!!!ايه اللى حصل للناس!!! [الأرشيف] - بوابة الثانوية العامة المصرية

Cray_Bird91

17-08-2008, 05:08 PM

السلام عليكم ورحمة الله وبركاته

بجد ايه اللى حصل للناس؟؟

مفيش حد مبسوط خالص كله مهموم وحيران

رمضان على الابواب والناس زى ماهى

زمان كنا نلاقى رمضان هو احلى شهر بيمر فى حياتنا والكل بيبقى فرحان والشوارع بتبقى زحمة جدا

واغانى رمضان بتبقى فى كل حتة

لكن دلوقتى يدوب الاقى الناس مكبة على وشها ومش فرحانة ومكتومة

الشوارع بقت هادية جدا

حتى المحلات اللى بتبيع فوانيس رمضان مبقش زى الاول كانت دايما تعلق الفوانيس فى نص شعبان زى دلوقتى

ايه اللى حيفدنا لما رمضان يجى وهو زعلان مننا بسبب المعاصى اللى كثرت بيننا

دايما كنا بنلاقى يافتات فى المساجد بتقول"يا باغى الخير اقبل ويا باغى الشر اقصر"

لكن دلوقتى كله بقى واحد

حتى فى اول يوم رمضان العائلة كلها بتتجمع فى بيت واحد وتلاقى الفرحة جامدة جدا

دلوقتى بقت عزومة على الماشى وخلاص

بجد ايه اللى حصل؟؟

امبارح كنت بتسوق مع والدتى وياميش رمضان بدأ

بس برضه بلاقى الناس كل همها الاسعار وخلاص

ومفيش البهجة بتاعت زمان

ياريت اعرف ايه اللى حصل عشان اشوف وش الناس بالطريقة دى:(:(

نفسي اشوف كله فرحان وبيغنى اغانى رمضان والكل يزور بعض

bosy .. mostafa

17-08-2008, 05:13 PM

Cray_Bird91

17-08-2008, 05:19 PM

بسم الله الرحمن الرحيم
عارفه ... والله احنا زمان كنا بنستعد لرمضان و بنبقى فرحانين بيه اوي
دلوقتي مش عارفه .. مش حاسه خالص انه رمضان راح ييجي كمان اسبوعين
حاسه انه فاضل له 6 شهور مش اسبوعين
انا قلبي مستعد و نفسه يستقبل رمضان
بس مش عارفه ليه مش حاسه بنفس الفرحه
كل لما افتكر ان الدروس راح تبدأ مع اول يوم لرمضان همتي تقل ..
زي السنه اللي فاتت الدروس كانت مع رمضان و مش عرفت اتمتع بيه للأسف
ولا في العشر الأواخر .. و مش صليت في المسجد غير يوم واحد بس :(
و ده اللي راح يبقى السنه دي .. نفس الموال
ربنا يتوب علينا

نفس مشكلتى:(

بس مش حخلى الدروس متحسسنيش برمضان

السنة اللى فاتت برضه معملتش حاجة ولا لحقت اختم القران وكل ده بسبب الدروس

بس ان شاء الله مش حيعدى زى السنة اللى فاتت

بس مش هو ده المقصود من كلامى
احنا ممكن نعمل حاجات كثير فى رمضان

بس المشكلة انى حاسة ان الناس مبقش زى الاول وفرحانة

ومستقبلة برمضان بنفس فرحانة

شكرا لمرورك الجميل نورتى التوبيك

bosy .. mostafa

17-08-2008, 05:24 PM

نفس مشكلتى:(

بس مش حخلى الدروس متحسسنيش برمضان

السنة اللى فاتت برضه معملتش حاجة ولا لحقت اختم القران وكل ده بسبب الدروس

بس ان شاء الله مش حيعدى زى السنة اللى فاتت

بس مش هو ده المقصود من كلامى
احنا ممكن نعمل حاجات كثير فى رمضان

بس المشكلة انى حاسة ان الناس مبقش زى الاول وفرحانة

ومستقبلة برمضان بنفس فرحانة

شكرا لمرورك الجميل نورتى التوبيك

عارفه ليه الناس مش فرحانه؟
عشان البلاوي اللي واحد بيشوفها
من ارتفاع اسعار .. لآزمه في رغيف العيش .. لتسريب امتحانات .. لمذابح في فلسطين
الواحد مش بقى لاقي حاجه يفرح عشانها
بس للأسف الناس اصابها حالة يأس فظييييعه
ربنا يهدينا بقى

Cray_Bird91

17-08-2008, 05:27 PM

عارفه ليه الناس مش فرحانه؟
عشان البلاوي اللي واحد بيشوفها
من ارتفاع اسعار .. لآزمه في رغيف العيش .. لتسريب امتحانات .. لمذابح في فلسطين
الواحد مش بقى لاقي حاجه يفرح عشانها
بس للأسف الناس اصابها حالة يأس فظييييعه
ربنا يهدينا بقى

عندك حق

بس برضه ده ميمنعش ان الواحد يفرح برمضان

وبعدين الناس هى اللى جايباة لنفسيها

حنفضل فى الجبن ده لحد امتى؟:mad:

ربنا يهدى فعلا

مرورك بجد اسعدنى نورتى التوبيك

_GUIDE_

17-08-2008, 06:32 PM

امم رمضان
انتى عارفه من شوية سنين كده فاتوا
كان رمضان ده ليه طابع خاص جدا
يعنى اول ما المفتى يعلن الرويا
تلقى الصواريخ اشتغلت والناس فرحانه وبتهنى بعض
حاليا ممكن تقول لواحد رمضان بكرة يقول طيب او هتصوم ولا زى كل سنه
معتش فيه البهجة القديمة الناس كنتى تلقيها فى الاسواق بتشترى اكل بكمبات غريبة
تحسى ان فيه مجاعة قريبة
فوانيس وعمو فواد وبوجى وطمطم نصبة الكنافة ولقمة القاضى
والناس فرحانه
متلقيش الجو ده حاليا معتش فيه فرحه كل انسان عايش فى همومه
رمضان شهر جميل ولظروف خاصة بحبه وبكره فى نفس الوقت :(

the black rose

17-08-2008, 06:40 PM

محترف الأدسنس

17-08-2008, 07:44 PM

والله مش من يومين كنت عامل رمضان بعد شهرين او اكتر
الجمعة اللي فاتت اتفاجئت لما واحد قال اننا في نص شعبان
واتفجات بردو اننا في شهر 8 انا كنت عامل اننا في شهر 6
والله مش عارف النهاردا اي!!!!

بس دا يمكن لأني مش بهتم بالتفاصيل وبنسى كتير .....

لكن بالنسبة للناس لأن مفيش معنى لرمضان عندهم
لأن مفيش تغيير ....مفيش أمل......
حتى الجانب الديني سيطر عليه ناس مدعومين من قوى خارجية
تفكيرهم غير تفكيرنا .....افكارهم غيرت مبادئنا.....
مفيش شئ بقي مضمون....

Cray_Bird91

17-08-2008, 07:55 PM

Cray_Bird91

17-08-2008, 07:57 PM

ده اكيد من ذنوبنا اللى كترت اوى
ده عشان مش بنصلح من نفسنا
كل واحد يقول المفروض كل واحد يبدا بنفسه
بس للاسف ده مش بيحصل
بجد احنا مش عايزينه شعار و خلاص
عايزين نبدا بجد

شكر عالموضوع
جزكم الله كل خير

عندك حق

ذنوبنا كثرت ومش لاقينلها حل

اه لو الناس تعرف قيمة الفرحة

شكرا لمرورك يا قمر نورتى التوبيك

Cray_Bird91

17-08-2008, 08:00 PM

والله مش من يومين كنت عامل رمضان بعد شهرين او اكتر
الجمعة اللي فاتت اتفاجئت لما واحد قال اننا في نص شعبان
واتفجات بردو اننا في شهر 8 انا كنت عامل اننا في شهر 6
والله مش عارف النهاردا اي!!!!

مفيش بركة فى الوقت ولا الايام

بس دا يمكن لأني مش بهتم بالتفاصيل وبنسى كتير .....

لا دى بتحصلنا كثير للاسف

لكن بالنسبة للناس لأن مفيش معنى لرمضان عندهم
لأن مفيش تغيير ....مفيش أمل......
حتى الجانب الديني سيطر عليه ناس مدعومين من قوى خارجية
تفكيرهم غير تفكيرنا .....افكارهم غيرت مبادئنا.....
مفيش شئ بقي مضمون....

المشكلة ان الناس هى اللى عاشرت فرحة رمضان زمان
دلوقتى ايه اللى حصلهم
مش عارفة

جزاك الله كل خير على المرور الكريم

SmSm Basha

17-08-2008, 08:12 PM

الفرحة اختفت من النفوس ......... و الضحكة اختفت من الوشوش ........... و الناس بقت دايما عايشة في هم دائم و حزن مقيقم ............ اعتقد ان السبب في دا غضب من ربنا عز و جل على هذا الشعب الذي اصبح كل منه يسرق اخيه و ينصب على اخيه و كل منه همه على نفسه ........... العيب فينا مش في الحكومة ........... العيب فينا مش في الادارة ........... الحكومة مقالتش للناس اسرقوا الدقيق المدعم من المخابز ........... الحكومة مقالتش للناس اضحكوا على بعض و اسرقوا فلوس بعض ........... و ان كانت ............ معظم تلك الصفات السيئة لتختفي اذا وجد تعليم جيد مش مدرس ماسك عصاية و كل اللي همة العيال تروح تاخد عنده دروس .......... اسف على الاطالة و شكرا لحضرتك على الموضوع و تقبلي مروري و تحياتي

Cray_Bird91

17-08-2008, 08:34 PM

Travel

17-08-2008, 09:08 PM

ahmed2845

17-08-2008, 09:50 PM

welcomeeee

17-08-2008, 10:16 PM

أسيل رزق

18-08-2008, 03:37 PM

Cray_Bird91

19-08-2008, 03:46 PM

والله يا ندى
للاسف
انا يمكن محستش برمضان انه قرب
يمكن لما خرجت النهاردة
ولاقيت الحاجات بتتباع
الفوانيس
والحاجة بتاعة رمضان

يمكن علشان الدنيا بقت فيها مشاغل كتيير
بقت فيها حاجات كتيير اهم واكبر من اننا نحس برمضان
:(:(:(

يمكن كل واحد بقى مشغول
او مهموم
او مخنوق
مش عارفة

انا كنت عمالة اقول لنفسى
رمضان فاضل عليه
3 اشهر
دلوقت فجاة لاقيته
اسبوعين

ربنا يستر
ياترى اللى جاى هيبقى ازاى
:confused::confused:

ربنا يستر فعلا على الايام اللى جاية

بس فى حاجة انا مش مقتنعة بيها

المفروض الهموم او الخنقة او المشاكل

المفروض تكون بمجىء رمضان تروح ونحس مكانها بالفرحة

بس دلوقتى كله بقى زى بعضه

شكرا يا قمر على مرورك نورتى التوبيك:)

Cray_Bird91

19-08-2008, 03:51 PM

الدنيا مليانة مشاكل وكل واحد شايل هموم غير هموم التانى عشان كده محدش بيحتفل برمضان
وده شىء طبيعى عشان الاوضاع الى بتمر بيها البلد من غلاء و تدهور الاحوال الاقتصادية والصحية والعنوسة والبطالة
كل ده بيلهى الناس عن الفرحة والسعادة
بس الغريب فى الموضوع ان الهموم وصلت للاطفال هما كمان شايلين الهم ولا بيلعبوا فى الشوارع بالفوانيس زى الاول

حتى الاطفال!!!

اتمنى تكون دى كابوس وتروح لحالها:(

بس زى ما قلت المفروض لما رمضان يجى اى حاجة مش حلوة فى البلد احنا اللى نشيلها ونفرح

ويارب رمضان يرجع زى الاول

شكرا للمرور الكريم

Cray_Bird91

19-08-2008, 03:53 PM

بجديبا ندى عندك حق
فعلا انا معدتش بحس برمضان زى الاول

وبالنسبه للبيت عندنا رمضان زى اى شهر مش عارفه ليه
طبعا الهموم والمشاغل وكل الكلام سبب مهم اوى فى الموضوع ده
بس برضه اكيد ده غضب من ربنا علينا

شكرا ليكى يا ندى على الموضوع

حتى عندى هنا فى البيت

مش حاسين باى فرحة داخلة علينا

ربنا يصلح الاحوال

شكرا يا مريم على مرورك الجميل

نورتى التوبيك

thedreamer33

19-08-2008, 03:55 PM

الناس بقت تعبانة قوى الدنيا بقت مليانة هموم ومشاغل
محدش فايق يشترى ياميش او فوانيس
اهم حاجة ازازة الزيت وكيس السكر ورغيفين العيش
وكل سنة وانتم طيبين

Cray_Bird91

19-08-2008, 03:57 PM

تيتة وماما وبابا كانوا بيحكولى على اللى كانوا بيعملوه زمان لما يعرفوا إن رمضان قرب

تهانى وزينة و أنوار وتحس إن أيام فيها بركة وخير و محبة

من 5 أو 6 سنين أول ما نعرف غن رمضان بكره بنبقا هنموت من الفرحة ونزور كل الناس وهما كمان يزورونا نسأل عليهم يسألوا علينا بجد رمضان زمان كان ليه مزاق جميل و فيه أحاسيس طيبة

لكن دلوقتى مفيش حاجة من دى رمضان دلوقتى عبارة عن صيام وفرجة على المسلسلات 24 ساعة

والعيب مننا إحنا نفوسنا مش صافية ونيتنا مش خالصة لوجه الله

يا ريت رمضان بتاع زمان يرجع تانى

ربنا يهدينا ويرحمنا برحمته

لسة والله امبارح بنحاول نحس برمضان ونشغل اغانى تحسسنا برمضان

بس برضه مش حاسين بفرحة رمضان زمان

وكل ده عشان خاطر الظلم والضيق اللى بنحسه فى البلد

يارب فعلا احس برمضان زمان واحس اللى احنا فيه ده كابوس وحيروح

مرورك بجد اسعدنى

نورتى التوبيك

نورتى التوبيك

Cray_Bird91

19-08-2008, 04:00 PM

الناس بقت تعبانة قوى الدنيا بقت مليانة هموم ومشاغل
محدش فايق يشترى ياميش او فوانيس
اهم حاجة ازازة الزيت وكيس السكر ورغيفين العيش
وكل سنة وانتم طيبين

المسألة مش مسألة ياميش ولا فوانيس

المسألة ان الدنيا مش مستاهلة كل ده

وبعدين ماهو كان زمان فى مشاغل وهموم وبرضه كنا بنحس بفرحة غريبة اوى فى رمضان

اشمعنى دلوقتى؟؟؟؟

وحضرتك طيب

شكرا على المرور الكريم

Prof.Dr/A.T.M

19-08-2008, 04:15 PM

انا حاسة ان رمضان مبقاش زى زمان
مفيش الاستعداد الجميل
للأسف الاستعداد للاسوأ بتبدأ شياطين الانس تجهزلنا فى المعاصى لتحل محل شياطين الانس ونلاقى المسلسلات وغيره وغيره
وبالنسبة للدروس انا اصلا بدأت اول 8 وفى رمضان هنبقى عدينا جزء من المنهج ولازم اذاكر كويس
نفسى احس برمضان لاكن احسن حاجة انه رمضان فى الاجازة علشان اوازن بين المذاكرة والعبادة والترفيه
وكل سنة وانتم طيبين وشكرا ليكي على الموضوع