مشاهدة النسخة كاملة : ماذا حدث لك اليوم ...؟؟؟
Miss_CaR!zma 10-03-2006, 01:02 PM السلام عليكم ورحمة الله وبركاته
اسعد الله أوقاتكم بكل خير
الصراحة هي فكرة خطرت لي النهارده والفكرة دى مجرد أن الواحد يدخل كل يوم هنا على هذا الموضوع ويقول لنا ايه الحدث إللي حصل له النهارده سواء كان حدث سعيد أو حزين ( الله لا يجيب الأحزان ) أو حدث سخيف أو ممل أو حاجه ضايقتك أوموقف طريف أو يدخل ويقول اليوم ما حصلش حاجه ولله الحمد يعني راح يومه نايم ما عملش حاجه بتاتاً البته
يارب الفكره تعجبكم
ويلا فضفضوا :P
ما اجملها فضفضة
عندما تكون مع اخت غاليه مثلك يسعد القلب لرؤيتها
واجمل شىء حدث لى اليوم
هو انى قابلتك على هذه الصفحة
و لى معك عودة
فالحديث الى الاصدقاء ممتع ومفيد وخاصة اذا كانت تويتى
...
...
موضوع جميل جدا
ولذيذ
وجديد
بس الواحد يفضفض كدة على النت قدام البشر كلها
فضيحة
بس حلو
المخلص الي الابد 30-05-2006, 12:09 PM حقيقي فضيحة بس معتقدش انه في حد
ممكن يقول الصراحة كلها
انا بالنسبة ليه انهاردة نزلت برنامج جديد علي الكمبيوتر
وهو انك تتصل علي الموبايل مجانا ومن غير ولا مليم ومن الصبح وانا بتصل علي اصحابي
ومشكورة يا تويتي علي الموضوع
حمادة نور 30-05-2006, 06:07 PM يحدث لى موقف غريب كتبت موضوع ولم يكتب لى ردولا ادرى لماذا
amr_2010 30-05-2006, 07:44 PM انا النهارده امتحنت فرنساوي وفلسفه بصراحه انا في الفرنساوي انا مش عارف انا حليت ايه
لكن في الفلسفه بدعت علشان كانت تافه
ممكن يا ابراهيم تنزل البرنامج ده في المنتدي
msamido 30-05-2006, 07:53 PM فكره حلوة يا تويتي
وانا النهارده خلصت امتحان تاني مادة اسمها mobile network
ورجعت الحمد لله للبيت بعد ما كنت مسافر عشر ايام
tarekalbolkeny 30-05-2006, 07:57 PM انا النهاردة حصلتلى مشكلة بس الحمدلله عدت على خير
~¤ô_ô¤~ شاعر الحب ~¤ô_ô¤~ 30-05-2006, 08:01 PM بصراحه فكره الموضوع حلوه
بس صعب الواحد يقول الحقيقه كامله على النت كدا
المخلص الي الابد 30-05-2006, 08:34 PM والله يا amr_2010 كنت هنزله من غير ما تقول لو كان عندي
انا واحد صاحبي جاب اسطوانة ونزلته واخد الاسطوانة تاني
والسيت اب بتاعه مش عندي ان شاء الله لو جبته هنزله
amr_2010 30-05-2006, 09:04 PM خلاص ولا يهمك
بورسعيدى 31-05-2006, 03:27 AM فكرة حلوة
وانا عن نفسى طول الوقت باتابع المنتدى
والشيئ الغريب انى مش بزهق منه ابدا
مع انى بالى مش طويل ابدا
ههههههههههههههههههههههههههه
Originally posted by ابراهيم الفلسطيني@May 30 2006, 12:09 PM
حقيقي فضيحة بس معتقدش انه في حد
ممكن يقول الصراحة كلها
انا بالنسبة ليه انهاردة نزلت برنامج جديد علي الكمبيوتر
وهو انك تتصل علي الموبايل مجانا ومن غير ولا مليم ومن الصبح وانا بتصل علي اصحابي
ومشكورة يا تويتي علي الموضوع
118502
لابد ان تأتينا بالبرنامج كلنا محتاجينة يا ابو خليلى ;)
الامير عبده 31-05-2006, 08:49 AM خلاص ياجماعه هاجبلكم البرنامج بس استنو لما اروح البيت
اصل انا فاتح سيبر جديد عقبال عندكم وقاعد فيه طول النهار
واول ماأروح البيت هاجيبكلم البرنامج على طول
انما حكاية انا عملت ايه النهارده
عملت كتير العيال الصغيره مطلعين روحى فى السايبر
amr_2010 01-06-2006, 11:15 AM انا لسه راجع من امتحان الجغرفيا
بس كان امتحان صعب اوي
هيه ديما امتحانات الاورمان صعبه
sama_91 01-06-2006, 01:39 PM وانا كان عندى امتحان تااااريخ :blink:
وربنا ستر الحمدلله :(
ومعلش يا عمرو الامتحانات كلها كده صعبه :unsure:
zizo2_2 01-06-2006, 05:11 PM أنا انهاردة بقى مش عارف مالي
فرحان عايز اضحك مهموم عايز أبكي
لا دموعي طايلها طايلها ولا لاقي حد اشكي
في حاجات كتير أي حصلت انهاردة
يعني فر حان علشان الحمد لله خلصت شغلي بدري وكمان أخدنا مكافأة في الشغل
ومهموم عايز أبكي لان في نسانة عزيزة علينا أوي كلنا معانا في الشغل هتسيب الشغل ومش راضية تقول أسباب أنها هتسيب الشغل
وكلنا زعلانين عليها
zizo2_2 01-06-2006, 05:12 PM نسيت أشكرك يا تويتي على ما تأتيه الينا دائما من جديد بالمنتدى
شكرا بجد
Miss_CaR!zma 02-06-2006, 12:51 PM اشكركم بجد على المرور الجميل
وانا حابه نكون كلنا اقرب لبعض
فالمنتدى بتاعنا بجد متفرد جدا فى الحكايه دى
انا مشتركه فى منتديات كتير
ولكن وبلا مبالغه كالمقابر
مش فى اى حد يعرف التانى
لكن احنا هنا بنحس ببعض
amr_2010 02-06-2006, 02:38 PM انا معملتش حاجه الناهرده غير اني زاكرت انجليزي
انا ادارة الدقي
انتي ادارة ايه يا سما
sama_91 02-06-2006, 10:09 PM وانا برضه معملتش حاجه غير انى ذاكرت كيمياء والمانى :blink:
وكمان زعلااااااااااااانه جداااااااا عشان فيه شخص عزيز عليا جدا وزعلان منى :(
انا اداره غرب مدينه نصر يا عمرو
Miss_CaR!zma 03-06-2006, 12:11 PM شكرا لمروركم عمرو وسمسم
foxxx 03-06-2006, 12:21 PM موضوع جميل
انا لسة صاحى من النوم بس محصليش موقف احكيها
حصل لى موقف جامد جدا
اولا جالى كلب هدية امبارح
المهم حميت الكلب واكلتة
وقعدت لعبت معاة شوية وسبتة وقعدت ازاكر
وبعديين نمت
وصحيت الصبح فطرت ونزلت السيبر
بفتح الباب لقيت الكلب جرى منى فى الشارع
كنت هسيبة بس قولت دا هدية وعيب قوى يضيع
قعدت اجرى ورا الكلب حوالى نصف ساعة
وفى الاخر زهقت وقلت اقل من نفسى واجرى ورا كلب فى الشارع على اخر الزمن
وشوية لقيت شوية عيال شمامين رابطيين الكلب خنقينة من رقبتة وماشيين بية فى الشارع
نزلت اخد الكلب راح عيل صغير قال لى الكلب دا بتاعة من 5 سنين ومع ان الكلب عندة 9 اشهر
والواد ماسك فى الكلب زعقت للواد وزقيتة واخد الكلب وفضلت اضرب فية على الى عملة
وشوية ولاقيتواحد جاى يقول لى انت ضربت ابنى لية
وحصلت خناقة كبيرة جدا نهايتها لسة مجتش
اممممممم
بس
foxxx 03-06-2006, 12:31 PM جميل جدا يا كريم اللى انت بتقول الحقيقة
انا مبحبش اكدب ولوكذبت ولا صدقت هزيد ولا هقل
ولا حد هينفعنى ولا حد هيضرنى
وبعديين دا مبدا
amr_2010 06-06-2006, 05:45 PM انا النهارده كنت بمتحن كمياء والحمد لله خلصت امتحانات
amr_2010 06-06-2006, 09:31 PM الله يبارك فيك علي ايه دي اولي ثانوي
لا على انك خلصت امتاحانات
sama_91 07-06-2006, 10:02 PM انا مش عرفه انا زعلانه وفرحانه فى نفس الوقت
اولا فرحانه عشان انى بقيت عمه ( بس عمه لسه صغيره )
وزعلانه عشان نفسى اشوفه
يلاا ربنا يسهل
sama_91 07-06-2006, 10:06 PM انا مش عرفه انا زعلانه وفرحانه فى نفس الوقت
اولا فرحانه عشان انى بقيت عمه ( بس عمه لسه صغيره )
وزعلانه عشان نفسى اشوفه
يلاا ربنا يسهل
Miss_CaR!zma 13-06-2006, 12:10 PM شكرا ليكم
وعقبال اما تكونى خاله وجده يا سما
LA STELLA 14-06-2006, 03:15 AM امممممممممم
انا انهاردة من الساعة واحدة الصبح
و الدى اس ال كانت بايظة
و كنت مكتئبة و زهقانة
افتح الكمبيوتر و اقفله لحد لما زهقت
كان يوم ممل بصراحة.....
اقابلكم كما سبع ساعات ولا حاجة كدة لما انام و اصحى من النوم و احكى لكم اللى حصل
basmala 14-06-2006, 03:27 AM اهلا بيكى ياهبه انتى مش بتدخلى من اول الاجازه ليه
ان النهارده نمت الساعه سابعه المغرب وصحيت دلوقتى على الفجر
LA STELLA 14-06-2006, 03:39 AM انا مش ظاهرة لان الدى اس ال كان بايظ و ضارب
انا كنت بنام بدرى و اصحى تسعة الصبح
بس اعمل ايه النت وحشنى
ابقى احكى كمان كام ساعة لما انام و اصحى
بس ايه ده بتصلى العشاء ازاى لما بتنامى المغرب؟؟
انا مقدرش انام قبل لما تؤذن اصلا
يلغا تصبحواعلى خير كمان شوية كدة
سلام
LA STELLA 14-06-2006, 03:40 AM بس متبقيش انهاردة
انتى نمتى و صحيتى فى يومين
ايامك كلها على كدة داخلة فى بعضها
basmala 14-06-2006, 03:42 AM انا صحيت صليت العشا 10.5 وكملت نوم اصلا مكنتش شايفه قدامى.....
اصل انا مواعيد نومى بايظه من ايام الامتحانات
LA STELLA 14-06-2006, 03:46 AM انا مش مواعيد نومى اللى بايظة
انا اعصابى هى االلى بايظة
قعدنا نمتحن فترة طويلة اوووووووووى و كل يوم كل يوم
لسة مش عارفة افوق من غيبوبتى
LA STELLA 14-06-2006, 04:38 AM اوكى
انا دلوقت الساعة 5و نص الصبح و من تلات دايق نزلت مسنجر 8 بيتا بس شكلى هشيله تانى
و الله اعلم
sama_91 14-06-2006, 12:48 PM شكرااا يا تويتى ان شاء الله
وحمدالله على سلامتك هبه
المخلص الي الابد 15-06-2006, 06:12 PM انا الحدث اللي حصلي اليوم حدث مؤسف وفي نفس الوقت مفرح
اليوم كان هناك شهيد في منطقتنا وقد خرجت الحشود لتشييع جثمانه الطاهر
وبيني وبينكم انا ما بحب اشوف المناظر المأساوية لكن طبيعة عملي تفرض عليه
اني اكون موجود
وربنا يرحمه ويرحمنا جميعا
اللهم تقبله شهيدا ينعم برحمتك وعطفك
اللهم ارزقنا الشهادة
|