|
مشاهدة النسخة كاملة : ارجو النصيحة توكلت علي خالقي 31-03-2015, 10:51 AM السلام عليكم ممكن معلش النصيحة أعمل ايه انا في 3ث وفاضل شهرين ع الامتحانات وماخلصتش اول مراجعة وعندي بعض القصور مع نفسي ونفسي احل امتحانات كتير واخش كلية الطب البشري ان شاء الله ومشكلتي بنام بدري وبحب النوم صراحة بالرغم اني في الدروس مستوايا حلو بس مش بحل كتير ومعايا كتب لو حلتها اجيب اللي انا عايزه بس مش عارف اعمل ايه هم شهرين بس ؟؟؟؟؟؟؟؟ ارجو الأفادة وشكرا جزيلا ahmedfezo 05-04-2015, 08:55 PM relax relax هدى نفسك خالص واوىع تتوتر أو تقلق واحد من دول قفيل يوديك فى داهية تعال نبدا من الأول 1-باقيلك شهرين وعايز تراجع بسيطة جدا لازم تنظم وقتك وتعمل جدول ازاى؟ لازم تعرف أن أفضل وقت مذاكرة هو بعد الفجر الى الظهر أو بعد العشاء للفجر وفى طريقتين ياما تشتغل كل مادة واحديها وتخلصها على بعضها أو تراجع بنظام الشباتر(فصول يعنى) ومع حل امتحانات ومتقلقش المذاكرة بالكيف وليس الكم يعنى ممكن تراجع مرة واحدة بس وتجيب أعلى مجموع احمد ربنا أنا فى الكلية براجع الشابتر قبل الامتحان بربع ساعة واضحك 2-*عندك قصور فى نفسك؟ شوف كل ماتحط حدود لنفسك مش هتقدر تتخطاها لازم تقول وتقر بأن ليس لك حدود 3-نفسك تحل امتحانات كتير ؟ أيوة لازم وضرورى وعلى فكرة ماحدش ماسكك ابدا من النهاردة وابدا حل امتحان لكل مادة ...تمسك ورقة وقلم وتبدا تحل وبعدين تشوف الاجابة النموذجية أو تراجعها مع مدرسك لو عملت كده اضمن بإذن الله درجة كويسة (الامتحانات تتكرر) 4-نفسك تخش طب بشرى ؟ نصيحة بلاش صدقنى هيجى يوم وقد تندم على خيارك ده مش هقولك متدخلش طب ..بس مترجهعش تعيط ليس غرضى احباطك ولكن الكلية تختلف عن الثانوية جدا جدا جدا لذلك انسى موضوع الكليات وركز على أعلى مجموع تقدر تجيبه ولما يجى وقت التنسيق يحلها ربنا 5-بتنام بدرى وبتحب النوم؟ شوف ..نام براحتك ولكن اوعى تنسى تعمل للى عليك أنا لما كنت زيك كنت بنام كتير بس كنت مخلص للى ورايا صراحة ماكانش بجيلى نوم لما يكون ورايا حاجة لذلك خلص اللى عليك ونام براحتك واستحمل شوية 6-مستواك حلو فى الدروس ومش بتحل كتير ؟ لا لازم تحل كتير انت عايز تعرف تعمل ايه الشهرين دول صح؟ بسيطة جدا (ابذل قصارى جهدك واوعى تستسلم أو تهتم بالنتيجة )تذكر أن الله لا يضيع أجر من أحسن عملا أنا كنت زيك كده برده لكن للى خلانى أعدى من المرحلة ده هو الهدوء والصبر وأنى عملت للى على وسبتها على الله كل واحد ورزقه زى ما أجلك جاى وراك لامحالة زرقك برضه جاى وراك لا محالة اسعى بس والله هو الموفق وبالتوفيق |