بعد اذنكم عندى كذا استفسار بما انى جديدة فى التربية والتعليم

اولا: فى حالة رفض مدير المدرسة للاذن المقدم منى لحضور محاضراتى فى الدبلومة التربوية العامة لانى غير حاصلة على مؤهل تربوى ايه هى الاجراءات اللى اقدر اعملها تجاه المشكلة دى عليما بانى فى فترة الــــــــ 6 شهور تحت الاختبار حاليا؟

ثانيا: مكتوبلى فى مفردات مرتبى 18 جنيه رسوم قيد نقابة ، انا لم اطالب بذلك اصلا بس اللى حصل من الموظفة بقى فانا دلوقتى اقدر اروح النقابة و انا فى فترة ال6 شهور تحت الاختبار واقدم فيها و اطلع كارنيه ؟ و ال 18 جنيه بتوع رسوم النقابة دى هل انا خلاص كده مش هادفع تانى لما اروح النقابة ولا ال 18 جنيه دول نظير ايه بالظبط؟

ثالثا: التقرير او التقييم اللى بيتم كتابته عنى عن فترة الاختبار دى بيكون معاييره ايه بالظبط ومين بيكتبه؟

رابعا: انا تاريخ استلامى للعمل 11/6/2015 و تاريخ الاقدمية بتاعى 12/1/2015 و انا معينة بالماجستير ، امتى اقدر اقدم طلب بضم حافز الماجستير و اقدمه لمين تحديدا؟

وشكرا لكم

بالنسبة لجدول المحاضرات تقدري تحلي هذا الامر ودي مع ادارة المدرسة لكن اثناء الامتحانات بتقدمي نسخة من جدول الامتحانات الخاصة بالدبلومة وتحتسب تلك الايام اجازة اعتيادية لحضرتك
وبخصوص رسوم النقابة هي تخصم باعتبار حضرتك اصبحتي عضوة بنقابة المعلمين وهناك مبلغ شهري يخصم لصالح النقابة وصندوق الزمالة الخاص بالنقابة
وبخصوص حافز الماجسنير حضرتك ممكن تقدمي المستندات الدالة علي ذلك لمسئول الماهيات بالمدرسة وهو يقوم بتحرير الحافز الخاص بحضرتك او من الافضل تقديم هذه المستندات لقسم شئون العاملين بالادارة التعليمية الخاصة بحضرتك وهناك سيتم افادتك اكثر
وبالتوفيق إن شاء الله

رسم القيد بنقابة المعلمين إجبارى
الإشتراكات إختيارية بعد ذلك

السبب ؟؟
تشترط نقابة المعلمين ان تكونى نقابية حتى تمارسي المهنة
و لا يفرق معها مسألة تحت الإختبار
و لو لم تخصم جهة عملك رسوم القيد من راتبك الأول
تصبح جهة عملك طرف فى جريمة

لأن من حق النقابة قانونا إيقافك عن العمل لو لم تكونى مقيدة بجداولها
لكن ليس من حق النقابة إيقافك عن العمل لأنك غير منتظمة فى سداد الإشتراكات الشهرية

بالنسبة للمحاضرات و الإمتحانات
أطلبى من الكلية جدول معتمد
و قدميه للمدرسة
و متفترضيش الرفض

و لو رفض
توجهى للمدير التنفيذى و الإدارى بالمديرية الى تتبعيها و هنا ممكن تنحسب تفرغ رسمى للدراسة حيث أنه لصالح العمل و فى نفس التخصص