اقذر طلبه شفتهم فى حياتي اللي موجودين فى معهد اشناواي
معظمهم قمة قلة الادب والسفاله والانحطاط الاخلاقي والديني والتعليمي
لما الطلبه يهددوني انهم لو مغشوش هيستنوا بره بالمطاوي وفعلا لما اخلص اللجنه الاقيهم واقفين بره بالمطاوي
لما الطالب يقولي حتي لو اتصلت بالشرطه انا قلبي جامد وهعرفك
لما الموجهين الموجودين يطبطبوا علي العيال ويهدوهم ويخاولوا يخلوني اسيبهم مع بعض شويه...متبقوش تستغربوا..دول خايفين على ارواحهم وخايفين من العيال..وعادي طز فى المراقبه واللجان
يبقي منستغربوش لما تلاقوا مستوي التعليم فى مصر بالقذاره دي
ولما تلاقوا عيال مش عارفه تكتب اساميها وبيعدوا عشان المراقبين خايفين منهم
لما الواد يقولي انا مسنيك تحت وانت مبتغشش يبقي تستاهل اللي يجرالك ..مستغربوش ان الغش فى الازهر للركب
ومتستغربوش لما تلاقوا محامي او طبيب او محاسب او مدرس معندوش ضمير او مش فاهم فى شغله
د ه الواقع فى الازهر بالذات
من اصغر لاكبر مدرس حينما تشتكي له يقول مشي امورك وسيبهم محدش هينفعك
والله لو حتي كل الطلبه هددوني مانا سايب اللجنه تغش واللي يحصل يحصل

الواقعة امام فضيلة الامام الاكبر والسيد وكيل الازهر والسيدرئيس القطاع يورونا حيعملوا ايه بجلالة قدرهم ولافالحين يقرفوا المدرسين طول العام اللى يجيك متخفى واللى ياجى بعد انتهاء اليوم الدراسى حسبنا الله ونعم الوكيل فيهم كلهم

انتو لسه شفتوا حاجه
الاسواء لسه مجاش.................!

للأسف مش هنشوف تعليق من مسئول
المهم تحويل المراقبين للتحقيق أو خصم سنتين من الكافأة أو أو أو
لكن لما يكون المدرس له حق ولا حد هيرد
فين تأمين لجان الأزهر ؟؟؟ لو تم تأمين اللجان نصف تأمين لجان الثانوية العامة مش هنشوف المهازل دى

اتمنى عرض واقعتك على السيد رئيس القطاع ليتخذ اللازم/// ولا أسد على وعلى الطلاب .... /////////////حرمان ...وقف ....استبعاد ....اقاله ...منع .... هذه والله بدايه أى خبر يكون بطلله رئيس القطاع وللاسف( المفعول به )دائم المدرس الغلبان لدرجه أن بعضهم يرتبك أمامه فيوحى له انه يرتكب جريمه

بكرة أفكركم أني مفيش حاجة هتمس الطلبة فى امتحانات الثانوية الازهرية ....... بس اللى هيحصل انهم هيتنططوا ويتنقزحوا على المدرسين ؟؟؟؟؟؟؟؟؟؟؟؟؟؟؟؟؟؟ علية العوض ومنه العوض ......... قال بيقولوا أن سب بوظان الأزهر أتنين ( المدرس .. والموجة ) وعجبى ..........
طيب أين الطالب من سبب بوظان الأزهر ...................ز

وكيل الأزهر"لن نسمح بالمساس بالمراقبين من قبل أي إنسان،

يا سيدي طب ده في بلد غريبه عندك ما بالك في بلدك
والله طلبه سفلة الي اقصي حد
مرة مسكت اللجنة مسكة من حديد العيال لحد دلوقتي بقبلوني بقرف عشان ما في غش
بس انا ليه رأي
أولا مسئولية أولاء الأمور بالدرجة الأولي ثم المجتمع الي بيصدر افلام ال*** واخيرا المعهد

عملت محضر رللطلبه وجبت الشرطه

مشكلة مزمنة ومتكررة

الغش اصبح حق مكتسب

للاسف المراقب بيذهب الى اللجنة ومعاه ربنا والله بس والازهر عمره مابيسال فى حد

بجد ربنا معاك العيال الكلاب دي غششتها زي مغششتهاش . و لو بتغششها برضه هتعمل معاك مشاكل ربنا يثبتك.و يزيدك من فضله

لا اله الا الله
طلاب الازهر والتعليم الديني والقيم والاخلاق
شئ محزن ومبكي

أنا حزينة على المستوى اللى وصل اليه الأزهر
زمان كنت زعلانة ان والدى مدخلنيش ازهر
ودلوقتى مش عارفة ومحتارة ادخل بنتى ازهر ولا لاء
الله المستعان وربنا معانا احنا الحق فى صفنا مش لازم نخاف
صحيح بيدخلونى اراقب فى الرسم والخط بس
لا وايه شدى ع العيال ياابلة واقطعى رقابهم مش عايزين غش لو سمحتى !!!
ربنا يحفظك يا مستر ويبارك ف صحتك وأولادك ويرزقك الخير

معا لعدم الغش فى الازهر ده شعار السنة دى

ربنا يكرمكم جميعا علي تشجيعكم وكلامكم
لان الواحد كان بدا يحس ان الناس كلها بتايد الغش
ان شاء الله الناس كلها تفهم ان الغش ده افه يجب انهائها

نفس رئيس القطاع أو وكيل الازهر يروحوا مثل هذه الاماكن ويشوفوا اللي بيحصل فيها ولكن للأسف دائما الضحية في الاخر هو المراقب ليس إلا
فحسبنا الله ونعم الوكيل
المفروض في مثل هذه اللجان يحرم طلابها من أداء الامتحانات فيها مدة من الزمن وأيضا يحرم مسئولي الامن من أي مكافأة

اولا لست وحدك يا سيدي فانا ابشرك ان معك كل الشرفاء و هم ما زالوا موجودين و ربنا يصلح الحال من عنده