ازيكم يا احلى اعضاء
يا رب تكونوا بخير دايما
الموضوع ده انا فكرت فيه كتير قبل كده وهو موضوع الاعاقة
مش شرط تكون اعاقة ذهنيه فى ناس كتير اوى عندهم اعاقات من نوع تانى
زى الاعاقة الحركيه مثلا
كتير اوى بنبقى ماشين فى الشارع ونلاقى شاب صغير على كرسى متحرك
وكتير اوى بنلاقى بنات زى القمر بس برضه عندهم اعاقة
السؤال بقى دلوقتى
يا ترى انت عندك استعداد ترتبط بانسانة عندها اعاقة
او انتى ممكن ترتبطى بانسان عنده اعاقة
ولو ده حصل مش هيجى يوم تحسوا انكوا مجرد بتعطفوا عليهم؟
حقيقى هما محتاجين يحسوا اننا موجودين جنبهم ومحتاجين يحسوا انهم زى
اى انسان سوى
يا ريت اسمع رايكم بس بصراحة

الله عليكى يا فيفا

بجد موضوع هايل ..بصى فى ناس كتيييييير بنشهم فى حياتنا فى المعاق وفى السليم بس تعرفى انا فى نظرى المعاق هو نوع واحد المعاق فى عقله اقصد الشخصيات اللى عندهم جمود فى تفكيرهم اما اى حد ع كرسي متحرك او غيره ده مش معاق انا من راى انه انسان طبيعى ربنا ابتلاه بمرض ..وايه المشكه؟؟ احنا كلنا معرضين لاى حاجه وفى اى وقت ..محدش عارف ايه اللى هيحصلو بكره

اما بالنسبه لموضوع الارتباط ده ..انا مش شايفه اى مانع حتى لو كان ايه المهم مخه ده يكون شغال فاهمنى وانا فاهمه ..يبقى مفيش مشكله

هنكمل وهنكون سعدا اكيد وممكن اسعد من اى اتنين سلام مش قادرين يفهمو بعض حتى

وانا متاكده انى مش هحس انى مجرد انى بعطف عليه !!لانه اصلا فى نظرى سوى

وده راى بكل صراحه والله وبشكرك ع الموضوع ده انتى متعرفيش انا متحمسه اونا بكتب ونفسي اتكلم اكتر بس لم اشوف باقى الردود

ولنا بقيه ..:D
d

فيفا موضوعك في منهى الروعة والله .....
هاقولك انا من شروط ارتباطي باي انسان انه يكون متيز ..مش عادي .....مش عاوزاه يكون عادي بن عادي

لازم الشخصية تكون متميزة يعني لو اللي عنده اعاقة ده متميز ف شخصيته وناجح ف عمله ا عنده استعداد يكون ناجح ومستني دفعة انا معنديش مانع


وكمان اضافة مني
انا اخويا مولود كفيف ....
خلص كليته واثناء دراسته كان بياخد دورات كمبيوتر
لحد ما دلوقتي بقى مدب كمبيوتر وبيروح ويجي لوحده
وحياته على حسب المحافظة اللي ايح يدرب فيها شوية اسكندرية شوية القاهرة ,المنصورة . . . . يعني
ومتميز جدا في وسط اصحابه ورافض يتجوز لحد ما يوصل لهدفه اللي احنا مش عارفينه
اهو ده شخصية متميزة جدا ف نظري
ولو حد زيه طلب الارتباط بيا هاكون في منتهى السعاده ان معايا حد بالتميز والتالق ده ........
اشكرك

بسم الله الرحمن الرحيم

انتِ فتحتي جرح مابصدق أقفله :( :(
انا اصلاً عمري ما راح ارتبط بحد إلا لما يكون عنده نفس الإعاقه بتاعتي دي
و ياريت مش تسأليني ايه هي .. هي في دراعي اليمين عامةً
و لو مش لقيت حد مش عنده الإعاقه دي .. اللي هرتبط بيه ده لازم يبقى راضي و مش يحسسني ابداً انه بيعطف عليا
وانا بجد لو شوفت في عنيه نظرة عطف او حسيت اني صعبانه عليه اكييييييد هسيبه
بس بيضايقني اوي انه فيه ناس بجد مش عندها دم بتتريق عليا كتيييييييييير :mad:
و خصوصاً لما امشي في الشارع مش بخلص
بجد حسبي الله في الناس دي
... انا عارفه انه مش قصدك
و عارفه ان ممكن ناس كتير مش راح تصدقني .. عشان اكيد هتقولوا يعني هي عندها اعاقه و هتروح تقول كده ادام الناس
بس انا مش بحب اخبي الحكايه دي بالذات عشان محدش يتخدع فيا اكتر من كده

اهى دى المواضيع الفعالة
شكرا على الموضوع

الله عليكى يا فيفا

بجد موضوع هايل ..بصى فى ناس كتيييييير بنشهم فى حياتنا فى المعاق وفى السليم بس تعرفى انا فى نظرى المعاق هو نوع واحد المعاق فى عقله اقصد الشخصيات اللى عندهم جمود فى تفكيرهم اما اى حد ع كرسي متحرك او غيره ده مش معاق انا من راى انه انسان طبيعى ربنا ابتلاه بمرض ..وايه المشكه؟؟ احنا كلنا معرضين لاى حاجه وفى اى وقت ..محدش عارف ايه اللى هيحصلو بكره

اما بالنسبه لموضوع الارتباط ده ..انا مش شايفه اى مانع حتى لو كان ايه المهم مخه ده يكون شغال فاهمنى وانا فاهمه ..يبقى مفيش مشكله

هنكمل وهنكون سعدا اكيد وممكن اسعد من اى اتنين سلام مش قادرين يفهمو بعض حتى

وانا متاكده انى مش هحس انى مجرد انى بعطف عليه !!لانه اصلا فى نظرى سوى

وده راى بكل صراحه والله وبشكرك ع الموضوع ده انتى متعرفيش انا متحمسه اونا بكتب ونفسي اتكلم اكتر بس لم اشوف باقى الردود

ولنا بقيه ..:D
d


مرسى اوى لردك الجميل ده
وبجد رايك اسعدنى جدااااااااا

بسم الله الرحمن الرحيم

انتِ فتحتي جرح مابصدق أقفله :( :(
انا اصلاً عمري ما راح ارتبط بحد إلا لما يكون عنده نفس الإعاقه بتاعتي دي
و ياريت مش تسأليني ايه هي .. هي في دراعي اليمين عامةً
و لو مش لقيت حد مش عنده الإعاقه دي .. اللي هرتبط بيه ده لازم يبقى راضي و مش يحسسني ابداً انه بيعطف عليا
وانا بجد لو شوفت في عنيه نظرة عطف او حسيت اني صعبانه عليه اكييييييد هسيبه
بس بيضايقني اوي انه فيه ناس بجد مش عندها دم بتتريق عليا كتيييييييييير :mad:
و خصوصاً لما امشي في الشارع مش بخلص
بجد حسبي الله في الناس دي
... انا عارفه انه مش قصدك
و عارفه ان ممكن ناس كتير مش راح تصدقني .. عشان اكيد هتقولوا يعني هي عندها اعاقه و هتروح تقول كده ادام الناس
بس انا مش بحب اخبي الحكايه دي بالذات عشان محدش يتخدع فيا اكتر من كده
بوسي ده مش جرح ولا حاجه انا عارفه انك عايشه فى مصر يعنى فى مجتمع صعب التعامل معاه بس مش مشكله ..انتى فتحتى موضوع تانى وهو ان الجهل اللى فى البلد دى مش طبيعى واعرفى ان اللى بيتريق ده هو اللى معاق فعلا مش انتى.. انتى اكيد شخصيه جميله وعجبنى انك قلتى انك معاقه دى شجاعه منك اصلا ونادر ان احنا نقابل حد شجاع اصلا فى الدنيا دى ..

وعامه كل واحد فينا عنده اعاقه ربنا مخلقش حد كامل المهم ان احنا نعوض ده وهتلاقى اللى عنده قصوره فى حاجه بيعوضها وبيكون مميز فى مجال تانى ..هى دى الدنيا

فيفا موضوعك في منهى الروعة والله .....
هاقولك انا من شروط ارتباطي باي انسان انه يكون متيز ..مش عادي .....مش عاوزاه يكون عادي بن عادي

لازم الشخصية تكون متميزة يعني لو اللي عنده اعاقة ده متميز ف شخصيته وناجح ف عمله ا عنده استعداد يكون ناجح ومستني دفعة انا معنديش مانع


وكمان اضافة مني
انا اخويا مولود كفيف ....
خلص كليته واثناء دراسته كان بياخد دورات كمبيوتر
لحد ما دلوقتي بقى مدب كمبيوتر وبيروح ويجي لوحده
وحياته على حسب المحافظة اللي ايح يدرب فيها شوية اسكندرية شوية القاهرة ,المنصورة . . . . يعني
ومتميز جدا في وسط اصحابه ورافض يتجوز لحد ما يوصل لهدفه اللي احنا مش عارفينه
اهو ده شخصية متميزة جدا ف نظري
ولو حد زيه طلب الارتباط بيا هاكون في منتهى السعاده ان معايا حد بالتميز والتالق ده ........
اشكرك

شكرا لمرورك وردك يا هنا
وربنا مع اخوكى ويوفقه وان شاء الله يحقق هدفه

بسم الله الرحمن الرحيم


انتِ فتحتي جرح مابصدق أقفله :( :(
انا اصلاً عمري ما راح ارتبط بحد إلا لما يكون عنده نفس الإعاقه بتاعتي دي
و ياريت مش تسأليني ايه هي .. هي في دراعي اليمين عامةً
و لو مش لقيت حد مش عنده الإعاقه دي .. اللي هرتبط بيه ده لازم يبقى راضي و مش يحسسني ابداً انه بيعطف عليا
وانا بجد لو شوفت في عنيه نظرة عطف او حسيت اني صعبانه عليه اكييييييد هسيبه
بس بيضايقني اوي انه فيه ناس بجد مش عندها دم بتتريق عليا كتيييييييييير :mad:
و خصوصاً لما امشي في الشارع مش بخلص
بجد حسبي الله في الناس دي
... انا عارفه انه مش قصدك
و عارفه ان ممكن ناس كتير مش راح تصدقني .. عشان اكيد هتقولوا يعني هي عندها اعاقه و هتروح تقول كده ادام الناس

بس انا مش بحب اخبي الحكايه دي بالذات عشان محدش يتخدع فيا اكتر من كده



انا اسفة بجد اوى
والله لو كنت اعرف انى ممكن اضايقك مش كنت كتبت الموضوع ده خالص
بجد انا اسفة
وان شاء الله تلاقى واحد يقدرك ويحبك لشخصك وبس
هو حد هيلاقى بنوتة رقيقة زيك كده فين

بوسي ده مش جرح ولا حاجه انا عارفه انك عايشه فى مصر يعنى فى مجتمع صعب التعامل معاه بس مش مشكله ..انتى فتحتى موضوع تانى وهو ان الجهل اللى فى البلد دى مش طبيعى واعرفى ان اللى بيتريق ده هو اللى معاق فعلا مش انتى.. انتى اكيد شخصيه جميله وعجبنى انك قلتى انك معاقه دى شجاعه منك اصلا ونادر ان احنا نقابل حد شجاع اصلا فى الدنيا دى ..

وعامه كل واحد فينا عنده اعاقه ربنا مخلقش حد كامل المهم ان احنا نعوض ده وهتلاقى اللى عنده قصوره فى حاجه بيعوضها وبيكون مميز فى مجال تانى ..هى دى الدنيا


بجد انا عايشه في مجتمع مش بيقدر .. بس بحمد ربنا لإن ده نصيبي :(

==

انا اسفة بجد اوى
والله لو كنت اعرف انى ممكن اضايقك مش كنت كتبت الموضوع ده خالص
بجد انا اسفة
وان شاء الله تلاقى واحد يقدرك ويحبك لشخصك وبس
هو حد هيلاقى بنوتة رقيقة زيك كده فين

حبيبتي مش تعتذري ..
انتِ مش كنتِ تعرفي و مش كان قصدك و انتِ اصلاً بنوته زي العسل
و بجد موضوعك جميل اوي و حسيت انك بتتكلمي عني بحبك في الله

انا عايز اقول حاجة
فى حاجة اسمها الكفاءة فى الزواج

بس مش اى حاجة نشوفها نقول اعاقة
فى كدا حاجات عادية الناس بتشوفها وتسميها اعاقة مع انها على العكس من ذلك

انا مش هتكلم كتير
هسيبلكو الساحة
ومتابع الاراء

انا عايز اقول حاجة
فى حاجة اسمها الكفاءة فى الزواج

بس مش اى حاجة نشوفها نقول اعاقة
فى كدا حاجات عادية الناس بتشوفها وتسميها اعاقة مع انها على العكس من ذلك

انا مش هتكلم كتير
هسيبلكو الساحة
ومتابع الاراء

لا ياريت حضرتك تتكلم وتوضح رايك
اصلى بصراحة مش فاهمة اوى

لا ياريت حضرتك تتكلم وتوضح رايك
اصلى بصراحة مش فاهمة اوى


اوكى حاضر من عينيا
بصى
مثلا بنشوف ناس وليكن مثلا ليها يد اطول من الاخرى ( محدش يعلق ) او ما شابه ذلك
دى مش اعاقة تمنع من الارتباط
بس فى ناس بتقتنع باطلا بان دلى اعاقة تمنع من الارتباط ( شوفت بعينى محدش قاللى )
اما الكفاءة اللى انا بقول عليها
فمعناها مثلا ان مش ممكن واحد يتزوج بانسانة فاقدة بصرها او ماشابه
الموضوع حساس ومش عايز اجرح حد
ومش عايز بردو اتكلم كتير

اوكى حاضر من عينيا
بصى
مثلا بنشوف ناس وليكن مثلا ليها يد اطول من الاخرى ( محدش يعلق ) او ما شابه ذلك
دى مش اعاقة تمنع من الارتباط
بس فى ناس بتقتنع باطلا بان دلى اعاقة تمنع من الارتباط ( شوفت بعينى محدش قاللى )
اما الكفاءة اللى انا بقول عليها
فمعناها مثلا ان مش ممكن واحد يتزوج بانسانة فاقدة بصرها او ماشابه
الموضوع حساس ومش عايز اجرح حد
ومش عايز بردو اتكلم كتير

اه فهمت قصد حضرتك
يا جماعة لو حد شايف ان الموضوع حساس وهيجرح حد
ممكن اقول لمشرف القسم يحذفه
بس بامانة مش كنت اقصد كده خالص من الموضوع

موضوع جميل
على فكرة فى كتير من اصحاب العقول المريضة
بيبصه للشخص المعاق ده بصت قرف
او تريقة
او بيعمله على انه نكرة
او يمكن بيخافه من جواهم ويعتقده ان الاعاقة دى مرض ممكن يصبهم
وفى ناس تانية بترفض الارتباط بشخص معاق
خوفا ان الاعاقة دى تمتد لاولادهم
بس عمتا انا معنديش اى مانع انى ارتبط بشخص يكون معاق
بس اعرف نوع الاعاقة دى الاول علشان اعرف اذا كنت هقدر اكمل معاه او لا
علشان اقدر اكيف نفسى معاه
وميكونش فيه احساس من نحيتى بالعطف عليه
وعلشان كمان مش اجرح كرمته واحسسه انى بعطف عليه
انتى عارفه حاجة
الشخص اللى ربنا بيبتليه باعاقة معينة
بيعوضه عن الاعاقة دى بميزة متكنش موجوده فى الناس كلها
دى وجهة نظرى
وكشرا مرة تانية على الموضوع

ميقصدكيش يا فيفا هو بيتكلم ان موضوع الجواز بحد فاقد بصره او اى اعاقه موضوع حساس

موضوع جميل
على فكرة فى كتير من اصحاب العقول المريضة
بيبصه للشخص المعاق ده بصت قرف
او تريقة
او بيعمله على انه نكرة
او يمكن بيخافه من جواهم ويعتقده ان الاعاقة دى مرض ممكن يصبهم
وفى ناس تانية بترفض الارتباط بشخص معاق
خوفا ان الاعاقة دى تمتد لاولادهم
بس عمتا انا معنديش اى مانع انى ارتبط بشخص يكون معاق
بس اعرف نوع الاعاقة دى الاول علشان اعرف اذا كنت هقدر اكمل معاه او لا
علشان اقدر اكيف نفسى معاه
وميكونش فيه احساس من نحيتى بالعطف عليه
وعلشان كمان مش اجرح كرمته واحسسه انى بعطف عليه
انتى عارفه حاجة
الشخص اللى ربنا بيبتليه باعاقة معينة
بيعوضه عن الاعاقة دى بميزة متكنش موجوده فى الناس كلها
دى وجهة نظرى
وكشرا مرة تانية على الموضوع



فعلا حضرتك عندك حق
لازم تشوف الاول اذا كنت هتقدر تكيف نفسك
معاها ولا لا عشان بعد كده متحسش باحساس العطف عليها
مرسى لمرور حضرتك

ميقصدكيش يا فيفا هو بيتكلم ان موضوع الجواز بحد فاقد بصره او اى اعاقه موضوع حساس

بامانة عارفة انه مش يقصد
انا بس حسيت ان فى ناس كتير دخلت وخرجت من غير ما ترد
فحسيت ان الموضوع ممكن فعلا يكون حساس وجرح حد
بس مش اكتر

ميرسي يا فيفا عالموضوع الجميل دة وبجد هوة بيناقش قضيه كبيرة
بالنسبه باة للموضوع بصى باه يا ستى
ان الناس اللى بتفكر فى موضوع الاعاقة دا يعنى تقريبا هما اللى معاقين يعنى تفكيرهم غلط
بس اصلا فى مصر دا تفكير الناس كلها يعنى تقدرى تقولى تفكير شبه متخلف سورى فى اللفظ
بالنسبه للى عندهم اعاقة وبيدوروا على حد عندة اعاقة طيب ليه عشان يباة فى تكافؤ بينهم سورى دا اسمة استسلام
يعنى لو انا بحب حد والحد دة كان معاق حركيا انا هتخلى عنة وهقول لا
بيتهيالى دا اللى ممكن اعمله فى الموضوع دة
وميرسي ليكى يا فيفا موضوع جميل من عضوة اجمل
دايما فى تالق

ولا حساس ولا حاجه الموضوع كويس جداا ثم ده واقع وفى ناس كتير هتتعرض لمواقف مشابهه

وبالنسبه لرد محمد مساله التكافؤ فى الجواز مش حاسه ان ليها علاقه اووى او اقصد يعنى ايه المشكله لم واحده تتجوز واحد كفيف يعنى عادى الدنيا مش هتخرب ..وعندك اكبر مثال عمك طه حسين ..مش لازم يكون فى حساسيات ..

ميرسي يا فيفا عالموضوع الجميل دة وبجد هوة بيناقش قضيه كبيرة

بالنسبه باة للموضوع بصى باه يا ستى
ان الناس اللى بتفكر فى موضوع الاعاقة دا يعنى تقريبا هما اللى معاقين يعنى تفكيرهم غلط
بس اصلا فى مصر دا تفكير الناس كلها يعنى تقدرى تقولى تفكير شبه متخلف سورى فى اللفظ
بالنسبه للى عندهم اعاقة وبيدوروا على حد عندة اعاقة طيب ليه عشان يباة فى تكافؤ بينهم سورى دا اسمة استسلام
يعنى لو انا بحب حد والحد دة كان معاق حركيا انا هتخلى عنة وهقول لا
بيتهيالى دا اللى ممكن اعمله فى الموضوع دة
وميرسي ليكى يا فيفا موضوع جميل من عضوة اجمل

دايما فى تالق

انتى اكيد تقصدى مش هتتخلى عنه بس غلطتى
مرسى لمرورك انتى
ومرسى على المجاملة الجميله دى

ميرسي يا فيفا عالموضوع الجميل دة وبجد هوة بيناقش قضيه كبيرة
بالنسبه باة للموضوع بصى باه يا ستى
ان الناس اللى بتفكر فى موضوع الاعاقة دا يعنى تقريبا هما اللى معاقين يعنى تفكيرهم غلط
بس اصلا فى مصر دا تفكير الناس كلها يعنى تقدرى تقولى تفكير شبه متخلف سورى فى اللفظ
بالنسبه للى عندهم اعاقة وبيدوروا على حد عندة اعاقة طيب ليه عشان يباة فى تكافؤ بينهم سورى دا اسمة استسلام
يعنى لو انا بحب حد والحد دة كان معاق حركيا انا هتخلى عنة وهقول لا
بيتهيالى دا اللى ممكن اعمله فى الموضوع دة
وميرسي ليكى يا فيفا موضوع جميل من عضوة اجمل
دايما فى تالق

ولا حساس ولا حاجه الموضوع كويس جداا ثم ده واقع وفى ناس كتير هتتعرض لمواقف مشابهه

وبالنسبه لرد محمد مساله التكافؤ فى الجواز مش حاسه ان ليها علاقه اووى او اقصد يعنى ايه المشكله لم واحده تتجوز واحد كفيف يعنى عادى الدنيا مش هتخرب ..وعندك اكبر مثال عمك طه حسين ..مش لازم يكون فى حساسيات ..


طب يا ريت والله يكون موضوع عادى
اصل انا حاسة بالذنب اوى احسن اكون جرحت حد فعلا

وبعدين بالنسبه لموضوع التكافؤ ده
ده رايه وهو حر فيه هو شايف كده فى ناس تانيه ممكن مش تفرق معاها

السلام عليكم ورحمه الله وبركاته

اولا احييكى اختى فى الله لطرحك هذا الموضوع

للاسف مصر الى الان مازال فيها اناس اصحاب عقول مريضه
ينظرون الى ذوى الاعاقات على انهم مخلوقات ادنى من الاسوياء
وكانهم نسوا انهم من الممكن ان يكونوا ذوى اعاقه فى اى لحظه
لان النفس ملك لخالقها
من الممكن ان نجد من هؤلاء اسوياء البنيه والخلقه
لكنهم ناقصى عقل وايمان بالله
على اى حال انا لا امانع ابدا فى الارتباط بشخص ذو اعاقه طالما
مؤمن بالله وتفكيره ناضج فالكفاءه مطلوبه فى تلك الامور
وليس فى حسن البنيه او الخلقه وتعاملى معه سيكون بموضوعيه
لانه من الممكن ان اكون مثله فى يوم من الايام
فى النهايه اقول اتمنى ان تتغير نظرة هؤلاء الافراد
ويتفكروا فى انفسهم وفى خلق الله
اى منا معرض فى اى لحظه بالاصابه باى اعاقه
كله بامر الله وحده ومشيئته

جزاكى الله كل خير اختى العزيزة

السلام عليكم ورحمه الله وبركاته

اولا احييكى اختى فى الله لطرحك هذا الموضوع

للاسف مصر الى الان مازال فيها اناس اصحاب عقول مريضه
ينظرون الى ذوى الاعاقات على انهم مخلوقات ادنى من الاسوياء
وكانهم نسوا انهم من الممكن ان يكونوا ذوى اعاقه فى اى لحظه
لان النفس ملك لخالقها
من الممكن ان نجد من هؤلاء اسوياء البنيه والخلقه
لكنهم ناقصى عقل وايمان بالله
على اى حال انا لا امانع ابدا فى الارتباط بشخص ذو اعاقه طالما
مؤمن بالله وتفكيره ناضج فالكفاءه مطلوبه فى تلك الامور
وليس فى حسن البنيه او الخلقه وتعاملى معه سيكون بموضوعيه
لانه من الممكن ان اكون مثله فى يوم من الايام
فى النهايه اقول اتمنى ان تتغير نظرة هؤلاء الافراد
ويتفكروا فى انفسهم وفى خلق الله
اى منا معرض فى اى لحظه بالاصابه باى اعاقه
كله بامر الله وحده ومشيئته

جزاكى الله كل خير اختى العزيزة


حضرتك عندك حق فعلا
ومش عارفة امتى بقى هنبطل نبص لشكل الانسان وبس
مش يمكن من جواه يكون انسان بجد
ربنا يهدينا ويدينا اعين نقيه لترى الجوانب الحلوة بس
شرفنى مرورك مس رانيا

احيك يا خالد على ردك
بجد كويس اوى من وجهة نظرى يعنى

اكيد لو بحبها مش هتفرق معايا خالص ...وعمر ماهيجي يوم واحس اني بعطف عليها.....بس ياريت ياصاحبه الموضوع اسألك انا سؤال....ممكن انتي ترتبطي بأنسان عنده اعاقه؟؟؟؟؟؟؟؟؟؟

اكيد لو بحبها مش هتفرق معايا خالص ...وعمر ماهيجي يوم واحس اني بعطف عليها.....بس ياريت ياصاحبه الموضوع اسألك انا سؤال....ممكن انتي ترتبطي بأنسان عنده اعاقه؟؟؟؟؟؟؟؟؟؟

اه طبعا انا معنديش مانع ابدا ارتبط
بانسان عنده اعاقة ايه المشكلة يعنى
عادى جداااااااااا
هو ده مش انسان برضه زى اى انسان سوى؟
بيحس ويحب ومن حقه انه يلاقى انسانه تفهمه وتحبه
من غير النظر لاعاقته اى ان كانت

الرد ده يتعمل فيه دكتوراه;)

بص انت كلامك واقعى جداا بس حاسه انه قاسي اووى فى ايه انت بتقول انه مينفعش اتنين معاقين يتجوزو بعض وفى ايه رجعت تقول ان السليم مينفعش يتجوز حد باعاقه ...يعنى دول يتجوزو مين بالظبط ..او بمعنى اصح انت كده هتعزلهم عننا ..

وبالنسبه لموضوع انك لو اتجوزت واحده واكتشفت ان عندها حاجه انت قلت ان الموضوع هيدخل فى طلاق وكده

ليه متخدهاش ان الشخصيه دى بتحبك ومش عاوزه تخلى اى حاجه تفرق بينكو ..انا عارفه انك هتيجى تقول الامانه والصراحه والكلام ده بس عمرك مهتيجى تقول الحب انك مفروض تتضحى وتقبلها زى مهى

وفى حاجه تانيه ..انت بتقول انك مش هتتجوز واحده باعاقه كبيره صح؟؟افرض الاعاقه دى حصلت بعد ماتجوزتو هتسيها لمجرد انها معاقه يا خالد ؟؟ يبقى فين التضحيه والكلام اللى احنا بنسمع عنه

ياريت تبص لرد اعتقد ان فى حجات كتيره متناقده ..بس مشكور ع التفاعل ..وياريت نسمع راى باقى الاعضاء انتو رحتو فين يا جماعه؟؟


لا رد خالد مش متناقض ولا حاجة
ازاى يعنى تخدعه ومش تقوله حاجة زى دى قبل الجواز
من حقه انه يعرف طبعا
انما لو حصل لها كده بعد الجواز مش هيسبها انا متاكده من ده
حتى هو اكيد هيرد كده لان فى الحالة دى هى مش ليها ذنب

ممكن تكون خايفه لتضيع الانسان اللى بتحبه لحاجه مش ليها ذنب فيها ..اما بالنسبه لموضوع انه لو حصلها بعد كده دى حاجه ترجعله محدش عارف هيتصرف ازاى !! انا اللى عوزاه يجاوبنى عليه بس هو موضوع ان الاتنين لو باعاقه ايه الوحش فيها ؟؟ يعنى هو لم قال الناس بتضحك عليكى وانتى ماشيه فى الشارع مبالك لو كنتو انتو الاتنين ..؟؟!! مش فاهمه يعنى هى غلطانه مثلا ..؟؟ ةلا المجتمع هو اللى غلطان؟؟؟

بس دى كل وجه نظرى ...وشكرا

انت بتقول انه مينفعش اتنين معاقين يتجوزو بعض
ياست الكل انا مش قولت كدا والله
انا قولت انهم مش يكون عندهم نفس العيب
عشان يقدروا يكملوا بعض
ردا ع الاخت اللى بتقول انه لازم يكون عنده نفس العيب اللى عندى
يارب تكون دى وضحت بالنسبالك

رجعت تقول ان السليم مينفعش يتجوز حد باعاقه
انا برده مش قلت كدا والله
انا قلت ينفع يرتبط بيها بس مش اى اعاقه
اللى هيا مش هتبقى مشكله لما يتجوزوا
باعتبارها فيما سيكون ام بعد زوجه
يارب برده تكون وضحت بالنسبالك

ليه متخدهاش ان الشخصيه دى بتحبك ومش عاوزه تخلى اى حاجه تفرق بينكو
من الواضح ان خبرتك قليله فى موضوع الحب دا :)
لو فعلا بتحبنى بجد مش هتخبى عليا وطالما هيا متاكده انى بحبها
يبقى هيا اكيد عارفه انى مش هسيبها

وفى حاجه تانيه ..انت بتقول انك مش هتتجوز واحده باعاقه كبيره صح؟؟افرض الاعاقه دى حصلت بعد ماتجوزتو هتسيها لمجرد انها معاقه يا خالد ؟؟ يبقى فين التضحيه والكلام اللى احنا بنسمع عنه

لا فى فرق بعد الجواز يعنى الست دى ام عيالى وعشره وكدا
ساعت ما يحصل الكلام اللى هيحصل ان شاء الله
انى هحمد ربنا عليه وعمرى ما هسيبها
وعشان عارف انك بتحبى النقاش شويه
قبل ما تقولى فرقت فى ايه قبل ولا بعد ابقى بصى على كلامى كويس

ياريت تبص لرد اعتقد ان فى حجات كتيره متناقده
يعنى صعب اطلع حاجه متناقده بجد
يا حجه انا بشمهندس :p لا بهزر اى انسان ممكن يكتب حاجه غلط
بس الحمد لله انا قبل ما اتكلم او اكتب بعقل كلامى كويس :)
انا مش هكلمك ولا اديكى بالبوانى عشان انتى اهلاويه بس
تقبل هزارى :)

بالبوانى كمان يلا نعديهالك;) ..انا بتناقش والله عشان مش عاوزه الموضوع يتقفل ويتردم عليه بسرعه لانه داخل دماغى اووى وكنت عاوزه اسمع اراء باقى الاعضاء :D فبتراخم ع ردود عشان الموضوع يكمل ..شفتوا بقه ان هدفى نبيل:lol: تقبلو مروراتى الكتير;)

بالبوانى كمان يلا نعديهالك;) ..انا بتناقش والله عشان مش عاوزه الموضوع يتقفل ويتردم عليه بسرعه لانه داخل دماغى اووى وكنت عاوزه اسمع اراء باقى الاعضاء :D فبتراخم ع ردود عشان الموضوع يكمل ..شفتوا بقه ان هدفى نبيل تقبلو مروراتى الكتير;)


خلاص بقى عديها عيل وغلط:p
مش قصده طبعا احنا اخوات
وفعلا هدف نبيل جدااااااااااا

مش هكدب عليكى يا فيفا
انا اذا حبيتها هيكون حبى ده مخلوط جدا بالرحمه او الرأفه والعطف عليها
وهيبان جدا فى تعاملاتى معاها
وده هيجرحها
علشان كده انا افضل انى ما اتجوزش واحده عندها اعاقه
ممكن اكمل معاها عادى جدا لو فى فتره الخطوبه حصل حاجه
لانها نصيبى وانا اكيد ان شاء الله راضى بيه
وشكرا جدا على الموضوع
ما تنسيش تراجعى مواضيعك اللى فى جرس الفسحه
انتى نسيتى ولا ايه

موضوع رائع

مش هكدب عليكى يا فيفا
انا اذا حبيتها هيكون حبى ده مخلوط جدا بالرحمه او الرأفه والعطف عليها
وهيبان جدا فى تعاملاتى معاها
وده هيجرحها
علشان كده انا افضل انى ما اتجوزش واحده عندها اعاقه
ممكن اكمل معاها عادى جدا لو فى فتره الخطوبه حصل حاجه
لانها نصيبى وانا اكيد ان شاء الله راضى بيه
وشكرا جدا على الموضوع
ما تنسيش تراجعى مواضيعك اللى فى جرس الفسحه
انتى نسيتى ولا ايه


انا معاك برضه فى رد حضرتك
لو مش هتقدر تفصل حبك ليها عن الرحمة والعطف
يبقى بلاش منها

لا انا مش نسيت ولا حاجة حاضر هرجعلها
نورت موضوعى

موضوع رائع

مرسى لمرور حضرتك
بس حابين نسمع رايك

موضوع جميل يا فيفا أحيكى عليه

الكلام بيكون سهل لكن فعلنا للكلام صعب

ممكن الشخص يكون متعاطف جداً مع بنت عندها إعاقة بس الاحساس بالمسئولية أكبر من تعاطفه فابيرفض الارتباط بيها والعكس

وماكدبش عليكى أنا مش عارفة أجاوبك على أسئلتك

بس عامتاً هما بشر زينا زيهم ويمكن هما بظروفهم دى يكونوا أحسن من الماشيين على رجليهم

ومين عارف الزمن مخبيله إيه يمكن بعد الجواز تحصل الاعاقة لقدر الله معقول الفرد التانى يطلع ندل ولا هيكمل ؟؟

وربنا يشفى الجميع ويحفظنا من كل سوء

موضوع جميل يا فيفا أحيكى عليه


الكلام بيكون سهل لكن فعلنا للكلام صعب

ممكن الشخص يكون متعاطف جداً مع بنت عندها إعاقة بس الاحساس بالمسئولية أكبر من تعاطفه فابيرفض الارتباط بيها والعكس

وماكدبش عليكى أنا مش عارفة أجاوبك على أسئلتك

بس عامتاً هما بشر زينا زيهم ويمكن هما بظروفهم دى يكونوا أحسن من الماشيين على رجليهم

ومين عارف الزمن مخبيله إيه يمكن بعد الجواز تحصل الاعاقة لقدر الله معقول الفرد التانى يطلع ندل ولا هيكمل ؟؟


وربنا يشفى الجميع ويحفظنا من كل سوء


اوك يا اسيل انا معاكى ان الفعل صعب
بس ممكن نحاول ممكن نقدر
اكيد ربنا هيساعدنا عشان خاطر الحد ده
عايزة اسمع رايك بجد

اوك يا اسيل انا معاكى ان الفعل صعب
بس ممكن نحاول ممكن نقدر
اكيد ربنا هيساعدنا عشان خاطر الحد ده
عايزة اسمع رايك بجد


أكيد هوافق

لو فكرت انى ممكن اكون واحدة منهم

أكيد هتمنا اشوف حد ياخد بايدى

وكفاية إن ربنا هيجازينا خير على كده

وشكراً على الموضوع يا فيفا

أكيد هوافق

لو فكرت انى ممكن اكون واحدة منهم

أكيد هتمنا اشوف حد ياخد بايدى

وكفاية إن ربنا هيجازينا خير على كده


وشكراً على الموضوع يا فيفا


ايوة كده هو ده رد اسيل اللى انا عايزه اسمعه
نورتى الموضوع يا قمر

ازيكم يا احلى اعضاء
يا رب تكونوا بخير دايما
الموضوع ده انا فكرت فيه كتير قبل كده وهو موضوع الاعاقة
مش شرط تكون اعاقة ذهنيه فى ناس كتير اوى عندهم اعاقات من نوع تانى
زى الاعاقة الحركيه مثلا
كتير اوى بنبقى ماشين فى الشارع ونلاقى شاب صغير على كرسى متحرك
وكتير اوى بنلاقى بنات زى القمر بس برضه عندهم اعاقة
السؤال بقى دلوقتى
يا ترى انت عندك استعداد ترتبط بانسانة عندها اعاقة
او انتى ممكن ترتبطى بانسان عنده اعاقة
ولو ده حصل مش هيجى يوم تحسوا انكوا مجرد بتعطفوا عليهم؟
حقيقى هما محتاجين يحسوا اننا موجودين جنبهم ومحتاجين يحسوا انهم زى
اى انسان سوى
يا ريت اسمع رايكم بس بصراحة


رائع يا فيفان
الاعاقة كتيرة اوى ومش شرط يكون الانسان عليل عشان يبقى معاق ممكن جدا يكون الانسان بكامل صحته وفى نفس الوقت معاق وممكن يكون بكامل قواه العقلية وبرده معاق
بالنسبة ليا أنا ممكن جدا أربط مصيرى بواحدة معاقة بس شرط انها تكون انسانة انسانة بجد ويكون فيها المواصفات اللى أنا بدور عليها
أما حكاية العطف دى فأعتقد ان محدش فينا بختار نفسه

رائع يا فيفان
الاعاقة كتيرة اوى ومش شرط يكون الانسان عليل عشان يبقى معاق ممكن جدا يكون الانسان بكامل صحته وفى نفس الوقت معاق وممكن يكون بكامل قواه العقلية وبرده معاق
بالنسبة ليا أنا ممكن جدا أربط مصيرى بواحدة معاقة بس شرط انها تكون انسانة انسانة بجد ويكون فيها المواصفات اللى أنا بدور عليها
أما حكاية العطف دى فأعتقد ان محدش فينا بختار نفسه


لا تمام اوى كده
فعلا اوقات الانسان بيبقى سليم جدااا
ولكن فى نفس الوقت بيبقى معاق
وفى النهايه برضه مفيش حد بيختار نفسه
نورت الموضوع

بصى
هو الموضوع حساس جداً جداً
لكن
أنا بيتهيألى إن فيه فرق كبير بين العطف والإرتباط
يعنى
أنا ممكن أزعل لما أشوف إنسانه بتحظى بقدر كبير جداااً من الجمال لكن للأسف عندها إعاقه بأى نوع من الأنواع
لكن زى ما بيقولو الحلو مبيكملش لكن الصراحه لو فكرت أرتبط بيتهيألى هتكون آخر إنسانه أفكر فيها
لكن مين عارف بكره مخبلنا إيه
مش يمكن فعلاً أقابل إنسانه وعندها إعاقه وأحس معاه بالأمان وأشوف فيها كل شىء بتمناه فى الإنسانه اللى عاوزها تكون شريكه حياتى

بجد مش قادر أحكم حكم قاطع لأنى معشتش موقف مماثل

بصى

هو الموضوع حساس جداً جداً
لكن
أنا بيتهيألى إن فيه فرق كبير بين العطف والإرتباط
يعنى
أنا ممكن أزعل لما أشوف إنسانه بتحظى بقدر كبير جداااً من الجمال لكن للأسف عندها إعاقه بأى نوع من الأنواع
لكن زى ما بيقولو الحلو مبيكملش لكن الصراحه لو فكرت أرتبط بيتهيألى هتكون آخر إنسانه أفكر فيها
لكن مين عارف بكره مخبلنا إيه
مش يمكن فعلاً أقابل إنسانه وعندها إعاقه وأحس معاه بالأمان وأشوف فيها كل شىء بتمناه فى الإنسانه اللى عاوزها تكون شريكه حياتى

بجد مش قادر أحكم حكم قاطع لأنى معشتش موقف مماثل



يا جماعة انا للمرة التانيه بتاسف على الموضوع
انا مجاش فى بالى ابدا انه ممكن يكون حساس اوى كده
وانا مقصدش كده خالص من الموضوع ده
انا اسفة بجد

بصراحة رد حضرتك حاسه انه قاسى شويه
ليه لو فكرت ترتبط الانسانة المعاقة دى هتكون اخر واحده؟
هو اكيد كل واحد له نظريه تختلف عن التانى
بس حتى لو كنت بتحبها وهى انسانة كويسه برضه هيكون ده راى حضرتك؟
على العموم حضرتك نورت الموضوع

نورتونى يا جماعة بجد
واسعدنى جدا ردودكم على الموضوع
والنقاش لسه مفتوح
لو حد عايز يشارك برايه