تسجيل الدخول

مشاهدة النسخة كاملة : استفتاء هام لجميع من هم 3ثانوى علمى

محمد_الثانويه
15-08-2008, 11:59 AM
استفتاء هام لجميع من هم 3ثانوى علمى


اطلب منكم ان ترشحوا علم نفس ولا اقتصاد واحصاء للماده الادبيه
ayooosh
15-08-2008, 12:54 PM
هو علم النفس سهل وحلو
ومنهجه صغير بس عايز حد يحبه ويفهمه ومحتاج طبعا حفظ

والاقتصاد طبعا كله بيتكلم عن النقود والبنوك والبورصه و..... بس لذيذ والله
وبما انك علمى فالاحصاء هتكون سهله اوى لانها عباره عن جداول واحصائيات

هما الاتنين حلويين بس انصحك تاخد علم نفس
لان امتحناته بتبقى سهله مفيهاش غموض مباشره

اما الاحصاء عشان رياضه فسعات بتيجى مسائل مش مباشره وبتبقى عايزه ذكاء وتركيز

على العموم آسفه لو طولت عليك وربنا يوفقك وشد حيلك السنه دى
bosy .. mostafa
15-08-2008, 12:57 PM
علم النفس احسن
انا كنت اقتصاد و احصاء و حولت علم نفس
لإن علم النفس صغير و امتحاناته دايماً بتيجي سهله و ضامن فيه الـ50 بس المهم انك تحبه و تحفظه كويس
Prof.Dr/A.T.M
15-08-2008, 02:06 PM
انا تالتة ثانوى علمى علوم ولانى مش بحب الحفظ اخدت اقتصاد واحصاء لانه عندى اسهل من حفظ علم النفس
لو انت بتحب الحفظ خد علم نفس بس اقصد حفظ صم
لو بتحب الرياضة ومش بتحب الحفظ خد اقتصاد واحصاء
MoaTaZinHo
15-08-2008, 02:18 PM
انا كنت علمى السنة اللى فاتت ورغم اللى قالوه عن امتحان الاحصاء بتاعنا جبت 50 بمنتهى السهولة و ماحستش انها مادة اساسا

يعنى انا هاقولك على اللى حصل بالظبط .. بالنسبة للاقتصاد مادة صغيرة و تعبانة جدا ابتدتها فى شهر 11 و خلصتها فى شهر 2 بمراجعتها و ما فتحتهاش تانى غير ليلة الامتحان و رحت الامتحان كنت تقريبا باحل و انا مغمض واى حد مالهوش فى شىء فى الحياة بيقفلها وبسهولة

بالنسبة للاحصاء اسهل كمان .. والله انا طول السنة ما خدت فيها غير 6 حصص 4 منهم منهج و2 مراجعات
هى ممكن يقولوا صعبة وبتاع بس اللى بيقول كده بيستهبل لأنه بيعتبر ان المطلوب انه يحفظ القوانين و يعوض بيها فى الامتحان ويقفل وده هبل طبعا

الامتحان والله مهما بلغت صعوبته مش هيوصل لمستوى امتحان رياضة 1 حتى .. انت بس افهم كل درس وحل عليه مسائل كتير من اى كتاب و معاهم النماذج فى اخر السنة و مش هتحتاج اى حاجة خالص وهتلاقيها بجد اسهل مادة فى الثانوية العامة وربنا يوفقك
CoMMaNdo
15-08-2008, 02:22 PM
علم نفس ياعم
سيبك من الاحصاء خالص
دى ضيعتنا السنه دى