06:45 PM جماعة اللى عنده معلومة اتمنى انه يحتفظ بيها لنفسه ممكن تنفعه فى يوم من الايام واتمنى اللى يدخل يا يقول كلمة شكر يا ميعلقش خااااااااااااااالص افضل يعنى وبعدين انا قلت لكم قبل كدة انما الاعمال بالنيات واعتقد ان الموضوع عجب ناس تانية وقالت ارائها بكل ذوق وكل واحد حر فى الطريقة اللى يعبر بيها دى حرية شخصية ولا ايه..............بيييييييييييييييييييييييييييس هه
حضرتك محدش قال حاجة غلط
و بعدين انا شكرتك قبل مقول اي حاجة
و بعدين حضرتك مش لازم كلنا نقول كلمة شكر
يبقي ده نفاق ليكي
لازم كل واحد يقول رايه
شكرا لكي
تقبلي مروري
الشفق الباكي 14-08-2008, 07:27 PM موضوع جميل يادودو وان شاء الله هيكون احلى رمضان عدى علينا كلنا
دودو دلوعة اليكس 14-08-2008, 08:15 PM والله يا اخ شريف انا ما قصدتش حد بالتحديد ولو انت شايف انك كتبت حاجة غلط يبقى ليك حق تعلق..وبعدين انا ما قلتش اللى يدخل لازم يكتب انا قلت يا تقول كلمة شكر يا ما تعلقش خالص يعنى لو الموضوع عجبك تشكرنى ولو ما عجبكش يبقى ما تعلقش اصلا وبعدين كل واحد له طريقة كلام متعود عليها يعنى ما تقلش على بيس بارده ولو حضرتك داخل تقرا الموضوع بصدر رحب ما كنتش علقت على بيس لانى بعدها كتبت <ولا اقول لكم السلام عليكم>بس واضح انك ملكش فى الهزار ....واللى انا عملته دة لباقة فى الكلام بس واضح انك ملكش فيها .....سورى لو كان كلامى زعلك بس كان لازم اقوله ....بييييييييييييييييييييييييييييس
Nemo_92 14-08-2008, 10:18 PM انا كده فهمت قصدك يا دودو
وشكرا على الموضوع
Sherif Elkhodary 14-08-2008, 10:24 PM والله يا اخ شريف انا ما قصدتش حد بالتحديد ولو انت شايف انك كتبت حاجة غلط يبقى ليك حق تعلق..وبعدين انا ما قلتش اللى يدخل لازم يكتب انا قلت يا تقول كلمة شكر يا ما تعلقش خالص يعنى لو الموضوع عجبك تشكرنى ولو ما عجبكش يبقى ما تعلقش اصلا وبعدين كل واحد له طريقة كلام متعود عليها يعنى ما تقلش على بيس بارده ولو حضرتك داخل تقرا الموضوع بصدر رحب ما كنتش علقت على بيس لانى بعدها كتبت <ولا اقول لكم السلام عليكم>بس واضح انك ملكش فى الهزار ....واللى انا عملته دة لباقة فى الكلام بس واضح انك ملكش فيها .....سورى لو كان كلامى زعلك بس كان لازم اقوله ....بييييييييييييييييييييييييييييس
لالا مفيش زعل و لا حاجة يا اخت دودو
احنا بنتناقش و بنتكلم مش بنتشاكل
عادي جداا و انا مقولتكيش متقوليش
طبعا كل واحد يتكلم زي مهو عاوز براحته
بس ده موضوع ديني
و انا مش زعلان ولا حاجة
شكرا
اخوكي في الله شريف الخضري
الجويرية 14-08-2008, 10:42 PM جزاكم الله خيرا
تم التعديل
SENDRILLA 15-08-2008, 08:54 PM انا لله وانا اليه راجعون
يا دودو انتي بتتكلمي في موضوع ديني
زي ماقالت مس رانيا ( مش رانيا زي مانتي قلتي ) كان هيبقي احسن لو دعمتي الموضوع بايه قرانيه او حديث
حاولي تغيري من اسلوبك حبيبتي حتي ع الاقل في المواضيع الدينيه
وبعدين الاسم برده حبيبة قلبي مش اللي هو
يعني هيجيبك مشاكل كتير مع الولاد
وانت فاهمه قصدي اكيد
حبيبتي انتي اختي في الله
وانا بغير علي اختي اكيد
نصيححه مني غيري الاسم
وانا نصحتك ولو استجبتي يبقي هتكسبي ثواب كبير اوي ع التغيير
ولو مش استجبتي براحتك دي حاجه تخصك
بس وقتها هتثبتيلي حاجه في دماغي مش هغيرها ابدا عنك
وع العموم شكرا حبيبة قلبي ع الموضوع وع النصيحه وان شاء الله كلنا نعمل بيها
تقبلي مروري في موضوعك بعد التعديل
العمر 16-08-2008, 12:36 AM جزاكم الله خيرا على التنبيه...
ونرجوا الالتزام فى شهر رمضان ...
جزاكم الله خيرا
تم التعديل
يعنى يا آية انتى عدلتى الموضوع
وسيبتى العنوان ( ابقى تعالى اضربنى ) و ( اوك يا بشر )
!!
اصلا لحد دلوقتى الموضوع مش مناسب لقسم ( حى على الفلاح )
يا ريت يتنقل اى قسم تانى او يتحذف
لانه فقد هدفه الاساسى ( واللى صاحبة الموضوع ماقدرتش توصله باسلوب مناسب :rolleyes: )
وبقى مجرد نقد لاسلوبها
اما عتاب جامد موجه ليها
او نفاق ليها
وواضح انها مصممة ماتغيرش الاسم
ولا كلمة ( بيس )
وطالما مفيش استجابة لكلامكم
عادى بقى كل واحد حر
هى من حقها تكتب
والمشرف من حقه يعدل وينقل ويحذف
والعضو من حقه مايردش
:D
|