الموضوع السنوى ( كله يجمع ) [الأرشيف] - بوابة الثانوية العامة المصرية

smsmzeros

14-04-2015, 12:08 AM

السلام عليكم ورحمة الله وبركاته
فكل سنه بيتعمل موضوع لحل المشاكل الدراسيه اللى بتواجهة الطلبه وكان كل ادمن بيساعد بقدر المستطاع وبفكره مشابه او مختلفه عن من سبقه
فقولت انا كمان احاول اعمل حاجه لك اخواتى الغاليين اللى هنا اللى انا قصرت معاهم الفتره اللى فاتت لغيابى وانشغالى
المهم بعتذر وبتمنى افيدكم واحاول اساعدكم ولو بالقليل :)
الموضوع هيبقى عباره عن مناقشات وحلول لمشاكل هيتم عرضها ناس كتيره هنا بتعدى ببعضها او بيها كلها ونحاول نساعد بعض ونتبادل الخبرات فحل المشاكل دى
فاتمنى التفاعل والمناقشات الجديه والافاده
.
،
ملحوظه : لكل واحد مر بمشكله وتم عرضها والبحث عن حلول لها
احنا هنا ممكن نديك وسائل تساعدك فحل المشكله وكلام كتير جدا
كله هيفضل كلام طول ما انتا مش بتستخدمه

فارجو من حضرتك التمتع بروح التحدى والاراده القويه والحماس الدائم
وتحويل الكلام دا لنتيجه وانجاز لنفسك ودافع ليك
..
ودمتم بخير

smsmzeros

14-04-2015, 12:11 AM

المشكله الاولى
اممممم
السنه عدت بسرعه والامتحانات عالابواب وانا مانجزتش حاجه
اعمل اى فالمصيبه دى؟؟
...
فانتظار التفاعل

زهرة 1996

14-04-2015, 08:10 AM

smsmzeros

14-04-2015, 10:47 AM

جزاك الله خير .. والله جيت فى وقتك.. بس انا عندى مشكلة تانية وهى الدروس .. بفكر اقعد من الدزوس عشان اوفر وقت ومجهود واعتمد على الله ثم على نفسى .. ايه رأى حضرتك ؟؟ ولا اللى انا بفكر فيه ده غلط؟؟؟ وبفكر كمان انزل انجليزى بس . وباقى المواد .. اعتمد على الشرح اللى فى النت .. وازاكر واجتهد الفترة ديه .. خلاص مفيش وقت .. ياريت تقولى ايه الصح عشان اعملة ؟؟؟ وشكرا لحضرتك ..
جزانا الله واياكم ان شاء
كويس ان حضرتك عرضتى المشكله دى برضو
القصد نجمع اكبر عدد. من المشاكل عشان يبقى الموضوع شامل
..
المهم
الفكره فترك الدروس بتيجى لناس كتير
بس متاخر للاسف يعنى قدام الامتحانات بوقت قصير تفكيرا فالانجاز
يعنى احنا المفروض نعتمد على نفسنا فاول السنه ومنجريش عالدروس لانها بتعلمنا على الإتكاليه
والتقليل من دور المدرسه
المهم مشكلة الدروس مش موضوعنا ناو
..
القصد اننا المفروض ناخد دروس قبل الامتحانات كمراجعه على مذاكرتنا
ولرؤيه مدى نجاحنا ومجهودنا
..
بيس اللى بدء فالطريق دا الدروس من اول السنه هيتعب ومش هيذاكر كويس
فنصيحه شدى حيلك وذاكرى كويس وروحى الدروس وحافظى ع وقتك
وخلصتى مواد ركزى عغيرها ولما تخلصو مراجعه اجمعى التلاخيص بتاعت كل ماده وذاكرى فيها
وابعدى عن النت لغير الضروره لانه بيضيع الوقت اكتر من ما بيحافظ عليه
وهتلاقى وانتى بتذاكرى حاجات بتشتتك
..
زى خطوات الشيطان وهتيجى كل يوم تلاقى اليوم بضيع وكل يوم تحاولى وكده
لحد ما تيجى الامتحانات يبقى الاوان فات فعلا
..
خلاص الكلام
متبطليش دروس والنت مش يعوضك عن الدروس هوا مساعد بس لا يعتمد عليه
ونظمى وقتك وقربى من ربنا
..
دى نصحيتى وانتى حره فقراراتك
و قد يكون للبعض وجهة نظر اخرى
بس نصيحتى مبنيه عتجربه سابقه
..
اتمنى اكون فدتك
وبتمنالك التوفيق

aalaaabdelhamed

14-04-2015, 11:29 AM

لو سمحت انا ف 2ث وامتحاناتي تلاتة خمسة كل ما اعمل جدول مذاكرة يفشل وعندي حد وثلاثاء وخميس فاضيين والباقي مليان دروس عااايزة انظم وقتي بس مش عارفة ازاااااااي

Master ahmed100

14-04-2015, 11:34 AM

*Sara Ahmed*

14-04-2015, 12:26 PM

اعمل ايه فى النوووم ؟؟

smsmzeros

15-04-2015, 12:26 PM

اعمل ايه فى النوووم ؟؟

اممممم النوم
النوم شئ كويس ففتره المراهقه لانه بيساعد على بناء الجسم لكن كعاده كل شئ ان زاد عن حده تحول الى مشكله كبيره
وللتخلص من النوم الزائد تلزمنا اراده قويه وتنظيم مناسب للوقت
بس دا لو النوم زايد عن الحد من ٨ ساعات كويسين
حاولى تواجهى النوم بمعرفه اسبابه
هل هوا عاده ولا هروب فالايام دى بس
حاولى تعودى نفسك ع وقت صحيان كل يوم ووقت نوم
وان شاء الله خير
وجاهدى نفسك ومتقصريش فمذاكرتك

smsmzeros

15-04-2015, 01:14 PM

لو سمحت انا ف 2ث وامتحاناتي تلاتة خمسة كل ما اعمل جدول مذاكرة يفشل وعندي حد وثلاثاء وخميس فاضيين والباقي مليان دروس عااايزة انظم وقتي بس مش عارفة ازاااااااي

اولا بتمنالك التوفيق
ثانيا ..
تنظيم الوقت وعمل الجداول احسن حد يقوم بيها الشخص نفسه

لانه خير من يحافظ واشر من يضيع وقته
وكونك عملتى اكتر من جدول فده فحد ذاته شئ كويس واتمنى يكون فشلك دا اصبح محفز ومليكى اصرار
انك تنجحى فالاخر
اهم شئ قبل عمل الجدول ترتيب الاولويات والحاجات اللى يمكنك الاستغناء عنها
مثلا النت لغير الضروره و دروس خلصت المراجعات فيها
واصبح كلام المدرس بيتعاد وخلاص
خصصى وقت تكونى فاضيه فى كل يوم لعمل جدول اسبوعى
وقت بتكونى نشيطه فيه
اتخلى عن كل شئ محبط سوء اشخاص او مواقف او احاديث ومناقشات
وتاكدى ان نجاحك دا شئ لنفسك
اولا واخيرا وخدى النصيحه من اى حد ومتتكبريش ع ناصح وان ظهر ان كلامه متكرر وقديم
..
بالنسبه للجدول فركزى فالاول عالمواد المقصره والمقلقه منها بشكل مكثف وخصصى برضو بعض منه للمواد اللى حاسه نفسك كويسه فيها
كمراجعه وعشان منسيهاش
كاستذكار يعنى
وقسمى الجدول واعملى وقت راحه ونسقى بين المواد يعنى المواد المعتمده عالحفظ متكنش مع بعضها عشان مترهقيش وتملى واللى بيحتاجو للفهم كذلك شوى كده وشوى كده
استمرى عالجدول واعملى لنفسك اختبارات مستوى اسبوعيه وتجنبى الشعور بالملل وتمتعى بالمثابره وروح التفائل
..
كلامى دا من اساسيات عمل الجداول
لكن كمواد ووقت انتى تقدرى تحددى اللى انتى محتاجه تركزى فيه وافضل وقت لمذاكره كل ماده
.. اتمنى اكون افادتك
مع دوام التوفيق والنجاح

توكلت علي خالقي

15-04-2015, 01:23 PM

smsmzeros

15-04-2015, 03:31 PM

انا خلصت اول مراجعة للمواد مع نفسي الحمد لله وهبدأ الثانية ان شاء الله بس عندي قصور في الفيزياء في الحل بس وعايز احل كل الكتب اللي معايا انا معايا كتب كتير جدا ونفسي احقق حلمي واجيب ع الاقل 99ونص بس فاضل شهر ونص بس وانا بذاكر والله وخلصت اول مراجعة بس ممكن اتعب فبالنسبة للراحة بكترها شويةء

ما شاء الله عليك
كويس جدا كده كوقت تخلص فيه مراجعه اولى اتمنى انك تلحق الباقى وان شاء الله تحقق حلمك
بالنسبه للفيزياء اوى اى ماده علميه فهى مبنيه عالفهم والحفظ مع بعض
فهتلاقى ان المسائل بتاعت الفصل الوحد بتشابهو فالفكره العامه اللى عليها الموضوع
وهى كلها افكار بترتبط ببعض وقوانين تؤدى لنتيجه واحده فالاخير
فالفكره انك متحلش كل المسائل
انتا افهم اكبر قدر من افكار المسائل وساعتها هتقدر تحل اكتر
انتا ممكن تحل ١٠ مسائل بيدورو فنفس الفكره فتمل وومكن تحل اكتر من مسئله بافكار مختلفه فتبقى استفدت اكتر
الطريقه دى بتمسى فالكيميا برضو الرياضيات
اللىهى ام الافكار
..
اتمنى اكون افادتك ودمت من المتفوقين

RAiN

15-04-2015, 04:49 PM

ربنا يساعدكم ويحبب إلى أنفسكم المذاكرة
وكل شخص يحقق حلمه ويدخل الكلية اللي نفسه فيها

smsmzeros

15-04-2015, 05:54 PM

ربنا يساعدكم ويحبب إلى أنفسكم المذاكرة
وكل شخص يحقق حلمه ويدخل الكلية اللي نفسه فيها
امين يا رب
إن شاء الله جميعا
جزاكم الله خيرا على مرورك الجميل

هاوى إبداع

16-04-2015, 12:25 PM

جزاكم الله خيرا ياباشا
موضوع ف وقته
وربنا يجعله في ميزان حسناتك ان شاء الله

smsmzeros

16-04-2015, 06:00 PM

جزاكم الله خيرا ياباشا
موضوع ف وقته
وربنا يجعله في ميزان حسناتك ان شاء الله

جزانا الله واياكم
الموضوع منور بمرور حضرتك
آمين يا رب جميعا
اتمنى تشارك معانا وتفدنا بخبرات حضرتك

هبــة أحمـد

17-04-2015, 02:17 PM

smsmzeros

17-04-2015, 03:58 PM

لو سمحت انا مش عارفة انا ماشية صـح كدآ ولأ !
انا بتاخر اووى فى المزاكرة يعنى ممكن فصل فى الحديثة اعدت فيه يوم كامل وانا بزاكرة عشان بحب احل على اى جزء ازاكرة الاسئلة اللى جت السنين اللى فاتت ومش عارفة اعمل ايه حولت انى ازاكر اكتر من فصل فى يوم حسيت انى لأ مش زى مبزاكر فصل واحد واديه حقة وخايفة اووى لو استمرت كدآ هلحق اخلص ولا ايـه ؟ وشكرااا على الموضوع الرائع دا :)
فى حكمه بتقول ( سير للامام ببطء ولكن ترجع خطوه للوراء )
فانتى كويسه وإن كنتى شايفه انك بتضيعى وقت او مش وقته اللى بتعمليه
بس انتى ممكن مثلاً تخصصى وقت تخلصى فيه قدر المستطاع
...
او لو انتى مِقصره فمواد تانيه فقدامك حلين
ممكن تخدى اكبر فكره عن المواد فالاول وبعد كده تحلى عليهم بما ان الحل هوا اللى بيخليكى تتعطلى
وتطولى فالوقت
..
او ممكن تكثفى فالمواد حبه وتذاكرى اكتر من ماده مع بعض فكده هيبقى فى انجاز حبه
ونظمى وقتك اكتر من كده
وخلى عندك اراده وحزم فالاوقات ومتسرحيش ومتشتتيش نفسك فاكتر من مرجع او كتاب
واتمنالك التوفيق الدائم

واثقه

17-04-2015, 04:17 PM

بالنسبة للى عنده 15 مادة يشتغل فيهم ازاى مع العلم فاضل 43 يوم ع الامتحان يعمل ايه

smsmzeros

17-04-2015, 06:57 PM

بالنسبة للى عنده 15 مادة يشتغل فيهم ازاى مع العلم فاضل 43 يوم ع الامتحان يعمل ايه
طب هوا اللى عنده 15 ماده دا مش واثق فاى ماده وسنله بالنسبه له
..
بافتراض انه مخلصش اى ماده ومش متمكن فاى واحده ودا نادر فبتوع الازهر .. بس اوك
..
اولا لازم تعملى جدول محترم ولا إراديا لازم تلتزمى بيه وتمشى عليه
وتدعى ربنا يوفقك
..
اخلصى من المواد السهله فالاول الاسهل فالاسهل عشان تحسى انك انجزتى شئ ويروح عنك القلق وتطمنى حبه وتذاكرى الباقى بنفس حلوه
..
لو الوقت متاح كنا هنعكس مثلا الصعب فالاول وهكذا
..
ما علينا
لازم تنظمى وقتك وشدى حيلك ويبقى عندك اراده قويه انك تبقى حاجه وتحيي روح الامل واهدافك وتستذكريها عشان يبقو دافع كويس ليكى للتقدم
..
ابعدى عن كل اللى ممكن يحبطك ويوقف تقدمك
..
الموضوع هيبقى صعب فالاول ولازم تعرفى كده كويس عشان تستحملى
..
واتمنالك دوام التوفيق فامتحاناتك

واثقه

17-04-2015, 10:16 PM

طب هوا اللى عنده 15 ماده دا مش واثق فاى ماده وسنله بالنسبه له
..
بافتراض انه مخلصش اى ماده ومش متمكن فاى واحده ودا نادر فبتوع الازهر .. بس اوك
..
اولا لازم تعملى جدول محترم ولا إراديا لازم تلتزمى بيه وتمشى عليه
وتدعى ربنا يوفقك
..
اخلصى من المواد السهله فالاول الاسهل فالاسهل عشان تحسى انك انجزتى شئ ويروح عنك القلق وتطمنى حبه وتذاكرى الباقى بنفس حلوه
..
لو الوقت متاح كنا هنعكس مثلا الصعب فالاول وهكذا
..
ما علينا
لازم تنظمى وقتك وشدى حيلك ويبقى عندك اراده قويه انك تبقى حاجه وتحيي روح الامل واهدافك وتستذكريها عشان يبقو دافع كويس ليكى للتقدم
..
ابعدى عن كل اللى ممكن يحبطك ويوقف تقدمك
..
الموضوع هيبقى صعب فالاول ولازم تعرفى كده كويس عشان تستحملى
..
واتمنالك دوام التوفيق فامتحاناتك

بص حضرتك انا ماشية كويس ف جمبع المواد بس اهي شغلين ذاكرري ذاكري اناعارفه المعلومات وبضايق لما اذاكرهم تانى عايزين مراجعه بس فهم مش فاهمين دا بس الانجليزي ضايعه فيه جااااااااااامد

هبــة أحمـد

17-04-2015, 10:33 PM

فى حكمه بتقول ( سير للامام ببطء ولكن ترجع خطوه للوراء )
فانتى كويسه وإن كنتى شايفه انك بتضيعى وقت او مش وقته اللى بتعمليه
بس انتى ممكن مثلاً تخصصى وقت تخلصى فيه قدر المستطاع
...
او لو انتى مِقصره فمواد تانيه فقدامك حلين
ممكن تخدى اكبر فكره عن المواد فالاول وبعد كده تحلى عليهم بما ان الحل هوا اللى بيخليكى تتعطلى
وتطولى فالوقت
..
او ممكن تكثفى فالمواد حبه وتذاكرى اكتر من ماده مع بعض فكده هيبقى فى انجاز حبه
ونظمى وقتك اكتر من كده
وخلى عندك اراده وحزم فالاوقات ومتسرحيش ومتشتتيش نفسك فاكتر من مرجع او كتاب
واتمنالك التوفيق الدائم

اولا شكرااا اووى على رد حضرتك
بس انا لو مشيت انى ازاكر فصل واحد فى اليوم هلحق اخلص ! وبحل على اللى بزاكرو وماشية كويس مع الدروس كل اللى المدرسين بيطلبوه بعمله
وكمان عندى حاجة انا اكتر مادة خايفة منها الكيميا مش العضوية لأ التلت فصول اللى من قدام خايفة اوووى منهم :( وزكرتهم كذا مرة واجى احل عليهم معرفش :(

Master ahmed100

17-04-2015, 11:48 PM

اولا شكرااا اووى على رد حضرتك
بس انا لو مشيت انى ازاكر فصل واحد فى اليوم هلحق اخلص ! وبحل على اللى بزاكرو وماشية كويس مع الدروس كل اللى المدرسين بيطلبوه بعمله
وكمان عندى حاجة انا اكتر مادة خايفة منها الكيميا مش العضوية لأ التلت فصول اللى من قدام خايفة اوووى منهم :( وزكرتهم كذا مرة واجى احل عليهم معرفش :(

بعد احترامي ليكي .. انا هموت من الضحك :p
مش سخرية والله ... بس بجد حرام عليكي
...
يعني سايبة العضوية اللي الناس بتقول عليها بعبع الثانوية وخايفة من اول 3 فصول
لالالالا متخافيش دول سهليت خالص .. انتي بس متحبطيش نفسك .. واسألي في اللي مش عارفاه وبإذن الله تعرفي تلميهم
انا برضو عندي الفصل الثالث اللي هو الكهربية تقريبا كده مش عارف فيه حاجة بس بإذن الله هلمه لما يجي دوره في المراجعه مع المدرس
وربنا يوفقنا

هبــة أحمـد

18-04-2015, 10:54 AM

بعد احترامي ليكي .. انا هموت من الضحك :p
مش سخرية والله ... بس بجد حرام عليكي:slap1qk6: ...
يعني سايبة العضوية اللي الناس بتقول عليها بعبع الثانوية وخايفة من اول 3 فصول
لالالالا متخافيش دول سهليت خالص .. انتي بس متحبطيش نفسك .. واسألي في اللي مش عارفاه وبإذن الله تعرفي تلميهم
انا برضو عندي الفصل الثالث اللي هو الكهربية تقريبا كده مش عارف فيه حاجة بس بإذن الله هلمه لما يجي دوره في المراجعه مع المدرس
وربنا يوفقنا

العضوية دى تافه وربنا بس المصيبة فى اللى من قدام دول وبالزات السادس يا ساتر عليه فصل بس انا هزكرهم اخر مرة ان شاء ربى بعد الاسبوع دا ميخلص هكون خلصت الفيزيا حل وكدا وهبدأ فيها يانا يا الفصول دول :stickjo4:

آميــن يااااااارب :)

Master ahmed100

18-04-2015, 11:04 AM

العضوية دى تافه وربنا بس المصيبة فى اللى من قدام دول وبالزات السادس يا ساتر عليه فصل بس انا هزكرهم اخر مرة ان شاء ربى بعد الاسبوع دا ميخلص هكون خلصت الفيزيا حل وكدا وهبدأ فيها يانا يا الفصول دول :stickjo4:

آميــن يااااااارب :)

أحب انا القرارات الحاسمة دي

smsmzeros

18-04-2015, 01:20 PM

بص حضرتك انا ماشية كويس ف جمبع المواد بس اهي شغلين ذاكرري ذاكري اناعارفه المعلومات وبضايق لما اذاكرهم تانى عايزين مراجعه بس فهم مش فاهمين دا بس الانجليزي ضايعه فيه جااااااااااامد
ما شاء الله
طب شئ جميل والله
انا الكلام الاول دا لشخص مش مذاكر ولا يفكر شئ عن المذاكره غير قليل
بس طالما حضرتك فاهمه فممكن نعدل شويه
..
يعنى استمرى على ما انتى عليه مع المذاكره المنتظمه ورتبى وقتك
واولوياتك
..
سيبك من كلام اى حد واعملى اللى مقتنعه انه صح
متبنيش قراراتك على كلام الناس ومتديش فرصه حد يكلمك
..
وبالنسبه لانك بتزهقى معلش تعالى على نفسك وراجعى مره واتنين واكتر لحد الامتحانات
مش هتخسرى حاجه وركزى عالمواد المقصره فيها زى الانجليزى اللى بتقولى عليه
خصصى وقت حفظ كلمات وجزء قواعد وجزء قصه وهكذا
كل يوم خصصى وقت للانجليزى لحد ما تلاقى نفسك كويسه فى وممتازه ودا شئ من اسهل ما يمكن
...
و اتمنالك التوفيق الدائم

smsmzeros

18-04-2015, 02:03 PM

اولا شكرااا اووى على رد حضرتك
بس انا لو مشيت انى ازاكر فصل واحد فى اليوم هلحق اخلص ! وبحل على اللى بزاكرو وماشية كويس مع الدروس كل اللى المدرسين بيطلبوه بعمله
وكمان عندى حاجة انا اكتر مادة خايفة منها الكيميا مش العضوية لأ التلت فصول اللى من قدام خايفة اوووى منهم :( وزكرتهم كذا مرة واجى احل عليهم معرفش :(

الشكر لله
..
امممم
احنا قولنا هنكثف فالمذاكره عشان ننجز
ومش هنرضى بكل يوم فصل واحد ونذاكر اكتر من ماده فاليوم
..
وبالنسبه للكيميا فاغلب الناس بتكون مشكلتهم مع العضويه بس انتى العكس
سبحان الله
فإن شاء الله انتى بس تشيلى هاجس الخوف اللى جواكى من الفصول دى وتبدئى فيهم شويه شويه
وهتلاقى انهم ساهلين جدا ان شاء الله
بس انتى ذاكريهم كويس زى اى فصل

واثقه

18-04-2015, 02:35 PM

ما شاء الله
طب شئ جميل والله
انا الكلام الاول دا لشخص مش مذاكر ولا يفكر شئ عن المذاكره غير قليل
بس طالما حضرتك فاهمه فممكن نعدل شويه
..
يعنى استمرى على ما انتى عليه مع المذاكره المنتظمه ورتبى وقتك
واولوياتك
..
سيبك من كلام اى حد واعملى اللى مقتنعه انه صح
متبنيش قراراتك على كلام الناس ومتديش فرصه حد يكلمك
..
وبالنسبه لانك بتزهقى معلش تعالى على نفسك وراجعى مره واتنين واكتر لحد الامتحانات
مش هتخسرى حاجه وركزى عالمواد المقصره فيها زى الانجليزى اللى بتقولى عليه
خصصى وقت حفظ كلمات وجزء قواعد وجزء قصه وهكذا
كل يوم خصصى وقت للانجليزى لحد ما تلاقى نفسك كويسه فى وممتازه ودا شئ من اسهل ما يمكن
...
و اتمنالك التوفيق الدائمشكرا ليك وانا مش بنجذب للكتاب كتير لو دفعه بتتبقي يومين والباقي لا نفسي كده اقعد اذاكر واحل اسئلة كتير ومحدش يغلبني بس مش عارفه اقعد نفسي ازاى ع الكتاب

inourhane

18-04-2015, 03:02 PM

محتاجه حد يساعدني اعمل ايه في العضويه مش مذاكه منها غير لحد الالكين و بتتنسي بسرعه اوي و كمان الانجليزي انا بالنسبالي لغه تانيه و مش بذاكره خالص و خايفه اوي
و معلش في السءال انا اللس مفروض اذاكر كام ساعه و اريح كام ساعة ،؟

smsmzeros

18-04-2015, 05:28 PM

شكرا ليك وانا مش بنجذب للكتاب كتير لو دفعه بتتبقي يومين والباقي لا نفسي كده اقعد اذاكر واحل اسئلة كتير ومحدش يغلبني بس مش عارفه اقعد نفسي ازاى ع الكتاب
الشكر لله
اممم عدم الانجذاب للكتاب
بصى حضرتك
فالوقت الحالى مع ديقه لازم تمسكى الكتاب وتذاكرى مش تستكفى بمذكرات وملخصات الدروس
لان فالاخر بيجيبو من كتاب الوزاره
سواءا مواد شرعيه او علميه
فانتى اقعدى عالطربيزه وامسكى الكتاب هيبقى رخم فالاول اقعدى اقرى وحاولى تفهمى وبعدين اعملى تلخيص لكل فصل اول باول هتنفعك ليالى الامتحاناتزوتساعدك على سرعه استذكار المعلومات
..
فهو موضوع الانجذاب دا ما هوا إلا وقت وصبر وإراده وهتتعودى بعد كده
..
إن شاء الله
..

smsmzeros

18-04-2015, 06:34 PM

محتاجه حد يساعدني اعمل ايه في العضويه مش مذاكره منها غير لحد الالكين و بتتنسي بسرعه اوي و كمان الانجليزي انا بالنسبالي لغه تانيه و مش بذاكره خالص و خايفه اوي
و معلش في السؤال انا المفروض اذاكر كام ساعه و اريح كام ساعة ،؟
اولا حضرتك لازم تهدى وتتخلصى من الخوف وتاخدى الامور بهدوء الامتحان مش بكره والوقت لسه فإيدك بس ركزى كويس عشان تنجزى حالك وتلحقى نفسك
..
احنا ديما بنضخم الامور ونكبر المشاكل للحد اللى بيخلينا نخاف نواجهها .. بنصنع بعبع لانفسنا بانفسنا
..
المهم .. العضويه والكيميا عموما زى اى ماده علميه .. قائمه عالحفظ والفهم
حفظ القوانين وفهم الاثباتات والنتايج
بكده هتكونى ملكتى المعادلات والتحويلات
فاضل بس تطبيقك واهتمامك بالمذاكره والثقه بنفسك اكتر عشان تقدرى تواجهى المواد بدون قلق
..
الانجليزى برضو ما هوا الا كلمات وقواعد وممكن تذكريه كثقافه عامه ليكى انتى عشان تبقى لغه مدى الحياه مش مذاكره للامتحانات والسلام
فانتى ذاكريه تجنبا للكورسات بعد ما تخلصى تعليم وحافظى عليه بالمراحعه المستمره
احفظى كلمات وخصصى يوميا جزء للانجليزى من يومك واى ماده مقصره فيها خصصيلها وقت وقسمى الوقت المخصص بين حفظ كلمات وقوانين وفهم قواعد وإثباتات ... الخ
..
بالنسبه لوقت المذاكره بيختلف باختلاف قدره الشخص عالفهم والحفظ وحماس الشخص فى اللى بيذاكر طول مهوا صاحى وفى اللى مش بيقدر يذاكر كتير
فى اللى بينجز وفى اللى بيعك
..
بالنسبه للراحه فهى متزيدش عن ثمان ساعات نوم وساعه ترفيه او اتنين للخروج من المود وتجديد النفسيه
..
باقى معاكى
14 ساعه فى منهم الاكل والشرب وظروروف طارئه
.الخ
قولى هترسى ع 10 او 8 ساعات
..
فى اللى بيذاكر 6 او 8 او 10 او 4 او 2 اوحتى 14
العبره فالنهايه فمدى التركيز والانجاز
..
فانتى اثبتى ع 8 او 6 نوم والباقى قسميه زى ما تحبى او يناسبك حسب قدرتك وتركيزك

inourhane

18-04-2015, 07:04 PM

بالنسبه للاحياء انا مخلصه دعامه و حركه و وراثه و الاسبوع اللي جاي هخلص تكاثر و يبقي فاضل dna
و العربي انا خلصت الجزء الاول قصه و درسين قراءه و ٤ نصوص
و الفيزياء بكره هخلص الحديثه و ابدا في الحث
كيمياء هخلص الاتزان يوم الاربع و ضايعه عضويه
فرنساوي و انجلش مش مذاكره فيهم حاجه و جولجيا مخلصه ٣ فصول
طيب هل كده انا ماشيه كويس ؟ و اقد بفضل ربنا اجيب مجموع صيدله؟

واثقه

18-04-2015, 07:09 PM

الشكر لله
اممم عدم الانجذاب للكتاب
بصى حضرتك
فالوقت الحالى مع ديقه لازم تمسكى الكتاب وتذاكرى مش تستكفى بمذكرات وملخصات الدروس
لان فالاخر بيجيبو من كتاب الوزاره
سواءا مواد شرعيه او علميه
فانتى اقعدى عالطربيزه وامسكى الكتاب هيبقى رخم فالاول اقعدى اقرى وحاولى تفهمى وبعدين اعملى تلخيص لكل فصل اول باول هتنفعك ليالى الامتحاناتزوتساعدك على سرعه استذكار المعلومات
..
فهو موضوع الانجذاب دا ما هوا إلا وقت وصبر وإراده وهتتعودى بعد كده
..
إن شاء الله
..

ان شاء الله شكرا لحضرتك مرة تانى

تلميذ123

18-04-2015, 07:23 PM

انا مبقدرش احل وخصوصا في الكيمياء ...ولما بزاكر بحس باني مش قادر ادخل المعلومة في دماغي ...وفي العضوية خصوصا بحس بتداخل رهيب بين دروسه اعمل ايه؟.ا

واثقه

18-04-2015, 08:21 PM

انا مبقدرش احل وخصوصا في الكيمياء ...ولما بزاكر بحس باني مش قادر ادخل المعلومة في دماغي ...وفي العضوية خصوصا بحس بتداخل رهيب بين دروسه اعمل ايه؟.ا

انا اسهل مادة عندي الكيمياء استاذ رهيب بيحفظك المعلومات وبيفهمك كويس جدا وبيحببك ف الكيمياء

تلميذ123

18-04-2015, 08:38 PM

ما هو انا مشكلتي اني كنت بتنقل بين مساتر كيمياء ومكنتش مركز فيها

واثقه

18-04-2015, 08:50 PM

ما هو انا مشكلتي اني كنت بتنقل بين مساتر كيمياء ومكنتش مركز فيها

يبقي الغلط عندك انت من الاول

تلميذ123

18-04-2015, 09:40 PM

انا مش هنكر كدا ...بس اعمل ايه دلوقتي؟

smsmzeros

18-04-2015, 09:42 PM

بالنسبه للاحياء انا مخلصه دعامه و حركه و وراثه و الاسبوع اللي جاي هخلص تكاثر و يبقي فاضل dna
و العربي انا خلصت الجزء الاول قصه و درسين قراءه و4 نصوص
و الفيزياء بكره هخلص الحديثه و ابدا في الحث
كيمياء هخلص الاتزان يوم الاربع و ضايعه عضويه
فرنساوي و انجلش مش مذاكره فيهم حاجه و جولجيا مخلصه3 فصول
طيب هل كده انا ماشيه كويس ؟ و اقدر بفضل ربنا اجيب مجموع صيدله؟
الواضح ان حضرتك منظمه وقتك كويس وعارفه نفسك ماشيه ازاى ودا شئ جميل اتمنالك التوفيق وان تحصلى حلمك
..
انتى فالوقت الجاى تحددى اللى مش مسيطره عليه وهتقدرى تخلصيه وتبدئى فالمراجعه بس عاوزه تشدى حيلك وتتفائلى خير
..
وبالنسبه للصيدله فان شاء الله هتقدرى تدخليها مادمتى عاوزاها
بس انتى اتعبى واضغطى ***سك وركزى الفتره الجايه واتحملى اى شئ ممكن تواجهيه فسبيل وصولك لحلمك وهدفك
..
كل الموضوع صبر وإراده ووعزيمه وتصميم
والتوفيق دا شئ من ربنا فاستعينى بيه اولا واخير
..
هتعملى جدول تسيطرى فيه عاللى ناقص ومتضيعيش وقت وخلى فى. اخر الجدول فتره كافيه للمراجعه وحل امتحانات سابقه ومسائل عشان تلمى اكبر قدر من الافكار ومتنضغطيش ايام الامتحانات
..
ركزى فحلمك كويس واعملى اللى عليكى ومتسيبيش فرصه لانك تندمى بعد كده
وربنا معاكى

واثقه

19-04-2015, 08:22 AM

انا مش هنكر كدا ...بس اعمل ايه دلوقتي؟

ذاكر كل يوم فصل كيمياء وحل عليه واى حاجة توقف معاك اسالنا عليها

واثقه

19-04-2015, 08:23 AM

الواضح ان حضرتك منظمه وقتك كويس وعارفه نفسك ماشيه ازاى ودا شئ جميل اتمنالك التوفيق وان تحصلى حلمك
..
انتى فالوقت الجاى تحددى اللى مش مسيطره عليه وهتقدرى تخلصيه وتبدئى فالمراجعه بس عاوزه تشدى حيلك وتتفائلى خير
..
وبالنسبه للصيدله فان شاء الله هتقدرى تدخليها مادمتى عاوزاها
بس انتى اتعبى واضغطى ***سك وركزى الفتره الجايه واتحملى اى شئ ممكن تواجهيه فسبيل وصولك لحلمك وهدفك
..
كل الموضوع صبر وإراده ووعزيمه وتصميم
والتوفيق دا شئ من ربنا فاستعينى بيه اولا واخير
..
هتعملى جدول تسيطرى فيه عاللى ناقص ومتضيعيش وقت وخلى فى. اخر الجدول فتره كافيه للمراجعه وحل امتحانات سابقه ومسائل عشان تلمى اكبر قدر من الافكار ومتنضغطيش ايام الامتحانات
..
ركزى فحلمك كويس واعملى اللى عليكى ومتسيبيش فرصه لانك تندمى بعد كده
وربنا معاكى
ربنا يوفقك ياختى وتدخلي صيدلة بقولك صاحب الموضوع وقتي ضايع كتير مش عارفه اسيطر عليه ولا اعمل اي حاجة وبصيت ف امتحاانات ازهر سابقه كرهت المواااااد كلها وكل حاجة

هبــة أحمـد

19-04-2015, 11:42 AM

الشكر لله
..
امممم
احنا قولنا هنكثف فالمذاكره عشان ننجز
ومش هنرضى بكل يوم فصل واحد ونذاكر اكتر من ماده فاليوم
..
وبالنسبه للكيميا فاغلب الناس بتكون مشكلتهم مع العضويه بس انتى العكس
سبحان الله
فإن شاء الله انتى بس تشيلى هاجس الخوف اللى جواكى من الفصول دى وتبدئى فيهم شويه شويه
وهتلاقى انهم ساهلين جدا ان شاء الله
بس انتى ذاكريهم كويس زى اى فصل

ان شــآء الله :)

شكــراً على وقـت حضرتــك ومجهــودك الرائــع دا :)

جزآك الله خيــــراً :) ^^

smsmzeros

19-04-2015, 12:21 PM

انا مبقدرش احل وخصوصا في الكيمياء ...ولما بزاكر بحس باني مش قادر ادخل المعلومة في دماغي ...وفي العضوية خصوصا بحس بتداخل رهيب بين دروسه اعمل ايه؟.ا
مبقدرش .. مش قادر .. بحس بتداخل رهيب ..
الكلام دا لو انتا مقتنع بيه مش ممكن هتتقدم
فاحسنلك اتخلص من الاحباط واليأس الاول وذاكر باصرار
سيبك من اللى فات . مفيش وقت للندم هتندم هتضيع وقت
العضويه ممكن تقسمها لجزئيات وتذاكرها جزء جزء وتحل المعادلات والتحويلات اللى على كل جزء
فيهم اول باول فالاول هتحس بتعب بس معلش اصبر ومع الوقت هتعرف تفرق وتميز كويس بين كل جزء والتانى
..
وبالنسبه للمدرس او الدرس عموما فما هوا إلا محفز للواحد وميصحش نعتمد عليه اعتماد تواكلى فانه يحفظنا ويخلينا نتفوق
هوا عامل مساعد ودوره ثانوى
فانتا اعتمد
على نفسك بعد الله عز وجل طبعا
..
وركز على هدفك كويس وحفز نفسك بنفسك
..
خصص وقت من يومك ف الجدول لكل ماده انتا مقصر فيها
وحاول تنجز فيها عشان تعرف تعمل مراجعه كويسه قبل الامتحانات
..
بتنمالك التوفيق الدائم
وبشكر العضوه اللى ردت على حضرتك

smsmzeros

19-04-2015, 12:49 PM

ربنا يوفقك ياختى وتدخلي صيدلة بقولك صاحب الموضوع وقتي ضايع كتير مش عارفه اسيطر عليه ولا اعمل اي حاجة وبصيت ف امتحاانات ازهر سابقه كرهت المواااااد كلها وكل حاجة
آمين
جميعا إن شاء الله
..
بالنسبه للوقت الضائع ودا مش وقته خالص فالفتره دى
فلازم يتلحق
بعمل خطه وجدول والثبات عليهم وتطويرهم للافضل
حددى هدفك وركزى عليه
فنهاية كل يوم او اسبوع
اعملى فرز لانجازك وشوفى انتى مقصره فاى وركزى عليه
..
اتجنبى تضييع الوقت
قدر المستطاع ابعدى عن المشتتات كلها وكل ما تلقى نفسك مش مركزه استهدى بالله وركزى كويس
..
وبالنسبه للامتحانات السابقه
بتبقى بعد المراجعه الكويسه
فلو انتى مرجعتيش طبيعي هتلاقيها صعبه
فانتى امسكى فصل فصل او جزء جزء وخلصيه كله حل امتحانات سابقه هتلاقى اختلاف
وعلمى عالاجزاء والاسئله اللى مستوعبتهاش فكل ماده
وحدديها بعدين راجعى عليها كويس
..
واتمنالك التوفيق الدائم

تلميذ123

19-04-2015, 01:37 PM

مبقدرش .. مش قادر .. بحس بتداخل رهيب ..
الكلام دا لو انتا مقتنع بيه مش ممكن هتتقدم
فاحسنلك اتخلص من الاحباط واليأس الاول وذاكر باصرار
سيبك من اللى فات . مفيش وقت للندم هتندم هتضيع وقت
العضويه ممكن تقسمها لجزئيات وتذاكرها جزء جزء وتحل المعادلات والتحويلات اللى على كل جزء
فيهم اول باول فالاول هتحس بتعب بس معلش اصبر ومع الوقت هتعرف تفرق وتميز كويس بين كل جزء والتانى
..
وبالنسبه للمدرس او الدرس عموما فما هوا إلا محفز للواحد وميصحش نعتمد عليه اعتماد تواكلى فانه يحفظنا ويخلينا نتفوق
هوا عامل مساعد ودوره ثانوى
فانتا اعتمد
على نفسك بعد الله عز وجل طبعا
..
وركز على هدفك كويس وحفز نفسك بنفسك
..
خصص وقت من يومك ف الجدول لكل ماده انتا مقصر فيها
وحاول تنجز فيها عشان تعرف تعمل مراجعه كويسه قبل الامتحانات
..
بتنمالك التوفيق الدائم
وبشكر العضوه اللى ردت على حضرتك

ان شاء الله احاول اخصص لها وقت اكتر ...شكرا جدا لتحفيزك ليا :078111rg3:

واثقه

19-04-2015, 02:37 PM

آمين
جميعا إن شاء الله
..
بالنسبه للوقت الضائع ودا مش وقته خالص فالفتره دى
فلازم يتلحق
بعمل خطه وجدول والثبات عليهم وتطويرهم للافضل
حددى هدفك وركزى عليه
فنهاية كل يوم او اسبوع
اعملى فرز لانجازك وشوفى انتى مقصره فاى وركزى عليه
..
اتجنبى تضييع الوقت
قدر المستطاع ابعدى عن المشتتات كلها وكل ما تلقى نفسك مش مركزه استهدى بالله وركزى كويس
..
وبالنسبه للامتحانات السابقه
بتبقى بعد المراجعه الكويسه
فلو انتى مرجعتيش طبيعي هتلاقيها صعبه
فانتى امسكى فصل فصل او جزء جزء وخلصيه كله حل امتحانات سابقه هتلاقى اختلاف
وعلمى عالاجزاء والاسئله اللى مستوعبتهاش فكل ماده
وحدديها بعدين راجعى عليها كويس
..
واتمنالك التوفيق الدائم

شكرا ليك ربنا يبارك ليك هو حضرتك من اسوان المحافظة ولا مركز فيها

smsmzeros

19-04-2015, 06:22 PM

ان شــآء الله :)

شكــراً على وقـت حضرتــك ومجهــودك الرائــع دا :)

جزآك الله خيــــراً :) ^^
العفو يا آنسه
والشكر لله
جزانا الله وإياكم كل خير
..
وفخدمه حضرتك فاى وقت

smsmzeros

19-04-2015, 06:27 PM

ان شاء الله احاول اخصص لها وقت اكتر ...شكرا جدا لتحفيزك ليا :078111rg3:

ربنا يعين حضرتك واتمنالك دوام التقدم والتوفيق
..
الشكر لله
واى خدمه
انا موجود ان شاء الله

واثقه

19-04-2015, 06:27 PM

العفو يا آنسه
والشكر لله
جزانا الله وإياكم كل خير
..
وفخدمه حضرتك فاى وقت

انا الحمد لله بدات اذاكر مادة وبحل عليها بس بردوا خايفه خايفه قوي مش عارفه ليه حاسه الامتحانات تيجي صعبة

smsmzeros

19-04-2015, 06:30 PM

شكرا ليك ربنا يبارك ليك هو حضرتك من اسوان المحافظة ولا مركز فيها
العفو والشكر لله يا انسه
بارك الله فالجميع
..
انا من مركز كوم امبو
..
واى خدمه الموضوع موجود
ان شاء الله

واثقه

19-04-2015, 06:42 PM

العفو والشكر لله يا انسه
بارك الله فالجميع
..
انا من مركز كوم امبو
..
واى خدمه الموضوع موجود
ان شاء الله

انا الحمد لله بدات اذاكر مادة وبحل عليها بس بردوا خايفه خايفه قوي مش عارفه ليه حاسه الامتحانات تيجي صعبة

smsmzeros

19-04-2015, 07:02 PM

انا الحمد لله بدات اذاكر مادة وبحل عليها بس بردوا خايفه خايفه قوي مش عارفه ليه حاسه الامتحانات تيجي صعبة
طب كويس ان حضرتك بدئتى
تذكرى .. ربنا يعينك
..
الخوف من اللى جاى دا شئ مش بإيدينا احنا اللى علينا اننا نذاكر ونجتهد ولما نتمكن من المواد هنلاقى اننا اطمئنينا كويس والحاله افضل
..
فانتى اعملى اللى عليكى وسيبي بكره وكل شئ على ربنا عز وجل
..
مع دوام التوفيق

واثقه

19-04-2015, 07:42 PM

طب كويس ان حضرتك بدئتى
تذكرى .. ربنا يعينك
..
الخوف من اللى جاى دا شئ مش بإيدينا احنا اللى علينا اننا نذاكر ونجتهد ولما نتمكن من المواد هنلاقى اننا اطمئنينا كويس والحاله افضل
..
فانتى اعملى اللى عليكى وسيبي بكره وكل شئ على ربنا عز وجل
..
مع دوام التوفيق

شكرا لك ع تحفيزك ربنا يبارك لك

smsmzeros

19-04-2015, 08:13 PM

شكرا لك ع تحفيزك ربنا يبارك لك

الشكر لله
واى خدمه

واثقه

19-04-2015, 08:22 PM

الشكر لله
واى خدمه

هو حضرتك واقف الرسايل لييييييييه

smsmzeros

19-04-2015, 10:14 PM

هو حضرتك واقف الرسايل لييييييييه
حضرتى مش موقف الرسايل
لانى مشرف قسم فمش ممكن اقفلها

hanannabil

20-04-2015, 12:09 PM

بكره الفيزيا والنحو ساعدوني :(

smsmzeros

21-04-2015, 11:57 AM

بكره الفيزيا والنحو ساعدوني :(
اتخلصى الاول من الكره دا
عشان تستوعبيهم وتقدرى تذاكريهم كويس
وعامليهم كأى ماده عاديه لان كرهك قائم من خوفك منهم
بس ركزى عليهم وحاولى مره واتنين واكتر وإن شاء الله خير

أمــلــي فــ ربنـــا كبيــــر

22-04-2015, 11:08 PM

smsmzeros

22-04-2015, 11:57 PM

انا مش بحفظ كلمات انجليزي خارجية خالص لدرجة اني نسيت اللي كنت حفظاهم
و عندي مذاكرات كتير و مش عارفة ابدأ ب ايه ولا كلمات ايه بالظبط اللي مهم احفظها
اعمل ايه ؟؟!
ولا انا ممكن اجيب مجموع من غير حفظ !! :huh:<_<
طب اهملتى الكلمات لى دا من اساسيات الانجليزى الكلمات والكلمات هى مفتاح اى لغه
وبعدها القواعد
الكلمات فالامتحان بتعتمد عليها القطه والبرجراف والترجمه والمواقف وبعض من الاختيارات
فلها اهميه
فنصيحه حددى وقت معين فيومك وخليه لحفظ كلمات ولما تلاقى الكم كتر اعملى مراجعه شبه دوريه عليها عشان تثبت ومتنسيهاش وهكذا لحد ما تخلصى كلمات المنهج
وحافظى على اللغه الانجليزيه لانها هتفيدك كثقافه عامه فيما بعد
...
اتمنالك دوام التوفيق

smsmzeros

23-04-2015, 12:04 AM

اما بالنسبه للكلمات المهمه
فالاول تركزى عالكلمات الجديده فكل وحده
وكلمات القصه وفصولها
وبعد ما تخلصيهم تحفظى الكلمات اللى فالوظائف والاعمال والكلمات العامه اللى بيدور حوليها المنهج
وربنا يوفقك

توكلت علي خالقي

23-04-2015, 01:47 AM

أمــلــي فــ ربنـــا كبيــــر

23-04-2015, 05:58 PM

smsmzeros

23-04-2015, 10:07 PM

السلام عليكم معلش بس عندي مشكلة بسيطة اني بنام بعد العشاء كل يوم وبصحي من الساعة12 للفجر بذاكر بس كده انا مستهتر جدا بالرغم اني بذاكر من الصبح تاني لبالليل بس لا مش ينفع ارجو المساعدة ثانيا عندي قصور في الاحياء لاني مش حليت عليها زي المواد 6 اللي باقيين وشكرا جزيلا

هوا الافضل انك تذاكر من الفجر مش تستنى الفجر وتنام بعده
انتا تصحى عالفجر وكده صحى وتستمتع بالفتره اللى بعد الفجر من الاوقات المباركه باذن الله
فنظم نومك وخد كفايتك عشان تقدر تستوعب كويس
...
وبالنسبه للاحياء فانت شد حيلك وابدء فيها واديها حقها كويس عشان متبقاش مقصر فيها وشايل همها
..
واتمنالك دوام التوفيق

smsmzeros

23-04-2015, 10:41 PM

حضرتك انا حافظة كلمات المنهج انا بتكلم عن الكلمات الخارجية
عموما شكرا جزيلا
الشكر لله
وبعتذر عسوء فهمى
..
طب تمام كده ما شاء الله
انتى مخلصه المهم
فبعد كده تشوفى الكلمات المتعلقه بمواضيع الوحدات
وتحفظيهم بتوسع
والجمل العامه المتداوله فاللغه
..
واتمنالك دوام التوفيق

aalaaabdelhamed

24-04-2015, 04:13 AM

اختي عندها افكار مراهقة ومش عارفة تركز ف دراستها هي بتطلع الاولي عندهم بس جواها مشاعر دايما عندها 15 سنة ازااي اساعدها

smsmzeros

24-04-2015, 10:31 AM

اختي عندها افكار مراهقة ومش عارفة تركز ف دراستها هي بتطلع الاولي عندهم بس جواها مشاعر دايما عندها 15 سنة ازااي اساعدها
افكار مراهقه و 15 سنه اى الغريب
المراهقه كمرحله بتبقى مرهقه لناس كتير اوى
بالذات لو فقدو الاحتواء والاهتمام بتاع الطفوله
..
المهم اى شئ احنا بنقدر نتفاده ونحوله لشئ جميل بالتقرب منها والاحتواء والاهتمام والنصيحه الدائمه وحسن التصرف فالمواقف
..
اكسبيها وقربو من ربنا علميها ترتب اولوياتها وتنظم وقتها تحدد اهدافها وتركز فمستقبلها
وان شاء الله خير
..
واتمنالكم التوفيق الدائم

طالبه فى ثانوى عام

25-04-2015, 06:47 AM

ياريت حل للمشكله ديه هى مش متعلقه بالمذكره اوى
بس متعلقه بحياتى كلها
هى عقيده عندى ومش عارفه اغيرها
معنديش وسط فى اى حاجه (اعمل الحاجه بتقان يالا بلاش احسن )
فى المذكره والدين والعلاقات العامه مع الناس
يعنى السنه ديه اصعب سنه دراسه مرت بيها
لانى مطلوب منى اجيب درجه النجاح
وفى ثالثه اذاكر واجتهد
فاخلط من الاثنين
جد على استهبل ( اكون متوسطه فى الدراسه)
الحمد لله السنه قربت تخلص
بس خايفه فى ثالثه ثانوى
انى استهبل فيها لانى لو استهبلت خلاص كده
ضعت

smsmzeros

25-04-2015, 07:07 AM

طب وانتى لى متنجحيش السنادى بتفوق
لى لازم تقعدى لحد ما تتعودى على الراحه ومتعرفيش تذاكرى كويس وتشدى حيلك لى
...
المفروض تعتبرى السنادى بروفه لسنه تالته وتجتهدى وتشدى حيلك وربنا يوفقك
...
انتى اعملى اللى عليكى ديما وشدى حيلك
وادي الدراسه حقها

رفيقة الامل

25-04-2015, 10:33 AM

هبــة أحمـد

25-04-2015, 10:46 AM

حد يشوفلى تجربة عمليه للفيييييييييييييييييييييييييييييييييييييييييس انا قاعدلى اسبوع مش عايزة افتحة بس طريقة تكون شديدة عشان عندى ازمة من الفييييييييييييييييييييييييييييييييييييييييييييييي يس

انتى مش عارفة تعطلية يعنى ؟؟

احسن حاجة الغية بجد وانت هترتاحى منه خالص وبعدين اعملى اكونت جديد ومستقبلك اهم من الفيس انا لغيت الفيس بتاعى من شهر 9
عشان دا مستقبلك اهم من اى حاجة تانى وكلها شهر وافتحى براحتك
لو عاوزة تلغية اجبلك اللينك دلوقت ؟؟

smsmzeros

25-04-2015, 11:08 AM

حد يشوفلى تجربة عمليه للفيييييييييييييييييييييييييييييييييييييييييس انا قاعدلى اسبوع مش عايزة افتحة بس طريقة تكون شديدة عشان عندى ازمة من الفييييييييييييييييييييييييييييييييييييييييييييييي يس
الفيس بوك ملوش لازمه فالايام دى او ف سنتكم دى
فحاولى تتجاهليه ومتدخليش عليه وربنا يوفقك
عطليه او ادى الباس لحد أمين وخليه يغيره وميقولكيش عليه