هو الغلط فيا و لا فيكم؟! [الأرشيف] - بوابة الثانوية العامة المصرية

مشاهدة النسخة كاملة : هو الغلط فيا و لا فيكم؟!

شموخ مسلمة

18-08-2008, 05:54 AM

السلام عليكم و رحمة الله و بركاته

ازيكم يا أخواتى عاملين ايه؟يارب تكونوا بخير
دلوقتى يا جماعة فى حاجة كده كل ما أفكر فيها بتوه اوى فقلت تفكروا معايا يمكن نوصل لحل

ايه بقى الحاجة دى ؟!

احنا كتير جداااااا نسمع فلان بيقول الدنيا وحشة اوى !الناس مش بشر مايعرفوش معنى الانسانية !
مع العلم أنى من الناس اللى بتقول كده و فعلا كل يوم تقريبا بتصدم فى حد و كل ثانية خوفى من الناس بيزيد

بس المشكلة بقى كل ما أقول لحد يقولى اه و الله و أنا برده !!!!!!!!!
طيب مين الناس دى ؟!مين فينا اللى بيخون و بيغدر ؟! مين فينا اللى بيجرح الناس؟!
لما احنا كلنا بنتجرح !مين اللى بيجرح؟!

طيب أوكى كلنا بنتجرح

طيب مافيش حد فينا فكر أنه ممكن يكون اتجرح اه بس برده جرح حد جرح أكبر من جرحه
ليه يا جماعة مافيش حد فينا بيحط نفسه مكان التانى ؟!
ليه مش بنلتمس لبعض العذر ؟!
طيب ليه حتى لو فعلا اللى أدامى غلط فى حقى و هو أعترف ,ليه مش أسامحه؟

هو يعنى أنا عمرى ما جرحت حد؟!
ما أنا زى ما بتجرح اكيد بجرح حتى لو بدون قصد بس بيحصل (حتى لو نادر )
طيب لو هو أصلا ما أعترفش أنه غلط ؟!!!!
يبقى ليه تزعل منه من غير ما تواجهه , مش ممكن يكون حصل سوء فهم ؟ مش ممكن تكون أنت اللى زعلته من الأول و جرحه ليك ده بمثابة رد فعل

طيب خلاص أوكى نرجع لموضوعنا الأساسى
مين برده اللى بيجرح مادام كلنا مجروحين وكلنا بنقول الناس وحشة (و أنا أولكم )السؤال بقى مين الناس دى ؟!

على فكرة يا جماعة و الله الموضوع ده أنا مش بلوم على حد معين أنا يمكن بلوم على نفسى أصل بعيد عنكم دايما بقول كده و فعلا بقولها من كل قلبى و الله يا جماعة أنا فعلا بقيت بخاف من الناس اوى , بس كل ما أقول لحد يقولى اه و الله عندك حق حتى لو الحد ده هو اللى جرحنى !!!!!!
فعلا ببقى محتارة جداااااااااا ,طيب لما أنا و الناس بنشتكى لبعض من الناس
يبقى مين بقى اللى بيجرحنا؟؟؟؟؟!!!!!!!!!
فى الاخر بقى أنا بس عايزة أى حد زعلته منى فى يوم أو جرحته يسامحنى أو يواجهنى باللى مزعله منى :)
بالتوفيق للجميع
و ياريت تخلصونى من حيرتى دى و تجاوبونى ع سؤالى:)

Rien

18-08-2008, 06:40 AM

بالنسبة لسؤالك
ف هو زى ما قولتى
احنا اللى بنجرح ف بعض وممكن من غير قصد !!
لكن مشكلتنا مش الجرح
مشكلتنا التمادى فيه
هايحصلنا ايه يعنى لو كل حد زعلان من حد تانى راح وقاله انا زعلان منك عشان كذا وكذا وكذا
ممكن يكون مش قصده
ممكن يكون فاهمه غلط
ممكن يكون فيه مبرر للى حصل
ويحصل عتاب بسيط
وبكدة يبقى الموضوع انتهى
---
اما بقى لو الجرح ده من حد قاصد يجرح
ف اكيد الشخص ده مش المفروض احطه ف دماغى ولا افكر فيه
وجرحه ليا يكون حاجة بتبعدنى عنه وعن التفكير فيه
بس برضو لازم اتأكد الاول ( لو الشخص ده حد مهم بالنسبة لى )
لكن لو مش كدة يبقى مش لازم اتأكد ولا افكر .. مجرد انى انسى الموضوع وخلاص
والكلام ده بالنسبة لى ( مع انها الحمد لله ماحصلتش معايا قبل كدة )
بس متهيألى ان ده المفروض يكون رد فعلى
وعارفة ان فيه ناس كتير حساسة اوى وبتتأثر اوى
لكن بجد التأثر الجامد ده مش صح !!
---
فيه بقى نوع تانى خالص
وهو ناتج عن الفراغ والتفكير المحدود
وده اللى منتشر بيننا اوى
تقريبا بقينا فاضيين ومش لاقيين حاجة تشغل تفكيرنا
ف الواحد بقى يدور على اى حاجة تضايقه وخلاص حتى لو تافهة !!
ويعيش دور المجروح التعبان اللى خلاص مش قادر يعيش ف الدنيا ومش لاقى حد جنبه
وكل الناس بتجرح فيه
واصلا مفيش اى حاجة حصلت !!
---
شكرا يا ملاك على السؤال
ويا رب يفرق مع اى حد
ومعلش انى طولت ف كلامى
:)

شموخ مسلمة

18-08-2008, 06:48 AM

Rien

18-08-2008, 06:59 AM

شكرااااااااااااااااااااااااااا يا حبيبتى ع ردك الجميل بجد كملتى الموضوع

بس انتى عارفة انا ساعات بشك انى ممكن ابقى من النوع الاخير اللى انتى كاتباه ...اصل مش طبيعى اللى بيحصلى ده :(
بس المشكلة انى مش فاضية يعنى انا اصلا صعب جدااااااااااااااااا انى ابقى مابفكرش فى حاجة مهمة دايما تلاقى دماغى شغالة تفكير و بالعكس لما بيحصلى كده بعطل حاجات كتير فى حياتى و بتبقى مهمة جداااااااااا و بضر نفسى مش عارفة بس متهيالى انا فيا حاجة مش طبيعية !
نورتى الموضوع ياقمر بردك الجميل:)
ماينفعش تكونى من النوع التالت الا لو كنتى فاضية فعلا ومش ف دماغك اى حاجة
وانا عارفة انك مش كدة
:)
انا ممكن اكون ماعرفكيش اوى الا من خلال ردود وموضوعات
لكن باحس انك بتتأثرى جامد باى حد واى حاجة تضايقك
صح ؟

شموخ مسلمة

18-08-2008, 07:12 AM

ماينفعش تكونى من النوع التالت الا لو كنتى فاضية فعلا ومش ف دماغك اى حاجة
وانا عارفة انك مش كدة
:)
انا ممكن اكون ماعرفكيش اوى الا من خلال ردود وموضوعات
لكن باحس انك بتتأثرى جامد باى حد واى حاجة تضايقك
صح ؟

:(:(:(:(:(:(:(:(
للأسف صح
لا بس باذن الله هيبقى كله عندى عااااااااااااااااادى
المهم
فى بقى سؤال تانى
تفتكروا ليه أصلا الناس بقت بتجرح من غير قصد ؟

Rien

18-08-2008, 07:40 AM

:(:(:(:(:(:(:(:(
للأسف صح
لا بس باذن الله هيبقى كله عندى عااااااااااااااااادى
المهم
فى بقى سؤال تانى
تفتكروا ليه أصلا الناس بقت بتجرح من غير قصد ؟
ان شاء الله
:)
بالنسبة للسؤال التانى
متهيألى فيه اسباب كتيرة
ممكن ان مش كل حد فاهم ايه طبيعة الشخص اللى قدامه
او مش بيعرف يراعى احساسه
ممكن حاجة تكون عادية بالنسبة لحد وكبيرة اوى عند حد تانى
:rolleyes:

Dr.diamond

18-08-2008, 08:42 AM

السلام عليكم و رحمة الله و بركاته

ازيكم يا أخواتى عاملين ايه؟يارب تكونوا بخير
كويسين الحمد لله . وانتى ؟؟
دلوقتى يا جماعة فى حاجة كده كل ما أفكر فيها بتوه اوى فقلت تفكروا معايا يمكن نوصل لحل

ايه بقى الحاجة دى ؟!

احنا كتير جداااااا نسمع فلان بيقول الدنيا وحشة اوى !الناس مش بشر مايعرفوش معنى الانسانية !
مع العلم أنى من الناس اللى بتقول كده و فعلا كل يوم تقريبا بتصدم فى حد و كل ثانية خوفى من الناس بيزيد

بس المشكلة بقى كل ما أقول لحد يقولى اه و الله و أنا برده !!!!!!!!!
طيب مين الناس دى ؟!مين فينا اللى بيخون و بيغدر ؟! مين فينا اللى بيجرح الناس؟!
لما احنا كلنا بنتجرح !مين اللى بيجرح؟!
احنا برضه الناس دى احنا الى عايشين مع بعض واحنا الى بنجرح وبنتجرح احنا برضه الى بنخون ونغدر .الناس كلها بتتعامل مع بعضها وبتلف فى دايره مغلقه

طيب أوكى كلنا بنتجرح

طيب مافيش حد فينا فكر أنه ممكن يكون اتجرح اه بس برده جرح حد جرح أكبر من جرحه
ليه يا جماعة مافيش حد فينا بيحط نفسه مكان التانى ؟كل واحد فينا شايف نفسه اكتر المجروحين ومتخيل ان مفيش حد قده فى جرحه
ليه مش بنلتمس لبعض العذر ؟!
طيب ليه حتى لو فعلا اللى أدامى غلط فى حقى و هو أعترف ,ليه مش أسامحه؟ يمكن مش بنلتمس العذر عشان مش عارفين ظروف الشخص الى ادامنا او اننا مش عارفين السبب الى خلاه يجرحنا ومتخيلين انه جرحنا لمجرد انه يجرحنا عشان كده مش بنقدر نسامح مع ان انك تسامح الناس دى ومتشيلش من حد ميزه جميله اوى بتخلى الانسان مرتاح نفسيا الى حد ما والمفروض فعلا طالما الى ادامى اعترف بخطأه يبقى لازم اسامحه لانى لو معملتش كده هبقى انا كده الى غلطان بعد كده مش هو بس على فكره مش كل الناس مش بتسامح فيه ناس عندها القدره على العفو وان كانوا قله فى زمانا ده ( قلبها ابيض يعنى)

هو يعنى أنا عمرى ما جرحت حد؟!
ما أنا زى ما بتجرح اكيد بجرح حتى لو بدون قصد بس بيحصل (حتى لو نادر )
طيب لو هو أصلا ما أعترفش أنه غلط ؟!!!!
يبقى ليه تزعل منه من غير ما تواجهه , مش ممكن يكون حصل سوء فهم ؟ مش ممكن تكون أنت اللى زعلته من الأول و جرحه ليك ده بمثابة رد فعل
ممكن جدا الكلام ده بس هنا دايما مش بنفكر كده عشان احنا وقت مبنكون زعلانين مش شخص معين بنبقى دايما شايفينه هو الغلطان واحنا المظلومين مش هنفضل نجيبله مبررات احنا بنجيها بس لنفسنا ونفكر بقى ازاى نقاطعه او نخاصمه او حتى نتقم منه لكرامتنا الى بهدلها معاه على اساس اننا مسببناش ليه اى ضرر
(كله شايف نفسه ضحيه)
طيب خلاص أوكى نرجع لموضوعنا الأساسى
مين برده اللى بيجرح مادام كلنا مجروحين وكلنا بنقول الناس وحشة (و أنا أولكم )السؤال بقى مين الناس دى ؟!

على فكرة يا جماعة و الله الموضوع ده أنا مش بلوم على حد معين أنا يمكن بلوم على نفسى أصل بعيد عنكم دايما بقول كده و فعلا بقولها من كل قلبى و الله يا جماعة أنا فعلا بقيت بخاف من الناس اوى , بس كل ما أقول لحد يقولى اه و الله عندك حق حتى لو الحد ده هو اللى جرحنى !!!!!!
فعلا ببقى محتارة جداااااااااا ,طيب لما أنا و الناس بنشتكى لبعض من الناس
يبقى مين بقى اللى بيجرحنا؟؟؟؟؟!!!!!!!!!
فى الاخر بقى أنا بس عايزة أى حد زعلته منى فى يوم أو جرحته يسامحنى أو يواجهنى باللى مزعله منى :)
بالتوفيق للجميع
و ياريت تخلصونى من حيرتى دى و تجاوبونى ع سؤالى:)
اهو جاوبتلك على شويه اسئله يارب اكون افدتك وطلعتك من حيرتك:rolleyes:

SmSm Basha

18-08-2008, 08:45 AM

هو يعنى أنا عمرى ما جرحت حد؟!
ما أنا زى ما بتجرح اكيد بجرح حتى لو بدون قصد بس بيحصل (حتى لو نادر )
طيب لو هو أصلا ما أعترفش أنه غلط ؟!!!!
يبقى ليه تزعل منه من غير ما تواجهه , مش ممكن يكون حصل سوء فهم ؟ مش ممكن تكون أنت اللى زعلته من الأول و جرحه ليك ده بمثابة رد فعل

اولاً : شكرا لحضرتك على الموضوع دا اللي كتير بحاول اكلم نفسي فيه و اكلم الاخرين فيه برضوه

ثانيا "تعليقا على الكلام المقتبس " : انا قبل كدا حصل معايا كدا بالظبط .... حد زعلني و بعدين قاطعتوة ... و بعدين روحت انا اصالحه مرة و اتنين و تلاتة ...... و لكن للاسف كان هذا الشخص يقابلني بفتور تام و حتى الان تعتبر الاعلاقات انتهت

ثالثاً: السؤال دا مش كان هيبقى موجود لو كان كل واحد فينا فكر في حديث الرسول (صلى الله علية و سلم) : " لا يؤمن احدكم حتى يحب لاخيه ما يحب لنفسه"

اسف على الاطالة و تقبلوا مروري و تحياتي

شموخ مسلمة

18-08-2008, 08:52 AM

اهو جاوبتلك على شويه اسئله يارب اكون افدتك وطلعتك من حيرتك:rolleyes:

اكيد ياحبيبتى استفدت جدا
بجد كلامك جميل اوى و مقنع

ربنا يكرمك يارب و ينور بصيرتك

شموخ مسلمة

18-08-2008, 09:02 AM

اولاً : شكرا لحضرتك على الموضوع دا اللي كتير بحاول اكلم نفسي فيه و اكلم الاخرين فيه برضوه

ثانيا "تعليقا على الكلام المقتبس " : انا قبل كدا حصل معايا كدا بالظبط .... حد زعلني و بعدين قاطعتوة ... و بعدين روحت انا اصالحه مرة و اتنين و تلاتة ...... و لكن للاسف كان هذا الشخص يقابلني بفتور تام و حتى الان تعتبر الاعلاقات انتهت

ثالثاً: السؤال دا مش كان هيبقى موجود لو كان كل واحد فينا فكر في حديث الرسول (صلى الله علية و سلم) : " لا يؤمن احدكم حتى يحب لاخيه ما يحب لنفسه"

اسف على الاطالة و تقبلوا مروري و تحياتي

جزاك الله كل خير ع مرورك الجميل
و فعلا لو قدرنا نطبق الحديث هنرتاح اوى

the black rose

18-08-2008, 10:49 AM

المشكلة اننا بنجرح من غير ما نحس
بس لما بنتجرح بيبقى صعب جدا
و بنحس اننا احنا المجروحين
و مبنفتكرش لما احنا جرحنا

و شكرا لفتح الموضوع

dr.saeed

18-08-2008, 05:35 PM

باحس انك بتتأثرى جامد باى حد واى حاجة تضايقك
هو دة اساس المشكلة
اننا نتأثر بسرعة
والمشكلة الاكبر
الامبالاة
والحل
نواجه
مش نكون ضعاف
ونطلع الى فى قلبنا
دون الخوف من الى ادامنا
فى امان الله

هنا الفقي

18-08-2008, 08:18 PM

السلام عليكم
بداية انا هاقلك يا شموخ لاني بحب الاسم ده اكتر
اما بالنسبة للموضوع ده
كل واحد عنده هموم كتير وكل واحد بالنسباله همومه نهاية الدنيا ...ولما حد تاني ييجي يكلمه عن همومه بيحس انها تافها وانه مكبر المواضيع
طيب عشان ما نطلخبطش
هاقلكم ده بمثال

مثلا في واحده اسمها منى _ وواحده هنا _ وواحده ملك ..............ماشي

منى عندها مشكلة كبيييييييرة في التعامل مع اهلها ف البيت وعلى طول مخنوقة ومش طايقة تكلم حد وحاسة انها اكتر واحده مهمومة ف الدنيا
هنا عندها مشاكل في المدرسة مع الاستاذ ومش منظمة وقتها فالدنيا ملخبطة معاها وبقت بتمشي تكلم نفسها وعلى طول مخنوقة برده ومش طايقة حد وحاسة انها نهاية الدنيا
اما ملك فعندها مشكلة مع اصحابها ,.....................نهاية الدنيا
وال3 اصحاب جدا
تخيلوا لما وحده تيجي تتكلم مع صاحبتها وهي مختنوقة اوي وصاحبتها مخنوقة جدا وكل واحد حاسس ان مشكلة التاني بسيطة فيبدا يدايق منه وف لحظة غضب كل واحد يقول للتاني كلمة .........
المواضيع باظت .....

وكل واحد ياخد فكرة وحشة عن التاني

ده مجرد سبب من الاسباب الكتيرة
عدم وجود لغة حوار او مساحة لتفهم الطرف الاخر

احنا محتاجين شوية صبر بس
ولما صاحبتك تتنرفز عليكي مثلا سيبيها تهدا
ايه المشكلة وطلعيلها 1000 سبب وعذر
وبعدين اتناقشوا ف وقت تاني

شكرا
ده مجرد راي

bosy .. mostafa

19-08-2008, 01:52 AM

بسم الله الرحمن الرحيم
انا اعترف اني جرحت انسان عزيز عليا اوي في مقام اخويا ويمكن اكتر
بس والله العظيم انا مش كان ليا ذنب ولا ايد في كده ..
كان غصب عني .. غصب عني جرحته .. و خليته ينسى ازاي يبتسم ولا يعني ايه يفرح :(
بعد ما كان دايماً بيضحك ولا بيسيب حد في حاله إلا لما يرخم عليه
والله ما كان قصدي .. بس مش عارفه افهمه ازاي كده :(
و اكيد فيه ناس جرحتها غصب عني
زي والدتي
لما بكون تعبانه ومش بقدر اساعدها فبتتضايق مني و ساعات بتدعي عليا
و بجد وقتها بيبقى نفسي الأرض تنشق و تبلعني و استريح
مش قصدي برضو و ربي يعلم كده :(
بس وربي بكون تعبانه و ورايا هموم و انا ادري كويس ان همها اكبر من همي .. دي شايله همي انا و اخواتي و هم بابا و هم البيت و هم تيته ..

انا عارفه اني جرحت ناس كتير و اكيد من غير قصدي وربنا يسامحني بقى
بس زي مانا جرحت .. انا برضو اتجرحت اوي :(
جزاكِ الله خيراً يا أرق ملاك للموضوع
و انا آسفه اني نكدت عليكم

a7la dody

19-08-2008, 08:40 AM

شموخ مسلمة

19-08-2008, 04:31 PM

[quote=شيرين2010;685464]المشكلة اننا بنجرح من غير ما نحس
بس لما بنتجرح بيبقى صعب جدا
و بنحس اننا احنا المجروحين
و مبنفتكرش لما احنا جرحنا

و شكرا لفتح الموضوع[/quote

و الله عندك حق
شكراااااااااااااااااا لمرورك الجميل

شموخ مسلمة

19-08-2008, 04:36 PM

هو دة اساس المشكلة
اننا نتأثر بسرعة
والمشكلة الاكبر
الامبالاة
والحل
نواجه
مش نكون ضعاف
ونطلع الى فى قلبنا
دون الخوف من الى ادامنا
فى امان الله

والله يادكتور هو فعلا دى مشكلتى الاساسية
بس هو انا مش بقى عندى لا مبالاة بس بجد انا بحاول ان بعد كده يبقى كله عندى عادى بمعنى انى مش هتاثر بحد مايستاهلش
من حيث المواجهة انا بواجه و بطلع كل اللى جوايا بس حتى لو عرفت ان اللى ادامى هو اللى غلط بيصعب عليا و بخاف اظلم حد
انسانة غريبة:(:(:(
لا بس ربنا ييسر باذن الله و اقدر اساير الناس
شكرااااااااااااااا لمرورك

شموخ مسلمة

19-08-2008, 04:40 PM

شموخ مسلمة

19-08-2008, 04:43 PM

شموخ مسلمة

19-08-2008, 04:48 PM

اهدوا ياجماعة مش كدا بردو ...
بصو بقا بصراحة انا عمري ما اجرح .. اوك انا ممكن ازعل بس ارجع اصالح على طول ..
واقدر اقول اتجرحت وعمري ما جرحت ..:(
بس مش عايزاك تقول ان خوفك من الناس بيزيد ..
يمكن انت كل الي كنت معاهم صدموك وجرحوك .. بس الدنيا مش كدا ولو دورت هتلاقي الي يفهمك
وعمرو ما يجرحك ابدا ..
لازم تغير وجهة نظرك وتخليها زي وجهة نظري ..:D:D:D
واخر حاجة انا بحب النقاش في المواضيع الي احس انها خاصة ..
اخـــ a7la dody ــتكم ..

مش عارفة و الله هو اكيد طبعا الدنيا فيها الحلو و الوحش بس يمكن من اللى بيحصلى مابقتش اقدر مااخافش من الناس
صدقينى و الله انا كتير حاولت بس حاجة مش بارادتى

ع فكرة هو مش موضوع شخصى هو بس سؤال دار فى دماغى مادام كلنا بنتجرح يبقى مين بقى اللى بيجرح ؟
بس ع فكرة انا بنت :):)
شكراااااااااااااا يا قمر ع مرورك

ملكة العرب

10-09-2008, 06:21 AM

فعلا يا ملاك احنا الي بنجرح بعض ومش بنعترف اننا جرحنا بحجة الكرامه
وبعدا محدش يزعل منك يا قمر

ملكة العرب

10-09-2008, 06:23 AM

بس انا بجد بتجرح ومش بجرح

شموخ مسلمة

10-09-2008, 06:30 AM

فعلا يا ملاك احنا الي بنجرح بعض ومش بنعترف اننا جرحنا بحجة الكرامه
وبعدا محدش يزعل منك يا قمر

ربنا يكرمك ياعسل
مش عارفة موضوع الكرامة ده
هو ممكن يمنعنا اننا نعترف اننا جرحنا حد؟!
هو متهيالى احنا لما بنجرححد بدون قصد بنحاول بقدر الامكان اننا نخفف الجرح ده

بس المهم ان يكون اللى أدامك عارف انك مش جرحتيه بقصد و الا يبقى مش فاهم اللى ادامه و دى بالنسبة لى بتسببلى جرح
فببقى جرحت اللى ادامى و جرحت نفسى فى نفس الوقت او اللى ادامى جرحنى مش عارفة صراحة
انا لما بفكر فى الموضوع ده ببقى نفسى مش اتعامل مع حد
لان انتى مثلا ممكن تعملى حاجة انتى شايفاها من منظور و غيرك شايفاها من منظور تانى خالص و يمكن انتو الاتنين تحسو انكو جرحتو بعض:(

شكراااااااااااااااا لمرورك يا قمر

ملكة العرب

10-09-2008, 06:40 AM

ايوه فعلا يا ارق ملاك ده بيحصل بس كمان انا لو جرحت حد من غير ما اكون قاصده مش بعرف اعتذر لي لاني بعتقد اني لو اعتذرت لي ممكن يتجرح اكتر بس انا عمري ما جرحت حد وانا قاصده

شريف ابوالنصر

10-09-2008, 07:03 AM

انا فى نفس المشكلة انا واللة فى مشكلة مابينى وبين واحد زميلى غلط فيه فاانا زعلت منه بس بعد ما المشكلة الى بينى وبينة انتهت ومعدناش بنكلم بعض اتخاصمنا جالى اصحابى وقالولى انه سمع كلام انك بتغلط فيه فغلط فيك على اساس الكلام ده فانا محتار اعمل اية انا محتار اروح اصلحة ولا لا اصل الكرامه وخدانى شوية والى مخلينى عاوز اصلحه انه كان كل مره بنزعل هو الى بيصلحنى فيها بس انا الوادى مش غلطان

noor_20

10-09-2008, 08:28 PM

هى المشكلة مش فى مين جرح مين لان كل ابن ادم خطاء ولكنالمشكلة ان الناس مش صريحة يعنى ممكن يكون حد زعلان منك وما يقولش فلما هو يعمل حاجة تزعلك تفتكرى ان هو اللى جرحك وده مش عيب فيكى بس ده يرجع لنوع الشخصية اللى بتتعملى معاها يعنى الناس انواع ممكن واحدة تزعل من حد وتتجرح منه بسبب ان هى فهمت الموضوع غلط وهو ما يكنش قصده حاجة احنا للاسف المفاهيم عندنا دخلت فى بعض وشكرا على الموضوع الحلو ده وتقبلى مرورى

الشفق الباكي

10-09-2008, 10:33 PM

انااا حاسه ان الناس كلها والله مهمومه وبطلع همومها فى بعض يعنى تلاكيك زى مابيقولوا وفى الاخر نجرح بعض من غير مانحس بدل مانساعد بعد الناس كلها مخنوقه من بعضها ناس حاسه بفراغ مخنوقه
ناس وراها مسئوليات مخنوقه
ناس مش لاقيه حد جنبها برده مخنوقه
فكله بيجرح فى كله وهو مش حاسس