السلام عليكم ورحمة الله وبركاته


إن شاء الله الموضوع دا هيبقي مرجع لطلبة الثانوية العامة وعون ليهم بداية من دخول 3 ثانوي إلي النتيجة إن شاء الله ـ هنتكلم فيه عن المشاكل اللي ممكن تقابلك و إزاي تتخلص منها و إزاي تمشي صح و إزاي تتهيأ نفسيا للسنة الجاية و إزاي تعدي آخر شهر قبل الإمتحان بخير و إزاي تراجع ، إن شاء الله الموضوع هيبقي أكتر من مشاركة ..

القصد من وراء هذا الموضوع ـ مفيش طالب يقع ف الأخطاء اللي بتخلي ناس كانت الأوائل تنزل للصفر ، وناس كانت في الصفر وتفضل في الصفر ، الموضوع دا خلاصة تجربة بل تجارب والله من وراء القصد والسبيل ...

إيه الفرق بين علمي علوم وعلمي رياضة ؟


قبل ما تحدد هتدخل إيه لازم تعرف كل حاجة عن الفرع اللي انت داخله باختصار شديد :

علمي علوم
المواد : ( عربي - انجليزي - لغة أجنبية ثانية - كيمياء - فيزياء - أحياء - جيلوجيا )
مميزاته :
- امتحانات مضمونة نسبيا ـ معتمدة علي حفظك للمنهج ( بخصوص الجيلوجيا والاحياء ) .
- فرصة في الكليات العالية كويسة .
عيوبه :
- مش مناسب للي مبيعرفوش يحفظوا .
كلياته :
- كلية الطب البشري ( حد أدني 97.8 ) .
- كلية طب أسنان ( حد ادني 97.3 ) .
- كلية صيدلة ( حد أدني 96.5 ) .
- كلية علاج طبيعي ( حد أدني 96 ) .
- كلية طب بيطري ( حد أدني 95 ) .
- كلية علوم ( حد أدني 94 ) .
- كلية تمريض ( حد أدني 93 ) .

علمي رياضة
المواد : عربي - انجليزي - لغة اجنبية ثانية - كيمياء - فيزياء - رياضة 2 بفروعها .
مميزاته :
- تحدي كويس جدا ومغامرة رائعة لراغبي هندسة بترول .
- معتمد علي الفهم ( الرياضة ) .
-فرصة كويسة لراغبي كلية هندسة ومستواهم وسط .
عيوبه :
- إمتحانات مش مضمونة نسبيا ( ممكن تحل أكتر من ملخص و تلاقي فكرة جديدة في الإمتحان، لكن عموما بتبقي صعبة علي الكل ) .
- فرق شاسع بين كلية هندسة بترول و كلية هندسة .
كلياته :
- هندسة بترول السويس ( حد أدني 98.3 ) .
- هندسة ( حد أدني 93 ) .


إزاي تختار علمي علوم أم علمي رياضة ؟


أولا : علي حسب رغبتك انت ، و سيبك من سهل أو صعب ، مفيش حاجة سهلة ، كله صعب بطريقة معينة ، وكله مع المذاكرة بيبقي سهل ، وسيبك من خوفك من تدخل كذا يمكن متلحقش كذا ، قبل ما تسأل واحد ويقولك دا سهل أو دا صعب ـ اسأل حد نجح في المجال دا ـ يعني لو نفسك تدخل ، هندسة بترول وخايف متلحقش ، اسأل واحد في هندسة بترول وشوفه هيقولك إيه ، متسألش واحد فشل ف حاجة زي كدا لأنه هيقنعك بصعوبة الموضوع .. دي حياتك انت وانت اللي بتبنيها وانت أكتر واحد هتجازف و تعمل المستحيل عشان تبنيها صح ، انت أول مرة يتحط علي عاتقك مسئولية ، و هي أهم مسئولية ، مسئولية مستقبلك ... عندك حلم دافع عنه .. نفسك تبقي دكتور أو مهندس يبقي تقدر .. مادام توفرت الرغبة ستتولد الإرادة ويتحقق الحلم .
ثانيا : لو فيه اعتراض بين رغبتك ورغبة اهلك ، أكيد هما شايفين الموضوع من زاوية تانية ـ اتحاور معاهم ولو أقنعوك برأيهم و اقتنعت ، كان بها ، و لو أقنعتهم انت ، كان بها ، ولو لم تصلوا إلي نقطة لقاء .. هنا تصلي استخارة .
ثالثا : صلاة الإستخارة


تبدأ صلاة الاستخارة كباقي الصلوات بالنيّة؛ حيث على الإنسان أن ينوي للصّلاة قبل أن يشرع بها.
الوضوء المشابه لأيّ صلاةٍ عاديّة.
البدء بصلاة ركعتين، ومن السنّة بعد قراءة الفاتحة بالركعة الأولى تلاوة سورة (قل يا أيّها الكافرون)، وبعد قراءة الفاتحة في الركعة الثانية تلاوة سورة (قل هو اللّه أحدٌ).
التسليم آخر الصلاة كما يحدث في أيّ صلاةٍ عاديّة.
رفع اليدين للدّعاء بتضرّع بعد التسليم، واستحضار عظمة الله وقدرته أثناء الدعاء.
حمد الله والثّناء عليه عزّ وجل، والصّلاة على النبيّ محمد صلّى الله عليه وسلّم، ويُفضل التلفّظ بالصّلاة الإبراهيميّة الّتي تُقال عادةً عند التشهّد وهي: (اللّهمّ صلّ على محمّدٍ وعلى آل محمّدٍ كما صلّيت على إبراهيم وعلى آل إبراهيم، وبارك على محمّدٍ وعلى آل محمّدٍ كما باركت على إبراهيم وعلى آل إبراهيم في العالمين إنّك حميدٌ مجيدٌ).
قراءة دعاء الاستخارة كما ورد عن رسولنا الكريم. وسيتمّ ذكره آخر مقالنا هذا.
تسمية الحاجة المراد الاستخارة بها أثناء الدعاء وذلك بعد قول (اللهمّ إن كنت تعلم أنّ هذا الأمر...)؛ حيث يتمّ تسمية الأمر.
تكرار ذكر الحاجة مرّتين، وذلك كما ورد في الحديث الشريف مرّةً في الخير ومرّةً في الشر.
الصلاة على النبيّ محمّد صلّى الله عليه وسلّم بعد الانتهاء من الدعاء، ثمّ ترديد الصلاة الإبراهيميّة.
الرّاحة والتوكّل على الله تعالى في جميع الأمور، والتيقّن بشكلٍ تام أنّ الله تعالى لا يتخلّى عن عبده المؤمن.
السعي وراء الأمر إن كان طيّباً وحلالاً، والابتعاد عنه إن كان فيه أيّ شرٍّ للعباد أو ظلمٍ لهم، والإيمان الحقيقي بأنّ الله تعالى سيدبّر الطريق الصحيح بعد الاعتماد عليه.

دعاء صلاة الاستخارة

عن جابرٍ رضي الله عنه قال: قال رسول اللّه صلّى الله عليه وسلّم : إذا همّ أحدكم بالأمر فليركع ركعتين من غير الفريضة ثمّ ليقل: ( اللّهمّ إنّي أستخيرك بعلمك، وأستقدرك بقدرتك، وأسألك من فضلك العظيم فإنّك تقدر ولا أقدر، وتعلم ولا أعلم، وأنت علّام الغيوب، اللّهمّ إن كنت تعلم أنّ هذا الأمر (هنا تسمّي حاجتك ) خيرٌ لي في ديني ومعاشي وعاقبة أمري أو قال: عاجل أمري وآجله، فاقدره لي ويسّره لي ثمّ بارك لي فيه، اللّهمّ وإن كنت تعلم أنّ هذا الأمر (هنا تسمّي حاجتك ) شرٌّ لي في ديني ومعاشي وعاقبة أمري أو قال: عاجل أمري وآجله، فاصرفه عنّي واصرفني عنه واقدر لي الخير حيث كان ثمّ ارضني به،.( رواه البخاري )


.
.
.


يُستَكمل إن شاء الله

إزاي تتهيأ نفسياً لـــ 3 ثانوي ؟

مبدئياً .. طلبة تانية ثانوي اللي رايحين تالتة إن شاء الله في أجازة 3 شهور تقريباً و تبدأ الدروس في الشهر الأخير ، أجازة شهرين إن شاء الله .

أولا تبطل كل حاجة غلط بتعملها من دلوقتي و يكون هنا الفاصل بين حياتك اللي فاتت وحياتك الجاية ، انت هتبني مستقبلك ، هتحدد حياتك الجاية بل و حياة أولادك إن شاء الله بَعد عُمر ، بمعني انك كبرت علي أي حاجة غلط بتتعمل و أخص بالذكر الشباب .. ( نور الله لا يُهدي لعاصي ) .

ثانياً ، تجدد حياتك كلها وتجدد قلبك وتفتح صفحة جديدة مع نفسك ومع الناس اللي حواليك ، يعني لو مخاصم حد أو غلط في حد ، صالحه مش عيب ، العيب انك تستمر علي غلطك .

ثالثا ، تجدد علاقتك مع ربنا بمعني انك تبدأ تقرأ قرآن كتير و تحفظ فيه ، أنا ليا واحد صاحبي حفظ القرآن كامل من شهر 8 إلي شهر 5 و احنا في تالتة ثانوي ودخل هندسة بترول والله .. وتتأمل في الصلاة ـ تتأمل معني كل كلمة بتتنطق .. ومعني كلمة الحمد لله رب العالمين اللي بتتقال في كل صلاة فوق الــ 5 مرات والكلمة اللي بعدها ( الرحمن الرحيم ) .. وتصلي الفجر ـ، لا يكتئب شخص يصلي الفجر ـ الإمام أبو جعفر في أحد كتبه ربط بين بداية السور ونهاياتها .. في بداية سورة الفجر .. ( أقسم الله بالفجر ) وفي النهاية قال " يا ايتها النفس المطمئنة ، ارجعي إلي ربك راضية مرضية ، فادخلي في عبادي و ادخلي جنتي "
إضافة لأنه من البردين .. وادعي في كل صلاة فجر ، طالما لك مطلب فادعو به .



مش معني إنك هتعمل دول عشان ثانوية عامة بس .. دول أساسيات أصلا في حياتك بس كتير بيتجاهلهم .


يُستَكمل إن شاء الله

موضوع مميز فعلا رائع جدا جدا أرجو الإكمال ربنا معاكم

موضوع مميز فعلا رائع جدا جدا أرجو الإكمال ربنا معاكم




شكرا لمرورك .. جزاك الله خيرا

المطلوب منك تعمله في أول شهر أجازه ؟

كتير جدا بيغلط وياخد الموضوع جد من بداية الأجازه ويشوف ملخصات الفيزياء ويسمع شرح ويذاكر بجد ويتهيأ له إنه ماشي صح .
لكنه مبيكونش استفاد أي حاجة لأن الي اتذاكر دا هيتنسي بمرور الوقت ( السنة 11 شهر ) ومش مذاكرتك في الفترة دي الي هتدخل بيها الامتحان إضافة إنك هتوصل لمرحلة ملل مش كويسة في نص السنة و يا عالم هتقدر تفوق منها ولا لأ ....
عن تجربة ؛ زميل ليا كان بيذاكر 11ساعة كل يوم في بداية السنة و لما وصل لشهر 1 أهمل المذاكرة وبدأ يمل منها ...
الخلاصة (( العبرة مش إنك تبدأ م الأجازه ، السنة فيها وقت يكفيها وزيادة بس تستغله صح )) .

تعمل إيه في أول شهر أجازه ؛

قضيه استجمام ؛ وتخلص بس من كل حاجة سلبية في حياتك ؛ و وقت فراغك قضيه إما في حفظ القرآن ولو تخصص كل يوم ساعة من ال 24 ساعة تبقي كويس جدا
وممكن تقضي وقت علي النت تتكلم مع صحابك ، وممكن تخرج مع صحابك ، وممكن تتثقف ثقافة عامة زي إنك ممكن تقرأ في كتب علمية أو تقرأ رواية ..
ولو كان ضروري تدخل نفسك في جو الثانوية .. يبقي تقرأ ، تقرأ مش تحفظ القصة بتاع العربي ؛ ممكن تسمع فيلم وثائقي لفارادي و أينشتين بخصوص الكهربية والحديثة .. ممكن تفهم ال dna في الأحياء وتسمع عنه أفﻷم وثائقية ؛ صدقني هتستمتع جدا ولما تدخل السنة نفسها هتحب تذاكر الحجات دي .. بكدا هتكون استفادت من أول شهر بكل الأشكال .
.
.
.


يُستكمل إن شاء الله

موضوع جميل
موفق ان شاء الله

موضوع جميل
موفق ان شاء الله

شكرا علي مرورك
جزاك الله خيرا

شكرا علي مرورك
جزاك الله خيرا

ياريت حضرتك تكمل ومتسبناش احنا محتاجين حد يساعدنا خصوصا لو واحده اكبر وحده ف اخواتها زى ومعندهاش اى تجربة ولا حد :(

ياريت حضرتك تكمل ومتسبناش احنا محتاجين حد يساعدنا خصوصا لو واحده اكبر وحده ف اخواتها زى ومعندهاش اى تجربة ولا حد :(
إن شاء الله أكمل الموضوع ، الامتحانات هي بس سبب التأخير .
ثانيا مش أنا اللي بساعد .. أتمني ربنا يجعلني سبب في تقديم المساعدة
إن شاء الله توصلي للي نفسك توصلي له

تاني شهر أجازة

هقول نفس البداية ، اتخلص من كل حاجة سلبية في حياتك وصدقني لو معملتش كدا هيجيلك وقت في السنة نفسها تندم جدا إنك متوقفتش كل حاجة غلط بتعملها ، ممكن عموما في الأجازة تقعد مع نفسك ساعة يوميا - بدون موبايل ولا نت ولا غيره .. صفي حساباتك مع نفسك ، صدقني لو عملتها أكتر من مرة هيبقي عندك صفاء ذهني عالي وقوة تركيز وذكاء ممتاز ..

بخصوص الدراسة ؛ انت مش مجبر إنك تذاكر ، لكن لو مُصِّر قدامك الآتي :
- راجع النحو اللي انت أخدته كل اللي فات ولو كل يوم 3 دروس ( مش هيستغرقوا ساعة ) .
- اقرأ في قصة الإنجليزي كل يوم فصل ( مش هيستغرق ساعة ) .
- احفظ كلمات انجليزي كل يوم 60 كلمة ( مش هيستغرقوا ساعة ، في خلال الشهر هتكون خلصت 1800 كلمة ) .
- اسمع أفلام وثائقية عن الفيزياء وقوانين فاراداي .
- اقرأ كل يوم فصلين قصة عربي ، قراءة عابرة هدفها الفهم بس ( مش هيستغرق نص ساعة ) .

إن شاء الله إن عملت الحاجات دي هتدخل السنة مطمئن جدا ، وحالتك النفسية كويسة وإن شاء الله معنوياتك مرتفعة ..



يُستكمل إن شاء الله

إن شاء الله أكمل الموضوع ، الامتحانات هي بس سبب التأخير .
ثانيا مش أنا اللي بساعد .. أتمني ربنا يجعلني سبب في تقديم المساعدة
إن شاء الله توصلي للي نفسك توصلي له


ان شاء الله ربنا يكرمك ويكرمنا
ويجعله ف ميزان حسناتك
وجزاك الله كل خير

موضوع جامد جدا واستفدت كتير
بس ممكن مذكرة نحو لما سبق كله ومذكرة ترجمة انجليزى ومذكرة ترجمة فرنساوى

أفلام وثائقية عن الفيزياء


وثائقي كامل ومترجم عن الكهرباء



(https://www.youtube.com/watch?v=9Dua_1GruxU)https://www.youtube.com/watch?v=9Dua_1GruxU


الكهرباء والمغناطيسية .. الدكتور مصطفى محمود




https://www.youtube.com/watch?v=M1Esdrf6BsI

مصطفى محمود الليزر الجزء1




https://www.youtube.com/watch?v=Zw2BHODZBjE

مصطفى محمود الليزر الجزء 2




https://www.youtube.com/watch?v=1M74imE2oc8


أسرار فيزياء الكم (1): كابوس أينشتين




https://www.youtube.com/watch?v=vMdyyugw3mE


أسرار فيزياء الكم (2): لتكن هناك حياة




https://www.youtube.com/watch?v=UiKQDGwPmN0

أفلام وثائقية عن الأحياء


DNA

https://www.youtube.com/watch?v=bIlVd5Ca8MQ (https://www.youtube.com/watch?v=bIlVd5Ca8MQ)


التكاثر عند الإنسان




(https://www.youtube.com/watch?v=mGGL-sr1q2Q)https://www.youtube.com/watch?v=mGGL-sr1q2Q



مذكرة نحو كاملة

http://www.thanwya.com/vb/showthread.php?t=249610

كلمات انجليزي

http://www.thanwya.com/vb/showthread.php?t=234845

مذكرة فرنساوي

http://www.thanwya.com/vb/showthread.php?t=543422

.
.
.

يُستكمل إن شاء الله

أفلام وثائقية عن الأحياء


dna

https://www.youtube.com/watch?v=bilvd5ca8mq (https://www.youtube.com/watch?v=bilvd5ca8mq)


التكاثر عند الإنسان




https://www.youtube.com/watch?v=mggl-sr1q2q



مذكرة نحو كاملة

http://www.thanwya.com/vb/showthread.php?t=249610

كلمات انجليزي

http://www.thanwya.com/vb/showthread.php?t=234845

مذكرة فرنساوي

http://www.thanwya.com/vb/showthread.php?t=543422

.
.
.

يُستكمل إن شاء الله






جزاك الله خيرا يادكتور
ربنا يجعله ف ميزان حسناتك:)

جزاكم الله خيرا وجعل الله هذا العمل فى ميزان حسناتكم

تعجز الكلمات ان تعبر عن مدى شكرى لهذا الجهد الرائع

عسى ان يرزقنا الله الهداية والتوفيق ان شاء الله

جزاك الله خيرا يادكتور
ربنا يجعله ف ميزان حسناتك:)
جزاني و إياكم خيرا
شكرا لمتابعتك الموضوع

جزاكم الله خيرا وجعل الله هذا العمل فى ميزان حسناتكم

تعجز الكلمات ان تعبر عن مدى شكرى لهذا الجهد الرائع

عسى ان يرزقنا الله الهداية والتوفيق ان شاء الله
شكرا لمرور حضرتك
أتمني إن أقدر أوفي للموضوع حقه إن شاء الله
جزاني وإيايكم خيرا

جزاني و إياكم خيرا
شكرا لمتابعتك الموضوع


انا متابعة حضرتك دايما
وموضوع جميل
واستمر حضرتك

جزاك الله خيرا يا دكتور محمد

انا متابعه للموضوع

وياريت لو في افلام وثائقيه للرياضه :d

جزاك الله خيرا يا دكتور محمد

انا متابعه للموضوع

وياريت لو في افلام وثائقيه للرياضه :d

جزاني و إياك خيرا
شكرا لمتابعتك الموضوع :)

أفلام وثائقية للرياضيات :d / فيه سلسلة اسمها The Story of Math
6 حلقات تقريبا بس معرفش بتتكلم عن رياضة 2 ولا لأ .. مسمعتهاش .. لو حضرتك عاوزاها ممكن أشوفها ليك ع اليوتيوب .

مع بداية الدروس

وأخص أول أسبوع ، هتلاقي من صحابك اللي هيعقد الدنيا ويقولك انا مش فاهم حاجة ، من أولها كدا .. انا حاسس ان الموضوع صعب ... النوع دا اسمع منه من هنا ومتحطش كلامه في تفكيرك لأنه إما حاجة من اتنين :
- إما مش فاهم فعلا ومتعقد و مش عاوز يحس انه لوحده في الشعور دا .
- او عاوز يعقدك في المنهج ( ودا الأكتر ) .
وفي الحالتين انت الخسران
خلي علاقتك مع النوع دا . إزيك إزيك وكفي .
بخصوص أصحابك : بلاش تتكلم مع حد فيهم بخصوص انك ذاكرت أو مذاكرتش أو فهمت أو مش فاهم عشام متخسروش بعض لأنه الغيرة بين الصحاب بيكون ليها عواقب سلبية كتير .. اتفق معاهم ( سواء تذاكروا أو ما تذاكروش ما بتنفعوش إلا نفسك ، وأنتوا مش هتخسر حاجة لو انتوا جبتوا مجموع عالي وأنا جبت مجموع عالي وتبقي نفس الصحبة في نفس الكلية ، أصلها مش حاجة واحدة بتتنافسوا عليها ) خلي علاقتك معاهم ترفيه بعيد عن هم المنهج والدراسة عشان أغلبهم بيحب يشيل همه هم اللي معاه .
بخصوص حلمك : نصيحة متقولش لحد عليه " خليه بينك وبين ربك " خليه حاجة في نفسك تدعي ربنا انه يحققها بعيدا عن كل الحقد اللي ممكن تقابله وكل الإحباط اللي ممكن تلاقيه لما تتكلم مع حد . اسعي له مع نفسك " استعينوا علي قضاء حوائجكم بالكتمان ، فإن كل ذي نعمة محسود " ولو حد سألك انت نفسك تبقي إيه ... يكفي أوي عبارة " نفسي أجيب حاجة تفرح أهلي أيا كانت "
بخصوص الدراسة نفسها : ابدأ فهم ، لو تبدأ كل يوم 3 ساعات يوميا بس في أول شهر دروس نبقي تمام أوي .. لو عاوز تزود دا من عندك ، بس 3 ساعات تكفي جداا ، متذاكرش أي حاجة ولا تحفظ أي حاجة قبل ما توصل في فهمها لــ 100 % عشان لما تحفظها يبقي ألميت بيها حفظاً وفهماً ، لو الفهم لم يسعفك ، أسعفك الحفظ .. ولو لم يسعفك الحفظ أسعفك الفهم .

.
.
.
يُستكمل إن شاء الله

مع بداية الدروس

وأخص أول أسبوع ، هتلاقي من صحابك اللي هيعقد الدنيا ويقولك انا مش فاهم حاجة ، من أولها كدا .. انا حاسس ان الموضوع صعب ... النوع دا اسمع منه من هنا ومتحطش كلامه في تفكيرك لأنه إما حاجة من اتنين :
- إما مش فاهم فعلا ومتعقد و مش عاوز يحس انه لوحده في الشعور دا .
- او عاوز يعقدك في المنهج ( ودا الأكتر ) .
وفي الحالتين انت الخسران
خلي علاقتك مع النوع دا . إزيك إزيك وكفي .
بخصوص أصحابك : بلاش تتكلم مع حد فيهم بخصوص انك ذاكرت أو مذاكرتش أو فهمت أو مش فاهم عشام متخسروش بعض لأنه الغيرة بين الصحاب بيكون ليها عواقب سلبية كتير .. اتفق معاهم ( سواء تذاكروا أو ما تذاكروش ما بتنفعوش إلا نفسك ، وأنتوا مش هتخسر حاجة لو انتوا جبتوا مجموع عالي وأنا جبت مجموع عالي وتبقي نفس الصحبة في نفس الكلية ، أصلها مش حاجة واحدة بتتنافسوا عليها ) خلي علاقتك معاهم ترفيه بعيد عن هم المنهج والدراسة عشان أغلبهم بيحب يشيل همه هم اللي معاه .
بخصوص حلمك : نصيحة متقولش لحد عليه " خليه بينك وبين ربك " خليه حاجة في نفسك تدعي ربنا انه يحققها بعيدا عن كل الحقد اللي ممكن تقابله وكل الإحباط اللي ممكن تلاقيه لما تتكلم مع حد . اسعي له مع نفسك " استعينوا علي قضاء حوائجكم بالكتمان ، فإن كل ذي نعمة محسود " ولو حد سألك انت نفسك تبقي إيه ... يكفي أوي عبارة " نفسي أجيب حاجة تفرح أهلي أيا كانت "
بخصوص الدراسة نفسها : ابدأ فهم ، لو تبدأ كل يوم 3 ساعات يوميا بس في أول شهر دروس نبقي تمام أوي .. لو عاوز تزود دا من عندك ، بس 3 ساعات تكفي جداا ، متذاكرش أي حاجة ولا تحفظ أي حاجة قبل ما توصل في فهمها لــ 100 % عشان لما تحفظها يبقي ألميت بيها حفظاً وفهماً ، لو الفهم لم يسعفك ، أسعفك الحفظ .. ولو لم يسعفك الحفظ أسعفك الفهم .

.
.
.
يُستكمل إن شاء الله




ما شاء الله يادكتور الموضوع اكثر من رائع والحمد لله الواحد بيستفاد
وربنا يخليك وتساعدنا دايما كده

أغلب المشاكل اللي هتقابلك في خلال السنة نفسها

( مشكلة الدروس ، تاخد درس عند مين )
كتير من الطلبة بيدوخ نفسه عند أكتر من عشر مدرسين ومش بيرسي علي واحد معين و في آخر السنة يلاقي نفسه مشتت ومش عارف يجمع من دا ولا من دا ، وفيه اللي بياخد في المادة أكتر من درس خصوصي وخصوصا الفيزيا اللي سجلت الرقم القياسي ف الدروس الخصوصية ـ عن شخصيات بتاخد 5 دروس خصوصية في مادة واحدة ، الدروس الكتير ملهاش أي لزمة ـ بالعكس الشيء ان زاد عن حده اتقلب لضده ، المدرس دا هيشرح بطريقة ودا هيشرح بطريقة وانت كطالب لسه بتسمع المعلومة لأول مرة هتوه بين الطريقتين وف الامتحان في الآخر انت مش هتستخدم غير طريقة واحدة .. درس واحد في كل مادة يكفي (( انت لو شاكك في قدراتك وشايف انك قدراتك العقلية ضعيفة )) تاخد أكتر من درس ...
اسأل الدفعات اللي قبلك في المنطقة الي انت فيها ، وحدد أحسن مدرس عليه إجماع وروح عنده ـ وسيبك من عبارة فيه طالب بيفهم م المدرس دا وطالب مبيفهمش منه ،، المدرس الحلو بيفهم كله .

............
( مشكلة درس مش فاهمه ومش عارف تحفظه )
ابدأه قراءة عناوين رئيسية الأول ، وافهم المضمون ولو هتجمع 10 % من الفهم اللي فيه ، وبعدها ابدأ اقرأ المحتوي بهدوء جدا ــ، قراءة عابرة _، واللي متفهمهوش عديه ، هتجمع 25 % من مضمون الفهم . الكلام دا تعمله قبل ما تنام بعد ما تخلص شغل اليوم .. وتاني يوم تبدأ فيه مذاكره هتلاقي ذاكرتك اتفتحت وبدأت تفهمه جدا وهتحصل فيه 95 % ، تيجي يومها بليل تقرأه قراءه عابرة كأنك بتفتكره كله مش هيستغرق ربع ساعة وهتلاقيك فهمته عن كل مرة فاتت وجبت 100 % .
..........
( مشكلة ملكش نفس تذاكر واستمر الموضوع معاك أسبوع فيما فوق )
بلاش تُحبط وتيأس ، السنة 9 أو 10 شهور .. يعني فيه وقت الحمد لله كتير جداا ـ ابدأ بس جدد نواياك واعرف انك بتعمل كدا وبتذاكر لهدف سامي ، أعلي حتي منك ، انك تفرح أحلك وترضي ربنا وتبقي قدوة للي بعدك إن شاء الله .. واستعيذ بالله من الشيطان الرجيم مع كل مرة يأزك الشيطان فيها ، وصدقني هترتاح .
...........
( مشكلة زهقت وتيجي زي ما تيجي بقي )
أهم حاجة انك متمشيش طول السنة بروتين ثابت ـ يعني هنا تبدأ تغير روتين مذاكرتك ، لو انت متعود تصحي الفجر عشان تذاكر ، غير روتيك بحيث يبقي انك تسهر لحد الفجر وتصليه وتنام ، لو متعود تذاكر في الحتة المعينة دي .. غيرها ، لو متعود تكتب في كشكول معين تسميعك ـ غيره .. غير كل روتين يومك ، و قبل ما تبدأ مذاكرة صل ركعتين لله .. وابدأ باسم الله و إن شاء الله هتبقي كويسة .
..........
( مشكلة وهم إنك محسود ومش عارف تذاكر )
الحسد موجود في القرآن ، بس الوهم موجود في تفكيرك ، الحسد ميأثرش علي قدراتك العقلية بس يأثر علي حالتك النفسية ـ هتبدأ تروح لشيوخ زي ما بيحصل كتير .. وخليني أقولك حاجة بس / مفيش حد قريب من ربنا وبيقرأ المعوذتين كل يوم وبيتحسد ، فعشان تحصن نفسك م الوهم دا ... صل كل يوم واقرأ المعوذتين ومتنساش تصل الفجر :) .
..........
( مشكلة تنظيم المنهج )
اشتري ليك كشكول 200 ورقة ـ، قسمه علي حسب المواد اللي عندك ، جزء عربي و جزء فيزيا وهكذا .. دا متروحش بيه دروس ولا توريه لحد ... طول السنة الحاجة الصعبة اللي هتقابلك مثلا في العربي .. اكتبها ، مسألة صعبة في الفيزيا .. اكتبها ، وهكذا .. عشان آخر السنة تلم الحاجات الصعبة اللي في كل مادة بدون ما تلف الملخصات اللي انت حليتها تاني .
........
( إزاي تذاكر انجليزي )
احفظ كلمات + حل كتير جداااااااا + افهم قواعد
الكلمات الصعبة بس علم عليها بقلم فسفور ـ عشان في المراجعة في آخر السنة مش هتلحق تراجع كل الكلمات فتراجع الكلمات اللي انت معلم عليها وهتكون حافظها إن شاء الله بش هتراجع عليها مراجعة خفيفة .
.......
( الصحاب )
متمشيش مع حد بيشيلك الهم ، تخلص من كل الشخصيات السلبية ف حياتك ، وانسي كل شخصية سلبية انت عرفتها ، أو حياة سلبية انت عشتها ، ابدأ من جديد .. اوعي تتخابث ع حد عشان الكذب حرام ، و متسمعش لحد يقولك أنا ذاكرت ومذاكرتش لأنك مش هتستفاد حاجة ، انت عاوز تطلع دكتور ( كُن دكتور بأخلاقك و بشخصيتك وسلوكك قبل ما تكونه بمجموعك ) - انت عاوز تبقي مهندس ( كن مهندس بشخصيتك و سلوكك قبل ما تكونه بمجموعك ) .
......
( تنظيم الوقت )
انت لو بدأت في أول شهر دراسة بمعدل 4 ساعات بس يوميا .
وتاني شهر 5 ساعات بس يوميا .
ومن التالت : السادس بمعدل 6 ساعات بس يوميا .
ومن السادس : الثامن بمعدل 7 ساعات يوميا .
و آخر شهرين بمعدل 9 أو 10 ساعات .. أوعدك إن شاء الله هترتب علي المدرسة
صدقني ونصيحة .. أنا أعرف ناس بدأت بمعدل 11 ساعات وتعبت في نص السنة وكان صعب جداااا تقوم نفسها تاني ، كدا انت أخذتها بالتدريج ومتعبتش نفسك واستمتعت بالسنة بجانب المذاكرة .


.
.
.

كدا تقريبا أنا خلصت كل اللي أقدر أقوله
إن شاء الله ربنا يوفقكم وتحققوا كل اللي نفسكوا فيه
أنا حبيت أفيد ، والله من وراء القصد والسبيل
نهاية /
- بعتذر لو غلط في حق حد من غير ما أقصد ، أتمني يسامحني .
- سعيد إني عرفت ناس هنا ع المنتدي من أكتر الشخصيات المحترمة اللي عرفتها .
- وأشكر كل اللي تابع الموضوع معايا .


أنا كنت عامل العضوية مخصوص عشان أعمل الموضوع دا ـ بس اللي كان مانعني دوشة الدراسة ، كدا الحمد لله خلص ، دعــــواتكم بالتوفيق ..

أســـتـــــــودعكم الله

ربنا ينجحك ويكرمك ويجعلك من الاوائل علي طول يا دكتور نور

ربنا يكرمك يا دكتور بس خلي حضرتك متابع معانا عشان لو مشكله ولا حاجه واجهتنا اثناء الدراسه نلاقي اللي يوجهنا
وشكرا لحضرتك على الموضوع الاكثر من رائع ده
جزاك الله خيرا عنا

ربنا يكرمك يادكتور
هى دى فعلا المشاكل اللى بتقابلنا

بجد نصايح جميله جدا
شكرا لحضرتك جدااااا
بس سؤال لو سمحت ممكن تشرح طريقه مذاكه الاحياء لانى فى تانيه ثانوى اخد عند مدرس كرهنى فيها خالص ومش كنت بذاكرها كويس وانا مش بعرف ارسم الرسمات والمدرس مش كان بيعملنا ازاى نرسمها
ممكن حضرتك تقولى اعمل ايه
وجزاك الله كل خير

أولا : الأحياء في تانية ثانوي مش مرتبطة خالص بأحياء 3
ثانيا :
أحياء 3 ثانوي عبارة عن ( دعامة + تكاثر + وراثة + dna )

المنهج نفسه صغير ، و مش صعب لو فهمتيه و حليت عليه كتير .

فيه دروس عاوزة تتحفظ وتتفهم عن ظهر قلب زي ال dna و التكاثر .

الوراثة كتر الحل هتبقي كويسة معاك إن شاء الله + حفظ التعريفات

لو مشكلة مدرس ، ممكن تغيريه وتروحي عند مدرس تاني ، .. إنما المادة نفسها مفهاش حاجة وسهلة بالعكس دي من المواد المضمونة في الإمتحانات .

ممكن تقسمي مذاكرة الدرس الواحد علي أسبوع هتخلصي المنهج كله في خلال 6 شهور تقريبا مذاكرة وحل .
تفهمي الدرس و تحفظيه ( من متطلبات التعليم المصري ) عن ظهر قلب علي أجزاء و مراحل وتحلي عليه ..

أتمني أكون أفدتك

ممكن حضرتك
بعد كده
ف المرة الجاية تنزلنا طريقة مذاكرة كل مادة
واحسن الملخصات والمراجعات

شكرا لحضرتك جداا
طيب الاحياء اجيب ملخصات ايه ليها
بحيث يكون شرحها حلو وفيها اسئله كتير

جزاك الله كل خير والله استفدت كتيييييييييييير واصل ارجوك ولا تتركنا

ممكن حضرتك
بعد كده
ف المرة الجاية تنزلنا طريقة مذاكرة كل مادة
واحسن الملخصات والمراجعات
حاضر إن شاء الله في مشاركات جاية

بعتذر للتأخير .. بسبب الامتحانات

إن شاء الله أبدأ في أقرب فرصة

شكرا لمتابعة حضرتك

شكرا لحضرتك جداا
طيب الاحياء اجيب ملخصات ايه ليها
بحيث يكون شرحها حلو وفيها اسئله كتير
الشكر لله
الأحياء شرح : الامتحان ( بلا نقاش ) .
الأحياء حل : ملخص الفايز ( ممتاز جداااا و كافي ) .

بعتذر للتأخير بسبب الامتحانات .

جزاك الله كل خير والله استفدت كتيييييييييييير واصل ارجوك ولا تتركنا

جزانا وإياكم خيرا

شكرا جدا ليك ولمرورك و كلامك .

الحمد لله أولا و آخرا إن حضرتك استفدت من الكلام .

إن شاء الله أكمل حاضر .

الشكر لله
الأحياء شرح : الامتحان ( بلا نقاش ) .
الأحياء حل : ملخص الفايز ( ممتاز جداااا و كافي ) .

بعتذر للتأخير بسبب الامتحانات .

تماام شكرا لحضرتك
بس ملخص الفيز ده هلقيه فى المكتبات اول مره اسمع الاسم ده سمعت عن
النفيس وكشكول الاول بس انشاء الله ادور على ملخص الفايز ده
وسؤال معلهش هو المخلص ده بيبقى فيه اجابات ورا علشان اتاكد من الحل بتاعى
وكماان معلهش
انا هاخد اتنين فيزيا والمدرسين بيدوا مذكرات كتيير وكده واسئله كتير
اجيب كذا ملخص معاهم ولا اعمل ايه

تماام شكرا لحضرتك
بس ملخص الفيز ده هلقيه فى المكتبات اول مره اسمع الاسم ده سمعت عن
النفيس وكشكول الاول بس انشاء الله ادور على ملخص الفايز ده
وسؤال معلهش هو المخلص ده بيبقى فيه اجابات ورا علشان اتاكد من الحل بتاعى
وكماان معلهش
انا هاخد اتنين فيزيا والمدرسين بيدوا مذكرات كتيير وكده واسئله كتير
اجيب كذا ملخص معاهم ولا اعمل ايه
ملخص الفايز بينزل في المكتبات الكبيرة مش المحلات اللي بتبيع كتب الدراسة بالمرة .
من تجربة شخصية :
- فيه أسئلة كتاب المدرسة كاملة .
- أسئلة ملخص الامتحان كاملة .
- أصعب أسئلة وأكتر أسئلة ممكن تلاقيها فيها أفكار في منهج الأحياء .
- شامل حل علي كل المعلومات كبيرة وصغيرة .
- بيقيس مستوي فهم .
- في الوراثة أذكي من المدرسين نفسهم ، أسئلة ملخص الامتحان طلبة 3 إعدادي يحلوها ف الوراثة .
وفيه جزء خاص بالإجابات ...
ـــــــــــــــــــــــ
حلي معاهم ف الملخصات اللي بيستخدموها ..
وهاتي ملخص تاني لو فيه ( وعاوزة تحلي أكتر ) كنوع من الإجتهاد الشخصي ليك بعيد عن الدروس ( ودا أفضل ) .

ملخص الفايز بينزل في المكتبات الكبيرة مش المحلات اللي بتبيع كتب الدراسة بالمرة .
من تجربة شخصية :
- فيه أسئلة كتاب المدرسة كاملة .
- أسئلة ملخص الامتحان كاملة .
- أصعب أسئلة وأكتر أسئلة ممكن تلاقيها فيها أفكار في منهج الأحياء .
- شامل حل علي كل المعلومات كبيرة وصغيرة .
- بيقيس مستوي فهم .
- في الوراثة أذكي من المدرسين نفسهم ، أسئلة ملخص الامتحان طلبة 3 إعدادي يحلوها ف الوراثة .
وفيه جزء خاص بالإجابات ...
ـــــــــــــــــــــــ
حلي معاهم ف الملخصات اللي بيستخدموها ..
وهاتي ملخص تاني لو فيه ( وعاوزة تحلي أكتر ) كنوع من الإجتهاد الشخصي ليك بعيد عن الدروس ( ودا أفضل ) .
بشكر حضرتك جداااا
جزاك الله كل خير ان شاء الله هحاول اجيبه
ليا سؤال بعد اذن حضرتك
المدرسين مش بيستخدموا ملخصات مذكرات بس
لو عاوزه اجيب ملخصات ايه واجيب كام واحد جمب المذكرات بتاعت المدرسين
وعندى مشكله فى حفظ الانجلش بقعد كتير علشان احفظ كلمات انجلش وبعد فتره بنساها
اعمل ايه
انا عارفه ان تعبت حضرتك :rolleyes:

بشكر حضرتك جداااا
جزاك الله كل خير ان شاء الله هحاول اجيبه
ليا سؤال بعد اذن حضرتك
المدرسين مش بيستخدموا ملخصات مذكرات بس
لو عاوزه اجيب ملخصات ايه واجيب كام واحد جمب المذكرات بتاعت المدرسين
وعندى مشكله فى حفظ الانجلش بقعد كتير علشان احفظ كلمات انجلش وبعد فتره بنساها
اعمل ايه
انا عارفه ان تعبت حضرتك :rolleyes:
ملخصات الفيزياء في الحل : الامتحان و الوسام + المراجعة النهائية في الاتنين . ( وأعتقد دول يكفوا ) .

طريقة حفظ الانجليزي :
- إما كتابة يعني تخصصي كشكول لحفظ الانجليزي ، تكتبي كل كلمة أكتر من مرة لحد ما تتحفظ نطقاً و كتابة .
- و إما نطقاً بس وتكرار الكلمة أكتر من مرة لوقت كافي بحيث تتحفظ وعينك ع الكلمة نفسها عشان تتحفظ Spelling بجانب النطق .
- و إما تجمعي بين الاتنين نطقاً ، و Spelling بصوت تسمعه أذنك عشان تشغلي كل مراكز الإدارك ( النظر - السمع - النطق ) ولو تخدمي الموضوع بالحركة الخفيفة أثناء الحفظ عشان تنشطِ الدورة الدموية .

الطريقة اللي تستريحي ليها اعمليها

وبخصوص نسيانه :
- الكلمات اللي تحسي انها ممكن تتنسي علمي عليها بقلم فسفور .
- استخدمي كل الكلمات اللي عندك والكلماات اللي انت حاسة انها ممكن تتنسي في البراجرافات اللي بتتكتبيها يعني كأنك بتألفي جملة مخصوص في الكلمة الصعبة دي عشان تستخدميها أكتر من مرة وتتحفظ .
- حلي تراجم كتير ، و عادي لما تبدأي تحلي في تراجم الامتحانات من أول السنة هيزيدك ملعومات وكلمات .


لا تعب ولا حاجة ،، أنا تحت أمرك

الشكر لله

ملخصات الفيزياء في الحل : الامتحان و الوسام + المراجعة النهائية في الاتنين . ( وأعتقد دول يكفوا ) .

طريقة حفظ الانجليزي :
- إما كتابة يعني تخصصي كشكول لحفظ الانجليزي ، تكتبي كل كلمة أكتر من مرة لحد ما تتحفظ نطقاً و كتابة .
- و إما نطقاً بس وتكرار الكلمة أكتر من مرة لوقت كافي بحيث تتحفظ وعينك ع الكلمة نفسها عشان تتحفظ Spelling بجانب النطق .
- و إما تجمعي بين الاتنين نطقاً ، و Spelling بصوت تسمعه أذنك عشان تشغلي كل مراكز الإدارك ( النظر - السمع - النطق ) ولو تخدمي الموضوع بالحركة الخفيفة أثناء الحفظ عشان تنشطِ الدورة الدموية .

الطريقة اللي تستريحي ليها اعمليها

وبخصوص نسيانه :
- الكلمات اللي تحسي انها ممكن تتنسي علمي عليها بقلم فسفور .
- استخدمي كل الكلمات اللي عندك والكلماات اللي انت حاسة انها ممكن تتنسي في البراجرافات اللي بتتكتبيها يعني كأنك بتألفي جملة مخصوص في الكلمة الصعبة دي عشان تستخدميها أكتر من مرة وتتحفظ .
- حلي تراجم كتير ، و عادي لما تبدأي تحلي في تراجم الامتحانات من أول السنة هيزيدك ملعومات وكلمات .


لا تعب ولا حاجة ،، أنا تحت أمرك

الشكر لله
شكرا على هذه النصائح استفد كتيرا جدا منها
ادعنا ربنا يوفقنا السنه الجايه
جزاك الله كل خير
انا متابعه حضرتك ومنتظرين المزيد :022yb4::rolleyes:

اللغة العربية

العربي من أتقل المواد في 3 ثانوي و من أكتر المواد محتاج مذاكرة ومراجعة أول بأول ، أكتر مادة تجيب فيها درجات بسهولة ـ والمادة الوحيدة اللي بتكون نسبة تقفيلها علي الجمهورية قليلة للأسباب التالية :

- بعض المصححين بيروا قصور الطالب في انه يكتب موضوع تعبير مفهوش غلطة حتي لو فعلا الموضوع مدعم بأبيات و آيات قرآنية .
- بعض المصححين بينقصوا في شرح النصوص مع إن الشرح بيكون وافي كافي المعني اللي في الأبيات .
- بعضهم بيتلكك في تصحيح الإيحاءات في المظاهر الجمالية بمعني لو كتبت توحي بالخوف يقولك غلط ، توحي بالإضطراب .

إنما إمتحان العربي كامتحان بيجي سهل وحلو مفهوش حاجة .
أنا مش بقولك المقدمة دي عشان أعقدك منه في البداية ، بل عشان أعرفك نبذة عن المادة نفسها ، مش مستحيل تقفلها (( أقسم بالله العظيم سهل جداا تتقفل وتجيب فيها 80 من 80 )) ومش هتدي فرصة لأي مصحح يوقعك في حاجة إن شاء الله وهنقول إزاي دلوقتي :) :)

فروع العربي

( أدب - قراءة - نصوص - قصة - نحو - بلاغة )
- الأدب
فرع كويس ، بس بعض الطلبة بيستصعبوه عشان حفظ ومش مفهوم مع إنك لو فهمته كمدارس وشعراء عملوا ايه و اتجمعوا ليه و إيه المواضيع اللي اتكلموا عنها كأنها حكاية كدا مع شوية حفظ هتستمتع بيه ، درجاته مضمونة إن شاء الله في الامتحان لأنه معتمد علي حفظك له ، وهو فرع صغير .

- القراءة
قبل ما تبدأ فيها حفظ وفهم و الكلام دا ، عاوز أقولك انك لو مفتحتهاش طول السنة وجيب قرأتها كلها في اليوم اللي قبل الامتحان هتحلها كلها ومش هتغلط بجد والله مش بهزر ، مش بقولك كدا عشان تأهملها ، لكن عشان تشيل الخوف والضغط من ناحيتها ، درجاتها مضمونة جداا إن شاء الله لو انت حافظها كويس وفاهمها كويس .

- النصوص
النصوص عبارة عن معاني + مظاهر جمالية + تعليق علي النص
علم بقلم فسفور علي المعاني اللي تحس انها ممكن تتنسي ، و المظاهر الجمالية الشاذة بس هي اللي تحفظها ، زي مثلا العطف بين كذا و كذا يوحي بالمفارقة أو التنوع أو .... .
و علم بالقلم علي الإيحاءات المختلفة اللي تحس انك متعرفش تجيبها بتفكيرك ، و الباقي اقرأه و افهمه و احفظه بس متضيعش عليه وقتك .
الأسئلة العامة
مهمة جداا جداا ، ومشتقة من الأدب + بعض الإضافات الخاصة بالنص نفسه ، هتتفهم كويس و تتحفظ و بعد فترة هتنساها ( مش مشكلة في المراجعات هتفتكرها والله ) .
شرح النصوص
فيه طلبة بيحفظوه ، أنا من رأيي ( ليه تحفظوا !! ) ما انت ممكن تكتب زييه و أحسن منه أو تعبر بأسلوبك أفضل من كدا .. انت لو شايف فيك طاقة ومش عارف توديها فين ، احفظ الشرح بعد ما تخلص كل حاجة طبعاً .

- القصة
الحزء الأول تافه وبنسبة 90 % بيجيب فصل من الجزء الأول و فصل من الجزء التاني ، بس انت لازم تغطي كل الاحتمالات ، اتعامل معاها في الأول كرواية أو قصة بتقرأها عشان كدا بشجع انك تقرأها في الأجازة علي رواقة عشان تفهمها من كتاب الوزارة ، اسئلتها في الامتحان حلوة ومفيهاش لف ، وسهلة في الفهم ( رغم ان موضوعها كرواية مش هادف بالمرة :rolleyes: ) . احفظ بس الأسئلة اللي تحتاج حفظ ، زي أسماء الكتب اللي كان أخوه بيذاكرها ، خصائص اللي كان اسمه الشنقيطي دا ، وهكذا ..... ، واستخدم قلم فسفور معاها برده عشان الموضوع دا هيسهل معاك في المراجعة كتير ، متضيعش وقتك في حفظ حاجة انت ممكن تكتبها كاملة بأسلوبك .

- النحو
دا اللي هتطلع بيه من العربي كله ، مفيش حاجة اسمها مبحبش النحو ، مش فاهمه ، عندي عقدة منه ، إزاي تقول أنك متعقد من كذا من غير ما تخوض التجربة وتجازف ، انت أنكرت كل قدراتك ووضعت ثقتك بالله وبنفسك في الأرض مع الجملة دي ، النحو هو فهم الجملة مش أكتر ،مفيهوش ذرة حفظ وبجد أكتر فرع ممتع في العربي ، افهم الجملة معناً ، وانت هتعرف تفرق بين الفاعل والمفعول ، التمييز والمضاف إليه ، المفعول المطلق والمفعول لأجله ....
فيه فيديوهات شرح نحو ، كانت بتيجي علي قناة الرحمة هكتب الرابط بتاعها في نهاية المشاركة اللي عاوز يفهمه في الأجازة .

- البلاغة
هي والنصوص بيخدموا بعض ، سهلة إن شاء الله و أسئلتها مضمونة في الإمتحان ، لكن محتاجة حل كتير .



تذاكر العربي منين

من ملخص الأضواء ، لو لم يتوفر مذكرة مدرس مضمونة و و افية ، ضروري تحل كتير خصوصا في البلاغة والنحو و الأدب ، الحل بيثبت المعلومة ( الحل من ملخص الامتحان منظم )
مش مشكلة لما تذاكر الدرس أكتر من مرة عشان يثبت ، أساسا مينفعش تقول أنا خلاص الدرس بقيت تمام فيه قبل ما تذاكره علي الأقل 3 مرات ، فيه كل مرة نظرتك ليه بتتطور عن النظرة الأولي .
نصيحة // في النصوص لما تخلص نص مذاكرة وتدخل في النص اللي بعده ، هات النص كله مراجعة قبل ما تبدأ في الجديد ، وهكذا وبجد هتبقي ممتاز لو بعد ما تخلص التاني ، تراجع الاتنين كمان مرة قبل ما تبدأ في التالت .
ضروري جدا تحل أسئلة كتاب المدرسة سواء في القصة أو في الفروع التانية ، فيها أسئلة مش مكتوبة في الملخصات و أسئلة كويسة .

تعمد إنك تحفظ شعر ، يعني بيت يعجبك تحفظه وانت بتحل بلاغه ، أو آية قرآنية .. هتفيدك في التعبير وحتي لو مكنش موضوع التعبير بيتكلم عنها ، هتفتح مخك لأفكار وتوسع إدراكك .

بعتذر علي الإطالة ـ فقط أريد أن أعطي للموضوع حقه

دروس النحو
https://www.youtube.com/playlist?list=PLFDklgwelfCpFCoWPMLXoaCfgNspb6396

.
.
.
يُستكمل إن شاء الله

جزاك الله كل خير
منتظرين المزيد

جزاك الله كل خير
منتظرين المزيد


شكرا لمرورك
إن شاء الله هبقي أكتب المواد التانية ؛ ول فيه عند حضرتك اقتراح او سؤال يتفضل يسأل .

موضوع اكثر من راااااااااااااائع منتظرين
باقى المواد
وجزاك الله خيرا

موضوع اكثر من راااااااااااااائع منتظرين
باقى المواد
وجزاك الله خيرا
شكرا لمتابعتك الموضوع

جزاني وإياكم خيرا :)

شكرا لمتابعتك الموضوع

جزاني وإياكم خيرا :)

بس حضرتك احنا منهج العربى كل سنه بيتغير واحنا اول دفعة بتاخد المنهج الجديد
ومش بنلاقى غير ملخص الاضواء والرسالة ف العربى
واكيد مش هنعرف نظام الامتحان هيكون ايه

بس حضرتك احنا منهج العربى كل سنه بيتغير واحنا اول دفعة بتاخد المنهج الجديد
ومش بنلاقى غير ملخص الاضواء والرسالة ف العربى
واكيد مش هنعرف نظام الامتحان هيكون ايه
منهج العربي مهما اتغير ، نفس فروعه هي هي مش هتتغير
والنحو و البلاغة هما هما مش هيتغيروا
و الأضواء : بينزل شرح و أسئلة أكتر من الإمتحان
بس الامتحان منظم في الأسئلة عن الأضواء
أنا مش عارف نظام الرسالة إيه ، مجربتوش ..
بس لو كدا و اتغير و الامتحان منزلش كتاب ، يبقي الأضواء و الرسالة ( لو عاوزة تشتريه ) .

جزاك الله خيرا يادكتور انا استفدت من موضوع حضرتك بس عندي سؤال بخصوص الانجليزي انا عندي له مصادر كتيرة في المهارات زي الترجمة والمواقف وكلمات ومذكرات كتيرة في شرحهم وعايز اجمعهم في مصدر واحد اعمل اية يا دكتور انا محتاج رد حضرتك عشان اجمعهم في الاجازةو شكرا مرة تانية

منهج العربي مهما اتغير ، نفس فروعه هي هي مش هتتغير
والنحو و البلاغة هما هما مش هيتغيروا
و الأضواء : بينزل شرح و أسئلة أكتر من الإمتحان
بس الامتحان منظم في الأسئلة عن الأضواء
أنا مش عارف نظام الرسالة إيه ، مجربتوش ..
بس لو كدا و اتغير و الامتحان منزلش كتاب ، يبقي الأضواء و الرسالة ( لو عاوزة تشتريه ) .

هو النحو والبلاغة ثابتين
بس باقى الفروع هتتغير

الله عليك يا دكتور
موضوع بجد جامد جدا
اتمني اني حضرتك تكمل في الموضوع

جزاك الله خيرا يادكتور انا استفدت من موضوع حضرتك بس عندي سؤال بخصوص الانجليزي انا عندي له مصادر كتيرة في المهارات زي الترجمة والمواقف وكلمات ومذكرات كتيرة في شرحهم وعايز اجمعهم في مصدر واحد اعمل اية يا دكتور انا محتاج رد حضرتك عشان اجمعهم في الاجازةو شكرا مرة تانية
جزانا و إياكم خيرا إن شاء الله
لو تعرف تجمعهم في مصدر واحد يبقي كويس جدااا
أنا أعرف ناس جمعتها في كشكول كبير ، ومتقسم كذا Unit وكل Unit فيها كلمات ( ملخص كذا وبعدين كلمات مذكرة كذا - المختلف بس متكتبهاش تاني كلها - و كلمات الترجمة في ال Unit دي )
و القواعد لو هتعرف تكتبها كلها بدون ما تسبيب أو تنسي حاجة ـ، مفيش مشكلة
فكرة حلوة ، بس عاوزة وقت وعزيمة
وحاجة زي كدا لو عملتها في الآجازة كأنك قرأت كلمات الانجليزي كلها و كتبتها و قرأت القواعد كلها وفهمت معظمها
إن شاء الله تقدر تعملها .

هو النحو والبلاغة ثابتين
بس باقى الفروع هتتغير
لو حضرتك عاوزة تحضري في الأجازة للعربي ، أنا قلت تحضري وتفهمي النحو ، مقلتش تذاكري الأدب أو الفروع التانية ...
وحتي إن اتغير
إن شاء الله مش مشكلة .

الله عليك يا دكتور
موضوع بجد جامد جدا
اتمني اني حضرتك تكمل في الموضوع

ربنا يخليك
شكرا لمرورك
إن شاء الله أكمل فيه باقي المواد التانية

جزاك الله خير يادكتور
كملنا باقى المواد
وقلنا السلبيات والايجابيات اللى هتقابلنا ف السنة دى
والحجات اللى الناس وقعت فيها عشان منقعش فيها

طب والكلمات اللي برة المنهج والمواقف والشخصيات اجمعها بردوه ولا اية راي حضرتك وجزاك الله خيرا على جوابك

يا دكتور بالنسبة للبراجراف انا بعمله على هيئة فقرة واحدة ولا اقسمه عدة فقرات انا محتا ر لان مدرسين قالوا كدة وناس قالوا الطريقة التانية ولا هي مبتفرقش واكتب اد اية تقريبا وجزاك الله خيرا
:022yb4::022yb4::022yb4::022yb4::022yb4:

طب والكلمات اللي برة المنهج والمواقف والشخصيات اجمعها بردوه ولا اية راي حضرتك وجزاك الله خيرا على جوابك

جمع اللي تقدر عليه
انت لو قدامك كلمات جديدة غريبة متبخلش تكتبها لأنك مش هتخسر حاجة لو كتبتها ، لكن ممكن تخسر لو مكتبتهاش

شكرا ليك

يا دكتور بالنسبة للبراجراف انا بعمله على هيئة فقرة واحدة ولا اقسمه عدة فقرات انا محتا ر لان مدرسين قالوا كدة وناس قالوا الطريقة التانية ولا هي مبتفرقش واكتب اد اية تقريبا وجزاك الله خيرا
:022yb4::022yb4::022yb4::022yb4::022yb4:
قسمه كذا فقرة ، الروايات الأجنبية و المقالات وتلاحظها في الدروس عندكم و قصة الانجليزي ( 3 فقرات تقريبا كل فقرة أكتر من 5 سطور ) ولو عاوز تزود طول السنة مع نفسك كنوع من التدريب ليك .. زود عن 3 فقرات براحتك
لكن في الامتحان آخر السنة تحري الدقة جدا ومزودش أوي لأنك كل ما تزود أوي كل ما تزداد نسبة خطأك

الفيزياء

تعريف بالمحتوي الدراسي :

الكهربية و المغناطيسية + الحديثة
طول السنة هتحس ان الكهربية والمغناطيسية طويلة جدا ومبتخلصش ، لكن في آخر السنة هتحس انها تافهة جدا بعد ما تخلص حل الملخصات عليها و أذكر كلمة انا قلتها لمدرس الفيزيا في آخر حصة " الكهربية عبارة عن فكرة واحدة وعمال يلف ويدور حواليها " مرة يقولك شدة التيار وفرق الجهد ويدخلك في المجال المغناطيسي ويدخلك منه للحث الذاتي والمتبادل وتطبيقاتهم لكنها ممتعة جدا ومفيدة إن شاء الله .
الحديثة عاوزة إما فهم قوي جدا لكل كلمة مكتوبة أو ( حفظ واللي بيعتمد فيها علي الحفظ بس هيكرهها لأنه هينساها ) .. لكن كل التطبيقات الحديثة التكنولوجيا كلها بدءاً من ميكانيكا الكم إلي النسبية ، بتغير نظرتك لطبيعة الكون وطبيعة الموجات وبتفتح ذهنك للتفكير وبجد أكتر فرع يتحب في الفيزياء ( من وجهة نظر شخصية ) .

مشكلة الفيزياء :

عاوزة حل طول السنة حتي وإن خلصت الدرس وانتقلت لدرس جديد لازم تحل علي اللي فات برده وترتب أفكارك وقوانينك .

إزاي تذاكر الفيزياء :

عاوزك تعرف ان مذاكرة الفيزياء ملهاش علاقة إطلاقاً بالحل ، يعني ممكن تعتمد علي مذاكرتك بس وتحفظ الدرس عن ظهر قلب ومتعرفش تحل خالص ..
حل كتير جداا ، ممكن تحل حتي قبل ما تحفظ النظري أو التعريفات بس تكون فاهمها .. اعرف واحد كان بيحل بس طول السنة بس حل ملخصات كتير ومن الحل حفظ النظري وجاب ف الفيزياء 49.5 من 50 ..
تذاكرها منين :


ملخص الامتحان ( أو مذكرة مدرس ) في الكهربية والمغناطيسية .
كتاب الوزارة ( في الحديثة ) .
حل ( ملخص الامتحان كامل + الوسام + المراجعة النهائية في الاتنين + أي ملخص انت عاوزه فوق دول ) .
احرص علي انك تسمع فيديوهات شرح قناة الرحمة للدرس قبل ما تذاكره بيوم .
خصص كل يوم علي الأقل 2 حل فيزيا طول السنة و في آخر 3 شهور يبقوا 4 ساعات لأنك هتحل علي المنهج كامل .




فيزياء قناة الرحمة
https://www.youtube.com/watch?v=o52K42wYo1I&list=PLm56ElhJLoYhEDdlRx1CnG4C6u6eDMo50 (https://www.youtube.com/watch?v=o52K42wYo1I&list=PLm56ElhJLoYhEDdlRx1CnG4C6u6eDMo50)
.
.
.

يُستكمل إن شاء الله

شكرااااااااااااااااا جدا يادكتور
منتظرين حضرتك ف باقى المواد

شكرا كتييييييييييييييييييير يا دكتور عالرد جمعنا الله واياكم في الجنة مع الحبيب المصطفى

الفيزياء
تعريف بالمحتوي الدراسي :
الكهربية و المغناطيسية + الحديثة
طول السنة هتحس ان الكهربية والمغناطيسية طويلة جدا ومبتخلصش ، لكن في آخر السنة هتحس انها تافهة جدا بعد ما تخلص حل الملخصات عليها و أذكر كلمة انا قلتها لمدرس الفيزيا في آخر حصة " الكهربية عبارة عن فكرة واحدة وعمال يلف ويدور حواليها " مرة يقولك شدة التيار وفرق الجهد ويدخلك في المجال المغناطيسي ويدخلك منه للحث الذاتي والمتبادل وتطبيقاتهم لكنها ممتعة جدا ومفيدة إن شاء الله .
الحديثة عاوزة إما فهم قوي جدا لكل كلمة مكتوبة أو ( حفظ واللي بيعتمد فيها علي الحفظ بس هيكرهها لأنه هينساها ) .. لكن كل التطبيقات الحديثة التكنولوجيا كلها بدءاً من ميكانيكا الكم إلي النسبية ، بتغير نظرتك لطبيعة الكون وطبيعة الموجات وبتفتح ذهنك للتفكير وبجد أكتر فرع يتحب في الفيزياء ( من وجهة نظر شخصية ) .
مشكلة الفيزياء :
عاوزة حل طول السنة حتي وإن خلصت الدرس وانتقلت لدرس جديد لازم تحل علي اللي فات برده وترتب أفكارك وقوانينك .
إزاي تذاكر الفيزياء :
عاوزك تعرف ان مذاكرة الفيزياء ملهاش علاقة إطلاقاً بالحل ، يعني ممكن تعتمد علي مذاكرتك بس وتحفظ الدرس عن ظهر قلب ومتعرفش تحل خالص ..
حل كتير جداا ، ممكن تحل حتي قبل ما تحفظ النظري أو التعريفات بس تكون فاهمها .. اعرف واحد كان بيحل بس طول السنة بس حل ملخصات كتير ومن الحل حفظ النظري وجاب ف الفيزياء 49.5 من 50 ..
تذاكرها منين :
ملخص الامتحان ( أو مذكرة مدرس ) في الكهربية والمغناطيسية .
كتاب الوزارة ( في الحديثة ) .
حل ( ملخص الامتحان كامل + الوسام + المراجعة النهائية في الاتنين + أي ملخص انت عاوزه فوق دول ) .
احرص علي انك تسمع فيديوهات شرح قناة الرحمة للدرس قبل ما تذاكره بيوم .
خصص كل يوم علي الأقل 2 حل فيزيا طول السنة و في آخر 3 شهور يبقوا 4 ساعات لأنك هتحل علي المنهج كامل .
فيزياء قناة الرحمة
https://www.youtube.com/watch?v=o52k42wyo1i&list=plm56elhjloyheddlrx1cng4c6u6edmo50 (https://www.youtube.com/watch?v=o52k42wyo1i&list=plm56elhjloyheddlrx1cng4c6u6edmo50)
.
.
.
يُستكمل إن شاء الله


شكرا كتير لحضرتك يا دكتور
وما زلنا منتظرين حضرتك

معلش سؤال يا دكتور
هو منهج الرياضة 2
هيتغير ولا ثابت خصوصا 2016

الأحياء / الجيلوجيا / كيمياء / الماني

احفظ ، احفظ ، احفظ .... لاتفهم

عشان بس البلد دي ماشية كدا و لو حاولت تفهم محدش هيفهمك زي ما انت عاوز تفهم ولو عاوز تفهم أووووي المدة قصيرة جداا للفهم العالي للموضوع وفهمك الصغير للموضوع هيستهون بيه كل الناس
فاقنع كل الناس واحفظ المنهج 100 أو 150 صفحة هياخدوا منك 3 أو 4 أسابيع
ومبرروووك بقيت دكتور
وأمة لا إله إلا الله بتحترمك عشان ال 99 % اللي جبتها مش عشان قيمتك اللي في عقلك .



و في الأول و الآخر متسمعش من حد إن تجربته كانت كذا وانت عاوز تستفاد منها وتمشي نفس نهجه والكلام اللي ملوش أي لزمة دا

الإنسان الناجح هو اللي بيصنع تجربته بنفسه



رمضان كريم عليكم


تم بحمد الله

الأحياء / الجيلوجيا / كيمياء / الماني

احفظ ، احفظ ، احفظ .... لاتفهم

عشان بس البلد دي ماشية كدا و لو حاولت تفهم محدش هيفهمك زي ما انت عاوز تفهم ولو عاوز تفهم أووووي المدة قصيرة جداا للفهم العالي للموضوع وفهمك الصغير للموضوع هيستهون بيه كل الناس
فاقنع كل الناس واحفظ المنهج 100 أو 150 صفحة هياخدوا منك 3 أو 4 أسابيع
ومبرروووك بقيت دكتور
وأمة لا إله إلا الله بتحترمك عشان ال 99 % اللي جبتها مش عشان قيمتك اللي في عقلك .



و في الأول و الآخر متسمعش من حد إن تجربته كانت كذا وانت عاوز تستفاد منها وتمشي نفس نهجه والكلام اللي ملوش أي لزمة دا

الإنسان الناجح هو اللي بيصنع تجربته بنفسه



رمضان كريم عليكم


تم بحمد الله


جزاك الله كل الخير يادكتور
ولو سمحت ممكن تقولنا ع الملخصات اللى نجيبهم ف المواد دى طيب ؟؟؟؟
والله اكرم:d

جزاك الله كل الخير يادكتور
ولو سمحت ممكن تقولنا ع الملخصات اللى نجيبهم ف المواد دى طيب ؟؟؟؟
والله اكرم:d

الأحياء :
- الفايز في الحل .
- الإمتحان في المذاكرة .
- كتاب الوزارة ( قرائته قبل الامتحان في المراجعة )
كيمياء :
- كتاب الوزارة مش هتلاقي أحسن منه في المذاكرة .
- ملخص الامتحان في الحل .
- الامتحان مراجعاته النهائية .
جيلوجيا :
- ملخص الامتحان مذاكرة وحل .
الألماني أو اللغة الأجنبية التانية :
- علي حسب مدرس المادة في الدروس .

لالالالا يا دكتور الكيميا عايزة فهم بردو
و بعدين فيه حل وسط انى افهم الاول و ابدع بعدين ابقى احفظ بقى و كده هتلاقى المادة ممتعة اوى

كيمياء 3 ثانوي سهلة جداا والله يمكن أسهل من كيمياء 2 ثانوي
و صغيرة جدا وممتعة ..

انا لما قلت احفظ احفظ احفظ ـ قلتها من باب التندر والسخرية من الوضع مش أكتر لأن المناهج متغيرتش بقالها قرن ولأن التعليم فاشل و كليات الطب بيدخلها سنويا أكتر من 20 ألف طالب - طبعاً كلهم نوابغ - ...

سيبك من كلامي :)
افهمها صح وحب المناهج اللي عندك بس متعتمدش عليها في دايرة معلوماتك لأنك لو اعتمدت عليها بس هتطلع أجوف ...
ربنا يوفقكم

جزاك الله خيرا علي المجهود الخرافي ده ..
انا واحد داخل 2 ثانوي ان شاء الله و بجد استفدت كتير من الكلام ده
اتمني لو تكمل الموضوع و يجعله في ميزان حسناتك

و اتمني برضه تتكلم عن فروع الرياضة بقي اخر حاجة و ازاي نتميز فيها .. انت ناسيها ولا ايه

الأحياء :
- الفايز في الحل .
- الإمتحان في المذاكرة .
- كتاب الوزارة ( قرائته قبل الامتحان في المراجعة )
كيمياء :
- كتاب الوزارة مش هتلاقي أحسن منه في المذاكرة .
- ملخص الامتحان في الحل .
- الامتحان مراجعاته النهائية .
جيلوجيا :
- ملخص الامتحان مذاكرة وحل .
الألماني أو اللغة الأجنبية التانية :
- علي حسب مدرس المادة في الدروس .

طيب حضرتك هو انا اجيب الاتنين سوا واذاكر من ده واحل من ده علطووووول

هو انتو دفعة كام

جزاك الله خيرا علي المجهود الخرافي ده ..
انا واحد داخل 2 ثانوي ان شاء الله و بجد استفدت كتير من الكلام ده
اتمني لو تكمل الموضوع و يجعله في ميزان حسناتك

و اتمني برضه تتكلم عن فروع الرياضة بقي اخر حاجة و ازاي نتميز فيها .. انت ناسيها ولا ايه
جزانا وإياكم إن شاء الله :)
الحمد لله ان فيه ناس استفادت والموضوع حقق غرضه ...

التأخير بسبب الامتحانات ، بس ان شاء الله هانت .

فروع الرياضة / أنا كنت علوم :rolleyes: ـ و مقدرش أفيدك فيها أد كدا ـ إن شاء الله أستفسر من صحابي اللي كانوا رياضة و أرد عليك ... قريب ان شاء الله ..

طيب حضرتك هو انا اجيب الاتنين سوا واذاكر من ده واحل من ده علطووووول
أيوااا
ولو خلصتي دا حل ( الفايز و الامتحان ) شوف ِ أي ملخص تاني للحل وحلي عليه ..

جزاك الله خيرا علي المجهود الخرافي ده ..
انا واحد داخل 2 ثانوي ان شاء الله و بجد استفدت كتير من الكلام ده
اتمني لو تكمل الموضوع و يجعله في ميزان حسناتك

و اتمني برضه تتكلم عن فروع الرياضة بقي اخر حاجة و ازاي نتميز فيها .. انت ناسيها ولا ايه

لسه انت الاول ركز ف رياضة تانية و لما تطلع تالته يحلها ربنا
بس اهتم بالميكانيكا و حساب المثلثات عشان هتحتاجهم
انا مخلص سنة تالتة السنادى

جزاك الله كل خير
و ممكن حضرتك تساعدني
انا داخل علي تانية ثانوي و عايز اعرف ازاي انظم مذاكرتي

لسه انت الاول ركز ف رياضة تانية و لما تطلع تالته يحلها ربنا
بس اهتم بالميكانيكا و حساب المثلثات عشان هتحتاجهم
انا مخلص سنة تالتة السنادى

شكرا ليك و ربنا معاك في النتيجة و تدخل الكلية اللي نفسك فيها
عايز اسألك بس اصعب جزء في الرياضة في تانية ثانوي ايه و ايه اللي اركز عليه اكتر
و بالنسبة للميكانيكا ايه ظروفها برضه و الامتحان بتاعها بيبقي ايه نظامه

و الكيمياء و الفيزياء ياريت نفس الكلام برضه لو مش هاتعبك معايا

و شكرا..

شكرا ليك و ربنا معاك في النتيجة و تدخل الكلية اللي نفسك فيها
عايز اسألك بس اصعب جزء في الرياضة في تانية ثانوي ايه و ايه اللي اركز عليه اكتر
و بالنسبة للميكانيكا ايه ظروفها برضه و الامتحان بتاعها بيبقي ايه نظامه

و الكيمياء و الفيزياء ياريت نفس الكلام برضه لو مش هاتعبك معايا

و شكرا..

رياضة تانية مفيهاش حاجة صعبة تقريبا باستثناء بعض الافكار فى حساب المثلثات فى تطبيقات زوايا الارتفاع و الانخفاض
اما الباقى عايز شغل و خاصة الجبر لازم تكون مركز مع المدرس بتاعك عشان السنادى عندك الدالة و هترسمها بطريقة جديدة فلازم تركز فيها
اما الميكانيكا فهى عايزة دماغ بس مش هتلاقى حاجة رزلة فيها الا جزئية فى العجلة و الامتحان فيها بيبقى زى امتحان الرياضة بالضبط
انا معرفش بقى منهجك فى الكيميا و الفيزيا عشان اقدر افيدك:cool:

جزاك الله كل خير يا دكتور