سؤالي ملوش اي علاقة بالمنهج و مستحيل يجي في امتحانات بس انا محتاجة افهم ..
فلو حد عنده المعلومة و يقدر انه يفهمني و متأكد من كلامه احب اقوله شكرا مقدما ...

السؤال : دلوقتي انزيم دؤكسي ريبونيوكليز يحلل ال dna تماما و لا يؤثر علي rna او البروتين ...الي اخره
انزيم : ( علي حسب ما قالولنا في الكيمياء ) مادة بتتكون داخل الخلايا الحية

انا بقي نفسي افهم ليه في كائن حي محتاج انه يعمل انزيم يدمرله ال dna اللي هو المادة الوراثية بتاعته
سؤالي غبي انا اسفة بس بجد نفسي اعرف الاجابة و دخت في المواقع العلمية مش عارفة اوصل لاجابة

قدرة ربنا هنعترض

قدرة ربنا هنعترض

قدرة ربنا ...انه ادلنا عقل نفكر و نسأل
لا طبعا منعترضش
نفكر اكتر و ندور علي اجابات الانزيم دا يا تري خليه ايه اللي بتعملة و بتعمله ليه !!!!

انا مش لاقي تفسير للكلام دا غير ان انزيم دي أكسي ريبونيوكليز من انزيمات القصر أو من نوع تاني وظيفته قريبة منها

انا مش لاقي تفسير للكلام دا غير ان انزيم دي أكسي ريبونيوكليز من انزيمات القصر أو من نوع تاني وظيفته قريبة منها


يعني ايه انزيمات القصر ؟؟

انزيمات القصر (أو القطع) موجودة في بعض البكتيريا عشان لو في فيروسات هاجمت البكتيريا دي
بيجي دور انزيم القصر (القطع) -نفرض انه الدي أوكسي ريبونيوكليز- انه يحلل ال DNA الفيروسي (ال DNA للجسم الغريب عن البكتيريا) تماما
بس الDNA الي بتحلله دا مش بيكون للبكتيريا نفسها يعني مفيش "كائن حي محتاج انه يعمل انزيم يدمرله ال dna اللي هو المادة الوراثية بتاعته" لأن الكائن الحي الي فيه الانزيمات دي بيكون فيه -في نفس الوقت- انزيمات معدلة مقاومة لتأثير انزيمات القصر بحيث DNA للكائن الحي نفسه (البكتيريا نفسها) ميتدمرش ، وللفيروس يتدمر.

وفيه استعمالات تانية لانزيمات القصر في الهندسة الوراثية.
شوفي كتاب الامتحان احياء 3 ثانوي 2015 صفحة 152 هتلاقي الكلام دا في الدرس الأخير "الهندسة الوراثية" تحت عنوان "انزيمات القصر".

انا مجبتش حاجة من عندي انا افترضت بس ان انزيم الدي أوكسي ريبونيوكليز من انزيمات القصر علشان الشبه الكبير بينهم.

الأمر كله متعلق بالكود - الشفرة - المكتوب بيها ال dna , كل كود بيعمل شغل مختلف و له فائدة مختلفة و على فكرة النسخ بيبدأ عند مناطق معينة من شريط dna و كذلك في حالة rna و كمان النسخ بينتهي عند مكان محدد كذلك ..

باختصار مش ممكن ال إنزيم يدمر ال dna هذا مستحيل

هذا و الله أعلم

انزيمات القصر (أو القطع) موجودة في بعض البكتيريا عشان لو في فيروسات هاجمت البكتيريا دي
بيجي دور انزيم القصر (القطع) -نفرض انه الدي أوكسي ريبونيوكليز- انه يحلل ال DNA الفيروسي (ال DNA للجسم الغريب عن البكتيريا) تماما
بس الDNA الي بتحلله دا مش بيكون للبكتيريا نفسها يعني مفيش "كائن حي محتاج انه يعمل انزيم يدمرله ال dna اللي هو المادة الوراثية بتاعته" لأن الكائن الحي الي فيه الانزيمات دي بيكون فيه -في نفس الوقت- انزيمات معدلة مقاومة لتأثير انزيمات القصر بحيث DNA للكائن الحي نفسه (البكتيريا نفسها) ميتدمرش ، وللفيروس يتدمر.

وفيه استعمالات تانية لانزيمات القصر في الهندسة الوراثية.
شوفي كتاب الامتحان احياء 3 ثانوي 2015 صفحة 152 هتلاقي الكلام دا في الدرس الأخير "الهندسة الوراثية" تحت عنوان "انزيمات القصر".

انا مجبتش حاجة من عندي انا افترضت بس ان انزيم الدي أوكسي ريبونيوكليز من انزيمات القصر علشان الشبه الكبير بينهم.






اها اخدتها النهارده في الدرس
بس الانزيم يحلل ال dna تماما
ازيمات القطع بتقطع جزء معين اللي هو موقع التعرف

الأمر كله متعلق بالكود - الشفرة - المكتوب بيها ال dna , كل كود بيعمل شغل مختلف و له فائدة مختلفة و على فكرة النسخ بيبدأ عند مناطق معينة من شريط dna و كذلك في حالة rna و كمان النسخ بينتهي عند مكان محدد كذلك ..

باختصار مش ممكن ال إنزيم يدمر ال dna هذا مستحيل

هذا و الله أعلم

مش فاهمة يعني ايه متعلق ب الكود اللي مكتوب بيه ال dna
كل جزء (كروموسوم ) عليه تتابع معين من الجينات و النيوكليوتيدات مختلف عن غيره و كل كان غير التاني يعني البكتيريا غير الانسان غير الديروسوفيلا
النسخ بيبدأ عن منطقة معينه في البكتيرا بس
انما ال dna بتاعنا بيبدأ النسخ من اي نقطة وانا شوفت فيلم وثائقي عن الحاجات دي و فعلا زي ما بقولك

مش عارفة بردو ممكن تسألي المستر بتاعك ؟

اها اخدتها النهارده في الدرس
بس الانزيم يحلل ال dna تماما
ازيمات القطع بتقطع جزء معين اللي هو موقع التعرف

انا بقول نشوف الي ورانا في المنهج احسن :d
وبعد الثانوية الي عايز ياخد دكتوراه في الانزيم مفيش مشكلة
لأن الثانوية محتاجة واحد بيحفظ مش محتاجة اللي بيفهم ..
دا رأيي

على فكرة انزيم دى اكسى ريبونيوكليز مش موجود فى اجسام الكائنات الحية انما هو عبارة عن انزيم استخدمه العلماء لقدرته على تحليل الdna بمعنى ادق انا لو عندى زجاجه وحطيت فيها بروتين :DNA; RNA حنلاقى الانزيم يحلل الdna فقط يعنى مش حلاقى فى الزجاجه غير البروتين والRNA فقط

انا بقول نشوف الي ورانا في المنهج احسن :d
وبعد الثانوية الي عايز ياخد دكتوراه في الانزيم مفيش مشكلة
لأن الثانوية محتاجة واحد بيحفظ مش محتاجة اللي بيفهم ..
دا رأيي

وانا بصراحة بدأت اقتنع برأيك دا :d :romarioxp6:

على فكرة انزيم دى اكسى ريبونيوكليز مش موجود فى اجسام الكائنات الحية انما هو عبارة عن انزيم استخدمه العلماء لقدرته على تحليل الdna بمعنى ادق انا لو عندى زجاجه وحطيت فيها بروتين :dna; rna حنلاقى الانزيم يحلل الdna فقط يعنى مش حلاقى فى الزجاجه غير البروتين والrna فقط

كان حد قالي قبل كدا انه انزيم صناعي و كدا حضرتك اكدتلي الكلام دا شكرا
بس هو ليه اسمه انزيم لو بيتحضر و مش موجود في اجسام الكائنات الحيه ؟

بصي يا دكتورة انا في اولى طب والكلام ده كله خدناه بالتفصيل الممل اول ترم في الكلية انت عندك جسمك دايما بيحتاج يهدم DNA يعني يكسره ويبني واحد جديد وساعات بيبني DNA جديد باستخدام القديم اللي اتكسر واللي كسره هو انزيم Deoxyribonuclease وده ساعات بيخليه يتكسر تماما ونواتج التكسير تطلع من الجسم مع الاخراج او ممكن يوصله لسكر خماسي بس وده بيتم اضافة قواعد نيتروجينية جديدة له من خلال انزيمات تانية وفوسفات ويطلعلنا DNA جديد بس كده يارب تكوني فهمتي

بصي يا دكتورة انا في اولى طب والكلام ده كله خدناه بالتفصيل الممل اول ترم في الكلية انت عندك جسمك دايما بيحتاج يهدم DNA يعني يكسره ويبني واحد جديد وساعات بيبني DNA جديد باستخدام القديم اللي اتكسر واللي كسره هو انزيم Deoxyribonuclease وده ساعات بيخليه يتكسر تماما ونواتج التكسير تطلع من الجسم مع الاخراج او ممكن يوصله لسكر خماسي بس وده بيتم اضافة قواعد نيتروجينية جديدة له من خلال انزيمات تانية وفوسفات ويطلعلنا DNA جديد بس كده يارب تكوني فهمتي

مممم شكرا يا دكتور اخيرا لقيت حد متأكد من جوابه
بس تسمحلي في كمان سؤال ..
انا جه في بالي قبل كدا ان الانزيم دا بيتكون في الخليه اللي في مرحلة الموت عشان يكسر ال dna..دا صح ولا ممكن يتكون في خليه حيه عادي ؟

بصي في انزيمات بتبقى موجودة دايما داخل الجسم بمعدل ثابت زي انزيمات التجلط يعني مش بتستنى ان يحصل جرح عشان تتصنع وبعدين تروح توقف النزيف بتكوين جلطة لا بتبقى جاهزة من قبل ما يحصل حتى الجرح والنزيف ده ودي اسمها Constitutive وفي انزيمات تانية زي الDeoxyribonuclease بتتكون لما الخلية بتبقى حتموت خلاص فنواه الخلية توصل رسالة للريبوسوم انه يكون الانزيم ده وبعدين لما يتكون يحلل الDNA وبس الخلية بعدها تموت لان المادة الحية ماتت اللي هي DNA

بصي في انزيمات بتبقى موجودة دايما داخل الجسم بمعدل ثابت زي انزيمات التجلط يعني مش بتستنى ان يحصل جرح عشان تتصنع وبعدين تروح توقف النزيف بتكوين جلطة لا بتبقى جاهزة من قبل ما يحصل حتى الجرح والنزيف ده ودي اسمها Constitutive وفي انزيمات تانية زي الDeoxyribonuclease بتتكون لما الخلية بتبقى حتموت خلاص فنواه الخلية توصل رسالة للريبوسوم انه يكون الانزيم ده وبعدين لما يتكون يحلل الDNA وبس الخلية بعدها تموت لان المادة الحية ماتت اللي هي DNA

انا كدا اخيراً فهمت ^_^
شكرا اوي والله ربنا يجازيك خير يا دكتور :rolleyes:
و دعواتك بقي لبتوع الثانوية العامة كلهم :(

العفو يا دكتورة جزانا واياكم يا رب ....ربنا معاكم ان شاء الله ويوفقكم جميعاً ويكرمكم عشان تفرحوا اهاليكم ويرزقم لحظة انكم تسعدوهم بنتيجة جميلة ومجموع عالي لانه فعلاً من اجمل الاحاسيس اللي ممكن تحسيها انك تحسي انك شرفتي اهلك ورفعتي راسهم

بعض الخلايا تحتوى على نواة فى بداية عمرها وبعد فترة تحتاج إلى إزالة نواتها لتقوم بوظيفة معينة فتحتاج هذا الإنزيم لتحللdna بها....مثل خلايا الدم الحمراء فى الإنسان ...والأنابيب الغربالية فى لحاء النبات...

بعض الخلايا تحتوى على نواة فى بداية عمرها وبعد فترة تحتاج إلى إزالة نواتها لتقوم بوظيفة معينة فتحتاج هذا الإنزيم لتحللdna بها....مثل خلايا الدم الحمراء فى الإنسان ...والأنابيب الغربالية فى لحاء النبات...

يعني دا استخدم اضافي للانزيم في الكائنات الحيه غير اللي الدكتور قال عليه فوق
تمام كدا ..؟

ممكن يكون انزيم فى الفيروسات اللى المادة الوراثية فيها rna زى انزيم النسخ العكسى..نفس الفكر