|
مشاهدة النسخة كاملة : لتنجح فى الكادر نفذ هذه التعليمات بدقة زفت الطين 18-08-2008, 04:00 AM دعوة لجميع الأخوة المعلمين أصحاب الكرامة للحفاظ على ما تبقى لنا من حطام الكرامة قاطعوا هذه الامتحانات المهينة فلنقف مرة واحدة فى مواجهة هذه الإهانات المتتالية للمعلم الذى أصبح نكتة يتداولها العامة بالسخرية فإذا لم تكن الوقفة هذه الأيام فلتنتظروا المزيد والمزيد من الإهانات وفى هذه اللحظة نستحق ما يحدث لنا و سنكون جديرين بالسخرية حقا أدعو الله أن يفك عقدة ألسنتكم والخوف على الجنيه و (اليوم الخصم ) و تمتنعوا عن الاشتراك فى ذبح أنفسكم بالاستجابة لهذه الامتحانات marcko_sasa 18-08-2008, 04:42 AM عندك حق والله ياأستاذ زفت الطين سعاد محمود سيد ابراهيم 18-08-2008, 06:28 AM لا تقلقوا يا جماعة ان شاء الله الامتحان ها يكون فى مستوى المعلم المتوسط و مطابق للمواصفات و لن يخرج عنها cougar35 18-08-2008, 07:16 AM اكيد وحيطلع علينا ابو سريع السريع ويقول المتحان مثالي مسيو وليد عسكر 18-08-2008, 08:14 AM االاخ الفاضل غير اسمك فلا يليق بمعلم اختيار هذا الاسم السيء مسيو منتصر الجميلي 18-08-2008, 01:11 PM "ولقد كرمنا بني آدم " يا أخي الكريم : كرمك الله وأنعم عليك فلماذا بعد أن يكون لسان حالك ( ولقد خلقنا الانسان في أحسن تقويم ) تجعل لسان حالك ( ثم رددناه أسفل سافلين). برجاء تغيير هذا الاســـــــــــم واصبر واحتسب. عادل مجاهدمصطفى 18-08-2008, 01:41 PM أستاذ زفت الطين ليه التشاؤم ده ده يوم ويعدى وربنا يسطر smsm2016 18-08-2008, 02:32 PM إقتباس من المشاركة السابقة {{{{{{أستاذ زفت الطين ليه التشاؤم ده ده يوم ويعدى وربنا يسطر}}}}}} عندهم حق يعملوا فينا اكثر من كده ويمتحنونا لغة عربية من تعليقات الأستاذ مشرف الرياضيات يسطر من الستر أم من السطر عفوا أخي كان بودي تكون رسالة خاصة ولكن الشرط 50 مشاركة من مدرس رياضيات safwat2000 18-08-2008, 03:39 PM استاذ/ زفت الطين اتفق معك فى الراى و اختلف كثيرا معك فى الاسم alaa_2000 18-08-2008, 03:51 PM والله يا اخى صدقت لكن انت شكلك انهزمت قبل ماتفك عقدة لسانك أ/محمود يس 18-08-2008, 03:58 PM سيبو الراجل فى حاله اكيد ده من القرف انا معاك يا اخى mr fahmy 18-08-2008, 04:31 PM أتفق معكم جميعا وبعدين إنتوا عايزين تعملوا زي مجلس الشعب عندما تُنْطق : موافقة ؟ كلُّه يروح رافع إيده !!! وبعدين مش لمَّا نغير حكاية الكادر أونشوف لها حل الأول يبقي الراجل يشوف حل لإسمه أو يغيره مثلا إلي فُل الكادر أو فلة الكادر ماتقولوا لنا يامدرسين اللغة العربية هوه عكس زفت الطين يطلع إيه؟؟ ولاَّ الفاس وقعت في الراس وكله حايمتحن !!! وحانسيب الكادر ونمسك في ز.. ال... مع احترامي البالغ لكل التعليقات وبصراحة أنا باقـترح إن مدرسين اللغة العربية يعملوا لنا دروس في الإملاء بس والنبي تكون بعيدة عن الكادر عشان نعرف الفرق بين التاء والطاء (وما يبقاش الطاء طاءين) ( قصدي الطاق طاقين ) يادي الليلة إللي بعيد عن إسم الراجل ده أديني أخطأت ياجماعة وخلتوني أخلط بين القاف والهمزة إللي حاتيجي لكم في الإمتحان ربنا يسترها مع الجميع وما يغلطوش ولا يخلطوش منتصر الشماع 18-08-2008, 04:34 PM باربنا يوفق الجميع walid8180 18-08-2008, 06:07 PM المشكلة مش ف الامتحان المشكلة ف اللي هيجيب ملحق هيوري وشه ازاي للطلبة . حاجة تكسف:p أ/وليد السويري مدرس ومترجم اللغة الانجليزية كفر الدوار safwattbalah 18-08-2008, 06:25 PM ماحسن حل لمشكلتنا اما كلنا ننجح او كلنا نسقط علشان المساواة فى الظلم عدل جواد عوض 18-08-2008, 06:28 PM دة انت عاوز تخلى حياتنا مزفتة ومطينة بطين tarek elhamy 18-08-2008, 06:35 PM المشكلة مش ف الامتحان المشكلة ف اللي هيجيب ملحق هيوري وشه ازاي للطلبة . حاجة تكسف مى محمود 18-08-2008, 07:55 PM مهزلة...............مهزلة حسبنا الله ونعمة الوكيل اسلامو 18-08-2008, 08:02 PM الاخ المحترم زفت الطين أسئل حضرتك لماذا سميت نفسك بهذا الاسم المطيين بالطيين؟ أما موصوع الكادر فلا تقلق ياأخى فاءن فرج اللة قريب باءذن اللة شمس بياض 18-08-2008, 08:43 PM مالو الزفت دى ماده من مشتقات البترول وطبعا انتم عارفين البترول غالى قد ايه والطين وهو الانسان اصلا خلق من ايه من الطين يعنى شئ ثمين خلط بالطين اسم جيد----اللهم يا فارج الهم وكاشف الغم فرج هم المهمومين والمكروبين من المعلمين المستعدين وغير المستعدين لامتحانات الكادر امين أحمد الهلالي 18-08-2008, 09:00 PM وحياة أبوي مهتوصلوا لحل . شوية قلبهم جامد وشوية جبنا بس بيقولا انهم رجالة وشوية مش عارفين هما أية . لما توصلوا لحل ياريت تعلنوا عنة. elafif 18-08-2008, 09:48 PM كيف نقاطع الامتحان هل عدم حضورنا الامتحان يعتبر مقاطعة صدقونى عدم حضورنا مش حايفرق معاهم والى الوزير عاوزه حايتم والرأى العام (خريجى كليات التربيه العاطلين واولياء الامور ) الكل ضد المعلم يعنى الرأى الغام ضدنا abohazem 18-08-2008, 10:05 PM "ولقد كرمنا بني آدم " يا أخي الكريم : كرمك الله وأنعم عليك فلماذا بعد أن يكون لسان حالك ( ولقد خلقنا الانسان في أحسن تقويم ) تجعل لسان حالك ( ثم رددناه أسفل سافلين). برجاء تغيير هذا الاســـــــــــم واصبر واحتسب. هو ده الكلام see_mido 18-08-2008, 10:58 PM أستاذ زفت الطين ليه التشاؤم ده ده يوم ويعدى وربنا يسطر يستر بالتاء وليس بالطين Mr_ibrahim Mustafa 19-08-2008, 01:06 AM من الطين وإلى الطين نعود فالحياة ليست خالدة لأحد والعمر ماهو إلا أنفاس معدودة فلماذا نبكى ونخاف ونتوارى لماذا لا نعترض ونحافظ على كرامتنا ولو لمرة واحدة استاذى القدير زفت الطين معك قلبا وقالبا http://img175.imageshack.us/img175/3967/internetmonkeylm8.jpg faahmo 19-08-2008, 01:20 AM الاخوة الاعزاء اعلموا ان هذه الاختبارات مهينة للجميع على كل المستويات واقل مافيها الفروق التي سوف تحدث بينهم في الغلاقات الشخصية والعملية داخل المدرسة فالنتيجة وان كانت مرضية او عادلة على اسوا تقدير مثلا مثال زيد واحمد دفعة واحدة في التعيين ومرتب واحد النتيجة بعد الامتحان نجح زيد ورسب احمد وتقابلا عند صرف المرتب بالله عليكم ماالمشاعر التى سوف تحدث وماالامور النقسية والمشكلات وكم من الحقد والغل والحسد سوف يعتمل في نفساحمد ارجو من يجيب على هذا السؤال من السادة الجهابذة اعضاء الوزارة الذين يخترعون مالا يعلمون faahmo 19-08-2008, 01:25 AM الاخوة الاعزاء اعلموا ان هذه الاختبارات مهينة للجميع على كل المستويات واقل مافيها الفروق التي سوف تحدث بينهم في الغلاقات الشخصية والعملية داخل المدرسة فالنتيجة وان كانت مرضية او عادلة على اسوا تقدير مثلا مثال زيد واحمد دفعة واحدة في التعيين ومرتب واحد النتيجة بعد الامتحان نجح زيد ورسب احمد وتقابلا عند صرف المرتب بالله عليكم ماالمشاعر التى سوف تحدث وماالامور النقسية والمشكلات وكم من الحقد والغل والحسد سوف يعتمل في نفس احمد ارجو من يجيب على هذا السؤال؟ من السادة الجهابذة اعضاء الوزارة الذين يخترعون مالا يعلمون ووووووووووووووووووووووعجبي على مستشاري الوزير ربنا ينتقم منهم قولو معايه آميييييييييييييييييييين zaftour 19-08-2008, 01:55 AM حسبى اللة ونعم الوكيل فى النقابة sawa190 19-08-2008, 03:52 AM رغم الإعتراض على الإسم ................ ولكنى متفق بشدة معك فى الرأى وماذا سيحدث لو إعترضنا مش هناخد الكادر ..فى ألف داهية ولا كأنه جه.. إمتحانات بلا نسبة نجاح وبلا هدف وهوية معروف نتيجتها مسبقا مهما روج المروجين لهذه الإمتحانات.. أفضل أن أكون معلم معترض ...............على أن أكون معلم فاشل دون إرادتى... زفت الطين 19-08-2008, 05:50 AM شكر للجميع ولكن أنا نجحت فى عمل أسلوب الوزارة علشان تعرفوا إنكم طيبين أكثر من اللازم كلكم نظرتم إلى اسم ( زفت الطين ) وتركتم الفكرة الأساسية ( الكادر ) وكله يتكلم عن الاسم وأسبابه ، وهو ده أسلوب الوزارة تشغلك بفكرة وهى تعمل اللى هى عاوزاه فى أمر آخر زفت الطين 20-08-2008, 02:55 AM الكادر بالكشف فى المعجم هو من مادة ( كدر ) و الكدر يعنى الحزن والهم ـــــ و له معنى اختلط الشئ بغيره فلوثه وغير من حالته ـــــــ و له معنى آخر وهو العقاب على الذنب . عذرا إخوانى لم أجد له معنى واحداً يعطى أملا أو يبشر بخير . فماذا ينتظرنا بعد الكادر ؟!!!!!! ( ربنا يستر ) أبو إسراء 20-08-2008, 03:44 AM من الطين وإلى الطين نعود فالحياة ليست خالدة لأحد والعمر ماهو إلا أنفاس معدودة فلماذا نبكى ونخاف ونتوارى لماذا لا نعترض ونحافظ على كرامتنا ولو لمرة واحدة استاذى القدير زفت الطين معك قلبا وقالبا http://img175.imageshack.us/img175/3967/internetmonkeylm8.jpg ماتبطلوا قرف بقى ... واحد سمى نفسه زفت الطين ... والثاني رسم صورته وهو صغير ... هل هنا مكان التهريج ؟؟؟ أرجو الرد من المشرفين الأفاضل حفظهم الله Mr_ibrahim Mustafa 20-08-2008, 05:50 AM ماتبطلوا قرف بقى ... واحد سمى نفسه زفت الطين ... والثاني رسم صورته وهو صغير ... هل هنا مكان التهريج ؟؟؟ أرجو الرد من المشرفين الأفاضل حفظهم الله المشكلة فى هذه العقول السطحية الذى لا تعى ولا تفهم شىء كان نفسى الأخ أبو إسراء أن يعلق على الكلام ولكن للأسف علق على إسم صاحب الموضوع وعلى الصورة وياريته علق ع الكلام ع العموم ربنا يسامحك وده مش صورتى وانا صغير ده صورة قرد زعلان على اللى بيحصلى ويحصلك ربنا يهديك ويسامحك عشان عيب قوى كلمة قرف ده ashoor1974 20-08-2008, 06:32 AM ربنا يشفيك. اول ضحايا الكادر . متزعلش يا حبيبى ولا يهمك والله مش هيساعدك ويردك لعقلك إلا الله ELhebry 20-08-2008, 09:03 AM والله احنا شعب زى العسل انا ملاحظ ان كل المشاركات معترضه على الاسم وسايبه المشكله الاصليه وهى الامتحان حسبى الله ونعم الوكيل dr:sniper 20-08-2008, 09:34 AM الاستاذ المحترم ؟؟؟؟؟؟؟؟؟؟؟؟؟؟؟؟؟ تحيه طيبه وبعد بليز بلاش زفت الطين دى؟؟؟؟؟؟؟؟؟؟؟؟؟؟ hishamumbc 20-08-2008, 10:49 AM أرجو تغيير هذا الأسم missfarida 20-08-2008, 11:07 AM قولوننا يا جماعة نقاطع ولا لأ في اراء بتقول ان احتمال نسبة النجاح في امتحان الكادر هذا العام حتكون اعلي من العام القادم ويمكن ينجحوا اللي حيدخل من غير تصحيح ولا حاجة خاصة ان نسبة الاعتذارات كبيرة مع اني رأيي ان احنا يجب ان نكون ايد واحدة ونقف امام هذه المهزلة ومش عايزين فلوسهم دي حنخسر ايه يعني zaki100 20-08-2008, 12:04 PM اخى الاستاذ زفت الطين لايليق بك ان تختار هذا الاسم عيب عليك هذا التشبية اللة يلعن الكادر اللى جعلك زى الزفت ا وبعدين الوزير الهمام قال ان الامتحانات من ادلة التقويم بتاعة الوزارة الهمامة يعنى لازم تشتريها اولا ولا تحزن ان اللة معنا وسينصرنا على القوم الضالين الأستاذه 20-08-2008, 12:34 PM السلام عليكم بصراحه يا جماعه انبهرت من الردود ولكن توصلت لنقطة جوهرية إ ن الكل بيهتم بالشكل دون الاعتبارات للمضمون إلا قليل بالنسبه للكادر قاطعناه أم لم نقاطعه اعتذرنا أو لم نعتذر قضاء الله نافذ لا محالة وما يريده الوزير هو ما سيكون دون اعتبار لأي رأي من أي أحد لكن رغم كل ما نعانيه من ضغوط والله الشعب المصري دمه خفيف حتى في الأزمات الخلاصه حنروح إن شاء الله الامتحانات وربنا يتولانا برحمته ومن فضلك يا أستاذي الفاضل لا تطلق على نفسك هذا الاسم فالكادر والوزاره أهون من أن تسمي نفسك................ وجزاك الله خيرًا على أن أتحت لنا الفرصة للتحاور ! وأفوض أمري إلى الله. نادر دسوقى 20-08-2008, 01:58 PM اعملوا زى العيال بتوع الثانوية قوموا ذاكروا اولا وبعدين فكروا هتعملوا ايه فى الامتحان يمكن ربنا يسهلها من عنده ونعرف نغش زى العيال وتبقى هاصت والكل ينجح وبرضه مش هتاخدوا حاجة حتى لو نجحتوا وابقى تعالى قابلنى لو نجحت وخت حاجة من اللى عشمونا بيها ياجماعه هى البلد ناقصة دى الفلوس خلصت خلاص بقاش حاجة والكل قرب يشحت والحمد لله وربنا يخليلنا نظيف وعصابته وعقبال الحبايب نادر دسوقى 20-08-2008, 02:03 PM هى أصلا المصيبة إن إحنا مش عارفين نذاكر ايه المناهج كتيرة قوى وحاجات كده عاملة زى اللوغرتمات اللى كنا بنسمع عنها زمان الاسئلة التربوى دى مش عارف جاية منين وكما اسئلة العربى شكلها زى متكون مش عربى ولا احنا بقينا مش بنعرف نقرأ هى الحكاية ايه بالضبظ نورا ميلاد 20-08-2008, 02:03 PM كلام الاستاذ زفت الطين صح الصح وانا معاك نورا ميلاد 20-08-2008, 02:04 PM كلام الاستاذ زفت الطين صح الصح وانا معاك تايجر نت 20-08-2008, 03:02 PM وحياة أبوي مهتوصلوا لحل . شوية قلبهم جامد وشوية جبنا بس بيقولا انهم رجالة وشوية مش عارفين هما أية . لما توصلوا لحل ياريت تعلنوا عنة. حضرتك قسمت السادة امدرين لأكثر من شوية ... شوية قلبهم جامد وشوية جبنا ( أكيد تقصد جبناء ) وشوية بيقولوا انهم رجالة ........ يبقى فاضل ايه هل كل المدرسين بهذا الوصف ؟ ويا ترى حضرتك من أى نوع ؟ ولا نوع مختلف ؟ ويا ترى تم تعيينك ولا لسه بالتعاقد ؟ لا داعى للإحباط والإسباط للهمم . الواثق من نفسه يدخل الامتحان و الغير ذلك يعتذر . اعمل لدنياك كأنك تعيش أبدا واعمل لآخرتك كأنك تموت غدا تقبل نقدى بصدر رحب تحياتى للجميع الأستاذ أحمد الاسوانى 20-08-2008, 06:36 PM انا مش مع سعادتك يا استاذ ................. الامتحان عادى جدا و كثير من الاوقات امتحنا فى البعثة مثلا فى الجامعةمثلا ومن الايجابيات اننا الآن نطالع اللغة العربية رغم ان الكثير منا قد نسي ابسط قواعدها كما ان الامتحان سيوضح المعلم المجتهد من غيره و من يخاف الامتحان فهو ليس على قدر المسئولية سبحان الله اذا كتر خير اولادنا الطلاب و الله يكون فى العون زفت الطين 21-08-2008, 01:47 AM اقتباس من قول الأستاذ المعلم أبو إسراء. ماتبطلوا قرف بقى ... واحد سمى نفسه زفت الطين ... والثاني رسم صورته وهو صغير ... هل هنا مكان التهريج ؟؟؟ أرجو الرد من المشرفين الأفاضل حفظهم الله أشكر الأخ أبو إسراء على كل حال ولكن أخى المبجل المحترم النقد له أصوله و للأسف لم أجد لها أى أثر ولكن لأننا اكتسبنا الكثير من الثقافة فى مجال النقد الساخر التى يبدو أن سيادتك لم تتطرق للإطلاع على نوع من أنواعه فهناك شئ يسمى ( الرمز ) فى علم النقد ولا بد أن يتوافق هذا الرمز مع طبيعة الفكرة من حيث السخرية والجدية فكان لابد\ عليك أن تفكر فى سبب الاسم أولا كرمز وتحاول الربط بينه وبين طبيعة الفكرة حتى تستطيع أن تستنتج شيئا ، وتنظر مرة أخرى إلى الصورة التى أرفقها زميلنا العزيز فكلها رموز يا أخى تحتاج إلى الكثير من العقول المتأملة على العموم شكراً على أسلوبك ......... ومبروك عليك الكادر الذى لم تتحدث عنه نهائيا فى ردك وكل ما شغلك هو الاسم والصورة ولم تنظر إلى رموزهما أو تتأمل فى أفكارهما . خالص احترامى وتقديرى . esam_sakr2010 21-08-2008, 03:31 AM غنوا معانا اغنيه الساقط يرفع ايده :p:p p:p:p:p:p:p:p:p:p:p هو فى مدرس النهارده عنده ثقه فى نفسه انه مدرس كفء الشعار ايدك فى ايدنا نبوظ تعليمنا اخير تحقق على يد جمل وليس معلم smsm2016 21-08-2008, 03:45 AM حسبى اللة ونعم الوكيل فى النقابة (((((اخى الاستاذ زفت الطين لايليق بك ان تختار هذا الاسم عيب عليك هذا التشبية اللة يلعن الكادر اللى جعلك زى الزفت ا وبعدين الوزير الهمام قال ان الامتحانات من ادلة التقويم بتاعة الوزارة الهمامة يعنى لازم تشتريها اولا ولا تحزن ان اللة معنا وسينصرنا على القوم الضالين))))) الأخوة الأفاضل احد الزملاء كتب يستر بالطاء (يسطر ) وهي خطأ غير مطبعي لأن الحرفين غير متجاورين والبعض الأخر كتب الله بطريقة خاطئة (اللة ) ولا حول ولا قوة إلا بالله الحرف الأخير في لفظ الجلالة الله هاء وليس تاء يعني كل يوم الصبح الأستاذ المذكور يكتب على السبورة (بسم اللة الرحمان الرحيم ) وسبق وذكرت أن الوزارة عندها حق تعمل فينا أكثر من هذا ومن هذه المناقشة تبين أن بعض السادة الزملاء في احتياج لمراجعة اللغة وهذا ليس عيبا mr fahmy 21-08-2008, 03:54 AM إيه ياعم ermn هوه انت رجعت تاني (بعد الشر برة وبعيد) لنظرية اخونا دارون أحسن بتوع الأحياء ناس جامدين وبعدين ياخدوا علي خاطرهم منك طب تصدق إن أن توقيعك قصدي صاحبك طلع أذكي من بعض البني آدمين وتلاقيه عامل له بريد الكتروني وجايز له موقع كمان بس أوعي يكون أخد الأسئلة من الموقع وناوي يخش الامتحان ويعمل زي إللي أنا كاتبه في الموضوع بتاعي حوار بين اتنين مدرسين ***** أما أخونا ( نفط الأرض ) أو ( جاز البسيطة ) أو ( كيروسين التراب ) أو ( بوتاجاز الطمي ) مش البوتاجاز اللي بيودوه اسرائيل لأ ده حاجة تانية ما هو عموماً كله راجع للأرض ربنا يلطف بيه وبينا ***** بس عارف أنا قلبي مش مطَّمْن وحاسس إنه برغم كل الإعتراضات والإحتجاجات أنا شايف أن المدرسين إبتدوا يناموا بدري ما يكونوش ياحبة عيني هاريين نفسهم في المذاكرة وياخوفي يابدران ليكون دا أول عشا ناويين يقدموه لينا حاكم إحنا طيبين وولاد حلال ما هو برضُه فيه ناس بعد ما أخدوا كل إللي كانوا عايزبنه من موقع الثانوية العامة وبعض المواقع الأخري والمدونات إللي علي النت آدي وش الضيف وإن شفت حد بعد الأمتحانات يبقي لك كلام إلا فيما ندر وقل وطبعا ده كله عشان حا يتطوروا ويبقوا فُل الفُل وياخدوا الكادر ويعيشوا في هنا وكلامي لسه ماخلصشي الكلام وربنا ينجحكوا ياللي بتذاكروا mr fahmy 21-08-2008, 04:58 AM حضرتك قسمت السادة امدرين لأكثر من شوية ... شوية قلبهم جامد وشوية جبنا ( أكيد تقصد جبناء ) وشوية بيقولوا انهم رجالة ........ يبقى فاضل ايه هل كل المدرسين بهذا الوصف ؟ ويا ترى حضرتك من أى نوع ؟ ولا نوع مختلف ؟ ويا ترى تم تعيينك ولا لسه بالتعاقد ؟ لا داعى للإحباط والإسباط للهمم . الواثق من نفسه يدخل الامتحان و الغير ذلك يعتذر . اعمل لدنياك كأنك تعيش أبدا واعمل لآخرتك كأنك تموت غدا تقبل نقدى بصدر رحب تحياتى للجميع يادوبك لسة بنقول علي الخلط بين التاء والطاء يطلع علينا التايجر نت ويثبَّط الدنيا قصدي يظبَّت الدنيا ( من الظَبَط) قصدي يضْبِط الدنيا ( من الضْبط ) أنا عارف إن التايجر نت نيته سليمة بس أنا بخاف من القطه يقوم يهجم علينا تايجر آدي أحنا اتفضحنا قدام اللي يسوي واللي ما يسواشى يادوبك بنقول عن الخلط بين التاء والطاء وبين التاء المربوطة والهاء وبين الهمزة والقاف يطلع التايجر ويخلط بين الثاء والسين ياجماعة هوه قصده أنا عارفه وخلاص بقي وهو يقصد الإثباط للهمم وليس الاسباط (قبائل اليهود ) ولاَّ هوه لازم كل واحد يمارس هوايته ويصحح للتاني ويقول له حِكَم تقطع المساريقا (المصارين) وتْسِم البدن (من التسمم) مش تستنوا لما يصححوا لكم الامتحان وبعدين تبقوا تصوَّتوا قصدي تصحّحوا لبعضيكم ربنا يسترها معاكم وتنجحوا وتتهنّوا بالكادر قادر ياكريم mr fahmy 21-08-2008, 05:03 AM حضرتك قسمت السادة امدرين لأكثر من شوية ... شوية قلبهم جامد وشوية جبنا ( أكيد تقصد جبناء ) وشوية بيقولوا انهم رجالة ........ يبقى فاضل ايه هل كل المدرسين بهذا الوصف ؟ ويا ترى حضرتك من أى نوع ؟ ولا نوع مختلف ؟ ويا ترى تم تعيينك ولا لسه بالتعاقد ؟ لا داعى للإحباط والإسباط للهمم . الواثق من نفسه يدخل الامتحان و الغير ذلك يعتذر . اعمل لدنياك كأنك تعيش أبدا واعمل لآخرتك كأنك تموت غدا تقبل نقدى بصدر رحب تحياتى للجميع يادوبك لسة بنقول علي الخلط بين التاء والطاء يطلع علينا التايجر نت ويثبَّط الدنيا قصدي يظبَّت الدنيا ( من الظَبَط) قصدي يضْبِط الدنيا ( من الضْبط ) أنا عارف إن التايجر نت نيته سليمة بس أنا بخاف من القطه يقوم يهجم علينا تايجر آدي أحنا اتفضحنا قدام اللي يسوي واللي ما يسواشى يادوبك بنقول عن الخلط بين التاء والطاء وبين التاء المربوطة والهاء وبين الهمزة والقاف يطلع التايجر ويخلط بين الثاء والسين ياجماعة هوه قصده أنا عارفه وخلاص بقي وهو يقصد الإثباط للهمم وليس الاسباط (قبائل اليهود ) ولاَّ هوه لازم كل واحد يمارس هوايته ويصحح للتاني ويقول له حِكَم تقطع المساريقا (المصارين) وتْسِم البدن (من التسمم) مش تستنوا لما يصححوا لكم الامتحان وبعدين تبقوا تصوَّتوا قصدي تصحّحوا لبعضيكم ربنا يسترها معاكم وتنجحوا وتتهنّوا بالكادر قادر ياكريم كمال زيدان 21-08-2008, 09:02 AM المدرسين هتكتب في الدعاية وناجح في الكادر ( واخر يقول لك المدرس ده غالي وراسب في الكادر ) والضرائب هتقول في احدي الخانات ( ناجح /راسب في الكادر والمدرسين يدعون في عباداتهم ( .....كادر يا كريم .....) ومراتك تصيحيك الصبح تقول لها ( مشكادر اقوم ) ناهد سعد 21-08-2008, 10:55 AM اهو احنا كدا عمرنا ما هنتفق على راى كل واحد يتصرف بما فى قناعته يا اخونا وان شاء الله هتفرج قولوا لا اله الا الله تفلحوا وحيد المعروفي 21-08-2008, 11:08 AM المشكلة مش ف الامتحان المشكلة ف اللي هيجيب ملحق هيوري وشه ازاي للطلبة . حاجة تكسف larose111 22-08-2008, 06:30 PM ربنا قادر لوحده بس انه يخلينا نغلب علشان نفرسهم ونوريهم مين هو المدرس المصرى almoalem 22-08-2008, 06:31 PM والله معاك حق ان لم نقاطع هذه الاهانات فلن يكون لنا شأن اطلاقا على الاقل نعمل زى مدرسى الازهر الرجالة wadaamostafa 22-08-2008, 07:12 PM hان شاء الله خير ياجماعة ليه التشاؤم ده ربنا معانا ان شاء الله نسمات 23-08-2008, 02:05 AM بداية أنا بنت مدرسة بس والله الأستاذ الفاضل عنده حق فى كل كلمة أمتى هتقولوا لأ كفاية أنا قلت لأمى أوعى تحطى نفسك فى المسخرة دى فلوس ايه وبتاع ايه مش عايزين حاجة هما كده كده اللى بيعطوه بيلهفوه من الآآآآآآآآآآآخر سواء كان ارتفاع اسعار أو هم عليهم أو مواصلات كله فسااااااااااد هنقول ايه ولا ايه والله يا أستاذ أنا طبعا زى بنتك بس حتى اسمك عندك حق فيه هنقول ايه حسبنا الله ونعم الوكيل بس برده ربنا بيقول " إن الله لا يغير ما بقوم حتى يغيروا ما بأنفسهم " طبعا فئة المدرسين بالذات - وانتوا معذورين بحكم مرتبك الضعيف - مش بتقدروا تعترضوا على حاجة روحوا انتخابات حااااااااااضر واللى مش حاضر ياخد بالجزمة قصدى ياخد جزية دا إذا أمن الدولة ما ظبتوش بس برده كل واحد هيخاف على القرش ما يزعلش على اللى بيحصله ولا الاهانة الاهانة دى انتوا عملتوه بسكوتكم لما المرتب بيزيد 50 جنيه خلاص عندكم الدنيا بقت فلة وتمام ومش عارفين انكم من حقكم وغصب عن الكل تقدروا تاخدوا أكتر بكتيييييييييير أوى أبسطها شوف الباشا اللى اتبرع لمجلس الشورى لوحده ب 10 مليون جنيه أمال سيادته ثروته كااااااااااااااااااام ؟ وليه دايما الفلوس اللى بتيجى للناس الغلابة اللى زيكم بتبقى العين عليها ، لتكون فلوس جديدة واللى هما بيكسبوها قديمة واحنا مش عارفين يا أساتذة والله احنا السبب ، احنا السبب فى كل حاجة بس نرجع لربنا ونعرفه بجد ، ونحبه بجد ، ونطبق شريعته بجد ، ونكون مؤمنين بجد ، ربنا بيقول " والذين جاهدوا فينا لنهدينهم سبلنا " وفى آية أخرى أنه " وليمكنن لهم دينهم الذى ارتضى لهم " والجهاد ليس بالسلاح بل بالكلمة بجهادك لنفسك والتخلص من مشاغلها الدنيوية التافهة للتخلص من التمسك بالدنيا التى لا تساوى عند الله جناح بعوضة واحنا عملناها كبييييييرة ونسينا ربنا خلقنا ليه علشان ناكل ونشرب و نأكل ولادنا وبس لا والله علشان ننشر دينه وننصر شريعته ونطبقها فى دولة تتحكم بيه مش بقوانين أجنبية فاشلة من ملايين السنين علشان كفاية نفكر فى نفسنا لأن المفروض مش دى غايتنا دى غاية الحيوانات بس ، غاية محبى الماديات ، أما غايتنا كبيرة وعظيمة أنه دينا يسود " ومن لم يحكم بما أنزل الله فأولئك .......... " كملوا ياريت نشوف وقفة مرة منكم انتم فئة مش بسيطة فى المجتمع أنا طبعا حاسة إنه ردى هيتحذف ولكن لعل واحد بس منكم يفهم كلامى وأنتم أهل الفضل بعد الله بنتكم نسمات نسمات 23-08-2008, 02:06 AM أنا مع تنمية قدرات المدرس ، ولكن بهذا الشكل هذه ليست إلا إهانة بمعنى الكلمة زفت الطين 23-08-2008, 05:25 AM شكرا للآنسة نسمات على رأيها الجيد وتمنياتنا أن يشاركنا الجميع بآراء فعالة وذات قيمة ايمن الشريف 23-08-2008, 02:32 PM والله البلد ده ما هينصلح حالو طالما في الي مثل الاخ الحمار وزير التعليم اسف اقصد الجمل ronetta 23-08-2008, 02:38 PM و والله عندك حق يا ستاذ ronetta 23-08-2008, 02:41 PM اشمعنا احنا لوحدنا اللي حندخل امتحانات والمفروض قبل ما المدرسين يمتحنوا الوزاره كلها تمتحن بما فيها الوزير ronetta 23-08-2008, 02:43 PM اشمعنا احنا لوحدنا اللي حندخل امتحانات والمفروض قبل ما المدرسين يمتحنوا الوزاره كلها تمتحن بما فيها الوزير أم لوجى 23-08-2008, 03:07 PM مع احترامى لكل الكلام اللى اتكتب الحكومة حتنفذ اللى هىا عوزاه علشان لما حد فىنا ىجى بعد كدة ىطالب بحقة ىقولوا لنا روحوا ىا فشلة اما تنجحوا الاول فى الاختبار بتاع الكادر Elpaz 23-08-2008, 03:31 PM والله يااستاذ زفت انت علي حق ولكن الزفت ده احنا فيه من زمان مش ناقصة يزيد كمان باسمك وارجوا مقاطعة الامتحانات حتي نحافظ علي ماتبقي من كرامة المعلم الذي اصبح كالبليتشو بسبب الكادر الملعون nour111 23-08-2008, 04:20 PM أما أنا مبسوط في المدرسين بشكل المدرسين اتجننوا خلاص يا جدعان uعشان بعد كدة تبطلوا إلى بتعملوه في الطلبة nada1001 23-08-2008, 04:46 PM دعوة لكل المعلمين نتجمع امام مقر اللجان ونمتنع عن دخول الامتحان عايزين نكون يد واحدة مش كلام وخلاص nada1001 23-08-2008, 04:47 PM دعوة لكل المعلمين نتجمع امام مقر اللجان ونمتنع عن دخول الامتحان عايزين نكون يد واحدة مش كلام وخلاص sahr 23-08-2008, 04:51 PM هى موتة ولااكثر ىاعم صلى على النبى وارمى حمولك على الله..................حسبى الله ونعم الوكيل sahr 23-08-2008, 04:55 PM ;)هى موتة ولااكثر ىاعم صلى على النبى وارمى حمولك على الله..................حسبى الله ونعم الوكيل مامانونه 23-08-2008, 04:55 PM ربنا يستر علينا من امتحان الكادر انتم قعدين بس تردو على بعضكم وسيبنا ليصين طب نقف مع بعض وقفه راجل مرة واحدة sahr 23-08-2008, 04:57 PM ;)هى موتة ولااكثر ىاعم صلى على النبى وارمى حمولك على الله..................حسبى الله ونعم الوكيل مصراوى22 23-08-2008, 05:25 PM ارجو لكم التوفيق والنجاح ام اللمبى تتمنى لكم النجاح وتتمنى لو حد رسب يقدر يظهر وجهة لاى ظالب و فوت علينا بكرة مى محمود 24-08-2008, 09:39 PM اناكمان معك يا استاذى الفضل وربنا يفرجها عليناويشرح صدورنا لحسن الواحد ...........خلاص مى محمود 24-08-2008, 09:40 PM اناكمان معك يا استاذى الفا ضل وربنا يفرجها عليناويشرح صدورنا لحسن الواحد ...........خلاص عبدالحليم المسلمى 24-08-2008, 09:52 PM الى معلمى مصر اللى منتظرين الحسنة من يد اللئيم وال***** اليكو هذا البيان من اللئام** امتهان الكادر جيد وفى مستوي التلميذ الخايب واللى مش عايز ينجح ذنيه على جنب الوزير الهمام mab_eg 24-08-2008, 10:08 PM ألا يعلم الرئيس الغافل الذي سيقف للحساب والعرض امام الله شيئا عن هذه المهزلة أم أنها بتدبير منه ومن أولاده من وراء الاستار لخنق وقتل هذا الشعب أو ما تبقي منه... غلاء في الأسعار .. ترك للكلاب والذئاب تعوي وتنهش من أتباعه في كل مكان ..ما تركوا لنا شيئا لنأكله .. وحتي الهواء عكروه كي لا نستنشقه ..وحتي الحلام وأدوها حتي لا نعيشها ..ولكن ياأخي الصابر المحتسب "إن ربك لبالمرصاد".. "وما ربك بغافل عما يعمل الظالمون " ..,ايضا .."لن يغير الله ما بقوم حتي يغيروا ما بأنفسهم "!!!! ع33 24-08-2008, 10:37 PM والله عرف زفت الطين يحرك فينا مشاعر وهموم كتير على فكرة نوع التاء في الكلمة زفت تطلع آيه kamel66 24-08-2008, 11:12 PM من المنيا عروس الصعيد الحضور كثير رغم الأعتذارات التي يؤكد بعض قيادات التعليم أنها وصلت في إدارة المنيا فقط حتي الخميس 24/8/2008م (( 4000 أربعة الف )) والمدهش أوكد المدهش هو تواجد أمني مكثف بصراحة مخجل جداً في حق المعلمين المهم التربوي يثير الشفقة علي ما درسناة بل هو إساءة وتدمير لرموز تعلمنا منهم العربي --- الكل إشتكي منه والتخصص تباينت ردود الفعل وأن شهدت حوادث إنهيار لبعض السيدات وبخاصة إبتدائي ((( علوم ))) والمضحك أزمة المرور وإستغلال التكسيات يعن يوم مر elgameel111 24-08-2008, 11:19 PM الظاهر اننا لم نعد نستطيع الا الكلام فقط ونقطع في بعضنا لكن ليس هناك وقفة حقيقية تعبر عن كياننا وياريت نقلل من الكلام ونزيد من الافعال حتى لا نصبح مهانين في المجتمع 0 على-يونس 24-08-2008, 11:50 PM يا استاذ مقاطعة الامتحان من وجهة نظرى الشخصية تشبه الى حد كبير مقاطعة الانتخابات عمرك سمعت عن حد فى مصرنا المحروسة وكنانة الله فى ارضه قاطع الامتحانات اقصد الانتخابات وغير من الامر شئ يا راجل خليك واقعى ماذا يعود على 200000معلم لوا قاطعوا الامتحان ودخل مليييييييييون الى مايمتحنش يوفر الملالييم الى هيدوهالوه لو كان نجح وملاليم على ملاليم تبقى ملايييين ونبنى مجلس شورى جديد بدل الى ولع وساعتها هيروق مزاج الاعضاء المبجلين ويفرحوا بالمبنى الجديد ويخترعولك كادر جديد وكل كادرررررررر وانت طيب طارق يقطين 24-08-2008, 11:50 PM انا بصرا حة مش عارف اقول اية فى الناس ........... انتم احلى شعب واحلى ناس ممكن يحكمها رئيس تبقى امه دعياله فى ليلة القدر ............... هو ع يلاقى ناس زى دى فين حسبى الله ونعم الوكيل فى اللى كان السبب عاطف جوده 25-08-2008, 12:22 AM يا جماعة نبطل تعليقات ملهاش لزمة وخلينا مع زفت الطين في اللي بيقوله sadamo 25-08-2008, 01:02 AM ياجماعة ماتشمتوش فينا الناس أكتر من كدة sadamo 25-08-2008, 01:08 AM أولياء الأمور فرحانة فينا وبقولوا دوقوا شوية من اللى إنتم بتعملوة فى أولأدنا حسيى الله ونعم الوكيل فى الظالمين اللى مش حاسين بمجهود المعلم الغلبان وكمان بيهنوا كرامته sadamo 25-08-2008, 01:24 AM هأ خلى إبنى أحمد يجيبلى قزازة كاكولا ويجى لية على لجنة الإمتحان فى كلية الحقوق جامعة الزقازيق تقا 25-08-2008, 02:47 AM انا عارف مين تقصد بزفت الطين .....................................واعتقد ان الكل يعرفه مش كده ولا ايه medo9393 25-08-2008, 03:06 AM أحييك أخى / زفت الطين وأنا معك فى كل ما قلت زفت الطين 25-08-2008, 04:04 AM أشكر الجميع على المشاركات والردود ولكن المهم الفعل وليس القول |