السلام عليكم و رحمة الله و بركاته
بسم الله الرحمن الرحيم

#‏المكتسب_و_الفطرى‬ (https://www.facebook.com/hashtag/%D8%A7%D9%84%D9%85%D9%83%D8%AA%D8%B3%D8%A8_%D9%88_ %D8%A7%D9%84%D9%81%D8%B7%D8%B1%D9%89?source=feed_t ext&story_id=1655576531343685) ؟!
‫#‏الاحترام‬ (https://www.facebook.com/hashtag/%D8%A7%D9%84%D8%A7%D8%AD%D8%AA%D8%B1%D8%A7%D9%85?s ource=feed_text&story_id=1655576531343685) ؟!


- الصفات و المكانة و الدور الى بيشغله الفرد فى المجتمع ..
الحاجات دى اما تكون حاجة مكتسبة من الحياة بمعنى انها امكاااااانيات و كلمة امكانيات معناها الحاجات الى بتكتسبها فى حياتك ..



او انها حاجة فطرية ربنا رزقك بيها يعنى قدرات و كلمة قدرات يعنى حاجة ربنا خلقك بيها انت ملكش دخل فيها ..


القدرة المميزة دى بنسميها موهبة هو دا معنى لفظ الموهبة الموهبة غالبا مبتظهرش عند معظم الناس رغم ان كل انسان عنده موهبة من نوع معين و المفروض انه اكتر واحد يعرفها بنفسه .. لما الموهبة دى بتتنمى بتبقى مهارة و سعتها تظهر ..
...............

احترامنا لشخص المفروض يكون على حسب ايه ؟!

1- انا عن نفسى بحترم الشخص بصفات او مكانة او دور مكتسب لمجرد انه اكتسبه يعنى شخص اتولد فى عائلة فقيرة تعب و بقى غنى طبعا بالحلال .. شخص تعب فى دراسته و بقى عالم او مميز فى مجاله دا نحترم فيه اجتهاده .. شخص بقى دكتور ناجح دى مكانة و دوره الى بياديه من شفاء للمرضى دا دوره كونه بيؤدى دا على اكمل وجه و بما يرضى الله فعلااااااااااا دى حاجة نحترمه عليها ..
و على فكرة اجمل حاجة ممكن تحس بسعادة و انت بتحققها هى الحاجات الى انت بتكتسبها و تعملها فى حياتك انت الى بتصنعها بنفسك ..




2- اما الصفات او المكانة او الدور الى الانسان بيكتسبه من عند ربنا يعنى واحد اتولد فى عائلة غنية واحد اتولد ابن وزير واحدة اتولدت جميلة جدا واحد اتولد وسيم جدا واحد اتولد عبقرى ؟! هل احترامنا هنا يكون لواحد متعبش فى الحاجة ؟! يعنى لمجرد اه اتولد لقى نفسه كدا ؟!
لا هنا تختلف بقى انا احترم الشخص دا عن كيفية استخدامه للنعمة الى ربنا ادهاله بدون مقابل يعنى هل الى اتولد فى عائلة غنية دا صرف فلوسه فى الهلس ولا عمل بيها مشاريع خيرية و سعتها يستحق انى احترمه او لأ ؟! البنت دى جميلة هل صانت جمالها دا لجوزها !؟ ولا لبست لبس مش محترم و بقى كل همها لفت الانظار ؟! هل الولد الى اتولد عبقرى دا استخدم عبقريته دى فى خدمة البشرية ولا استخدامها فى اهداف مش كويسة ؟!

................

دائما لما تيجى تختار صديق او تختار زوجة فكر اولا فى الحاجات الى اكتسبوها فى حياتهم هل الصديق دا عنده علم عنده اخلاق متفوق كل الحاجات دى هو الى عملها بنفسه يعنى دا اجتهاده و دا معناه انه شخص مجتهد ؟! و بعدين اشوف الصفات الى هو مخلوق بيها دى هل استخدمها صح او لأ و على حسب دا هحدد برده موقفى ؟!

فى اختيار الزوجة اكيد لما هروح اختار مش هفكر اول حاجة فى واحدة جميلة مستحييييييييييييييييييييل مش هفكر فى واحدة مولودة فى عائلة غنية مستحييييييييييييييييييييييل طبعا أول حاجة هفكر فيها ايه الى هى عملته فى حياتها هل هى مجتهدة هل هى عندها اخلاق هل عندها دين هل حققت حاجة فى حياتها هل طموحة الصفات الى هى اكتسبتها و صنعتها لنفسها ..

و بعدين افكر بقى لو لقيت الصفات دى فيها .. هل جمالها معقول هل العائلة مثلا سمعتها كويسة و ما الى ذلك ..

..............

اوعى تلوم شخص على حاجة مش فى ايده عشان عائلته عشان اتولد فى عائلة مش غنية عشان معاق لقدر الله عشان هى مش جميلة ..
لكن لو هتلوم لومه على هو عمل ايه فى حياته ..

اوعى تحقد على شخص عشان ربنا ميزه بحاجة لكن بص هل فعلا استخدم الحاجة دى صح و بقت نعمة و اتمنى انك تكون كدا عشان تعمل زيه ولا استخدمها غلط و بقت نقمة او لعنة و سعتها احمد ربنا ان الحاجة دى مش عندك ..

و حديث الرسول صلى الله عليه و سلم

روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك"
اختار الى عندها دين و اخلاق هى دى الاولويات ..
هى دى الى هتكون ام ولادك هى دى الى هتصون شرفك هيفيدك بايه جميلة الجمال بيروح اه و الله بيروح دا اذا مكنش صناعى اساسا ..
تربت يداك .. دا لفظ يدل على العظمة عظمة الفعل دا تخيل ؟!

.......

و على فكرة انا مش بلوم حد اتولد حتى فى اسرة مش مسلمة او حتى اتولد فى اسرة ملهاش دين لكن مسئوليته انه يدور و يعرف الدين الحق بنفسه دا يستحق الجنة مليون مرة اكتر من مسلم ميعرفش حاجة عن دينه و حظه انه اتولد فى مجرد اسرة مسلمة هو يعرف ان دينه اسمه الاسلام دا كل الى يعرفه ..
حاجات تستحق التفكير فعلا ..


..................


لو عايزين نطور من نفسنا يبقى الأول لازن نعرف يعنى ايه



المفهوم الذاتى و اتكلمنا عنه
http://www.thanwya.com/vb/showthread.php?t=635400


العادات
http://www.thanwya.com/vb/showthread.php?t=635416


نعرف عن القوى الى بتركنا و تخلينا نعمل فعل معين و فعل منعملوش
http://www.thanwya.com/vb/showthread.php?t=639307


و اخيرا احتياجات اى انسان فى الحياة

http://www.thanwya.com/vb/showthread.php?t=639305



و السلام عليكم و رحمة الله و بركاته

شكرا عالموضوع الرائع