السلام عليكم


يا جماعه انا داخله ثالثه وكنت هكمل علوم بس المجموع حكم عليا اني اكمل رياضه المهم



انا عايزه اعرف منكم بجد رياضه 2 صعبه اووووووي ولا تتفهم زي رياضه 1

اصلي خايفه ادبس فيها

واندم ............ انا بحب رياضه 1 بس قبل كده مش كنت بحب الرياضه

هنتظر ردودكم . ويارب تبشروني

لأ هو بصراحة بصراحة رياضة 2 مش سهلة خالص هما 6 فروع وعشرين وحدة
الهندسة الفراغية مثلاً مش زي الهندسة المستوية اللي كنا بناخدها في أعدادي ومش زي الهندسة التحليلية بتاعة المتجهات والقوى اللي كنا بناخدها في أولى ثانوي لأ ديه كلها عبارة عن رسومات بترسميها بتخيل وبترسمي حاجات في الفراغ مش على سطح مستوي ومجسمات وحاجات غريبة كدة وفيه ناس مش بتعرف ترسم الرسمة أصلاً وطبعاً لو الواحد مرسمش رسمة المسألة مش حيعرف يبرهن و يثبت المطلوب منه في السؤال ديه حاجه
الباب الثالث المحددات بيجي منه في الإمتحان سؤالين فيه منهم سؤال بيجي إختياري ومحدش بيعرف يحله خالص وده بيجي دائماً رقم ب في السؤال الثالث في إمتحان الجبر
نيجي بقى للمكانيكا ........... الميكانيكا وما أدراك بالميكانيكا ده كفايه أسمها بس وطبعاً مش سهلة وديه بتتكون من أستاتيكا و ديناميكا
وطبعاً بيكون فيه 3 إمتحانات أخر السنه أمتحان جبر و هندسة فراغية وده بتختاري فيه 4 أسئلة من 6 أسئلة و كل سؤال مسألتين يعني بتحلي 8 مسائل في ساعتين بس و كل مسألة و مسأله طويلة و بتتحل في صفحتين على الأقل ولازم أي حد داخل رياضة 2 يحل بسرعه ديه مش رياضه 1 اللي بياخدوها بتوع الأدبي لأ
والتفاضل و التكامل 8 مسائل بردوا في ساعتين و مسائل طويلة و عايزة تفكير عالي جداً
الميكانيكا 8 مسائل في ساعتين بردوا وكل مسألة في الميكانيكا بتاخد وقت 30 دقيقة يعني في الساعتين ممكن تحلي 4 مسائل من ال 8 مسائل طبعاً في الورقة بيجي 12 مسألة بتحلي منهم 8 بس !!!!!

أما الأحياء بقى كلمتين و رسمتين بيتحفظوا و بتدخلي تكتبيهم في الإمتحان ومش محتاج أي دماغ ولا حس هندسي ولا تخيل ولا دماغ عالية ولا أي حاجة خالص
الأحياء طبعاً 6 أسئلة بتختاري منهم 5 في 3 ساعات بس!!!!!
وعلى فكرة محدش بيدخل رياضة 2 و يجيب مجموع وده بيفسرلنا ليه كل سنه كليات الهندسة مجموعها أقل من مجموع كليات القطاع الطبي!!!!
عشان مجاميع بتوع علمي علوم دايماً عالية
ومجاميع علمي رياضة دايماً واطية !!!!

bosi ryada 2 mesh s3ba da law anty bthby elryada bgd
bs ryada 2 ghir ryada 1 bkteer deh haga w deh haga tanya

law anty konty fe ryada 1 mo3tmda 3la hfz shakel elmsala
da mesh hinf3 fe ryada 2 khales l2n hia bt3tmed 3la elfhm
akter khsosan fe elmikanika w khsosan fe fr3 eldinamika
bs drstha momt3a gdn

w ana men koter hobi fe elryada ana mesh rdit adkhol hasbat w m3lomat w dakhlt kolit trbya_ryada

بسم الله الرحمن الرحيم
بصي يا حبيبتي انا مش جربت رياضه 2
بس واضح من رد الإخوه انها صعبه :o
وااااااصدمتاااااااااااااااه :o:o:o
بس مافيش حاجه صعبه عاللي بيذاكر
بس اللي احب اقوله ليكي
لو انتِ عندك همه انك تذاكري الماده دي و تفهميها توكلي على الله
و في الأول و في الآخر صلي استخاره
و ربنا راح يهديكي للخير
و للي انتِ حباه
محدش عارف الخير فين

ربنا يخليكو يا جماعه والحمد لله دخلت رياضه 2 ادعولي .وجزاكم الله خيرا علي المرور

ربنا معاكى
بصراحة انا شايفاها سهلة بس مش عاوزة دلع