السلام عليكم و رحمة الله و بركاته

انا عملت الموضوع دة بصراحة علشان انا فى قمة غضبى و دلوقتى بس عرفت ليه الناس بتسيب المنتدى دة بسرعة

يا جماعة دى مش طريقة تعاملوا بيها الناس و تقولى نراعى شعور بعض حرام عليكم

انتوا ولا بتردوا على موضوع ولابخير و لابشر قلت خلاص المهم انهم شافوه و استفادوا بس مش توصل لكده يبقى موضوع مهم بالنسبة لى و كلنا حنكسب من وراه حسنات كتير و اتحايل عليكم تردوا

ليه يعنى؟؟؟؟ ايه اللى يجبرنى على الذل دة

الواحد يعذركوا ما يعذركوا و لا بتعبروا

بلاش دة لما حتى بدخل جرس الفسحة و بدخل عائلة المنتدى للمرة التانية اول مادخل ماحدش يرد و لما اطلع يتكلموا حرام عليكم و الله

يعنى هيه ديه طريقة معاملة يعنى

اتقوا الله فى معاملتكم مع الناس دة انا لسه ما بقاليش 3 ايام على بعض

انا اينعم قلت مش حستسلم للاحباط و الفش اللى انتوا بتسببوه ليا بس مش للدرجة دى كل واحد و عنده طاقة تحمل

على الاقل خلوا المعاملة بالمثل

يعنى ينفع كدة واللله زعلتونى على الاخر و احنا فى ليلة مفترجة

شكرا

و طبعا استكمالا للى انتوا بتعملوه ماحدش حيرد عليا

والله حرقتوا دمى اكتر من اللى حصل معايا النهارده يعنى هوه ناقصة ده انا مابصدق افرح نفسى يا جماعة ارحموا

و الله تعبت

اقسم بالله حطفش و اسيبهالكم مخضرة تكملوا فيها اللى انتوا بتعملوه ده

لا اله الا الله سيدنا محمد رسول الله
فى ايه بس
مين الل زعلك
مش شرط ان محدش يرد على مواضيعك
انتى عارفه حاجة
انا كنت فى ايام وحاليا كمان
ليا مواضيع والله العظيم مش بيترد عليها وكان بتوصل فيها المشاهدات ل7 والردود صفر
بس صدقينى حب الاعضاء والناس مش بالساهل
لزم تسعى لده
وصدقينى بعد كده هتلقى كل الحب من الناس هنا
وفى النهاية فائق احترامى ليكى

اختى فى الله مش تضايقى
دا وضه مؤقت
ان شاء الله لن يستمر
وفى انتظار موضوعاتك
فى امان الله

أنا أولاً مش فاهم إيه حصل وإيه المشكله
لكن لو كانت مشكلتك إن مفيش ردود عليك فى مواضيعك
إسمحلى أقولك
إنك عامل مشكله من لا مشكله

إنت لما بتتب موضوع بتكتبه عشان الأعضاء ترد عليه وتقولك جميل والله كويس إيه الحلاه دى ........... إلخ
يبقى إنت غلط غلط غلط

الموضوع المفروض إنك بتطتبه إبتغاء فى مرضاه الله كاتبه عشان تفيد الأعضاء وأجرك وثوابك مش رددهم عليك
ولكن أجرك وثوابك عند الله

لو كل الناس بتفكر بطريقتك دى
كان اول ناس سابت المنتدى من زمان المدرسين
لما المدرس يعمل الموضوع ويحط فيه شرح ويهندسه ويضبطه للطالب يدوب يذاكر
وتلاقى عدد التحميل 500 ولا 600
والردود 2 ولا 3
يبقى إيه يمشى ويقول لاء دا مفيش حد معبرنى

فكر مره تانيه وإحسبها صح
إنت عاوز أجرك ردود ولا ثواب من الله

ولما تفكر كويس رد عليا

ما تزعليش بجد انا برضوا كنت زيك كده في الأول

في بقية المنتديات الواحد بيكتب "بس يا ريت الردود" في اخر الموضوع و بعدين بتلاقي الردود نازلة مطرة عليه

هنا سواء قلتي او مقلتيش مش فارقة ممكن كل واحد بيرد على المواضيع اللي بتشده شوية مش اكتر


بس متزعليش اديني رديت اهو

والله انا لا بقيت عايزة حبكم او كرهكم انا عايزاكم بس تتعاونوا طلب كبير يا جماعة انتوا محدش سالنى ليه كنت مترددة اجى هنا

انا اقولكم انا كنت خايفة ان حد يضايقنى تانى انا كفاية عليا اوى اللى بشوفه فى حياتى دة اللى مايعرفش يضايقنى لما يشوفنى يتصل بيه فى التليفون يضايقنى

والله كرهت الصوحبية و الناس و لا بقيت مستنية حاجة من حد بس افتكرت ان انتوا مختلفين بس شكلها طلعت واجهة جملة بتقولوها و خلاص

أنا أولاً مش فاهم إيه حصل وإيه المشكله
لكن لو كانت مشكلتك إن مفيش ردود عليك فى مواضيعك
إسمحلى أقولك
إنك عامل مشكله من لا مشكله

إنت لما بتتب موضوع بتكتبه عشان الأعضاء ترد عليه وتقولك جميل والله كويس إيه الحلاه دى ........... إلخ
يبقى إنت غلط غلط غلط

الموضوع المفروض إنك بتطتبه إبتغاء فى مرضاه الله كاتبه عشان تفيد الأعضاء وأجرك وثوابك مش رددهم عليك
ولكن أجرك وثوابك عند الله

لو كل الناس بتفكر بطريقتك دى
كان اول ناس سابت المنتدى من زمان المدرسين
لما المدرس يعمل الموضوع ويحط فيه شرح ويهندسه ويضبطه للطالب يدوب يذاكر
وتلاقى عدد التحميل 500 ولا 600
والردود 2 ولا 3
يبقى إيه يمشى ويقول لاء دا مفيش حد معبرنى

فكر مره تانيه وإحسبها صح
إنت عاوز أجرك ردود ولا ثواب من الله

ولما تفكر كويس رد عليا



والله انت مش فاهمنى يا جماعة انا بتكلم على موضوع مغلق للصلاة دة مهم اوى و برده محش معبرة مش فاهمة ليه طب مانا فى موضوع اسمه هل فعلا حقيقى انا عاملاه و لا حد عبره بس مزعلتش علشان مش مهم اوى زى مغلق للصلاة بلاش دة و دة ليه لما بددخل بيت المنتدى محش بيتكلم ليه كدة مش فاهمة

خليكي متفائلة

متفائلة بايه بس ده مفيش حد بيعبر حد دة ايه ده كله شعارات فارغة و خلاص دة انا خلتنى متفائلة لما طهقت والله انا معارفة امسك نفسى انا تعبت بقى د ايه ده و تقولوى نراعى بعض طب ورينى حد بيراعى حد هنا دة انا شفت واحدة بدون ذكر اسماء كانت هاين عليها تبوس ايديكوا علشان تردوا ليهكده بس حرام عليكم

ما تزعليش بجد انا برضوا كنت زيك كده في الأول

في بقية المنتديات الواحد بيكتب "بس يا ريت الردود" في اخر الموضوع و بعدين بتلاقي الردود نازلة مطرة عليه

هنا سواء قلتي او مقلتيش مش فارقة ممكن كل واحد بيرد على المواضيع اللي بتشده شوية مش اكتر


بس متزعليش اديني رديت اهو

انا ولا كنت اعرف منتديات ولا بتاع انا كان اخرى على النت الويكيبيديا و الياهو
كنت متصورة ن المنتدى ده نعمة

انا حاروح اصلى ركعتين اهدى من اللى انا فيه دة و الله حرقتوا دمى حرام عليكم

والله انا لا بقيت عايزة حبكم او كرهكم انا عايزاكم بس تتعاونوا طلب كبير يا جماعة انتوا محدش سالنى ليه كنت مترددة اجى هنا

انا اقولكم انا كنت خايفة ان حد يضايقنى تانى انا كفاية عليا اوى اللى بشوفه فى حياتى دة اللى مايعرفش يضايقنى لما يشوفنى يتصل بيه فى التليفون يضايقنى

والله كرهت الصوحبية و الناس و لا بقيت مستنية حاجة من حد بس افتكرت ان انتوا مختلفين بس شكلها طلعت واجهة جملة بتقولوها و خلاص

طيب انا مش فاهم
احنا هنا اخوات ومش عارف انا او اى عضو هنا يقدر يساعدك ازاى
حاولى تصحبى البنات اللى هنا فى المنتدى فى بنات كويسة كتير ممكن تصحبيهم
واكيد هما هيكون ليهم الشرف التعرف عليكى

انا حاروح اصلى ركعتين اهدى من اللى انا فيه دة و الله حرقتوا دمى حرام عليكم
هو حد كلمك
بصى يابنتى انا لا بعرف اطبطب ولا ادلع
ولا بعرف اعمل نانسى
انتى نزله تخبيط فينا
وتقدير لحالتك النفسية مش هرد عليكى
ربنا يهديكى

بجد أنا مش بقيت فاهم حاجه خالص
ممكن بعد إذنك تقولى
أنا زعلانه منكم والسبب

...
...
...عشان نقدر نحل يرضيكى ويرضى جميع الأطراف
لأن كده
أنا شبه تايه ومش قادر أفهم أبعاد الموضوع

هو كل واحد هيدخل يكتب موضوع ماحدش هيرد عليه هيعمل الهوليله دى

يا جماعه كبروا دماغكوا شويه

حضرتك لما دخلتى فى موضوع الترحيب على كلامك يعنى قولت انك هتقدمى اللى مافيش حد قدمه ومش هتطلبى مقابل اصلا

بعدها بيومين اديكى اهو منزله موضوع ان مافيش حد بيرد عليكى

اساسا انتى مسجله من فتره اقل من اسبوعين .. منتظره يعنى انهم يدوروا على مواضيعك ويردوا عليها ولا ايه

وبعدين ناس هنا ف المنتدى بقالهم سنين ومواضيعهم مش بتبقى عدد الردود كتير فيها بس هما مادام عارفين ان فى حد استفاد منها ما بيدوروش بقى حد رد ولا لا

ومعذرة لو كان كلامى ضايقك بس انا شايفه انك خدتى القرار ده بسرعه جدا .. انا بصراحه مش عارفه انتى لحقتى تاخديه امتى

انا حاروح اصلى ركعتين اهدى من اللى انا فيه دة و الله حرقتوا دمى حرام عليكم

ياااااه للدرجه دى

عادى يعنى ان موضوعات كتير ميتردش عليها
بتحصلنا كلنا
خاصه ان جو المنتدى اليومين دول غريب شويتين ويسوده الملل
انتى بس اصبرى كده وحاولى تتفاعلى مع الناس
وكله هيتحسن

شوفوا يا جماعة ردودكم دى كلها تبين ان انتوا مش فاهمنى خالص على العموم انا خلصت كلام و فعلا بتاسف على اى كلمة قلتها جرحت حد فيكم بس اخر طلب اطلبوا منكم تدلونى ازاى الغى حسابى هنا من غيراى سؤال او اى رد اخر

وشكرا

لا تعليق لأنى بجد
مبقتش عارف أرد أقول إيه
:mad::mad::mad:
:mad::mad:
:mad:

لا تعليق لأنى بجد
مبقتش عارف أرد أقول إيه
:mad::mad::mad:
:mad::mad:
:mad:






معلش ساعدنى بس الغى عضويتى وانت مش حتحتار تقول ايه حترتاح خالص والله بتكلم بجد

طلب اطلبوا منكم تدلونى ازاى الغى حسابى هنا من غيراى سؤال او اى رد اخر



هو ده الصح عندك كام موضوع مكتوب وتنزلى كل يوم شويه وف الاخر تشتكوا من قلة الردود

على العموم نورتينا

يا جماعة ارحموا بقى انا ما بشتكيش من قلة الردود كلكم مش فاهمين انا بشتكى من قلة التعاون فى حاجة تفيدنا هوه انا لو على الردود مشيت من اول يوم هوه فى حد بردعلى حاجة

بجد كلامك غريب جدا فعلا لا تعليق وعلى العموم نورتينا وعلى فكرة انتى أسأتى لينا كلنا .

حد بس يدلنى الغى عضويتى هنا ازاى يبقى كتر خيره

بجد كلامك غريب جدا فعلا لا تعليق وعلى العموم نورتينا وعلى فكرة انتى أسأتى لينا كلنا .

معلش انا اسفه ماكنتش اقصد والله

استوب
ولا كلمة زيادة فى الموضوع ده