في فكرة طرأت عليه كده أصل أنا طول ما أنا قاعد الأفكار عمالة تتنطط قدام وشي
الموضوع و ما فيه
ليه منرفعش اسم منتدانا جدا و كمان يكون للجميع فائدة أو منفعة طبعا أنا كلامي لأساتذة اللغة الإنجليزية
أدخل في الموضوع
قول للي أدخل
ماشي حاضر
بصوا يا جماعة مفيش أي حد هييجي المنتدي هنا إلا ويكون أصلا ممتاز وبيبحث و يدور علي الجديد
يا بني خش في الموضوع
حاضر حاضر
أيه رأيكوا نعمل سلسلة من الكتب الخارجية بأسم المنتدي
يا سلام يا أخويه طب ما كده هيبقي في تنافس كل واحد يحط اسمه و كل واحد عايز يشترك و أحنا هنلاحق علي مين و لامين
الحل: أن الانجليزي من أولي ابتدائي لغاية 3 ثانوي يعني لو حتي كل 5 أو 6 اشتركوا يبقي كل الناس هتشتغل
طب يا ناصح: مين اللي هيدفع ما أنت عارف أن في مصاريف بتدفع رسمية وبعض الحاجات التانية اللي انت عارفها
بص يا عم : كل مجموعة هتشترك في كتاب هتتكفل بمصاريفه و العائد يبقي لها هي فقط
أو نكلف المجموعة كلها و يبقي النسبة بالتساوي علي الجميع
وكل واحد لازم يشتغل و المنهج يتقسم علي الجميع
و تبقي في جهه معلنه عن الكتب و نعلن في منتدانا ده و ياخد فلوس علي كده
اللي يحب يطور الفكرة يتكلم
و طبعا طباخ السم بيدوقه
يعني نشترك جميعا

في فكرة طرأت عليه كده أصل أنا طول ما أنا قاعد الأفكار عمالة تتنطط قدام وشي
الموضوع و ما فيه
ليه منرفعش اسم منتدانا جدا و كمان يكون للجميع فائدة أو منفعة طبعا أنا كلامي لأساتذة اللغة الإنجليزية
أدخل في الموضوع
قول للي أدخل
ماشي حاضر
بصوا يا جماعة مفيش أي حد هييجي المنتدي هنا إلا ويكون أصلا ممتاز وبيبحث و يدور علي الجديد
يا بني خش في الموضوع
حاضر حاضر
أيه رأيكوا نعمل سلسلة من الكتب الخارجية بأسم المنتدي
يا سلام يا أخويه طب ما كده هيبقي في تنافس كل واحد يحط اسمه و كل واحد عايز يشترك و أحنا هنلاحق علي مين و لامين
الحل: أن الانجليزي من أولي ابتدائي لغاية 3 ثانوي يعني لو حتي كل 5 أو 6 اشتركوا يبقي كل الناس هتشتغل
طب يا ناصح: مين اللي هيدفع ما أنت عارف أن في مصاريف بتدفع رسمية وبعض الحاجات التانية اللي انت عارفها
بص يا عم : كل مجموعة هتشترك في كتاب هتتكفل بمصاريفه و العائد يبقي لها هي فقط


يعني حضرتك تفتكر ان المنتدي فقير ومش فيه فلوس
ليه انت حضرتك مش بتشوف الاعلانات


أو نكلف المجموعة كلها و يبقي النسبة بالتساوي علي الجميع
وكل واحد لازم يشتغل و المنهج يتقسم علي الجميع
و تبقي في جهه معلنه عن الكتب و نعلن في منتدانا ده و ياخد فلوس علي كده
اللي يحب يطور الفكرة يتكلم
و طبعا طباخ السم بيدوقه
يعني نشترك جميعا

الفكره جميله
والحل في ايد الاستاذ اشرف
ربنا يسهل ويرد بقي

والله الفكره جميله
بس فعلا الحل في ايد استاذ اشرف
ربنا يوفقكو

الحل في ايد العبقر ينو

انا شايف من كلام المستر

ان الموضوع بره إيد عبقرينو خالص

المستر بيدور على كتاب بيصدر بمجهود شخصي وعائده شخصي للمدرسين فقط يحمل اسم المنتدى واعتقد ان اشرف برضه ميقدرش يعترض لأن حق المنتدى هيبقى محفوظ لأن الشغل ده نزل فيه !!!


تحياتي

فين الناس اللي لها طموح يا جماعة
مين يشترك معايا طيب بما أن محدش سائل فينا
نفترض مثلا يعني أن كتب المرحلة الاعدادية هتتكلف 75000 لو أن عشرة أفراد اشتركوا فيها هتبقي المسألة سهلة قوي، و كل واحد يدفع 7500 فقط و بعدين لو المشروع فشل هتكون الخسارة قليلة و لو نجح يبقي الخير هيعم، وطبعا نبدأ بمناهج إعدادي علشان نعمل قاعدة إعلاميه لما نعمل كتب الثانوي
طبعا هيبقي في عقود موثقة تحفظ حق كل واحد يعني العمليه مش سبهلله كده
transmagd
و الأستاذ اللي بيقول أن الشغل هيكون من المنتدي
لأ طبعا الكتب هتتألف من أول وجديد
و هنشتري حق وضع أسم المنتدي علي الكتب
وهندفع اعلانات للمنتدي عن الكتب
فهمت يا
بااااااااااااااااااااااااااااشا
transmagd@yahoo.com

والله يا مستر محمد انا باشكرك اوى على انك ارسلت ليا اللينك بتاع الموضوع . عارف ليه ؟ لانى عمال ادور عليه فى المنتدى بعد مااتنقل من المرحلى التانية وماكنتش لاقيه . ثانيا الموضوع بجد هايل بس فيه فكرة مشابهه كان الاستاذ عصام صوت الحق اتناقش معانا فيها بخصوص اصدار مجلة دورية تحمل اسم المنتدى ويشارك فيها مدرسي المنتدى وطبعا برضوا هايكون فيها عائد مادى للمدرس وللمنتدى . وتقبل خالص شكرى على اقتراحاتك الرائعة ونشاطك الملحوظ

متشكر جدا يا مستر محمود يا مشجعني دايما
و يا ريت تكتب ايميلك هنا

اية ياعم........................الافكار الجميلة دى...واله فكرة رائعه

ان شاء الله الفكرة دى موجودة من شهرين على الموقع استاذى

وبتكون محل نقاش فى كل اجتماع

ومش عايز اقولك اننا تعدينا هذه الفكرة من 3 اسابيع وخلاص حتتنفذ وتم تجميع المادة العلمية لاول نسخة من بعض الاقسام الاسبوع الماضى

والجديد ان الموقع حيكون ليه حصه دائما لشرح احد المواد واجراء مسابقات تعليميه على احدى القنوات الفضائية مع بعض طلاب الموقع والمدرسين تذاع على الهواء على هذه القناة
بس الكلام دة سر

شكر لك علي اهتمامك يا محمد باشا
لكن الحقيقة أنه يبدو أن ما أشرت أليه من أن فكرة الكتب الخارجية التي أشرت لها لا يعرف بها عدد كبير جدا من الأساتذة المنتسبين للمنتدي و خصوصا أن من قام بالرد علي موضوعي هذا من العناصر البارزة في المنتدي و الذين لهم نشاط ملحوظ و صلة وثيقة.
لذا أن تقوم هذه الفكرة دون علمهم فلعل ذلك تحيز ما و أن كنت أشم رائحة حسن النية في ذلك.
لذا أرجو أن تعرض الفكرة علي العناصر المتواجدة باستمرار في المنتدي ، و علي من يرغب في الاشتراك يكون له ذلك بقابل ما ، ويتم تنظيم المسألة بحيث لا تكون مقتصرة علي مجموعة صغيرة.
و الله ولي التوفيق
و السلام

يعني أقصد يا أستاذ محمد
أن كل الاساتذه المهتمين بالفكرة يعرض عليهم المشاركة ويحق لهم تنفيذ المشروع بالاشتراك مع السادة مسئولي المنتدي
و لا يكون المشروع قاصر علي مجموعة صغيرة العدد

يعني أقصد يا أستاذ محمد
أن كل الاساتذه المهتمين بالفكرة يعرض عليهم المشاركة ويحق لهم تنفيذ المشروع بالاشتراك مع السادة مسئولي المنتدي
و لا يكون المشروع قاصر علي مجموعة صغيرة العددصح كدةلازم الكل يشارك ولايكون الموضوع قاصر على عدد معين بس الى يشارك ان من رائى ان يكون لة مشاركات هامة وبارزة فى المنتدى ...........س خلاص

والله يا جماعة فيه حاجات غريبة بتحصل فى المنتدى يعنى انا اول مرة اعرف بالكلام دة من مستر محمد سرور واعتقد ان معظم مدرسي اللغة الانجليزية فى المنتدى هما كمان مثلي مش سمعوا بالكلام دة خالص . طيب ليه الموضوع مش كان يطرح على الجميع بحيث اللى عايز يشارك كان يقدم شغله ومقترحاته . لكن نفاجأ كدة يبقى شيء غريب شوية وعلى كدة كلنا كدة نشكر استاذ محمد شحاتة لان لولا اقتراحه دة كنا هانفاجأ بكتاب فى الاسواق يحمل اسم المنتدى ونكون احنا اخر من يعلم . ياريت يا جماعة يكون فيه شوية تنسيق لان كدة انا حاسس ان التنسيق غايب اوى عننا . وتقبلوا تحياتي

يعني أقصد يا أستاذ محمد
أن كل الاساتذه المهتمين بالفكرة يعرض عليهم المشاركة ويحق لهم تنفيذ المشروع بالاشتراك مع السادة مسئولي المنتدي
و لا يكون المشروع قاصر علي مجموعة صغيرة العدد

هههههههههههههههه

والله انا سعيد بكلامك دة ومش عارف حسيت انى رئيس عصابة على الموقع

والله يا اساتاذ محمد الفكرة دى بيتم طرحها اثناء الاجتماعات على الغرف الصوتية وبحضرها الادارة والمشرفين والمدرسين والطلاب

يعنى الموقع كله بيكون مدعوا لهذا الاجتماع

وان شاء الله موجه القسم هو اللى بيختار المادة العلميه من مدرسين القسم

يعنى عليك بالاستاذ طارق فؤاد وهو سيوضح لك كل شىء

ولو حضرتك متابع الشريط الاخضر كنت عرفت مواعديد الاجتماع
وفى كمان مفاجأة فى اجتماع لكل اعضاء الموقع غدا 10:00 صباحا فى القاهرة والمدرسين والمشرفين
وموضوع الاجتماع فى الركن العام

وفى اجتماع يوم الجمعة على الغرف الصوتيه علشان نعمل دورة للمشرفين والمدرسين نسهل عليهم التعامل على الموقع والغرف الصوتية

يعنى الموضوع ليس قاصر على احد والله

والله يا جماعة فيه حاجات غريبة بتحصل فى المنتدى يعنى انا اول مرة اعرف بالكلام دة من مستر محمد سرور واعتقد ان معظم مدرسي اللغة الانجليزية فى المنتدى هما كمان مثلي مش سمعوا بالكلام دة خالص . طيب ليه الموضوع مش كان يطرح على الجميع بحيث اللى عايز يشارك كان يقدم شغله ومقترحاته . لكن نفاجأ كدة يبقى شيء غريب شوية وعلى كدة كلنا كدة نشكر استاذ محمد شحاتة لان لولا اقتراحه دة كنا هانفاجأ بكتاب فى الاسواق يحمل اسم المنتدى ونكون احنا اخر من يعلم . ياريت يا جماعة يكون فيه شوية تنسيق لان كدة انا حاسس ان التنسيق غايب اوى عننا . وتقبلوا تحياتي

لا يا استاذ محمود انت امسك فى رقبة بدوى الدجوى واستاذ طارق فؤاد ومستر محمد حمزة

علشان هم بس اللى بيحضروا الاجتماعات من قسم الانجليزى
والمفروض كانوا يبلغوكم

شكرا علي ردك يا أستاذ محمد سرور

والله الموضوع ده جميل بس للاسف عايز تنسيق جامد كبير وانا شخصيا اعتقد انه ممكن يكون فكره جميله تستحق التفكير ولو محتاجين مساعده ابعتلي وانا اساعد بما تحتاجونه ان شاء الله

والله الموضوع ده جميل بس للاسف عايز تنسيق جامد كبير وانا شخصيا اعتقد انه ممكن يكون فكره جميله تستحق التفكير ولو محتاجين مساعده ابعتلي وانا اساعد بما تحتاجونه ان شاء الله

شكرا يا هشام باشا

شكرا يا هشام باشا

والله الموضوع ممتاز جدا واعتقد ان الغالبية العظمي بل الجميع مستعدون لاظهار عمل ممتاز لان اشتراك افضل من شخص هيعطي افكار واراء جديدة في تاليف الكتاب وطرق وضعه وهذا سيعم بالنفع للجميع للمدرسين قبل الطلاب وجزاكم الله خيرا

والله الفكرة ممتازة وانا فعلا شغال فى كتاب خاص بى للثانوية العامة والقناع الذهبى جاهزة للطباعة واكثر من 75 % من الوحدات ...

بس انا شايف انها صعب تتحقق ولو فى تنفيذ انا اول المشاركين...

وفقكم الله

السلام عليكم
استاذ محمد اشركك لاهتمامك الشديد بموضوعك و اشكرك علي تنفيذ الموذوع ده
و طبعا بشكرك لانك افتكرتني و بعتلي اللينك ده
نتكلم بقي شويه جد
اولا:- الفكر جميلة جدا و بجد حاجه كويسه رغم ان فيه موضوع مشابه و هو المجلة التعلمية اللي كان اتكلم فيها استاذ عصام
ثانيا:- الفكره دي صعب تتحق و ان تحققت هيكون فيه مشاكل كتير و مدرسين كتير من اللي هيشركوا يزعلوا و هتبقي مشكله و ده لمشاكل كتير لو عاوز تعرفها ممكن نبقي نتكلم علي الخاص فيها
ثالثا:- الاستاذ المحترم حبيب قلبي محمد سرور:- ايه الكلام اللي حضرتك بتقولوا ده و احنا اول مره نسمعوا بصراحة طيب ازاي حاجه زاي تحصل و محدش يعرفنا و لا ينسق معانا و بعدين الماده العلميه هتتجمع علي اي اساس و لو من اعمال مدرسي المنتدي مين اللي هيختار صاحب العمل و لا هيجي حد يختارلوا و ينقي في شغلوا و ده لاني مقتنع ان مستحيل انا مثلا اعمل مذكره سواء كانت حلوه او وحشة و زميل
تاني يقدر يشتغل منها بنفس الكفاءة اللي انا هشتغل بيها يعني ادرا بعيوب و مميزات شغلي و سعات بكون قاصد اقصر في حاجه في المذكره عشان اقولها علي السبوره طيب ازاي ده هيتم و بانهوا تنسيق و بعدين العائد المادي هيبقي ايه شكلوا بالظبط منت كده قلقتني يعني انا ممكن فجاة الاقي كتاب فيه اجزاء من شغلي او شغلي كلوا ازاي انا معرفش
ياريت يا جماعه يكون فيه شوية تنسيق و بعدين احنا كمشرفين مينفعش نكون اخر من يعلم
و شكرا جزيلا

شكرا للردود الجميلة و لكن!
الأستاذ الفاضل محمد الشاذلي
لست محتاج لهذا العمل بصورة شخصية أكثر من أني أريد أن تتحد الكلمة و يعود الخير و النفع علي الجميع، و الحقيقة أن هذا المشروع يأتي من فكرة نهضوية أتبناها وهي أنه لا يمكن لنا أن نحلم بتقدم و رخاء أمتنا و مجتمعنا من خلال أفكار ضخمة وكبيرة لا يملكها إلا أصحاب رؤوس الأموال ( الإقطاعيين الجدد ) و لكن لما لا نحلم بشئ نحن المعلمين يرفع من مكانتنا الشبه مهدرة بين المهن الأخري علي المستوي العلمي و الأجتماعي. يا سادة ليست لي مصلحة شخصية في مثل هذا العمل، ولكني أبحث عن وجود كيان قوي ينضوي تحته مجموعة من مدرسينا، و الاثنين أقوي من الذي يسر بمفرده، و خصوصا أن عمل مثل هذا سيروج له كلنا في أعمالنا بالإضافة إلي أنه سيلغي طوفان الكتب الذي ستملأ المكتبات و خصوصا أن كلنا في هذا المنتدي طموحين و خصوصا مدرسي اللغة الانجليزية فسنفاجأ بعشرات بل مئات الكتب التي سيكتب لها الفشل حتما و ستبقي علي هيئة مذكرات توزع في العيادات.
يا سادة تبنوا مشاريع صغيرة يكون لها أثر بالغ في المستقبل.
ألم نسمع بأبراج الدكاترة والصيادلة التي يبنوها بالمساهمة و بالجهود الشخصية لتكون مشروع يعود بالخير علي أولادهم في المستقبل.
ثم إني لم أقل أنها ستكون قاصرة علي عدد محدود ، بل تكون لجميع الاعضاء بحيث توزع التكاليف علي هيئة أسهم و بحسب أسهمك تأخذ من الأرباح و لا يضيع حق أحد سيكون هناك عقود و أنا شخصيا اعتقد أنه سيكون لهذه الكتب رواج كبير.
و لا يكون لأحد نصيب الاسد من هذه الاسهم و لكن يكون في حد اقصي لهذه الاسهم
ألحقني يا مستر محمود فتحي أيه الكلام الكبير اللي أنا بقوله ده
فكروا يا جماعة
و الخير هيعم
سلام

حبيبي في الله مستر محمد
انت شكلك فهمت كلامي غلط
اولا:- الفكره جميلة جدا
ثانيا:- انا اعرف و متاكد انك لم تسعي الي اي هدف شخصي
ثالثا:- و ده الاهم انا كلامي مكنش لحضرتك كلامي كان للادارة و مستر محمد سرور و ده لان موضوع الكتاب ده انا مكنتش اعرفه و قولت يمكن يكون العيب مني لكن انا لقيت كمان مستر محمود فتحي ميعرفوش طب فيه ايه يا جماعه انا عاوز افهم هي دي الحكاية و الله و ربنا يوفقك يا رب

حبيبي في الله مستر محمد
انت شكلك فهمت كلامي غلط
اولا:- الفكره جميلة جدا
ثانيا:- انا اعرف و متاكد انك لم تسعي الي اي هدف شخصي
ثالثا:- و ده الاهم انا كلامي مكنش لحضرتك كلامي كان للادارة و مستر محمد سرور و ده لان موضوع الكتاب ده انا مكنتش اعرفه و قولت يمكن يكون العيب مني لكن انا لقيت كمان مستر محمود فتحي ميعرفوش طب فيه ايه يا جماعه انا عاوز افهم هي دي الحكاية و الله و ربنا يوفقك يا رب

استاذ محمد الفكرة اللى حيعملها الموقع هى المجلة التعليمية وليست كتاب
واضح ان الموضوع تم فهمه خطأ

ولكن المجلة اعتقد لو اتت بثمارها سيكون ذلك غنى عن الكتاب او مرحله تمهيدية له

ويا اخوان الادارة ما بتعملش حاجة من نفسها
انا مدرس زيكم وباحضر الاجتماعات اللى كل الاعضاء بيتم دعوتهم اليها حتى الطلاب بيحضروا معانا

يعنى الموضوع مش زى ما انتم واخدينه بحساسيه كدة

وبالنسبة للى حيختار المادة العلميه اللى حتنزل فى المجله ح يكون موجه عام المادة بالتشاور مع مشرف الاقسام والمدرسين نفسهم

يعنى الامر ان شاء الله سيكون بافضل صورة

واخيرا : انا شكلى كدة ح كهرب لكم قسم الانجليزى بتاعكم دة ومش حد يعرف يخش الا لما يقف على خشبه :D:D:D:p:p:p:p

السلام عليكم جميعا
من زمان و أنا نفسى فى الموضوع ده
و أحيى الاستاذ / محمد عليه
و أنا جاهز و مستعد للموضوع
Mr. Waleed El-sayed