مشاهدة النسخة كاملة : لماذا دائماً نذكر أو نشبه أو نوصف القمر بمن نحب؟
Travel 16-08-2008, 08:22 PM لماذا دائماً نذكر أو نشبه أو نوصف القمر بمن نحب؟
ولماذا لا نوصفهم بالشمس ؟؟
:confused::confused:
أولاً: القمر كاذب ومخادع ..
نعم فهو أجوف يعكس جهد غيره ..
بخلاف الشمس التي تحرق نفسها لتدفئك بحرارتها ..
وتغمرك بحنوها وتضيء عالمك بوهجها ..
فكـأنك حين تشبهها بالقمر تصرح أن محبوبتك فعلاً جميلة ..
ولكنها جوفاء .. مخادعة !
ثانياً: الشمس ترمز للعفة ..
كيف ! ..
حتى الآن لم يصلها إنسان ..
بخلاف القمر الذي سبق أن وصل إليه ..
كما أن بستطاعتنا التحديق في القمر ..
في الوقت الذي لا يسمح لنا بالتطلع في وجه الشمس ..
فمن رأها أصيبت عيناه بالعمى ..
إذاً فوصفها بالشمس ..
شهادة منك على عفتها وأبيها وسمو أخلاقها ..!
ثالثاً : القمر مصاب بالبثور ..
قد لا يرى للعيان كثرة الجبال والكثبان القمرية إلا في بعض الليالي..
نعم فالقمر مصاب بالبثور !!
التي يخفيها عادة ببودرة ناعمة ورقيقة (السحب والغيوم ) !
في الليالي غير الصافية ..
رابعاً: الشمس .. قريبة رغم بعدها!
رغم ابتعادها عنا أميال ودهور ضوئية..
إلا أن باستطاعتنا الشعور والإحساس بها !
تمد أجسادنا بعناصر البناء ..
وتزودنا بالصحة ..
رغم قسوتها أحياناً ..!
خامساً: القمر .. متقلب المزاج !
فأحياناَ .. يظهر لنا كاملاً ..
وأحياناً نشعر بنقصه ..
وأحياناً لا نرى له أثر !
يجتهد في إظهار جماله ..
وما أن يجتهد .. حتى يفقد حماسه و رونقه وينسحب !
كأن شيء لم يكن ..
شخصيته الضعيفة افقدته جاذبيته !
سادساً : الشمس .. مركز ونواة مجموعتنا ..
حقيقة لا يمتلك أحداً حجبها ..
فهي مهما كانت .. أمنا الحنون مهما ابتعدنا عنها ..!
نظل ندور حولها ..
بجانب أخوتنا (الكواكب الاخرى) ..
تمارس دورها .. فتجعلنا في تحاب مع بعضنا ..
كل منا (من الكواكب) لا يأخذ حق (مسار) الآخر ..
سابعاً: إذا كانت الارض نقطة .. فما عسى القمر يكون!
إذا كانت الأرض بالنسبة للشمس ذرة ..
فما عسى القمر يكون بالنسبة لها !؟!
(شيء من لا شيء) ..
لهذه الاسباب ولأسباب أخرى ..
أجد أن من الظلم وصف من نحب ونعشق بالقمر ..!
أمـا يستحق لقب الشمس في حياتنا....
فى الحقيقه انا بردو منحازه للقمــــــــــــــــــــر...
:D:D
COoL HEaRT 16-08-2008, 08:26 PM موضوع سكر زيك يا ترافل والصراحه من ونا صغيره اى حد يقولى يا قمر كنت بقوله كلام مشابه بس كنت صغيره فكان كلام عبيط كده :d اصلى كنت غلابويه حبيتن
بس بردو القمر الناس بتوصف بيه لانه مرتبط بالليل والليل مرتبط بالعزاب والحب والكلام الفارغ ده كله :d
MohammeD el_SadaT 16-08-2008, 08:28 PM بالنسبه ليا
أنا
أشبه من أحب بالقمر
لأنه بعيد صعب المنال
أنتظره
وعندما يأتي ويحين موعده
أتأمله بعينين مليئتين بالدموع
وبيد تمتد تحاول الوصول إليه
أناديه بصوت مبحوح مملوءٌ بـألم الفراق وحنين الأشواق ؟؟؟
ولــكن ؟؟؟
دون أن أسمع إجابة
لذلك ... أليس هذا سببا ً كافيا ً لــ تشبيه من أحب بالقمر
***star*** 16-08-2008, 11:20 PM :dشكرا علي الموضوع ياترافيل....بس الحب بيزيد بليل....والليل مرتبط بالقمر.....يبقي الحب هيرتبط بالقمر:d
ماهينور 2 16-08-2008, 11:29 PM شكرا ليكي ياترافيل علي الموضوع الجامد ده
بس فاكراني ولا نسيتيني
Dr.diamond 16-08-2008, 11:38 PM شايفه الشمس يا ترافل ؟؟؟:rolleyes:
كده احلى يعنى ولا ايه ؟؟:confused::D
لا متجيش برضه القمر هيفضل طول عمره رمز يتوصف بيه اى حد بنحبه لانه قريب من قلبنا جميعا لكننا بنهرب من اشعه الشمس الحارقه لكن كلنا بنحب نبص للقمر بليل ونتأمله بيبقى شكله جميل وقت اكتماله
شكرا عالموضوع يا عسل:)
ZAHIMR 16-08-2008, 11:44 PM بارك الله فيكى يا ترافل ياعسل
بس انا بحب القمر جدا بحب السكون والهدوء
وحاجة ربانية
انا بحب الكواكب والنجوم والقمر وكل الحجات دى
جزاكى الله كل خير
A-B-F 17-08-2008, 03:25 AM ميل جدا
بجد موضوع مميز وانا اتفق معك اختي الكريمة
وجزاكم الله خيرا
سبحان الله
شوف مين اللى كاتب الموضوع
واحده اسمها مووووووووووووووووووون
قمه التناقض
طيب سمى نفسك صنننننننننننننننننننننن بقى
واحنا نسمع كلامك
جميل يا ترافيل
Cray_Bird91 17-08-2008, 09:59 AM جميل يا ترافل
عشان كدة بلاقى كله يقولى يا قمر وانا ولا هنا :D
بس برضه القمر بنضرب بيه المثل عشان من غيره لكنتى عتمة وظلمة بالليل:p
عشان كدة دايما بقول لاحب الناس ليا يا قمر
شكرا يا قمر على التوبيك :)
Travel 17-08-2008, 07:20 PM موضوع سكر زيك يا ترافل والصراحه من ونا صغيره اى حد يقولى يا قمر كنت بقوله كلام مشابه بس كنت صغيره فكان كلام عبيط كده :d اصلى كنت غلابويه حبيتن
بس بردو القمر الناس بتوصف بيه لانه مرتبط بالليل والليل مرتبط بالعزاب والحب والكلام الفارغ ده كله :d
مرسى لذوقك
وجهة نظرك برضه فيها فكرة
نورتى الموضوع يا (قمر)
:D
Travel 17-08-2008, 07:30 PM بالنسبه ليا
أنا
أشبه من أحب بالقمر
لأنه بعيد صعب المنال
أنتظره
وعندما يأتي ويحين موعده
أتأمله بعينين مليئتين بالدموع
وبيد تمتد تحاول الوصول إليه
أناديه بصوت مبحوح مملوءٌ بـألم الفراق وحنين الأشواق ؟؟؟
ولــكن ؟؟؟
دون أن أسمع إجابة
لذلك ... أليس هذا سببا ً كافيا ً لــ تشبيه من أحب بالقمر
ده شعر
مش رد على موضوع
بجد
وجهة نظر مقنعة
نورت الموضوع
Travel 17-08-2008, 07:38 PM :dشكرا علي الموضوع ياترافيل....بس الحب بيزيد بليل....والليل مرتبط بالقمر.....يبقي الحب هيرتبط بالقمر:d
الشكر لله
وجهة نظرك كويسة برضه
نورت الموضوع
ahmedyousry 17-08-2008, 07:39 PM شكرا على التوبيك الجامد ده .. بس انا مع القمر
Travel 17-08-2008, 07:40 PM شكرا ليكي ياترافيل علي الموضوع الجامد ده
بس فاكراني ولا نسيتيني
الشكر لله
اكييد طبعا فا****ى
انتى......:D
the black rose 17-08-2008, 07:42 PM القمر يغيب و يعود
و نتشوق لرؤيته
و ليس كل انسان كامل
فالقمر هو الحبيب
و لكن الشمس هى الام
Travel 17-08-2008, 07:55 PM شايفه الشمس يا ترافل ؟؟؟:rolleyes:
كده احلى يعنى ولا ايه ؟؟:confused::D
لا متجيش برضه القمر هيفضل طول عمره رمز يتوصف بيه اى حد بنحبه لانه قريب من قلبنا جميعا لكننا بنهرب من اشعه الشمس الحارقه لكن كلنا بنحب نبص للقمر بليل ونتأمله بيبقى شكله جميل وقت اكتماله
شكرا عالموضوع يا عسل:)
الشمس النهاردة عملت معايا احسن واجب
ربنا يخليها:D
خلينى مع القمر فى الوقت الراهن
الشكر لله يا (قمر):D
Travel 17-08-2008, 08:04 PM بارك الله فيكى يا ترافل ياعسل
وفيكى
بس انا بحب القمر جدا بحب السكون والهدوء
وحاجة ربانية
انا هكرهك يا زهايمر :D
علشان انا بكره
الهدووووووووووء
:mad:
انا بحب الكواكب والنجوم والقمر وكل الحجات دى
وانا كمان
جزاكى الله كل خير
جزانا واياكم
Travel 17-08-2008, 08:14 PM ميل جدا
بجد موضوع مميز وانا اتفق معك اختي الكريمة
وجزاكم الله خيرا
جزانا واياكم
SmSm Basha 17-08-2008, 08:20 PM موضوع جامد بجد ......... بس برضو القمر احلى .....هي كدا بلطجة .......هههههههههههه
Travel 17-08-2008, 08:30 PM سبحان الله
شوف مين اللى كاتب الموضوع
واحده اسمها مووووووووووووووووووون
قمه التناقض
طيب سمى نفسك صنننننننننننننننننننننن بقى
واحنا نسمع كلامك
جميل يا ترافيل
بلاش فضايح
انا عارفة انك من المعاصرين للاسم القديم
بس شلته خلاص:D:D
نورت الموضوع يا بيوب
بس انت مقلتش رايك فى الكلام بتاع الموضوع
(المناقشة)
Travel 17-08-2008, 08:36 PM جميل يا ترافل
عشان كدة بلاقى كله يقولى يا قمر وانا ولا هنا :D
ماشى يا (قمر):D
بس برضه القمر بنضرب بيه المثل عشان من غيره لكنتى عتمة وظلمة بالليل:p
عتمة وضلمة!!!
اظاهر انى هرجع اسمى تان
:D
عشان كدة دايما بقول لاحب الناس ليا يا قمر
شكرا يا قمر على التوبيك :)
ربنا يخليكى
نورتى الموضوع يا (قمر)
Travel 17-08-2008, 08:39 PM شكرا على التوبيك الجامد ده .. بس انا مع القمر
الشكر لله
بس ليه مقلتش انت مع القمر ليه؟
Travel 17-08-2008, 08:41 PM موضوع جامد بجد ......... بس برضو القمر احلى .....هي كدا بلطجة .......هههههههههههه
احذروا من البلطجة فى هذم الايام
:D:D
بس ليه مقلتش انت مع القمر ليه؟
Dr.Nobel 17-08-2008, 11:20 PM يا موضوعاتك الجامدة ياقمر
يمكن بنقول القمر لاننا لما بنشوف القمر بيكون مثلا الجو لطيف بخلاف الشمس اللي محدش يبص فيها عشان الجو الحر
وبعدين القمر بيوصل رسايل الحبيبة ببلاش انما الشمس بفلوس:D:D
وعلي فكرة اسمها مش موون ولا حتى نيك نيم
ياريت كان اسمها موون :p:p:p:D:D
Travel 18-08-2008, 08:12 AM القمر يغيب و يعود
و نتشوق لرؤيته
و ليس كل انسان كامل
فالقمر هو الحبيب
و لكن الشمس هى الام
شعر ده يا شيرين ولا ايه
لو الشمس دى امى
انا كنت اتبريت منها:D
بس كويس انها مش كده
وجهة نظر مقنعة
نورتى الموضوع يا (قمر)
الاستاذ محمد سرور 18-08-2008, 08:32 AM طيب احنا مش لما بنشوف حد بنحبه غايب من فترة
بنقوله الشمس طلعت
يعنى برده الشمس معانا
Travel 18-08-2008, 09:06 AM طيب احنا مش لما بنشوف حد بنحبه غايب من فترة
بنقوله الشمس طلعت
يعنى برده الشمس معانا
فعلا
بس اشمعنى القمر بالذات اللى منتشر اوى
انا مع حضرتك فى حكاية الشمس
رغم انى منحازة شوية للقمر:D
Travel 19-08-2008, 10:31 AM يا موضوعاتك الجامدة ياقمر
يمكن بنقول القمر لاننا لما بنشوف القمر بيكون مثلا الجو لطيف بخلاف الشمس اللي محدش يبص فيها عشان الجو الحر
وبعدين القمر بيوصل رسايل الحبيبة ببلاش انما الشمس بفلوس:D:D
وعلي فكرة اسمها مش موون ولا حتى نيك نيم
ياريت كان اسمها موون :p:p:p:D:D
مرسى لذوقك يا نبيل
وبلاش فضايح:mad:
ووجهة نظر بخيلة
اقصد
وجهة نظر برده
نورت الموضوع
:)
اوركيديا 21-08-2008, 10:18 PM الشمس الشمس الشمس
مفيش زيها
اللى يقربلها يموت و اللى يبعد عنها يموت
و اللى يستغنى عنها يموت و اللى يتعرضلها زياده يموت
انا عمرى ما حبيت القمر
حتى اى حد لما يقولى يا قمر اقله قمر 30 او امر بالستر او اى حاجه تانيه
ده عشان مديلوش محاضره فى ان القمر و لا حاجه
المهم
يا مووووووووووووووووووووووووووووووووووووووووووووووووو ووووووووون
انا بكره القمر
ماشى
و ادينا بنتناقش
يلا فى رعايه الله
فنكوشه المنكوشه 22-08-2008, 12:44 AM هو ممكن علشان القمر مستدير ووجهه الاشخاص مستدير برضه
ومتقوليلش ما الشمس مستديره الشمس بتجلب الحراره
اما القمر بيجلب الاضاءه
dr.zomba 22-08-2008, 04:00 AM لا بيتهيالي الموضوع مش موضوع الشمس ولا القمر
الموضوع مرتبط شويه بالجو المحيط يعني الشمس الدنيا كلها صاحيه والناس مشغوله في عملها يعني الصبح او الشمس رمز للجديه
انما بليل بيكون وقت راحه ووقت رومانسي
زي ما ابي فراس الحمداني بيقول
اذا الليل اضواني بسط يد الهوا وازللت دمعا من خلائقه الكبر
يارب يكون البيت دا صح لاني بقالي سنتين
ما علينا يعني معني كدا ان القمر بيدل علي الليل والسكون والتركيز والتامل ودا كله جو رومانسي عشان كدا القمر بيكون رمز للرومانسيه وبالتالي نشبه اللي احنا عيزينه برمز رومنسيه مش بالقمر بحد ذاته
دي وجهة نظر والله اعلم:D
شكرا يا ترفل علي الموضوع الجميل:)
فنكوشه المنكوشه 22-08-2008, 01:57 PM لا بيتهيالي الموضوع مش موضوع الشمس ولا القمر
الموضوع مرتبط شويه بالجو المحيط يعني الشمس الدنيا كلها صاحيه والناس مشغوله في عملها يعني الصبح او الشمس رمز للجديه
انما بليل بيكون وقت راحه ووقت رومانسي
زي ما ابي فراس الحمداني بيقول
اذا الليل اضواني بسط يد الهوا وازللت دمعا من خلائقه الكبر
يارب يكون البيت دا صح لاني بقالي سنتين
ما علينا يعني معني كدا ان القمر بيدل علي الليل والسكون والتركيز والتامل ودا كله جو رومانسي عشان كدا القمر بيكون رمز للرومانسيه وبالتالي نشبه اللي احنا عيزينه برمز رومنسيه مش بالقمر بحد ذاته
دي وجهة نظر والله اعلم:D
شكرا يا ترفل علي الموضوع الجميل:)
كلام جميل بس بالليل بيبقي فيه نجوم برضه :D
طبيب عالمى قادم 22-08-2008, 02:06 PM انه قول يرجع الى قديم الزمان ونراه ايضا فى العصر الجاهلى
واحـد من النــاس 22-08-2008, 02:18 PM يااااااه انتو بتتناقشوا في القضية الخطيرة دي من 5 ايام :d:d
Travel 22-08-2008, 06:18 PM الشمس الشمس الشمس
مفيش زيها
اللى يقربلها يموت و اللى يبعد عنها يموت
و اللى يستغنى عنها يموت و اللى يتعرضلها زياده يموت
وانا هموووت منك يا بعيدة:D
انا عمرى ما حبيت القمر
حتى اى حد لما يقولى يا قمر اقله قمر 30 او امر بالستر او اى حاجه تانيه
ده عشان مديلوش محاضره فى ان القمر و لا حاجه
المهم
يا مووووووووووووووووووووووووووووووووووووووووووووووووو ووووووووون
انا بكره القمر
اخص على شكلك
بتكرهينى
ماشى
و ادينا بنتناقش
يلا فى رعايه الله
احلى حاجة ان اسمى مش موون ولا الحاجات دى
انا اسمى نااادر :D:D
بصى انا والله مش عارفة ليه حكاية القمر
من ساعة ما شفت الدنيا دى وانا سامعة التشبيهات بالقمر والنجوم
والحاجات الغريبة دى
علشان كده قلت اعرض عليكوا الموضوع
ماشى يا ولعة
اقصد يا شمس
:D
Travel 22-08-2008, 06:20 PM هو ممكن علشان القمر مستدير ووجهه الاشخاص مستدير برضه
ومتقوليلش ما الشمس مستديره الشمس بتجلب الحراره
اما القمر بيجلب الاضاءه
لو على كلامك بقى
يبقى انا بمشى مع كهربة
او اباجورات:D
لا بصراحة اللى كنت بمشى معاهم مينطبقش عليهم وجهة نظرك
بس ممكن تبقى على اشخاص تانيين
هو احنا وجهنا مستدير؟؟
:confused:
الشفق الباكي 22-08-2008, 06:31 PM ميرسى ياقمر على الموضوع
انا كمان ياترافل منحازه معاكى للقمر
Travel 22-08-2008, 06:32 PM لا بيتهيالي الموضوع مش موضوع الشمس ولا القمر
الموضوع مرتبط شويه بالجو المحيط يعني الشمس الدنيا كلها صاحيه والناس مشغوله في عملها يعني الصبح او الشمس رمز للجديه
انما بليل بيكون وقت راحه ووقت رومانسي
زي ما ابي فراس الحمداني بيقول
اذا الليل اضواني بسط يد الهوا وازللت دمعا من خلائقه الكبر
يارب يكون البيت دا صح لاني بقالي سنتين
ما علينا يعني معني كدا ان القمر بيدل علي الليل والسكون والتركيز والتامل ودا كله جو رومانسي عشان كدا القمر بيكون رمز للرومانسيه وبالتالي نشبه اللي احنا عيزينه برمز رومنسيه مش بالقمر بحد ذاته
دي وجهة نظر والله اعلم:D
شكرا يا ترفل علي الموضوع الجميل:)
الشكر لله
عجبنى رايك اوى يا عادل
الشمس فعلا رمز الجدية
والقمر سكون وهدوء
بس ماهو احلى منظر وبيكون للرومانسية برضه
(منظر الغروب)
والمنظر ده كل يوم لازم اتفرج عليه
مش علشان حاجة
بس ده احلى منظر فى الدنيا
القمر والسحاب بقوا مغيمين اوى فى الزمن ده
على الالفية الجديدة هيختفوا خالص:D
بس بجد وجهة نظر (فيلسوف) مقنعة
بس انا لسه بردوا
Travel 22-08-2008, 06:35 PM انه قول يرجع الى قديم الزمان ونراه ايضا فى العصر الجاهلى
متفقة معاك
بس ياترى ليه بنقول كده؟
واشمعنى القمر بالذات؟
Sharp 08-12-2008, 08:44 AM شكرا علي الموضوع
Hamset_Etab 09-12-2008, 08:05 AM لا بقى مهما قولتلو من اسباب القمر احلى بكتير من الشمس
الشمس دى بتطلع الصبح ودوشه وهيصه ناس راحه وناس جايه
لكن القمر ده بالليل والسكون والهدوء بيحس الحبيب مع حبيبه انهم بس الى فى الكون كله
وثانكس على التوبيك يا قمر:d
احمد رضا 09-12-2008, 10:50 AM السلام عليكم ورحمة الله وبركاته
انا بالنسبالي هتكلم ( بالرومانسعلمية ) الفصحي
التي توضح وجهه نظري تجاه هذا الموضوع
أولا : الشمس تتكون من غاز الهيدروجين الذي تتفاعل ذراته تحت ضغط وحرارة شديدين للغاية مما يساعد في تكوين غاز الهيليوم في مرحلة ( الإندماج النووي ) الذي يحدث في باطن الشمس
وهذه مقدمه مخيفه لشخص يحمل في باطنه مثل تلك الطاقه .. فماذا لو كانت حبيبتي مثل الشمس تعطيني الدفء في حالتها الطبيعية .. فماذا إذا ثارت ؟
---
ثانيا : التفاعلات الشمسية والانشطارات النووية الحادثه بالشمس التي لا يسمعها البشر دليل علي فوضويتها ورهبتها الشديدة وهذا إن توافر في الحبيبة او الحبيب لكان شيئا ً مقززا ً غير مقبولا ً
انما القمر فهو الهدوء التام .. لا يفعل شيئا سوي انه يعكس ضوء الشمس .. مليئا بالهدوء .. عندما تراه يذكرك بحبات ِ الندى التي تداعب خدودك .. يذكرك بسكون المخلوقات والصفاء الذهني
---
ثالثا : القمر يمثل الطبيعة البشرية المتقلبة .. فهو أحيانا يكون محاقا ً كالإنسان المنطوي .. وأحيانا يكون هلالا ً وأجزاء كالإنسان الذي يعاني من بعض المشاكل .. وعندما يكون بدرا ً فإنه بذلك يكون الحبيب او الحبيبة الذين نراهم مثاليين في معظم الاحيان ..
---
ملحوظة : قل " الشخص ده قمر " وانظر ماذا تكون في ذهنك ؟
لن يتكون هلالا ً او نصف قمر او لا يتكون في ذهنك قمر صغير
بس ستجد بدرا ً منيرا يحتل ذهنك
شكرا لموضوعك يا ترافيل
قالوا الوداع قولت قشطة 09-12-2008, 12:48 PM تسلم ايدك
جميل والله انا بعد كدا هقولها يا شمسي
تقول يعع اقولها الموضوع دا
تقولي اه اتفلسف اتفلسف
ما انا بابا كل لما اجي يدلع ماما يقولها يا قمر يعنى انتا هتيجي علي اخر الزمن وتقولي شمس
طيب انتا طالق
دي ثوابت :d
FRANKENSTEIN 09-12-2008, 12:57 PM كميل اوي الموكوع دا
والاجمل رد أحمد
منطقي جدا
بس من الصعب من وجهة نظري الفقيره علما واسلوبا
ان احنا نتلكم باستخدام معلومات علمية حديثه لم تكتشف الا ف القرن العشرين
ف تفسير لفظة تراثية موجوده ف كتابات شكسبير واحتمال هيرودوت كمان :d
يعني ف عصر كان بيفتقد لعلم منظم او منطقي وكان الاعتقاد السشائد خلاله ان الارض مركز الكون وان
بقية الكواكب بما فيها الشمس بتدور حول الارض
برضه من وجهة نظري الفقيره ان الافضل لفهمطريقة تفكير الناس فالفتره دي
بتكون الاقرب ليهم التراث او الاساطير
يعني لو اتكلمنا ف الميثولوجيا الاغريقيية
حنلاقي الناس كانت عندها تقسيمة حلوه اوي للالهة :d
ابوللو أو فوبوس رب المركبة الذهبية او الشمس
كان بيتميز بالقوة والجبروت و العنف
واحيانا بيستخدم قوه الشمس ف حرق بعض الاماكن او عقاب بعض البشر
ودا بيعكس نظره الناس للشمس مفادها الخضوع والخوف
بينميا ربة القمر او المركبة الفضية ديانا
كانت رمز للجمال والطيبة
يعني الاقرب للصواب ان الحالة النفسية بتكون المسيطره ع اساطسير او تراث البشر
يعني فتره النهار او ف وجود الشمس بيكون الاحساس المسيطر التعب او الارهاق
خلال فتره الليل بيكون الحاله السايده الراحه او الهدوء
يالا مش مسكله :d
ثكرا ع الموتوع
احمد فاروق1991 09-12-2008, 02:16 PM موضوع جميل جداااااااااااااااااا
ولكن قبل ان اقرأ موضوعك وان لا اشعر بأن القمر لة اى جمال يستحق ان يوصف بة من نحب
ولكن اعتقد ان وقت ظهور ووضوح القمر هو الذى يستحق ان نصف بة من نحب انة الليل
انا عاشق لليل
طارق ممدوح ذكي محمد 09-12-2008, 02:30 PM اعتدنا من قديم الازل على وصف من نحب بالقمر
وذلك لان القدماء لم يكن عندهم كهرباء ....
وكان ليلهم مظلم ولا يضيئه الا ضوء القمر
الذي كانوا ينتظرونه ليتسامروا ويقضوا اجمل الاوقات
ومن هنا جاء الربط بين انتظار القمر وانتظار الحبيب
ونجد حتى ان الحبيب المصطفى صلى الله عليه وسلم
عندما هاجر الى المدينة وصفوه اهلها وقالوا
طلع البدر علينا
اللهم صلي وسلم على سيدنا محمد
عامر الوكيل 09-12-2008, 10:23 PM نعم كلك رقة ياترافل
سـهيـلـة 09-12-2008, 10:48 PM اقولك يا ترافيل الواحد عمره ما شاف الشمس علشان اللى بيبصلها ممكن يتعمى بس احنا نقدر نشوف القمر وكلنا بنحب نب للقمر فعلشان كده بنشبه اللى بنحبه بالقمر
موضوعك جميل زيك يا ترافيل
sunsero2000 21-12-2008, 08:58 PM فعلا كل اللى بتقوله صح تحديدا الحته دى
أولاً: القمر كاذب ومخادع ..
نعم فهو أجوف يعكس جهد غيره ..
بخلاف الشمس التي تحرق نفسها لتدفئك بحرارتها ..
وتغمرك بحنوها وتضيء عالمك بوهجها ..
فكـأنك حين تشبهها بالقمر تصرح أن محبوبتك فعلاً جميلة ..
ولكنها جوفاء .. مخادعة !
زهرة البنفسج 23-12-2008, 06:22 PM انا مع القمر لانه رمز للسكون والهدوء وكمان بيباه ظاهر بالليل
والليل رمز للحب
فطبيعى هباه مع القمر
بس انتى فعلا مش بتحبى الهدوء
|