ارجو من الساده الحاصلين على حكم ضم المده افادتى بكيفية الحصول على الترقيه الخاصه بي حيث اننى حصلت على حكم بضم المده من 9/2002 حتى 30/6/2008 وعندما ذهبت للأكاديمية قال لى مسئول الأكاديمية انا مقدرش اديك ترقيه الا لما تاخد الدرجه فذهبت الى التنظيم والادارة قالوا لى يااستاذ احنا معتش لنا دعوه بالمدرسبن انتوا بقيتوا قانون 155 كادر وترقياتك من وزارتك انا مش فاهم حاجه وعايز اجيب حقي دول ست سنوات ياريت لو حد مر بالتجربه يعرفهالى بس تكون اكيد مش اجتهادات

الف مبروك
نرجوا افادتنا عن تفاصيل القضية
هل تم زيادة الاساسى
هل اخذت فروق مالية عن السنوات السابقة

انا حصلت على الحكم من اسبوعين وسلمته ف الشئون القانونيه ف الادارة وهما هيرفعوا للتسويات بس مش عارف هستفيد ايه وده اللى انا محتاجه من اى حد حصل على الحكم من فترة ياريت يقولنا ايه اللى استفاده

انا حصلت على الحكم من اسبوعين وسلمته ف الشئون القانونيه ف الادارة وهما هيرفعوا للتسويات بس مش عارف هستفيد ايه وده اللى انا محتاجه من اى حد حصل على الحكم من فترة ياريت يقولنا ايه اللى استفاده
بالنسبه للحكم كان مكتوب فيه ايه

في قانون الكادر
مدة المعلم المساعد سنتين ومدة المعلم 6 سنوات عمل
ومدة المعلم الاول 5 سنوات
وانت اصبحت اقدميتك من 2002
من 2002 الي 2015 يعن 13 سنة
يعني المفروض تقدم في الاكاديمية المهنية علشان تترقي الي معلم اول الف وتاخد بدل الاعتماد المقابل لذلك

قالى فى الاكاديميه ان من المعلم للمعلم اول 8 سنوات , وانا اول ما الترقيه هتفتح هدخلك معلم اول قلتله انا كده بقالى 13 سنه المفروض اخد معلم اول الف قالى لا ياباشا انت لازم تقعد فى المعلم اول 5 سنوات وتترقى مينفعش تترقى غير لما تقعد فى الوظيفه السابقه المده القانونيه

قالى فى الاكاديميه ان من المعلم للمعلم اول 8 سنوات , وانا اول ما الترقيه هتفتح هدخلك معلم اول قلتله انا كده بقالى 13 سنه المفروض اخد معلم اول الف قالى لا ياباشا انت لازم تقعد فى المعلم اول 5 سنوات وتترقى مينفعش تترقى غير لما تقعد فى الوظيفه السابقه المده القانونيه
شكرا على الافادة

الترقيات في قانون الكادر لها حد ادني
الحد الادني للمعلم المساعد 2 سنة
الجد الادني للمعلم 8 سنوات وبعدها يقدم في الاكاديمية ثم يختبر اذا اجتاز الاختبار يرقي الي معلم اول
وبعدهاب 5 سنوات حتي يدخل يقدم علي اختبار الترقية الي معلم اول الف
وانت اصبحت خبرتك العملية الفعلية في مجال التدريس حتي الان 13 سنة
يبقي انت المفروض تدخل الترقية الي معلم اول الف وتاخد بدل الاعتماد المقابل لها وبعد 5 سنوات ان شاء الله تدخل الترقية ثاني الي معلم خبير

والا كدة يبقي اية معني انك كسبت قضية الضم وضم المدة كلم الاكاديمية تاني او الادارة الرئيسية وقل لة انا خبرتي بعد الضم 13 سنة وهي الفترة البينية للتقدم لدرجة معلم اول الف طبقا لجدول وظائف المعلمين في الكادرة مادة 72 من قانون الكادر ومتسيبش حقك

الترقيات في قانون الكادر لها حد ادني
الحد الادني للمعلم المساعد 2 سنة
الجد الادني للمعلم 8 سنوات وبعدها يقدم في الاكاديمية ثم يختبر اذا اجتاز الاختبار يرقي الي معلم اول
وبعدهاب 5 سنوات حتي يدخل يقدم علي اختبار الترقية الي معلم اول الف
وانت اصبحت خبرتك العملية الفعلية في مجال التدريس حتي الان 13 سنة ( 8+5
يبقي انت المفروض تدخل الترقية الي معلم اول الف وتاخد بدل الاعتماد المقابل لها وبعد 5 سنوات ان شاء الله تدخل الترقية ثاني الي معلم خبير



والا كدة يبقي اية معني انك كسبت قضية الضم وضم المدة كلم الاكاديمية تاني او الادارة الرئيسية وقل لة انا خبرتي بعد الضم 13 سنة وهي الفترة البينية للتقدم لدرجة معلم اول الف طبقا لجدول وظائف المعلمين في الكادرة مادة 72 من قانون الكادر ومتسيبش حقك http://www.thanwya.com/vb/style12/misc/progress.gif

انا مش عارف اعمل ايه واجيب حقى منين الاستاذالموجود فى فرع الاكاديميه فى الشرقيه دماغه مقفوله على الكلمتين اللى قلتهم لحضرتك قبل كده ( انتمش هتترقى غير معلم اول بس لما الترقيه تفتح غير كده لا ) هل لو ذهبت الى الفرع الرئيسى للاكاديميه هجيب حقى ولا اروح الوزارة افضل وشكرا على التواصل

يا ريت ترفع للمنتدى صورة من هذا الحكم

انتمش هتترقى غير معلم اول بس لما الترقيه تفتح غير كده لا

دة الموظف بتاع الاكاديمية هو اللي بيقول لك كدة طيب قل لة يبقي اية الاستفادة اللي اخذتها من ضم مدة الخدمة
لازم تعرفة ان شرط الترقية الي معلم اول الف هي قضاء مدة خدمة في التدريس من تاريخ التعيين مقدارها 13 سنة
8سنوات معلم +5 سنوات معلم اول
اصبحت مدة خدمتك 13 سنة يبقي ليك الحق في التقديم للترقية الي معلم اول الف عن طريق الاكاديمية المهنية للمعلمين
اعتقد ممكن تتصل علي فرع الاكاديمية الرئيسي في 6 اكتوبر اتصل تليفونيا الاول وعرفة ان الحكم صدر
والادارة نقذت الحكم وتم تغيير تاريخ بداية التعيين لكم

لان الترقية في نظام الكادر بعد قضاء المدة البينية اللازمة للترقية تتقدم للاختبار ولومش عاوز تترقي متتقدمش للاكاديمية وتظل علي الدرجة اللي انت عليها في الكادر