السلام عليكم ورحمة الله وبركاته
عندي سؤال للاخوة والاخوات ارجو المساعدة
لي قريبة قدمت في مسابقتين للتربية والتعليم والازهر ونجحت ما شاء الله في الاتنين وهيا قدمت ورقها في التعليم العام ولسه الازهر ظهرت امبارح وهيا حاليا محتارة بين الاتنين
ايه مميزات التعليم الازهري عن التعليم العام اللي تخليها ممكن تتخلى عن العام وتقدم في الازهر
تنصحوها ب ايه
ولكم جزيل الشكر

التربية والتعليم أفضل كثيرا من حيث المرتب لان وظيفة الازهر بالحصة أما التربية والتعليم بالعقد المميز يعنى فرق كبير فى المرتب وكذلك الترقية وقصر اليوم الدراسى والامتحانات يعنى التربية والتعليم أفضل فى كل الحالات هذة نصيحة لوجه الله تعالى

سوف تجد كل من يعمل بالازهر ينصحك بالتربيه والتعليم
وتجد كل من يعمل بالتربيه والتعليم ينصحك بالازهر
وسوف تجد نصيحه ثالثه البعد عن مهنه التدريس
كل واحد عجبه عقله ومحدش عجبه رزقه

هتندم كتير لو جت الأزهر ... حرام عليك روح يا شيخ ع التربية والتعليم جري
أنت شايف التخلف اللي إحنا فيه

التربية والتعليم افضل

التربيه والتعليم أفضل لان الازهر تابع للتربيه والتعليم

لا اله الا الله

الأزهر افضل بالنسبة للراحة والاستقرار أما إذا أردت العمل والكفاح فعليك بالتربية والتعليم

الخلاصة لو عايزه بلطجة وقلة شغل وعدم متابعة وانخفاض مستوى ونسيان المادة والعاهات الفكرية والحفظ وتعطيل المخ عليك بالأزهر فورا ففيه كل هذه المميزات

ازهر ايه ال بتتكلم عليه هو فيه حاجة اصلا اسمها ازهر دة كان زمان دلوقتى اسمه تخلف جهل غش سوء ادارة ضياع حقوق والله يا اخى مافي وجه مقارنة رغم ان التربية والتعليم فيها مساوىء بس الازهر كله مساوىء

ازهر ايه ال بتتكلم عليه هو فيه حاجة اصلا اسمها ازهر دة كان زمان دلوقتى اسمه تخلف جهل غش سوء ادارة ضياع حقوق والله يا اخى مافي وجه مقارنة رغم ان التربية والتعليم فيها مساوىء بس الازهر كله مساوىء

والله التربية والتعليم افضل كما قال الزملاء

على ما اعتقد وظيفة الازهر تثبيت اما التربية والتعليم تعاقد

صل يااخى صلاة استخاره وتوكل على الله والخيرة فيما اختاره الله

التربية والتعليم افضل

مع احترامي لكل من في التربية والتعليم فأنني أرى ان مرتباتهم فيها شبهة ظلم وحرام لان المدرس حينما يجبر الطالب على مجموعة داخل المدرسة وفي الوقت المخصص لشرح الحصص الرسمية مع علم ادارة المدرسة بذلك لكي تأخذ حصتها في ذلك
. فإذا اردتي الابتعاد عن الشبهات وأكل الحرام فعليكي بالازهر والاهم من ذلك استخيري الله وسوف يوفقك الله سبحانه وتعالى وفي كل خير واذا لم تعرفي صلاة الاستخارة ابحثي عنها في النت وصلايها .وبالتوفيق ان شاء الله .

دروس خصوصية = تربية و تعليم , راحة بال = أزهر

اخي الكريم شبه الحرام الي حضرتك بتتكلم عليها هي ممكن تتجنبها بكل سهوله انا من راي التربيه التعليم افضل بكتير الازهر مفهوش استقرار ممكن مدرسه تيجي بعديها وعشان عندها واسطه بنقلوا قريبتك لمكان بعيد للاسف الازهر فيه ظلم كتير وقرارات غريبه

يا راجل ما الحرام بعينوه فى الازهر

جزاكم الله خيرا على الافادة
واتمنى لو حد يقدر يدينا رأيه كمان اكون شاكرة ليكم

التربية والتعليم افضل

مفيش حاجه اسمها التربية والتعليم افضل والازهر لا
كل حاجه فيها الحلو والوحش
مبدئيا الاجور في الاتنين زي بعض
المكافأت زي بعض بصرف النظر عن طريقة الدفع
هناك هاتدي الحصة وتقعدي وهنا هاتدي الحصة وتخلعي
هناك عقول ممكن تلاقيها متفهمه هنا هتلاقي عقول بعض الشيء متحجره
هناك هتلاقي قيادات بتفهم - هنا مفيش قيادات اصلا
هناك هتلاقي زمايلك بيبصو ليكي بنظرة الحقد او الفرح وهنا نفس الشيء
هناك في مصريين وهنا في مصريين
هناك في بقر وهنا في ابقار
هناك شغل دايم هنا شغل في راحه بعضا ما
هناك في عدم خصوصية وتتدخل من الزملاء الرجاله دا لو كانت ست
وهنا مفيش بصراحه الحجات وفي احترام
----------------
هناك - معناها - التربية والتعليم
هنا - معناها - الازهر
واخير هناك شغل وهنا شغل

السلام عليكم ورحمة الله وبركاته
عندي سؤال للاخوة والاخوات ارجو المساعدة
لي قريبة قدمت في مسابقتين للتربية والتعليم والازهر ونجحت ما شاء الله في الاتنين وهيا قدمت ورقها في التعليم العام ولسه الازهر ظهرت امبارح وهيا حاليا محتارة بين الاتنين
ايه مميزات التعليم الازهري عن التعليم العام اللي تخليها ممكن تتخلى عن العام وتقدم في الازهر
تنصحوها ب ايه
ولكم جزيل الشكر


التربية والتعليم افضل بكثير الازهر كله عاهات وتخلف وطلاب شوارع وبلطجة :)

وظيفة الأزهر تعيين على وظيفة اخصائي تدريس ثالث وليست بالحصة كما ذكر احد الزملاء بينما التربية والتعليم تعاقد وبالنسبة للراتب الشهري فلا يوجد فرق المرتب مرتب الدرجة الثالثة والقانون واحد رغم ان قانون التربية والتعليم155 وقانون الأزهر156 ااما بالنسبة لطبيعة العمل فاللي عايز يخلص في عمله هيخلص في في اي حاجة ازهر او تربية وتعليم لأن لازم يكون الهدف واحد وهو الأرتقاء بمستوى التعليم فالأزهر والتربية والتعليم في كل منهما مميزات عديدة وكذا بهما عيوب ولا يعلم الخير الا الله عز وجل وانصح الأ خت بأن تستخير الله عز وجل فلا أحد يعلم منا الخير والله اعلم

انا اشتغلت فى الاتنين يا افندم ومن غير كلام مقارنات التعليم العام افضلها بألف مرة من الازهر

لو مدرسه رياضيات او انجليزي اقسم بالله اسمع نصيحتي لا تروح التربيه والتعليم عندنا عجز رياضيات من 14 سنه ماجابوا مدرس رياضيات شايف المرار
13 سنه ولسه معايا 20 حصه وزمايلي معاهم في التربيه والتعليم 8 و4 حصص ابعد ابعد ابعد

قرار التعيين في الازهر تثبيت وعلي درجة بل الادهش من ذلك ان تعيين المدرسين جاء علي درجة معلم اي سوف يتمتعون بالتثبيت وبالكادر

قرار التعيين في الازهر تثبيت وعلي درجة بل الادهش من ذلك ان تعيين المدرسين جاء علي درجة معلم اي سوف يتمتعون بالتثبيت وبالكادر

حضرتك جبت المعلومات دى منين ؟
ازاى تثبيت على طول وازاى على درجة معلم وهم مامتحنوش كادر اصلا ؟

معلش اعذرنى بس عايز اعرف هم قالوا الكلام ده او نزل بيه قرار

أولاً : قبل كل شيء عليك بصلاة الاستخارة
ثانياً : من وجهة نظري المتواضعة
بالنسبة للإناث الأزهر أفضل لهم
لأن المعلمة ستعمل في معهد فتيات ولن تعمل في معهد بنين ( الا اذا كان ابتدائي طبعا علشان مختلط )
وهذا الأمر بيكون أفضل بكثير للمعلمات وبيكون أغلب معاهد الفتيات معلمات ( نسبة المعلمين قليلة )


أما التربية والتعليم أفضل للمعلمين

و الله التعليقات مضحكة ياريت الاستاذة تكمل في نظام التعليم اللي اتخرجت منه لانها على الاقل عرفاه و اللي عايز يشتغل هيعمل اي حاجة يثبت بيها نفسه حتى لو كان المكان اللي بيشتغل فيه مليئ بالتخلف و سوء الادارة و التنظيم و في الاخر لا يصح الا الصحيح و الانسان الناجح لازم تكون ارادته على التغيير قوية و مهما كان المكان سيئ لازم هيسيب فيه بصمة
اختاري و كوني قد اختيارك و اتحديه