ممكن رأيكم انا بفكر اعيد السنة وخايف جدا

انت علمي رياضة؟

رأيى‏ ‏
تشيل‏ ‏الفكرة‏ ‏دى‏ ‏من‏ ‏دماغك‏ ‏خالص‏ ‏دلوقتى
وتجيب‏ ‏اقصى‏ ‏ما‏ ‏عندك‏ ‏فى‏ ‏المذاكرة‏‏ ‏
وادعى‏ ‏ربنا‏ ‏يبارك‏ ‏فى‏ ‏وقتك‏ ‏وتلحق‏ ‏تخلص
وانا‏ ‏شايفه‏ ‏انك‏ ‏هتلحق
احنا‏ ‏بندرس‏ ‏علمى‏ ‏علوم‏ ‏وعلمى‏ ‏رياضة‏ ‏وشرعى‏ ‏وعربى‏ ‏
بيقولوا‏ ‏١٥ مادة‏ ‏انا‏ ‏بصراحة‏ ‏بطلت‏ ‏اعد‏ ‏من‏ ‏زمان‏ ‏كنت‏ ‏كل‏ ‏ما‏ ‏اعدهم‏ ‏الاقيهم‏ ‏زادوا‏ ‏
الشاهد‏ ‏ان‏ ‏فى‏ ‏وسط‏ ‏المواد‏ ‏الكتير‏ ‏دى‏ ‏والوقت‏ ‏القليل‏ ‏ده
انا‏ ‏متأكده‏ ‏انه‏ ‏لو‏ ‏شديت‏ ‏هخلص
فانت‏ ‏برده‏ ‏حط‏ ‏فى‏ ‏بالك‏ ‏انك‏ ‏تطلع‏ ‏من‏ ‏الايام‏ ‏دى‏ ‏باكبر‏ ‏انتاج‏ ‏ممكن
وادخل‏ ‏الامتحانات‏ ‏عادى
حليت‏ ‏كويس‏ ‏ولقيت‏ ‏نفسك‏ ‏ماشى‏ ‏فيها‏ ‏كمل‏ ‏
لا‏ ‏قدر‏ ‏الله‏ ‏حصل‏ ‏حاجة‏ ‏وبقيت‏ ‏متاكد‏ ‏ان‏ ‏الكلية‏ ‏ضاعت
مش‏ ‏تكمل‏ ‏وعيد‏ ‏بقى
ومش‏ ‏تقلق‏ ‏هيبان‏ ‏معاك‏ ‏من‏ ‏اول‏ ‏امتحانين‏ ‏كده‏ ‏
يعنى‏ ‏مش‏ ‏هتحل‏ ‏كويس‏ ‏طول‏ ‏الامتحانات‏ ‏وتيجى‏ ‏ع‏ ‏اخر‏ ‏امتحان‏ ‏وتعكس
لانه‏ ‏لو‏ ‏بدأ‏تها‏‏ ‏صح‏ ‏هتختمها‏ ‏صح
هبكون‏ ‏ثقتك‏ ‏بنفسك‏ ‏زادت‏ ‏اوى‏ ‏وحتى‏ ‏لو‏ ‏مش‏ ‏مذاكر‏ ‏المواد‏ ‏ال‏ ‏بعد‏ ‏كده‏ ‏كويس
هتلاقى‏ ‏نفسك‏ ‏بتخلصها‏ ‏مرتين‏ ‏ولا‏ ‏حاجة‏ ‏قبل‏ ‏الامتحان‏ ‏بتاعها
ده‏ ‏بسبب‏ ‏انه‏ ‏هيكون‏ ‏عندك‏ ‏اصرار‏
هتبقى‏ ‏عايز‏ ‏تعمل‏ ‏اى‏ ‏حاجة‏ ‏علشان‏ ‏تنهى‏ ‏الامتحانات‏ ‏كلها‏ ‏ع‏ ‏خير
فانا‏ ‏رأيى‏ ‏مذاكرتك‏ ‏دلوقتى‏ ‏مش‏ ‏هتخسرك‏ ‏حاجة‏ ‏بالعكس‏ ‏هيبقى‏ ‏عندك‏ ‏فرصة‏ ‏للتفوق‏ ‏
لكن‏ ‏لو‏ ‏قررت‏ ‏تتاجل‏ ‏من‏ ‏دلوقتى‏ ‏يبقى‏ ‏انت‏ ‏قفلت‏ ‏باب‏ ‏كان‏ ‏مفتوح‏
وع‏ ‏كل‏ ‏الاساس‏ ‏الاستخارة
استخير‏ ‏ربنا‏ ‏وهيهديك‏ ‏للصح‏ ‏ان‏ ‏شاء‏ ‏الله‏ ‏

بلاش .. يطلع عينك وتتعب ناو
احسن بكتير م الفكره دى
..
ذاكر افضل .. ذاااااكر احسنلك
..

اوعى تعمل كدة هتندم ندم عمرك وهتقول يارتنى ... وعلى فكرة فيه وقت وفيه امل انك تلحق وتزاكر وتجيب مجموع .. بس انت شد حيلك وتوكل على الله .. انشاء الله ربنا هيعينك على المزاكرة .. بس انت اعمل اللى غليك وسيبها على الله .. اتعب الكام يوم اللى فاضلين دول وانشاء الله هتجيب مجموع .. https://www.youtube.com/watch?v=LS03SDk7M30 https://youtu.be/pNXjg5RK2X8 شوف الفيديوهات ديه ,,, انشاء الله هتفيدك ... وربنا يوفقك

انا لسان حالي بيقولي عيد السنة بس مش هعيدها ، حتى لو دخلت اول امتحان وحسيت اني هجيب 1 من 80 هحل بردو ...

ياجماعة كله عنده تقصيرات فى المنهج بس يمكن انتا عندك حاجة بتقولك انتا مش نافع والكلام دا كنت بحس فيه كتير وما زلت بس معقول هضيع سنة من حياتك عشان شوية اعتقادات كاذبة ؟
انتا احسن من غيرك كتير فى ناس لسالها حجات لغاية دلوقتى لسه متذاكرتش يا عم
قول يا رب وتوكل على الله
دا اللى فى ايدينا دلوقتى وتوكل على الله وشوف اللى ناقصك وحاول وربنا مش هيسيبك ابدا

انا من الناس ال عندها حاجات ماتذكرتش
وفى الفيزيا كمان يعنى مش اى مادة
ورغم كده بحاول الم فيها
وعندى ثقة بربنا انه هيحققلى حلمى
حتى لو قصرت قبل كده
اتعب انت بس الايام دى
وانت مش ميح يعنى اكيد بتحل فى الدروس وبتجاوب
انت بس ممكن تكون مش لامم المنهج
وفى ناس كتير كده
اتعب شويتين وخلى عندك ثقة فى ربنا وفى نفسك
وشيل الفكرة دى من دماغك خالص