تقدير قسم الكمبيوتر فى علوم [الأرشيف] - بوابة الثانوية العامة المصرية

3olomgy

14-08-2008, 10:00 AM

حسب اللائحة الداخلية للكلية
بص انا هقولك حاجة اتمنى تكون بتحصل عندكم بس هى حصلت معايا السنة اللى فاتت
دلوقتى قبل ما الدراسة هتبدأ بحوالى عشر ايام او اسبوعين عميد الكلية هيعمل مع الطلبة الجدد لقاء
هيوضح فيه تاريخ الكلية ونشأتها ويفتخر بالدكاترة بتوعها والكلام اللى مالوش لزمة ده
المهم بعد اللقاء ؛ هتروح عند شئون الطلبة او رعاية الشباب و تديهم بطاقة الترشيح هيدوك كتاب
الكتاب ده مكتوب فيه نظام التشعيب وعدد الطلاب فى كل قسم والتقديرات والمواد اللى تختارها عشان تدخل القسم اللى انت عايزه وكل التفاصيل دى
ممكن كمان تدخل موقع الكلية بس ما اعتقدش هتلاقى معلومة مفيدة
لو هنتكلم فى العموم ؛ اللى بيحدد تقديرات القسم فى الكلية هو إقبال الطلبة عليه , بالظبط زى تنسيق الثانوية العامة
عندنا مثلا قسم الجيولوجيا ..الطلبة كلها هتتجنن عليه وبالتالى خلوا تقديره جيد جدا تقدير عام وجيد جدا مواد تخصص وهياخدوا عشر طلاب فقط !
قسم كيمياء فيزياء ...محدش بيرضى يدخله ابداً ( مع انه القسم اللى اتخرج منه احمد زويل ) عشان كده تلاقى القسم بدون شروط واى حد شايل اربع مواد بيدخله وتقريباً تلت الكلية فيه لان تلت الكلية شايل مواد
اتمنى اكون وضحت عشان انا عارف مش بعرف اشرح كويس وبعقد الأمور
بالتوفيق إن شاء الله