بســـــــــــــــــــــــــــــــــــم اللــــــــــــــــــه الرحمن الرحيم


السلام عليكم

انا حبيت اقوللك على موضوع مهم اوى فى الصلاة
الحقيقة فى صلاة الجمعة كان الامام اللى عندنا بيتكلم عن الصلاة

وقال عقاب تاركها وكل حاجة

بس قال حاجة يمكن كتير اووى مننا بيعملها وممكن تبطل الصلاة

وهى الحركة

بمعنى ان في ناس بتعد تهرش او تعدل هدومها او اى حاجة من الحاجات دى
ده يا جماعة بيبطل الصلاة

والعلماء اتفقوا على ان اكتر من 3 حركات الصلاة تبطل ويبقى ثوابها ضاع

يعنى لو واحد حرك دراعة ناحية عنيه وو بيحطها على عنيه كده حركة
وهو بينزلها كده حركة يعنى كده حركتين
وشوف بقى من ده اد ايه

وبردو يعنى فى ناس خصوصا فى الجامع ودى حصلت معاى كتير
لو واحد مثلا خرج من الصف تلاقى اللى جنبك بيشدك علشان تقف جنبه طبعا ده خلاص كده خرج عن الصلاة


ومن ده كتير
انا حبيت اقولها لكم علشان نحاول بقدر الامكان اننا نحافظ على ثوابها
وكمان ذكر اسم صحابى (( مش فاكر اسمه بالظبط ))
عنيه كان بيقف عليها الذباب وماكنش بيحرك ايده علشان يبعد عنه الذباب ده لدرجة ان عنيه التهبت
يعنى شوفو لدرجة ايه

وآسف للاطالة

لا بجد موضوع مهم جدا واشكرك بجد ان انت عرفتنى الموضوع ده ربنا يوفقك

بصراحة يا جماعة اغلب الناس يقعون فى مثل هذة الاشياء وانا واحد منهم
بجدموضوع ممتاز أشكرك علية شكرا جزيلا يا اخى الفاضل وجزاك الله خيرا على هذا الموضوع الجميل أسأل الله لك ان يضعة فى ميزان حسناتك