هوا أنا صح و لا غلط [الأرشيف] - بوابة الثانوية العامة المصرية

المساعد الشخصي الرقمي

مشاهدة النسخة كاملة : هوا أنا صح و لا غلط

Golden Eagle

16-08-2008, 01:07 PM

COoL HEaRT

16-08-2008, 01:14 PM

light of the mo0on

16-08-2008, 01:15 PM

جزاك الله خيرا

كاريمان

16-08-2008, 01:17 PM

هههههه
والله هم يضحكم وهم يبكى صحيح
يابنى دلوقتى الغلط هو الصح عشان كتر ....بقى موضه زى ما كل حاجه دلوقتى موضه
بس ما تقلقش زى ما فى ناس كدة بتغنى للعنب والحمار والسجاير
فى ناس لسه محترمه
وانت صح ..على الاقل لحد دلوقتى ....والله اعلم ايه الموضه اللى ممكن تطلع بعد كدة
عموما خليك زى ما انت وما تتغيرش ومتتاثرش بالحجات الغريبه اللى بقت تحصل حوالينا

basmala

16-08-2008, 01:19 PM

دايما الاغانى من النوع دى بيشغلها سواقين الميكوباص

مره كان سواق ميكروباص مشغل اغنيه اجنبيه ....بس انا متأكده انه مش فاهم ولا كلمه ....

Golden Eagle

16-08-2008, 01:21 PM

هههه تعرف انى كنت هنفض والله هموت وانام ما علينا..بص انت اكيد مش غلط وانا سالت نفسي كتير _مرستش يوم ع بر :D_ الناس بتسمع الاغانى دى ازاى يعنى من انهى ودن الصراحه ملقتش جوااب ..ماعلينا هى اختلاف ازاواق وواقع غبى بيفرض نفسه..هتلاقى نفسك وانت ماشي فى الشارع اغانى اعجب من العجب شغاله والمهم ان اللى بيغنى شويه حثاله :d حلوه حثاله دى ..ألمهم كبر دماغك ياما هتشوف

شكرا ع الموضوع وليا عوده

أصل المشكلة أن أخويا تبع اللي بيسمعوا الكلام ده و كان حاطط أغاني شعبي ع الجهاز ( قبل ما يفضي كل اللي فيه ) و كل الجماعة المحيطين كده و أنا فكرت مش ممكن أكون أنا اللي صح و كل دول غلط !

ألف شكر ع المرور و بالنسبة للعودة تشرفي ف أي وقت:D

Golden Eagle

16-08-2008, 01:29 PM

جزاك الله خيرا

جزانا و إياكي بس مردتيش علي السؤال
نقوله تاني الأغاني دي وحشة و لا أنا اللي مش بافهم فيها ؟
و شكرا ً علي المرور و الرد

هههههه
والله هم يضحكم وهم يبكى صحيح
يابنى دلوقتى الغلط هو الصح عشان كتر ....بقى موضه زى ما كل حاجه دلوقتى موضه
بس ما تقلقش زى ما فى ناس كدة بتغنى للعنب والحمار والسجاير
فى ناس لسه محترمه
وانت صح ..على الاقل لحد دلوقتى ....والله اعلم ايه الموضه اللى ممكن تطلع بعد كدة
عموما خليك زى ما انت وما تتغيرش ومتتاثرش بالحجات الغريبه اللى بقت تحصل حوالينا
الحمد لله شكلي فعلا ً صح
و أكيد لسه في ناس محترمه بس غير المحترمين هما اللي بيظهروا يعني أنا ممكن أحكي لواحد شفت فلان عمل حاجة شنيعة و كذا " عمل حاجة مش محترمه " لأن اللي عمله ده غير عادي بس مش هاقول فلان عمل كذا و كذا " أنه عمل حاجه محترمه " لأن ده العادي
حكاية التأثر بقي أنا مؤمن بقول أحد علماء العرب ( القدام طبعا ً ) في الموضوع ده " رأيي صواب يحتمل الخطأ و رأي غيري خطأ يحتمل الصواب "
و ألف شكر ع المرور و الرد

DR.B

16-08-2008, 01:32 PM

أظاهر أنت اللي صح بس أحنا في زمن واقف علي دماغه فبتحس أنك غلط
يارب تفضل زي ما أنت

Golden Eagle

16-08-2008, 01:36 PM

دايما الاغانى من النوع دى بيشغلها سواقين الميكوباص

مره كان سواق ميكروباص مشغل اغنيه اجنبيه ....بس انا متأكده انه مش فاهم ولا كلمه ....

أصل أنا لا مؤاخذة منعزل في بيتنا و آخر مره ركبت فيها ميكروباص كان يمكن من كام سنه ( و الله مش هزار ) علشان ساعتها كنت باتدرب يد في مكان بعيد عني أما في الأجازه مش باركبها خالص ( مش بروح بعيد عن البيت و إلا أتوه :D ) بس مره ركبت ميكروباص و أنا راجع من حصه و سمعته شغل أغنيه غريبه تبعهم برضه
أما حكاية الأجنبي دي صعبه شويه .... لأ صعبه خالص
و كتير من سواقين الميكروباصات قلالات الزوق يعني كان عندي تمرين يوم جمعه قبل الصلاه و التاني مشغل أغاني و لما واحد قال شغل قرآن راح السواق قال لو مش عاجبك إنزل و أنا مش مغير

Cray_Bird91

16-08-2008, 01:37 PM

هههههه

والله هو ده الشعب المصرى

اتجنن رسميا بعد ما طلع شعبان عبد الرحيم:mad::mad:

وواحد بيجر واحد

انا ذات نفسي مش فاهمة ايه لازمة الكلام العبيط اللى واحد بيسمعه ده:mad:

على الاقل الهنادوة كلامهم مفهوم

اهو يمكن كل واحد عاوز يشغل باله باى حاجة تافهة وخلاص

ربنا يهدى:(

Golden Eagle

16-08-2008, 01:40 PM

طبيب عالمى قادم

16-08-2008, 01:41 PM

السفاش مبروك

طبيب عالمى قادم

16-08-2008, 01:43 PM

مشكووووووووووووووووووووووووور على الموضوع

Golden Eagle

16-08-2008, 01:47 PM

أظاهر أنت اللي صح بس أحنا في زمن واقف علي دماغه فبتحس أنك غلط
يارب تفضل زي ما أنت

أنا إن شاء الله زي ما أنا بس أخويا ...... حسبي الله و نعم الوكيل
و شكرا ً ع التشجيع

هههههه

والله هو ده الشعب المصرى

اتجنن رسميا بعد ما طلع شعبان عبد الرحيم:mad::mad:

وواحد بيجر واحد

انا ذات نفسي مش فاهمة ايه لازمة الكلام العبيط اللى واحد بيسمعه ده:mad:

على الاقل الهنادوة كلامهم مفهوم

اهو يمكن كل واحد عاوز يشغل باله باى حاجة تافهة وخلاص

ربنا يهدى:(

و الله شعبان أرحم منهم علي الأقل فيه كلام و معاني أيوه الصوت نشاذ بس بيقول كلام كتير مهم
لكن دول هههههههههههههههههههه قال دخل الخماره قال
شكرا ً علي الرد

Golden Eagle

16-08-2008, 01:49 PM

السفاش مبروك

أهلا ً و سهلا ً
مشكووووووووووووووووووووووووور على الموضوع
مشكور ع الرد بس ماقلتش مين الصح و مين الغلط:confused:

Golden Eagle

16-08-2008, 02:04 PM

شكرا ً لكل شخص رد و كل شخص هايرد و رجاء خاص لو في حد بيحب الأغاني الشعبيه يقول بيحبها ليه يمكن يفتح عينيا علي حاجه ما كنتش شايفها
سلام

ayooosh

16-08-2008, 02:31 PM

Golden Eagle

16-08-2008, 02:44 PM

فعلا والله الاغانى دى انتشرت اوى
بس والله حرااام اللى بيعملوا ده
اغانى ملهاش اى هدف ولا ليها اى معنى
انت صح ومتتاثرش بحد
دلوقتى بقى اى واحد يغنيله اغنيه او اتنين يبقى خلاص مغنى
ربنا يهدى
وشكرا على طرحك الموضوع

شكر أكتر علي ردك يا آيه بس أنا من رأيي أن الأغاني دي ناقصها أسس الأغاني <<< إيه الكلام الكبير ده
يعني ولا كلمات ولا صوت أنا مش عارف بيسمعوها علي إيه
ألف شكر ع المرور و الرد

ayooosh

16-08-2008, 02:50 PM

مفروض والله لازم كل واحد بيغنى اغنيه او واحده يبقى عارف ايه معناها
يوصل بيها رساله معينه
بس للاسف ده مش بيحصل غير قليل الا من رحم ربى
دلوقتى بقى معظم الاغانى اغراء وبس هى دى الاغانى اللى بتنجح

Golden Eagle

16-08-2008, 02:53 PM

Sharp Nails

16-08-2008, 03:15 PM

يا ريت ردود و بلاش تنفيض دا أول موضوع ليا بعيدا ً عن الدراسة

الى خلى شعبولا بقى نجم
بلاش قرف
احنا فى زمن مايعلم بيه الا ربنا
يارب نخرج مالدنيا دية على خير بقى ونخلص

اميرة ولكن حزينة

16-08-2008, 03:28 PM

؟؟؟؟؟؟؟؟؟؟؟؟؟؟؟؟؟؟؟؟؟

Golden Eagle

16-08-2008, 03:40 PM

؟؟؟؟؟؟؟؟؟؟؟؟؟؟؟؟؟؟؟؟؟

فيم العجب ؟؟؟؟؟؟

Golden Eagle

16-08-2008, 03:44 PM

الى خلى شعبولا بقى نجم
بلاش قرف
احنا فى زمن مايعلم بيه الا ربنا
يارب نخرج مالدنيا دية على خير بقى ونخلص

علي رأيك و الله
شكرا ع المرور و الرد

MohammeD el_SadaT

16-08-2008, 04:04 PM

بيتهيألى إن السؤال
الأصح
هنه
هل الأغانى دى أصلاً حرام ولا حلال
الأغانى بجميع أنوعها
مش الشعبى بس
؟!؟!

COoL HEaRT

16-08-2008, 06:05 PM

بيتهيألى إن السؤال
الأصح
هنه
هل الأغانى دى أصلاً حرام ولا حلال
الأغانى بجميع أنوعها
مش الشعبى بس
؟!؟!

بص يا محمد_ تقريبا_ هو سؤالك هو الاهم بس ملوش علاقه بالموضوع لان سماع الاغانى بقى شيء عادى اانا بسمع اغانى وفى ناس كتير اما الراجل هنا بيتكلم ع موضوع تانى خالص بيتكلم ع فرع معين او موضوع الاغانى الغير هادفه او الشغبيه فبلاش ندخل فى موضوع حلال وحرام لان فى ناس هتدخل تلكك وتقلك احنا مش شيوخ واكلام ده فخلى الكلام فى الموضوع نفسه لغاسه منشوف موضوع حلال وحرام ده بعدين

Dr.ahmed91

16-08-2008, 06:17 PM

Golden Eagle

16-08-2008, 07:20 PM

بيتهيألى إن السؤال
الأصح
هنه
هل الأغانى دى أصلاً حرام ولا حلال
الأغانى بجميع أنوعها
مش الشعبى بس
؟!؟!

حرام يا سيدي بس صعب أن الواحد يصحي من النوم يقول النهارده أنا مش هاسمع أغاني يعني زي علاج الإدمان كده تحجيم و تقليل و ترك
و التحجيم جه من عند مدرس في مدرستنا قال علي حديث عن الرسول معناه أن اللي يسمع مغنيه ( واحده ست يعني ) صب في أذنه الآنك ( رصاص منصهر )
و لا خلاف علي أن الأغاني كلها حرام بس أنا كتبت الموضوع لما لفت نظري إنتشار الأغاني الشعبيه دي
بس يا عم
بس أنا عندي سؤال هوا أنت محمد السادات ؟ أصل دي الصورة الرمزيه و التوقيع بتاعه

Golden Eagle

16-08-2008, 07:27 PM

اكيد اخوك بيسمع ناس غريبه من اللي بسمعهم في الميكروباص

ويمكن تلاقي احلى شريط دلوقتي عنده (ضربة معلم ) لعبد الباسط حموده

وتلاقيه كمان بيدور على العبد والشيطان الجزء التالت

وبيستلذ وهو بيسمع اغنية البانجو مش بتاعي والبانجو بتاعي

أيووووووووووه العبد و الشيطان اللي طلع عيني بيها
بس أصل دلوقتي للأسف الكمبيوتر كان فيه حاجة في ال power supply ( الجهاز اللي بيوزع الكهربة علي الحجات اللي ف الكيسه ) و قطع نص في نص الشغل أكتر من مرة فالهارد إتلغي كل اللي عليه ( بما فيها الأغاني بتاعته و ده اللي هون عليا الحكايه ) بس هو مش هايغلب
و أنا بادعي ربنا أنه مايشوفش الموضوع دهعلشان مايعرفش أن في جزء تالت للعبد و الشيطان
شكرا ً يا برنس ع المرور:D

Golden Eagle

16-08-2008, 07:28 PM

بص يا محمد_ تقريبا_ هو سؤالك هو الاهم بس ملوش علاقه بالموضوع لان سماع الاغانى بقى شيء عادى اانا بسمع اغانى وفى ناس كتير اما الراجل هنا بيتكلم ع موضوع تانى خالص بيتكلم ع فرع معين او موضوع الاغانى الغير هادفه او الشغبيه فبلاش ندخل فى موضوع حلال وحرام لان فى ناس هتدخل تلكك وتقلك احنا مش شيوخ واكلام ده فخلى الكلام فى الموضوع نفسه لغاسه منشوف موضوع حلال وحرام ده بعدين

سبتك للآخر
ألف شكر ع الدفاع أصلي كنت نايم و مش حاسس
و شكر تاني علشان رجعتي للموضوع زي ما قلتي ( ما كانوش كلمتين تثبيت يعني )

MohammeD el_SadaT

16-08-2008, 07:35 PM

حرام يا سيدي بس صعب أن الواحد يصحي من النوم يقول النهارده أنا مش هاسمع أغاني يعني زي علاج الإدمان كده تحجيم و تقليل و ترك
و التحجيم جه من عند مدرس في مدرستنا قال علي حديث عن الرسول معناه أن اللي يسمع مغنيه ( واحده ست يعني ) صب في أذنه الآنك ( رصاص منصهر )
و لا خلاف علي أن الأغاني كلها حرام بس أنا كتبت الموضوع لما لفت نظري إنتشار الأغاني الشعبيه دي
بس يا عم
بس أنا عندي سؤال هوا أنت محمد السادات ؟ أصل دي الصورة الرمزيه و التوقيع بتاعه

أوك
على فكره الأول يعنى أنا بسمع أغانى
وتقريباً
بشراهه
ينى أنا أصلاً مش بعرف أقعد ولا اعمل أى حاجه حتى المذاكره من غير ما أسمع أغانى لكن فى الفتره الأخيره بقيت بحاول أبدلها بأناشيد وأدعيه دينيه على أد ما أقدر

أما من ناحيه موضوعك
أنا بكره الشعبى جداااً بس مش كله لأن أنا عادتى مليش مطرب مفضل بسمع الأغنيه الحلوه لأى شخص كان
لكن اليومين دول فعلاً بقى فيه تلوس سمعى بسبب الأغنيه الشعبيه

أنا بقيت بحس إن الأغانى بقت شغلانه اللى مش لاقى شغل
:D

آه نسيت
أنا محمد السادات بس غيرت إسمى

Golden Eagle

16-08-2008, 08:46 PM

أوك
على فكره الأول يعنى أنا بسمع أغانى
وتقريباً
بشراهه
ينى أنا أصلاً مش بعرف أقعد ولا اعمل أى حاجه حتى المذاكره من غير ما أسمع أغانى لكن فى الفتره الأخيره بقيت بحاول أبدلها بأناشيد وأدعيه دينيه على أد ما أقدر

أما من ناحيه موضوعك
أنا بكره الشعبى جداااً بس مش كله لأن أنا عادتى مليش مطرب مفضل بسمع الأغنيه الحلوه لأى شخص كان
لكن اليومين دول فعلاً بقى فيه تلوس سمعى بسبب الأغنيه الشعبيه

أنا بقيت بحس إن الأغانى بقت شغلانه اللى مش لاقى شغل
:D

آه نسيت
أنا محمد السادات بس غيرت إسمى

اللي مش لاقي شغل اليومين دول يشتغل مطرب أو ممثل أو يفتح محل كمبيوتر و بلاي ستيشن
شكرا ً ع العودة يا برنس و ألف مبروك ع الإسم الجديد

Hamset_Etab

16-08-2008, 09:09 PM

first love

16-08-2008, 10:01 PM

على فكره انت مش غلط

ولا هما كمان

لان فى احيانا مش بنحب نسمع غير شعبى

وشكرا على طرح الموضوع الجميل ده

Dr.ahmed91

16-08-2008, 11:01 PM

حته الاستاذ بتاع الدرس حاطط واحده بتقول ( متحشش وتولع والا احنا فى بنزينه);)

وبقيت تلعب بوكر وبتشرب جوون ووكر

***star***

16-08-2008, 11:26 PM

انا بردو كنت كاتب موضوع قبل كدا عن الأغاني دي......بالنسبالي دي اسمها " اغنيات الموت البطئ" ...وشكرا علي الموضوع

Hea & Mea 3s

16-08-2008, 11:47 PM

Golden Eagle

17-08-2008, 09:28 AM

هههههههههه والله الواحد بيضحك على نفسه
اصلى مش بسمع اغانى اليومين دول الا شعبى
بجد وربنا اصل انا قولت عاوزه اقلل من سماع الاغانى شويه فبقيت فى البيت مش بسمع كتير لكن اليومين دول صيف وافراح وكل اما اروح فرح الاقى الاغانى شعبه بس:D
اصل الاغانى دى فى كل حته فى الشارع فى المحلات وفى المواصلات ده حته الاستاذ بتاع الدرس حاطط واحده بتقول ( متحشش وتولع والا احنا فى بنزينه);)
يا رب ارحمنا برحمتك
أنا بصراحة مش عارف سبب الإنتشار
يمكن علشان الأغاني دي دوشة و صداع ؟ هيا مالهاش ميزة غير كده ( لو كانت دي ميزة )
كل فرح أو حنه يشتغل
أنا و الله كنت رايح أجيب حاجة من الشارع عديت علي حنه أول مره كنت أسمع الشعبي من غير ما أتغاظ ! أصلي كان غايظني حاجة تاني .... الشباب اللي في الحنه اللي المفروض كانوا بيرقصوا ( شباب ولاد دا إحنا ف أسيوط ما حدش تفكيره يروح لبعيد بدل ما حد يطخه ) كانوا بيعملوا حركات غربية و الله أشبه بالتمارين الرياضية بس بسرعة و غباوة و أنا مش عارف ليه أول ما شفتهم إفتكرت عبدة الشيطان
و النهارده ربنا يستر ...... أصلها حنة عمي و أنا مش هاحضرها ( عندي حصتين النهاردة مش ندالة يعني )

Golden Eagle

17-08-2008, 09:38 AM

على فكره انت مش غلط

ولا هما كمان

لان فى احيانا مش بنحب نسمع غير شعبى

وشكرا على طرح الموضوع الجميل ده
اللي بيسمه ممكن يكون بيسمع علشان الأغنية عجبته لسبب مجهول عني لغاية دلوقتي
بس اللي بيغني ....... واحد بيتكلم علي تفاصيل يومه بالغنا و واحد إسمه كريم نجيب عايز يدخل إستايل أمريكا في الغنا علينا ...... طب مش نقلد أمريكا في حاجة عدله ولا في الغنا و الرقص ؟
الموضوع نور لمرورك يا باشا

وبقيت تلعب بوكر وبتشرب جوون ووكر
أمسك الواد ده تبعهم
أنا م الأول ما كنتش مطمن من ناحيتك من ساعة ما عرفت العبد و الشيطان الجزء التالت و أحسن شريط كمان
آه يا جاسوس مدسوس و يومه منحوس و هايطلع من راس الدبوس ( إيه رأيك في الشعوذة دي ؟ :) )

Golden Eagle

17-08-2008, 09:55 AM

انا بردو كنت كاتب موضوع قبل كدا عن الأغاني دي......بالنسبالي دي اسمها " اغنيات الموت البطئ" ...وشكرا علي الموضوع

دي أغاني ترجي الموت تعذيب يعني و علي فكرة أنا إتخانقت كتير خالص مع أخويا بسببها لأن هو عارف أني بكره الأغاني دي و يشغلها بأعلي صوت و جمبه headphone بيغلس يعني و أنا مش باستحمل الشلل ده
شكرا ً علي الرد يا باشا

Golden Eagle

17-08-2008, 10:06 AM

يابروف يعني هي جت علي دي مامعظم حياتنا بقت
خضار علي فاكهة علي سمك (سلطة) يعني

بس اللي مضايقني اكتر من الموضوع ده ان انا مثلا
عن نفسي بحاول مش اسمع اغاني اصلا خالص بس
تخيلوا لما اكون مجبرة اني اسمع اغاني وكمان من النوع
العجيب ده ماهي بقت اجباري علينا كلنا نسمعها

معلش خلوها علينا وان شاء الله ربنا يهديهم او..........
وميرسي جدا علي الموضوع لانه واقعي جدا

بلاش أو دي أصل أخويا معاهم و كمان DrAhmed91 شكله معاهم
أنا حكاية عدم سماع الأغاني دي جت بظروفها من ساعة الإمتحانات و أنا بطلت ( طبعا ً في الإمتحانات كنت مزنوق زنقة سودة و ما كانش في وقت للأغاني فيه ده غير التقوي اللي الواحد بيبقي فيها أيام الإمتحانات )
و من ساعتها و أنا مش مقبل يعني و مش مدبر يعني لو جت أغنيه لوحدها أسمعها لو ما جتش ما أشغلش حاجة و المهم أن اللي بيسمع الأغاني دي ف الشارع ( ع الموبيل طبعا ً ) بينزل تحت بيتنا بالظبط و يشغل الأغاني و المهم أنهم أكبر مني بتلات أربع سنين يعني ما أعرفش أكلم واحد فيهم غير أني مش عايزهم يولفوا عليا و باكون مضطر أني أقفل الشبابيك في الحر ده علشان ما أسمعش
شكرا ً ع المرور و الرد

Dr.ahmed91

17-08-2008, 10:17 AM

انا لا معاهم ولا معاكم

بس انا بحب ساعات اسمع اغاني شوية

حسب المزاج وغالبا بتبقى اغاني حزينة

وكمان الحتة اللي انا كاتبها دي طالعة في فيلم دبووووووور

وطول عمري في المواجع مش عارف امتى راجع

wafa2y

17-08-2008, 10:17 AM

بسم الله الرحمن الرحيم
أكيد الأغاني الشعبية موضوع لا يخفي علي أحد مننا و كل من هب و دب يعمله شريط فيه إتناشر خمستاشر أغنية و يبقي مطرب مشهور و أنا بصراحة مش شايف في اللي بيسموا نفسهم مطربين دول أي حاجة لا كلمات ولا صوت أنا كنت فاكر أن سعد إتجنن لما غني العنب و أن ماحدش ها يشتري شرايط ليه لكن فوجئت بالعكس و طلع كمان البلح و السمك ( علشان يغيظني و يقولي لأ نجحت ) و أسوأ من سعد سمعت أغنية قدام محل بتقول " دخلت الخمارة و شربت سجارة وراها سجارة وراها .... إلخ " بس بصراحة الأغاني دي منتشرة مثل النار في الهشيم لدرجة خلتني أفكر هوا أنا اللي صح ولا الناس اللي بتغني الأغاني دي ؟
يا ريت ردود و بلاش تنفيض دا أول موضوع ليا بعيدا ً عن الدراسة

بص أنا هقولك إيه:
أولا الحمد لله ربنا تاب عليا من سماع الأغاني من سنتين
الأصل إن كلوا مينفعش تسمعوا
أما بالنسبه لموضوعك أنا أسف في الكلمة:
حضرتك عمله ليه؟
هتغير بيه حاجة
بعد النقاش الطويل إنت في الأخر طارح قضية لا هتزود ولا هتنقص
لإن الأغاني هي الأغاني
و السيئات مبتتكتبش علي شعبي و مش شعبي
و أنا أسف إنت غلطان إنك شاغل دماغك
لو كنت إنت الليي غلطان
هتستفيد
ولو العكس
هتستفيد؟
ال2 من وجهة نظري لايجب الفصل بينهم
لأنهم في الوزر سواء
إعتبرها مشاركة عابره من أخوك الصغير
m.w
وشكرا لموضوعك
ومتزعلش مني
:D:D:D:D:D:D

Dr.ahmed91

17-08-2008, 10:19 AM

بص هي معظمها اغاني وحشة وتافهة وماليها اي لازمة
وبيعملوها وهما سكرانين او نايمين

بس ما يمنعش ان فيه اغاني منها كويسة(ههههههههههه)

beautyblotyboy

17-08-2008, 10:21 AM

الجويرية

17-08-2008, 10:23 AM

طبعا سماع الاغانى حرام اصلا
بجميع انواعها الا الاناشيد
وبعدين بتسال تقول انا صحى انى مش بسمع اغانى شعبية ولا لا؟
بالزمة ده سؤال يساله مسلم
اللى بيسمعوا الاغانى بيسمعوها وهما موقنين انها حرام
هدانا الله واياكم
والحمد لله الذى هدانا لهذا وما كان لنهتدى لولا ان هدنا الله
متهايالى الموضوع مفروغ منه
وجزاكم الله خيرا

wafa2y

17-08-2008, 10:30 AM

طبعا سماع الاغانى حرام اصلا
بجميع انواعها الا الاناشيد
وبعدين بتسال تقول انا صحى انى مش بسمع اغانى شعبية ولا لا؟

بالزمة

ده سؤال يساله مسلم
اللى بيسمعوا الاغانى بيسمعوها وهما موقنين انها حرام
هدانا الله واياكم
والحمد لله الذى هدانا لهذا وما كان لنهتدى لولا ان هدنا الله
متهايالى الموضوع مفروغ منه
وجزاكم الله خيرا

هههههههههههه
إستفزك للدرجه دي
طب
قولي لا إله إلا الله
و إستعيذيي
بالله من الشيطان الرجيم

الجويرية

17-08-2008, 10:34 AM

هههههههههههه
إستفزك للدرجه دي
طب
قولي لا إله إلا الله
و إستعيذيي
بالله من الشيطان الرجيم

هههههههههههه
لا اله الا الله محمد رسول الله
اعوذ بالله من الشيطان الرجيم
مفيش حاجة حصلت بس اتنرفزت شوية من الموضوع
حصل خير

beautyblotyboy

17-08-2008, 10:34 AM

علي فكرة انا مدمن اغاني
و معظمها مش بيكون عربي بس اغاني مش هبلة
في معظم الاحيان بيكون علشان اسمع اللغة و اعرف كلمات جديدة

الجويرية

17-08-2008, 10:37 AM

علي فكرة انا مدمن اغاني
والله كنا زمان كدة وتاب الله علينا
ربنا يهديك ويهدى شباب المسلمين
و معظمها مش بيكون عربي بس اغاني مش هبلة
يعنى اللى مش هبلة دى مش حرام
ممكن تجاوب حرام ولا لا؟
في معظم الاحيان بيكون علشان اسمع اللغة و اعرف كلمات جديدة
بجد طيب والله كويس ايه يعنى لما نغضب ربنا عشان نتعلم اللغة
فى ايه يا اخوة انتو مستنين ايه عشان تبطلوا سماع الاغانى ؟

wafa2y

17-08-2008, 10:44 AM

علي فكرة انا مدمن اغاني
و معظمها مش بيكون عربي بس اغاني مش هبلة
في معظم الاحيان بيكون علشان اسمع اللغة و اعرف كلمات جديدة

يا بني يا حبيبي
والله أنا كنت حافظ أغاني كامله مش إنجلش بس
و فرنساوي كمان
بس الحمد لله ربنا تاب عليا من الطريق ده
وأصحاب السوء
و أبدلني بصحبة صالحة أحسبها علي خير إن شاء الله
و لو عايز تتعلم لغة مش بالطريقةدي
يعني أنا مثلا ساعات بأعد أتعلم يباني
بنزل دروس و أحفظها
و ممكن عشان أنا كانت معظم علاقاتي مع أجانب
فالإنجلش بتاعي مش وحش
بس الإغاني الإنجلش مش هتفيدك حاجة
يعني مثلا أوعي تسمع ميتال
لأن كل الكلام كفر
والعياذو بالله
و إن شاء الله ربنا يتوب عليك
و إحنا داخلين علي شهر
المغفره
إن شاء الله يكون ليك نصيب منه
أخوك في الله
m.w

beautyblotyboy

17-08-2008, 10:53 AM

علي فكرة انا كلام الاغاني بيكزن هادف سواء انجليزي او اسباني او فرنساوي
و بتكون هاديةمفيهاش خبط ر قع
و بتكون فيها حكم ساعات
في المعظم الفاظ عادية و الموسيقي عادية مش هابطة

الجويرية

17-08-2008, 10:56 AM

علي فكرة انا كلام الاغاني بيكزن هادف سواء انجليزي او اسباني او فرنساوي
و بتكون هادية و خبط ر قع
و بتكون فيها حكم ساعات
في المعظم الفاظ عادية و الموسيقي عادية مش هابطة

هههههههههههههههه
بص هاقول لحضرتك حاجة من الاخر كدة
تيجبها يمين تجيبها شمال فى النص فوق تحت
مفيهاش اصلها هادها
اصلها اصلها............
فالاغانى حراااااااااااااااااااااااااااااااااااااااااااااااا م
مهما كانت
اللهم انى قد بلغت اللهم فاشهد

beautyblotyboy

17-08-2008, 10:58 AM

انا عايز اقول هو انا بسماع الاغاني كفرت
مين فينا مش بيغلط وانا شايف انيي مش بعمل حاجة غلط
و دي و جهة نظري
و شكرا علي النصيحة يا ايه و جزاك الله كل خير

الجويرية

17-08-2008, 11:00 AM

انا عايز اقول هو انا بسماع الاغاني كفرت
مين فينا مش بيغلط وانا شايف انيي مش بعمل حاجة غلط
و دي و جهة نظري

لا طبعا مش بسماع الاغانى كفرت
واحنا كلنا بنغلط بس دى حرام
وطالما راضى عن نفسك وانت كدة خلاص
لما ربنا ياذن لك بالهداية سوف تعلم
وجزاكم الله خيرا

wafa2y

17-08-2008, 11:00 AM

علي فكرة انا كلام الاغاني بيكزن هادف سواء انجليزي او اسباني او فرنساوي
و بتكون هاديةمفيهاش خبط ر قع
و بتكون فيها حكم ساعات
في المعظم الفاظ عادية و الموسيقي عادية مش هابطة

يابني الموضوع مش موضوع هادف و مش هادف
الأغاني حرام ليه
عشان الخبط و الرقع
:D:D:D:D:D:D
ملناش دعوه بالحكم و فقرة أبله نظيره دلوقتي و القطنه مبتكدبش
:(:(:(:(
أنا بكلمك كده عشان أنا زيك و عارف إنت بتفكر في إيه

الحرام يكمن في المعازف
:):):):):)

beautyblotyboy

17-08-2008, 11:02 AM

هي الدوفوف حرام ؟
ده المزمار هو الي حرام
معلش دي و جهة نظري و مش هغيرها

wafa2y

17-08-2008, 11:02 AM

لا طبعا مش بسماع الاغانى كفرت
واحنا كلنا بنغلط بس دى حرام
وطالما راضى عن نفسك وانت كدة خلاص
لما ربنا ياذن لك بالهداية سوف تعلم
وجزاكم الله خيرا

ههههههههه
أنا مش قصدي أكفر حد
أنا بقول فيها كفر
(أصل الميتال دول عبدةالشيطان بعيد عنك)
:d:d:d:d:d:d:d
من الأخر

beautyblotyboy

17-08-2008, 11:03 AM

يا جماعة الاسلام دين يسر ام عسر؟
يسروا ولا تعسروا

Dr.ahmed91

17-08-2008, 11:04 AM

الموضوع قلب

هيهههههههههههههههههههههههه

خناقة خناقة

ياريت نهدى شوية

beautyblotyboy

17-08-2008, 11:04 AM

ههههههههه
أنا مش قصدي أكفر حد
أنا بقول فيها كفر
(أصل الميتال دول عبدةالشيطان بعيد عنك)
:d:d:d:d:d:d:d
من الأخر
ههههههههههههههههههه
مش اوي كدة عبدة شيطان و هبل ايه انا اصلا بصدع من الصوت العالي

الجويرية

17-08-2008, 11:05 AM

(أصل الميتال دول عبدةالشيطان بعيد عنك)

مش فاهمة الكلمة دى

wafa2y

17-08-2008, 11:06 AM

هي الدوفوف حرام ؟
ده المزمار هو الي حرام
معلش دي و جهة نظري و مش هغيرها

الدوف حلال بس مش تبعنا
:p:p:p:p:p:p:p
و سمعت ففين عن الدوف
:(:(:(:(:(
أكيد واحد قلك عشان يفحمك
:D:D:D:D:D

الجويرية

17-08-2008, 11:07 AM

يا جماعة الاسلام دين يسر ام عسر؟
يسروا ولا تعسروا

تاااااااااااااانى
مش قولت وجهة نظر وخلاص وكنا خلصنا من الموضوع
هانجادل تانى
لو عاوز نفتح الجدال تانى انا مستعدة ان شاء الله

wafa2y

17-08-2008, 11:08 AM

ههههههههههههههههههه
مش اوي كدة عبدة شيطان و هبل ايه انا اصلا بصدع من الصوت العالي
علي فكره أنا بكلمك بجد
وعارف أنا بقول إيه

(أصل الميتال دول عبدةالشيطان بعيد عنك)

مش فاهمة الكلمة دى

كويس
:D:D:D:D:D:D
أنواع الموسيقي الغربية و الأغاني الغربية:
metal jaz rab
و ففي كتير
الميتال ده اللي بيغنيه عبدة الشيطان
:D:D:D:D:D:D:D

Nogha

17-08-2008, 11:10 AM

احنا اللى بقينا هايقين زيادة عن اللزوم.
يعنى اغنية تقول
اعزكم الله
بحبك يا حمار
و
اركب الحنطور و اتحنطر شىىىىىىىىى

إيه الهبالة اللى بقينا فيها دى؟؟؟؟؟؟؟؟؟؟

من اعمالكم سلط عليكم فعلا

wafa2y

17-08-2008, 11:10 AM

تاااااااااااااانى
مش قولت وجهة نظر وخلاص وكنا خلصنا من الموضوع
هانجادل تانى
لو عاوز نفتح الجدال تانى انا مستعدة ان شاء الله

ببالله عليكي بلاش هتتعبي نفسك علي الفاضي
"أنا زعيم بيت في ربض الجنة لمن ترك الجدال و لو محق"
و عارفف كمان إن مش ده الجدال اللي نسكت فيه
بس إسألي مجرب
:d:d:d:d:d:d

SENDRILLA

17-08-2008, 11:11 AM

بداية هو مش الشعبي بس الل يغلط والباقي اللي صح
يعني الاغاني كلها باختلاف مفاهيمها حرام
دي حاجه
تاني حاجه بقي
ان انا مش عايزه اوصفلك احساسي لو سمعت حد مشغل الاغنيه دي:mad:
مش عايزه اظلم الاغنيه واقول ان دي اسمها اغنيه
بس اهوه البتاعه اللي بيشغلوها دي
حقيقي ببقي نفسي اعرف مصدر الزفتي دي واكيد عارفين انا عايزه اعرف المصدر ليه
خلاص الشباب مبقاش عندها هدف غير انه يكون مشغل الزفت ده طول النهار
ومش مهم مين اللي بيسمع ومين اللي بيتعب نفسيا من القرف ده مين مين مين
يهمه انه يبقي قاعد في بيته روقان سفن اب والناس تقول عليه روش
حسبي الله ونعم الوكيل
ربنا يخرجنا من الدنيا دي علي خير
واسفه علي الاطاله
وشكرا علي الموضوع

Cray_Bird91

17-08-2008, 11:12 AM

على الفكرة الموضوع مش مستاهل

الاغانى حرام شرعا وكله اكيد عارف

طب لو فرضنا مثلا الاغانى الاجنبية زى ما حضرتك ما قلت مافيهاش خبط ورقع

مفيش اغانى اجنبية ممكن تهدفك بحاجة

ولا حتى يكون على سبيل التعلم

ادينى اغنية اجنبية مش حرام ولا فيها كلام حرام ومش حعلق

ياريت بلاش نقول على حاجة حلال وهى حرام اصلا

beautyblotyboy

17-08-2008, 11:12 AM

الموضوع قلب

هيهههههههههههههههههههههههه

خناقة خناقة

ياريت نهدى شوية
مش خناقة انا عايز اقتنع
حد يقنعني و انا اغير راي

beautyblotyboy

17-08-2008, 11:14 AM

الجويرية

17-08-2008, 11:14 AM

مش خناقة انا عايز اقتنع
حد يقنعني و انا اغير راي

ازاى بقى عاوز حد يقنعك
مش قولت دى وجهة نظرى ومش هايرها ابدا؟

فراق

17-08-2008, 11:16 AM

اقروا اخر مواضيعى

beautyblotyboy

17-08-2008, 11:16 AM

يا جماعة خلا ص اوك كل واحد حر و الموضوع انتهي

الجويرية

17-08-2008, 11:16 AM

Cat Stevens - Father and Son
مثلا الاغنية دي اسمع و احكم

هههههههههههههههههه
يا نهاااااااااااااار ابيض
تااااااااانى
طيب حاضر بس كدة
اسمع يابنى واحكم
لا اله الا انت سبحان انى كنت من الظالمين
اغانى هادفة بتهدف الى التعاون والمحبة والاخاء

wafa2y

17-08-2008, 11:22 AM

هههههههههههههه
والله يا شباب
مش عارف أعمل إيه
و الله يا عمي الكلام ما هو حرام اللي في الأغاني
بس ثانيه واحده مش كلها
ولو إفترضنا كلها
النهي و الحرام في الموسيقي
المعاااااازف
و يا ريت محدش يقول هتلي و يجبلوا
النقاش مش كده
:D:D:D:D:D:D

Golden Eagle

17-08-2008, 11:25 AM

بسم الله ما شاء الله
أنا غبت عن الموضوع بتاع ربع ساعة لقيته إتنفخ
إن شاء الله أنا جاهز للرد علي أي تساؤل و أي حد ف نفسه حاجة يكتبها أنا مش هازعل طالما أني ما إتشتمتش
و هارد دلوقتي بإذن الله بس بالترتيب علشان ما أنساش حد

beautyblotyboy

17-08-2008, 11:27 AM

يا جماعة خلاص

الجويرية

17-08-2008, 11:29 AM

عدد الأعضاء الحاليين الذين يشاهدون محتوى هذا الموضوع : 6 ( 6 عضو و 0 ضيوف )
آية من الله, beautyblotyboy, الاستاذ محمد سرور, Dr.ahmed91, Golden Eagle, د نبض الامة

ما شاء الله ربنا يزيد ويبارك
ياترى يا اخونا ياللى قاعدين رائيكوا ايه؟

wafa2y

17-08-2008, 11:30 AM

wafa2y

17-08-2008, 11:33 AM

يا جماعة خلاص

تؤتؤ
لسه
قولك علي ما يخلصوا
تشرب معايا ميرندا برتقال
رهيييييييييييييبه
و كل سنه و إنتوا طيبين
:D:D:D:D:D:D

اسماء3334

17-08-2008, 11:37 AM

رينا يرحمنا منهم

Golden Eagle

17-08-2008, 11:40 AM

بص أنا هقولك إيه:
أولا الحمد لله ربنا تاب عليا من سماع الأغاني من سنتين
الأصل إن كلوا مينفعش تسمعوا
أما بالنسبه لموضوعك أنا أسف في الكلمة:
حضرتك عمله ليه؟
هتغير بيه حاجة
بعد النقاش الطويل إنت في الأخر طارح قضية لا هتزود ولا هتنقص
لإن الأغاني هي الأغاني
و السيئات مبتتكتبش علي شعبي و مش شعبي
و أنا أسف إنت غلطان إنك شاغل دماغك
لو كنت إنت الليي غلطان
هتستفيد
ولو العكس
هتستفيد؟
ال2 من وجهة نظري لايجب الفصل بينهم
لأنهم في الوزر سواء
إعتبرها مشاركة عابره من أخوك الصغير
m.w
وشكرا لموضوعك
ومتزعلش مني
:D:D:D:D:D:D
أولا ً بلاش حضرتك لأنك حسستني أنك بتكلم حسني ( محدش يسأل حسني مين أنتو مش عارفين المخبرين )
ثانيا ً الموضوع أنا عملته علشان أعرف مين الصح يمكن يفتح عيني علي أنهم هما اللي صح و أنا غلط بس ما دخلتش في مشوار الفتوي لأني مش من حقي أني أفتي
أما عن موضوع التغيير أنا ممكن لما أخويا يشوف الموضوع ده يغير رأيه لأن مش الكل بيحب الأغاني دي البعض منجرف مع التيار و برضه علاج أي شئ مش بيكون من يوم و ليله يعني لو عايز أخويا يبطل يسمع أغاني هو بيسمع الشعبي و غيره الأول أدخل من سكة الشعبي ده زفت .... يكره الشعبي بعد كده الأغاني التانيه دي حرام إسمع النشيد ده كده .... و هكذا و الموضوع مش قفش واحده واحده
و أكيد أنا هاستفيد لو كنت صح بأني أثبت علي موقفي
و الإتنين من وجهة نظري أنا كمان في الوزر سواء ما اختلفناش
و لموضوع الزعل ربنا إن شاء الله ما يجيب زعل
أنا مش هاخسر حد علشان أغاني شعبي
و شرا ً ع الرد .... أقصد النقد :D:D:D:D

wafa2y

17-08-2008, 11:44 AM

أولا ً بلاش حضرتك لأنك حسستني أنك بتكلم حسني ( محدش يسأل حسني مين أنتو مش عارفين المخبرين )
ثانيا ً الموضوع أنا عملته علشان أعرف مين الصح يمكن يفتح عيني علي أنهم هما اللي صح و أنا غلط بس ما دخلتش في مشوار الفتوي لأني مش من حقي أني أفتي
أما عن موضوع التغيير أنا ممكن لما أخويا يشوف الموضوع ده يغير رأيه لأن مش الكل بيحب الأغاني دي البعض منجرف مع التيار و برضه علاج أي شئ مش بيكون من يوم و ليله يعني لو عايز أخويا يبطل يسمع أغاني هو بيسمع الشعبي و غيره الأول أدخل من سكة الشعبي ده زفت .... يكره الشعبي بعد كده الأغاني التانيه دي حرام إسمع النشيد ده كده .... و هكذا و الموضوع مش قفش واحده واحده
و أكيد أنا هاستفيد لو كنت صح بأني أثبت علي موقفي
و الإتنين من وجهة نظري أنا كمان في الوزر سواء ما اختلفناش
و لموضوع الزعل ربنا إن شاء الله ما يجيب زعل
أنا مش هاخسر حد علشان أغاني شعبي
و شرا ً ع الرد .... أقصد النقد :D:D:D:D

ههههههههههههههه
شر إيه و بتاع إيه
خلاص يا عمي
العو
:p:p:p:p:p
و بعدين لما أخوك يغير>>>> هو كام قمر
هيحصل إيه
هيسمع أغاني مش شعبيه
و بعدين
نرجع من الصفر تاني
كلوا مربوط في بعضوا
و شكرا ياباشا
وياريت تكون الفكره وصلتك
أعذرني
والله ما نمت من إمبارح و مستني أصلي الظهر و أموووووووووووووووووووووت
:D:D:D:D

الاستاذ محمد سرور

17-08-2008, 11:44 AM

السلام عليكم ورحمة الله

بغض النظر عن الموضوع الاصلى فلقد رأيت انه من واجبى كمسلم ان انقل لكم هذا الكلام

بسمــ الله الرحمــن الرحيــم

:::::::::::::::::::::

وهي الاغاني وهل تعلم ان الاغاني حرام ,, وعقوبة سامع الاغاني ما هي ؟؟

الادله على حرمتها من القران والسنه والاجماع

من القران الكريم

1) قول الله تعالى " وَمِنَ اَلنَّاسِ مَن يَشْتَرِى لَهْوَ اَلْحَدِيثِ لِيُضِلَّ عَن سَبِيلِ اّللَّهِ بِغَيْرِ عِلْمِ وَيَتَّخِذَهَا هُزُوًا أُوْلَئِكَ لَهُمْ عَذَابٌ مُّهِينٌ " فعن سعيد بن جبير عن أبي الصهباء البكري أنه سمع عبدالله بن مسعود وهو يُسأَل عن هذه الآية فقال تعني الغناء والله الذي لا إله إلا هو يرددها ثلاث مرات ، وكذا قال ابن عباس وجابر وعكرمة وسعيد بن جبير ومجاهد ومكحول وعمرو بن شعيب وعلي بن نديمة . وقال الحسن البصري نزلت هذه الآية في الغناء والمزامير .

2) قول الله تعالى : " وَاسْتَفْزِزْ مَنِ اَسْتَطَعْتَ مِنْهُم بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي اَلأْمْوَالِ وَالأَُوْلاَدِ وَعِدْهُمْ وَمَا يَعِدُهُمْ اَلشَّيْطَانُ إِلاَّ غُرُورًا " وقوله تعالى " واستفزز من استطعت منهم بصوتك " قيل هو الغناء قال مجاهد باللهو والغناء أي استَخَفَّهُم بذلك وقال ابن عباس في قوله " واستفزز من استطعت منهم بصوتك " قال كل داعٍ دعا إلى معصية الله عز وجل .

3) قول الله تعالى : " أَفَمِنْ هَذَا الحَديثِ تَعْجَبُونَ وَتَضْحَكُونَ وَلاَ تَبْكُونَ وَأَنْتُمْ سَامِدُونَ " قال عكرمة عن ابن عباس : السُّمود : الغناء في لغة حِمْيَرْ ، يُقَال أسمدي لنا ، أي غَنِّي لنا

4 ) قول الله تعالى : " واَلَّذينَ لاَ يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَاماَ "

قال محمد بن الحنفية : " الزُّور هاهنا الغناء " ، وقاله ليث عن مجاهد ، وقال الكلبيُّ : لا يحضرون مجالس الباطل . ويدخل في هذا أعياد المشركين ، كما فسرها به السلف ، والغناء ، وأنواع الباطل كلها .

ومن السنه

) قوله عليه الصلاة والسلام : " ليشربن ناس من أمتي الخمر ، يسمونها بغير اسمها ، يُعزف على رؤوسهم بالمعازف والمغنيات ، يخسف الله بهم الأرض ، ويجعل منهم القردة والخنازير "

2) وعن أبو مالك أو أبو عامر الأشعري قال : قال رسول الله صلى الله عليه وسلم " ليكونن من أمتي أقوام يستحلون الحِرَ (الفرج) والحرير والخمر والمعازف "

وقوله يستحلون اي انها حرام اصلاً

3 ) قوله عليه الصلاة والسلام :" نهيت عن صَوْتَيْنِ أَحْمَقَيْنِ فَاجِرَيْنِ : صوتٌ عند نغمة لهو ولعب ومزامير الشيطان ، وصَوت عند مصيبة لطم وجوه وشق جيوب "

وقول أنس بن مالك عن النبي صلى الله عليه وسلم قال " صوتان ملعونان : صوت مزمار عند نعمة ، وصوت ويلٍ عند مصيبه "

4) وقوله عليه الصلاة والسلام : " يكون في أمتي قذف ، وخسف ، ومسخ ، قيل يا رسول الله : ومتى ذاك ؟ قال : إذا ظهرت المعازف ، وكثرت القِيَان ، وشُرِبَت الخمور "

وأما حكم الغناء في المذاهب الأربعة :-ه

فمذهب أبي حنيفة في ذلك من أشد المذاهب ، وقوله فيه أغلظ الأقوال ، وقد صرَّح أصحابه بتحريم سماع الملاهي كلها ، كالمزمار والدُّفِّ ، حتى الضرب بالقضيب ، وصرَّحوا بأنه معصية ، يوجب الفسق ، وتُرَدُّ به الشهادة ، وأبلغ من ذلك أنهم قالوا : إن السَّماع فسق ، والتلذذ به كفر ، وقالوا إذا مَّر أحد بالغناء يجب عليه أن يجتهد في أن لا يسمعه إذا مَّر به ، أو كان في جواره ، وقال أبو يوسف من أصحاب أبى حنيفة ، إذا مررت بدار يُسْمَعُ منها صوت المعازف والملاهي : " أُدخُل عليهم بغير إذنهم ، لأن النهي عن المنكر فرض ، فلو لم يَجُزْ الدخول بغير إذن لامتنع الناس من إقامة الفرض " ، وقالوا أيضاً يتقدَّمْ إليه الإمام إذا سمع ذلك من داره ، فإن أصَرَّ حبسه وضربه سياطاً .ه

وأما مذهب الإمام مالك فإنه نهى عن الغناء ، وعن استماعه ، وقال : " إذا اشترى جارية فوجدها مغنية فله أن يردها بالعيب " ، وَسُئل مالك رحمه الله : عما يُرخِّصُ فيه أهل المدينة من الغناء؟ فقال : " إنما يفعله عندنا الفُسَّاق " .ه

وأما مذهب الشافعي فقال : " إن الغناء لهوٌ مكروه ، يُشبه الباطل والمحال ، ومن استكثر منه فهو سفيه تُردُّ شهادته " ، وصرَّح أصحابه العارفون بمذهبه بتحريمه ، وقال أيضاً : " صاحب الجارية إذا جمع الناس لسماعها فهو سفيه تُرَدُّ شهادته " وأغلظ القول فيه ، وقال : " هو دياثة ، فمن فعل ذلك كان ديُّوثاً ".ه

وأما مذهب الإمام أحمد ، فقال عبد الله ابنه : " سألت أبي عن الغناء ؟ فقال الغناء يُنبت النفاق في القلب ، لا يعجبني ، ثم ذكر قول مالك : " إنما يفعله عندنا الفسَّاق " ، ونصَّ في أيتام ورثوا جارية مُغَنِّيَةً ، وأرادوا بيعها ، فقال : " لا تُباع إلا على أنها ساذجة ، فقالوا : إذا بيعت مغنِّيَةً سَاوَتْ عشرين ألفاً أو نحوها ، وإذا بيعت ساذجة لا تساوي ألفين ، فقال : لا تباع إلا على أنها ساذجة " ، فانتبهوا يا عباد الله فإنه لو كانت منفعة الغناء مباحة لما فَوَّتَ الإمام أحمد رحمه الله هذا المال على الأيتام .ه

هذا ونختم كلامنا بأبيات جميلة لابن القيم رحمه الله يصف فيها المستمعين للغناء فيقول :ه

برينا إلى الله من معشـر بهم مرض من سماع الغنا

وكم قلت يا قوم أنتم على شفا جرف فاستهانوا بنـا

ولما استمروا على غيهم رجعنا إلى الله في رشـدنا

فعشنا على ملة المصطفى وماتـوا على تاتنـا تنتنا

وبعد كل هذه الأدلة على تحريم الغناء ، فإنه يجب على المرء المسلم أن يَتَجَنَّبَ وأن يُجَنِّبَ أهله سماع الغناء ، ومن طَرَّقَ أهله إلى سماع رقية الزِّنى فهو أعلم بالإثم الذي يستحقه ، والله سبحانه وتعالى يقول : " يَا أَيُّهَا الَّذِينَ أَمَنُوا قُوْا أَنْفُسَكُمْ وَأَهْلِيِكُمْ نَاراً وَقُوُدُهَا النَّاسُ وَالحِجَارَةُ عَلَيْهَا مَلاَئِكَةٌ غِلاَظٌ شِدَادٌ لاَّ يَعْصُونَ الَّلهَ مَا أَمَرَهُمْ وَيَفْعَلُونَ مَا يُؤْمَرُونَ " ، وصلَّى الله وسلَّم على سيدنا محمدٍ وعلى آله وصحبه أجمعين ومن تبعهم بإحسانٍ إلى يوم الدِّين .
::::

وهل تعلم ما عقوبة سامع الاغاني .. هي بان يصب الانك في اذنه والانك اي الرصاص .. والله لو ذكرت الحديث لذكرته لك بس بمعناه هذا الكلام اللي قلته

فيا اخي اجزم من الان انك ستبتعد عن الاغاني .. وما به القران لا تسمعه ... فهو افضل من الاغاني
اعلم انك ستقول ساحاول اني ابتعد ..

قال الله تعالى (( ان الله لا يغير ما بقوم حتى يغيروا ما بانفسهم )) يعني انت ابتعد عن الاغاني والله يساعدك في هذا الشئ ..

يــ تبع قصص من ســمع الاغانــي > >

:::::::::::::::::::::

تحقيق اجرته احد الفتيات في مدرستها

أنا أجريت تحقيق في مدرستي عن اللي يسمعون الأغاني و وعدتهم إني ما أذكر إلا الحروف الأولى من أسمائهم...
السؤال الأول: ليش تسمعين أغاني؟؟
السؤال الثاني:شرايك في الأغاني؟؟
الأجوبه:
الطالبه(س):ببساطه أنا رومانسيه و أحس إنها تعبر عن شعوري و تخفف عني بجد اذا كنت متضايقه أو أحد مزعلني.
الطالبة: أحس بسعادة كبيرة و أنا أسمع مع إن ودي أتركها لأني سمعت قصص تخوف عن اللي يسمعون.

الطالبة(ف): 1-أسمع لأن الكل يسمع و يردد ما أحب أكون أطرش في الزفه===<(تخلف)

2- شكلي أدمنت عليها أحب أشوف الفيديو كليب و موديلات الثياب.

الطالبه(م):1-أنا أحس إن المغني أو المغنيه تخاطبني وأحس في كلمات تنطبق علي أو على شعوري من اللي أحبهم.

2-أحب الأغاني الحالمه واجد و ما أتوقع أقدر أستغني عنها..

الطالبه(ت):1-أسمع لإني أحب الشعر و الموسيقى و مع أنهم يقولون الأغاني حرام بس الشعر على حده حلال و الموسيقى على حدها حلال و برأيي حلال+حلال=حلال.

2-مو مهمه واجد،أكيد بتركها بعد الزواج.

الطالبه(هـ):1- ما أسمع إلا نادرا وبس الحلوين ماأحب أسوي حرام على أغاني بايخه.

2-هالأيام حتى الأصدقاء ما يواسون بعض وأنا أجدها الوحيده اللي تواسيني .

الطالبه(ل):1- كنت أسمع بسبب تأثر من صديقتي و بطلت،إستغنيت عنها بالأناشيد الإسلاميه و الكلاسيك ===>(برافو عليك)

2- أتوقع الواحد يتعلق فيها بس في فترة المراهقهو يتركها بعدين و عموما أنا أحتقر المغنيين اللي همهم الرقص و اللبس في الفيديو كليب.

الطالبه(زن):1-أنا أبوي طاح علي و صارت لي سالفه و بعدين مدام الكل يقول حرام أكيد في سبب.

2- تبت عنها ، حلوة بشكل عام و كنت أتمنى إنها حلال.

الطالبه(ر):1- أبدا بس أحب أجرب وتي و أسمع أنجليزيه و ما أحب الفيديو كليبات الوضيعه أبدا ===>(سبب وجيه)

2- أمي و أبوي يسمعون ،الإذاعه و التلفزيون مليانين أغاني شي عادي لو سمعت..، أحب أجمع صور المغنيين و المغنيات في ألبوم وأكتب أغانيهم يمهم===>(ضياعة وقت)!

الطالبة(أ):1-سمعت مرة مرتين و بعدين هديتها حرام ===>أحسنت..

2-ما أبي أنجرف مع التيار لو سمعو الكل مو معنى هذا إنه صح ،ثانيا مرة شفت وحدة دامجه صورتها في الاستديو مع جواد العلي .. يعني لهالدرجه وقاحه و صياعه ماشفت في عمري! ورت كل البنات حتى اللي ما تعرفهم فخفت يوم من الأيام اصير مثلها مجنونه بالأغاني و المغنيين.

لاحول ولاقوة الا بالله للإسف هذا حال شبابنا < <

عندي بعض الادله الاخرى اللي حابب يــ شوفها واحكام من جميع العلماء والتابعين ومن تبعهم باحسان <

اي سؤال اخوانــي انا حاضــر <

اتمنى بعد هذا الموضــوع الكل يــ بعد عن هذا المنـكــر .. ...

اللي يــ قول بـ حاول او ان شاء الله بعديــن بـ قولـه اذا جاك الموت ماراح يـ نفعك بـ حاول او بعديـن وتلقى عقابكـ من عند الله سبحانه وتعالـى < < [/COLOR]

شروط صحة الغناء (موسيقى_مؤدى_كلمات)
هذه عناصر الغناء
1- عدم وجود موسيقى بكل انواعها للرجال وجائز الدف فقط للنساء
2- اذا كانت من تغنى امرآة فلا يسمعها الرجال
3- الكلام لا يخالف شرع ولا يصف المرأة ولا يحرض على فاحشه او معصيه

اللهم ان كان من توفيق فمن الله وان كان من تقصير فمن نفسى ومن الشيطان

Golden Eagle

17-08-2008, 11:45 AM

والله الموضوع ده منتشر جدا جدا و الصراحة انا معاك لان الاغاني ساعات بتكون اوفر اوي اوي
من كلمات و لحن و اداء و 70% الواحد مش بيكون فاهم هما بيقولوا ايه
ده غير الكلمات كلمات اباحية و خارجة و اهو الناس بتسمع و ترقص
سلا م يا باشا طولت عليك و بهديك اغنية البرتقال لسعد الصغير الي انا لسة مش سمعتها
ههههههههههههههههههههههههههه سلام

أكيد يا عم دول حاجة تعبانه خالص
تلات تلاتشرات ( فهمت حاجه ؟ )
هي الموسيقي بس و الواحد فيهم صوته وحش و يعليه
ده غير بعرور
و أنا وصلني إهدائك و بهديك أغنية خلي السلاح صاحي

wafa2y

17-08-2008, 11:46 AM

الجويرية

17-08-2008, 11:49 AM

Golden Eagle

17-08-2008, 11:57 AM

ههههههههههههههه
شر إيه و بتاع إيه
خلاص يا عمي
العو
:p:p:p:p:p
و بعدين لما أخوك يغير>>>> هو كام قمر
هيحصل إيه
هيسمع أغاني مش شعبيه
و بعدين
نرجع من الصفر تاني
كلوا مربوط في بعضوا
و شكرا ياباشا
وياريت تكون الفكره وصلتك
أعذرني
والله ما نمت من إمبارح و مستني أصلي الظهر و أموووووووووووووووووووووت
:D:D:D:D
ياد إرحمني خليتني أطلع من هدومي
أنت هاتفضل تتنطط ف الموضوع
كل واحد رديت عليه بكلمتين و خلصنا
و أنا مش هارد عليك و كلمتي مش هاتنزل الأرض أبدا ً <<<<< مصطفي
خلاص هاتنزل المرادي
يا عم الحاج أنا زي ما شرحت ظروفي سابقا ً أن الأغاني الشعبي إتمسحت من الجهاز و حسب علمي لغاية دلوقتي ما نزلش حاجة من النت قلت دي ممكن تكون بداية أني أخليه يبطل يسمعها
و هو لو كره الشعبي مش هايسمعه تاني يبقي قللت الكم اللي بيسمعه بدل ما كان بيسمع 12 أغنيه ف اليوم ( مثلا ً ) بقي يسمع 7 بعد كده زي ما أقنعته أن الأغاني الشعبي دي زفت أفهمه أن الأغاني التانيه حرام أيوه صوته حلو بس عندك أناشيد تسمع فيها ناس أصواتهم حلوه زي الشيخ مشاري مثلا ً
خلاص خلصنا ؟ لو شفت إسمك بس علي بعد موضوعين من موضوعي هاتشوف اللي هايحصل
أنا نبهتك
سلام :D

Golden Eagle

17-08-2008, 12:12 PM

طبعا سماع الاغانى حرام اصلا
بجميع انواعها الا الاناشيد
اللى بيسمعوا الاغانى بيسمعوها وهما موقنين انها حرام
هدانا الله واياكم
والحمد لله الذى هدانا لهذا وما كان لنهتدى لولا ان هدنا الله
متهايالى الموضوع مفروغ منه
وجزاكم الله خيرا
كل الكلام ده ما فيش خلاف عليه و أنا عايز ك تطلعيلي جمله قلت فيها أني مقبل علي سماع الأغاني
وبعدين بتسال تقول انا صحى انى مش بسمع اغانى شعبية ولا لا؟
أنا سؤالي كان واضح أنا صح إني بكره الأغاني الشعبيه ولا لأ
بكره غير مش بسمع
أيوه عدم السمع نتيجه للكراهيه بس أنا عارف طبعا ً أني صح علشان مش باسمع أغاني شعبي
بالزمة ده سؤال يساله مسلم
يا ريت اللهجه تتغير أنتي مش من حقك تكفريني
الدين مش اللي يغلط نضربه بالنار يعني بالراحه شويه
و بصراحه الي يقول كده ليا لازم يكون عارفني و عارف انه أحسن مني ف العبادات و ما أظنش أنك عارفه و متأكده من كونك أحسن مني في العبادات
و في نص ف تانيه ثانوي أخدناه إسمه تربية الأبناء لإبن خلدون آخره " فينبغي للمعلم علي متعلمه و للوالد علي ولده ألا يستبدا عليهما في التأديب "
أكيد الكلام ده لكل واحد وضعه جعله في موقع الناصح ( بينصح حد يعني ) و بما أنك مشرف القرآن الكريم يبقي الكلام ده منطبق عليكي أنتي كمان
سلام

Golden Eagle

17-08-2008, 12:14 PM

هههههههههههه
لا اله الا الله محمد رسول الله
اعوذ بالله من الشيطان الرجيم
مفيش حاجة حصلت بس اتنرفزت شوية من الموضوع
حصل خير

حصل خير بالنسبه ليكي أنتي بس و بعدين ده موضوع خاص بيا أنا و أخويا و بصراحه أنا مش شايف حاجه تنرفزك فيه أخويا بيسمع حاجه أنا بكرهها و طالب أني أعرف مين الصح و مين الغلط
عرفت أني أنا الصح يبقي لازم أخلي أخويا صح زيي بس

الجويرية

17-08-2008, 12:16 PM

يا ريت اللهجه تتغير أنتي مش من حقك تكفريني
الدين مش اللي يغلط نضربه بالنار يعني بالراحه شويه
و بصراحه الي يقول كده ليا لازم يكون عارفني و عارف انه أحسن مني ف العبادات و ما أظنش أنك عارفه و متأكده من كونك أحسن مني في العبادات
و في نص ف تانيه ثانوي أخدناه إسمه تربية الأبناء لإبن خلدون آخره " فينبغي للمعلم علي متعلمه و للوالد علي ولده ألا يستبدا عليهما في التأديب "
أكيد الكلام ده لكل واحد وضعه جعله في موقع الناصح ( بينصح حد يعني ) و بما أنك مشرف القرآن الكريم يبقي الكلام ده منطبق عليكي أنتي كمان
سلام

اتقى الله اخى بقى انا كفرتك بردوا
اتق الله واقرا كلامى كويس
وبعدين انا اسفة فهمت السؤال غلط
وجزاكم الله خيرا

Golden Eagle

17-08-2008, 12:18 PM

أمال إيه معني جملة
بالزمة ده سؤال يساله مسلم
أنا طلعت برة النطاق

الجويرية

17-08-2008, 12:21 PM

انا قصدى فعلا
فى مسلم يجى يسال يقول انا صح انى مش بسمع اغانى ولا لا؟
فعلا ده سؤال؟
هو ده قصدى مش اكتر
وجزاكم الله خيرا

Golden Eagle

17-08-2008, 12:25 PM

طب أنتي فهمتي السؤال غلط و حملتي عليا حمله شعواء أنا ماليش ذنب فيها
و ع العموم أنا آسف

الجويرية

17-08-2008, 12:26 PM

حصل خير الحمد لله

Golden Eagle

17-08-2008, 12:30 PM

علي فكرة انا مدمن اغاني
و معظمها مش بيكون عربي بس اغاني مش هبلة
في معظم الاحيان بيكون علشان اسمع اللغة و اعرف كلمات جديدة
أنا عندي واحد صاحبي كده يسمع أجنبي و تركي و ما يسمعش عربي
بس كله حرام و بعيدا ً عن الكلمات اللي الواحد بيكون مش فاهم نصها أظن أنها حرام بسبب الآلات الموسيقيه
و لو ما تعرفش ليه الآلات الموسيقيه دي حرام دور ولو ما لقيتش أطع و أنت ساكت لأن كلام ربنا هو اللي بيكون صح ف الآخر ممكن زمان ما كانش المسلمين عارفين ليه أكل الخنزير حرام دلوقتي العلم أثبت الشرور اللي فيه و حتي لو القرآن تعارض مع نظرية علميه يبقي القرآن صح لأن النظريات العلميه اللي الإنسان بيحطها دائمة التغير و مش كلها صح و بتسقط كتير منها بعد مدة من الزمن
شكلي طولت عليك ..... لأ أنا فعلا ً طولت عليك
سلام

Golden Eagle

17-08-2008, 12:36 PM

انا شايف انيي مش بعمل حاجة غلط
و دي و جهة نظري
لأ إستني و حاسب علي كلامك
لو حد قرا كلامك ده و إقتنع بيه تاخد أنت الذنب
و الدين ما فيهوش رأي
أنت لو إتوضيت علي جورب ( شراب ) بتمسح علي أعلي الجورب مع أن الجزء المعرض لأنه يتوسخ الجزء اللي تحت ( باطن القدم ) و لو كان الدين بالرأي كنا مسحنا الشراب من عند بطن الرجل
لكنه أوامر إسمع و نفذ في جزء من اللي بتنفذه العلماء الأجلاء فسروا فيه السبب و الجزء التاني لسه هايتفسر يبقي إحنا ننفذه و إحنا ساكتين لغاية ما يتفسر
سلام

Golden Eagle

17-08-2008, 12:50 PM

Golden Eagle

17-08-2008, 01:25 PM

شكرا ً لكل شخص عدي و كتب رد

و لكل شخص عدي من غير ما يكتب رد

ماعدا إتنين

الأول :

sai

علشان فضل يتنطط ف الموضوع و يروح و ييجي و إفتكر تحذيري ( اللي هايتلغي في السطور القليلة القادمة )

و التاني :

Golden Eagle ( أنا )

علشان وقعت كتير من الأعضاء ف بعض و عملوا خناقات و بتاع

و أرجو من الإدارة حذف الموضوع علشان وجع دماغي و وجع دماغ ناس تاني و زعل ناس ( و أنا منهم ) من

ناس تاني ( عرفت ليه يا sai التهديد هايتلغي علشان مش هايبقي في موضوع )

Sharp Nails

17-08-2008, 02:07 PM

حرام يا سيدي بس صعب أن الواحد يصحي من النوم يقول النهارده أنا مش هاسمع أغاني يعني زي علاج الإدمان

والله ماصعب ولا حاجة بس الى عنده ارادة هو الى يقدر فى ثانية يغير حياته
طبعا هتقولى لا برضه صعب
هقولك انى كنت من الناس الى بتسمع اغانى بطريقة بشعة
بسمعها فى كل حتة
ومرة واحدة قررت انى مش هسمع تانى وفعلا بقالى يجى 5 شهور مش بسمع

الى يحكم نفسه صح هو الى يقدر يعيش صح

لكن الى هيسيب نفسه على هواها هتفضل تلح وتطلب

النفس عاملة زى الطفل بالظبط
على طول بيطلب ويلح فى طلبه ولو مش نفذتله طلبه هيفضل يصوت ويقرفك
وانت بايدك ياتسكته وتوقفه عند حده
ياتديله الى هو عاوزة

وساعة ماتنفذله طلباته
هيعرف انك مش بتيجى غير لما يزن ويلح فى طلبه

هى دية النفس بالظبط
بايدك انت توقفها عند حدها

الاستاذ محمد سرور

17-08-2008, 04:54 PM

أكيد كلام ما فيش خلاف عليه
بس بالنسبه لفقرة الآنك أنا سمعت أنها مش كل اللي يسمع أغاني
أقصد أنها للرجال ممن يسمعون القيان
و جزاك الله عنا كل الخير

انظر للشروط الثلاثة فى اخر كلامى

رقم 2
المغنية لو امرأة لا يسمعها رجل

وهو المقصود انه سيصب فى اذنه الانك لو سمعها

Golden Eagle

18-08-2008, 06:01 PM

والله ماصعب ولا حاجة بس الى عنده ارادة هو الى يقدر فى ثانية يغير حياته
طبعا هتقولى لا برضه صعب
هقولك انى كنت من الناس الى بتسمع اغانى بطريقة بشعة
بسمعها فى كل حتة
ومرة واحدة قررت انى مش هسمع تانى وفعلا بقالى يجى 5 شهور مش بسمع

الى يحكم نفسه صح هو الى يقدر يعيش صح

لكن الى هيسيب نفسه على هواها هتفضل تلح وتطلب

النفس عاملة زى الطفل بالظبط
على طول بيطلب ويلح فى طلبه ولو مش نفذتله طلبه هيفضل يصوت ويقرفك
وانت بايدك ياتسكته وتوقفه عند حده
ياتديله الى هو عاوزة

وساعة ماتنفذله طلباته
هيعرف انك مش بتيجى غير لما يزن ويلح فى طلبه

هى دية النفس بالظبط
بايدك انت توقفها عند حدها

مسألة السهولة و الصعوبة مسألة نسبية يعني سهل ليكي و صعب لحد تاني و ممكن التاني ده يكون شئ سهل ليه و صعب ليكي .... وهكذا
و أنا - الحمد لله - ما غلطتش و قولت مستحيل لأن ما فيش مستحيل

بنوته مسلمه

18-08-2008, 06:10 PM

Golden Eagle

18-08-2008, 06:30 PM

انا بجد اتضايقت لما شوفت الموضوع
مش عارفه حضرتك بتتكلم في ايه
بس انا مش هاقول اكتر من اللي قالته
ملك اليمن واستاذ محمد
وبعدين اغاني ايه وشعبي ايه ولا روماانسي
شوفوا البلد عامله ااي بسبب حكامها
بص للعيش المدعم وغيره
اسفه علي العصبيه يا جماعه
ومش هاطول
ربنا يهدينا ويرضينا ويرضي عنا جميعا
:)

معلش أعذريني أصلي تافه و وضيع و ما عنديش شخصيه ولا إهتمامات ....... إستريحتي ؟
أنا بس عايز أسأل سؤال : أنتي قريتي الموضوع كله ؟
و شكرا ً علي حرقة الدم

Dr.ahmed91

18-08-2008, 06:38 PM

معلش أعذريني أصلي تافه و وضيع و ما عنديش شخصيه ولا إهتمامات ....... إستريحتي ؟
أنا بس عايز أسأل سؤال : أنتي قريتي الموضوع كله ؟
و شكرا ً علي حرقة الدم

i dont think so

Golden Eagle

18-08-2008, 06:46 PM

i dont think so

الله يخليك يا عم أحمد
أصل أنا إكتشفت أن الواحد علشان يحل أي مشكله بسيطه يطلع نفسه غلطان و خلاص
ف الأول إعتذرت و أنا مش غلطان و بعد كده طلعت نفسي زي ما كتبت
و أحب أقول للي ردت أني لما أكتب عن مشكلة أقدر أحلها أحسن من أني أكتب عن مشكله أقول ممكن الحكومه تعمل فيها إيه
و أي حد داخل تاني ياريت يفتكر الحديث اللي آخره " من كان يؤمن بالله و اليوم الآخر فليقل خيرا ً أو ليصمت "
شكرا ً تاني يا دكتور أحمد

Golden Eagle

18-08-2008, 07:11 PM

لحظه أنا عندي سؤال
أنت ما تعتقدش إيه ؟
أني تافه و الكلام ده ولا إنها قرت الموضوع ؟ :d

Travel

18-08-2008, 07:25 PM

Golden Eagle

18-08-2008, 07:30 PM

يا (جولدن ايجل)
اغانى ايه
هى اغانى اليومين دول اغانى اصلا
شعبان عبد الرحيم....
سعد القصير....:D
ومش فاكرة اسمه بس كان فى بعرور:D
دول اللى منتشرين اوى فى التلفزيون
مش عارفة ليه
على ايه القرف ده اصلا
هو السادات قال حاجة صح

اللى مش لاقيله شغلانة اليومين دول بيغنى
حتى لو هستلف صوت (الحمار) اللى بينهق فى الشارع ويغنى بيه

وانا الحمد لله
حاليا مش بسمع اغانى
لانى مش معتبراها اغانى اصلا
لا الحان ولا كلمات ولا اى حاجة فى اى حاجة اصلا

حاسة انها
برامج تعديل اصوات
او تجريبها

ياللا

وعجبى
الله أكبر
أخيرا ً حد دخل من غير ما يشتم
أما التاني إسمه يإما عماد يإما إبراهيم
و علي فكرة مدرس الرياضة ف مدرستنا كان لما يشتم حد يقول " أنت يا بعرور " ( قبل ما المغني يظهر )
أما عن حكاية الأغاني أنا بعد المشادات بتاعت إمبارح قلت ف نفسي أني أصلا ً ليا كتير مش باسمع أغاني أسيبها ليه ع الموبيل و مسحتهم
شكرا ً ع الرد

Golden Eagle

23-08-2008, 04:37 PM

بعد المناقشات اللي حصلت دي أنا طلع ف دماغي سؤال
هل سماع الطبل حرام ؟ ( للرجل )
و لو كان حراف في الأغاني بس ولا غيرها ؟
أصلي قريت موضوع عن الجيوش زمان كان يتم فيها قرع الطبول لتحميس المقاتلين يبقي ده حرام ولا لأ ؟

" من كان يؤمن بالله و اليوم الآخر فليقل خيرا ً أو ليصمت "

Golden Eagle

23-08-2008, 04:44 PM

علي فكرة يا شعبان شفتك

Dr.Cheetah

23-08-2008, 04:53 PM

حرام يا سيدي بس صعب أن الواحد يصحي من النوم يقول النهارده أنا مش هاسمع أغاني يعني زي علاج الإدمان كده تحجيم و تقليل و ترك
و التحجيم جه من عند مدرس في مدرستنا قال علي حديث عن الرسول معناه أن اللي يسمع مغنيه ( واحده ست يعني ) صب في أذنه الآنك ( رصاص منصهر )
و لا خلاف علي أن الأغاني كلها حرام بس أنا كتبت الموضوع لما لفت نظري إنتشار الأغاني الشعبيه دي
بس يا عم
بس أنا عندي سؤال هوا أنت محمد السادات ؟ أصل دي الصورة الرمزيه و التوقيع بتاعه

أولا الحديث دوة ضعيف ...... اما عن الموضوع فزي ماأنت عارف الفن يعكس حضارة الأمم فدلوقتي مصر منهارة سياسيا و اجتماعيا و ( رياضيا ) فأنت عايز الأغاني والفن عامة يبقي أزاي .... والدليل علي كلامي زمان اما كانت الاحوال كويسة ظهر فنانين عظماء زي حليم و ثومة ونجاة اللي كل الناس بتحبهم لغاية دلوقتي

Golden Eagle

23-08-2008, 05:47 PM

أولا الحديث دوة ضعيف ...... اما عن الموضوع فزي ماأنت عارف الفن يعكس حضارة الأمم فدلوقتي مصر منهارة سياسيا و اجتماعيا و ( رياضيا ) فأنت عايز الأغاني والفن عامة يبقي أزاي .... والدليل علي كلامي زمان اما كانت الاحوال كويسة ظهر فنانين عظماء زي حليم و ثومة ونجاة اللي كل الناس بتحبهم لغاية دلوقتي

شكلك هاتنضم للـ ( black list )

Golden Eagle

23-08-2008, 05:48 PM