مشاهدة النسخة كاملة : بين الأباء والأبناء(( 1 ))
أحمد2025 17-08-2008, 04:10 PM ــ ((السلام عليكم ورحمة الله وبركاته)) ــ
أزيكم ياجماعة عاملين ايه وايه أخباركم
يارب تكونوا كلكم بخير وفى الجنة جميعا ان شاء الله
بصوا ياجماعة عايز النهاردة اتناقش فى الموضوع ده معاكم
طبعا ياجماعة انتم عارفين ان فى مشاكل كتير بتحصل اليومين دول بين الأباء والأبناء
وطبعا دلوقتى تفكير الأبناء غير تفكير الأباء بالمرة
بيتهيألى ياجماعة المشاكل الأباء بينقسموا الى قسمين
قسم ياخد القرار فى مستقبل الإبن بمفردة
يعنى
مثلا الأبن جاب فى الثانوية 99% الأب والأم عايزينه يدخل طب والأبن عايز حربية او شرطه طبعا اكيد الأب والأم هيقفوا ليه بالمرصاد وهيقولوا ليه طب او لا أنت ابننا ولا احنا نعرفك وطبعا الإبن هيضطر يدخل الطب غصبن عنه
رأئيكم نسمع كلام الأباء علشان هما بيكونوا عارفين مصلحة الأبن
ونقول بقى اللى كبير عنك بيوم يعرف عنك بسنة
نيجى للقسم التانى
ده بقى اللى هما الأباء بيتناقشوا مع الأبناء يعنى لو حصلت مشكلة مع الإبن أو الإبنة يحاول الأب والأم يتناقشوا معاهم ويعرفوا ايه السبب وايه الحل وليه حصل كده ويتخذوا قرار جيد فى المشكلة غير مثلا لما ميكنش فيه مناقشة وكده
انا ياجماعة بفضل المناقشة مع الأبناء علشان دى حاجة مهمة جدا فى حياة الأبن او الأبنه وبجد لو مفيش مناقشة فى أبناء كتير هضيع
واترك لكم مناقشة الموضوع
والسلام عليكم ورحمة الله وبركاته
مع تحيات
أحمد2025
welcomeeee 17-08-2008, 06:08 PM السلام عليكم ورحمه الله وبركاته
اولا ازيك يا احمد عامل ايه
على فكره انت بقالك كذا مره بتعمل مواضيع مبهمهاش:mad: معلش اصل انا مخى على ادى شويه عشان كده مبردش عليك :p
انما الموضوع اللى انت عامله النهارده ده مهم جدا والحمد لله فهمته:D
طبعا مناقشه الاباء مع الابناء حاجه مهمه جدا ولازم كل اب يحاول يتناقش مع ابنه
لان الابناء فى السن ده بتبقى محتاجه ان الوالد يكون زى صاحبهم وده هيجيب نتايج كويسه اوى مع الابناء
لأن معظم الولاد او البنات بتبقى فى السن ده عنديه وعاوزه تمشى اللى فى دماغها وخلاص
فأكيد المناقشه هتبقى معاهم احسن من الاجبار
يعنى انا مثلا ليا واحده صاحبتى عايزه تخش كليه فى دماغها وباباها عاوز يدخلها كليه تانيه غصب عنها
فهى قالت انها مش هتخشها على جثتها وباباها قالها هتدخليها غصب عنك
فهى قامت قايلاله لو دخلتها مش هفتح كتاب فرد عليها وقالها هتذاكرى فيها غصب عنك وأنا اللى هخليكى تذاكرى
طبعا البت مش طايقه نفسها والصراحه هى عنديه جدا فكان ردها على الكلام ده(بس طبعا مقالتش كده لباباها)
قالتلى انه لو خلاها تذاكر غصب عنها هتذاكر بس هتدخل الامتحان وهتسيب الورقة بيضاء ولو عاوز يحل يبقى يروح يحل هو...................
يعنى انا رأيى ان الاب لازم يتناقش مع ابنه ويقنعه بوجهة نظره احسن من الاجبار بكتيييييير
ده كمان لو ابنه اقتنع بوجهة نظره هيحب الكليه جدا وممكن يتفوق فيها
بس برضه برجع واقول لكل قاعده شواذ
لأن فى ابناء كتير مينفعش معاها المناقشه
وبتبقى وجهة نظرها غلط خالص
يعنى انا رأيى ان كل اب يشوف طباع ابنه ويحاول يتعامل معاه كويس
ويا سلاااام بقى لو حسسه انه صاحبه
انا بقى عندى المشكله دى مع ماما
حاولت كتير اخلى ماما صاحبتى منفعش
عمرها ما حصلت مره ان ماما اقتنعت بكلامى
دايما رأيها انى بت صغيره وهبله مش فاهمه حاجه
ودى جايز تكون اكبر مشكله فى حياتى خصوصا انى معنديش اخوات بنات
فأنا مش لاقيه حد فى البيت ممكن اصاحبه
شكرا يا احمد على الموضوع
ومستنيه ردك ورد باقى الاعضاء
اسفه للاطاله
أحمد2025 17-08-2008, 06:32 PM السلام عليكم ورحمه الله وبركاته
اولا ازيك يا احمد عامل ايه
على فكره انت بقالك كذا مره بتعمل مواضيع مبهمهاش:mad: معلش اصل انا مخى على ادى شويه عشان كده مبردش عليك :p
انما الموضوع اللى انت عامله النهارده ده مهم جدا والحمد لله فهمته:D
طبعا مناقشه الاباء مع الابناء حاجه مهمه جدا ولازم كل اب يحاول يتناقش مع ابنه
لان الابناء فى السن ده بتبقى محتاجه ان الوالد يكون زى صاحبهم وده هيجيب نتايج كويسه اوى مع الابناء
لأن معظم الولاد او البنات بتبقى فى السن ده عنديه وعاوزه تمشى اللى فى دماغها وخلاص
فأكيد المناقشه هتبقى معاهم احسن من الاجبار
يعنى انا مثلا ليا واحده صاحبتى عايزه تخش كليه فى دماغها وباباها عاوز يدخلها كليه تانيه غصب عنها
فهى قالت انها مش هتخشها على جثتها وباباها قالها هتدخليها غصب عنك
فهى قامت قايلاله لو دخلتها مش هفتح كتاب فرد عليها وقالها هتذاكرى فيها غصب عنك وأنا اللى هخليكى تذاكرى
طبعا البت مش طايقه نفسها والصراحه هى عنديه جدا فكان ردها على الكلام ده(بس طبعا مقالتش كده لباباها)
قالتلى انه لو خلاها تذاكر غصب عنها هتذاكر بس هتدخل الامتحان وهتسيب الورقة بيضاء ولو عاوز يحل يبقى يروح يحل هو...................
يعنى انا رأيى ان الاب لازم يتناقش مع ابنه ويقنعه بوجهة نظره احسن من الاجبار بكتيييييير
ده كمان لو ابنه اقتنع بوجهة نظره هيحب الكليه جدا وممكن يتفوق فيها
بس برضه برجع واقول لكل قاعده شواذ
لأن فى ابناء كتير مينفعش معاها المناقشه
وبتبقى وجهة نظرها غلط خالص
يعنى انا رأيى ان كل اب يشوف طباع ابنه ويحاول يتعامل معاه كويس
ويا سلاااام بقى لو حسسه انه صاحبه
انا بقى عندى المشكله دى مع ماما
حاولت كتير اخلى ماما صاحبتى منفعش
عمرها ما حصلت مره ان ماما اقتنعت بكلامى
دايما رأيها انى بت صغيره وهبله مش فاهمه حاجه
ودى جايز تكون اكبر مشكله فى حياتى خصوصا انى معنديش اخوات بنات
فأنا مش لاقيه حد فى البيت ممكن اصاحبه
شكرا يا احمد على الموضوع
ومستنيه ردك ورد باقى الاعضاء
اسفه للاطاله
الحمدلله انك فهمتى التوبيك ده
يعنى هعلق على كلامك فى ايه يامريم
أنت كتبتى كل اللى عايز اقوله
وباسلوب احسن بكتير منى
ولنا بقية
_GUIDE_ 17-08-2008, 06:38 PM حلو الموضوع يا احمد
على فكرة معظم الاهل من النوعية الاولى
اللى هى بتاعة احنا نطبخ وانتا تاكل احنا نغسل وانتا تلبس احنا نخطب وانتا تتجوز
وطبعا ده لانهم عارفين اكتر منك ومصلحتك على حد كلمهم
لزم يكون فى مشورة بين الاباء والابناء علشان الابن يحس بوجوده
يبتدى يتعلم ازاى يتحمل مسئولية ويكون اهل ليها
اغلط مرة واتنين وتلاته بس اهم حاجة تتعلم من غلطك وتواجه فشلك علشان تقدر تكمل
بس مين من الاهل بيطبق الكلام ده
ومين من الابناء اللى يقدر يكون راجل مع اهله
بس كلام فى سرك الحرية المطلقة مفسدة مطلقة برضه
SmSm Basha 17-08-2008, 08:06 PM شكرا ليك يا احمد على الموضوع الجامد دا ...... انا رائي ان المفروض مع التطور و التقدم اللي احنا عايشين فيه النوع الاول دا يختفي من مجتمعنا تماما لانه بيخلي في سلوك الابناء انحرافات عديدة و رغبات مكتومة و مدفونة ز زي ما بقولوا دائما الممنوع مرغوب ....... و زي ما انت قولت لو مفيش مناقشة فعلا ناس كتييير هتضيع ..... و شكرا ليك مرة تانية على الموضوع دا ........ تقبل مروري
bosy .. mostafa 17-08-2008, 09:15 PM بسم الله الرحمن الرحيم
أكيــد طبعاً بفضل المناقشه
لإن الابن لو مش لقى مناقشه في بيته و كل حاجه (نفذ و مش تناقشني)
بيضطر يروح بره و بيقع في اصدقاء سوء و بيتعلم منهم حاجات مش كويسه بقى
و بتبقى نتايج وحشه
و المفروض النوع الأولاني ده بقى يختفي .. الإجبار ده شيء مش حلو
المفروض هما ينموا قدرات ابنائهم و مش يقتلوا مواهبهم و يدفعوهم للي هما بيحبوه
شكراً ليك يا أحمد
the black rose 17-08-2008, 10:26 PM اولا شكرا يا احمد عالموضوع رائع
هو فعلا معظم الاباء كدة
و للاسف الضغط ده بياثر تاثير سلبى على حياتهم العلمية و العملية
طبعا الكلام ده مش فى الدراسة بس
ده فى كل مجالات الحياة و كل اختيارات الانسان
اكيد احنا بنرجوا كل الاباء انهم يفهموا ابنائهم
و انا الحمدلله بابا و ماما متفهمين جدا
و بتناقش معاهم فى كل اختياراتى
و مش بخبى عليهم حاجة
اشكر ربنا على هذه النعمة
أحمد2025 17-08-2008, 10:53 PM حلو الموضوع يا احمد
على فكرة معظم الاهل من النوعية الاولى
اللى هى بتاعة احنا نطبخ وانتا تاكل احنا نغسل وانتا تلبس احنا نخطب وانتا تتجوز
وطبعا ده لانهم عارفين اكتر منك ومصلحتك على حد كلمهم
لزم يكون فى مشورة بين الاباء والابناء علشان الابن يحس بوجوده
يبتدى يتعلم ازاى يتحمل مسئولية ويكون اهل ليها
اغلط مرة واتنين وتلاته بس اهم حاجة تتعلم من غلطك وتواجه فشلك علشان تقدر تكمل
بس مين من الاهل بيطبق الكلام ده
ومين من الابناء اللى يقدر يكون راجل مع اهله
بس كلام فى سرك الحرية المطلقة مفسدة مطلقة برضه
بص ليه بس تعليق بسيط
الأهل تعتقد انهم عارفين اللى الأولاد مش عارفينه
وقولت جملة عجبتنى قوى
مين من الأهل بيطبق الكلام ده
بس من رأئيى موضوع الحرية ده بقى الإبن وشخصيته ولا ايه؟؟
شكرا على مرورك الجامد جدا
شكرا ليك يا احمد على الموضوع الجامد دا ...... انا رائي ان المفروض مع التطور و التقدم اللي احنا عايشين فيه النوع الاول دا يختفي من مجتمعنا تماما لانه بيخلي في سلوك الابناء انحرافات عديدة و رغبات مكتومة و مدفونة ز زي ما بقولوا دائما الممنوع مرغوب ....... و زي ما انت قولت لو مفيش مناقشة فعلا ناس كتييير هتضيع ..... و شكرا ليك مرة تانية على الموضوع دا ........ تقبل مروري
باشا
انت ضيفت حاجة حلوة قوى
ان النوع الأول يدفن رغبات مكتومة
زيى كده حاسس ان ابويا دفنى فى الكورة
قولتلى ودينى اى فريق مرضيش
يقولى مذاكرة ووجع دماغ
شكرا على مرورك الجميل جدا
أحمد2025 17-08-2008, 11:00 PM بسم الله الرحمن الرحيم
أكيــد طبعاً بفضل المناقشه
لإن الابن لو مش لقى مناقشه في بيته و كل حاجه (نفذ و مش تناقشني)
بيضطر يروح بره و بيقع في اصدقاء سوء و بيتعلم منهم حاجات مش كويسه بقى
و بتبقى نتايج وحشه
و المفروض النوع الأولاني ده بقى يختفي .. الإجبار ده شيء مش حلو
المفروض هما ينموا قدرات ابنائهم و مش يقتلوا مواهبهم و يدفعوهم للي هما بيحبوه
شكراً ليك يا أحمد
اضافتى حاجة كويسه جدا يابوسى
لما ميكنش فيه مناقشة
الأبناء بيضطروا يذهبوا لأى اصدقاء وللأسف بيقعوا فى اصدقاء السوء
ولازم النوع الأولانى ده يختفى خالص مالص
شكرا بوسى على مرورك الجميل
اولا شكرا يا احمد عالموضوع رائع
هو فعلا معظم الاباء كدة
و للاسف الضغط ده بياثر تاثير سلبى على حياتهم العلمية و العملية
طبعا الكلام ده مش فى الدراسة بس
ده فى كل مجالات الحياة و كل اختيارات الانسان
اكيد احنا بنرجوا كل الاباء انهم يفهموا ابنائهم
و انا الحمدلله بابا و ماما متفهمين جدا
و بتناقش معاهم فى كل اختياراتى
و مش بخبى عليهم حاجة
اشكر ربنا على هذه النعمة
طبعا مش هقول حاجة على اللى انت قولتيه
بجد كلامك رائع
هقولك بس
ربنا يخليلك والدك ووالدتك
COoL HEaRT 17-08-2008, 11:40 PM اولا بشكرك يا احمد ع الموضوع الرائع
ثانيا انت بتسالنا احنا هنفض انهى نوعيه المجموعه اللى بتختار لولادها كل حاجه وبتخطط حياتهم بالورقه والقلم
او المجموعه المتفاهمه اللى بتاقش
هقلك يا استاذ احمد مفيش حد هيختار الفئه الاولى طبعاا كله هيكون مع اللى بيتاقش وبيتفاهم مع ولاده
بس المشكله دلوقتى الناس اللى فى بيوتها الابهات والامهات اللى نسوا ان ولدهم كبرو ومفروض يختارو
هيكون ايه الحل هنا مع العلم انهم اكيد مش هيقدرو يغيرو طريقه تفكير اى منهم:d اكيد كلنا جربنا موقف من المواقف اللى انت معرفتش تقنع باباك بوجه نظرك;)
بس الحمد لله انا بنعم باسره الى حد ما متفاهمه مش فى كل حاجه اكيد ^_^ بس ع الاقل احسن من غيرها كتير وانا بحبهم^_^ بالرغم انى دايما من المعارضه فى البيت ;)
ومش معنى انى افضل النقاش او ان الواحد يكون عنده اختياراته الخاصه بيه ان العمليه تبقى سداح مداح يعنى يكون التوجيه من بعيد ولا ايه رايك ؟؟
الصراحه ملقتش حاجه اضيفها ع الناس اللى اتكلمت ممكن الكلام يكون مكرر لانى مقراتش كل الردود
بس ياريت يستمر النقاش وهتلاقينى ناطه كمان شويه فى الموضوع ده لانه مهم
يلا دمتم سالمين^_^
أحمد2025 18-08-2008, 12:08 AM اولا بشكرك يا احمد ع الموضوع الرائع
لا لا العفو
ثانيا انت بتسالنا احنا هنفض انهى نوعيه المجموعه اللى بتختار لولادها كل حاجه وبتخطط حياتهم بالورقه والقلم
او المجموعه المتفاهمه اللى بتاقش
هقلك يا استاذ احمد مفيش حد هيختار الفئه الاولى طبعاا كله هيكون مع اللى بيتاقش وبيتفاهم مع ولاده
طبعا لازم كله يختار المجموعة التانية
بس المشكله دلوقتى الناس اللى فى بيوتها الابهات والامهات اللى نسوا ان ولدهم كبرو ومفروض يختارو
دى مشكلة كبيرة
بس بلاش أستاذ دى :D
هيكون ايه الحل هنا مع العلم انهم اكيد مش هيقدرو يغيرو طريقه تفكير اى منهم:d اكيد كلنا جربنا موقف من المواقف اللى انت معرفتش تقنع باباك بوجه نظرك;)
انا بيتهيألى مفيش حل
لأن الأباء مش بيحبوا يسمعوا لحد
فمفيش حل
بس الحمد لله انا بنعم باسره الى حد ما متفاهمه مش فى كل حاجه اكيد ^_^ بس ع الاقل احسن من غيرها كتير وانا بحبهم^_^ بالرغم انى دايما من المعارضه فى البيت ;)
الحمدلله
ومش معنى انى افضل النقاش او ان الواحد يكون عنده اختياراته الخاصه بيه ان العمليه تبقى سداح مداح يعنى يكون التوجيه من بعيد ولا ايه رايك ؟؟
هقولك حاجة
هو الواحد ممكن يفضل عن اختياراته الخاصه
بس بشرط
يكون هو عارف اللى هو بيعمله صح
يعنى ميعملش حاجة غلط ومينفعش والده ميعقبهوش ويقول كبرت
الصراحه ملقتش حاجه اضيفها ع الناس اللى اتكلمت ممكن الكلام يكون مكرر لانى مقراتش كل الردود
بس ياريت يستمر النقاش وهتلاقينى ناطه كمان شويه فى الموضوع ده لانه مهم
لا هتنورى التوبيك للأسف:eek:
يلا دمتم سالمين
وانت بخير
موضوعك فكرنى بفيلم اضحك الصورة تطلع حلوة
لما عزت ابو عوف كان بيقول لكريم
فيما معناه ( انه يحب البنت اللى يختارها ويتجوز البنت اللى باباه يختارها )
ضحكتنى اوى الجملة دى
:D
ما علينا ندخل ف الموضوع
اكيد انا بافضل النوع التانى وكلنا كدة
عايزين نحس اننا كبرنا وبقى لينا رأى وقرارات
والاب او الام لسة شايف ابنه صغير وحاسس انه عمره ما هايكبر
كلمة احنا بنقولهالهم وهما بيقولوهالنا
( انتو جيل غير الجيل )
ممكن مانقولهاش ف وشهم بس اكيد عدت على دماغ حد فينا
اكيد المناقشة بين الاب وابنه كويسة جداا
على الاقل كل حد يفهم التانى بيفكر ازاى
الابن ياخد خبرات من والده والاب يحاول يرضى ابنه لو اقتنع برأيه
لكن دايما النقاش ده بينتهى بمأساة
يا اما الابن يقول لباباه انت مش قادر تفهمنى
او الاب يقول لابنه انتو جيل فاشل .. احنا الكبار وبنفهم اكتر منك ولازم تسمع كلامنا
ف تقريبا الاب عشان يتجنب ده مش بيحاول يبدأ النقاش اصلا
بس برضو بتيجى عليا اوقات بابقى عايزاهم يجبرونى على الحاجة اللى مش عايزاها
لانها بتكون صح وانا باكون سلبية
وللاسف مش بيعملوا كدة
:(
ومين من الابناء اللى يقدر يكون راجل مع اهله
بالظبط ده اللى حصل معايا
ف اول السنة اقنعت ماما انى هافشل لو كملت علمى وكدة كدة هاحول ف تالتة ف من دلوقتى احسن
ماما حست بالاحباط ووافقتنى لانها شافت انه ماينفعش تقولى لاء لازم تكونى علمى وانا باحطم ف نفسى كدة
بس للاسف هى ماعرفتش تفهمنى غير متأخر
مافهمتش ان نقطة ضعفى الخوف والقلق
وانى مش عندى ثقة ف نفسى
كل الكلام ده اتقالى يوم النتيجة
:D
بس مش زعلانة لانى ماكنتش هابقى مبسوطة لو دخلت هندسة او صيدلة
فعلا مش فارقة معايا وانا بافضل عليهم كذا حاجة تانية
لكن على الاقل لو كانت اجبرتنى اكمل
كان ممكن اقدر احققلها املها فيا
وهى دى الحاجة اللى بتخنقنى اوىىى
انا طولت اوى
بس برضو مفيش فايدة ومفيش حل
:(
شكرا يا احمد لموضوعك الجميل بجد
واسفة انى طولت اوى كدة
gamal saber 18-08-2008, 09:46 AM موضوعك جميل يا احمد باشا
بس انا شايف ان الاب والام المفروض يقومو بدور الاشراف
لاكن سعات بيبقى الولد او البنت عاوز ياخد قرار عين زى كلية معينة مثلا
ممكن هو ينظر ليها من زاوية واحدة
لاكن الاب والام نتيجة لفرق السن والخبرة فى الحياة ممكن يكونو شيفين فيها حاجة هو مش شايفها
ومع ذلك دة مش معناة المصادرة على راى الابناء لاكن انا اقصد تقديم النصيحة والاقناع
وانا الحمد لله بابا وماما سيبنى اخطط لمستقبلى زى مانا شايفة والحقيقة هم
مش مقصرين معايا نهائى اى حاجة بحتاجها بيوفروهالى
ربنا يقدرنى يا رب واقدر افرحهم بيا
merci beaucoup
gamal saber
etudiant des droits
أحمد2025 18-08-2008, 04:13 PM موضوعك فكرنى بفيلم اضحك الصورة تطلع حلوة
لما عزت ابو عوف كان بيقول لكريم
فيما معناه ( انه يحب البنت اللى يختارها ويتجوز البنت اللى باباه يختارها )
ضحكتنى اوى الجملة دى
:D
ما علينا ندخل ف الموضوع
اكيد انا بافضل النوع التانى وكلنا كدة
عايزين نحس اننا كبرنا وبقى لينا رأى وقرارات
والاب او الام لسة شايف ابنه صغير وحاسس انه عمره ما هايكبر
كلمة احنا بنقولهالهم وهما بيقولوهالنا
( انتو جيل غير الجيل )
ممكن مانقولهاش ف وشهم بس اكيد عدت على دماغ حد فينا
اكيد المناقشة بين الاب وابنه كويسة جداا
على الاقل كل حد يفهم التانى بيفكر ازاى
الابن ياخد خبرات من والده والاب يحاول يرضى ابنه لو اقتنع برأيه
لكن دايما النقاش ده بينتهى بمأساة
يا اما الابن يقول لباباه انت مش قادر تفهمنى
او الاب يقول لابنه انتو جيل فاشل .. احنا الكبار وبنفهم اكتر منك ولازم تسمع كلامنا
ف تقريبا الاب عشان يتجنب ده مش بيحاول يبدأ النقاش اصلا
بس برضو بتيجى عليا اوقات بابقى عايزاهم يجبرونى على الحاجة اللى مش عايزاها
لانها بتكون صح وانا باكون سلبية
وللاسف مش بيعملوا كدة
:(
بالظبط ده اللى حصل معايا
ف اول السنة اقنعت ماما انى هافشل لو كملت علمى وكدة كدة هاحول ف تالتة ف من دلوقتى احسن
ماما حست بالاحباط ووافقتنى لانها شافت انه ماينفعش تقولى لاء لازم تكونى علمى وانا باحطم ف نفسى كدة
بس للاسف هى ماعرفتش تفهمنى غير متأخر
مافهمتش ان نقطة ضعفى الخوف والقلق
وانى مش عندى ثقة ف نفسى
كل الكلام ده اتقالى يوم النتيجة
:D
بس مش زعلانة لانى ماكنتش هابقى مبسوطة لو دخلت هندسة او صيدلة
فعلا مش فارقة معايا وانا بافضل عليهم كذا حاجة تانية
لكن على الاقل لو كانت اجبرتنى اكمل
كان ممكن اقدر احققلها املها فيا
وهى دى الحاجة اللى بتخنقنى اوىىى
انا طولت اوى
بس برضو مفيش فايدة ومفيش حل
:(
شكرا يا احمد لموضوعك الجميل بجد
واسفة انى طولت اوى كدة
بصى
هو أنت الله يكون فى عونك بجد
هو فعلا مفيش حل
علشان مفيش تفاهم
انا كتبت التوبيك ده علشان نفضفض
شكرا على مرورك الجامد جدا
موضوعك جميل يا احمد باشا
بس انا شايف ان الاب والام المفروض يقومو بدور الاشراف
لاكن سعات بيبقى الولد او البنت عاوز ياخد قرار عين زى كلية معينة مثلا
ممكن هو ينظر ليها من زاوية واحدة
لاكن الاب والام نتيجة لفرق السن والخبرة فى الحياة ممكن يكونو شيفين فيها حاجة هو مش شايفها
ومع ذلك دة مش معناة المصادرة على راى الابناء لاكن انا اقصد تقديم النصيحة والاقناع
وانا الحمد لله بابا وماما سيبنى اخطط لمستقبلى زى مانا شايفة والحقيقة هم
مش مقصرين معايا نهائى اى حاجة بحتاجها بيوفروهالى
ربنا يقدرنى يا رب واقدر افرحهم بيا
merci beaucoup
gamal saber
etudiant des droits
ربنا يخليهم ليك ياجمال
وفعلا كلامك صح
بس لازم المناقشة المناقشة المناقشة
شكرا على مرورك الجميل
دودو دلوعة اليكس 18-08-2008, 11:09 PM هاااااااى عليكم بصراحة موضوعك جميل جدا يا احمد وانا بصراحة بحب النوع التانى من الاباء لان هو دة الصح بس انا اعتقد ان النوع الاول دة ما بقاش موجود اد كدة بس بصراحة انا مش عرفة يا ترى الاباء بيبقوا صح فى انهم بيفرضوا رايهم ولا ايه!!!! هو ممكن يكون صح بس بصراحة مش على طول لان الاهل مش عيشين العيشة اللى احنا عيشنها لان ايامهم كانت مقفوله عننا شوية مش زينا دلوقتى عشان كدة الاباء ما بيبقوش صح فى كل حاجة واكتر حاجتين المفروض ما يجبروش اولادهم عليهم هم الكلية والزواج ودة من وجهة نظرى ويا رب تتقبلوها وميرسى ع التوبيك لانه فعلا جمييييييييييل
دودو دلوعة اليكس 18-08-2008, 11:10 PM هاااااااى عليكم بصراحة موضوعك جميل جدا يا احمد وانا بصراحة بحب النوع التانى من الاباء لان هو دة الصح بس انا اعتقد ان النوع الاول دة ما بقاش موجود اد كدة بس بصراحة انا مش عرفة يا ترى الاباء بيبقوا صح فى انهم بيفرضوا رايهم ولا ايه!!!! هو ممكن يكون صح بس بصراحة مش على طول لان الاهل مش عيشين العيشة اللى احنا عيشنها لان ايامهم كانت مقفوله عننا شوية مش زينا دلوقتى عشان كدة الاباء ما بيبقوش صح فى كل حاجة واكتر حاجتين المفروض ما يجبروش اولادهم عليهم هم الكلية والزواج ودة من وجهة نظرى ويا رب تتقبلوها وميرسى ع التوبيك لانه فعلا جمييييييييييل
ymymym 22-08-2008, 09:21 AM مع الاسف مع الالم دا اللي بيحصل مع اصحاب كتيييييييييييييييييييييييير قوي ليا وفي منهم اللي ابائهم بييجوا يضربوهم قدامنا لو مسمعوش الكلام ان جيتوا للحق موش عارفه ليه يعني هو مر بالظروف دي وهو صغير يعني كان نفسه حد قرب منه وقربله صح ليه ميعملش كده مع اولاده طيب وهو صغير عاوز حد يقرب منه ومقربش بالعكس دي تخليه يروح لابنه وميكررش العقده دي بس المشكله في ايه انهم بيبقوا خايفين عليهم من المجتمع لانه بقي اسوأ من زمان وشايفين ايه اللي بيحصل لكت الصراحه في اباء مخهم غريب بجد فعلا بيعملوا حاجات غريبه بس الحمد لله بابايا وانا صغيره مكنش قريب مني لكن في الفتره بتاعه الثانويه العامه قرب مني وبيحاول يعرف ايه اللي جوايا الحمد لله ميرسي علي الموضوع وتقبل مروري
أحمد2025 22-08-2008, 12:59 PM هاااااااى عليكم بصراحة موضوعك جميل جدا يا احمد وانا بصراحة بحب النوع التانى من الاباء لان هو دة الصح بس انا اعتقد ان النوع الاول دة ما بقاش موجود اد كدة بس بصراحة انا مش عرفة يا ترى الاباء بيبقوا صح فى انهم بيفرضوا رايهم ولا ايه!!!! هو ممكن يكون صح بس بصراحة مش على طول لان الاهل مش عيشين العيشة اللى احنا عيشنها لان ايامهم كانت مقفوله عننا شوية مش زينا دلوقتى عشان كدة الاباء ما بيبقوش صح فى كل حاجة ودة من وجهة نظرى ويا رب تتقبلوها وميرسى ع التوبيك لانه فعلا جمييييييييييل
لا لا لا يادودو
النوع الأول لسه موجود
أنت قولتى حاجة حلوة
واكتر حاجتين المفروض ما يجبروش اولادهم عليهم هم الكلية والزواج
بجد ده لازم يحصل
على على مرورك الجامد جدا
مع الاسف مع الالم دا اللي بيحصل مع اصحاب كتيييييييييييييييييييييييير قوي ليا وفي منهم اللي ابائهم بييجوا يضربوهم قدامنا لو مسمعوش الكلام ان جيتوا للحق موش عارفه ليه يعني هو مر بالظروف دي وهو صغير يعني كان نفسه حد قرب منه وقربله صح ليه ميعملش كده مع اولاده طيب وهو صغير عاوز حد يقرب منه ومقربش بالعكس دي تخليه يروح لابنه وميكررش العقده دي بس المشكله في ايه انهم بيبقوا خايفين عليهم من المجتمع لانه بقي اسوأ من زمان وشايفين ايه اللي بيحصل لكت الصراحه في اباء مخهم غريب بجد فعلا بيعملوا حاجات غريبه بس الحمد لله بابايا وانا صغيره مكنش قريب مني لكن في الفتره بتاعه الثانويه العامه قرب مني وبيحاول يعرف ايه اللي جوايا الحمد لله ميرسي علي الموضوع وتقبل مروري
طيب يضربوهم
بس مش قدامكم
ويضربوهم ليه أصلا
وياريت والله كل الأباء يتقربوا من الأبناء
وربنا يخليلك والدك
شكرا على مرورك الطيب
طبيب عالمى قادم 22-08-2008, 02:13 PM مشكووووووووووووووووووووووووور
Travel 22-08-2008, 06:55 PM حلو الموضوع يا احمد
على فكرة معظم الاهل من النوعية الاولى
اللى هى بتاعة احنا نطبخ وانتا تاكل احنا نغسل وانتا تلبس احنا نخطب وانتا تتجوز
وطبعا ده لانهم عارفين اكتر منك ومصلحتك على حد كلمهم
لزم يكون فى مشورة بين الاباء والابناء علشان الابن يحس بوجوده
يبتدى يتعلم ازاى يتحمل مسئولية ويكون اهل ليها
اغلط مرة واتنين وتلاته بس اهم حاجة تتعلم من غلطك وتواجه فشلك علشان تقدر تكمل
بس مين من الاهل بيطبق الكلام ده
ومين من الابناء اللى يقدر يكون راجل مع اهله
بس كلام فى سرك الحرية المطلقة مفسدة مطلقة برضه
انا مع كلامك يا اسلام
بس فى جزئية مختلفة فيها
الحرية بحدود يبقى (اوك)
غير كده لاء
مرفوضة
كمان المشكلة انهم مش بيلاحظوا
ان الجيل اتغير
يعنى الزمن بتاعهم خلاص
خلص من زمان
احنا فى زمن جديد
ليه تقاليد جديدة المفروض ان احنا اللى هنتحكم فيها وبيها
المشكلة انهم مش عارفين كده
مقدرش اتكلم اكتر من كده
لان الموضوع ده جاى على الجرح اوى
وكل يوم بعانى منه
:(:(
خلينى ساكتة
شكرا يا احمد بجد على مواضيعك الجميلة
وانا مبسوطة اكتر بالنقاش اللى انت بتفتح مجال ليه
:)
COoL HEaRT 22-08-2008, 07:06 PM كمان المشكلة انهم مش بيلاحظوا
ان الجيل اتغير
يعنى الزمن بتاعهم خلاص
خلص من زمان
احنا فى زمن جديد
ليه تقاليد جديدة المفروض ان احنا اللى هنتحكم فيها وبيها
المشكلة انهم مش عارفين كده
مقدرش اتكلم اكتر من كده
لان الموضوع ده جاى على الجرح اوى
وكل يوم بعانى منه
:(:(
خلينى ساكتة
شكرا يا احمد بجد على مواضيعك الجميلة
وانا مبسوطة اكتر بالنقاش اللى انت بتفتح مجال ليه
:)
بالظبط انا مع ترافل جداا هو مش مقدرين ان الجيل اتغير
والموضوع ده كان لسه شغال فى البيت النهارده
كانت عمتى عندنا والكلام ع جواز ابن عمى اصله هيقرى فاتحه النهارده عقبال عندكو :D
هى معترضه ازاى ولد فى تانيه جامعه من نظرها لسه عيل :mad:
يروح يتقدم لبنت ..........هم لا عاجبهم يتجوز ولا عاجبهم ميتجوزوش
ولما تقع الفاس فى الراس يقلك معرفناش نربى والكلام المعروف
انا شايفه زى محد قال لا الكليه ولا الجواز يكون فى تدخل يكون الاب والام ناصحين بس
مشكووووووووور يا أحمد
الموضوع حلو اووى
وفعلا فيه اباء وأمهات بيتعاملو مع عيالهم بطريقه مش كويسه خالص
يعنى دايما متدخلين فى حياتهم وفى مستقبلهم
لدرجة حتى طريقة لبسهم
علشان كده بيطلعوا أصلا مش عندهم شخصيه ومنغلقين على الحياه
بس انا الحمد لله ربنا يخلى لى مامتى وبابا
مش كده خالص
ربنا يخليهم لى يارب
تسلم ايدك الموضوع حلو اوى
أحمد2025 24-08-2008, 02:44 AM مشكووووووووووووووووووووووووور
شكرا على مرورك الكريم أخى السفاش مبروك
انا مع كلامك يا اسلام
بس فى جزئية مختلفة فيها
الحرية بحدود يبقى (اوك)
غير كده لاء
مرفوضة
كمان المشكلة انهم مش بيلاحظوا
ان الجيل اتغير
يعنى الزمن بتاعهم خلاص
خلص من زمان
احنا فى زمن جديد
ليه تقاليد جديدة المفروض ان احنا اللى هنتحكم فيها وبيها
المشكلة انهم مش عارفين كده
مقدرش اتكلم اكتر من كده
لان الموضوع ده جاى على الجرح اوى
وكل يوم بعانى منه
:(:(
خلينى ساكتة
شكرا يا احمد بجد على مواضيعك الجميلة
وانا مبسوطة اكتر بالنقاش اللى انت بتفتح مجال ليه
:)
انت قولتى حاجة حلوة قوى ياترافل
انهم مش بيلحظوا ان الجيل اتغير
لا اطمنى ياترافل
مش انت لوحدك اللى بتعانى
انا اللى متشكر ياترافل على ردودك التحفة
ربنا يحميكى
أحمد2025 24-08-2008, 02:50 AM كمان المشكلة انهم مش بيلاحظوا
ان الجيل اتغير
يعنى الزمن بتاعهم خلاص
خلص من زمان
احنا فى زمن جديد
ليه تقاليد جديدة المفروض ان احنا اللى هنتحكم فيها وبيها
المشكلة انهم مش عارفين كده
مقدرش اتكلم اكتر من كده
لان الموضوع ده جاى على الجرح اوى
وكل يوم بعانى منه
:(:(
خلينى ساكتة
شكرا يا احمد بجد على مواضيعك الجميلة
وانا مبسوطة اكتر بالنقاش اللى انت بتفتح مجال ليه
:)
بالظبط انا مع ترافل جداا هو مش مقدرين ان الجيل اتغير
والموضوع ده كان لسه شغال فى البيت النهارده
كانت عمتى عندنا والكلام ع جواز ابن عمى اصله هيقرى فاتحه النهارده عقبال عندكو :D
هى معترضه ازاى ولد فى تانيه جامعه من نظرها لسه عيل :mad:
يروح يتقدم لبنت ..........هم لا عاجبهم يتجوز ولا عاجبهم ميتجوزوش
ولما تقع الفاس فى الراس يقلك معرفناش نربى والكلام المعروف
انا شايفه زى محد قال لا الكليه ولا الجواز يكون فى تدخل يكون الاب والام ناصحين بس
طيب يابنوته هو عمك نصحة بإية؟؟
بس تانية جامعة ده المفروض هو نفسه ميفكرش فى الجواز دلوقتى
لسه المستقبل كبيرررر
وطبعا جملة حلوة قولتيها
ان فى الكلية والجواز يكون الأب والأم ناصحين فقط
شكرا على تفاعلك مع الموضوع يابنوته
مشكووووووووور يا أحمد
الموضوع حلو اووى
وفعلا فيه اباء وأمهات بيتعاملو مع عيالهم بطريقه مش كويسه خالص
يعنى دايما متدخلين فى حياتهم وفى مستقبلهم
لدرجة حتى طريقة لبسهم
علشان كده بيطلعوا أصلا مش عندهم شخصيه ومنغلقين على الحياه
بس انا الحمد لله ربنا يخلى لى مامتى وبابا
مش كده خالص
ربنا يخليهم لى يارب
تسلم ايدك الموضوع حلو اوى
انت فتحتى برضه حاجة كويسه
ان الأباء بيخافوا على أبنائهم قوى
وميخلهمش يعتمدوا على نفسهم
فيكونوا زى منحرفين وانطوائين
شكرا على مرورك الجامد هااااى
**تسابيح** 01-09-2008, 03:20 PM طبعا المناقشة دي تبقي حاجة كويسة اوي
اولا ع الاقل الواحد يبقي صادق ادام اهله
ومش يكونوا بيخبوا ع بعض حاجه
ام موضوع ان الاب والام عايزين طب
بصراحة مش عارفه بحس انه عدم وعي
من الاهالي يعني مش كل اللي دخل طب بقي كويس
او حتي اي كليه من كليه قمه اهم حاجه ايه اللي
ربنا ميسروا ليه عشان امشي فيه دي بقي الحاجه
اللي مفروض الواحد يفكر فيها كويس
بس يمكن هم كان عايزين يحقق حلم
فيعملوا كدا ف ولدهم وف اباء بتبقي ليه
شخصيه بقي والاولاد مش بيقدورا ينطقوا
بكلمه ليه واحده صاحبتي باباه عايزه تبقي
مهندسه وهي مش بحب علم رياضه
عشان كدا جاي لها اكتئاب واحباط وحاجات كثير
وكمان بعد الشر يعني مش تجيب الموضوع
يعني اهم حاجه ان الاب والام يعرفوا
قدرات اولادهم عشان اولادهم
يعيشوا حياه سعيده ومش يحسوا بالذنب
شكرا ع الموضوع الرائع
وردة الشتاء 04-09-2008, 12:37 AM موضوع حلو
ومهم جدا المناقشه بين الاباء والابناء
شكرا علي الموضوع
تقبل مروري
أحمد2025 17-09-2008, 10:25 PM طبعا المناقشة دي تبقي حاجة كويسة اوي
اولا ع الاقل الواحد يبقي صادق ادام اهله
ومش يكونوا بيخبوا ع بعض حاجه
ام موضوع ان الاب والام عايزين طب
بصراحة مش عارفه بحس انه عدم وعي
من الاهالي يعني مش كل اللي دخل طب بقي كويس
او حتي اي كليه من كليه قمه اهم حاجه ايه اللي
ربنا ميسروا ليه عشان امشي فيه دي بقي الحاجه
اللي مفروض الواحد يفكر فيها كويس
بس يمكن هم كان عايزين يحقق حلم
فيعملوا كدا ف ولدهم وف اباء بتبقي ليه
شخصيه بقي والاولاد مش بيقدورا ينطقوا
بكلمه ليه واحده صاحبتي باباه عايزه تبقي
مهندسه وهي مش بحب علم رياضه
عشان كدا جاي لها اكتئاب واحباط وحاجات كثير
وكمان بعد الشر يعني مش تجيب الموضوع
يعني اهم حاجه ان الاب والام يعرفوا
قدرات اولادهم عشان اولادهم
يعيشوا حياه سعيده ومش يحسوا بالذنب
شكرا ع الموضوع الرائع
يااااااااااااه قولتى جملة حلوة قوى
أهم حاجة يعرفوا قدرات أولادهم
بجد قد ايه ده مهم
شكرا على مرورك الجامد جدا
موضوع حلو
ومهم جدا المناقشه بين الاباء والابناء
شكرا علي الموضوع
تقبل مروري
شكرا على مرورك الجميل
|