هو انا لو شطبت كتير في الامتحانات اللي فاتت كلها وانا معرفش انوا غلط اللي هيحصلي دلوقتي في الورقة الاجابة بتاعتي

ورقك هيدخل لجنة خاصة لو شاطب كتير .

لو هتشطب بعد كدا خلي المراقب يعملك محضر اثبات حالة ، عشان يثبت انك انت اللي شطبت ، في الحالة دي عادي مش هيدخل لجنة خاصة .

لو شاطب كلمتين تلاتة عادي بردو.

كفاية خط واحد او خطين ع الكلمة الغلط مش لازم تلونها يعني.

وبعدين الشطب الكتير مش كويس ، المصحح هيكون صايم والجو حر وحاجة اخر قرف واول مايفتح ورقتك يلاقيك شاطب كمان :angry2: مستني رد فعله يبقى عامل ازاي ، ماهو بني آدم بردو.

انا مكنتش اعرف اني غلط لسه عارفة انهاردة يعني هما مش هيعدهالي صح

متخافيش مش هيحصل حاجة ان شاء الله
سمعت حالا من مدرس (بيصحح الايام دي) ان مفيش لجنة خاصة ولا بتاع اهو كلام بيخوفونا بيه وخلاص
الا لو واحد عامل علامة مميزة مثلا
المصححين عايزين يخلصوا كمية الورق اللي معاهم
مش فاضيين يودوا ورق لجنة خاصة متقلقيش .. فيه مدرس تاني قالي مابنعملش لجان خاصة خالص.

بس كفاية شطب بقى ،، ركزي في الكلام اللي بتكتبيه كويس مش في اجابة سؤال غيره.

اكيد مفيش حاجه ان شاء الله
بس المشكله ان الشطب الكتير بيبوظ المنظر الجمالى والتنسيق ف الورقه
والتنسيق بيبقا ليه دوور كبير طبعا
بس عادى مفيش لجنه خاصه واطمنى

شكرا ليكوا اوي ياجماعة انا كنت مرعوبة بجد

ولا اى حاجه هتحصـــــــــل انا كنت برنس تشطيب وعاادى

وقبل كده اتعملى اثبات حاله انى بشغبط وكده ف ماده الكمياء ايام الثانويه العامه وجبت 49 ونصف من 50 وعاااااادى =d