الحمد لله اتخرجت من كلية الطب وأصبحت بفضل الله طبيب

وحابب انى أســاعد أى حد محتاج مساعدة بأى شكل من الأشكال حتى لو كانت ايه
من فضلكم أى حد عنده مشكله فى حياته أو أسرته أو فى مذاكرته يتفضل يحكى أو يكلمنى خاص
المهم إن حضرتك تتفرغ لمذاكرتك وتتفوق ....

الأمل فى ربنا كبير وربناا قادر وكريم ورحيم أوعى تيأس مهما حصل مهما كان
الموضوع مكتوب هنا لأنى مش عاوز طالب ثانوية عامة يضيع
يارب يسعدكم كلكم ويفرحكم ويفرح أهليكم

ربنا يباركلك

انا مشكلتي في الكيمياء العضوية بنساها بسرعة جدا جدا بطريقة فظيعة جدا

وانا مشكلتى قى الحث التعليلات بتاعته داخله قى بعضها ومش عارق هلمه ازاى ومسائله برده

بصوا يا جماعة بالنسبة للكيمياء حاول تعرف فكرة كل فصل .....إزاى ؟
بالنسبة للكيمياء الكهربية هى مقسومة نصين :
النص الأول : أى سؤال فيه بيعتمد على ترتيب الفلزات فى سلسلة الجهود الكهربية
يعنى علل المادة أ تحل أو لا تحل محل المادة ب
هتبقى الإجابة علشان أ تسبق أو لاتسبق المادة ب فى سلسلة الجهود
أما النص التانى فبيعتمد على جهود الإختزال المواد بالنسبة للماء (الى هى التحليلية)
نيجى بقى للعضوية
لازم تعرف أن الألكانات كل تفاعلاتها بالإستبدال فتجمعهم فى ورقة ( بسبب الرابطة سيجما)
أما الألكينات والألكاينات فكل تفاعلاتها بالإضافة فنجمعهم فى ورقة (بسبب الرابطة باى) يعنى اسم التفاعل متكرر لكن الناتج مختلف
لكن البنزين فمرة بالإضافة ومرة بالإستبدال (الإحلال) يعنى اسماء التفاعلات مكررة تقريبا وبرضوا النتائج مختلفة
واللى عنده مشكلة فى العضوية يذاكر من ليلة الإمتحان للسويفى روعة روعة خاصة أخر 5 ورقات فى المذكرة

وبالنسبة لحل العربى من دليل التقويم : ده مش مهم خالص لأنه مش بيجى من الدليل خاااااالص
ركز على مذكرة أ خالد منير للمراجعة النهائية |أو ليلة الإمتحان وهتقفل الإمتحان ان شاء الله
لازم علشان تتفوق تغامر وتضحى بحاجة
وان شاء الله برضوا هاسيب رقم تليفونى للى محتاج يكلمنى
01023130849

:mad:اهلى عندهم امل كبير فيا انى ادخل كليه الطب
انا مش بعرف اشكى لاى حد يعرفنى
وكل ما اقول لاى صديقه ليا تقولى وانا كمان :excl:كدا
انا وصلت لدرجه انى بندم لانى دخلت :028ja7:علوم
مع انى اول السنه كنت حباها بس مش عارفه ايه اللى بيحصل معايا دا وتعبت
وحاسه بياس واحباط شديد
ومش عارفه اعمل ايه :o:o:o:o:o<_<<_<<_<<_<

بصى ياamal alamir (http://www.thanwya.com/vb/member.php?u=992219)
أولا الله يكون فى عونك على اللى انتى فيه انا حاسس بيكى انك بتفكرى فى حلم حياتك وازاى تفرحى أهلك فى البيت وان ما فيش وقت ومش عارفة تعملى ايه وحاسه انك تايهه وكل اللى بتعمليه انك تعيطى

ثانيا من كلامك معناه انك طيبة جدا ودايما بتفضلى غيرك على نفسك ومش بتعرفى تقولى لأ وبتساعدى كل الناس ومش فى حد بيساعدك ومن كتر طيبتك بيفكروا انك (خبيثة وبتدارى على مذاكرتك) وماحدش حاسس بيكى
وبرضوا معناه انك ذكية ومخك نضيف بس فى إكتئاب واعراضه:
كسل وخمول
عدم وضوح الرؤية والهدف
قلة العزيمة والإرادة
عدم الرغبة فى أى مجهود
مع إن من جواكى بتتقطعى ونفسك تذاكرى وتقعدى على الكتاب
لكن انتى نشيطة فى أى حاجة ماعدا المذاكرة وده غصب عنك
وللأسف انتى سريعة الزعل من أقل كلمة (مرهفة الحس) ودى مشكلة بتفضلى الموود على المجهود يعنى علشان تعملى حاجة لازم تكونى مقتنعة بيها ومزاجك رايق...
طيب دى المشكلة .... ايه هو الحل ؟
بكل بساطة ومن غير تعقيد ومن غير كلام فلسفى
الأول : انا متأكد انك زى أسد بيستريح من معركة كبيرة لكن لو فاق ماحدش يقدر يقف أدامه
ثانياً: لازم تبعدى عن وهم حاجة اسمها الثقة بالنفس
مافيش حاجة اسمها أنا ماعنديش ثقة بنفسى الثقة تكون بربنا بس
ثالثاً: انتى محتاجة حد جنبك يهتم بيكى ويشجعك على طول وللأسف مش لاقيه الحد ده وده يمكن علشان مش بتحبى حد يعرف عنك حاجة ومش لاقية حد يحترم نفسيتك وقدراتك ويكون أعلى من مستوى تفكيرك حد مثل أعلى
لكن ده وقت انك تقومى تقفى على رجليكى وترفعى عينك للسما بشموخ وانتى بتنفضى هدومك من التراب وبتقولى يارب أنا راجعة ساعدنى والناس كلها بتسقفلك وتنادى عليكى
فرحانين بيكى بيفكروكى بمجدك الشخصى وانتصاراتك أيام زمان
السباق لسه مخلصش وخط النهاية لسه ماحدش وصله ماتقفيش سابقى
سيبى كل حاجة ورا ضهرك اجرى ارفعى راسك وحطى عينك على خط النهاية وان شاء الله هتوصلى وهتفوزى
المهم مهما وقعتى قومى واقفى وقولى بأعلى صوتك أنا البطلة أنا اللى هافوز ان شاء الله
ماتخافيش ماتبصيش وراكى حفزى نفسك قومى تانى وتالت ومليون الدنيا لسه مانتهتش وانتى مش ضعيفة وافتكرى لو خاتم ماس وقع فى التراب مابيفقدش قيمته لكن مابيتعرفش الا لما التراب يتشال من عليه
قومى وقولى يارب انت سندى وعليك توكلى وماليش غيرك يارب ماتسبنيش يارب يارب
وابدأى مرة واتنين وتلاتة ومليون وماتقفيش مهما حصل
وان شاء الله أنا معاكى لحد النتيجة كل يوم ,كل لحظة بس ابدأى
قومى رتبى نفسك من الأول وجديد مش الثانوية اللى هاتهزمك مش الثانوية اللى هاتقضى عليكى بالعكس انتى اللى هتديها القاضية
وافتكرى أهم حاجة توفيق ربنا مش المذاكرة والله واسألينى أنا وخلى مامتك تدعيلك

وبالتوفيق

بصوا يا جماعة بالنسبة للكيمياء حاول تعرف فكرة كل فصل .....إزاى ؟
بالنسبة للكيمياء الكهربية هى مقسومة نصين :
النص الأول : أى سؤال فيه بيعتمد على ترتيب الفلزات فى سلسلة الجهود الكهربية
يعنى علل المادة أ تحل أو لا تحل محل المادة ب
هتبقى الإجابة علشان أ تسبق أو لاتسبق المادة ب فى سلسلة الجهود
أما النص التانى فبيعتمد على جهود الإختزال المواد بالنسبة للماء (الى هى التحليلية)
نيجى بقى للعضوية
لازم تعرف أن الألكانات كل تفاعلاتها بالإستبدال فتجمعهم فى ورقة ( بسبب الرابطة سيجما)
أما الألكينات والألكاينات فكل تفاعلاتها بالإضافة فنجمعهم فى ورقة (بسبب الرابطة باى) يعنى اسم التفاعل متكرر لكن الناتج مختلف
لكن البنزين فمرة بالإضافة ومرة بالإستبدال (الإحلال) يعنى اسماء التفاعلات مكررة تقريبا وبرضوا النتائج مختلفة
واللى عنده مشكلة فى العضوية يذاكر من ليلة الإمتحان للسويفى روعة روعة خاصة أخر 5 ورقات فى المذكرة

وبالنسبة لحل العربى من دليل التقويم : ده مش مهم خالص لأنه مش بيجى من الدليل خاااااالص
ركز على مذكرة أ خالد منير للمراجعة النهائية |أو ليلة الإمتحان وهتقفل الإمتحان ان شاء الله
لازم علشان تتفوق تغامر وتضحى بحاجة
وان شاء الله برضوا هاسيب رقم تليفونى للى محتاج يكلمنى
01023130849

طيب انا عايز اكلم حضرتك علي التلفون اتصل بيك امتي ؟

Bavari (http://www.thanwya.com/vb/member.php?u=600517) فى أى وقت ماتقلقش انا مابكسفش حد

معلش عبد المقصود مصطفى (http://www.thanwya.com/vb/member.php?u=636982)
مش عارف أرد على رسالتك علشان حاجة إدارية بس هى وصلت
بص مشكلة الكيمياء أنا اتكلمت عليها وملزمة المعمل هتوفر عليك حاجات كتير
وبالنسبة لتعليلات الحث بص هتكتب كل جهاز وتحتيه فكرة عمله والتعليلات اللى عليه
مثلاً المحرك - عزم الإزدواج - وكل التعليلات اللى عليه وبكده هتقارن بين كل تعليلات الحث وصلت والا لسه ؟؟

أو ممكن تكتب الإجابة المشتركة وتكتب الأسئلة العلل عليه يعنى..

-الملف ملفوف لفا مزدوجا : دى إجابة 5 أسئلة علل هم 1,2,3,4,5 واكتبهم
-عندما يكون الملف عمودى على خطوط الفيض دى إجابة 3 أسئلة علل هم ...,......,.... واكتبهم
-الملف موازى لخطوط الفيض دى إجابة 2 سؤال علل هم ...،..... واكتبهم
ده اسمه مخطط لكل أسئلة علل ..... يارب أكون أفدتك
وبالتوفيق ان شاء الله

شكرا جزيلا ..

الدعاء ممكن يغير القدر للدرجة دي ؟
لدرجة ان واحد صاحبي كان في 3 ثانوي السنة اللي فاتت
كان غلطان في سؤالين في امتحان الفيزياء + سؤال تالت مجاوبه اجابة ناقصة ومع ذلك قفلها ..
ولما سألته ازاي يعني قالي الدعاء.

هههههههههههه هى القصة حلوة بس مش ده قصدى
قال رسول الله صلى الله عليه وسلم :"لايرد القضاء إلا الدعاء "
وهو سبب من أسباب التوفيق يعنى ممكن تذاكر حاجة وتيجى فى الإمتحان
وربنا يوفقك فيها وكنت هتنساها لولا الدعاء وكده يعنى
سيدنا هود وهو نبى قال " وماتوفيقى الا بالله عليه توكلت وإليه أنيب "

معلش عبد المقصود مصطفى (http://www.thanwya.com/vb/member.php?u=636982)
مش عارف أرد على رسالتك علشان حاجة إدارية بس هى وصلت
بص مشكلة الكيمياء أنا اتكلمت عليها وملزمة المعمل هتوفر عليك حاجات كتير
وبالنسبة لتعليلات الحث بص هتكتب كل جهاز وتحتيه فكرة عمله والتعليلات اللى عليه
مثلاً المحرك - عزم الإزدواج - وكل التعليلات اللى عليه وبكده هتقارن بين كل تعليلات الحث وصلت والا لسه ؟؟

أو ممكن تكتب الإجابة المشتركة وتكتب الأسئلة العلل عليه يعنى..

-الملف ملفوف لفا مزدوجا : دى إجابة 5 أسئلة علل هم 1,2,3,4,5 واكتبهم
-عندما يكون الملف عمودى على خطوط الفيض دى إجابة 3 أسئلة علل هم ...,......,.... واكتبهم
-الملف موازى لخطوط الفيض دى إجابة 2 سؤال علل هم ...،..... واكتبهم
ده اسمه مخطط لكل أسئلة علل ..... يارب أكون أفدتك
وبالتوفيق ان شاء الله

شكرا جزيلا لحضرتك
استقدت جدا

طب انا محتاج مذكرة على الحث شاملة التعليلات وكل حاجة

حضرتك دكتور نفسى ولا ايه
تحليل لشخصيتى رائع
بس فعلا انا فى قمه اليأس وكدا
بس ان شاء الله هحاول وابدأ تانى
احساسى ان الوقت خلاص بيضيع بيجننى
انا بقيت بندم على حجات كتير
جدا وعلى لوقت اللى كنت بضيعه فى الدروس والمواصلات وكدا
والاحساس دا مش عارفه اتخلص منه
الندم دا اصعب حاجه
وكمان مش قادره استوعب انى خلاص بضيع وكدا
ربنا يستر ان شاء الله
من حق حلمى عليا احققه
هو صعب بس ان شاء الله مش مستحيل

طب انا محتاج مذكرة على الحث شاملة التعليلات وكل حاجة

ارجو الرد لو سمحتم

موجودة فى مذكرة الرسالة للفيزياء والرابط بتاعها فى موضوع اللى عاوز يلم المناهج
وده رابط المذكرة
http://www.thanwya.com/vb/showthread.php?t=590960 (http:// http://www.thanwya.com/vb/showthread.php?t=590960)

http://www.thanwya.com/vb/showthread.php?t=641021

مذكرة الحث فيزياء

:028ja7::028ja7::028ja7:جزاك الله كل خير واجمل شئ فى اللى حضرتك بتقوله انك واقعى جدا واكيد مريت بالثانويه يعنى بتقول لنا واقع حضرتك شوفته
المشكله عندى يا دكتور
انى لحد دلوقتى لما بذاكر بفضل وقت كبير جدا فى حاجه صغيره وبرده بحس انى لسه مش خلصتها :(:(:(:(:(:(:(:(
مش عارفه اعمل ايه المفروض انجز بس مش عارفه وخصوصا الكيمياء بفضل وقت كبير اذاكر فيها وبرده بحس انى نسيتها تانى :o:o:o:o:o:o
وكمان عندى مشكله صعبه جدا ومعقدانى لحد دلوقتى مش ذاكرت قصه الايام ومش عارفه اعمل ايه
ارجو من حضرتك لو تقدر تفيدنى فى اسرع وقت لانى بدأ اذاكر بجد بس بتدايق لما افضل يضيع يوم علشان جزء صغير من اى ماده والمفروض اخلص جزء كبير :excl::excl::excl::excl:

لو سمحت ماذا افعل

مخطط يجمع dna كمله واحفظه وشويه هارفع مخطط الوراثة

مراجعة الكيمياء ل أ/ محمد غزال
http://www.thanwya.com/vb/showthread.php?t=406226

طب حضرتك انا كنت ثانويه عامه السنه اللي فاتت وشيلت فيزياء وقررت اني مش هخش الملحق واعيد السنه علي فيزياء بس عشان اخد درجتها كامله .. وفاضل بلظبط 40 يوم من دلوقتي علي امحان الفيزياء
هل في أمل اني اقفلها مع العلم ان عندي ماده واحده بس !؟ وهل في جدول امشي عليه او اي طريقه معينه ممكن اذاكر بيها

أدخل على الموضع ده وهتلاقى اللى انت عاوزه
http://www.thanwya.com/vb/showthread.php?p=6158051#post6158051

و 40 يوم كتير جدا جدا جدا جدا جدا جدا
هتذاكر من ملزمة ليلة الإمتحان (الرسالة أ/ عيد الرفاعى ) المنهج كله س و ج وكل أشكال الأسئلة
هتذاكرها 5 مرات كل مرة 3 أيام كده 15 يوم وتفصل بين كل مرة ومرة بانك تحل نماذج امتحانات وامتحانات السنين اللى فاتت أو تحل من كتاب خارجى بس مش الإمتحان
وبالتوفيق ان شاء الله

لو سمحتوا لو فى امتحانات تجريبى غير الامتحان اللى نزل يا ريت تنزلوه علشان نظام الامتحان اللى نزل صعب جدا وعايزين نتعود على النظام الجديد

طالبه ثانويه عامه
يكفينى ربى
لا تلومون على شئ لم يكن بوسعى فعله
لا اريد المزيد من النصائح بل اراها لوم عليا الوقت لا يسمح للمزيد من اللوم
قد تكونوا تريدون تحفيزى ولكن هذا لا يجدى معى بنفع
سأمت الحوار ولم استطيع اتحدث فى اى مجال
اكتب هذا وانا على علم انه لا ينفعنى ولكن اشعر براحه عندما اتحدث
لو لو لو
حرف امتناع لامتناع
ومش عايزه اسمع لو دى تانى ابدا
يارب كون معى
انا مش محتاجه منك غيرك
انا مش محتاجه من غيرك شئ
يارب ساعدنى مليش غيرك