مشاهدة النسخة كاملة : لائحة انضباط جديدة بالمدارس: العقاب الإيجابي بدل الضرب


أحمد هاشم الزيدي
06-04-2015, 10:07 PM
لائحة انضباط جديدة بالمدارس: العقاب الإيجابي بدل الضرب

كشف الدكتور محب الرافعى، وزير التربية والتعليم، عن إعداد الوزارة لائحة جديدة للقضاء على ما سماه المهازل التي تحدث داخل المدارس، مثل ظاهرة الضرب، وتذنيب الطلاب داخل الفصول، مشيراً إلى أن اللائحة صممها عدد من الخبراء، والمركز القومى للبحوث التربوية، بعد الرجوع إلى اللوائح الطلابية الموجودة في دول العالم المتقدم، مؤكداً أنه سيلتقى اليوم عدداً من المستشارين والمعلمين وأعضاء اتحاد الطلاب لمناقشة المسودة الأولية للائحة قبل طرحها للحوار المجتمعى للاستقرار على شكلها النهائى.
وقال «الرافعى»، في تصريحات خاصة لـ«المصرى اليوم»، إن اللائحة تناقش التفاصيل أكثر من السابقة، وأضاف: «رصدنا جميع المشكلات التي تحدث، بدءاً من الغياب عن المدرسة، والهروب أثناء اليوم الدراسى، والتلفظ بألفاظ غير جائزة، والاستخدام السيئ لأثاث المدرسة أو مبانيها، واستخدام التليفون المحمول، حتى النوم داخل الفصل تم رصده، وشملت القائمة أيضا الكذب والإشارات غير اللائقة أو تناول الأطعمة داخل الفصل، أو إحضار ألعاب للمدرسة، أو التقصير في أداء الواجبات، وعدم الالتزام بطابور الصباح».
وأضاف «الرافعى»: «الضرب تم منعه بشكل تام، وسنستخدم ما يسمى (العقاب الإيجابى)، وهو نوع من العقاب يُطبق في الدول المتقدمة، فمثلاً إذا تلفظ طالب بألفاظ غير لائقة أو تحدث بصوت عال يتم عقابه مثلاً بكتابة جملة (لن أصرخ بصوت عال مرة أخرى) 200 مرة كواجب مدرسى، وإذا ألقى قاذورات مثلاً يقوم بتنظيف المكان لمدة معينة.. وهكذا، بحيث يكون العقاب من *** العمل». وتابع: «حتى النوم في الفصل سيكون له عقاب، وهنصحى الطلاب إن شاء الله».
مشيراً إلى أن اللائحة شملت جزأين، أحدهما للطالب والآخر للمعلم، وتصنيف المخالفات ووضع عقاب أمام كل منها، لافتاً إلى أن تغليظ العقوبات هو الأساس في اللائحة الطلابية، وأن السلوك المنحرف لن يكون عقابه كالمخالفات العادية، وكلما زادت المخالفة زادت العقوبة.
وأكد «الرافعى» أن اعتداء أولياء الأمور على المدرسين داخل المدرسة سيكون من اختصاص أجهزة الأمن والتحقيق، لأنه لا يستطيع عقاب طالب بسبب ولى أمره.


مصدر الخبر
http://m.almasryalyoum.com/news/details/698421

خالد عبد الجليل سعد
07-04-2015, 05:16 AM
عقاب ايجابي هههههههههه لما الطالب يبقى يسمع كلامك من الأساس يبقى عاقبه .... بس عشان خاطري خليه ايجابي.. ههههههههههه:022yb4:

Adel010700
07-04-2015, 01:47 PM
هراااااااااااااااااء ولن يجدي شيئاً هذا الكلام فالواقع أدهى من ذلك وأمرّ

seeen
07-04-2015, 06:12 PM
ناس بتكدب وبتصدق نفسها ... اصلا فى الثانوى الطالب مبيحضرش اللهم الا نادرا وطلبة سنة اولى !!

الكابتن55555
07-04-2015, 07:29 PM
طيب لو الطالب رفض العقاب اللي سيادة الوزير بيقترحه إيه البديل - البني آدم ده شكله كده رايح بالتعليم في ستين داهيه

رفاعى حمودة
07-04-2015, 09:38 PM
الوزير مفكر نفسه فى علم مثالى مع انه اسوا وزير تعليم

emamy
07-04-2015, 09:57 PM
حاجة عجيبة طب مثلا قلت له اكتب الجملة 200 مرة وما كتبش وكل ما تقوله اعمل ما يعملش وهكذا يجيب اللوم على المدرس ازاى تقوله اعمل ولا يعملش ها تفصله هو اساس مش عايز يروح المدرسة

ادهم500
07-04-2015, 11:05 PM
و الله الناس دى فاضيه بقا طالب ثانوى هاقوله اكتب الجمله دى 200 مرة طب اتحدى اذا كان معظم طلبه الثانوى بيكتبوا اللى بياخدوه فى الفصل دى ايه الناس الرايقه

رفعت توفيق 2
07-04-2015, 11:30 PM
ههههههههههههههههههههههههههههههههههههههههههههههههه شر البلية ما يضحك

د/عزت التونسى
08-04-2015, 01:22 PM
هذا الوزير اما يكون غبى او يكون غبى

xkeysman
08-04-2015, 08:22 PM
وزير غبي ههههههههه

لوجين20
08-04-2015, 08:31 PM
بالعكس العقاب ده التلميذ مش هاينفذه
ساعتها المدرس يعمل ايه؟
الابتدائي ممكن يتفعل فيه انما مراحل التعليم العليا هيعمل ايه فيها؟

emadsalam
08-04-2015, 08:33 PM
بعد الرجوع الى اللائحة الطلابية فى الدول المتقدمة 0000000 هى الدول المتقدمة دى مفهاش لائحة خاصة بالمعلمين عشان يطبقها بالمرة 0000000000000000000000000 وعجبى

محمدسعيدابوالعينين
08-04-2015, 08:55 PM
كدا احنا في مصر
فين عقاب الطالب لما بيشرب سجاير
فين عقاب الطالب اللي ابوة في منصب مهم وبتليفون واحد الموازيين بتتقلب علي دماغ المعلم
شكرا ايتها الوزارة علي العقاب الايجابي اللي الطالب لورفضة اروح احسن بكرامتي

لوجين20
08-04-2015, 09:00 PM
يعني احنا كمعلمين محتاجين احكام قضائية ومحاكم عسكريه للطلبه عشان نسيطر عالفصل؟؟
والله عيب علينا

taha4m
09-04-2015, 01:23 AM
أنا هخلي الولد يكتب ( انا مش عهمل كدة تاني ) 199 مرة هل اكون مخالف للقانون آ ه يا بلد

waleed2008
09-04-2015, 04:47 PM
ده وزيررررررررررررر التعليم يفكر كده يبقى ربنا يستر على المعلمين

elbadry49
09-04-2015, 06:42 PM
سلم لي على التر وماي

الاستاذة هند
09-04-2015, 07:31 PM
طيب يا سيادة الباشا الوزير لو سعادتك فى مدرسة ثانوى مشتركة والطالب عامل نفسه الواد اللى مفيش منه امام البنات تعمل ايه ؟ طيب لو اشتكت طالبة بأن الطالب بيتلفظ بألفاظ خارجة قلة ادب تعمل ايه ؟ طيب لو مديرة المدرسة مش راضية تفصل البنات فى فصل والبنين فى فصل بحجة انها مشتركة او العدد لا يكفى او ..تعمل ايه؟

الاستاذة هند
09-04-2015, 07:35 PM
طيب لو الوزير نايم ومش دارى انه فى مصر ايه يكون العقاب؟

ابراهيممممم
10-04-2015, 01:18 AM
الوزير جى من كوكب اخر و شكرا

كريم حسن
12-04-2015, 06:55 PM
وزير للاسف لا يعلم ما بخارج مكتبه عقوبات مضحكة وشر البلية ما يضحك ماذا عن الطالب اذا لم ينفذ العقوبة بطلوا هراااااااء وضحك على الدقون هذا كلام على الورق فقط

usama tahawy
12-04-2015, 08:21 PM
كتر خير الوزير تعب اوي واجهد نفسه

ahmed.www
12-04-2015, 08:45 PM
ايه وفين اللائحة دى

مكرم هانى نافع
12-04-2015, 10:49 PM
:av4056bb7jp3:
الحل الامثل

( السر فى الحضور للمدرسة من عدمه)
ــــــــــــــــــــــــــــــــــــــــــــــــــ ــــــــــــــــــــ
فهناك طالب يتلقى التعليم من خارج المدرسة عن طريق الدروس الخصوصية وطالب فاشل لا يرغب فى التعليم . ومطلوب منهم الحضور للمدرسة غصب عنهم .فالنتيجة *** من الطالب وغضب من المعلم يتحول فى بعض الاحيان لل*** ايضا . والنتيجة فشل العملية التعليمية . واهانة المعلم .

الحل الامثل
1- عدم فصل الطالب بسبب غيابه من بداية اليوم
2- منع اى طالب من الحضور نهائيا للمدرسة وعدم حرمانه من الامتحانات اذا صدر منه او من ولى امره اى سلوك يتنافا مع قدسية العملية التعليميةوالقائمين عليها .
3- عدم منع او تجريم الدروس الخصوصية لخريجى تربية الغير معينين مع تحديد اسعارها اى تقنينها واخذ ضرائب من القائمين عليها
4- وبعد ذلك يعاقب المعلم الذى لا يحترم قدسية العملية التعليمية اشد عقاب . ( فاذا كان رب البيت بالدف ضاربوا فشيمة اهل البيت الرقص . وفاقد الشئ لا يعطيه )

النتيجـــــــــــــــــــــة

1- وجود الطالب المحترم فقط داخل المدرسة مما يجبر المدرس فى بذل اقصى جهد لخدمته واذا لم يبذل من حق الطالب ان يطلب حقه .
2- تحمل ولى الامر مسئولية تربية ابنه فإما ان يربى ابنه جيدا يجعله يحترم المدرسة والعاملين بها . إما يعلمه خارج المدرسة ويتحمل تكاليف ذلك . فهو حر هو وابنه
3- رجوع هيبة المعلم ( قف للمعلم ووفه التبجيلا كاد المعلم ان يكون رسولا )
4- خريجى كليات التربية الغير معينين يجدوا مصدر رزق لهم خارج المدرسة عن طريق الدروس الخصوصية المصرح بها .
5- زيادة الدخل القومى للبلدنا الحبيب .

ابو حسنا
14-04-2015, 12:14 AM
ربنا يكون فى عون المدرسين

لوجين20
14-04-2015, 08:36 PM
نايس توبيك استاذ مكرم
عجبتني اوي قدسية العملية التعليمية

ahmedhany1212
14-04-2015, 09:39 PM
منتدي التربية والعليم عايز 879 طالب و963طالبة

ahmedhany1212
14-04-2015, 09:42 PM
الطلبة في الاعدادية بيفتحو نص كتاب اما في الثانوية مابيفتحوش كتاب لا مذكرة ولا هباب

ahmedhany1212
14-04-2015, 09:44 PM
الطلبة في الاعدادية :028ja7:بيفتحو نص كتاب اما في الثانوية مابيفتحوش كتاب لا مذكرة ولا هباب

laylee
17-04-2015, 07:58 PM
ده باين عليه وزير عبيط واهبل ومش حاسس بالمصيبة السودة اللى التعليم وصل ليها بفضل تجارب الوزير البيضان وامثاله