يا جماعه انا مقدمه فى ثانوى عسكرى تمريض
وفى ورق مطلوب نجهزه ومن ضمن الطالبات بيان نجاح الاعداديه وصوره استماره النجاح ( ايه الفرق بينهم )
وطلب تانى عايزين إقرار بوظيفه والد / ولى الامر الطالب بخط اليد يعنى ايه مش فاهمه
ممكن حد يفيدنى ضرورى

اقرار من ولى الامر
انه موافق ع طلبك وان هو عارف انك هتقدمى ف ثانوى عسكرى
وبالنسبة ل بيان النجاح ف الاعداية
انك تعطيهم استمارة النجاح
واحد يعنى

شوفي يا بنتي

* * استمارة النجاح دي استمارة واحدة وبتبقى موجودة في ملفك اللي استلمتيه من مدرستك الاعدادية بعد النجاح والمطلوب صورة منها
أما بيان النجاح هذا بتذهبي الى الادارة التعليمية اللي انت تابعه لها وتقولي لهم عاوزه بيان نجاح هايطلبو منك تقريبا حوالة بريدية أو تسديد رسوم بسيطة ثم يعطوكي البيان مختوم بختم النسر
* * اما اقرار وظيفة ولي الامر بخط اليد فهو واضح كده ان ولي امرك يجيب ورقة بيضاء ويكتب فيها
اقرار
اقر انا / ....................................... . ولي أمر الطالبة / ....................
بأن وظيفتي هي ...................التابعة لوزارة ................ ادارة .................
أو اعمل أعمال حرة
هذا حسب فهمي للموضوع وربنا يوفقك

شكرا لحضراتكم ......... انا قدمت خلاص